[لامارا]

ـــــــــــــــــــ

البــــــــــــــــــــــ ـــــ (26)ـــــــــــــــــــــار ت



نافذة مكسوره
...


احـــــــــب قلـــــبك!!




فز بسرعه وركض لعندها
: عــــذاري فيك شي

كانت جالسه على الارض ويدها على بطنها
رفعت عينها عليه: مافيني شي
وقفت بسرعه وطلعت من الغرفه لكن وقفها صوت خالتها
: عذور وش فيك حسام زعلك بشي
لفت لخالتها بصعوبه وهي تحاول تمحي ملامح الالم منها قالت بابتسامه باهته : لا بس هاوشته شوي
تقربت منها وهي عاقده جبينها : عذاري في شي يوجعك
ابعدت يديها عن بطنها بسرعه : تعب كل شهر
ارتخت ملامح خالتها : اجل روحي ريحي نفسك زين وبارسلك بمسكن اشربيه ونامي
حركت راسها من غير أي كلمة مشت لغرفتها لكن فيه يد وقفتها بنص طريقها
...






فتح باب البيت وملامح الغضب مرسومه بملامحه
بدر: يبه
التفت لابنه ولف وجهه بسرعه عنه وكمل طريقه لغرفته
قفلت سمر الكتاب اللي بيدها: وش فيه
حرك بدر كتوفه بمعنى ما ادري وباله مشغول
وقوف ابوه مع هالرجال الغريب لساعه كامله ماوراه خلا
رن التلفون وقطع تفكيره تقرب منه ورفع السماعه وقال بهدوء: الو
جاه صوت سامر المبحوح : السلام عليكم ورحمة الله وبركاته
ابتسم بشوق:هلا باخوي الغالي الي يوم ماسافر امريكا ماعاد عرفنا
قال سامر وهو يكح من الزكام اللي صابه : قلنا السلام يالخشبه
تقهقه بدر من قلبه وتناسى اللي كان يفكر فيه
وعناده لسمر اللي تزن على راسه بتكلم توأمها وهو رافض

...





جلس بمقعده وحيله مهدود رفع يده وشاف الساعه 5:30 عصرا
: يا الله ورانا ليل طوييل
التفت ليوسف اللي غاص بالنوم ابتسم على شكله البريئ: هههه ياليت كل مره بهالشكل
رجع راسه للخلف ولسانه يذكر دعاء السفر
فتح عيونه على صوت الكابتن ينادي باسمه
عقد جبينه ...عساه خير..
التفت ليوسف اللي فتح عيونه وهو يسأل بتعجب:ينادي عليك
قام نايف وهو مستغرب:ايه
مرت الملاحه الفلبينيه من عنده
نايف: المعذره
التفتت الملاحه: نعم سيدي اتريد شي
نايف: انا المدعو نايف الحمد
الملاحه: اووه تفضل معي
مشى وراها لين وصل مكان الكابتن
الملاحه: كابتن هذا الذي تبحث عنه
مشت من غير ماتقول لنايف شي
نايف: السموحه منك ناديت علي
التفت الكابتن وابتسامه كبيره مزينه وجهه: هيه انا منادي عليك عندك مانع
ضحك نايف بفرحه : ساااااااااالم
وقف سالم بسرعه وهو يحضن نايف بشوق:اخبارك شعلومك وينك ياريال ماعاد تسأل ولاتدور ورانا
ضحك نايف : الحمدلله علومي تسرك انت بشر عنك
رفع سالم يده اليسار : ابشرك عرست
نايف : مبرووووووك الف مبرووووووك متى تزوجت
سالم : قبل 8 اشهر بالتمام خليفه ماخبرك
نايف: لا والله ماقلي
سالم: لعيييييييين مايبيك تحضر الا عرسه
ضحك نايف : ترا وراك ناس بيسافرون وانت طاقها سوالف معي
ضحك سالم ومد يده على المرتبه الصغيره اللي قدامه واخذ منها مجموعة اوراق
: هاك يالفالحه نسيت اوراق مهمه وراك
قلب نايف الورقه بين يديه والصدمه بانت على ملامحه: وين لقيتها
سالم وهو يجلس في مقعد السائق:نسيتها بصالة الانتظار بس ولد الحلال جابها لين عندي وقال اذيع بالاسم الموجود بالعقد وعرفت انه انت لكن رب ضرة نافعه دامني التقيتك
نايف: الله يجزاه خير اجل اخليك انا اللحين
سالم: في المقصوره الثانيه من الرجال الاعمال واسمه راشد الـمرزوقي روح اشكره وبعدها اجلس
ابتسم نايف بمحبه لهالصديق الوفي
اللي ياما اعتبره اخ كبير له


//للمعلوميه سالم يكون ابن عم خليفه صديق نايف وهو طيار من الدرجه الاولى//









حطت سلاف بسريرها وغطتها زين
مشت بكسل لغرفة النوم وبالها مشغول بزوجها اللي مارضى يصحى
فتحت الباب بخفه ماقابلها الا الظلمه تنهدت بهم وهي تفتح الاناره
..وش فيك ياخالد .. قالتها بنفسها وهي تتقدم منه
جلست بجنبه : حبيبي يلا قم قرب المغرب يأذن
حرك راسه ورفع يده لشعره وفتح عيونه تأمل وجهها لدقايق مد يده لرأسها وسحبها له لين ماصارت بين احضانه : لاتتحركي
انصاعت له وارخت جسدها بين ذراعه
خالد: ياترى كم بنعيش كذا ؟
عبير : لطول العمر مع بعض بإذن الله
غمض عيونه بألم من كلامها ..يارب..
فكها من حضنه وابتعد عنها بسرعه مشى للحمام من غير أي كلمه تارك وراه الحبيبه اللي ملامح التعجب طغت عليها









امـــــــــــريكا


طلعت من الغرفه وهي تحك شعرها بكسل ارتجفت من نسمة البروده اللي قابلتها التفتت للبلكونه المفتوحه مشت لها طلت براسها


متغطيه ببطانيتها وترتشف من كوب القهوه اللي بيدها
وبالها مو معها ابد
سوسن: وش تسوين بهالبرد
التفت بشاير بسرعه من الخرعه: بسم الله خرعتيني
لفت الستاره عليها بشكل مضحك وتقربت لين باب البلكونه وقالت بتريقه: بسم الله على قلبك
ضحكت بشاير من شكل سوسن : فكي الستاره عنك وتعالي تغطي معك
فكتها بسرعه وركضت لعندها سحبت البطانيه : اووووه برررررررد كيف متحملته
رفعت بشاير الكوب لكن سحبته سوسن منها بسرعه وهي ترشف القهوه بتلذذ
ضربتها بشاير على كتفها: وش اللي صحاك انتي
قالت سوسن بفرحه : رشووود اخوي يقول بعد ساعات قليله بيكون هنا
بشاير: الله يوصله بالسلامه بيجي لوحده
غمزت لها سوسن بمزح : اشوف الناس مهتمه
ناظرت لها بشاير : الحق مو عليك علي اللي اسأل
تقهقهت سوسن : امــــــــزح يا اختي..رشفت من القهوه وناظرت لقدام للبيوت المظلمه الا من انارات خافته وهدوء المكان المهيب.. بيجي هو وهبه لان راح نتابع علاجها هنا
سكتت بشاير من نبرة سوسن اللي التمست الحزن فيها
نزلت كوب القهوه من يدها : وانتي ليه جالسه هنا بهالوقت
ازاحت بشاير نظراتها بسرعه:بتصدقيني لو قلت لك افكر بأبوي
سوسن: وايش اللي ذكرك فيه
بشاير: تصدقين مدري لكن ساعات اشتاق له ودي اشوفه
سوسن: ماعندك صوره له
حركت راسها بـ لا:مافتحت على هالدنيا الا وانا في بيت زوج امي ومن وقتها كل ماسألت امي ماتعطيني وجهه
بعدها صارت مشاكل بينهم وطلقها بس بيني وبينك هو دايم يهين امي ويضربها لجل زوجته الاولى
وجيت هنا وانا بعمر ال6 سنوات اختلفت علي العيشه وتناسيت موضوعه
سوسن : كل مافي هالدنيا خيره ماتدرين يابيشو يمكن لو عشتي مع ابوك ماتلقي الراحه اللي انتي لاقيتها هنا
حركت راسها بالموافقه : وانتي قلتيها وان كتب لي ربي اني اشوفه بأشوفه
سحبتها سوسن من يدها ودفتها لداخل: جمدتيني
ضحكت بشاير: ماوراك سنع ابد








.........

وصل للمقصوره الثانيه :شاف رجال وبجنبه بنت بعمر الـ8 او9 سنوات دقق بملامحها وعرف انها من متلازمة داون ابتسمت له ورد لها الابتسامه وهو يمسح على شعرها
رفع عينه على الرجال اللي مصغر عيونه فيه
ابعد يديه بسرعه
:السلام عليكم معاي راشد المرزوقي
: وعليكم السلام ايه امرني يالاخو
نايف بثقه مد يده له وصافحه: ما اعرف كيف اشكرك بصراحه انت سويت لي معروف ما انساه كل عمري
راشد وهو يتذكر: انت صاحب الورق ابد والله ماسويت الا الواجب بس انتبه هالمره جت سليمه لكن تاليها الله اعلم بما يحصل
شكره نايف مره ثانيه ومسح على شعر البنت ومشى
وصل لمقعده وجلس بجنب يوسف وعلمه كل السالفه
:الله يجزاه خير لكن شكله لو جلست معاه بيكون راعي طويله
ابتسم يوسف : انت مايثمر فيك شي
ناظر له نايف بحده لكن ماقابل الا نظرات البرود اللي كسرت حدته


...عدوين في معركة صلح...







مسك يدها حاولت تفك يدها بس ماعطاها فرصه
عذاري: فكني
حسام: مو قبل ماتقولي لي وش فيك
عذاري بصوت مكتوم: مافيني شي
حسام: طيب ليه صوتك كذا
رفعت يدها الثانيه ومسحت دمعتها اللي نزلت: حسام والله انا تعبانه ومافيني حيل اشيل نفسي فكني تكفى
دنق وشالها بين ذراعه ناظر لعيونها: ما عاش من يتعبك وانا موجود ..قال بمزحه وهو يطلع لسانه.. بس عاد الشي اللي تاعبك مانقدر عليه ابد الا بعد خمسين سنه هههههههههههه
ضربته بإحراج : قليل ادب نزلني
حرك راسه برفض ومشى فيها لين غرفتها دف الباب برجله

هديل: هيييييييييييييييييييييييي يييييييييييييييييييييييه يالوسخيييييييين وش تسوووووووووون

نيم عذاري اللي كانت تضحك على السرير والتفت عليها تقرب منها وهو يسحب هديل من بلوزتها وطلعوا برا
وصوت صراخها واصل لاخر الدنيا

غطت نفسها وابتسامتها ماغابت عنها ابد

...يارب لك الحمد......





نزلت تركض على الدرج وعبايتها بيدها : يمممممممه انتظريني
فتحت الجده هيا الباب وهي متجاهله ندى اللي اخرتها
لبست عبايتها بسرعه وسحبت شنطتها وركضت ورا جدتها

فتحت باب السياره الخلفي وهي تلهث من الركض ارخت نفسها وهي تاخذ نفس : اااااااااااااخ يمه نفسي انقطع
الجده : والله من هبلنتك
ضحك جاسم على مناقر جدته وندى اللي مايخلص
مدت يده للمنديل اللي عند جدتها طلعت الروج والماسكرا نزلت النقاب وعدلت شكلها المحتاس

الجده هيا: دقيت على اخوك
جاسم : دقيت عليه العصر وقالي انه في مطار ابوظبي واكيد اللحين تلقينه في الطايره
الجده هيا: الله يوصله بالسلامه

لبست ندى النقاب وعدلت جلستها وبالها مع اخوها نايف
.. يارب يسر لنايف كل عسير وارزقه بكل مايتمناه...
:جاسم اذا اتصل عليك امانه لاتنسى انك تقل لي
ناظر لها نايف من المرايا : ابشري
خيم على السياره الهدوء اللي جاهلين سببه

وصلوا لبيت عمتها مريم فتحت الباب ونزلت مع جدتها : جسوم الساعه 10 ارجع لنا اوك
حرك راسه بالموافقه :بعدين دقي علي
قفلت باب السياره وعينها لا اراديا راحت لبيت اهل عذاري
مشت ورا جدتها ودخلوا للبيت اللي بيبدا جاسم فيه اول حياته









جالس في الصاله وباله بالكابوس اللي مر على حياته

تزوجها بسر لجل ينتقم لاخته منها
لكن كل شي صار عكس ماخطط له
واللحين صار اب لـ بنتها
مسك على راسه وهو جاهل كيف صار كل هالشي





انتهـــــــــــــــــى