24-07-17, 11:31 PM
| #1 | ||||
|  روايه قلوب تهوى الفراق للكاتب/بنت الصعيد روايه قلوب تهوى الفراق رومانسية،حزينه،لاتخلو من المواقف المرحه والدينيه الشخصيات عائله (أبو سعود) أبو سعود(محمد)سنه55 رجل أعمال ناجح زوجته متوفيه من10سنين عنده ولدين وبنتين... ام سعود(فاطمه)متوفيه من 10سنوات بسبب الخبيث.. سعود؛ الابن الأكبر عمره30 متزوج هاجر بنت عمه عمرها25 وعندهم توم نوف ونايف... احمد؛الابن الثانى عمره25 خاطب بنت عمه أخت هاجر ريناد عمرها 20سنه .... رهف؛عمرها 19سنه بنت كتير هاديه ومرحه... فاتن عمرها17 أكتر شخص تأثر بوفاة فاطمه لأنها كانت تعتمد على امها بكل شئ ولأنها كانت صغيره وقت توفت تصرفاتها طايشه والبنت المدللة ... (البارت الأول) فى قصر كبير جالسه فى غرفتها ومسكره الباب من الداخل جالسه على السرير ومتربعه وبيدها سيجاره وبتدخن بقهر... فاتن:أوف من هى العيله متى ياربى بفتك منهم نظرت للسيجاره إلى بيدها وضحكت بصوت خفيف ميشان مايسمعها أحد اه لو يدرى سعود انى عم دخن والله ممكن يفصل راسى عن جسمى بس والله ما يقدر يساويها ابوى بيقتله ماشى يا سعود عم تعيط على ومريم الهبله جالسه هون والله مابعرف أختى رهف كيف قبلت بهى تكون رفيقتها العمى تلوع الكبد واللوان الطيف يالى حطها بوجهها مبينه مثل المهرج هههههه بس بسيطه مو مشكله يا سعود أنتظر بس وشوف شو بيجيك منى اه تدرون أوقات عم حس حالى انا والشيطان واحد لك انا شو عم قول أستغفر الله بس والله افعالى مو هينه وأنا بعرفهم مين بتكون فاتن.. ............ فى غرفه رهف (مريم)صديقت رهف عمرها19 بنت جميله وكتير شيك متكبره لدرجه كبيره وصادقت رهف بس ميشان مستواهم الاجتماعى ولأنها تحب اخوها احمد... رهف بحزن:اكيد هلا عم تبكى بغرفتها... مريم بضحكه:منو فاتن لك انسى أختك مابتبكى وانتى بتعرفى هاد الشئ والله اخوكى سعود راح فيها بس يجى عمى اكيد أختك بتروح تحكيله شو صار وانتى بتعرفى عمى ما يقدر يتحمل أن فاتن تزعل... رهف بغضب:مريم لاتحكى هيك عن أختى سامعه... مريم:اسفه ما أقصد شى بس انتى بتعرفى أختك أكتر منى .... نهضت رهف بسرعه رهف:تركينا من هالحكى مابدى أعلق معك بمشكلة ويلا تعالى نشوفها... نهضت مريم بنفاذ صبر:يلا متأكده أن أختك هلا جالسه تضحك وماهمها شى من اللى صار... ......... عند سعود.. احمد بعصبيه:شلون هيك تساوى يا سعود انتى بتعرف فاتن وتصرفاتها خذها على قد عقلها.... سعود بصراخ:اخذها على قد عقلهأ ماشى ولمتى بيضل هاد الحال هلا فاتن ماعادت صغيره ميشان اخذها على قد عقلها انت شفت بعينك كيف مسكت أوراق الشغل وقطعتهم بالنص بس لأنى رفضت روح معها على السوق ... احمد:وليش ماخبرتنى انا كنت بوديها للسوق بدال متعصب عليها وهلا شو بيفكك من ابوك بس يجى راح يقلب الدنيا فوق رأسك ... سعود بعصبيه:اى خليه يبهدلنى البنت بدأت تتمادى بتصرفاتها الطفولية لك كلها كم سنه وتتزوج... احمد:بتعرف مافى فايده من الحكى معك ديما بتضل معصب... خرج أحمد من البيت لأنه بيعرف مافى فايده من الحكى مع سعود... ........... عند فاتن... سمعت طرق الباب وقامت مفزوعه من السرير مسكت السيجاره وطفتها بسرعه ورمتها بالزباله وبسرعه حطت العلبه بالدرج... رهف:فاتن حبيبتى افتحى هاد انا رهف.. مسكت فاتن علبه العطر وتمت ترش بالغرفه وتنفض ريحه الدخان دخلت الحمام بسرعه بللت وجهها وشعرها وحطت عليه منشفه وبعدها خرجت وفتحت الباب... رهف باستغراب:شو كنتى عم تعملى كل هاد وقت لحتى تفتحى الباب... حكت فاتن رقبتها من التوتر... فاتن:كنت عم اتحمم مو شايفه... رهف:ماشى أجبت لحتى اطمن عليكى خلينا نجلس معك.. فاتن كتفت ايديها واتكت على الباب... فاتن:لا مابدى أحد يجلس معى وقت تبطلى تتعرفى على هيك أشكال يجلس معك... قالت هاد الكلام وهى تاشر على مريم... وبعدها قفلت الباب فى وجههم بقوه.. أما رهف ومريم ضلوا مصدومين منها.. مريم بعصبيه:عنجد أختك وقحه بس بدى اعرف كيف انتوا اخوات... رهف:خلاص مريم لاتعصبى خذيها على قد عقلها يلا خلينا نروح لغرفتى... مريم:لا انا هلا بدى امشى بجيك بغير وقت هلا الساعه7 وأنا كتير تأخرت على البيت تبعنا... رهف بابتسامة:اوك بكرا بنتظرك لحتى نروح الجامعه مع بعض... مريم بابتسامه:اوكى حبيبتى يلا باى... كانت فاتن جالسه تتسمع عليهم... فاتن:حبتك قراده يارب عنجد بنت أعوذ بالله منها اووف ......... عائله(أبو عمر) الأب احمد:متوفى من 5سنين وبيكون أخو محمد الكبير(أبو سعود) (ام عمر) منى:عمرها52سنه عندها ولد وثلاث بنات.. عمر:الابن الأكبر عمره26 طبيب نساء وبنفس الوقت بيدير شركه أبوه بعد وفاته (الشركه مشتركه بينه هو وبيت سعود) هاجر:زوجه سعود ريناد:طالبه بكليه طب عندها صديقه مقربه اسمها لين سمر:عمرها17وبتكون صديقه فاتن الروح بالروح .......... عند ريناد جالسه على الهاتف بتحكى مع لين... لين:بكرا لاتتاخرى على مثل العاده اوك ريناد بملل:خلاص لك قولتيها مليون مره فهمنا يا أخت.. لين:اوك ولاتنسى بطاقه التعريف مثل العاده... ريناد:ارحمينى وسكرى فمك شوى خلاص ما راح أنسى لين بضحك:اوك بس بدى تخبرينى كيف اخبارك مع الحبيب... ريناد بتنهد:مثل السمن والعسل وبقول يلا سكرى لأنه اكيد هلا بيتصل فينى... لين:اى اى هلا بينت حقيقتك عم تتخلى عنى ميشانه.. ريناد:وبتخلى عن العالم كله يا جدبه لهيك سكرى أحسن الك... لين:اوك روحى تضربى منك اله... ....... عائله(أبو مشعل) الاب:ماجد عمره60 عنده ولد وبنت مشعل ولين... الام:زينه عمرها55 طيبه وعفويه مشعل:الابن الأكبر والوحيد عمره27 شاب مغرور ووسيم .... لين:عمرها20 قمه فى الجمال والأخلاق صديقه ريناد المقربه .... .......... فى الصاله... جالس مشعل وعم يشاهد الtv نزلت لين بهاد الوقت راحت وجلست حده.. لين بابتسامة:مساء الخير مشعل:مابتدخل على حركاتك يلا هلا قولى شو بدك لين باستغراب:وكيف عرفت انى بدى شى منك... مشعل:لأن مو من عادتك تضحكى بوجهى إلا اذا كان بدك شئ... لين:أعوذ بالله قبل هيك اسأل حالك ليش ما عم أضحك معك انت قالب خلقتك على24ساعه.. مشعل رفع حاجبه:يعنى انا هيك لكان شوفى غيرى يجبلك اللى طلبك لين:خلاص انت كتير حباب ومافى منك وباست خده.. مشعل بابتسامة:اوك هيك برضى يلا قولى شو بدك.. لين:بدى دفتر ضروري هلا حتى أنقل المحاضرات لأن البنات بدهم دفاترهم بكرا... مشعل وهو ينهض:من عيونى كام لين عندنا... لين بابتسامة:بس وحده ... مشعل:اوك يلا 10دقايق وبرجعلك... خرج مشعل من البيت وركب سيارته ......... عند مريم خرجت من بيت رهف متجه ناحيه سيارتهم كانت بتعبر الشارع وما حست بغير سياره بتخبطها وقعت على الأرض وانكشف غطائها ... أما مشعل خرج بسرعه من السياره وتوجه ناحيتها... تصنم وهو يشوف البنت يالى قدامه ويشوف جمالها وملامحها البريئة وخصلات شعرها اللى طايحه من تحت طرحتها وايديها مجروحه وعم تنزف... نظرت ليه مريم بعصبيه... مريم بعصبيه:شو انت أعمى ماتشوف... مشعل ببرود:ما كان قصدى انتى يالى طلعتى بوجهى قولى الحمد لله وما دعستك... مريم وهى توقف أمامه... مريم بصراخ:لا كنت قتلتنى أحسن عنجد ما بتستحى على وجهك ما اعتذرت وعم تقول هاد الكلام انا بعرفك مقامك... مسكها مشعل من يدها بعصبيه... مشعل:احترمى حالك فاهمه وتعالى خلينا نروح للمشفى لحتى يعقمولك الجرح اللى بيدك... دفعته مريم وسقط مشعل على الأرض... مريم:مابدى شفقه منك وعادت لبيت رهف مره ثانيه... ابتسم مشعل على مريم ونهض من على الارض.. مشعل:ماشى يا بنت اذا ما عرفتك مين انا بكون بس عنجد دخلتى مزاجى هلا هاد بيتكم وعرفته وصدقينى ما راح اتركك بنوب... .................. ما حكيت عن كل الشخصيات بالبارت الثانى إنشاء الله بحكى عنهم😊 روابط الفصول الفصل الأول..... اعلاه الفصل الثاني..... في الأسفل التعديل الأخير تم بواسطة ebti ; 26-07-17 الساعة 01:35 AM | ||||
|
|
24-07-17, 11:54 PM
| #2 | ||||
| مشرفة منتدى قصص من وحي الأعضاء 
| اهلاً وسهلاً بك بيننا في منتدى قصص من وحي الأعضاء ان شاء الله تجدين مايرضيك موفقة بإذن الله تعالى ... للضرورة ارجو منكِ التفضل هنا لمعرفة قوانين المنتدى والتقيد بها https://www.rewity.com/forum/t285382.html كما ارجو منك الاطلاع على موضوع تعدد العضويات فهو مهم جداً https://www.rewity.com/forum/t291277.html كما ارجو منك التنبيه عندما تقومين بتنزيل الفصول على هذا الرابط https://www.rewity.com/forum/t313401.html كما ارجو منك الإلتزام ب قانون حجم الفصول... | ||||
|
|
|
26-07-17, 12:59 AM
| #4 | ||||
| (البارت الثانى) / \ / \ / \ / منزل أبو عمر سمر بابتسامة:والله تجننى يا روح خالتك عمر بضحك:بتجنن اكيد بس اذا ماصارت مثلك سمر بغرور:والله ما أحد طلب رأيك وبعدين هى تحلم أنها تكون مثلى ام عمر بحده:بنت أحكى مع اخوكى بأدب عمر بضحك:اتركيها أمى بنتك بزر وأنا ماخذها على قد عقلها هاجر بملل:أوف ياريت سعود يكون مثلك عمر باستغراب:ليش شوصاير هاجر:كل شوى مسوى مشكله مع فاتن سمر بزعل:مسكينه فاتن ام عمر:أوف منك يا سعود بس يرجع أبو عمر وأبو سعود راح خليه يعرف كيف يحترم حاله وما يتطاول عليها ريناد:فديت أمى يالى عم تدافع عن بنت اختها دخيلك يمه انتى مابتعرفى كيف تصرفاتها تحرق الدم ام عمر بعصبيه:بنت انطمى أحسن ويلا روحى شوفى دراستك اللى تاركتيها وجالسه ترفعى ضغطى نهضت ريناد بغضب وصعدت لغرفتها رهف سمعت طرق الباب وكان صوت مريم استغربت أنها رجعت وراحت لحتى تفتح الباب رهف بصدمه:مريم شوصاير ليش هيك مجروحه مريم:واحد غبى ضربنى بسيارته رهف:اوك حبيبتى تعى خلينى عقملك جرحك دخلت مريم وراحو لغرفه رهف جابت رهف علبه الإسعافات وجلست تعقم جرح مريم رهف:كيف ضربتك السياره مريم بعصبيه:رهف لاتسالى لأنك بتذكرينى بالشخص الغبى صاحب السياره رهف:ليش شو سوى اكيد أعتذر مريم:أعتذر لاحبيبتى ما أعتذر وفوق هيك معصب على عنجد مابيستحى رهف:خلاص روقى الحين واتصلى على أمك وخبريها أنك بتنامى معى مريم:ماشى بس خلينى اخد شور بالأول .. مشعل ... جالس على سريره وعم يفكر بالبنت يالى ضربها بسيارته مشعل بابتسامة:اه يا قلبى اديشها حلوه حتى وهى معصبه خلاص هالبنت دخلت قلبى وعقلى بعرف مين بتكون وبخبر أمى تخطبها الى هاجر سمعت نغمه جوالها شافت الاتصال وكان من سعود هاجر:مرحبا سعود سعود:انا قدام الباب هاجر:أوك دقيقة وبفتحلك قامت هاجر وراحت لحتى تفتح الباب هاجر بابتسامة:أدخل سعود مافى أحد جالس غير أمى وعمر سعود بتنهد:اوك بس بسلم عليهم وبنروح هاجر بخوف:شوصاير سعود عسى مافى مشاكل قرب منها سعود ويأس جبينها سعود:مافى مشاكل بس مثل العاده متضارب مع فاتن هاجر:اوك ادخل نأخذ نوف ونايف سعود:اوك يلا دخل سعود وهاجر ويا بعض سعود:السلام عليكم عمر ومنى:وعليكم السلام عمر:كيف سعود سعود:بالف خير وأنت كيفك عمر:بخير هاجر:انا بروح جيب الأولاد من الغرفه سعود:ماشى يلا لاتطولى راحت هاجر وبعد شوى رجعت وهى حامله نوف ونايف وكانوا نايمين ..ريناد... جالسه عم تحكى مع أحمد على الجوال ريناد:شوبك أحمد ليش هيك ضايق خلقك أحمد يتنهد:انا بخير مافى شى لاتشغلى بالك ريناد:كيف ما أشغل بالى يلا قول شوفى احمد:مافى شى مثل العاده سعود متضارب مع فاتن ريناد:أوف هدول مابيملوا يعنى احمد:لا بحياتهم مابيملوا ريناد:أحكى مع سعود تراه أكبر منها وهو بيعرف فاتن ليش مايخدها على قد عقلها احمد:والله حكيت بدل المره عشره وسعود مثل العاده بيرجع ويتضارب معها ريناد:خلاص خبر أختى وهى بتحكى معه احمد:يعنى فكرك ماخبرتها وبعدين حكت معه بوجودى أكثر من مره ومافى أمل منه ريناد:خلاص انت لاتضايق حالك بكرا فاتن بتعقل وتبطل هى المشاكل بس تتزوج احمد بابتسامة:دامك فتحتى سيره الزواج امتى بدك يصير عرسنا ريناد بخجل:آخر السنه مثل ماخبرتك احمد بتنهد:اه ياربى أعطينى الصبر لآخر السنه ريناد وهى بتموت من الحيا:خلاص احمد ماضل كتير بس شهر احمد بابتسامة:هاد الشهر بيمر على كأنه سنه ريناد:_______________ احمد:وينك ريناد الو انتى معى ريناد:معك احمد بضحك:اكيد وجهك هلا مثل البندوره فديت اللى يستحون ريناد بخجل:خلاص احمد بزعل منك احمد:خلاص خلاص والله مانى قادر على زعلك ريناد:اوك وهلا سلام بدى نام عندى كتير محاضرات بكرا احمد:اوك حبيبى تصبح على خير ريناد:وأنت بخير فاتن أوف يارب شو هاد الملل أوقات بدى احرق هاد البيت او أهرب منه وروح لبيتى الخاص بس كون انا بيه يكون كتير بسيط وبمنطقه ما بيها غير الأشجار والنبات ما يكون فى أحد بالمنطقة غير لحتى أخذ حريتى بضل الليل كله بالخارج عم أطلع بنجوم السماء وأنا متسطحه على العشب الأخضر وياريت لو يكون بجانب شى نهر او بحر بيصير كتير حلو وببعد عن هاد القصر على قد ماهو واسع إلا انى عم اختنق بيه ومن يالى موجودين معى سكرت المذكرة بعد هيك ووضعتها بالدرج فاتن:معقول يجى يوم وبحقق هاد الحلم ولا اكيد بيضل مثله مثل غيره من الأحلام اكيد مابيتحقق لأن الأحلام عمرها ماصارت واقع او حقيقه بقول يا بنت كافى حكى وتخبيص مع حالك ونامى أحسن الك بكرا عندك دراسه نامى يلا سعود هاجر:ما عليك يا سعود صير انت العاقل لاتحط عقلك بعقلها انت بتعرفها أنها هيك سعود:لمتى يعنى بتضل هيك تتصرف خلاص لاتحكى مثل احمد البنت كبرت وماعادت صغير هاجر:حتى لو هيك يا سعود انت بتعرف أن فاتن من وقت ما توفت خالتى وهى هيك سعود:بعرف ولكن لازم تفهم مو هى بس خسرت امها احنا بعد مثلها هاجر:بعرف يا سعود ولكن فاتن كانت صغيره بوقتها أما انت كنت كبير وتعرف تتصرف لهيك حاول تتحملها شوى سعود:خلاص سكرى الموضوع مابدى أحكى فيه ______________________ | ||||
|
|
|
26-07-17, 11:38 PM
| #5 | ||||
| (البارت الثالث) / \ / \ / \ ...رهف... سمعت أذان الفجر وقامت لحتى تصلى ومريم كانت حدها على السرير رهف:مريم يلا قومى نصلى الفجر مريم بصوت كله نوم:بس دقيقتين وبقوم سحبت رهف الغطاء عنها رهف بحده:بلا كسل لادقيقه ولا اتنين لاتستمعى للشيطان يلا فيقى قامت مريم بملل رهف:انتى ادخلى الحمام تممى وضوئك وأنا راح روح فيق رهف مريم:ماشى وراحت ناحيه الحمام(يكرم القارى) ...فاتن... سمعت صوت طرقات الباب اكيد مثل العاده رهف إجت تفيقنى ميشان الصلاه بس ما فيها تدق الباب بهدوء رهف:فاتن يلا فيقى راح تروح عليكى الصلاه قامت وفتحت لها الباب فاتن:ليكنى فقت وبعد هيك مابتعرفى تدقى الباب بهدوء رهف:الله يسامحك صرلى ساعه عم دق لحتى تفيقى هاد جزاتى انى عم فيقك للصلاه فاتن بملل:بلانا من محضراتك على الصبح وقفلت الباب بوجه رهف رهف بصدمه:يارب الصبر من عندك بس ليش حتى أستغرب والله مو أول مره تسويها يافاتن ما علينا وراحت رهف غرفتها لحتى تصلى ...لين... الساعه 7صباحا على الفطار لين:صباح الخير الكل:صباح النور جلست حد مشعل وبدأت تأكل ام مشعل:راح تتاخرى اليوم لين:مابعرف حسب وقت المحاضرات بس احتمال اتأخر ام مشعل:لكان ببعتلك مشعل يأخذك من الجامعه اذا اتاخرتى.. لين:اوك بس اذا أقبل مشعل:وليش حتى أرفض كم لين عندنا لين باستغراب:مشعل صاير شئ بعقلك المره الماضيه سويت مشكله لحتى تاخذنى من الجامعه مشعل بزعل:الله يسامحك انا هيك لين:خلاص لاتزعل مو انت انا المهم هلا بدى روح ميشان ما اتأخر اكيد ريناد عم تنطرنى أبو مشعل:الله معك ...عمر... نزل من على الدرج بسرعه واستغرب وجود ريناد لهلا عمر:صباح الخير ريناد:صباح النور عمر:ريناد وينها أمى و ليش ما رحتى لجامعتك لهلا ريناد بابتسامة:أمى بغرفتها وأنا عم انطر رفيقتى لحتى تجى وتروح معى عمر:الله معك انا رايح بدك شئ ريناد:شكرا اذا احتجت شى بخبرك لين خرجت من السياره وراحت لحتى تدق على بيت ريناد ولكن قبل لاتدق انفتح الباب عمر:مرحب_____ لين قاطعته بخجل:ممكن تنادى ريناد عمر بنفسه:اكيد هى رفيقه ريناد يا الله اديش صوتها حلو بعدها انتبه لنفسه استغفر الله انا شو عم اقول ونفض هى الأفكار من رأسه عمر:اى دقيقه بناديها لين:اكيد هاد أخو ريناد عمر ما شاء الله مبين شخص محترم دخل عمر لعند ريناد عمر:ريناد رفيقتك إجت برا عم تنطرك قامت ريناد ريناد:يلا سلام اى بالمناسبه اليوم راح روح لعند هاجر لأنها عندها موعد مع الطبيب ميشان نوف مريضه عمر:لكان راح مر عليكى بالجامعة وبنروح معها ريناد:اوك باى عمر:سلام طلعت ريناد للين ريناد:ليش هيك اتاخرتى وانتى البارحه سويتى محاضره ميشان التأخر لين:الناس بتسلم أول ريناد:السلام عليكم لين:وعليكم السلام ولاتاخذينى على التأخر راحت على نومه ريناد:اوك مو مشكله خلينا نلحق على المحاضره ...ببيت أبو سعود... فاتن:أوف ياربى هاد وقتك يعنى استغفر الله العظيم راحت فتحت الدرج وطلعت فوطه صحيه وراحت للحمام(يكرم القارئ) على الفطار سعود:وين فاتن ورهف واحمد هاجر:رهف راحت للجامعه من الصبح أما فاتن بتوقع نايمه لهلا وأحمد خبرنى أنه راح لحتى يجهز ميشان عوده عمى وابوى من الحج سعود بغضب:شو نايمه لهلا مو وراها مدرسه هاجر:بلكى تعبانه او بيها شى راح روح لحتى شوفها قامت هاجر وراحت لغرفه فاتن دقت الباب وبعد شوى فتحت فاتن الباب هاجر:السلام عليكم فاتن:وعليكم السلام هاجر:فاتن حبيبتى ليش مارحتى المدرسه فاتن:مافى شى بس ما حبيت روح هاجر:ليش صاير شى وبعدين وجهك مبين اصفر فاتن:مافينى شى بس مجرد عذر شهرى هاجر:اوك حبيبتى روحى ارتاحى تحبى جبلك فطورك هون فاتن بابتسامة:لا شكرا حبيبتى ماتقصرى اذا احتجت شى بناديكى هاجر:اوك وراحت سكرت فاتن باب الغرفه وراحت جلست على سريرها فاتن:والله مدرى كيف هاجر اتزوجت أخى سعود شنو ياللى عجبها فيه سعود كتير عصبى أما هى كتير هاديه وطبية مدرى كيف قادره تعيش معه لك انا بيكون أخى ومو طايقته بالمره ..عند سعود.. سعود:ها وينها هاجر:بس تعبانه شوى ما راح تقدر تروح للمدرسه سعود بقلق:كتير تعبانه يعنى بروح اخذها للطبيب هاجر بابتسامة:لا مو كتير بس خليها شوى ترتاح وبتقوم منيحه ما تحتاج لطبيب سعود:اوك بدك شى هلا راح روح للشغل هاجر:لا شكرا حبيبى بس بالليل حاول لاتتاخر ميشان كشف نوف.. سعود:راح حاول اجى بوقت أبكر ..بالجامعة.. لين بتنهد:أوف وأخيرا خلصنا ريناد:وأخيرا اديشها ممله المحاضرات لين:اى والله والدكتوراه ياللى اسمها جميله صرلها3ساعات عم تشرح بالمحاضره لك طريت عقلى ريناد باستغراب:والله أول مره اعرف أن فيكى عقل مثل باقى الناس لين بعصبيه:ريناد لاتخلينى اتوطى فبطنك هلا ريناد بضحك:ههههههه خلاص اسفه لين وهى تقلد ضحكتها بسخريه:ههههههه بقول مشينا هلا اكيد أخى برا عم ينتظرنى ريناد:وأنا اكيد عمر عم ينتظرنى خرجوا من الجامعه وكان عمر ينتظر ريناد أما مشعل فما اجا لهلا لين :أوف مشعل لساته ما اجا ريناد:دقيله واعرفى وينه وليش ما اجا لهلا فتحت لين جوالها ودقت على مشعل مشعل شاف الجوال وضرب رأسه مشعل:أوف نسيت لين وفتح المكالمة فورا مشعل:او لين لين:وينك ليش ما اجيت لهلا مشعل بتحجج:عجله سيارتى بيها مشكله بغيرها واجى لين بشهقه:وبدك انطر كل هاد الوقت هون لحالى ريناد: شو صار لين:عم يقول عجله سيارتها بيها مشكله ريناد:راح يتأخر لين:يمكن ريناد:اوك ليش ماتجى معى انا رايحه لبيت هاجر وعلى حد علمى أن بيتك قريب من منطقتها لين:خلاص بخير مشعل وبشوف لين:مشعل انا راح روح مع رفيقتى لبيت أختها هو قريب من منطقتنا فيك تجى لعندهم لحتى تاخذنى أحسن مضل هون لحالى مشعل:ماشى ما راح اتاخر بس عطيني العنوان لين:شارع....منزل رقم.... مشعل:اوك ما بتاخر عليكى يلا سلام ريناد:ها شو قال لين:وافق انى روح معك وقال ما بتاخر ريناد:اوك يلا مشينا لين بنفسها:يا ربى راح شوفه للمره الثانيه اليوم ليش عم حس بالتوتر اى اكيد لازم حس هيك انا ولا مره صعدت سياره رجل غريب ..عمر.. شفتها جالسه عم تحكى ساعه مع رفيقتها وبعد هيك مشوا ناحيه سيارتى صعدت ريناد ورفيقتها بالخلف استغربت ممكن تكون نفس رفيقتها اللى إجت عندنا بالصباح ريناد:يلا عمر مشى حركت السياره وأنا عم أطلع للمرايه الاماميه كان مبين عليها أنها متوتره من حركه ايديها ريناد:لين سجلتى كل المحاضرات لين:اى سجلتهم عمر بنفسه وهو يبتسم:ولك نفسها اه كيف بنسى هاد الصوت ياللى دخل قلبى بسرعه واسمها يجنن مثلها لين قطع تفكيره ريناد ريناد:سعود هاجر خبرتنى ان سعود راح يروح معنا لهيك ما فى داعى أنك تروح سعود:اوك بس بوصلك وبرجع للبيت ودقيلى بعد متطلع نوف من عند الدكتور ريناد:اوك راح دقلك لين بنفسها:يا الله صوته يجنن وريحه عطره تهبل مبين أنه كتير هادئ مو مثل مشعل والله لو صعدت معى رفيقى ليفشلنى قدامها من كتر مابيتغزل بالبنات ............ | ||||
|
|
|
10-08-17, 09:38 AM
| #6 | |||||||
| مشرفة وكاتبة في قسم قصص من وحي الأعضاء ومراسلة خاصة بأدب وأدباء في المنتدى الأدبي  
| * قانون غلق الروايات غير المكتملة والمتروكة * سيقوم فريق الاشراف بغلق الروايات (الطويلة) غير المكتملة اذا مرت فترة نحددها ادناه دون تنزيل فصول جديدة من قبل الكاتبـ/ة ... (1) تغلق الرواية التي لم ينزل منها الا مقدمة او فصل اول بعد مرور اسبوع واحد على تركها دون انزال جديد. (2) تغلق الرواية التي نزل منها اقل من 5 فصول بعد مرور اسبوعين على تركها دون انزال جديد . تغلق الروايه | |||||||
|
|
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض العادي
