31-12-13, 10:25 AM
| #11 | |||||||||
| نجم روايتي ومشرفة سابقة وفراشة متالقة بعالم الازياء  
|  فـــي السيـارة """" كان ابوي وسلطان يتكلمو عن الاسهم وما اسهم رجعت راسي لورا لاني ما احب هالسوالف من اللي ربح ومن اللي خسر غمضت عيوني وانا ادعي ان الله يحقق امنية سلطان ويطول في عمره راح ذاكرتي لسبع سنين لورا كنت وقتها في اول ثانوي ودوبني كنت اتغطى وانا اطلع السوق او اي مكان ثاني وكان من عادتي كل يوم بعد صلاة العصر اجي اوقف عند بوابة فيلاتنا الكبيرة واشجع اولاد الحارة وهم يلعبو كرة واللي كان يعطيني عصير او حلاوة مصاص على شكل قلب كنت أقطع نفسي وانا اصارخ وانادي بأسامي الفريق واحد واحد لاني الوحيدة اللي صوتها كان مالي الحارة بأكملها خخخخ ومرة كنت واقفة كعادتي انتظر الرشووة من اي فريق قبل ما يبدأ المباراة جاء كابتن فريق النور اسمه خالد واعطاني اثنين بسكوت كندر وجالكسي وقال : يلة ندووشي نبغى تشجيع عشان نتسمح ونفوز .. ابتسمت وقلت : اكييد راح اشجعكم .. بس وش لي يووم تفوزو .. خالد : افا عليك انتي بس شجعي ولك اللي تبغي .. قلت بفرحة : خلاص اول ما تفوزو راح اعلمك وش .. خالد : خلاص تامرين امر واللحين بااي عشان المباراة تبدأ .. اول ما راح خالد من عندي سمعت امي تناديني حطيت البساكيت جنب الباب وجيت ادخل للداخل لقيت سلطان واقف قدامي و الشر يتطاير من عيونه حاولت ابي ابلع غضبه اللي ما اعرف سببه : هههه سلوط شفت خــــ ..... ما خلاني انطق بحرف زيادة .. جا ومسك من شعري وسحبني للداخل : آآه ياقليلة الادب وتعترفين قدامي بعد انا اوريك يالكــ ... رماني على حافة النافورة الدائرة وبدأ بالضرب بدون ما يسمع مني ولا كلمه او حتى ما عطاني فرصة ادافع عن نفسي ومن يومه صرت ما احتك به كثير لين تخرجت من الثانوية وجاني بعثة لـ الامارات قعدت على راس ابوي عشان يوافق اروح كان حلمي اني ابعد من سلطان اكبر من اني انجح واحصل على الشهادة وبكيدا صار علاقتنا انا وسلطان شبه معدوم ويوم جانا في دبي صرت مجبورة اني ابين العكس للكل وكأن ماصار شئ ومع مروور الوقت تعودت عليه ونسيت الخلاف اللي بيننا الكل كان يسأل اننا لييه ما نطيق بعض بس كنت اتهرب من الجواب حتى سلطان نفسه ما كان يفتح فمه بشئ وبعد شهر من رجعتنا لسعودية رحت له يوم واستسمحت منه مثل ما علمتني لوجين واللحين الحمد لله تصفينا وما نشيل شئ على بعض .. انتبهت على صوت ابوي وهو يقول : يله ندى انزلي وصلنا .. هزيت راسي و نزلت من السيارة ودخلنا لبيت ابو ماجد .. ابو ماجد استقبل ابوي وسلطان من عند الباب وانا دخلت للصالة الحريم .. على جود نطت لعندي وسلمت علي وراحت تكمل لعبها على سوني .. شفت مريم الكريه جالسة قدام التلفزيون ياكرهي لهذي الانسانة مدري ريهام كيف تقدر تعيش معاها في بيت واحد وتستحمل غثتها آآففف .. قلت بدون نفس : سلام .. ردت علي : هلا وعليكم .. يااااااا آآه يا كرهي لك بس ناديت بصوت عالي : هيـــام هيــــامي .. هيمـــــوو .. جا صوتها الكريه مرة ثانية : لوسمحتي ما عندنا حد بالاسم الظاهر انتي غلطانة .. بغيت ارد عليها لكن بنتها جود سبقتني وقالت بنبرة طفولي: لا ماما عمة ندو ماهي اصلا عمة ريري غيرت اسمها لـ عمة هيام حتى اسألي بابا .. مريم عوجت شفايفها : عشتــــوو .. : والله مرت وادلعها على كيفي .. مريم : انتبهي لا تطحين علي مو من زين مرت اخوك هه .. قلت اقهرها اكثر : والله يا حبيبتي احسن من بعض الناس .. مريم بنرفزة : وشش قصدك ..؟ : اقصد ان فيه ناس ازواجهم كبر عيالهم .. طبعا انا اقصدها هي لانها اكبر من زوجها مبارك بأربع سنوات .. كنت اكره مبارك وزوجته لكن ريهام قالت ان اخوها تغير 180 درجة بعد رجعتها من دبي وصرت أحبه .. ما سمعت ردها لان ريهام جات وطلعنا لغرفتها وصوت ضحكاتنا مالي المكان .. على آذان العشاء اتصلت على سلطان عشان اشوف وش سوا لانهم مره تأخرو : هلا سلوط .. سلطان شكله مروق : هلا وغلا بأحلى ندووشي .. ابتسمت وقلت: هلا سلوط ها بشر شو صار .. سلطان : كل خير وانا اللحين في السيارة .. استغربت : ليه وش تصلح في السيارة .. ومتى طلعت .. ابو ماجد قالكم شئ ..؟ سلطان : هههههه وش فييك تسألين كومة اسأله في نفس وااحد .. انفعلت بزيادة وانا اناظر ريهام الخايفة : سليطن لا ترفع ضغطي .. سلطان : ابد يا طويلة العمر سويت غسيل مخ لابو ماجد وخليته املك على هيامي الليله .. قلت بفرحة وصرخة : كذااااااااااااااب .. سلطان : عن الغلط رجال وش كبري تقولي عني كذااب .. يلة قفلي عشان اتصل على الشباب .. : اووكي بس اقول سلوط .. سلطان : اسمعك .. : يعني انت تطلع على ريهام .. سلطان : طبعا واقدر ادخل عليها اذا بغيت .. انحرجت مررة من رده وقلت : ايشش استح على وجهك صـ.... قاطعني بضحكة : ههههه باي عندي خط ثاني .. قفلت منه وقلت لريهام : يله ريري روحي خذي لك شاور بسسرعة .. ريهام بغباء : لييشش .. : مدري علمي علمك .. بس يله بسرعة لا تتأخرين .. ريهام سوت مثل ما قلت .. و دخلت الحمام .. و انا اخذت اتصل على لوجين و قلتلها تجي الحيين لان ما فييه وقت .. و نفس الكلام لـ سحــر .. فتحت الدولاب عشان ادور فستان لـ ريهام شفت فستان تفاحي مررة نعوم اخذتها و حطيتها على السرير .. ورتبت التسريحة عشان لو جات لوجين تمكيج ريهام .. دقيت باب الحمام وقلت : ريري .. ريهام : ايـــوا .. : انا نازلة تحت وانتي اول ماتخلصي البسي الفستان اللي عـ السرير اوكي .. ريهام : اووكي .. نزلت الصالة وشفت مبارك جالس جنب النسرة زوجته .. رجعت شعري الاسود لورى أذني قربت لعندهم وانا اتمخطر بمشيتي جيت وقفت عند التلفزيون وقلت بدلع : هااي ابو مجود .. مبارك ابتسم : هلا ندى كيفك ..؟ : الحمد لله تمام انت كيفك ..؟ مبارك ناظر زوجته ومن ثم ناظري : كويسس بشوفتك .. : الله يخليك .. طبعا كل هاذي وعيون النسرة طايررة الود ودها تقوم تمط من شعري وتذبحني لكن انا لها الخايسة اجل تستقوى على الضعيفة ريهام وتتبلى عليها اوريك يالمعفنة .. زدوت من كمية الدلع عندي وقلت : بـو مجود ممكن طلب ..؟ مبارك مازال مبتسم : آمـــــري .. : ممكن ادا مافيه ازعاج عليك انا نسهر للفجر تعرف ملكه ريري ولازم ننبسط .. مبارك وقف من مكانه : سوي اللي تبينه البيت بيتك .. واللحين انا طالع للصلاة تامري على شئ .. ابتسمت وقلت : مشكوور الله لا يحرمـ - بغيت اقول الله لا يحرمنا لكن غيرت رأي وانا اشوف قهر النسرة - يحرمني منك يا حئ .. مبارك مارد علي بس ابتسم في وجهي وطلع من الباب .. لا يروح فكركم بعيد مبارك هذا اخو صديقتي يعني مثل اخوي لا أكثر .. وكل اللي اسويه بس عشان اقهر المخنزرة ذي اللي شوي وتنطق من القهر .. ابتسمت وقلت لـ جوود : جووجو حبيبتي يلة تعالي معاي نرتب المجلس عشان ندخل عمة هيام على عمو سلطان .. جود : طيب .. مشيت مع جوود للمجلس سمعت النسرة تذهر بغيت اللعن خيرها لكني ما اهتميت بكلامها لاني ابدا مو فاضية لذي الأشكال .. اول ما حاضرت طبعا امي ومدى وبعدهم سحر واهلها وست لولو آخر وحدة .. استقبلتها عندالباب وقلت : ابغى اعرف ليه تتأخرين دام ما منك فايدة همممم ..^_* ضربتني بشنطتها على كتفي : كلي تبن يا قليلة الادب افكارك دايما وصخة .. : ههههههههه وانا الصادقة يختي .. جينا جلسنا كلنا في مجلس الحريم .. امي ناظرت حولها وقالت : ندى وينها ام ماجد ..؟ تقرفت من طاريها وقلت بملل : مدري عنها .. مدى : تصديقين ندوش اول ماشفت وانا داخلة حسيتك صاحبه البيت خخخخ .. لوجين : ههههههه الا صدق وينها .. : في غرفتها .. جعلها ما تطلع الا لقبرها .. ام سحر : لا يمة لا تدعين مب زين .. قلت : يووو يا خالتي لو تشوفي عمايلها مع ريهام ماكان هذا كلامك .. لوجين قالت بسرعة : خلاص امنعونا من سيرتها .. يله سحورة نطلع لريري .. كنت جالسة مع النسوان في الصالة جاتني اتصال من سحر عشان يزفو ريهام لانهم طفشو من جلستهم فوق قلتلها اووكي .. زفينا ريهام على موسيقى هادئة جدا جات وجلست في الكنبة الطويلة .. هههههه اول مرة اشوف ريري مستحية وخدودها محمرة .. واول مرة اشوفها بالمكياج الخليجي اللي برزت وسع عيونها العسلية واعطتها اكثرر جمال ونعومة مع فستانها التفاحي طلعت ولا أحلى .. سلمت عليها وبستها على خدها وجلستها جنب امي بدل قعتها لحالها .. جا ماجد وماسك بايده دفتر ابيض كبير وقال : عمة بابا يقول وقعي في الدفتر .. جود كانت جالسة جنب مدى قالت بخوف : هيييه وش ذا الدفتر ..! مدى : ههههه دفتر حضور المعلمات خخخخ يله وقعي يا ابله ههههه .. فتحت غطاء القلم واعطيها لـ ريهام وقلت : ما عليك فيهم يله امسكي القلم سمي بالله ووقعي يــــــله .. ريهام مسكت القلم وظلت تناظر لبعيد وسرحت مرة وحدة .. انا بصراحة خفت لا تغير رأيها والله لو تسويها تسود الدنيا في وجيهنا كلنا .. مدى كأنها حست فيني قالت بصوت مرتبك : ريـ .. ري ليش ما توقعي والا غيرتي رأيك .. ريهام انتبهت لنا وقالت بابتسامة : لا مافي شئ بسس .. لوجين : ريري وش فييك مرتبكة اذا ما تعرفي توقعي .. بصمي ترى عااادي سلوط بيرضى ههههه .. اخيرا قررت توقع .. بعد ماودى ماجد الدفتر الكل قام وبارك لـ ريهام .. وهي يا قلبي عليها بس تهز راسها بدون ما تتكلم .. طلعت لمواقف السيارات بعد ما دخلنا سلطان وريهام في المجلس وتركناهم براحتهم .. فتحت باب سيارة سلووط عشان اخذ شريط عبد المجيد حسيت بحركة من وراي سكرت الباب بسرعة والتفت .. لقيت عموور واقف شكله مهموم مو عمر المرح الفرفوش اللي كنت متعودة اشوفه كل مرة .. ابتسمت وقلت : هلا عموري خير ايش فيك زعلان ومهموم ..؟ عمر دخل ايده في جيب البلطنونه الجينز : هلا ندوي .. : أهلين قلي ايش وش فيك ..؟ عمور كأنه ابتسم بالغصب : هههه ما فيني شئ .. قربت لعنده : وشلون مافيك شئ وانت شايل هموم الدنيا على راسك .. عمور : ندوي ابغى اجلس بمكان واتكلم معاك شوي ممكن .. جلسنا في سيارة سلطان وقلت : عمور ايش اللي حصل قول تراك طيحت قلبي .. عمر تنهد : ندى انا عامل لك شئ يزعلك عشان تقولي انك بتتركيني وتروحي .. استغربت من حكيه اللي ماعرفت شئ : كــيــــف ..!؟ عمر ناظر فيني : كل يوم تجيني وانا نايم تقولي هالكلام .. : متـــــــى جيتك وانت نايم هاا ..؟ عمر : اقصد اني دايم احلم هالحلم .. ليه ندوي انتي تعبانة والا شئ .. : ههههههههههه الله يرجك ياشيخ .. وصلت قلبي لبلعومي في النهايـة طلعت تحلم .. عمر بجدية : ندوشي قولي الصدق انتي تعاني من شئ .. قلت باستهبال : ايــوا اعاني .. عمر بخوف : لييييه وش عندك ..؟ بصراحة كلام عمور خوفني يعني مو انا بس اللي حاسة اني افقد حبايبي .. قلت بضحكة عشان ابعد توتري وخوف عمر : ايوا اعاني من حبك خخخ .. عمر : ههههههه دخليك على الحب .. : ايــــــــــواا اضحك كيذا وعيش حياتك .. عمور : هههههه طب قولي فاضية بكرة .. : آآآمممممم لا .. عمور : يعني عادي امرك ونطلع نتغدا في المملكة .. : آآممم اوكي بس وش المناسبه .. عمور : بدون مناسبه مو انتي خطيبتي .. : لا ماني طالعة دامك خطيبي .. عمور : ولييشش ان شاء الله ..؟ : كيــــــــذا بس تدري ابطلع معاك على اني اختك .. عمور : أختي ! اجل خليك في بيتكم .. : هههههههه امزح - قرصت خده - وبعدين عيب تقول انك خطيبي خلني اختك احسن عشان ما اقلب عليك .. عمور :مو عشان كيذا اقولك خطيبي لاني داري عن بلاوي الخوات .. : هههههه وينك يا سحر تسمعي الكلام اللي ينقال عنك .. عمور : شكلك من طينة سحر .. : طبعــــــــا - ناظرت ساعتي - اوووه تأخرت يله عموري بااي اشوفك بكرة .. عمور بفرحة : يعني موافقة تجي واياي ..؟ طلعت من السيارة وسكرت الباب : اكيــــــد موافقة مو انت زوجي المستقبلي .. عمور : هههههه يمة لا تقولي زوجي خلينا على الخطوبة احسسن .. : لييييه .. عمور : لانــــــي حسيت بالمسؤولية .. : هههههههههههههههههه و الله انك زااحــــف .. اقول بااي شكلك فاضى وماوراك شئ .. دخلت للصالة وشغلت الاستريو على اغنية { اليوم طالع قمر } .. واستمرينا بالرقص والهبال لحد الصبح .. بعد اسبوعين من ملكة سلوط على ريهام .. جا يوم المعود جات لحظة اللي ممكن نفقد اغلى انسان على الوجود لا سمح الله .. الكل واقف على اعصابه عند باب غرفة العمليات وسلطان تحت رحمة الله يصارع الموت ياغالب يامغلوب .. بالرغم ان كلام الدكاترة طمنا لكن وين هذا فيها فتح الجمجمة واستئصال الورم .. يارب لطفك ..! بعد مرور ست ساعات من الحيرة وفلت الاعصاب طلع الدكتور المختص من الغرفة بلبسه الاخضر منزل راسه .. الكل وقف في مكانه مصدووم ويتمنو ان الزمن يوقف هنا ولا يسمعو كلام الدكتور .. مدى سدت اذانيها وغمضت عيونها ورجعت جلست على الارض .. امي زودت من مسكتها لذراع ابوي .. ولوجين غطت نفسها في حضن زوجها .. الوحيدة اللي ظلت واقفة مصنمة وماهي قاردة تتحركت او ماتعرف وش تسوي .. انا الوحيدة المعروفة بالقوة وتحملي في وقت الشدة لكني والله ماني كيذا ارتجف من الداخل واضيع كل شئ .. ومع كيذا ما راح اخيب ظنهم فيني استجمعت كل قواي وقربت لعند الدكتور اللي مازال منزل راسه قلت بصوت مبحوح من كثر البكي : بـ بـشر يااا ددكتور ..؟ رفع راسه وقعد يناظر وجهي .. بغيت اكفخه واقطع شنباته هذا وقت قاعد يتمقل فيني واخوي داخل اللي ما نعرف مصيره .. قلت بعصبية : دكتور اسألك كيفه اخوي .. الزفت اخيرا تكلم قال بابتسامة : لا الحمد سلطان بخير تـــ .... ماسمعت باقي حكيه أهم ان سلوط حي هذا اللي سمعته جيت ركض وحضنت امي وانا ابكي : سمعتي يايمة سلطان حي ما مات سمعتي .. امي ضمني لصدرها ودموعها مالية غطوتها : الحمد لله ايه يمة سمعت .. رفعت راسي على صوت ابوي يكلم عشان نقدر نشوف سلطان والا لا .. لكن الدكتور عيا لان سلطان ما يحس باللي وفاقد الوعي ويمكن ما يصحى الا بعد يومين .. لكن ريهام قلبت ممر المستشفى عزاء الا تبغى تشوف زوجها والا تدخل بالغصب .. في الاخير واقف انا نشوفه بس من ورى الزجاج لانه ممنوع الدخول في غرفة العناية .. الكل دخل مطنشين بربرة الدكتور اللي يقول ادخلو واحد لا تزاحمو عند المريض .. قلت لدكتور وانا اشوف سلطان النايم على سرير الابيض والانابيب مالي جسمه : يعني الحين خلاص سلطان مافيه شئ يخوف يالدكتور .. قال بابتسامة تشق الوجه : لا تطمني يا آنسة سلطان بخير اللحين .. طلعنا من المستشفى على البيت عشان نقدر نزوه بكرة .. في الطريق ريهام اتصلت على اخوها عشان تأخذ الاذن منه وتبات عندنا ففوافق .. بعد شهر من الاحداث """" سميت بالله وحطيت رجلي داخل افخم قاعة في الرياض .. تركت عبايتي في الركن المخصوص وطلعت وانا خايفة من لسان مدى وامي واللحين وش يفكني منهم .. ابتسمت وانا اشوف صورة العرسان مزينة مدخل القاعة داحل برواز فضي وسماوي روعة .. ظليت واقفة اتأمل صورة العروس بنظرات الطفولية ابد ما تصلح للزواج حدها سبستون و mbc3 .. تدمعت عيوني وانا متخيلة البيت من دونها صحيح ان ريهام تسكن معانا في نفس البيت وما راح احس بالوحدة لكن هاذي توأمي وجزء مني ما اقدر استغني عنها .. انتبهت على صوت امي وهي تأشر من بعيد عشان اروح لها .. مسحت دمعتي بسرعة ورحت لها : هلا يمة بغيتيني .. امي : ايه يمه اطلعي لأختك مداي شوية وتقلت الدنيا على رؤوسنا .. حبيب على راس امي وقلت : ابشري يالغالية .. عدلت فستاني الاسود - كالعادة لوني المفضل - قبل ما ادخل غرفة عروستنا الامورة .. بعد ما دخلت الغرفة الست مدى سمعتني كم كلمة محترمة سكت مارديت عليها هذا يومها وتدلع علينا بكيفها كفاية انها تفارقني ما ابغى اكدر فرحتها انا عارفة كل هالعصبية من توترها الزايد .. بعد ماهدت مدى طلعت من عندها لعند البنات على المسرح عشان الرقص والهبال عاد تعرفو استهبال البنات في الاعراس .. قعدنا على هالحال لين جا وقت الزفة فأول شئ زفو امجد مع اخوانه الثلاث وابوهم وبدو خواته الاثنتين وامه رقصو قدامه .. بعدها زفينا مدى على كلمات أغنية راشد الماجد الجديدة وماسكة بايدها اليمين ابوي وعلى يسارها سلووط .. جات ووقفت جنب امجد وسلطان أخذ سيف اخوان امجد وبدأ يرقص مع ابوي وابو امجد بأغنية { يا دار } .. وحدة من قريبات امجد قالت: يااااي شوفي اللي لابسس بشت اسود جنان .. ريهام كانت واقفة جنبي قالت بغيرة واضحة : ايواا هذا زوجي .. البنت قالت ببرائة : الله يخليكم لبعض .. تركت الكل على المنصة بعد ماراحو الرجاجيل ونزلت جلست على الكراسي الفاضية لان المدعوات راحو للعشاء .. احس اني دايخة ومخنوقة جلست اتأمل الناس كلهم حبايبي واهلي وناسي مدري ليييه حاسة اني بفقدهم بالمرة وان هاذي آخر جمعة ليي وإياهم .. شفت لوجين جايية ناحيتي بفستانها الرصاصي الطويل : ندوش وش فييك جالسة لحالك ..؟ ابتسمت ووقفت : اهلين لولو مافيني .. لوجين : عارفة انك كذابه بسس مافي وقت آخذ واعطي معاك .. يله قدامي اللحين بيزفو العرسان .. قلت واحنا طالعين لكوشة : لولو مافي شئ في الطريق ..؟ لوجين حطت ايدها على بطنها : قولي ان شاء الله لان جهاد كل يووم مطفشني الا يبغى بي بي .. : هههههه ان شاء الله بس ها ما اوصيك لو بنت مالك الا تسميها ندى .. لوجين : لا دخيلك ما نبغى عشاق الاسود كفاية وحدة في العايلة .. : ههههه انتي الخسرانة .. شفت سحر واقفة تتكلم مع وحدة مرة في الاربعينات .. جيت لعندها بعد ماراحت المرأة وقلت : سحر وش سالفتك انتي من الصبح وانتي لازقة مع ذي منهي .. سحر بضحكة : ههههههه لزوم التعبير عن الحب خبرك ام الغالي حاطة عيني عليه .. : مـــن هو ..؟ سحر : بندر ! تذكريه .. : آآهـــــا هذاك الكابتن المملوح .. سحر : ايــــــــــوا ابوك في الجنة .. : ليه وشش عنده الأخ ..؟ سحر : ابد سمعت من مامي امس انه خطبني - صرخت - ونـــااااســــــة صـــــح .. : هــــــي جاتك عدوة مرت اخوك .. سحر : هههههههه الظااهر .. زفينا العرسان على أغنية مرة حلووة لسبنا عباية مدى عشان تطلع وايا زوجها للفندق .. بعد ما لبست عبايتها فجأة حضنتي وبكت عااد انا كنت منتظرة اشارة عشان اطلع اللي بقلبي .. بديت ابكي بمرارة لكم تتخيلو الموقف شوية جاتنا امي حضتنا وزدنا من كمية البكاء بعدها ركبت سيارة بورش الاسود وراحت بعد ماتركت فراااغ في قلبي .. وانا لسة ماهديت جيت حضنت لميس - تذكرونها - وافرغت بقية دموعي في حضنها .. على صلاة الفجر الكل رجع لبيته .. وقبل ما ارقى غرفتي جيت سبت راس ابوي واستسمحت منه ومن امي وسلطان نفس الشئ قلت لـ سلطان : سلووط حط ريهام في عيونك تراها تمووت فييك .. سلطان : حاضر جدتي أي أوامر ثانية .. : ههههههه لا - قلت وانا واقفة عند الدرج - سامحووني كلكم .. سلطان : وش حكايتك اليوم كل شوي تطلعي بكلام جديد .. : هههه يمكن امووت وانتم مو رااضين عني .. امي : وش ذا الكلام يا بنتي فالك ماقبلناه روحي يمة صلي الفجر ونامي شكل السهر مأثر فييك .. مسكت جوالي بعد ماصليت الفجر ورسلت للبنات مسج اعتذار حتي لـ مدى وعمور ( سامحيني لو غلطت في حقك .. وذكروني بالخير .. الموعد في الفردوس الأعلى ) .. قريت اذكار النوم وحطيت راسي على الوسادة ونمــــت .. ஐ لــوجيــن ஐ ... قمت من نومي ساعة عشر عشان يمديني اتجهز لحفلة صباحية مدى .. خديت روبي الأحمر ودخلت الحمام ~ تكرمون ~ خذيت شاور دافئ لان الشتاء على ابواب وانا اذا جا البرد خلاص اصير دجاجة مجمدة هذا وانا عايشة في الرياض عاد كيف لو نسكن في كنــدا على قولة جهاد اصير آيسكريم مثلج خخخخ مع اني ما أنام وإلا والمكيف شغال على البارد بس هواه تختلف عن هواء ربي .. الا على طاري لندن مسكين جهاد ارحمه لانه كل ماقال خلاص احجز تيكيت اقووم اجيب له مليون جحة مرة عملية سلووط ومرة زواج مدى واللحين خطوبة سحر وبندر شكله مل من كثر حججي البايخة .. خلاص اذا جاب سيرة السفر راح انطم وما اعترض .. جففت شعري ولبست جينز طويل كحلي غامق وبلوفر وردي .. جيت صحيت جهاد على طول فز من مكانه : هههههه بسم عليك حبيبي .. جهاد ناظرني بعيونه النعسانة : صباح الخير قلبي .. جلست جنبه : صباح الخيرات حبي .. حط راسه في حضني : ايش اللي مصحيك في الوقت ..؟ لعبت بخصل شعره الناعم : لانا بنروح بيت خالتي ام سلطان امداك نسيت .. جهاد : آآآآمممم .. وقف وراح يأخذ شاور وانا فتحت الدولاب وطلعت ثوب ارماني وغترة لجهاد ودقيت على بانو عشان تجهز الفطور .. انتبهت لجوالي مرمي باهمال على الكومندية شفت فيها رسالة جديدة فتحتها لقيتها من ندوش ( سامحيني لو غلطت في حقك .. وذكروني بالخير .. الموعد في الفردوس الأعلى ) .. استغربت من وش قصدها المهبوله من ذي الكلام بغيت اتصل عليها لكن جهاد طلع من الحمام .. نزلنا تحت وافطرنا على السريع بقطعة توست محمص وعصير اورنج بعدها طلعنا من البيت وعلى بيت خالتي .. اول ماوصلنا جهاد نزل وراح لقسم الرجال وانا دخلت للصالة الرئيسية شفت خالتي جالسة وتتقوى مع عمي بو سلطان جيت سلمت عليهم وحبيت على راس خالتي .. سألتها عن ندى وقالت انها نايمة استأذنت منهم وطلعت لدور الثاني وانا ع الدرج شفت سلطان طالع من غرفته : هاااي سلوط .. سلطان عدل كاب فنيلته : هلا كيفك يالقمر .. ابتسمت : اهلين تمام .. سلطان : خير اشوفك جايية بدري وينه عنك .. : ههههه تحت يحتريك عشان المشاوار اللي متفقين عليه .. سلطان : اووووه تذكرت - بعدني عنه - ابعدي خلني امر جايية مع الصبح وتفلسف علي ومعطلني عن اشغاالي .. ابتسمت هذا سلوط وهذا طبعه عمره ما يتغير الحمد لله ان الله عفاه بالرغم ان يجيه نوبات من الصداع للفتره لفترة بس الدكتور قال شئ طبيعي مايخوف كثير .. دخلت غرفة ندوش المظلمة والمكيف على البارد مسوية جو رومانسي الاخت رحت فتحت الستاير ونورت الغرفة : ندوش يله قومي .. رحت جلست على لان ندى مستحيل تقوم بكم كلمة هزيتها : ندى ندى قومي بلا ثقالة .. ندى : .......... ماردت علي عصبت وقمت سحبت البطانية منها لانها تكره هالحركة وهزيتها بقووة نفس الشئ ماردت : بسم الله ايش فيك ماتردي لا يكوون متي خخخخخ .. قلبتها لجهتي ومسكت ايدها اليمين عشان اقومها وادفها للحمام لانها ما بتقوم إلا كيذا .. لمست ايدها لقيتها بااااااردة برودة الثلج اكييد من المكيف لكن ما ادري ليه حسيت بالخووف يوم تذكرت رسالتها اللي جوالي .. تركت ايدها وعلى طول حطيت ايدي على قلبها لا إله إلا الله مافيها نبض حطيت ايدي على وجهي وصرخت بأقوى ماعندي : خاااااااااااااااااااااااا ااااااااااااااااااااااااا ااااااااااااااااااااااااا ااااالتـــــي لحقــي علي .. المجلس مليان نسوان ولون الاسود مغطي المكان الكل دموعها مالية وجهها ومسحفين على اللي ماتتت في عــز شبابها و ما تهنت في الدنيا .. غمضت عيوني بقووة ماني متخيلة حياتي بدونها و بدون ماسمع تعليقتها علي وواستخفافها بي .. تذكرت كيف سلطان دخل الغرفة بعد ما صرخت و سألني ووش فيه .. اشرت على ندى وراح لعندها على طول رفع سماعة التلفون واتصل على الاسعاف .. بعد ربع سااعة جاو الاسعاف اول ما شافوها فحصو قالت وحدة من ممرضاتالبنت قدها ميتة من ثلاث ساعات .. خالتي اغمى عليها و الى اللحين ما هي حااســة بأحد و كل اللي على لسانها ندى تعالي يمة .. ندى لا تلعبي بأغرااض اخوك .. اللكل قدر يستوعب الصدمة ولو بشئ بسيط الا مدى توأمها وكل ماشافت حد تبكي تقول : ليه تبكون ها ترا ندى تكره لوشافتكم بهذالشكل لوجات .. وتجي ريهال تضمها لين تهدأ شوي وترجع على نفس الموال .. على الساعة تسع راحو كل الحريم بعد ماتعشو ومابقى في الصالة إلا انا وامي ولميس وريهام خالتي ومدى عمتي ام سلمان استأذنت وراحو وإيا جهاد للبيت .. جا عمي وسلطان عمي بدون ماكلم أحد طلع لفوق بعد ماناظر في انحاء البيت وكأنه يدور على شئ خالتي لحقته لفوق امي ولميس راحو يصلو العشاء .. جا سلطان وجلس جنب ريهام وشفته يسمح دموعه بطرف الشماغ قال بدوف مقدمات : آآه يا ندى مفروض انا اللي امووت مب انتي انا اللي كنت تعبان ومعاي الخبيث انا اللي استحق هالعزاء وكل الحزن - ناظر في ريهام - مو كيذا يا هيام .. ريهام : لا سلطان لا تقول كيذا .. سلطان : بس هذا الوااقع مفروض انا اللي تحت التراب مب أختي .. ريهام قامت وحضنته وهي جالسة على ركبه : لا حبيبي لاتقول كيذا هذا يومها ووو .... ماقدرت تكمل حطت غمضت عيونها وبكت بصمت وبكينا معاها .. بعد مرور عشر سنوات ~~~ : نـــدى يله خليصينا .. نزلت من الدرج وهي تتمخطر وتلعب بشعرها الاسود الطويل : يـــــوو يا ماما ليه تصارخي علي كيذا ماني بي بي .. : أقوول امشي قال بي بي قال .. قالت بدلع لابوها : بابا ليه ماتقول شئ ماغير تضحك قول لـ ماما لعد تصارخ علي .. جهاد : ههههههه انا ما قدرت عليها وهي بنت اللحين اقدر خلف الله على ابوك يا حبيبتي .. : ليييه وش فيها امها وحش واحنا ما ندري .. جهاد بهمس : محشومة يالغلا بس تدرين اساير ندوش .. قالت من ورانا واحنا طالعين من الباب : تراي اسمعكم ها .. جهاد : مو هنا المشكله انك تسمعينا ههههههه .. جات ومسكت من ذراعي : اقوول ماما لولو .. ابتسمت على كلمتها لانها ما تقول كيذا الا وانا زعلانة او معصبة : قـــــولي .. ندى : وينه ولدك نواف ..؟ : في السيارة ويا ويلك منه لانك اخرتينا .. مشت بسرعة لعند السيارة : يا مامــي .. ضحكنا على حركتها وجلسنا السيارة عشان نطلع كلنا لكورنيش هذا اول مررة نجتمع فيها من تسع سنوات تقريبا لانا بعد وفاة ندى الله يرحمها سافرنا لـ كندا وما نرجعنا للرياض الا يوم زواج سحر وبندر بعد ست شهوور وانا كنت حامل حزتها بندى في شهري الثامن .. وقعدت لين خلصت النفاس في بيت هلي وسميت بنتي مثل ما وصتني المرحومة ورجعنا مررة ثانية لـ كندا وما رجعت الا ونواف ولدي عمره سبع سنوات لان جهاد بعد ما خلص الماجستر والدكتوراه جا له وظيفة في اكبر جامعات في كندا وصار دكتور جامعي .. وصلنا لكورنيش الخبر ونزلنا من السيار وشوي جانا سعود مع جمانة ناصر على طول خذو ندى ونواف وراحو لعند عمهم عمر عشان يلعبو يااااي يا عمر ما تدرون كيف حزن على وفاة ندى عمري ما انسى كلامه يوم جانا في ثاني ايام العزاء وعيونه منتفخة من كثر البكي جا وجلس جنبي : لوجين تكفين خلي ندى ترجع والله ما راح أضايقها واعتبرها أختي مثل ما تبغى بس اهم شئ انها ترجع .. حط راسه في حضني وبكى مثل الصغار .. وش كثر فرح يوم جبت بنت وسميتها على ندى واللحين ندى صارت كل حياته و احسه يحبها اكثر منا .. جينا سلمنا على سحر وبندر وعلى سلطان : كيفك يابو سعود .. سلطان : الحمد لله .. وريهام الجالسة مسكينة من يوم ما تزوجت وكل سنة وهي حامل متأذية من سلطان إلا يبغى توأم عشان يسميه على خواته .. جهاد سأل امجد : اقول بو جمانة وين الباقين .. امجد : مع عمر عندهم مباراة .. فرشنا الارض وجلسنا قبال البحر والجو خيال وخاصة مع قرب غروب جلسنا والكل بدأ يقول عن اللي في قلبه من الحب والحزن والم الغربة وفراق الاحبه و آه من لحظة وداعكـ يا ندى ,, وصوت ضحكات عمر وندى مالي المكان .. ,’, خلف الكواليس ,’, الشخصيات ؛؛؛ - سلطان >> شخصيته و اسم ليس نسج الخيال .. و انما من الواقع الذي نعيش فيه .. حاولت اجمع كل صفات سلطان الحقيقي في روايتي .. سلطان بالفعل حب ريهام و لكنه لم يتهنى في حياته .. لقد ماااات اثناء اجراء عملية استئصال الورم في دماغه بعد ما عقد نكاحه على ريهام .. رحمه الله رحمة وااااسعة آآمييين .. - جهاد >> قعدت عليه يومين كامله عشان ادور لحبيب لوجين اسم مميز .. في الأخير استقريت على اسم جهاد .. حسيت ان اسمه غريب و راكب على شخصية لوجين المتقلبه .. ************* - لوجين >> شخصية تعرفت عليها في زمن بعيد .. اكثرر ما شدني لها هو طيبة قلبها .. وحبها و تفضيل صديقاتها على نفسها .. -ريهام >> نعم الصديقة و الزوجة و الحبيبه ايضا .. حبيت اصرارها و تعايشها و مقاومة تعامل زوجة اخوها لها .. لكن ريهام اللي في الحقيقة ما زالت عايشة على ذكريات سلطان .. - ندى >> احس اني ظلمت هالشخصية في روايتي .. لانها اكثر وحدة ما كانت تبووح اسرارها لحد .. و كتوومة بالحييل و ما كانت تبين حبها اواحساسها لاي احــد ,, و حسييت بالظلم اكثثر ناحيتها يوم مـــاتت ,, - سحر >> اكثرر شخصية متوااضعة و قنوعة .. بالرغم من ان ابوها من أكبر التجار و رجال اعمال في الخليج .. و اكبر دليل على قناعتها انها تزوجت بندر بدوون ما تعرف عنه شئ .. و صارت اللحين من اسعد عايله في الوجود .. النهايه | |||||||||
|  |
|
01-01-14, 03:59 AM
| #12 | |||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|
| |||||||||||||
|
| |
 |
| الكلمات الدلالية (Tags) |
| مكتمله, الرؤى, الكاتبة, دوووت, كوووم |
| أدوات الموضوع | |
| انواع عرض الموضوع | |
|
|
.png)
العرض العادي
