بين الماضي والحاضر تاهت عناويني / للكاتبة وجدد ، مكتملة

لامارا · 27-07-13, 10:25 AM


	بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته نقدم لكم رواية بين الماضي والحاضر تاهت عناويني للكاتبة / وجدد كلمة الكاتبة باسم الله الرحمن الرحيم السلام عليكم والرحمة الله وبركاتة حبيت انزل لكم قصتي واتمنى تحوز على رضاكم قصتي تحمل الحب و الكره الحقد النتقااام القسووة تحمل الفرح والحزن بها من الواقع الكثيييييييييير فيه مشاهد واقعيه بستثناء الاسماء تم تغييرها اتمنى تفاعلكم ودعمكم كونو بالقرب

لامارا · 27-07-13, 10:27 AM

السلام عليكم

الحلقه الاولى
(الموت البطي)

مانسى ذاك اليوم الي تغيرت فيه حياتي طلعت من بيت جدي وخوالي الى بيت ناس غريبين معرف عنهم اي شي
يمكن مراح تصدقون طفل بعمر

5سنوت كيف تذكر شي
اول اليله متنام بحضن امها من جت على هالدنيا كنت اقول لاامي يمه اذكر يوم تروحين وتخليني مع زوجك كانت تقول لي مستحيل انتي كنتي طفله.في ذيك اليله بكيت بجنون أذكر كان خالي
يحاول يسكتني في الحقيقه ماظلم امي كانت بتاخذني معها بس جدي الله ايسامح رفض رفض قطع امي ترجته وبكت بس جدي اذا قال كلمه مايثنيها لو ايش مكان خالي طلع فيني برا يدورفيني يحاول يسكتني وانا كل مالي وازيد جنون بالبكا حتى انه اخذني للمزرعه باليل بيونسني لنها مكاني المفضل بس بالحضة كرهتها ذيك اليله خوالي مانامو بسببي واقسم خالي
ياخذني ثاني يوم لاامي وفعلا بثاني يوم رحت لاامي
دخلت البيت الي فيه شفت حريم كثار دورت امي من بينهم ركض لها وارتميت بحضنها
ونا جاسه بحضن امي فجاه دخلو مجموعة اولاد 10و12 وكانت ملابسهم ماء تكلمت وحده من
الحريم تسئلهم ليش عليهم ماء رد واحدوهو يضحك ويقول كنا نسبح بالبير ناظرت له وشفت ملابسه لازقه عليه من الماء كلمته المره مره ثاني قالت فهد رح بدل ملابسك رد عليها
وهو مركز نظراته علي ييييمه مت رعب من القى نظره علي نظرته كانت نظراته شررر
عرف ان عذابي قادم وعلى يده مكان فهد الا ولد جارت امي والى كانو معه اخوه متعب من شكله طيب وهوماتكلم والثانين عيال عمته

ليله الثانيه نمت بحضن امي بعد ليلتي السابقه الحزينه
:وجد
سكرت المذكرات وردت على الي تناديها
:هﻻ وسن
وسن:يالله انزلي ابوي تحت ويسئل عنك
وجد اخذت نفس :طيب نازله
سكرت كتابي ونزلته على المكتب وقمت ابنزل
وانا ماشيه شفت وسن تناظر للمكتب لفيت طاحت عيني على مذكراتي انتفضت شلون نزلته هنا كيف نسيت رجعت زي المجنونه اركض وسحبت وراي رحت وفتحت درج المكتب دخلت فيه وقفلت بانسبة لمذكراتي محرم على اي ان كان يناظر حتى لغلافه
وسن:نفسي اعرف وش فيه هالكتاب الي دايم وانتي تاكلين فيه اكل
ناظرت فيها :وانتي وش عليك كتابي وكيفي
وسن بطفش:ايه ايه كيفك اصلا انتي لا يوخذ منك لاحق ولا باطل انزلي بس
وجد مشت للباب :طيب يالله قدامي
طلعت هي ووسن وقفلت باب غرفتها طبعا محرم على الجميع دخولها بغيابها
نزلت مع الدرج ودخلت على صالة كببيرة نوع ما
وجد :السلام عليكم
رد الجميع:وعليكم السلام
تقدمت وقبلت راس ابوها :مساك الله بلخير .وجلست بجنبه.
ابوها :هلا ببنتي وجد مساء النور
وجد لفت على البقيه:مساء الخير جميعا
:مساء الورد
جادبطنازة:تكفين كان مانزلتي
وجد بتقهره:والله مو لسواد عيونك نزلت بس عشان ابوي
مشهوربحب:معليك منه انتي نور هالبيت لو تغيبي
دقيقه يضلم
وجد ببحه ماتطلع الابحالات خاصه:فديت قلبك ياخوي ياعزوتي
دخلت تركض بفرحه من سمعت ان وجد انزلت:وجـــــد
وجد ناظرت فيها وبتسمت بغصه :هلا وجود حبيبتي
وجود حضنتها بقوة:وجد وحشتييييني موت
جاد بطنازة ويقلد صوتها:وحشتيييني موت هيييه تراها عندك بالبيت الي يقول مسافره
وجود بطفولية:حرام عليك ماشفتها من البارح صح وجد
وجد تناظر لها بس مو منتبها للكلام هاطفله تذكرها بالغالي عقلها رايح له فقدته من سافرت منهم من سنين

قبل 10 سنوات
في ذاك اليوم المشوم بالنسبة لها ماتنساه ولاراح ينمسح من ذاكرتها

جردوها بكل وحشيه من كل شي حلو بحياتها فقدته من طلعت من بيت ابوها الي رباها
الي قتلها وسى عليها ابوها الي تخلى عنها من وهي برحم امها وجت على الدنيا وكبرت صارت طفله بعدها شابه
وهي ماشافته ينادونها اطفال حارتها اليتيمة وهو حي جرح موسوم بقلبها عمره ما يبرى
واشيا كثيره نحرمت منها وابوها الي رباه ماقدر يجيبهن لها النه الوحيد الي يقدر هو ابوها

اخذها ابوها من عند امها
بكت ضعف بكاها ليلة زواج امها وعرفت معنا الفراق بذاك الوقت ماكانت تعرف وشو الفراق الا انها
متشوف امها بس الحين تعرف وش معنا بتسافر بتهاجر من عشها الي قضت فيه طفولتها ومراهقتها وحبها لهالعايله وعذابها من بعضهم او تحديد واحد منهم والبقيه يحبونها ضاهريا بغض النظر عن مابقلوبهم لها
كان عمرها 16 سنة انهارت وهي تودعهم وكانها مراح تشوفهم بعد اليوم صحيح اصلا الزياره مو مثل العيش وسطهم

تناظر لاامها وخواتها وهم يصيحون بصمت عشان مايضايقونها اكثر
طاح نظرها على اخواها الي تعتبره ولدها ابو سنتين وهو يبكي من بكاهم ومو عارف شي

صحت من سرحانها على شي لمس خدها
جاد يمسح دمعتها وبحنان :ليش هادموع ماخلصنا ياوجد سنين مضت انسي وعيشي
وجد فزت واقفه ماحست بدمعتها وهي تنزل مستحيل تطلع دموعها قدام احد قالت بجرح غاير مايضمد: محد ينسى
حياته ياخوي الا الميت اذا مت بتنسونها انتم بعد
وطلعت من الصاله بسرعه
جاد ناظر في ابوه وشافه صاد يناظر اثرها
تنهد بحسره على حالها وقام يطلع للستراحه ياحول ينسى

دخلت غرفتها وصكت الباب بقوه وراها كل البيت سمعه
رمت حالها على كرسي المكتب وسحبت الكتاب والقلم وبدت تخط بيدها

مذكرتي الحبيبة شفتي كيف الكلام سهل وبلاش
يقول انسي انسى وشو ولاوشو انسى حياتي
او اهلي او ابوي او امي اوخواني وولدي
او او او وش انسى وش اعيش مراح احد
يحس في شعوري ولا فيني اصلا بيحسون
محد يعرف حياتي او والحين وش بيهمهم
بحياتي عشان يعرفون عنها شي حياتي ما
تهم احــد غيــري ايه ماتهم احد
بتعرفون حياتي تبوني اقولكم قصت حياتي

طيب اسمعو من البدايه
اليوم فاضيه وابقولكم
طفولتي وكيف
تربيت ببيت
امي وزوجها

تحملوني لين يجون ويدقون الباب على

وين وقفت ايه

اول يوم اشوف فيه متعب وفهد

قبل 19 سنة

جيت مع خالتي وجدتي
ممم والله مااذكر وش بعدها اخر شي اذكره دخلت الشباب بعدها ماذكر شي كان الذاكره انمسحت عندي

ههههه من بيلومني طفله 4سنوات وش بتذكر
لاتخافون راح اجيبها السالفه فيهد ومتعب بطلي عتبره برغم ان مواقفه قليلة معي

يتبع قريب

لامارا · 27-07-13, 10:28 AM

تابع.......

بعد 3سنوات
عشتها ماذكر منها شي الا زي الحلم

اليوم عمري 8 سنوات

دخلت للبيت جايه من برا
انادي امي:يمه
ماحد رد علي خفت بقوه وين امي وين راحت:يييمه

فهد سمعها تنادي وطلع لها من مكان الرجال
:امك ماهي هنا
وجد ماتت رعب من شافته:الا امي هنا بالبيت
فهد :ههههههههه لاتخافين تعالي اوديك لها
طار عقلها رعب من ضحكته وصارت ترجع على ورا
واقفه بالحوش قريبه للباب الشارع وهو كان قدامها بس بعيد باب
الرجال مقابل لبابا الحريم ساكنين ببيت شعبي بس كبير شوي
مشت على ورا لين ضربت بالباب لفت على ورا وركضت على الشارع ركض وراها طلع مع الباب وصدم بشخص كان واقف على الباب رفع نظره له وبصدمه
:عبد الله

متعب دفه مع صدره بكل قوته :يوااااطي كم مرة قلت لك وجد مالك دخل فيها
فهد تراجع بخوف :وانا وش سويت لها ترا هي خوافه بس قلت لها تعالي اوديك لاامك خافت
كان واقف وراهم يطالع لهم وهو ساكت
متعب: وش دخلك فيها اختك هي مالك دخل فيها من اليوم ماتحتك فيها سامع
فهد بخوف:طيب بعد اليوم مراح اكلمها حتى
.
لف بنظره يشوف وين راحت مع طلوع فهد وراها نسيوها
لف يمين يسار مشاف احد حس ان فيه احد بزاوية ورا قماش معلق على الجدار
قريب منهم عرف انها سمعت كلامهم
ناظر بفهد ومتعب جا بيتكلم بس تراجع ومشى من عندهم وماعلق على الموقف برمتة
.
ناظرته وهو يمشي ومقال شي جمدت بمكانها خوف من فهد تدري متعب معه بس ميخاف من متعب كثر خوفه منه
راقبتهم شافت متعب يسحبه معه
حطت يدينها على وجهها وصارت تبكي بدون شعور

بعد فتره حست بحد واقف وراها سكتت بس مالفت وبرعب لفت بببط
تيبست بصدمه ماتوقعت انها بتشوفه
بس قبل تستوعب شافت امها تركض لها وتحضنها
ام وجد :سامحيني ياقلبي والله مادريت انك بترجعين بدري وجودي سامحيني ياقلب امك
وجد ارتمت بحضنها وهي ساكته ماتكلمت بحرف بسبب الي ورا امها

انتهت الحلقة الاولى عارفه نها قصير بس اوعدكم بالحلقه الثانيه تكون طويييله

لامارا · 27-07-13, 10:29 AM

الحلــقة الثانية
(الفارس المجهول)

ر اقبها من بعيد وهي ترتمي بحضن امها تراجع ولف من ورا الجدار قبل لاتشوفه امها
كان هو ومتعب ماشين من عند البيت وسمع اصوات من داخل البيت استغرب مكان فيه احد امها كانت عندهم ووو
وجد لاااا ليكون ركض لداخل البيت وقبل يدخل شافها طالعه زي المجنونة وقف على اخر عتبة وبلحضة طلع وراها فهد
قبل يتدخل ركض متعب ودفه وصار يخانقه بعد دقايق فقدها تلفت ماشافها انتبه لها متخبية تحت القماش تراجع
وراح ينادي امها عرف انها خايفه

انسحب من عندها شافها تراقبه بخوف مايدري ليش تخاف منه برغم انه مايشوفها الى قليل
تنهد بقهر منها مايبيها تخاف منه بس ما بيده شي
ركب سيارة وحرك للمجهول مايعرف وين بيروح

وجد
اليوم
نفس التاريخ الي تعرض لي فيه فهد لااول مره بس بعد 5سنوات

الحين عمري 13 سنة

طلعت من الغرفة ادور امي شفت اخواني يلعبون بالحوش
رحت لهم

وجد:راما وين امي
راما تبني بيت طين من الارض بعد المطر :برا تسقي الغنم
وجد :شوو وليش ماقلتي لي اروح لها
لاما تحط عيدان على سقف بيتها الي بنت:ووجد تعالي شوفي بيتك الي بنيت
ابتسمت وجد وهي تمشي لها:وينه
لاما وقفت وبعدت شوي :هنا قربي شوفيه
قربت وجد ونزلت شوي على الارض تشوف البيت بس انصدمت وهي تشوف كيف لاما راسمته
صرخت فيها:شنوووو هاذ لاما
لاما حطت رجلها لبرا
وجد شافتها تركض اركضت وراها :تعااااااالي وين بتروحين مني تعالي
طلعت برا سمعتها تضحك و تقول وجهك عنها
كانت مندفعه وحاولت تتراجع بس مامداها توقف الا وهي قدامه بظبط
طاح وجهها منه وبخجل تراجعت على ورا ودخلت داخل البيت تسندت على الجدار رجلينها ماتشلها من اربكه
سمعت لاما تضحك
رد عليه بعد دقايق :وش فيه ليش تضحكين وليش قبل شوي جيتي زي المجنونة تركضين
لاما:هههههه فاتك سويت لوجد بيت كبيييير
:والله وبس وجــد
لاما ضحكت بطفوليه:هههه لاااا مو كذا فاتك شكل وجد وهي مصدومه ومنقهره هههههه
تخيل سويت بيت كبيييير وحطيت فيه غننننم وبقر كثييير وقلت لها تعالي شوفي بيتك وهي انقهرت علي
وصارت تصارخ وانا هربت وطلعت ولقيتك قدامي ياااربي والله لو ماانت فيه كان ذابحتني بس اشوووى
هي تخاف منك
حس بشي يخترق قلبه زي الطعنه :تخاف مني من منه المفروض تخاف
لاما ببراءة هزة كتفها :مدري
قال بجمود :امك وينها
لاما تشر قدامه :هناك
تحرك لقدام رايح لها مشى مسافه ماهي بعيده

من بعيد يشرلها: سلام عليكم
ردت عليه بفرح:هلا عليكم السلام ياهلا بك يايمه كيفك
ابتسم لها بحب :بخير ربي يسلمك وش تسوين يالغاليه
ام وجد:ماسوي شي ياوليدي بس اسقي الغنم حتى اني رايحه بدس عن وجد لاتدريبي هههههه
:هههههه وليش عاد تندسين عنها
ام وجدبحب:ياوليدي وجد ياله تلحق على البيت واخوانها قايمه بكل شي وماتبيني اسوي شي
تعبت وهي تشتغل بكل شي
تذكرها قبل دقايق من طلعت قددامه
ابستم بخفه وهو متناسي كلام لاما عنها:لله يعين ياخاله لو بس توافقين العامل يشتغل فيها كان ارتحتي وريحتي بنتك
ام وجد:ادري يمك ادري اني ابرتاح واريح هالمسكينه بس ماثق فيه ياولدي
:ماقول الا الله يهديك ويلين راسك هههههه
ام وجد:هههه امين
تذكر ليش جاي:اها بغيت انسى
ام وجد :خير ياوليدي
:كل خير ان شاء الله اليوم عازم خوياي ومسوي لهم عشى وجيت اخبرك عشان تجين
ام وجد :مشاءالله بس اعذرني ياولدي ماقدر
:افا وليش
ام وجد :مثل ماتعرف وجد مااقدر اخليها بالبيت وهي ترفض تروح معي
بامر قاطع:لا والله بتجين
ام وجد:ماقدر
:تجين ياخاله انتي ووجد وكلكم محد بيقعد
ام وجد بحسره على بنتها :بترفض اعرفها مراح توافق تجي ومراح تقعد لوحدها بنتي مكانت كذا مدري وشو الي صابها
:بنتك تتدلع مافيها شي بس انتي مدلعتها شدي عليها واول شي اليوم جيبيها معك للعشى
واحرصك ياخاله احرصك لاتخلينها لوحدها لو اصرت ماتجي
انا حلفت عليك تجين وجيبيها معك
ام وجد بستسلام :ان شاء الله اجي اذا ربي اراد

____

انتهت الحلقة

توقعاتكم

وجد بتحضر العزيمه ولا لا

منهو الي تخاف منه وجد

انتظروني قريييب

لامارا · 27-07-13, 10:30 AM

\

السلام عليكم ورحمة الله وبركاتة
اول شي حبيت اعرفكم على ابطال روايتي

(تعريــــف بالعوايل)
((ابو سعود نايف 44))
((ام سعود ضحى 40 متزوجه ابو سعود بعمر15))
((سعود 23))
((رواد 21))((متعب20)) ((فهد19)) ((عليا16))
((وجدان13)) ((محمد16))
((ام وجــــد 36زوجة ابو سعود الثاني))
((وجــد بنتها من زوجها الاول13))
((راما 7سنوات)) ((لاما 5سنوات))

باقي البطال راح تتعرفون عليها مع القصة

الحـــــــلقة الـثـــالثـــة

(جنون)

المـــاضي

______
احيان من شدت الضيق ودك مانخلقت
واحيان بالعكس ودك لمسبب الضيق طعنت

____________

وجد تحط يديها على راسها:راااما اسكتي طلعه مافيه
راما تصارخ :لييييييش طيب بنقعد محشورين كذا لين متى
وجد تصد عنها:لين ترجع امي
شهقت :شووووو بعقلك انتي امي توها راحت والله انهبل
وجد :وليش مارحتي مع امي من قالك اقعدي عندي

راما بقهر:مو على كييييفي ولا ماقعدت بس امي تعيي ورواد قال.وحطت يدها على فمها كانها قالت مصيبه.
وجد بستغراب:رواد وش دخله
راما بخوف:لا ماقلت رواد
وجد برفعت حاجب:نعم اكذب سمعي يعني
راما: انا اقصد رواد اليوم قال تعالو كلكم بس امي ما قالت لك
وجد :احسن لنه لو قالت لي مارحت تعرفيني مستحيل اطب بيتهم
راما:ااف منك مدري ليش ماتروحين وش السبب الي يمنعك
وجد بضيقه:كله من اخوك
راما :وش دخله ومن اخوي
وجد بربكه :اخوك راع العزيمه وشوله يعزم امي كان الحين ماصدعتي راسي ببكاك
راما:قلت لك خليني اطلع من هالجحر اروح بالحوش اتمشى اقل شي
وجد بطفش منها :خلاااااص طسيييي
نطت راما بفرحه وفتحت الغرفه وطلعت
شوي وجايه تركض :ووجد وجد
وجد بطفش:نعععم
راما بوناسه:امشي برا بشارع الجو جناااان
وجد صرخت برعب :لاااااااا
راما انقزت :بسم الله و ش فيك
وجد بترقيعه:لا بس طلعه برا لا ماتفتحين الباب
راما بسرعه:فتحته وخلصت
صرخت بجنون :اييييش فتحتيه فتحتي الباب
راما بخوف:ايه ليش
وجد ماااتت رعب بنهيار :يامجنونه وش سويتي لاااا انهيتيني لا راما انا اختك ليش ماتخافين علي
لا لا
راما بخوف :خلا ص خلاص ابقفله وركضت برا
صرخت وجدد :لااااااا راما قفلي هاذ قفلي الغرفه.جت بتاقف ماقدرت من الرعب .
دقايق ورجعت راما:خلاص وجد قفلت .وتضمها .والله قفلته خلاص اهدي
ربع ساعه
بعد ماعدت وجد
الغرفه هدو
ناظرت وجد لاراما وشافتها جالسه بزاويه وتناظر لقدام حست انها خوفتها
فكرت شوي مراح يصير شي الحاره مليانه ارجاله وهو اكيد عند الرجال مستحيل يطلع
ابتسمت لفكره :راما
راما:__
وجد رفعت صوتها :رمرم رومه
راما لفت عليه شوي:انتي ليش تخافين كذا
وجد بصدمه من السوال ماعرفت ترد:هاه
رراما عادت عليها:ليش تخافين
وجد تدور حجه شي ينقذها:هاه لا انا ايه ايه مره تعرضت لهجوم قبل خمس سنوات من كلب واخاف ينفتح باب الشارع
.وبحماس,بس ولا يهمك انا الحين اطلع معك ونشب نار بعد وش تبين اكثر من كذا
راما بفرحه:والله
وجد استانست :والله ويالله الحين نطلع
قامت وفتحت الباب وتحاول تبعد شعور الخوف منها

___________

بيت ام سعود

عليا تصلح القهوه لرجال

دخل فهد ياخذ القهوه

ومن عند الباب نادا :ياولد
عليا تصوت له :ادخل مافيه احد
فهد بيتاكد :مافيه احد وين ضيوفكم
وجدان :هههههههه ضيوف نسيت انها بس العايله
محمد :لاتشرهين عليه هو كذا دايم ماجر مخه
فهد عصب عليه:اقول انقلع لرجال صب القهوه
محمد بيقهره:اعذرني عندي موعد مهم باااي
وطلع من عندهم
فهد يتابع خطوات :وين ذلف
وجدان :اكيد انه رايحـ ..وجدااااان
لفت لعليا :وجع عندك ليش تصرخين
عليا بتصريفه:ايدامك احتراااق
وجدان ركضت للمطبخ

اخذ القهوه وراح
عشر دقايق ودخل محمد مستعجل
راح لثلاجه وفتحا واخذ منها شي وسكرها
وجدان تراقبه
:حمود وشاخذت
محمد حطه ورا ظهره :مالك شغلل
وطلع بسرعه اركضت وراه بس راح مالحقت عليه

بعد نص ساعه
دخلو العيال يغرفون العشا

جت وجدان تركض وبيدها قدر
:لحضة شباب
رفع يده رواد :ليش
وجدان بتوتر:ا ا ممكن تغرف هنا قبل
متعب رفع حاجبه:نععم نغرف لمن
وجدان ناظرت رواد وصدت :هاه ا امي قالت اغرفو هنا
رواد بصرخه:ايه لمـــــن نغرف تكلمي عدل
وجدان بخووف منه :لا محد بس امي قالت لي كذا
رواد عصب:وجدااان ردي على قد السوال الميـــــــن
وجدان بسرعه قالت وهي تغمض عيونها :لووجد
بصرخه :اييييييييييش هي ماجدت
ماجت مع خالتي
وجدان بخووف :لا ماجت
رواد صرخ عليها :انقللللعي من قدامي ومافيه عشى خليها تولي من قالها لاتجي وانا ملزم عليهم كلهم
وجدان انهبلت رمت القدر واركضت لبرا

شافت امها وخالتها واقفات يسمعن
ركضت لامها :يمه شفتي صرخ علي وانا وش ذنبي اذا هي ماطاعته
امها تضمها :بس حبيبتي معليه تعرفينه اذا عصب ايخانق كل الي قدامه اهدي
ام وجد:ياربي الله يهديه اصلا انا ماقلت لها لني عارفه انها بترفض عشان كذا ماقلت
رواد من وراها :ليش تخلينها بالبيت لوحداها
ام وجد بتوتر :ماهي لوحدها معها اختها
رواد :واذا كان ماتخلينه مره ثانيه حتى لو اضطريتي تجلسين عندها
ام وجد بخوف على بنتها :مادري والله خلاص ابروح الحين
رواد :لا الحين العشى جا تعشي اول

يتبــــــــــع

لامارا · 27-07-13, 10:31 AM

____

وجد شبت النار وجلست هب وراما
تعدل الحطب عليها :راما روحي جيبي بريق اشاي
بنصلح شاي راحت راما

حست باحد وراها تجمدت برعب
قبل تتصرف حست بيدين على عيونها وبدون شعور دفت بقوه
طاح على ورا ماتوقع ردت فعلها :يامجنونه ليش
وجد استوعبت :محمد ياحماااار خوفتني
محمد:ههههههه ياخوافه
وجد: حمار
محمد :والله ماني حمار حتى مااعرف انهق
وجد غصب عنها ضحكت:ههههههههه
محمد يمتص عصبيتها :فديت هاضحكه
وجد :والله خوفتني
محمد :ماعش الي يخوفك
وجد بحسره:مو عايش ومتهني
محمد انتفض :منهو وو
وجد انتبهت:انتت منو بعد ههههه
محمد :احمار صدقت على بالي صدق
وجد:ههههه لا خاف مافيه احد غيرك منغص علي
محمد شهق بتمثليه:ئئئئئئ انا اها طيييب مراح اعطيك الي سرقت لك
نطت وجد ونست زعلها :والله وشو وشو
محمد :نوووو مافيه
وجد مدت بوزها:حموود بليييز
محمد ابتسم :وانا اقدر على زعلك من عيوني
وجد :تسلم عيونك
محمد طلع كيس من جيبه وفتحه طلع منه لحم وكلى والقلب
:مفاجه هههه
وجد فاتحه فمها:حمووود شنو هاذا بجيبك حاطه
محمد بضحكه:هههههه لنه سرقه ياحلوه
وجد :هههههه بس دم اكيد موصخك
محمد : ههههههه لعيونك
جت راما :لاااا ماشاء الله مستانسين وانا اكرف
وجد بصدمه:تكرفين ياكذابة كلها ابريق
راما :لو شلت قرطاس اعتبره كرف
وجد اقول روحي جيبي اعود الشوي حمود بيشوي لنا
راما :توي جيت ترسليني اااف
راحت وجابت الغراض

وبدو الشووي وزينو لهم جلسه وجلسو

راما :قهر ليت رواد
محمد : بس بس فكي طاريه توه قلب البيت علينا بصراخه
راما :من مزعله
محمد:وفيه غير وجد يثير جنونه ويعادنه
وجد كان تشرب الشاي وشربته وهو حار كله :اكح كح هئئ
محمد مد لها الما :بسم الله عليك خو ذ الماء
وجد شربت من الماء :اااف حااار
محمد :كله من طاري رواد
وجد شرقت بالماء :كح كح
محمد :وجوج وش فيك هدي السرعه ههههه
وجد بتعب من الشرقه:بس حمود جب لا اموت بالنهاية
محمد مات ضحك:هههههههه والله لو ذاك ملك الموت مصار فيك كذا
راما ببراءة:رواد والله مايخوف
محمد ناظر فيها ولف لوجد:وجد جد ليش تخاافين منه
وجد سكتت
محمد :وجد وش فيك
وجد بسرحان :تصدق حمود ماعرف ليش اخاف منه بس اعرف شي
اني احس بالامان اذا كان قريب
محمد:انتي غريبة بكل شي

_____

دخل على مجلس الرجال سرحان ترك الرجال يتعشون وماحس بنفسه
لا وهو واقف ورا الخيمه الي جالسين فيها وجد وسمع صوت محمد
قبل يرجع سمع محمد يقول كله من طاري رواد
وقف يسمع ردها عليه كل كلامها صدمه له معرف شي مافهم منها شي
صادق محمد غريبه بس الي فهمه انا تحس بالامان بقربه
بس ليش ليش تخاف منه
:ابو تركي
صححا من سرحانه على صوت صديقه
:هلا هلا عبد الله

صديقه:وش عندك على الباب واقف وسرحان
رواد:هاه لا ولا شي انا كنت ابدخل
وتقدم لداخل حياك اتفضل

____
:يالله مع السلامه تصبحون على خير
ام سعود:تو الوقت يام وجد اجلسي شوي
ام وجد:لا والله ياختي ابناتي بالبيت الحالهن لازم اروح

____

محمد قام:يالله ياحلوات سهرنا سهره جميله بحضرتك مع السلام
وجد:حموود تو الوقت اجلس
محمد:لا خلاص الناس سرو هههه يالله باي
طلع

دقايق ودخلت امها
:ماشاءالله جلسه وحركات من وراي
وجد بمزحه:خلي رواد ينفعك ههههههه

يتببببع

لامارا · 27-07-13, 10:32 AM

الحلقة الرابعة
((غالي))

بعد سبوع
الصبح لساعة 7:30

وجد بالمطبخ تصلح الفطور
الصاج ارضي ولازم تجلس على الارض تصلح الخبز
جابت اغراضها وجلست تخبز معطيه الباب ظهرها وتطلع الخبز بالسكين
فجاه حست باحد وراها قبل تلتفت حست بانفاس حاره تلفحها من ورا الحجاب و بيدين تلتف على كتفيها انتفضت برعب حاول تبعده حست فيه يحاول يشيل حجابها دفته بقوه بس ماتحرك
حست فيه يقبلها بدون شعور سحبت السكين الي قدامها

شافها تسحب السكين قفز بسرعه بس السكين اوسمته على طول ساقه
طالع فيها مصدوم ونزل نظره لساقها تنزف بغزاره تراجع بصدمه وطلع مع الباب بسرعه

تنتفض بجنون مو مصدقه الي صار تحس انها بحلم رددت بدون تصديق:لا لا انا احلم هو مكان هنا لا
مو حقيقة. ركضت للمغسلة وفكت الماء وصارت تغسل وجهها بقوه وتضربه بتصحي من الصدمه

سكرت الماء وتسندت على الجدار مو مستوعبه نزلت ببط على الارض مالت براسها على الجدار
وغمت عيونها تحاول تهدي رجفتها

بعد فتره على وضعيتها شمت ريحة حرق فتحت عيونها وشافت الخبز محترق على النار
فزت وراحت تطلع الخبز المحترق وتحط جديد
جلست ربع ساعة
تحاول تنسى الي صار قبل شوي
صارت تفكر كيف جاء ومن وين دخل
خلص الخبز وحطته بصحن وشالته لاامها
وابو سعود
طلعت عليهم بالحوش حق الرجال وسلمت عليهم
:السلام عليكم صباح الخير
ابو سعود +ام وجد :وعليكم السلام صباح النور
وجد نزلت الفطور وحبت على راس امها وزوجها
ابو سعود ببتسامه:حياالله بنتي وجد تعالي يابوك افطري معنا
وجد :اعذرني يابوي بس ماني مشتهيته عن اذنكم ابدخل
ابو سعود:لا لا مافيه روحه اجلسي تقهوي اقل شي
وجد بتوتر وهي تسمع حركه عند باب الشارع:معليه يبه ابدخل اخاف احد يجي
ابو سعود بطيبة :يابنتي اجلسي مافيه احد غير اخوانتس
وجد برفض:ﻻاا اب... قطع كلامها صوته .يبه خلصت
قفزت برعب ومن الخوف مانتبهت لدله صدمت فيها وانكبت عليها قفزت علنها شافت الوجار قدامها
بس ماتقدر تتفاده لنها قفزه بجهته غمضت عيونها مستسلمه لنار قدامها بس حست بيدين تلفت عليها
بلحضه صارت على الارض فتحت عيونها بسرعه بتشوف من الي انقذها من شافته غمضت عيونها بسرعه
وفتحتها بتتاكد صدق شافته قدامها حست انها قبل شوي تتوهم بسماع صوت فهد
لفت على ورا وشافت واقف بعيد ويناظر فيها بدون شعور اركضت لداخل وسكرت الباب
وراها
ابو سعود ناظر في عياله حس الجو متوتر :تعالو

يتبع

لامارا · 27-07-13, 10:36 AM

*ملاحظة او اعتراف قصة {{{{وجججد}}}}}
حقيقية مع ايضافات بسيطة للحداث

التكملة

ابنزل لكم الجز هاذا وبتوقف لين بعد المتحانات لن عندي امتحانات ومزحوم وقتي
اعذروووني حبايبي

ام وجد تنادي على رواد الي تراجع بيطلع:رواااد تعال وين رايح تعال تقهو وافطر الفطور جاهز
رواد بضيق :بس ياخاله ماني مشتهي عن اذنكم .وطلع
لفت على فهد :وانت يافهد تعال افطر
فهد بتردد :هاه لا انا ابروح بعد
ابو سعود:فهد انت حطيت سطوانات الغاز بسيارة عشان اعبيها
فهد نزل نظره لبقايا الدم الخفيفه الي على ثوبة:لا يبه
مالقيتها
ابوسعود:وشو مالقيتها قدامك بحوش الحريم رح شف وجبهن
يالله

فهد بتوتر :طيب بس استنى شوي
ابو سعود قاطعه :وشو استنى لا انا ابمشي الحين
قم قدامي الحين

____

ماتشوف من الدموع ماتقدر تتحمل ماهي حمل الي يصير لها
من موقف الصبح بعدها موقف رواد تحس انها بتموت
دخلت غرفتها وسكرت الباب وانهارت تبكي بكاء يقطع القلب
سمعت طق الباب
كتمت صوتها تحت الفراش عشان مايسمعها الي يطق

طق الباب اكثر من مره بس ماردت عليه
نداها بكل حنيه:وجد وجد يابوي افتحي الباب
وجد سمعت صوته وفزت بقوه حاوت تهدي نفسها بسحت دموعها
ركضت للماء الي منزل بجنب سريرها وسكبت بيدها شوي اغسلت وجهها
بعد دقيقه راحت وفتحت الباب :هلا يبه امرني
ابو سعود مسك يدها وهو يتفحص وجهها :وش فيتس يابوي وجد تقل انتس تعبانه
وجد حتضنت يده وقبلتها :لا يالغالي بس مصدعه شوي
ابو سعود:لا يابوتس سلامات يعني ماتقدرين تروحين لموعدك
وجد تذكرت موعد السنان حقها:وااه نسيته لا ابروح اكيد
ابو سعود توجه للباب بيطلع:خلاص يابوتس البسي واطلعي لي انا بسياره
وجد ابتسمت :حاضر دقايق وجايه
طلع ابو سعود وهي راحت تلبس

طلعت من غرفتها وسكرت الباب
راحت على قسم الرجال مرت على امها
:يمه انا رايحه مع ابوي للموعد توصين شي
امها:سلامتك يايمه الله يشفيك يارب ويوفقك ياقلب امك
نزلت على راس امها وقبلتها :مع السلامه يمه
طلعت ومانتبهت للي منسدح
طلعت مع باب الشارع وسكرته وراها
رايحه لسياره شافت عمها محرك السيارة شوي وشغاله دليل انها مستعجل
اركضت له بسرعه وصلت السياره وفتحت الباب الامامي

تكلمت بسرع :اسفه يبه تاخرت عليك كنت اسلم على امي و..بترت كلامها وهي تشوفه جالس قدام شهقت بقوه وسكرت الباب
برعب كانت لاصقه فيه وهي تتكلم مانتبهت له
ركضت لبيت بترجع مستحيل تروح معه

فتح الباب الي ورا ونزل يركض وراها:وجججد وجد وقفي لحضة
وجد وقفت من سمعت صوته
وقف عندها :وجد ليش رجعتي يالله فات موعدك
وجد برفض:مستحيل اروح
محمد بستغراب:ليش مستحيل وش فيك
وجد بخوف وماتدري وش تقول له:مافيني شي بس خلاص مابي اروح
محمد مسك يدها وسحبها معه:اقول بلا دلع ويالله قدامي
وجد برعب :لاا حمود مابي والله خايفه
وقف وناظر فيها:من وشو خايفه
وجد ماتدري كيف طلعت منها:هاه خايفة ايه خايفة من الدكتور
محمد :هههههه حلوه ليش انتي داد
وجد بخوف حقيقي:حموووود لا تضحك والله خايفه
محمد بتهديه :خلاص ياقلبي ولا يهمك راح انزل معك
وجد تمسكت فيه:طيب حمود مراح تخليني لين ارجع
محمد مشى وهو ماسك يدها :خلاص ولا يهمك
فتح لها الباب وجلسها ورا السايق سكر الباب ولف مع الجهه الثانية وركب ورا فهد

حرك ابو سعود وهو يكلمها:وجد ليش رجعتي
محمد رد بسرعه :كله من دلعك يبه بالله عليك فيه احد بعمرها يخاف الدكتور
ابو سعود ضحك :ههههههههههه افا تخافين من الدكتور ياوجد
وجد برجفه باينه بصوتها :لا يبه بس شوي
محمد ضغط على يدها وبهمس:من جدك خايفه من الدكتور مو اول مره تروحين وش
فيك
وجد تغمض عيونها وسكتت ماتقدر تتكلم تحس انها بتموت رعب مو متخيل انها معه
بنفس السياره انزلت دموعها غصب عليها لفت للجهه الثاني على النافذة
تحاول تهدي روحها تحس الطريق طوييييل مسافت المستشفى 10دقايق وصلو اخيرا
فتحت الباب بتنزل سمعت ابو سعود يكلم فهد :فهد ياولدي انزل مع اختك عندي شغل
تجمدت ماقدرت تنطق حرف من الصدمه ينزل معها شلون مستحيييل
سمعت رده:على امرك يبه
حاولت تتكلم تعترض ماقدرت السانها انعقد
بس صارت تنتفض حست بمحمد يضغط على يدها وسمعته يهمس لها:وجد تبيني انزل
معك
لفت عليه وهزت راسها بأيه فتح الباب ونزل

انتبه له ابو سعود :محمد وين
محمد :ابنزل مع وجد يبه
ابو سعود :ماسمعتني اقول لااخوك ينزل اركد بمكانك
وجد اخيرا صحت من حالت التجمدت تكلمت وهي ماسكه يد محمد :لاااا يبه ابي
محمد ينزل معي
ابو سعود سكت شوي بعدين قال:طيب يابنتي مثل ماتبين
نزلت وجد هي ومحمد وحرك ابو سعود للورشته

________
العصر الساعة 3:40

بيت ابو تركي جد وجد
(((((((تعرييييف باخوال وجد ))))))
((فاطمة ام ماجد 40 )))
<<ماجد 24>>
<<مروة21>>
<<خولة17>>
((حنان 39 ام جلاد ))
[[جلاد16]]
[[جنى13]]
[[جلال10]]
((تركي 23))
_________

دخل جلاد ينادي :وووجد
طلعت وجد من المجلس :جلول حبيييبي
جلاد مسوي معصب :لاتكلميني ليش ماقلتي انك جايه لو خالي تركي ماقلي مادريت
وجد:سووووري جلول متزعلشي
تركي من وراه :وجودي حبيبت خالها تعالي
وجد طارت له وتعلقت بارقبته :عيون وجد شو تريد
تركي :ابوي يقول تعالي
وجد استانست :طيب يالله يالله نروح
تركي:ههههه طيب روحي البسي عبايه بنطلع برا بالمشراق
وجد اركضت تلبس عبايتها ورجعت بسرعه
طلعو لبرا عند جدها
:السلام عليكم
تعدل الجد بجلسته وبفرحه بشوفت وجد:ياهلا ياهلا وغلا ياحيى الله وجدي
ياهلا بحبيبت جدها تعالي تعالي بجنبي تعالي
ركضت له وضمته بقوه حبته على راسه وخده ويدينه وهي تسائله عن اخباره
واحواله وناسيه الي حولها جلست بجنبة
ضم كتفها ولف على الي بجنبة:صب القهو لوجدي ياماجد

شهقت وجد ولفت على ورا جده شافت ماجد جالس وبيده الدله
ابتسم ماجد على شهقتها :كيفك وجد
وجد ردت بحيا:تمام
صب فنجال ومده لها وهو مبتسم :تقهوي
وجد ميته حيا وماقدرت تمد يدها
ابو تركي اخذ الفنجال ومده لها :خوذي ياجدك تقهوي
اخذت الفنجال
جدها قام يسئلها ويسولف معها
وهي ترد عليه بهدو مستحيه من ماجد
جد سيارة لهم فزت ودخل بسرعه قبل توقف السيارة
شافت البنات جالسات
لوحدهن بدون الكبار
جنى صوتت لها :وجد تعالي هنا بسرعه
راحت لهن :وش عندكم مجتمعات

______

عند الحريم
ام وجد تحس بالوعه قامت للمغسلة
رجعت لين حست انها ارتاحت
طلعت وتتسند على الحافت الجدار حست الدنيا تدور فيها واضلمت الرويا عندها
طاحت على صرخت ام جلاد

انتهت الحلقه الراابعة

لامارا · 27-07-13, 10:38 AM

الحلـــــقة الخامسة

(((تحول الحلم الى حقيقة)))

بالمستشفـــــــى

بالنتظار وجد حاضنه تركي وتبكي على صدره:تركي امي وش فيها والله اموت لو صار لها شي
تركي يحول يهديها :تعوذي من الشيطان ياوجد مافيها شي ان شاءالله تطلع الدكتورة وتطمنى

دقايق طويله بالنتظار انفتح باب الدكتور .على دخلت ابو سعود وعياله يركضون.،
ركض ماجد الي واقف بجنب تركي وقام وراه تركي ووجد
ماجد:دكتورة طنيني
الدكتور تتفحصهم:مين زوج المدام
من وراها:انا يادكتورة
الدكتوره ابتسمت لهم:ابشرك المدام حامل
صرخت وجد بفرحه متناسيه المكان :واللله
ابو سعود خر ساجد من الفرحه عنده عيال بس من ام وجد غير حبيبت قلبه
برحفه عطى الدكتورة بشاره:هاتس البشارة تستهالين
الدكتورة استانسة:ان شاءالله ربي يبشرك بخروجه لدنيا سلام هو وامه
كلهم باركو له ووجد دخلت تركض لمها

دخلت بالغرفة وشافت امها منسدحها على السرير بيدها مغذي
:يمــــه خوفتيني علي
ام وجد تحضنها بعد ماوجد مالت عليها :بسم الله عليك من الخرعه مافيني شي ياقلب امك
وجد تضمها بقوه:الحمد الله مافيك شي بس كله من غالي اوريك فيه خليه يجي
امها بستغراب:من غالي
وجد بفرررحه :ولدك مين بعد هذا ،وتشر على بطنها،
امها ضحكت بقوه:ههههههههههه حسبي الله على عدوك وسميتيه بعد

:دوووووم هاضحكه يام وجد
وجد تقاطعه وناسه:لا يبه من اليوم ورايح انا اتنازل عن حقوق الكنية لا غالي من اليوم اسمها ام غالي
ابو سعود يضحك:هههههههه تم يااخت غالي
,قرب لاام وجد وحبها على راسها:الف مبروك يالغاليه خوفتيني عليك
ام وجدابتسمت:اللله يبارك فيك يابو سعود
قرب تركي وسلم عليها وبعده ماجد ورواد ومتعب ومحمد وجلاد
كلهم كانو موجودين وفرحو لها
ويعلقو ن على وجد برحتها المبالغ فيها بنظرهم الا بنسبه للبعض فرحان بفرحتها اكثر من قدوم الطفل
متعب يترق عليها:هههههههه اتنازل عن حقوقي بالكنية اصلا بياخذون رايك ياماما
جلاد يكمل:هههههههه انت شف الاسم بس غالي بالله عليك من وين نخشتي الأسم
وجد بتريقه:انت رح غير اسمك بعدين تعال اتريق على كيفك
محمد فقع ضحك:هههههههههههههههاي محد طاح وجهه
ماجد بضحكه:هههههههه الا قل بنص الجبهه
تركي:هههههههه يستاهل الي يغلط على وجودي
رواد ماعجبه الاسم صدق:الحين انا اسم اخوي غالي
وجد بقهر منه ونه يتطنز على الاسم:انت شف معنى اسمك اول بعدين تعال تكلم
رواد صد عنها وكنه ماسمع شي:
محمد ماجد تركي ابو سعود انفجرو ضحك :ههههههههههههه ههههههههههههههههههه
ههههههههه
محمد بصوت يتقطع من الضحك:ههههههه خلاص ههه ئئئه هه مو ههه قادر
والي يرحم ابوك
ماجد :هههههه قسم قويييييه
متعب مسوي خايف : انفد بجلدي احسن لي وبعدين بالعكـــــس غالي يجننننن
وجد ناظرت له بنص عين:لا اعترض بعد هههه والله اهاذ الي ناقص عندك اعتراض
متعب بحلطمة:ايه انتي اصلا ما جودك الى علي دايم دايم تحطين حرتك فين وغيري يدقون راسك ماتكلمين
وجد الجمها كلامه هي عا رفه انه يمزح بس جاء على الجرح هي خلقة اي كلمة يجي ببالها معذبها ماتقدر تقول الى حسبي الله عليه
صادق ماتقدر تكلم مو خوف من كثر ماهو خوف من الي
حولها بس بعد اخر موقف مستحيل تسكت له لو تسوي فضيحه له ولها خلاص ملت تتمنى انه مايتعرض لها
لن لو تعرض لها ماتعرف وش ممكن تسوي

كلامه ذكرها بالوضع الي هي عايشته وقتل فرحتها بحمل امها

ناظر فيها وشاف كيف قلب وجهها استغرب حس ان فيه شي كلام متعب عادي وش فيه زعلها واضح
كان يمزح شافها تقوم وتطلع من المكان قام محمد وراها لف نظره لمتعب شافه يناظر للباب الي طلعت منه
شوي وضرب على راسه بقوه وسمعه يهمس بكلمت .غبــي.

برا

بسيب المستشفى
واقفه وتمسح دمعتها الي نزلت غصب
وقف وهي معطيته ظهرها وقال بهمس:وجد وش فيك قلب مزاجك كذا
وجد تحاول تكون طبيعيه :هاه لا مافيني شي بس ايه بس طلعت ابكلم خلاتي ابشرهن
محمد ماصدقها بس حاول يمشي كلامها:اها طيب اتصلي يالله
وجد بربكة:ايه انا جيت ابتصل لقيت اني ناسيه جوالي بالبيت
:انا كلمتهم وبشرتهم
لفت له بفرح انه انقذها وقالت بتضببع السالفه على محمد :ليييش تقول لهم حرام عليك انا ابقول لهم
رد بتريقه :خلاص يانانا مره ثانيه
وجد بقهر انه يتريق عليها:انقلع مااحبك
جلاد :تكفين حبيني من زين حبك انا يكفيني رمرم
وجد عطته كوع محترم عشان ينتبه لكلامه:انا ماتحبني يالحمار
جلاد تلوا من جنبه جت كوعها بكليته:ااااااه يمجنونه فقعتي كليتي حبك قرد قولي امين
وجد بقهر :القرد مرتك يارب
جلاد بيقهرها:بحاله اذا كانت امرتي انتي
وجد صرخت عليه:تعقـــب وتهبـــى خلصو الرجال اخذك انت
جلاد بمسرحية:لا ترا اروح انتحر لو مافكرتي فيني تكفيييين وجد اموت ترا
وجد فقعت ضحك على تعبير وجهه:ههههههههههههههه رح انتحر
محمد فرح من قلبه على تغير
مزاجها الي رجع شكر جلاد من قلبه قرب منه وحضنه:لااا كل شي ولا جلااد مارضى عليه
وجد بتريقه:لاوالله ومن متى
محمد ببتسامه :من خلا البتسامة ترجع لك
وجد ابتسمت :هههههههه فديتكم اغلااخواني ياغلا من روحي
جلاد :ههههههه اغلا اخوان متاكده اذا جا غالي ماتنسينا
وجد بتقهره:ههههههه عاد اذا جا غالي ماعرفك
محمد ضحك:ههههههههههه ماصدقك مستحيل تنسيني انا
وجد بجديه:انا نفسي وما انساكم شفتو حتى من حبي لكم ابزوجكم خواتي
محمد بحسرة:جلاد يمكن بس انا كيف مو خواتك خواتي
جلاد فقع ضحك:ههههههههههه لاتخاف لها خوات من ابوها
محمد بفرحه:والله من جدك وجد لك خوات
وجد ببتسامة حزينة:مدري بس ابوي متزوج اكيد عنده بنات وعيال
محمد ابتسم لها:ولا يهمك بكرا عندك كل اخبار ابوك وجماعته وش تبين بعد
وجد بامتنان:تسلللم فديتك

________

:ياهــــل البيــــت تجمعووووو عندي خبر مفــــــــرح لكم
دخلن يركضن مع كل جهه
ام جلاد:خيييير تصارخين
جنى بفرحه وتناقز:كم تعطيني على البشاره
ام ماجد ترد بسرعه:الي تبين بس قولي وش فيه خلعتينا بصراخك
خولة بنافد صبر :جنوووه قولي وش فيه
جنى بنذاله:لا لا مافيه لين تقولون لي كم تعطوني
ام جلاد صرخت فيها:جنـــى بتقولين ولا كيف
جنى خافت من امها :خلاص ابقول ابقول
مروه بصراخ:قوووولي
جنى تعدل بوقفتها:حم حم تو دق علي جلاد
امها :وبعدين كملي خالتك وش فيها
جنى بفرحه:يقول خالتي بتجيب لنا بيبي جديد وتشوت لاما شلوتي ههههههههه
لاما فهمت كلامها وبكت :لااااا مااابي ماما ماتشوتني انا ماحب البيبي
جلال واقف عندها قرب لها وحضنها :تكذب عليك خالتي تحبك مراح تشتك بتشوت البيبي وانتي لا
لاما استانست:صدق دلال ماما تحبيني ماتحب البيبي
جنى فعت ضحك عليه:هههههههههههههههههههه� �هههههههههه صح لامو دلال صادق هههههههههههه ماما تحبك
جلال صرخ :دلال بعينك انقلعي مو اني ساكت لها تقولين مثلها انا عارف انها صغيره
ام ماجد :ياحبيبي معليك منها

دخل بكل هيبة وبصوته الجهوري :ياولـــد
فزت ام جلاد :هلا يايبه هلا حياك
ابو تركي تقدم لهم:اوش فيكم تصارخون عسى ماشر
جت بتتكلم ام ماجد بس صرخ جنى سكتتها

:جددددددي البشاره ياجدي ترا كلهم بشرتهم ولا احد عطاني ابشارة
ابو تركي:ابشري يابنت سعد والبشارة على قد الخبر الي يفرح
جنى طارت من الفرحه:هههه والله كانه كذا بتخسر واجد
ضحك:مههههههه لىىـله ماهنا خسارة بانتي
جنى دقت صدرها :جاك العلم
ابو تركي ببتسامه: عطناه ياجنى
جنى :احم احم ياابو تركي بتصير جد للمرهـ السابعه
ابو تركي :كيف وتـ .وقطع كلامه بعد مااستوعب .وش تقولين ابصير جد ومن منه يابنت سعد قولي
جنى :خالتي خالتي ام وجد حااامل
ابو تركي بدون شعور خر ساجد بفرحه وهو يشكر ربه رفع وردد.:الحمد الله الحمد الله يارب ولك الشكر
الي رزقت بنيتي بالحمل يارب انك ترزقها بالولد الصالح الي يشيلها عند كبرها يالله
رددن وراه بـ:أميـــــــن

____
:والله من جك تتكلم .هاه .لا بس تفاجئت .ههههههه .والله جد مفاجئة ..ههه ماشاء الله
..طيب ..طيب ..يالله مع السلامه..هاه.ايه اكيد ابقولهم .. مع السلامه
سكرت منه
:عليا من تكلمين كل هاصراخ وكانه يبشرك بشي
عليا تعدلت بجلستها وواجهت امها:ايه هاذا رواد يقول اليوم خالتي ام وجد طاحت على اهلها ودوها للمستشفى
ومناك دقو على ابوي وكان معه رواد وراحو لهم
ام سعود:اعوذ بالله طيب وبعدين وش صار عسا مافيه شين تسايد
عليا ببتسامة:لااا مافيه الا الخير الحلوه طلعت حامل
ام سعود بصدمه :حاااامل انتي متاكده
عليا استغربت :ايه يقوله رواد ليش وش فيك
ام سعود انتبهت :هاه لا مافيني شي ايه ماشاء الله الله يرزقها بالولد
عليا:امين
:من هاذي
لفت عليا على الصوت :خالتي ام وجد
وجدان تمشي داخله عليهم ووراها فهد:وش عندكم بسيرتها
عليا بحماس :مدريتي طلعت حامل
وقف مصدوم :ايـــــــش حامل ترف حامل
فتحت فمها عليا من صرخت :ايــه حامل وش فيك تصارخ كذا
فهد تو استوعب:هاااه مافيني شي بس مصدوم ماتوقعت انها بتحمل
عليا :وليش ماتوقعت تراها صغيره ماجت 37
فهد :ااف ماقصد بس تفاجئت
وجدان اخيرا استوعبت الخبر:حااامل
عليا فقعت ضحك عليها:ههههههههههههه بدري ولدت المرة وانتي مفهيه ماستوعبتي
وجدان بفهاوه:هاه ولدت
عليا :ههههههههههههه صدق مفهيه وش فيك
وجدان :وجد
صد بسرعه عليها :وش فيها
وجدان وهي متنحه :نفسي اشوفها ابعرف شعورها

________
في مكان بعيد كل البعد عن وجد وعالمها الي تعيش فيه
جالس بالمجلسه واخوانه عنده
والاصوات عاليه يتناقشون بمواضيع متفرقه

بااقصى المجلس تكلم وهو يرفع صوته :اقول يابو مشهور
بنص المجلس رفع نظره له ورد عليه بنفس مستوا صوته :سم يابو رواف
ابو رواف بنفس مستوا الصوت :لين متى وانت رامين بنتك على الغريب
ابو مشهور سكت ماقدر يرد :
ابو رواف يضغط عليه:مارديت ابو مشهور
ابو مشهور بقه منه :وش تبيني اقول البنت عند امها ومستانسه وليش اخذاها
تكلم الثاني كان مقابل ابو رواف :ابو مشهور بنتك عايشه بين شباب
ابو مشهور تنرفز منهم :وشو عايشه بين شباب انا عارف ان ام وجد عيشه ببيت لحالها مامعها احد
رد الثالث وبتئيد لخوانه وبيضغط عليه وماهم النتايج وش بتكون:والي يقولك اني قبل فتره طالع لديره الي هم ساكنين فيها
ومريت بصدفه من عند بيوتهم وشفت مجموعت شباب وبنتك معهم
ابو مشهور فقد اعصابه وفز واقف:وش تقووووووول كلامك كبير ياخوي احسب احسساب الكلام قبل تنطقه
ابو رواف يهديه:اهد يابو مشهور وخلنى نشوف وش سالفته
صرخ فيه :اي سالفه يتكلم عن بنتي كذا وتقول نشوف السالف لـ.
قطع كلامه ابو رواف:لحضة نشوف يمكن شين ثاني قل ولف عليه.وانت من قالك هالحكي وانها بنت اخوك
:محد يدري انها بنت اخوي انا شفت العيال والبنات وسائلت من هذولي قالو لي انهم عيال السعود وبنت المشهور
ابو مشهور صرخ فيه :بـــــس خلاص لاتكمل تراك زودتها احترمني على الااقل قلتها عيال وبنات السعود يعني طالع مع اخوانها الي متربيه معهم
وبنات بعدين
:ماقلت شي خطاء احنا نبيك تضف بنتك وتراها عرضنا بعد
ابو مشهور قام وهو بينفجر من القهر والعصبيه:مو عليك الشرهه يااخوي الصغير الشره علي الي جالس بمجلسكم
..وطلع مع الباب .ومن بيت اخوه بكبره..

_________

بعد 9شهور

الصبح الساعة 8:30

دخلت تركض على الصراخ امها تناديها
:يمه وش فيك ليش تصارخين
ام وجد بالآم تصرخ :اااااااه الحقي علي روحي نادي عمـــــك ابولد ابولد روحي بسرعه
وجد طار عقلها من شكل امها وصراخا ماتت رعب ماعمرها شافت حالت ولاده وتعرف انه بسبب الولده اصراخه صرت تصيح معها
:يمه

يتبع.............

لامارا · 27-07-13, 10:38 AM

تابع.......

امها بصراخ مع الطلق الي زاد:وجـــــــد روح لعمك بالمجلــــــــس
وجد سمعت كلام امها واركضت برا
طلعت من الغرفه على بيت الرجال وبسرعه جنونيه وهي تتخيل شكل امهاا
دخلت مجلس الرجال وشافت عمها توه يجلس عند الوجار بيتقهوه وقفت عنده وهي تلهث:ها اااه اائه يه يبــه الحق
ابو سعود فز واقف والفناجيل بيده وبخوف من شكلها فيه مصيبه :وش فـــه وجد وش صاير
وجد تتلاحق انفاسها الاهثه :يبه اهااه امي امي بتولد بتولد يبه الحق عليها
طاحت الفنااجيل منه وبصرخه:وشووووو ..وركض يالبرا ..وجد اركضي لاامك ولبسيها عباتها ابجيب السيارة من وراه ..طلع مع الباب
..بسررررررعه وجد .. نفذت كلامه وركضت راجعه للبيت ..دخلت على امها وراحت بسرع تسحب عبايتها وتحطها عليها ..

دخل ابو سعود وهويركض لها انحنا عليها وشالها وركض لسيارة

ووجد لبست عباتها وركضت وراهم
..حطها بالسيت ورا وددها على طول السيت ..جت وجد وركبت قدام..
وكانت ترجف من الخوف على امها بس تحاول تصير قويه

عشر دقيق
..

وصل المستشفى ونادا :طوووري حالت ولاده
دقايق وجت الممرضات يسحبن سرير...
حطن ترف عليه..
ودفنها داخل ووجد وعمها يركضون وراها
..
عند الباب دخلو سكروه دون هم
..
وجد بخوف :يـــبه امي
ابو سعود يحاول يطمنها ويطمن نفسسه حضنها :تطمني حبيبتي مافيها شي ان شاءالله تجيب غالي ويملى البيت علينا
..
مشى بها اللنتظار وقف عند الستاره:اجلسي هنا حبيبتي لين تطلع الممرضة
..دخلت داخل وهي تدعي ربها لاامها ..برا واقف ومتلثم بشماغه ويدعي بقلبه يارب تقومها بالسلامه
يارب لاتفجعني فيها الغالية يارب يارب ...زفر بقوه وهو يمسح على وجهه ..
ياكريم اكرمني بسلامتها وسلامة طفلها يارب ..
ناظر لساعة ربع ساعه راحت محد طلع...

ساعه

.
ساعتين
.
ثلاث اربع ساعات
..
بدا الخوف يدب بقلبه
مو معقول كل هاذا وماطلع احد لهم يطمنه
...
فاتت ساعه
خمس ساعات لاااااا
زفر بقوه وبخوف ركض لمكان الحريم
وقف عند الباب ..
وسمع صراخ الحريم تيبس بمكانه وزاد الخوف فيه حبيبته خاف عليه يمكن هي وحده من الي يصحن
...
ستمع زين بس ماقدر يميز صوتها استنكر :لا لا اصلا مراح تصرخ
فجائة فتح الباب وطلعت منن ممريضة افلبينية:انت شنو سوي هنا
ابوسعود بتوتر:زوجتي ولاده شنو صار
ممريضة :انتا شنو اسم زوج مال انتا
ابو سعود بناذ صبر :ترررف ترف وين الدكتورة وينها
طلعت الدكتورة وبكل برودت دم :زوجتك محتاجه تحويل لازم عملية قيصريه ومااعندنا امكانيات
بصدمة صرخ:وشوووو 5ساعات واخر شي تحويل وعمليه
الدكتوره برود وتكمل مشيها:هاذا الي صار تعسرت بالولاده عندها
..
طلعو بسرير يدفونها اللسعاف

ركض ينادي وجد
...
وجد ياوجد
..طلعت له بسرعه ..يبه بشر
..مسك يدها ..ان شاءالله خير الله كريم يبه
امك حولوها لحائل يالله بنلحقهم
واسرع على برا وهي تلحقه
...ركب سيارته وشغلها وهو يشوف السعاف يطلع مع البوابه
اسرع وراه حاول يصير وراه بالضبط بس ماقدر دخلت عليه سيارات
الساعف دخل بالشارع العام وهو وراه
وبخوف من انه يضيعه اعترض الشارع بدون تفكير صعد الطريق مع النص والطريق مردوم ومرتفع بالحيل اول ماوصل حد الطريق ردت السيارة
على ورا وطاارت بقوه لفت على جنب وتعدلت ورجعت على ورا شوي ودخلت بالطريق الثاني السعاف راح وهو يحاول يطلع
...عكس السيد وطلع بين السيارات بسرعه جنونية مكان يفكر الا بزوجته عقله معها ومو عارف وش يصير معه
..
وبقدرت قادر سبحانه قدر يطلع ويلحق عليه باخر الشارع وصار وراه لين وصل
....
دخلوها بسرعه غرفة الولادة
كان وراهم يمشي وقف عن الباب ومعه وجد
.. بعد ربع ساعه طلعت الممرضة ..
اسرع لها:سستر لو سمحتي زوجتي وش صار عليها
الممرضة تطمنة:تطن هي بخير بش الطريق اثر عليها شوي بس ان شاءالله هي بخير
..
رد:ليش مو مسوين لها عمليها
الممرضة:لا ليش بتجيب طبيعي ان شاءالله ارتاح اخوي
.وراحت عنه
تسندت وجد على الجدار بتعب وتوتر
نصف ساعه مضت مصار شي

..الله اكبر الله اكبر
صدح صوت الحق وقت صلات المغرب

....
ابو سعود :وجد يابوتس ابروح اصلي خليتس هنا
وجد بخوف:لايبه خذني معك
ابو سعود بطولت بال:وين اخذتس المكان كله ارجال هناك ابصلي وارجع
وجد برفض تمسكت بيده:لاااا ماتروح والله خايفه

........
..دخل مع قسم الولاده من دق عليه رواد وقاله ان ام وجد بتولد جا يركض صار يتلفت يدوره
وشافه واقف وفيه وحد متمسكه فيه توقع انها وجد قرب لهم وقف قريييب منم
وناد:يـــبه
وجد انتفضت مثل المقروصه وهي تلف وراها خيلها انه فهد لاحقها هنا
شافته واقف قريب ماتت رعبب هو الله هو وش جابه هنا يمه صارت ترجف برعب مميت تمسكت بيد عمها بقوها وحست انها تضغط عليه
من الخوف
ابو سعود حس فيها واستغرب ليش خايفه مسك يدها وقال:خلاص والله يابوتس ماني مخليتس الحالتس بس اهدي
ولف على ولد:هلا هلا من قال لك
قرب لاابوه وهو يحبه على راسه ويسلم عليه:رواد دق علي وقالي
..دارت الدنيا فيها وهي تشوفه قريب بالحضة لمحته حست انه مو فهد بس اسودت الدنيا فيها من فرط الخوف وارتخت مسكتها لعمها وطاحت
فاقده الوعي
حس ان فيها شي وشافها تنهار على الارض وقبل تاصل الارض كان يتلقفها بيدينه
سندها وهو ينزل لمستواها
صرخ عمها :وجـــــــد
رفعها من وركض فيها لغرة الاملاحضة قريبة
نزلها على السرير وطلع بقى ابو سعود عنده جت الدكتورة وفحصتها
ابو سعود يناظر الدكتورة جالسة على مكتبها:دكتوره وش فيها بنتي
الدكتورة:تطمن مافيها شي بس فقر دم بسيط وقلت اكل
ركبت لها مغذي
..مغمضة عيونها دليل انها نايمة
..دخل وبخوف:يبه وش صار وش فيها أيه
ابو سعود :مافيه الاالعافيه بس اليوم ماكلت شي من الفجر واحنى هنا ويمكن انها ماافطرت
:اها الحمد الله جت على كذا وخالتي وش صار عليها
ابو سعود تنهد:اااااااه الله ياستر وانا ابوك خايف عليها طولت من الصبح وهي بحالت ولاده مع ان الدكتوره هاذي قالت لي نجلس لين الساعة11
باليل وبعدها نقرر
وش بنسوي لن الرحم لين الحين مافتح كامل
:ان شاءالله تقوم بالسلامه وتفرح بسلامتها
ابو سعود:الله كريم ياسعود
..
مـــاء حار انكب على وجهها من الصدمه سعـــــــود من وين طلع هاذا وش جابه
اخر مره شافته متى يوم كان عمرها 6 سنوات ماتذكر حتى ملامحه
تذكر موقف لها معه وهي طفله بس بدون ملامح
تذكرته يوم قال ايه ابتسمت بحزن هو الوحد الي اكان يسميها ايه
كانت ناسيه هالاسم بس الحين تذكرت زين
تذكرت يوم تصرخ عليه وتقوله اسمها وجد مو ايه
كان يضحك ويرد عليها ..عادي لك اسمين وجد الحب وايه بالجمال
بعدين تعودت عليه وماترضى احد يناديه باأيه او وجد الحب الا سعود ..اااه ياسعود

...سعود سعود طلع شبيه فهد بس بشكل اكبر
هل راح يكون شبح جديد يطاردني مع الاول ولا بيكون
وش بيكون
بعد
غيبة طول 7سنوات الماضيه

انتهــــــت الحلقة الخامسة

توقعاتكم
هل خروج سعود على الساحه له دور بتغيير الماضي وحيات وجد او لا

انتظرو الحلقة السادسة
قدووم غالي الشخص الجديد في عايلة السعود
و نهاية الماضي مع بداية الحاضر
ومقتطفات الاماضي يذهب و يعود

اتمنــــــــى تستمتعو بالحلقة

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري