[مارونيت]

نقول بسم الله ونبدء تعليق على اول مشهد والحوار اللى بين انسان الغاب طويل الناب ياسر وبين صاحب العقل الرزين الجذاب لدرجة العذاب ابو الحنية كلها سعد .. لقاء العمالة عجبنى ثقة سعد وهو بيتكلم لانه بالفعل معملش حاجة يتكسف منها او خان ثقة ياسر فى اى لحظة بالعكس ده حافظ على اخته وكان ملاكها الحارس مقدرة عصبية ياسر وخوفه على جودا ياسر واثق ومتاكد انه سعد شخص محل ثقة لو كان بيشك فيه ولو للحظة كنا شفنا ياسر وهو متقمصاه روح دراكولا وغارس سنانه فى رقبة سعد

اتسعت عينا ياسر قليلا وهو يقول بعجب واضح لم يستطع اخفائه " انت جاد حقا ! "

رد سعد بتمتمة هادئة " نعم جاد ...

الجملتين دول لو اتصورو هيطلع لقطة سنيمائية ملهاش حل استيعاب ياسر ان سعد بيحب جودا بجد خلانى استغربت نفس استغراب ياسر مع انى عارفة مسبقا انه بطلنا المغوار بيموت فى تراب رجلين جودا بس اتشديت شدة مش طبيعية للقطة دى سعد نفسه لو معانا وبيقرا كان اندهش

احترت اوصف سعد بايه بجد لو فى منه كتير كان الحال بقا غير الحال .. كلمة اسمحلى اساعدها اللى قالها لياسر خلت قلبى ركب جوانح وراح لعيون سعد باسهم ورجعلى تانى ايه الادب والاخلاق دى ياعم انت نفسى اشوفلك هفوة او غلطة تكسر التابلوه اللى راسماهولك فى دماغى لانى مقتنعة مليون فى المية انك كائن خرافى اغلط وعرفنى انك من نفس كوكبنا

لما وصلت للحتة فى الحوار اللى بتحكى عن كامل قلبى وجعنى على جودا خوف ياسر عليها فرحنى بيه وعرفنى انه ورا الجلف الفظ طويل اللسان انسان ممكن يهد العالم كله لو حد فكر يأذى شعرة من راس حد بيحبه وعقل سعد فى ادارة الحوار لا تعليق لو شكرت فيه اكتر من كده هيقولو الولية اتجننت

تمتم ياسر بصدق لايخلو من العجب

" انا لاافهمك ..! لماذا جودا ؟! "

ابتسم سعد وافلت لسانه رغما عنه

" فيها ما يناديني وقلبي لبى نداءها .."

رسالة لسعد : بص ياعم المز انت تطلب الجواز من جودا معترضناش تشلنا بحركات وابتسامات بتوزعها بسبب وبدون سبب ونقول وماله بيلبقله الحركات والابتسامات لكن انك تعامل ياسر على انه كيس جوافة واوريال قاعد جمبك وتقعد تتغزل فى اخته وتقوله قلبى وفشتى وما ادرك ايه ده اللى يمكن نسمح بيه ابدا لم مشاعرك يا اخويا مهياش ناقصاك الحكاية ولو افتكرت حاجة تانى هابقى اقولهالك فى التعليقات اللى جاية اوعى تفتكر انك خلصت منى

وعد سعد لياسر انه ميشوفش جودا الا بعد الدراسة عجبنى انه سعد وافق وان ياسر مرفضش الجواز هو اجل الكلام لبعد الشهرين لانه بصراحة يا ياسورتى الواد ميترفضش

ليا عودة مع باقى المشاهد