23-03-17, 11:12 PM
| #34 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  لا تلهكم الروايه عن الصلاه وذكر الله الله اكبر............الحمدلله استغفرلله...........لا اله الا الله لا حول ولا قوة الا بالله الجزء التاسع عشر لفيت اشوفهم كانوا يتكلمون وباين انهم معصبين الاثنين اش عنده هذا مو مخليها تعدي متاكده بس شوي دخل ابوي وجلس جنبي لين:اش كان يبي منك ابوي؛ما فيه شي سكت ابوي وشغل السياره يمشي انا معد تكلمت يوم مقال لي شي رجعنا البيت ورحت الملحق كنت احس بدوخه من السياره وغثيان مالي نفس اكل شي شوي وسمعت دق على باب الملحق رحت افتح الباب لين:هاا يبه تفضل ابو وليد:لا رايح بس كنت بعطيك ادويتك نسيتها في السياره اخذتها منه كنت اطالع فيه احسه متكدر لين:فيه شي ابوي:لا لين:وش قالك طارق وكدرك كذا ابوي:بس كان يقول بيرجعك بس انا رفضت طالعني بسرعه:انتي ما تبين ترجعين صح لين:ايه ما ابي اقدر اربي عيالي اذ الله كتب وحدي ابوي:يصير خير ان شاء الله رح عني وانا اتابعه بعيوني احس مو بس هذا الي مكدره اكيد قايل له شي طارق هذا ابد ما عنده احترام ولا يستحي كنت طول اليوم جالسه وحدي في الملحق اصلا من لما جيت احتكاكي فيهم بسيط كذا افضل لي طلعت الحديقه بشم شوية هواء كان جوالي معي سمعت نغمت جوالي شفت وان المتصل رنا لين:هلا رنا رنا :اهلين هاه جاهزين بنمركم الحين لين:ليش رنا:بنروح السوق عشان اغراض للجامعه تقول مها لسه محتاجه اغراض لين:ما ادري محد قالي رنا:طيب خلاص روحي اجهزي شوي وجاينن لين:اوكي اصلا بس البس عبايتي رحت الملحق طالعت الجوال شفت رساله من مها تقولي ان بنروح انا ما فتحت الجوال عشان كذا ما شفتها رحت غيرت ملابسي ولبست العبايه واخذت اغراض لازمه معي بالشنطه وجلست انتظر في الملحق شوي سمعت دق الباب وقفت افتح مها:كويس متجهزه يعني شفتي رسالتي لين؛لا رنا دقت علي مها :كنت باجي اقولك بس انشغلت لين:عادي ما صار شي كان الكلام بينا بارد وبرسميه ما كانا اخوات سمعنا صوت السياره برى مها:يالله وصلوا لين:من بيودينا مها:اكيد السواق طلعت معها وركبنا بس طالعت قدام ما كان السواق كان الي دخل علينا المطبخ سمعت مها:السلام عليكم كيفك محمد محمد:وعليكم السلام هلا الحمدلله مها كيفك انتي مها:الحمدلله محمد:كيفك لين لين بصوت منخفض مدري سمعني او لا:الحمدلله حرك السياره انا ما عاد تكلمت ولا نبست بحرف رنا:وين تبغون نروح اي مجمع مها:عادي اي مكان هو بس كم غرض ناقصني انا ولين رنا :اوك وصلنا نزلنا مها لرنا:غريبه محمد مودينا رنا:شافني وانا طالعه وسالني لما قلت له قال امشي اوصلك على طريقي مها:كويس ماهو زي وليد وخالد ما منهم فايده دخلنا لقيت انا الي ناقصني بسرعه وخلصت بس رنا ومها اوف يدورون كثير ما بقي محل ما دخلوه وما يشتروا شي انا اوجعتني رجولي وحسيت الم ببطني مسكت على المكان الالم مها:لين اش فيك جت رنا عندنا بسرعه لما شافتنا رنا:فيكم شي لين:بس تعبت وعورني بطني من كثر المشي مها:طيب خلي بس احاسب ونروح الجلسات الي فوق نجلس انتظرتهم حاسبوا ومشيت معهم للجلسات فوق جلست اوه احس رجولي بتتكسر سكت شوي على اساس بيخلصون بس ابد ما فيه فايده مو مفكرين جلسوا معي شوي عرفت انهم باقي يبون يتسوقون بس ما يبوني اجلس وحدي لين:روحوا كملوا اغراضكم انا بنتظركم هنا مها:لا صعب نخليك وحدك لين:واذا جلست وحدي محد ماكلني بعدين انا جالسه هنا ما بتحرك لين تجون رنا:خلاص واذا احتجتي شي كلمينا جوالك فيه شحن طالعت جوال:ايه فيه رنا:يالله مها لسه اغراض كثير ما فيه وقت شفت مها متردده:روحي عادي والله راحوا وانا كنت جالسه مكاني اطالع في جوالي شوي اطالع للي حولي لمحت من بعيد طارق معه وحده قربوا شوي وجلسوا مو قريب مني بس اقدر اشوفهم اكثر هذي شكلها وحده من زوجاته جاي يمشيها حسيت بقهر منه لما شفته يسالها وبعدين راح لمحل كوفي يجيب لها الي تبي بعد نظري عنه خلاص هذا انتهى من حياتي ليه اقهر روحي عشانه شوي وكان نفسي في شي بارد قمت رحت الكوفي بشتري موكا بارد لفيت وانا انتظر طلبي كانت قريبه من طاولة طارق وزوجته لانهم جالسين مقابلين الكوفي لما لفيت طاحت عيني بعينه ابعد عيوني بسرعه ولفيت انتظر الطلب بسرعه لما جاء طلبي رحت بسرعه على الطاوله الي كنت جالسه عندها بس لقيت ناس صاروا جالسين مكاني جلست اطالع مكان فاضي بس ما لقيت كلها الطاولات مليانه سمعت صوت من وراي لين لفيت اشوف وانه طارق خفت بقوه قرب مني:لين كنت حاس اش تسوين هنا وحدك سكت ما تكلمت ليش لفيت لو سويت اني ما سمعت ولا اني مو انا بس انا هبله ما اعرف اتصرف طارق بحده؛تكلمي اش تسوين هنا وحدك لين:مو وحدي معي بنات عمي طالع طارق حولي:وينهم ما اشوف احد لين:لسه يتسوقون انا تعبت وجيت هنا طارق قرب مني بسرعه:وش تحسي فيه بعدين قال بعصبيه بس بصوت خافت:انتي هبله ما تعرفي ان المشي الكثير يضرك كنت ساكته ما اعرف اش اقول وهذا جايني بشره طارق بحده:امشي قدامي اوصلك البيت طالعته مصدومه :لا بدق على البنات وبنروح مسكني بيدي يسحبني؛امشي بسرعه طلعني من الجلسات لين بخوف:وش فيك انت مو رايحه معك فكني فكيت يدي عنه طارق بحده:لين لا تستفزيني لين بسرعه:ما استفزك خلاص بدق عليهم ونمشي انت روح لزوجتك طارق بستغراب:زوجتي لين؛ايه شوف تطالعك وانا اشر عليها لف طالع شوي بعدين لف علي يالله بسرعه كلمي ولا امشي قدامي دقيت على رقم رنا:الوه رنا رنا:هلا لين تحسي بشي لين :لا بس انتوا خلصتوا رنا:لا باقي شوي اطلبي لك عشاء وتعشي الين نخلص ما عرفت اش اقول :طيب خلاص كان يطالع لي :وش قالوا لين بهبل:باقي شوي اغراض وبيجون شفته راح مكان الي كان فيه الحمدلله افتكيت منه رجعت بدور لي مكان اجلس فيه لقيت طاوله بس لما كنت بجلس حسيت فيه يد تسحبني لين بخوف:انت اش فيك طارق :امشي قدامي بسرعه لين :ما بمشي فكني اش فيك طارق:ما رح اخليك تجلسي هنا وحدك الين يجون بنات عمك مدري مين امشي بسرعه قربت منا الي كانت جالسه معه :طارق اش فيك من هذي طارق:هذي لين مريم؛لين اش تسوي هنا وحدك طارق:مدري عنها تقول مع بنات عمها امشي قدامي لتندمين لين:فكني ما بمشي بعدين خلاص معاد لك حق علي فك طلرق؛لا يا حلوه انتي لسه زوجتي الين تخلصي العده واقدر ارجعك البيت غصب عنك متى ابي لين بخوف اكبر:بعد عني ما تقدر طارق:تبين تجربين خفت من نظراته انه ينفذ تهديده من الخوف حسيت شد في بطني مسكت بطني بسرعه طارق فكني بسرعه:اش فيك حاسه بشي سكت ما رديت عليه كانت رجولي ترجف اخاف ياخذني غصب ويرجعني بيته ما راح اقدر اعيش ابد لو صار هذا الشي جلسني على كرسي قربت مني مريم:لين تحسي بشي هزيت راسي بلا مريم:خلاص طارق بنجلس معها هنا لين يجون البنات شفته ياخذ كرسي ويجلس يعني متى تنتهي هذا المهزله مكان احد يتكلم فينا وانا منزله عيوني بالارض ما ابي اشوفهم وانتظر رنا ومها يجون شفته بطرف عيني يوقف طارق:تبون شي مريم؛ايه جيبلي معك اسبرسوا حسيت فيه يطالعني:وانتي تبين شي هزيت راسي وانا اطالع على جنب انتظر مها ورنا طولوا مره يقول نفسك في شي مو توي شريت موكا ومن شده لي طاح ولا حتى ذقته شوي رجع واعطى مريم طلبها وحط قدامي موكا بارد شكله قصده بدل الي كبه بس ما قربت عليه ولا لمسته مريم:لين كيفك لين:الحمدلله الحين احسن كثير رفعت عيوني اطالعه لما قلت كذا بس شفته يطالعني شوي لف عني اوف ليكون جرحته مريم:مبروك حامل لين بصوت منخفض:الله يبارك فيك مريم مواصله في الحكي ما تبي تسكت شكلها:اش عندكم هنا لين:اقضي للجامعه لف علي طارق بسرعه:بتروحي الجامعه لين :ايه بروح ابي اكمل دراستي طارق بحده:بحالتك هذي لين:وش فيني ما فيني الا العافيه طارق بقهر:انتي ما سمعتي الدكتوره لازم ما تجهدي نفسك لين بعناد وانا لافه وجهي:ان شاء الله ما فيه اجهاد ضرب بيده الطاوله بقهر شكله مقهور وما يقدر يطلع قهره بين الناس هنا شفته يوقف:يالله هذولي مطولين مو جايين لين بخوف:وش مطولين الحين بيجون طارق؛وين هم لي ساعه انتظر بسرعه طلعت الجوال ادق عليهم لين:رنا وينك رنا:الحين جايين وينك انتي لين :الحين جايه وبطلع من الجلسات قمت بسرعه اخذت اغراضي ما ابي البنات يشوفوني جالسه معهم طارق:وين لين:خلاص جوا بروح معهم رحت بسرعه لقيت رنا ومها قدامي لين بسرعه:يالله نمشي مها وهي تطالع ورى:هذا مو طارق شفته ورانا بمسافه هو ومريم اوف هذا اش يبي لين:ايه يالله دقوا على السواق بنروح رنا بهبل:جد هذا طارق ما شاآ الله هيبه شافت نظراتي انا ومها نطالعها ان مو وقتها رنا:خلاص مو حلو بس نبي كوفي مها:خلاص يالله نروح مره ثانيه رنا شكل مها حست علي وعرفت ان طارق واقفلي رنا:خلاص بدق على محمد مها:وليه محمد رنا:هو قالي دقي لي برجعكم دقت رنا وجلست تكلم انا كنت كل شوي اشوف بطرف عيني يكون راح بس لسه واقف قفلت رنا:يالله يقول نطلع كويس كان قريب مره من المجمع مها:حدد لك اي بوابه رنا؛قلتله من بوابه 3 مشينا رايحين يالله كويس برجع الملحق احس بخوف وانا معه بنفس المكان طلعنا من البوابه ندور سيارة محمد شفنا محمد واقف برى السياره يتكلم مع واحد لما شافنا قرب من السياره قربنا ركبت رنا ومها كنت بركب بس حسيت بالي سحبني يا لليل ما اطولك كل شوي واحد ساحبني شفت طارق بوجهي شكل ها الليل ما بيعدي على خير انا اش طلعني من البيت اصلا طارق:هذا السواق الي بتروحوا معه محمد:فيه شي يا ابو خالد طارق:ابد ما شي تسهل انت محمد:كيف نتسهل وبنت العم ما ركبت قربت بركب بس سحبني مره ثانيه قلت لكم اليوم شكل يدي بتنفك من سحبه لي طارق:بنت عمك بعدها زوجتي وانا بوصلها قرب منه محمد:اذكر اذا ما خاب ظني انك مطلقها من حدود اسبوعين طارق:وانا اذكر اذا ما خاب ظني انها لسه زوجتي دام ما خلصت عدتها ولو ابي الحين ارجعها شفت نظرات الغضب في عيون الاثنين محمد:طارق فكنا من المشاكل وخل البنت تركب اهلها دارين انها جايه معي شد على يدي بقوه وطالعني بغضب رجع طالع محمد :تسهل وما عليك انا بوصلها البيت قبل توصل شفت محمد يتراجع خفت مره من اني اروح معه رجع سحبني بقوه شفت مريم جالسه في السياره قدام مشى وفتح لي الباب من ورى وركبني لف من ورى السياره وركب شغل السياره وحرك بقوه طارق بعصبيه:وانا على بالي جايه مع السواق لين بعصبيه وخوف؛وش فيها اذا جيت معه هذا ولد عمي ترى طارق:انطمي لا تتكلمين ما ابي اسمع صوتك لفيت عنه وانا ماسكه دموعي متى افتك من اهانات هذا الرجال طفشت منه مرره طارق بحده:ثاني مره تبغين شي قولي لاخوانك الي الواحد مثل الثور في البيت بدون فايده ولا دقي علي انا اجيك ما تروحي مع احد انقهرت منه مهما كان هذولي اخواني ما يسبهم قدام اخته وقدامي بدون احترام رديت عليه بغضب:اذا هم ثيران فانت زيهم ربط فرامل بسرعه الين دقيت قدام ولف علي سحبني بقوه طارق بعصبيه؛اش قلتي مريم بخوف:خلاص طارق اش فيك البنت حامل تضرها طارق ولا كانه سامع شي ويهزني:ردي اش قلتي عيدي ابي اسمع بكيت بخوف منه ما صدقت افتك من كابوسه رجعلي مره ثانيه شفت جوالي الي يدق بحضني فكني بسرعه ومد يده اخذ الجوال شفته يقفل في وجه الي يتصل وجلس يضغط فيه بعدين سمعت نغمة جواله رما علي الجوال طارق:شوفي حفظت رقمي عندك اذا بغيتي شي تدقين لي فاهمه ولا والله ارجعك بيتي وانتي ما تشوفي الدرب انقهرت مره منه وسكت لاني ابي اوصل بيت ابوي بسلام وصلنا شفت سيارة محمد واقفه عند الباب نزلت بسرعه بس طارق نزل كمان سمعته يكلم محمد:خير الاخو ينتظر يتاكد اني برجعها محمد باستفزاز:ايه والله ابي اتاكد لاني انا الي طلعتها من بيت اهلها ابي اتاكد من رجعتها ما سمعت من طارق صوت كنت داخله البيت بس سمعت صوت الكفر بقوه بسرعه رحت الملحق احس بامان وانا فيه بعيد عن كل العالم اليوم كان طويل وما بغى ينتهي على خير فتحت جوالي شفت رقمه مسجله باسمه في جوالي انقهرت منه لمتى بيجلس يتحكم فيه لمتى متى انفك منه وارتاح اليوم الثاني ناداني ابوي اتغداء معهم بس رفضت شوي وجاني ابوي بنفسه ابو وليد:لين بنتي تعالي تغدي معنى لين :مالي نفس ابو وليد:كيف مالك نفس لازم تغصبي على روحك الحين انتي مسؤله عن حياة شخص ثاني ومو واحد اثنين انتي تبين يجيهم شي بسسب قلة تغذيتك لين:لا ما ابي ابو وليد:خلاص لازم تهتمي باكلك وتجبري نفسك عشانهم هم يالله يا بنتي ومن اليوم ابيك تتغدين معنى معاد فيه اكل بروحك رحت معه كنت جالسه اكل بس بالي في مكان ثاني باقي على الجامعه اسبوعين فكرت لو اروح بيتنا الي بديره اجلس هناك الاسبوعين الي باقي الين المدرسه احس محتاجه قوه اقوي نفسي وممكن احس بهذي القوه هناك يمكن امتد شوي من قوة جدتي وامي هناك ابو وليد:وش فيك يا لين ما تاكلين لين بهدؤ:قاعد اكل سكت شوي وكملت:يبه ابو وليد:سمي يبه لين:باقي على الجامعه اسبوعين عادي اروح بيت جدتي لذاك الوقت سكت ابوي شوي:بس يبه تروحي عند مين ما فيه احد هناك لين:فيه جيرانا بعدين متعوده على الحياه هناك الو وليد:مقدر اخليك وحدك تروحي وانا مشغول ولا كنت رحت معك صعبه يا بنتي لين بدموع:الله يخليك يبه محتاجه اروح بس حتى لو يومين وليد؛خلاص يبه انا بوديها وبجلس معها ابو وليد:بس وليد:خلاص يبه ما تثق فيني وان شاء الله نرجع بسلامه سكت ابوي يوم شافني ابكي قام عن السفره وراح فوق انا وقفت بروح سمعت وليد:خلاص خليك جاهزه بعد بكره نروح لين:بس انت ما تعرف الطريق وليد:عادي بسال والي يسال ما يتوه واكيد انتي من بداية القريه بتعرفي الطريق هزيت راسي بفرحه:ايه اعرفه وليد ببتسامه حنونه .خلاص اجل جهزي نفسك رحت بسرعه وانا متحمسه مدري ليش طرا بيت جدتي لي ها الوقت بس كنت مشتاقه اروح ابي احس اني رجعت زي زمان من امس بعد موقفي مع طارق وانا افكر اني اروح ابي اكون بعيده ابعد شي عن ها المكان مرة اليوم الي بعده وانا شاغله نفسي بروحه الديره كنت احس بفرح وخوف في نفس الوقت كنت خايفه مدري ليش يمكن لاني بدخل البيت وما بشوف جدتي فيه يوم السفر ركبت مع وليد وشفت مها جايه معنى ركبت قدام وانا جلست ورى كانت تسولف طول الطريق مع وليد وانا ساكته وطالع من الشباك كان نفس الطريق قبل حدود ثمانيه شهور او تسعه نفسه بس اختلاف ان السايق مو عبدلله وليد والي معي مو جدتي مها والطريق مو روحه المدينه كانت رجعه كانت دموعي تنزل بصمت ليتني ما مشيت ذا الطريق ولا عرفته ليتي افتح باب بيتنا القي جدتي في الحوش جالسه على الحصير تدعي ربي وتستغفره ليت اشياء كثيره بس خلاص الزمن مستحيل يرجع كان في قلبي خوف ما اعرف سببه كل ما قربت المسافه لما شفت الوحه القريه فز قلبي قعد اطالع حولي كان لي مية سنه غايبه كنت اشوف كل شي حولي تغير مدري انا الي اشوفه ولا صدق تغير كنت اشوف المكان كله صار غريب علي ما كاني سكنت فيه بيوم كنت اعلم وليد الطريق وانا احس الغصه خانقتني لما قربنا صرت بس اشر له على الطريق الي يمشيه ما عد اقدر اتكلم احس خلاص لو بتكلم ببكي وقفنا عند البيت كانوا ينتظروني انزل بس انا احس رجولي ثقيل تحاملت على نفسي ونزلت غصب كانوا يطالعوني بستغراب اش فيني مو انا الي فرحانه امس بروحه تغير كل شي قربت من الباب وانا احس نفسي منهاره لما وصلت لين الباب حاولت افتحه بس ما قدرت كانت يديني ترجف وجسمي كله يرجف قربت مني مها بسرعه :لين اش فيك هزيت راسي وانا اسنده على الباب ما قدرت ادخل ما اقدر احس انها ماتت زعلانه علي ما اقدر ادخله وانا احسها زعلانه وغضبانه مني انا تركتها وقت حاجتها لي تركتها لما كبرت وهي ضمتني وانا صغيره وكبيره كنت ابكي بقوه نزلت على الباب شكل وليد ومها خافوا علي قرب وليد بسرعه وليد:استهدي بالله لين اش فيك ضمني لصدره واول مره يسويها بكيت بقوه:اكيد كانت زعلانه مني اكيد احس كل المكان غضبان علي وما اقدر ادخل البيت احس برجفه في جسمي اكيد يصير فيه كذا عشانها زعلانه مني مها:خلاص يا لين ما يجوز عليها الا الرحمه انتي تعذبينها ادعي لها وتصدقي عليها عشان تكسبي ثوابها وقفني وليد ولسه ضامني له وليد:تبين نرجع رجعنا ناظرت البيت ما قدرت ما قدرت والله ما احد حاس بالي داخلي مقدر ادخله وهي مو فيه احس اذا دخلت روحي بتفارقني واذا رحت عنه روحي بتفارقني كمان ليتني ضميتك وشفتك قبل موتك ما شبعت منك خذاك الموت مني ولسه ما شبعت منك مشاني وليد الين السياره ركبت ودموعي ما وقفت ناظرت البيت وكاني اشوف مولدي طفولتي مراهقتي كم مشيت هنا وضحكت كنت اسولف لجدتي كنا نروح سوا لام عبدلله تذكرت حياتي عمري ما عرفت الهم ولا عشته عمري ما عرفت الضيم ولا جربته عمري ما عشت الوحده ولا حسيتها بس بموتها راح كل شي حتى لما كنت في بيت طارق قبل موته ما كنت احس اني وحيده كنت اقوي نفسي واقول بكره ارجع لها وعيش جنبها وفي حضنها بس الحين هي تحت التراب وانا فوقه بعيده المسافه بعيده جدا بكيت وهل بكاء القلب يجدي؟.. فراق احبتي وحنين وجدي!! فما معنى الحياه اذافترقنا,,؟؟ وهل يجدي النحيب فلست ادري!! فلا التذكار يرحمني فأنسى,,, ولا الأشواق تتركني لنومي,,, فراق احبتي كم هزّ وجدي,, ,, مشت السياره وعيني معلقه بباب البيت ليته ينفتح وشوفها ثواني بس ثواني وبعدها اقبضوا روحي مابيها دنيا مالي احد فيها حسيت اليوم وكانها توها تموت حسيت نفسي كانت في كابوس وقمت على كابوس افضع منه كرهي زاد لطارق ابوي جدي مها كلهم كل من كان له سبب بحرماني منها مر علي يومين وانا حبيست الملحق بس اخذ الاكل من الشغاله اذا جابته مرني ابوي كذا مره بس ما فتحت الباب كنت اطالع بس من الشباك وارجع افتح التلفزيون اطالع فيه بدون اهتمام حتى جوالي رميته ولا ادري عنه كنت اجبر نفسي بالاكل بس عشان الي ببطني يمكن مالي غيرهم ومالهم غيري كنت احس بخمول وكسل مرره واغلب وقتي نايمه مدري كيف بسوي بالجامعه مدري بنجح ولا لا بس لازم اشد حيلي عشان عيالي عشان امن لي مستقبل عشان بعدين ما يحتاجوا لاحد حتى ابوهم بعيش حياتي لهم وعشانهم كنت امسح على بطني وانا افكر اكيد بيعوضوني عن كل شي بدنيا مرة ايامي وانا لسه معتكفه وحدي بكره بيكون اول يوم دوام كنت متحمسه بغير جو وبطلع قمت الصباح على المنبه الي وقته الساعه 6لبست وتبت شعري حطيت بس كحل بسيط وروج شوي سمعت الباب يدق رحت افتح وان الشغاله جايبه لي الفطور اخذته افطرت وجلست اقرا في روايه شريتها من المكتبه قبل فتره كانت بولسيه لاجاثا كرستي اسمه (جريمه على قطار الشرق ) كانت روعه جدا جدا انصح الي ما قراها يقرها اندمجت معها وما حسيت بالوقت الين سمعت تغمت جوالي اخذته طالعت الساعه 7ونص اوف ما حسيت بنفسي كانت رنا المتصله لين؛هلا رنا رنا بعصبيه:وينك انتي نضرب لك بوري بسياره ما تطلعين وقفت بسرعه طالعت من الشباك:والله ما سمعتكم يالله جاهزه بالبس عبايتي واطلع رنا:يالله ننتظرك لين:رنا رنا لحظه رنا:هلا لين:من الي جابكم رنا:السواق لين:خلاص دقايق الحمدلله السواق قلت انه محمد منحرجه منه من بعد بهذلة الحيوان لي قدامه اخر مره لبست العبايه بسرعه واخذت شنطتي شفت الروايه جنب الشنطه يالله ارجع الظهر اكملك والله روعه ابي اعرف اش يصير طلعت بسرعه لما سمعت يدقون علي بسياره والله تاخرت بتاكلني رنا ركبت ورى وسلمت بسرعه شفت السواق يتحرك كلمة رنا:ومها ما بداوم رنا:لا الحين انا مو عايشه معها اعرف وانتي ما تدرين لفيت الجهه الثانيه وما رديت ريما :كيفك لين لفيت عليها وانحرجت دخلت ولا سلمت لين:هلا ريما كيفك ريما:الحمدلله طيبين ها البنت طيبه ومالها باحد يعجبني الي كذا امس رنا اصرت اني اروح معهم الجامعه عشان تعرفني على المكان والبنات مع ان تخصصاتنا مختلفه رنا كانت داخله ادارة اعمال وانا تربيه فنيه دخلنا الجامعه كان شي جديد علي مررره كبيره وبنات كثير واشكال غريبه كنت اطالع بستغراب حوالي حسيت بدقت رنا لي رنا:بشويش راسك بينكسر وانتي تتلفتين لين:بلا مبالغه رنا:تعالي بعرفك على شلتي رحت وتعرفت على صديقاتها كانو كثير حوالي 12وحده وانا ورنا ريما من اول ما دخلنا الجامعه راحت وخلتنا كنت مستحيه من زميلاتها شوي ورحت انا ورنا عشان اخذ جدول محاضراتي ورجعنا جلسنا نسولف كانت كل وحده تسولف على الي جنبها ورنا اندمجت معهم انا جلست ساكته يمكن لاني من النوع الي ما ياخذ مع الناس بسرعه يعني ما اقدر اندمج بسرعه مع اي احد جلست جنبي وحده منهم مع ان رنا عرفتني عليهم بس نسيت اساميهم كثير البنت:انا منى لين:اهلين منى:انا معك في نفس المجال وراح تكون اغلب محاضراتنا سوا جلست تسولف كنت اكثر شي مستمعه بس شوي ودخلت معها كانت مره طيبوبه راحوا كلهم ما بقي الا انا ومنى ووحده اسمها سمر كان اليوم ما عندي محاظره الا الساعه عشره سمر:راحوا كلهم ما بقي الا بنات التربيه الفنيه كنت انا ومنى وهي بس الي جالسين لين:كلكم محاضرتكم الساعه عشره سمر:ايه والساعه الحين 9باقي ساعه كنت بتاخر ما باجي الا الحين بس رنا صرعتنا امس لازم نجي بدري عشان تعرفنا عليك انحرجت منهم بس هم شافوا وجهي:ضحكوا كلهم منى:لين تعودي على سمر شوي مرجوجه يعني مو شوي كثيرالله يصلحها قامت بسرعه سمر نقزت قدامها:وش قصدك فزيت انا ومنى من نقزتها وطالعنا حولنا شفنا البنات يطالعون لنا منى:ما قصد شي خلاص اجلسي شوفي البنات يطالعون فينا سمر :ما علي من احد منى بضحكه:سمر كيف ولد عمك الحلو سمره وهي تريح على الكرسي وبتنهيده:ااااه يا قلبي طيب ما عليه بس مالت عليه ولا شايفني بس انا وراه والله اطلع عيونه طالعتها بستغراب:هو خطيبك سمر:ايه خطيبي منى: هي تحبه ومو معطيها وجه لين:وليه تحبي احد يمكن ما يكون نصيبك معه سمر:لا نصيبه معي غصب ولفت عنا بضيق منى :هو خاطبها بس من فتره طويله ما اعرف السالفه بس هذي البنت بتنجن عليه وهو مو معطيها وجه سمر:عندي امل بيعطيني اصلا ماله غيري بعدين هو بيحبني من حبي له لين:ما فهمت ليه خاطبك دام ما يعطيك وجه سمر:انا مخطوبه له من انا صغيره مره لين :محيرك يعني سمر :لا سالفه طويله قامت بتهرب: بسرعه يالله انا بروح اجيب كوفي تبون معي منى:ايه ابي كبتشينوا لين:اي شي بارد كنت بطلع فلوس اعطيها بس ضربتني على راسي وكان بينا ميانه من مية سنه يمر:المره هذي علي راحت عنا ضحكت منى لما شافتني اطالع سمر بستغراب من حركتها منى:لازم تتعودين على يمر كذا دفشه لين: اا عادي بس اش فيها كانها تضايقة منى:نفسك ما نعرف السالفه الي اعرفه انها مخطوبه له ودايم تحكي عن حبها له بس تقول مو معطيها وجه وبس وانها بتخليه يموت فيها لين:مسكينه منى:وش كمان انتي تحبين ومو معطيك وجه سكت وما رديت عليها انا حاله الستثنائيه منى:انتي متزوجه طالعت فيها مستغربه كيف عرفت:وش دراك منى:باين من بطنك طالعت بطني صادقه مع ان توي بداية الثالث بس احسه كبير لين:لا مطلقه منى:اها اسفه لين ؛عادي ما صار شي شي طبيعي سكتنا الثنتين وجلسنا نطالع شوي وجتنا سمر بسرعه وهي تزحلق على البلاط ولا كانها شايله شي بيدها صدقها منى البنت ذي مره مرجوجه بس ما شاء الله عليها ما همها احد ولا همها البنات يطالعونها اهم شي تعيش جوها سمر :هلا هذا طلبكم منى:طيب امشي بشويش البنات كلهم يطالعونك جلست سمر بدون اهتمام:كيفي اسوي الي ابي محد له دخل فيه كنا نشرب الكوفي بهدوا لما نقزت سمر قدامنا:باقي على المحاضره نص ساعه اش رايكم نسوي جريه منى:والله ما فيني لخبالك طالعتني سمر لين:انا ما قدر والله سمر:ليش صدق مملات منى:سمر لين حامل وين تجاريك طالعت سمر بطني:جد حامل كم لك لين:توي دخلت الثالث منى:ما شاء الله الله يتمم لك كنت لابسه بلوزه شوي وسيعه عشان كذا ما بين بطني مررره بس لما جلست بين شوي سمر جلست بملل:اوف يعني بجلس كذا الين تجي المحاضره منى:اش تسوين الله يعينك سمر طالعني:من متى متزوجه عشان كذا اجلتي الترم الاول منى:اشرت لها تسكت لين:لا اجلت عشان ظروف وانا الحين تقدري تقولي مو متزوجه تطلقت سمر بصدمه:جد واوف ما احد مرتاح من ناحية القلب منى:انتي ما قطع قلبك الا الحب ركزي على مستقبلك وخلي الحب عنك سمر:مقرره كذا لفت علي:انتي كنتي تحبينه لين:ما عرفته الا بعد الزواج وما حسيت بها الاحساس معه سمر:عشان كذا فراقه سهل عليك سكت ولفيت وبوجهي عنها الي بقلبي بخليه ما بخلي احد يدري فيه مهما كان وقفت منى:يالله بنات المحاضره سمر:باقي عشر دقايق منى:على ما نوصل المبنى الا وقد بدت بسرعه استعجلوا طلعنا من المحاضره ورحنا مكان الي قبل لقيت رنا والبنات جالسن لين:رنا هاه نمشي خلصتي رنا:ايه خلصت بس لسه ريما شوي وتجي اخذت عبايتي وشنطتي لما شفنا ريما جايه مشينا وطلعنا لسواق رجعت البيت تعبانه واحس ظهري يعورني مررره من الجلسه ورجولي يالله اوقف عليها جابت لي الشغاله الاكل اكلت ونمت قمت العصر صليت واخذت جوالي كان فيه رساله فتحتها كانت من طارق (لا تنسي ادويتك) اش يبي هذا ونهايتها بس تذكرت ادويتي ايه صح ما اخذتها بسرعه قمت اخذت مويه واخذتها خليت الجوال وروايه الي كنت اقرها الصباح وطلعت الحديقه كان نفسي اشم هواء ظهري كان لسه احس فيه الم خفيف يعني كل يوم بحس كذا اوف تعب وباقي لسه مشوار لسه علي سته شهور مسحت على بطني وانا اتخيل اشكالهم كيف ابتسمت احس مرره فرحانه نفسي تمر الشهور بسرعه واشوفهم تذكرت رسالت طارق معقوله مهتم مو على اساس ما يبغاهم يالله بس اولد معاد يصير له اي حق علي ولا في شي الحين لازم اتجنبه عشان ما يسويها ويرجعني لبيته غصب اخذت الرواية وجلست اقراء فيها بندماج ما حسيت بنفسي الا واذن المغرب كنت مقربه اخلصها وجاني حماس مرره ابذ اعرف من القاتل بس تركتها ورحت اصلي المغرب لما صليت قريت اذكاري وجلست شوي على سجادتي بعدين قمت رتبت السجاده والشرشف الصلاه كان نفسي في اسكريم بس مين اقوله مدري جت في بالي شي قلت خلي اجرب فتحت الواتس لقيت اسم طارق قتحته وارسلت بس كلمتين(نفسي في اسكريم) بعد ما ارسلتها ندمت مرره ليتني ما ارسلت وش يقول علي الحين مدري كيف اتراجع بس خلاص شفته فتح الواتس وقراها رميت الجوال وش الخبال الي جاني هذا كيف ارسله كنت ابي اتاكد هو جد يبي الحمل هذا ولا تمثيل قدام الكل يعنني مهتم بس جد ليتني ما ارسلت اش الهبل الي جاني شكل سمر اعدتني تذكرتها وضحكت الله يسعدها هالبنت فله اخذت الجوال مكان فيه اي رد من طارق طنشت وفتحت محادثة سمر اليوم تبادلنا الارقام كتبت لها:عديتني بهبالك معاد بقعد جنبك باد فتره ردت :تطولي انتي هبلي روحي بس ضحكت عليها وقمت اخذت الرويه اكملها شوي ورميتها لما خلصتها الله روعه ونهايه غير متوقعه بجد ما شاء الله الكاتبه مرره مبدعه وذكيه سمعت صلاة العشاء قمت صليت لما خلصت سمعت دق على الباب فتحت كانت الخدامه تعطيني كيس كبير اخذته وطالعته كان فيه ثلاث علب اسكريم من باسكن لين بستغراب:من اعطاك ميري:هذا السواق يقول واحد جيب يقول حق مدام لين لين:خلاص اوك عرفت انه من طارق حطيته في الثلاجه وفتحت واحد جلست اكل منه وانا اتلذذ مرره جميل كان بالكرز جميل جدا اخذت جوالي لقيت رساله من طارق (طلبك وصل) سكرت الجوال بدون ما ارد عليه مرة الايام روتين عادي من الجامعه البيت ومن البيت الجامعه وكان كل يوم تجيني رساله من طارق يذكرني بالعلاج يالله طلع منه فايده لان احيان صدق انسى بس رسالته تذكرني معاد عد حركتي هذيك وطلبت منه شي علاقتي مع البنات في الجامعه تطورت مره خصوص مع منى وسمر سمر كان لها دور كبير في تغيير نفسيتي البنت هذي فله مرره ما تحس بطفش معها بس احيان تنسى اني حامل وتبدا عبطها علي عرفت ان رشا معنى في الجامعه اكثر من مره اشوفها كانوا دايم يجلسوا قريب منا والحظها اغلب وقتها تطالعني بس اطنشها ما ابي اي علاقه بينا خلاص لين بحده:سمر خلاص بلا استهبال سمر:خليك تصحصحي شايفتك نايمه واخذت مويه رشتها في وجهي شهقت بقوه من بروده المويه لين:يا الحيوانه قمت بسرعه نسيت نفسي بس قهرتني سمر:تركض بسرعه وانا ورها ما كنت اقدر اركض بقوه بس احاول اجاريها وبيدي المويه قربت منها بسرعه لما كانت واقفه بس شافتني اقرب هربت من جنبي ودفتني على خفيف تحب تقهرني تجي من جنبي وتسرع تدري ما اقدر الحقها بس جاء في بالي شي مسكت بطني كني تعورت من دفها لي منى قربت مني بسرعه:تعورتي لين غمزت لها على خفيف وهزيت راسي بايوه فهمت علي منى:سمر يا الهبله عورتي البنت سمر بقلق:جد لين جد عورتك كانت منى تمسكني ومشينا لين الطاوله وانا كاني منزله نفسي بس كنت امسك العلبة المويه بيدي قربت سمر وجلست جنبي:خلاص لين والله مو قصدي منى بحده ومن جدها:كم مره قلنا اتركي البنت البنت مو زيك هي حامل قبل ما ترد سمر عليها ما حست الا بالمويه عليها من قوق راسها شهقت بقوه :يا التبن كلمتها حسيتها زي نغزه في صدري لين؛تستاهلين لعاد تجين جنبي اذبحك بعدين اخذت سمر فاين تمسح شعرها ووجهها سمر:طيب مردوده بس تولدي واتوطى ببطنك لين بمزح :اوك قوليلي عشان اتجهز لك تتوطين سمر:تستخفين دمك كنت برد عليها بس سمعت نغمت جوالي اخذت شنطتي طلعته اشوف مين بس انصدمت لما شفت رقم طارق ينور الشاشه خير اللهم اجعله خير اش يبي هذا طنشته رجعت اسولف مع البنات جتني رساله فتحتها كانت من طارق فتحت عيوني من الي مكتوب مو من جده هذا اكيد يستهبل كتتتتتت | ||||
|  |
|
27-03-17, 02:27 PM
| #38 | ||||
| السلام عليكم ورحمة الله وبركاته رواية اكثر من رائعة والشخصيات مميزة خاصة لين والله ها البنت مسكينة الله يرحمها من عند اكثر بكيت معها بس رواية تحفة كملي اختي منتظرينك مشان نعرف شو راح يصير مع لين وطارق وبالخصوص نعرف سبب كره طارق لوليد. موفقة بإذن الله ... لك مني أجمل تحية . | ||||
|
| |
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
65Likes
.png)
.png)
العرض العادي
