[اسطورة !]

ابتعد وليد و دخل غازي ..جالسة متوترة الهانم شوق للحين ما نزلت..!! و عمر مو معها برا..!! يقهر يقهر يقهر..!! حتى وعد مستغربة وجودها..!! لينا على اساس مسافرة عند خوالها..؟! انتبهوا الثنتين للباب اللي انفتح على اساس شوق هي اللي داخلة.. لينا تعلقت عيونها فيه..!! بـ زية العسكري .. هيـــبة.. هيــــبة.!! افتقدتها .. امان ضاع منها.. وقفت : بابا..
فتح لها يدينة حتى تجية تجري ناسية انها حامل.. اخر شيء تفتكرة انها هي بنتة ومن زمان ما عاشت معاه مثل أي بنت طبيعية مع ابوها.. من زمان من سنتين.. وقت ما غلطت و صدقت سامي..
غازي حضنها بـقوة وده يدخلها بين ضلوعة امانها عنده.. ويش كثر حسها مفقود في حياتة.. رغم انها تغيرت اخر فترة بس لها روح موجودة حوالية.. : ليـنا..!!
لينا : بابا .. اسفة سامحني.. الله يخليكـ ..
غازي : انا اللي آسف يا امي.. الحمدلله يارب.. الحمدلله..
لينا : بابا لا تخليني.. تعبت انتظركـ تجي.. بابا صار لي فترة طويلة انتظركـ من اول يوم انا انتظركـ .. طووولت علي حيـــل..!!
غازي : مو بيدي يا روح ابوكـ .. و الله انه ما هو بيدي ما دليت لكـ درب و الا ما تنامين ليلة وحدة بعيد عن عيني..!!
ابتعدت لينا وهي تناظرة..!! يا هو وجودة امان.. طمأنينة.. حيـــاة..!! غازي مسح دموعها بيدة لو مو رجال الدموع عيب عنده كان بكى معاها : لا تبكين .. عشان خاطر غازي..
لينا : احبكـ ..
ابتسم : علميني ويش صار معاكـ .. مين اذاكـ .. قولي لي بس مين قرب منكـ ..؟!!
لينا دنقت..!! ما تنكر بـ هاللحظة خافت على عمر لو ابوها يدري انها حامل.. لازم اول شيء عمر يكسب ود ابوها بعدين يسلكـ موضوع الحمل.. : عمر حماني منهم.. حبسني عنده وما خلى احد يدخل عندي و يأذيني.. بابا هو تزوجني عشان يحميني.. هو يعرفكـ قالي..
ابتسم..!! وده يطلع و يبوس راس عمر لو يبوس راسة كل يوم صبح و مساء ما وفّاه حقة .. حضنها : جعل عيني ما تبكيكـ يا روحي..
لينا تبي تقنع ابوها بـ عمر تبي تضمن انه لقى شيء بـ خاطر ابوها : بابا .. انا اول يوم صاوبت عمر بالسلاح.. توقعت يذبحني.. مو يقرر يحميني.. انت تعرفة..؟! هو يقدّركـ حيـــل..
غازي : اعرفة .. شلون ما اعرفة.. الحمدلله.. ابتعد عنها حتى يسجد شكر لله.. هاذي نعمة تحتاج الشكر.. الحمدلله حتى يبلغ الحمد منتهاه.. بنتة ترجع له سالمة ما فيها شيء بعد اكثر من سبع شهور.. كان شايل هم شلون بـ يرجعها..؟! كيف بـ تعيش..؟! كيف هم بـ يتعايشون مع وضعها كونها متزوجة مجرم..؟! و كيف ردة فعل امال..؟! و ريما وشوق..؟!
وعد الحاضرة المصدومة..!! فيه ان بالموضوع.. مستحيل تكون مسافرة..؟! و عمر صاوبتة بالسلاح..!! و أذاء و حماية..!! كلها تدلل على شيء واحد..!! بس يحتاج جواب مباشر تبي تسمعها بالصريح..
: بابا..!!
التفت غازي لـ شوق.. اللي انصدمت لما شافت لينا..!! على اساس نازلة بعد ما قالت لها ام احمد فيه احد يبي يشوفكـ ضروري.. وقتها كل الوساوس عصفت في راسها عشان سعود.. و شوفة ابوها خلت نسبة هالوساوس تزيد رغم ان سعود ماله فترة طويلة من طلع.. : ليــنا..!!
ما كانت شوق الوحيدة اللي انصدمت بـ وجودهم.. هم انصدموا من شكلها.. مبين انها كانت تبكي..
حضنتها لينا : شوووق اشتقت لكـ يالخايسة..
شوق مصدومة..!! هي انحاشت..؟!! ابوها زوجها..!! و الحين ببيت عمها ابراهيم..؟! و ابوها هادي.. لينا تناظرها : وشو ما انتِ فرحانة بـ رجعتي..؟!
غازي سحب لينا و شوق .. ناظر لينا : ما احد يدري الا ابراهيم و عيالة و عمكـ عامر و عيالة و جدتكـ .. انا كملت على السالفة اللي قلتيها لأني ما ابي امكـ و خواتكـ يقلقون.. و قلت لهم اني زوجتكـ للي قلتِ انكـ رحتي معاه..
لينا : يا حياتي زين سويت .. ليش يقلقون سبع شهور.. يكفي انت..
شوق : انا مو فاهمة شيء..؟!
وعد ابتسمت بـ تجيها الإجابات على طبق من ذهب.. من غير لا تسأل او تتلقف..!!
غازي : انتِ ايش فيكـ ...؟! كنتِ تبكين..!؟
شوق حطت يدها على رقبتها : احم.. لا.. بس كنت انظف الغرفة و دخل الغبار بـ عيني..
لينا بـ حماس شوفة ابوها و اختها دب فيها حياة من زمان : يوووه عذر قديم.. قولي بس مين مزعلكـ اكيد سعيدان..
شوق : لا.. الحين انا ابي افهم..
غازي : تروحين معاي البيت..؟!
شوق : الحين..؟!
غازي : ايه.. ابي لينا تشوف امكـ و ريما..
شوق : لا .. انا.. ما قلت لـ سَعُود.. وهو.. مشغول.. ما اقدر اتصل عليه..
غازي : انا بـ اكلمة.. و بـ ارجعكـ الفجر..
شوق : لا .. بابا بـ انتظرة..
غازي : كنتِ تبكين عشانة..!؟
اشارة عشان تواصل بكائها من جديد ما تحملت.. اول مره تعيش هالإحساس.. و صعب صعب حيـــل التعايش معه.. كل هبة هواء و كل نسمة تبعث بـ قلبها رعب و تجدد الخوف بـ قلبها..
غازي : شـــوق..!! بابا ويش ذا..؟! من جدكـ تبكين.. انتِ كذا تفاولين عليه بالشر.. استهدي بالله..
لينا : ليش ويش مسوي لكـ ..؟! اذا مزعلكـ انا اعطيكـ دروس تخليكـ تكسبين..
غازي ابتسم مو متخيل الوضع..!! لينا متزوجة و تعطي دروس بعد..!! : ههههههههههه ماشاء الله تطورنا..؟!
لينا انحرجت : كبرنا..!!
غازي رفع حواجبة وهو مبتسم : مين يقول..؟!
لينا : انا اقول كني عجزت..!! ناقصني احفاد حوالي عشان تصدق..
غازي باس خدها و عضها : لو تجيبين لي عشرين حفيد و تزوجينهم كلهم و يصيرون اجداد تبقين بـ عيني ليون الصغيرة..
لينا ابتسمت ما عندها رد.. بس متخوفة منه ايش بـ يسوي لو عرف انها حامل..!! غازي يناظر شوق : قومي غسلي وجهكـ .. ان شاء الله شوي و بـ يجي سعود.. تبينه يجي و انتِ كذا..؟!
شوق : طيب اتصل على احد معاه خله يطمنا عليه..
وعد تنحنحت .. غازي التفت لها : انتِ هنا ما انتبهت لكـ ..
وعد : اكيد ما تنتبة لي.. لاهي مع بناتكـ .. (وقفت) لا تسوين بـ نفسكـ كذا.. هاذي طبيعة شغل سعود.. لو بـ يدري عنكـ صدقيني مو مرضية.. بـ يزعل عليكـ و يمكن ما عاد يقولكـ انه بـ يروح لـ عملية ..
لينا : وين بنتكـ ..؟!
وعد : قريب.. بـ اجيبها لكـ تشوفينها..
لينا ابتسمت : ما يحتاج اعرفها..
وعد استغربت : شلون تعرفينها و انتِ ما قد شفتيها..؟!
لينا : يقولون تشبة لكـ مره نسخة منكـ حتى بـ صياحها.. عشان كذا اتوقع لو اشوفها برا اعرف انها بنتكـ ..
وعد استغربت و يقولون بعد..؟! حقيقة هي مالها علاقة مع لينا ابد.. لأن لينا كانت عازلة نفسها تماماً عن الكل.. اما اللي تشوفة الحين شخصية ثانية.. : يقولون..!! و مين اللي يقول..؟!
لينا : ناس الله يستر علينا و عليهم..
وعد : هههههههههه مردي اعرف.. بـ اروح اجيب لكم شيء تشربونة..
لينا : ياليت شيء دافي احس اني بردت شوي..!!
غازي : أي برد..؟! بـ شهر سبعة احنا..!!
لينا : بيتهم بارد ماشاء الله..
وقف غازي : انا بـ اروح اشوف الرجال و ارجع..!!
لينا وقفت معاه مسكت عضدة..!! ترددت.. غازي يناظرها يستحثها تحكي : خير يا بابا ..!؟ خايفة..؟!
لينا : لا.. اممم.. لا تهاوش عمر..
ابتسم يحكـ طرف دقنة : اهااا لا اهاوشة..!! دفاع اجل..؟!
لينا : بابا و الله .. ما قصر معاي..!!
غازي : طيب ارتاحي انتِ و ما يخصكـ بالباقي.. ماني ناكر للجميل ريحي لي راسكـ ..
طلع غازي و بقت لينا مع شوق.. حالتهن وحده شرق و وحدة غرب.. لينا : شوق خلاص لا تبكين.. ترى وعد شكلها بـ تعلم اخوها و يزعل عليكـ .. يعنني نخاف عليه و حركات.. قد ايش صار لكم متزوجين..؟!
شوق : قريب نكمل اربعة شهور.. بس تعرفين.. يعني صدق انا يمكن خبلة.. بس تعلقت فيه و الله ما اتحمل يصير له شيء.. خايفة عليه و هم عادي متعودين يروح لـ عملياتة.. انا ما قدرت.. و الله من لما شفتة يسلم على امه احسه كأنه.. كأنه .. يودعنا..!!
ما تحملت شوق حتى تنفجر في صياح جديد..!! لينا تناظرها ما توقعتها حساسة هالكثر.. عنده عملية اكيد مداهمة..!! و عمر..!! عمر عايش بينهم..!! بين ناس يعرف هم مين..!! مو خطر..؟!! يمكن حتى هي تبكي مثل ما تبكي شوق الحين..!؟ هزت راسها ما تبي تفكر فيه.. يكفي كل الفترة اللي عاشت فيها ما تقابل الا الجدارن و وجهة.. تردد في نفسها اصلاً انا ما احبه اكرهه اكرهه بس عشان ما قابلت ادمي غيره .. الحين انا عند اهلي و بـ انساة بـ انساة.. حطت يدها على بطنها.. ولده..!! اثبات وجودة حتى لو قررت تنساة..!! فيه مين يجبرها ترجع لها ذكرى كل شيء عاشتة معاه..
بـــرا.. عمر ينبة عمه على اشياء كثير.. لين دخل غازي.. كان متوتر خايف لينا قايلة له شيء.. حتى لو هي زوجتة.. يظل هالموضوع ما كان بـ رضاها و لا رضا ابوها.. حتى هو انجبر..
غازي جلس جنب ابراهيم : مشكور يا عمر.. ما ادري كيف الحق جزاكـ ..
ابتسم عمر : العفو ما سويت شيء هذا واجبي..
ابو سعود : عمر رجال يعجبكـ رغم انه لاهدني في اشياء واجد بس ويش اسوي فيه..
عمر : عاد هي جات كذا يا عمي.. ويش اسوي..
ابو سعود : كنت بـلغت ابوكـ اقلها.. حرام عليكـ تشلع قلبة..
وليد : يبه اللي صار صار.. خلاص فيه اشياء اهم نحكي فيها..
غازي : بما انكـ كنت معاهم انا للحين ما عرفت التفاصيل .. لكن اكيد تعرف الرئيس مين هو..؟!
عمر تنهد : لا .. صار لي سنة اعرفة و زود و للحين ما اعرف اسمة.. حريص بـ شكل عمري ما شفت احد مثل نباهتة.. حقود وما ينسى شيء.. وما يهمه يسوي اللي يبيه و ينتقم من الشخص لو بـ عيلتة.. القتل عنده شيء عندي بالعكس تطور ما يحط الرصاصة و خلاص .. صار يقتل بـ تعذيب و يستلذ فيه.. عدوه الأول عمي ابراهيم.. يبي يصفي حسابة معاه..
وليد : يخسى..!!
عمر : قدر..(ناظر عمة) زوجتكـ الأخيرة.. هو اللي مخليها توافق على الزواج و غاصبها.. هو عرف انكـ تبيها من زمان.. اخذ عيالها منها و طلب منها تدخل بيتكـ عشان يوصل لـ مكتبكـ و يكون له يد هنا..
كلهم يناظرون بـعض مصدومين..!! ابو سعود كان حاس ان وراها شيء لكن ما توقع ان الموضوع فيه كل هالمضرة له..؟! كان مستغرب تغيرها المفاجئ و حكيها عن بناتة..!؟و كلامها اللي تغلط فيه..
عمر : ممكن يستغل اشخاص قريبين منكم و ما تتوقعون انكم تنضرون منهم.. لكنهم يكونون مجبورين.. مثل لما خطفوا بنت وعد كانوا يبون وعد تنصت على سعود.. و الحين يوم رجعوا بنت غازي يبونها تنصت على ابوها.. و ام نايف يبي منها شغل بـ مكتبكـ يبيها توصل لـ هناكـ واضح يدور له على شغلة عندكـ يا عم..
ابو سعود : و هي وينها الحين..؟!
عمر : عنده هي و عيالها الإثنين.. يبي يجبرها ترجع لكـ بالبيت عشان يلقى اللي يدور عليه..
غازي : تعرف المكان نداهمة و نطلعهم من هناكـ ..!!
عمر : اعرفة.. و ممكن تداهمة.. بس ممكن يكتشف قبل و يروحون فيها..
غازي : انت عطنا العنوان و خل الباقي علينا..
عمر : اوكِ بـ سجلة لكم بـ ورقة.. (وقف) انا لازم امشي..
ياسر : ويش فيه وجهكـ مكفخ سلامات..؟!
عمر ابتسم : بركات اخوكـ ..!!
وليد ابتسم : و انت ما قصرت فيني.. بغت عيني تروح بـ سبتكـ و الله لو ما لحقتني بعد ما طلعت من المطار و علمتني ان كنت ذبحتكـ ..
عمر يتذكر يوم ارتاح لـ مجرد انه شكـ ان ولد عمه جاسوس لـ غازي لـ ذلكـ لحقة للمطار و شافة يطلع مع باب الطوارئ و تفاهموا على شيء.. كل واحد اقنع الثاني ان العصابة ماهي مكانهم.. هم انظف من كذا بـ كثير لكن لهم هدف واحد.. تسليم العصابة لـ العدالة.. عمر رجع للمقر عشان ما يتركـ لينا فترة طويلة و وليد رجع لـ بيت ابوه ومن وقتها ما طلع منها حتى للصالة عشان ما احد يشوفة ابد..
ابو سعود : انتم اللي تهاوشتوا..؟!
وليد : الصقر قال ايمن شوف شغلكـ و انا منقهر من السيد عمر ليش هو معاهم و دبغت فيه بس ما بردت حرتي للحين..
عمر : ابي شوط ثاني الحين.. بس بـ شويش على ملامحي.. لا تشوهني..
وليد وقف وهو ينفض يده يسوي نفسة مستمتع و مبتسم : ابشر..!! ما طلبت الا عزكـ ..
حاتم : ايه عز صاحين انتم..؟! وين العز بـالضرب..؟!
عمر : لازم عشان الرئيس يشكـ اني متهاوش مع عمي.. بس يا ويلك يا وليد ان شديت صدقني بـ اردها لكـ على طول..
ما خلص كلمتة الا بـ لكمة من وليد قريب من عين عمر دنق وهو يغطي على عينة : يـــاكلب كلامي وين راح..؟!
وليد : ههههههههه خليني اشفي غليلي بغيت تفقع عيني..
غازي : بلا هبال انت و اياه..؟! ويش اللي تسوونة..؟! مجانين..؟!
رفع عمر نفسة حتى يفاجأة وليد بضربة من كتفة و شدة له و عمر صرخ : وليـــــــــد..!!
وليد تركـ عمر وهو يضحكـ .. عمر بعد ما كان يضغط على كتفة اليمين بـ يده اليسار حاس انه انخلع من وليد ضرب وليد بكس على بطنة.. انحنا وليد متفاجئ : يا حمــار على طلبكـ ..
عمر : خلعت كتفي ويش بـقيت قايلكـ لا تشد..
ابو سعود : ان ما وقفتوا المهزلة اللي تسوونها انتم الإثنين ما تلومون الا انفسكم.. انا بـ ادبغ فيكم بالعقال هنيا ترى ما كبرتوا عليه للحين..
عمر يضغط على كتفة : بـ اروح المستشفى الحين من سواياكـ ..
حاتم وقف : وريني خليني اشوفها اذا خلع نسويه لكـ هنا بـعدين نربطها لكـ ما يحتاج تروح..
عمر واقف جنب حاتم مسك يد عمر : ترى بـ تعوركـ شوي بس بـ تحمل.. بـ نرجع الكتف مكانة وليد ما قصر..
وليد : ههههههههههههههههههههه هو طلبني و انا لبيت..
غازي وقف : ما بغينا نشوف هالضحكـة..!! باخل علينا فيها..!!
وليد ابتسم : لا بخل و لا شيء بس ان شاء الله تنحل قريب..
عمر كتم صرختة : اخ.. ويش بلاكم علي..
حاتم : ما احد قالكـ اطلب وليد يضربكـ .. الحين نربط يدكـ و لا تحركها فترة..
عمر : ماني رابطها اما تقيدني لا ياخي ما راح احركها و خلاص..
غازي نادى بـ صوت عالي شوي عشان يبي لينا تطلع : يا بنـــات..
لحظات حتى تطلع شوق وهي مغطية حتى عيونها المفقعة من الصياح : نادي لي لينا..
طلعت لينا اول ما طلعت و اتجهة للصالة ما طاحت عينها الا عليه.. اول مره تشوفة بـ وضع غير.. بين اهله مرتاح..!! مو مثل المكان اللي اعتادت تشوفة فيه وهو معصب و متوتر طول الوقت.. لفت انتباهها انه مثبت يده قربت من ابوها و همست وهي تناظر عمر : ويش فيه..؟!
غازي ابتسم : خبل.. و لقى احد يجاري خبالة على انه ما كان كذا.. بس شكلكـ هبلتي فيه..!!
لينا : تهاوشت مع احد..؟!
غازي يمد يده على كتفها : ايه .. مع وليد..
عمر : تأمر على شيء يا عمي..
ابو سعود : لا ترمي روحكـ بالنار..
عمر ابتسم : ان شاء الله و لا يهمكـ .. نسلم عليكم.. لف حتى تلتقي عينة بـ عينها و كأنه يقولها وفيت بـ وعدي لكـ ..!! هذا انتِ جنب ابوكـ احفظي وعدي اللي بـ حشاكـ ..
: مع السلامة..
طلع عمر و بعده غازي و لينا..
احمد : يبه ويش بـ تسوي مع خالتي منيره اكيد ما راح تتركها..؟!
ابو سعود : لا.. غازي بـ يداهم المكان و يطلعهم من هناكـ و ان شاء الله كل شيء يمشي تمام اذا صار شيء غلط.. بـ اعرف منها ويش كان يبي الرئيس و بـ اعطيه اياه عساه يفكـ بلاه عنا و يريحنا..
خالد : الله لا يباركـ فيه..
ياسر : انا بـ اروح ارتاح..
ابو سعود : قبل لا تروح.. ابي اقولكم شغلة.. من بكره سها بـ تنزل و تجلس معنا.. ما ابي احد فيكم يضايقها بـ حرف مو بـ كلمة.. ما راح يرضيني لو تزعلونها.. انا عارف انها غلطت بس هي ضعيفة ولو احنا ما ساعدناها بـ تغرق ولو يصير لها شيء ما راح اسامح نفسي.. لا تضايقونها عشاني..
حاتم مبتسم اخيــراً بـ ينحل ذا الموضوع كان مأرقة كل الفترة اللي فاتت.. ناظر اخوانة ينتظر ردهم..
احمد : و لا يهمكـ يبه ما يصير خاطركـ لا طيب..
ابو سعود : و خاطرها..؟!
وليد : و خاطرها بعد..
ابو سعود ناظر خالد و ياسر : و انتم..!! اكثر اثنين قسيتوا عليها عاذركم ايه انا سويت سواتكم و اردى.. لكن ما ابيكم تحسسونها انكم متضايقين منها..
خالد : ان شاء الله..
ياسر : على امركـ ..
حاتم استغرب كان متوقع هوشة.. بس عملية سعود و كلامة اليوم هو اللي لين قلوبهم عليها.. الحمدلله..
..
المستشفى.. واقفين على ساق وحده يسمعون تهزيء من رئيسهم..
الفريق جابر بـ حدة : شلون يعني..؟!
عساف متنرفز استغرب وجود الفريق جابر و رجالة بالمكان معاهم : احنا كان معانا امر بالمداهمة.. و القينا القبض على الجميع..
الفريق جابر بـ حدة : ويش رايكـ تطردني..؟!
عساف بـ هدوء : مكانكـ فوق الراس يا سيدي..
الفريق جابر : شلون تلقون القبض على سيارة مالها دخل..؟!
نايف : الا لها دخل.. هالسيارة لـ رئيسهم و فيها بنتة..
الفريق جابر : و احنا ويش دخلنا بـبنتة الا ان كانت مشاركة مع ابوها هذا شيء ثاني..!!
عزام : يا طويل العمر احنا اخذين بنتة بـ نحميها.. ابوها متعود يأخذها معاه لـ كل مكان و احنا اخذناها..
الفريق جابر يجلس على كراسي الإستراحة بالمشفى : بـ تجنوني كل عمركم يا رجال غازي رووسكم يابسة الكلمة ما تسمعونها..
عماد ناظرهم : انا ماني عارف ويش اللي مضايقكـ بإننا اخذنا بنتة..
الفريق جابر : خلاص هاذي مو مشكلتي الحين احنا شغلتنا نحمي الناس الأبرياء و بـ نحمي بنتة حتى لو ابوها مجرم.. بلغتوا ابو سعود..؟!
عساف : لا.. بـ نبلغة اذا طلع سعود من العمليات..
الفريق جابر : استغفر الله.. قايل له لا تروح هالمكان ممكن تجيكـ رصاصة يقول لازم اقفل البوابة ..عشان ما احد يلومني ان قلت رجال غازي رووسهم يابسة..
: خيــر سعود ايش فيه..؟!
ادوا التحية العسكرية.. بداية من الفريق جابر اللي يحمل نفس رتبة الفريق غازي لكن من باب الإحترام المتبادل و الزمالة المهنية.. و رجالة عساف عماد و عزام و نايف..
عماد : جاتة رصاصة و ان شاء الله انه بـ خير..
الفريق غازي : وينه الحين..؟!
عماد : دخلوه العمليات..
الفريق غازي جلس متوتر .. بـ يدخل مقر الرئيس و يطلع منيره و عيالها من هناكـ .. و شوق ان درت عن سعود ممكن يصير فيها شيء..!! و لينا اللي قرر يوديها بيت عامر قبل بيتة عشان مضطر يطلع من البيت و يداهم محل الرئيس و بيت عامر أأمن لها.. وما عنده الوقت يشرح لأمال كل شيء.. ايش الحل..؟!
نايف : تطمن يا سيدي الحمد لله الرصاصة بـ عضدة ماهي بـ مكان خطير..
الفريق غازي وقف : انا ابي اروح لـ شغلة و ابيكم معاي.. بس ابي واحد يوقف على باب غرفة سعود يضمن ما احد يجي عنده و لا احد يبلغ ابو سعود او أي احد من عيلتة لين نرجع..
الفريق جابر حاط رجل على رجل : تبيني اقعد احرسة قعدت.. سعود غالي علي حتى انا..
الفريق غازي : لا.. ابيكـ معاي بالمهمة نحتاج خبرتكـ .. (ناظر عساف) ناد لي سلمان و كلمة يوقف على الباب عينة لا ترمش فاهمني..
عساف : ولا يهمكـ .. اصلاً سلمان قريب.. بس ما احنا عارفين لـ وين رايحين..
الفريق غازي : قريب.. دق على سلمان و بعدها نمشي..
..
بيت عامر..
ام عامر : تونسين شيء يا بنتي ..؟!
باست كتف جدتها : لا يمه.. بس مشتاقة لكـ ..
ام عامر : يا عميري تشتاق لكـ الجنة..
عبدالله و ناصر كل واحد يناظر بـ الثاني كل اللي يعرفونة ان عمهم جاب بنتة و قال لأبوهم حطها بـ عيونكـ تكفى انا عندي شغلة ضرورية.. شلون رجعت و ويش اللي صار ما يدرون.. قلوبهم تغلي ودهم يعرفون كل شيء.. ما ودهم يسألون و يدري عمهم بـعدين و يزعل عليهم.. كل واحد فيهم ماسكـ لسانة بـ العافية..
لينا : جوعانة يمه..
ام عامر : افااا يمه يخسى الجوع الحين اقولهم يسوون لكـ اكل.. عهيــــد.. يا عهيـــــد..
عهود : يا عيون عهيـــد امري..
ام عامر : قولي لـ هالخدم المسطرين بالمطبخ يسوون اكل لـ بنية عمكـ يا عوينتي على لحم بطنها من الصبح..!!
عهود : ان شاء الله..
ام يوسف ابتسمت البنت ما قالت انها على لحم بطنها من الصبح لكن هي كذا ام عامر.. تهاوش على أي شيء بس قلبها ابيض بس تحس ان الواحد فيه نص تعب قلبها يشفق عليه..
عامر : يمه خفي عليها.. خليها على راحتها..
ام عامر : مالكـ دخل بـ بنيتي..
يوسف نزل من الدرج سمع اخر كلامهم : افااا يبه انسحب عليكـ .. ام عامر تسفل فيكـ تعال صف يمي نتهزأ كل مره انا و اياكـ ..
ام عامر : اعقــب و انا ام عامر .. على وين العزم ان شاء الله..؟!
يوسف : بـ الحق الشباب طالعين استراحة.. و عشان ما تسألون مين و كذا و سوالف ويش كثر ولد ابراهيم مشعل معاهم..
عامر : ماشاء الله من متى العلاقة..؟!
يوسف : من المزرعة و مرتين قابلتة بإستراحة مع الشباب ..
ام عامر : دام ولد ابراهيم معاهم فا هم ان شاء الله مصلوحين ابراهيم ما يهيت عيالة يعرف مع مين يمشون ماشاء الله..
عامر : هههههههههههه ويش يمه تدقيني بالحكي..؟!
ام عامر : كلن ادرى بـ عمرة ما يحتاج ادق بالحكي..
يوسف : اجل بـ اتعلق بـ ذا المشعل ماني مخلية و بـ اماشي عيال ابراهيم كلهم دام بـ ينرضى علينا من المقام السامي..
ام عامر : ارضي ربكـ و والدينكـ و صاحب الناس المصلوحين و انا ارضى عليكـ ..
يوسف يجلس على اعلى الكنبة عند راس ابوه : اوووه عرفنا انكـ المقام السامي طيب يمكن اقصد امي.. عين السيح..
ام عامر : انا اشهد انها عين السيح.. وش ناوي تسوي يعني بـ تحجر لي..؟!
يوسف : هههههههههههههه و عرفنا بعد تحجر لي و الله تطورات نواره..
ام عامر : اعقــب و انا ام عامر..
يوسف : خلاص تكفين لا تنخين احد.. خلاص الحين اصلاً بـ اطلع بس حبينا نسلم على بنت العم المختفية.. كويس اختفت و عقلت اختها ذيكـ الخبلة ازين شيء اذا انرجيتوا من ريما اخفوا لينا و تهجد..!!
ام عامر تمد عصاتها عليه : انقلع .. انقلع عن وجهي لا تخليني اقوم و اكسر عصاتي على راسكـ ..
نقز يوسف : هههههههههه اوكِ زعلنا المقام السامي.. خلاص و لا يهمكـ .. دعواتكـ يا عين السيح..
ام يوسف ابتسمت فرحتها الوحيدة بالدنيا : الله يحفظكـ يا ابوي انتبة لـ دربكـ ..
ام عامر : ان ما دبغ فيها ابوه مشتري له هالسيارة الجديدة بكره تشوفونها غادية عجينة مكسرة من كل صوب.. و الله ان حتى عمكـ مدلعكـ ..
يوسف : و الله مو مدلعني الا كارفني بس عاد فدا لـ ذا العم ما عندنا الا هالواحد..
: عماد ما رجع ..؟!
يوسف التفت للأدمية اللي نزلت ومن غير لا احم و لا دستور تنشد على عماد حتى ما سلمت..!! ناظرها : نسلم عليكم..
: مع السلامة..
ام ناصر : لا يا بنتي ما بعد رجع..
لينا ناظرتها مستغربة ليش تسأل عن عماد هي ويش دخلها : ليش تسألين..؟!
البتول : نعم..!! انتِ مين اصلاً..؟!
لينا طنشتها و ناظرت عمتها مريم : مين هاذي..؟!
مريم : مرت عماد البتول..
لينا مصدومة : و وعــــد..؟!
ام عامر : طلقها يا بنيتي..
لينا : طلقـــها..!! و بنتهم..؟!
البتول تنرفزت : ويش فيها بنتهم امها ماهي عايزة عنها و جدها عنده خير يسد عين الشمس..
لينا و كأن فيها طاقة هواش : امها ماهي عايزة عنها..!! و جدها عنده خير يسد عين الشمس..!! (تحرك اصباعها يمين و يسار بـ تقرف) الحين هذا مستوى تفكيركـ ايش هالجهل..؟!!!
البتول : نعـــم..!! انتِ ببيتي و تحكين علي..!؟
لينا حطت يديها على راسها : اووه يا كبرها صار بيتكـ ..؟! من متى يا حظي خبري انه مسجل بـ إسم عمي عامر متى لهطتية..؟!
تنرفزت البتول من اسلوب لينا رغم انها ما عرفتها ممكن تقابلوا قبل بس من بعيد لـ بعيد و حدهم اسماء بس مع النقاب الحين ما عرفتها : انتِ مين اصلاً..؟!
لينا : انا لينا بنت غازي بن محمد بن حمدان.. اللي اذكرة انه البيت بيت عمي عامر.. و الا من ضمن مخططاتكـ يصير بـ إسمكـ ترى اذا داخلة على طمع عماد اكبر من انكـ تضحكين عليه.. يعني كان دورتي واحد سكانة مرتة يصير خاتم بإصباعها..
البتول صرخت فيها : لو ما انطميتي عني لا اعلمكـ حدودكـ عدل وما يهمن يمين تكونين..
عبدالله : انتِ اللي الزمي حدودكـ احشمي البيت اللي جالسة فيه.. ما بقي الا تطردين بنتنا من بيتنا..!!
البتول ميلت راسها وهي تناظر فيه بـ قوة وما كسرت عينها و كأنه شيء جايز لها : احشم البيت يعني انت واقف معاها..!!
انهار : ايش فيكـ انتِ قلبتيها هوشة.. لينا تمزح معاكـ عشان انتِ بالغتي و بس..
البتول : انا ما ابي اسمع صوتكـ يكفيني اني متحملتكـ هنا بـ وجهي كل ما اصبحت و امسيت..
انهار ما قدرت تمسكـ ضحكتها : ههههههههههههه ويش رايكـ تطردينا بالجملة..؟!
ادارت البتول ظهرها و طلعت متنرفزة منهم..!! انهار حب عماج السابق.. السوالف اللي ما تخلص عن بنت عماد فجر جعلها ما تعيش هالفجر.. و الحين اخوانة و بنت عمة..!!
مريم : ايش فيكم على البنية..؟!
لينا بـ براءة : انا ما قلت شيء هي قالت..
مريم ابتسمت : انتِ ساس البلا كله..
عبدالله : ترى هالوضع ما يعجبني.. عماد ما يهيتها و لا هامة شيء..
عامر بـ حزم : عبـــد الله..!!
ناصر : يبه عبدالله صادق.. شوف سواياها ما تسويها وحده متربية ببيت اهلها.. كان اهلها ما ربوها و زوجها ما هو مقضبها القاع ما احنا عايزين لا نربيها من جديد..
ام ناصر : ويش هالحكي يا ناصر.. هاذي بنت خالتكـ ..
ناصر : وبنت خالتي غلطانة يمه و الا ما تشوفين غلطها.. ما تستحي على وجهها .. سواياها تندر الوجه و الله لو زوجتي تسوي هالسوايا انها ما تلزمني لاردها على ابوها يربيها من جديد..
ام ناصر : ويش سوت البنية..؟! هي بس تحاتي رجلها..
ناصر : يمه ما احنا عميان.. كلنا بـ هالبيت نشوف اللي تسوية و ساكتين.. و كل خبايثها تطلع و عماد ماهو فيه وقت وجوده ما تهش و لا تنش و كن القطو يأكل عشاها..
تقدمت عهود و هي تنزل الصينية قدام لينا و تناظر اخوها معصب.. اكيد على شينة الحلايا البتول.. فعلاً تنكرة.. ندمت انها تهاوشت مع وعد او سبتها وعد درة وهاذي ما يندرى ويش ينقال عنها..!! ليتة رجع لأنهار بدل هاذي اللي ناوية تقلب بيتهم..!! ناظرت لينا : عوافي..
لينا : الله يعافيكـ ..
ام ناصر : و الله لو اخوكـ يسمع حكيكـ ان غير يزعل عليكـ ..
ناصر بـ قهر من دفاع امه عشان بنت اختها : يزعل علي اللي ما وقفت زوجتة عند حدها.. من جات بيتنا وهي هايتة.. و الله ان ولدكـ يمه غبي ضيع من يدينة ذهبة و رد نفسة على ذي..
مريم : اللي راح راح..
ناصر بـ ثقة : لا ما راح للحين هي بـ عدتها و يقدر يردها..
مريم بـ فزع : نعـــم..!!
عبدالله : ليش مستغربة..؟! بينهم بنت لازم تكون من اولوياتهم..
مريم : لا بالله انهبلتوا..!! انتم ما تدرون اخوكم ويش سوا بـ بنتي.. عماد غالي عندي ايه.. بس اللي سواه بـ بنتي ما يرضيني.. و عشان ترتاحون ابو سعود حالف ما يردها له و محرمها عليه حرمة امه و خواتة عليه..
ام عامر : اعوذ بالله ويش هالحكي..؟!
مريم : هذا الصدق يمه.. و ولدكـ يدري اصلاً لو هو يبي وعد ما طلقها كان معاه كل الفترة اللي فاتت وقت حملها و نفاسها يعدل من اللي بينهم لكنه ما يبيها.. وهي ما تبيه.. ما بينهم الا هالبنت..
عامر : لو متأكد ان حياة عماد و وعد بـ تصلح بـ رجعتهم كنت اول واحد شجعت هالموضوع حتى لو ابراهيم ماهو راضي.. بس متأكد ان ابراهيم هالمره هو اللي بـ يكسب و يحلم عماد بـ وعد.. هو اللي ضيعها من يدينة بـ سوياه ما قدّر البنية على اني انا منبهة من الأول ما يأذيها بس ما قصّر فيها..
ام ناصر : خلاص اللي صار صار كلن راح بـ حال سبيلة.. هي الله يرزقها و ولدي الله يهنية مع زوجتة..
..
في مكان اول مره يدخلونة.. يترأسهم غازي و جابر..
غازي يتكلم و الأداة مغروسة بإذنة يسمع رجالة و يسمعونة : عساف ركزوا كل شيء بـ خفة و هدو..
عساف : تأمر طال عمركـ ..
تقدم غازي و معاه جابر كل واحد معاه سلاحة و وراهم نايف و اربع رجال..جابر يعد بأصابعة لما ثلاثة و تقدم نايف و رفس الباب و اقتحموا المكان.. أي شخص يطلع بـ وجيهم كانوا يحاولون يصيبونة بـ مكان مو خطير و يبعدون السلاح عنه.. و اللي يكون خطر و تهديد وما يستسلم يموت..
غازي جنب جابر همس : عمر من رجالكـ ..؟!
انصدم جابر.. و غازي لمح تعابير وجهة تجابو على سؤالة مو محتاج يسمع الجواب بالصريح و تقدم عنه.. قابل شخص يهددهم و صابة بـ كتفة.. اتجة نايف له و سحب سلاحة منه.. : وين ام نايف و عيالها..؟!
يتألم و يضغط على كتفة بـ يدة : ما ادري..
نايف مسك سلاحة و ضغط فيه على الجرح و الرجال مطروح على الأرض يتألم.. نايف يصر على اسنانة : ما ابي اعيد و ازيد بالسؤال وينهم..؟!
: تحت .. تحت..
غازي آشر لإثنين من رجالة : خلوكم هنا احنا بـ ننزل تحت و نشوف مين فيه..
عساف طلع وهو مبتسم : خلصنا عنكـ المهمة..
غازي ناظرة : ماشاء الله..!!
عساف : لقيناهم.. الحين بـ يطلعون مع الشباب.. الحمدلله هم بـخير..
غازي : الحمدلله..
طلع نايف و نواف و امهم وراهم.. ناظرهم نايف ولد منيره فقدان امل.. كانوا يعيشون بـ فقدان امل.. كونهم يطلعون الحين شيء مو متوقع.. توقعوا يطلعون وهو ميتين.. خصوصاً بعد ما سممهم الرئيس بـ كل برود قدام امهم..
منيره همست : عسـاف..
عساف من غير لا يلتفت : لا تخافين يا خالة كل الأمور تمام و ان شاء الله ما راح يصير شيء.. الحين بـ نأمن عليكم بـ مكان وما راح يطولكم شيء بإذن الله..
نايف : شكــراً.. جزاكم الله خير انقذتونا من الموت..
الفريق غازي : واجبنا..
الفريق جابر : لازم نطلع بسرعة ما يندرى عن خفايا المكان ممكن يكون ملغم..
..
لا حول و لا قوة الا بالله..

لا احلل نقل الرواية دون ذكر اسمي..

مواعيد البارتات كل سبت بإذن الله..

هاشتاق #رواية لو سألتي الورد

ضحكة قهر..