[لامارا]

البارت السابع...(7)


_________________________
مايد؛
وصلنا دبي وانا وايد زعلان
اعرف ان عمر سكران وبيستوي يفرفر فيني
لين شي صحى من السكر اللي اهو فيه
تدرون انا مش زعلان عشان تركت فراشي!
ولا عشان النوم طار علي!
انا مش اناني لهدرجه..
زعلان على حال عمر وبحر
عمر اهله وايد عيال عز والحمدلله ربي معطينهم خير
بس اللي قاهرني بحر..
هاد دراسته!
ويشتري من هالسم من فقر
مسجين ابوه مش عارف يتحكم فيه
ولا عارف شلون يحرمه من الدراهم
ما يبا يحسسه بنقص
ترا ابو بحر طيب لحد ماتتصورونه
بس بحر اهو دومه غلطان ويحسب انه دوم صح
ابتدا يشرب ويعرف الخمر السنه اللي فاتت
وكنت وايد مصدوم منه
دايم كان يعرض علي ايي عنده ونسكر ويا بعض
بس كنت ارفض لان هاا حرااام
وكنت اخذ بها الآيه دوم ودوم ماكنت اقولها لبحر [ولا تلقوا بأنفسكم الى التهلكه]
بس محدن مصدقني ومحدن راضي يسمع كلامي
راحوا ورا شهواتهم ونسوني
استغربت يوم جفت عمر يوقف عند مستشفى!
غريبه ليشش!!!!!!
نزل عمر ويا لعند بابي وبطله وسحبني بقوه
ومسك ايدي واستويت امشي وراه ومش شايف ملامح عمر
اللي اقص يدي ان كانت تطمن بخير
سرنا للرسبشن
عمر-بجديه-/لو سمحت عندكم واحد اسمه بحر حمدان ال...
الموظف/ايوا حظرتك هوا في العمليات دلوئتي
عمر /وين العمليات
ظل الموظف يوصف لعمر المكان وانا مصدوم
وفاتحن عيوني على وسعهن وسحبت ايدي من ايد عمر بسرعه
وتميت اطالع فيه بعصبيه
وعمر صد لي بخيبه وعيونه حمر واشوي ويبجي
انا -بهمس بس بعصبيه-/ليش ماخبرتني
عمر -يكلم الموظف-/شكرا ..."مسك ايدي وسار ركض في الممرات "
وانا مصدوم ومش مصدق اللي يالس يستوي
اهو حلم!!
ياارب حلم
ليش بحر بغرفه العمليات!!
وصلنا لباب مكتوب عليه العمليات
وانا انصدمت واختعرت وااايد وتميت اطالع بصدمه لباب
انا -ضحكت بهستيريا-/بحر اهني ..هههه تتغشمر وياي مو؟ قولي تتغشمر !!
عمر دمعت عيونه وانا صديت ويهي وجفت ام بحر
وحكيت اسناني ببعضها
وصرخت في ويهها ووالله ماكنت بوعيي /ااااااننننتييييه ...انتيهه ذبحتتتتييييه ليشش!"بنبره حزينه وبكيت "حراااااام علييييجج حرررررررراااااااااااااااا امممم !!! "رديت اضحك" هههه هيه انتو مسوين مقلب "صرخت" مقلللب!!! "صديت لعمر وضحكت" عمور قول انه مقلب
سرت لباب العمليات وتميت اهزه -بكيت-/جوووفووا اصلاااا مشش...لازم تقولولي مقلب بسير لبحر اهو بيقولي انه مقلب ونضحك سواا...
عمر يا من وراي ومسكني عدل وردني لورا
وانا بعدم وعي تميت اطقه واعطيه بوكس
عمر-بصراخ- /ماااايييدد...يلااااااك بتذبحني انته
قامت بنت كانت حذال ام بحر
وصاحت/ااااايييههه خيررر انشالله ترااااناا في مستشفى... بعدين وان مات بحر شو يعني باللي لا يرده يريحنا احسن
انا سرت لها ودفيتها بقوه /ججججبب ما ااااباااا اسسسمع صوتتتتججج لا انتي ولا هاااااي اللي اللي حذااالج انتووو امنوووو عسبت تدعون عليه عرفتوه ؟عاشرتوه ؟
عمر ياني ومسكني ويلسني على الكرسي وهداني
واعطاني ماي ويلس حذالي وتم يمسح على ظهري
عمر -بهمس-/دخيلك مايد اهدا... وانتيه مينونه في راسج خبااال
طبعا هالبنت خافت وايد وكانت مصدومه وانا رحمتها
وكان ودي اعتذر
بس مستحيل اعتذر واهي تقول ان بحر بلي لا يرده
ماتدري بعشرتنا ومحبتنا لبعض!!!
تميت متكتف وانتظر هالدكتور يطلع وبالقو ماسكن عمري
عمر/اسف يا...
البنت -بغرور-/ميساء
عمر/هيه معلش مايد مش في وعيه مسحيها بويهي
ميساء -بسخريه-/انته اسمر شكلك دايم تمسح اخطاء ربيعك في ويهك هاهاها
عمر -بإستحقار-/بايخه واايد وااايد
ميساء/ماطلبت رايك
عمر /الله يصبرني
ميساء -واضضح انها تغيضه -/شو يصبرك سير من اهني وترتاااح ويبرد خاطرك
عمر -عصب-/ممكن تنطبين اشويه
ميساء -بدت تصارخ -/شوووووووه!!! انته تعرف امنو اناااا اناا ميساء حااتم يا الغبي
عمر -بسخريه-/وشووو يعنيي بتضربيني مثلا اذاا انتي ميساء ولا بنسجن عسب انتيه مب راضيه عني اقولج سيري عن ويهي وريحيني مش ناقصنج
مهره مسكت ايد ميساء الي كانت اشوي وتصيح وتسب
مهره-بعصبيه-/ااانطططبي اجوووف
ميساء خافت وردت ظهرها لليدر
وتمت تطالع عمر بحقد وهم اهوو
انا ماعطيت للامر اهتام كل تفكيري في بحر الي بداخل العمليات
وتميت انتظر واهز ريولي بتوتر وانا قلبي كل اشوي ينغزني
والشيطان يتم يوسوس لي ان بحر فيه شي
____________________________
اروى؛
كلام اثير كان في مكانه..
كايد مو مكتوب لي ولا بيوم بيكون لي
انا عايشه على اوهام من بدايه حياتي
خساره كبيره لما اخسر كايد..
كايد عمري اللي راح كله
هو اكثر شخص يعرفني ويفهمني
عارفين اني مو مستوعبه وش معنى بأفترق عنه
بس صدقت اثير انا لازم اختفي
عشان لا اوجعه ولا اوجع نفسي قبل
لازم ابعد عنه من البدايه
عشان ماتتطور الامور على كلام زايف واوهام
انا -بخيبه-/صادقه..
اثير -بتوتر-/ا..انا آسفه... اسلوبي غلط بس انتي اسمعيني وصدقيني انا احبك يامجنونه وما ابغى تتعبين بحياتك ولا تعانين تبغين تعاندين جدي تبغين تكسبين غضب العايله كلها تبغين عيالك بعدين يسألون فين اهلهم ؟!! ترضين اهلك يتبرون منك ومنه!
انا-دمعت- /بس انا احبه..
اثير/كلنا حبينا اشياء بس لازم نضحي للاولويات
انا/صحيح..
اثير/لاتزعلين طيب بس انتي عارفه نيتي
انا /لا مو من جدك اني ازعل منك... الزبده خلينا من كايد انتي وش صار معاك مغامرات
وظظظلت تحكي لي وتحكي لين قالت ولا الضالين امين وانا حسيت طبله اذني بجد انفقعت
_____________________________
فيصل؛
رجعت للبيت
دخلنا كلنا للصاله ولقينا ابوي جالس وينتظرنا
وقام وهو مبتسم بوعيد لي وانا ابتسمت ببرائه
فتون/اي بابا تكفى اجلللده ووريه ان الله حححق
انا لفيت وجهي لها بسرعه وهمست/يااحيواااانه اش اتفقنا عليه فتون -بهمس-/توديني السوق؟
انا تأففت/اي اللي تبين
ابوي /مشالله علييييك دااخل على الرجال بلبسك المغبر لا ومتأخر عن العزيمه!!!!
انا/ابوي ياحبيبي قلت لك سوينا حادث
ابوي/اقولك...تلايط اشوف ولا تكذب علي
انا/طيب خلني...
ابوي/بلا خلني بلا خرابيط
امي/اقولك خل الولد فحاله خله يعيش حياته حياته ماتنعاد ويه اسم الله على قلبه
ابوي/مااخربه الا دلعك
فتون -بدلع-/بابااه.. يعني تكفى لا تعاقبه عشان خاطري
ابوي طالع فيها وحرك نظارته /بسم الله انتي فتون...
فتون -بنفس الدلع-/اي انا فتو حبيبة قلبك صاااح ولاا ؟
ابوي ضحك ضحكه خفيفه /الله يرج ابليسك يافتون ماعرفتك من دلعك كنت ما افرق بينك وبين رامي
فتون -شهقت-/ماااالت عليه ليشش ما تفرق بيني وبينه اصلا انا بنتك وهذاا ولدك غيره مافيه
انا وامي ضحكنا على شكلها وعلى غيرتها على ابوي
ابوي/اي رامي ولدي زي ما انتي بنتي
فتون -رجعت لعربجيتها-/لااااا ما انت ابو لغيري انا وبس
انا /مشالله وانا..
فتون/انت ويالله بالعتك قال رامي ولدك قاال
ابوي-بمزح-/غصب عنك..ويلاا اشوف لااتتكلمين في ولد عمك
فتون انقهرت وحمر وجهها من العصبيه
انا تذكرت زوجتي اللي نايمه فوق لوحدها وطبعا بخاطري مستعد لزعل والنكد وقله الادب
ابوي/وانت خلاص عشان فتو حبيبتي توسطت لك انقلع عند مرتك
انا -ابتسمت بحزن-/تصبحون على خير..
وطلعت الدرج ورحت لغرفتي
فتحت الباب بخفه انا واثق مليون بالميه انها بسااابع بنومه و لا فكرت فيني اصلاً
فصخت ثوبي ولبست بجامتي ورحت سريري
وحطيت راسي على مخدتي وانا افكر بولدي اللي جاي بالطريق كيف بيعيش بيننا ؟
وانا وامه اقسم بالله ولا اعداء كذا
كيف بيتأقلم كيف بتكون نفسيته!!
بأول ايام زواجنا كنا زي العسل نجنن
بس بعد ثلاث شهور انقلبت الاوضاع وصارت لو تشوف عدوها
احسن من انها تشوفني
تكره كل شي فيني وتكره كلامي وتكرهني
انا بالنسبه لها شيطان!
___________________________
مايد؛
ماهي دقايق الا جا خال بحر 'حاتم وجافنا انا وعمر "
وسلم علينا
حاتم/امنوا خبركم ؟
عمر جاف ميساء اللي وايد خافت
وتمينا ساكتين
وحاتم على طول طالع في ميساء
حاتم-بشبه عصبيه-/انتيه اللي خبرتيهم
عمر انقذ الموقف/لالا اهي ماقالت لنا شي انا اعرف واحد اهني يشتغل وقالي ان بحر بالعمليات
حاتم -اخذ نفس عميق-/طولو هالدكاتره بلاهم
انفتح باب العمليات وطلعو سرير جان فيه بحر واهو باجي مغمض عيونه
انا وقفت لهالمنظر
وعمر هم وراي
اخذو هالسرير ونقلوه لبعيد
انا ين ينوني وسرت للدكتور
انا -بهدوء-/بحر؟ "ومسكت البالطو ماله وصرخت" وين مودينن بححححرر !!!!! وييينن موووودينههه بحر!!
وتميت اركض في الممرات كأني مينون وانا ادور على بحر ووين مودينه
لقيت الممرضات يدخلونه غرفه غريبه جي
سرت لعندهم...
انا-بحزن-/بحر!!فين اهووووو فينننن
السستر"بالانقلش"/انه في غيبوبه
انا تميت مصدوم واطالع في الممرضه بصدمه ومش عارف شو بيستوي
احس الدنيا احين بالضبط باللحظه هاي
استوى عالم غامض وايد
غامض بكل تفاصيله!
غامض ويخبي ورااه الف سر وسر
هالغموض خلاني الحين استوي شرات المينون
او نفسه..
استيعابي بطء وتميت ابتسم بعد تصديق
جفت عمر ياي ومعاه حاتم مع مهره وميساء
انا ظليت اطالع في عمر وابتسمت بحزن وعيوني تدمع
انا -ضحكت بهستيريا-/عمر!! جفت بحر سار وخلاني جفته شلون سار.. "وكملت ببكا من اعمااق قلبي " سار واهو زعلان سار عني ونحن متخاصمين..
انا طالعت للدكتور برجاء/دخيلك اباا ادخل اجوفه دخيلللللك
_________________________
شما؛
رديت سريري ومسكت مخدتي ونميت اضمها بقوه
وانا اطالع في الارض وسرحانه
اخخ بس..
مالي اي حظ بهالحياه !
واثير اخر آمالي لو ابتعدت عني
انا مستحيل عاد اثق بحد لو شو ما كان
تدرون!
قبل ما اقابل اثير انا كنت معقده وما احب احد يختلط فيني
ولا يكلمني حسيت بطعم الوحده وقتها
وتمنيت زوالها بس كنت اتسال كيف وهالناس ؟..
معاديني!
الله يسامحهم على كل شي سووه فيني
تنهدت وانا اتذكر اثير وارتسمت ابتسامه عريضه على ويهي
وابتسمت اكثر يوم سمعت صوت زايد وهو يسلم من برع
وطلعت بسرعه عنده
ورحت وضميته بقوه
انا/زوووييييد شحالك
واهو ضمني وملامحه ماتطمن حزين وايد
انا رفعت عيوني وعقدت حياتي وانا اجوفه
حزين ودمعته قربت تنزل
ابتعدت عنه وانا خايفه!
امي/زايد حبيبي بلاك ؟
زايد يطالع فينا بصمت واهو يتعصر الم
يبا يتكلم بس يخاف يبكي
مسح دمعته اللي طاحت غصب عنه بأكمامه
وطالع فينا ونحن متنا خوف مش عارفين شو فيه
واهو ما عطانا حق ولا باطل
زايد-بصوت مبحوح-/ادعو...لبحر!
انا -بإستغراب وفي بالي ان بحر مات او استوى فيه شي خطير -/بحر!! وليش؟
زايد/اهو..بغيبوبه
انا انصعقت وامي هم انصدمت
___________|||||||___________
كايد ؛
رحت غرفتي وسكرت علي الباب وانا معصب من امي
اللي دايم تسوي اللي تبيه وتحقد كثير
حتى لو كانت عمتي شيخه مو كويسه!
اروى شذنبها؟
ظليت محروق بدااخلي وفيني الف كي وكي
يذبحني ثقل اروى..
بس! انا احبها بكل اشكالها وهذا من طيب اصلها
جات ببالي فكره..
تخلي شوقي اللي مايروح عن بالي حتى بمنامي
يختفي وكل ما بغيت اتطمن عليها اتطمن
بما انها مستحيل تقبل اولاد او مستحيل لا قرت اسمي في الايميل بتقبلني
الحل اني اسوي ايميل جديد كأني بنت
اي..
فكره!! ورحت بسرعه وفتحت الايميل
وغيرته بسرعه بسرعه
ودخلت واحترت وش احط اسمي
امممم..ياااربي شحط
كادي؟ لالا
احس انها طارت كل الافكار من راسي
احط لمى؟
اي اي لمى
وحطيت لمى بسرعه
وكل هذاا الحماس طار لما نسيت ان ما عندي ايميل اروى
هه! يا غبائي
تذكرت اريج اختي انها عندها الايميل
وفتحت الباب حقي ورحت بسرعه متوجه لغرفه اريج
وانا احط اذني على الباب
وباقي اسمع المكيف شغال عندها
وش ذا البنت
اقسم بالله ولا سبات شتوي كأنها دب
من اليوم نايمه حتى عزيمه ما راحت
يله ما علي الحين الحمدلله انها باقي نايمه من حسن حظي
فتحت الباب بهدوء ودخلت على روس اصابعي واخذت اللاب حقها
وشوي ولا فيه شي يتحرك لالا ياارب ماقامت
لفيت عليها وانا الشيب طلع براسي خلاص
شفتها شوي وتفتح عيونها بس رجعت نامت
اخذت نفس عميق وركضت لغرفتي
وسكرت بابها
ودخلت غرفتي بسرعه وسكرت علي
وفتحت اللاب واثاري عليه رقم سري!!!
يوه وش السواه الحين
ههه ادري اريج غبيه ومو حقت ارقام سريه
حطيت اسمها
طلع غلط..
ياااربي..
حطيت اسمها واسم ابوي كمان غلط
وش ذااا الحظظ الباييخخ
جا ببالي رقم جوالها وعلى طول انفتح
صرخت /ييييس
بعدين تذكرت ان امي باقي صاحيه المفروض محد يحس
وضحكت على جنوني
بس ياارب اخر هالحماس نتيجه
ظليت ادور على اروى ولقيتها وزرفت ايميلها
وكتبته عندي باللاب واضفتها.
______________×××________
مايد؛
دخلوني بعد طلعت الروح
وجفت بحر!
على سريره مغمض عيونه
والاجهزه حوله واصواتها سببت لي قلق
سرت لين استويت حذال سريره سرت ببطىء
ووراي عمر..
لمعت الدموع بعيوني وانا اجوف بحر
كان يتعب.. ويي عندي
كان يزعل.. ويي عندي
كنت انا مثواه وانا اللي مصيره يرد لي
كانت كل مشاكله بعد رب العالمين بيدي
بس احين ..
رمسي الوايد وتفكيري اللي مايخلص
مايحل مشكلته
مشكلته احين بيد الله والنعم بالله
ما بإيدي شي
صعبه هالكلمه!! ربيعي اللي دوم انا اعالج جروحه
واطيب خاطره
احين ما اروم اسوي شي له
حسيت بخيبه وطحت على ركبي وانا اطالع بفراغ
واتذكر طفولتنا ومراهقتنا
انا -والعبره خانقتني -/ليش يابحر..انا ما اروم اعيش من دونك..تعودت تكون عدالي.. بالصبح والمسا..اكلي ما اروم اكله من دون مانتشارك فيه.. نسيت يوم الخميس..يومنا مع الشله تتذكر!! رد لدنيتي "صرخت" دخخخخيلك
ودخل الدكتور من صراخي وطلعوني بالغصب من عنده وتميت امسح دموعي وانا استوعب اللي استوى
واحاول اواسي نفسي بقدر الامكان
ميساء -تقدمت لي-/اندوك..انا سايره.. هيه كنت بأنسى افتح المسوده بتلاقي شي لك..
وسارت من جدامي وكل عايله بحر ساروا وانا بقيت لوحدي مع عمر
فتحت رسالتي.. اللي ارسلتها لبحر واتوقع انه انصدم منها
يومني قلت له افتح على مباراه الهلال لاني اعرف انه يحب هالفريج ويعشقه..
تقطع قلبي.. يعني انا ما راضيته واهو ما رضى عني
فتحت المسوده ولقيت رساله طويله..
فتحتها وقريت ؛
مانسيتني وظليت انا ببالك يا مايد؟بعد اللي سويته
انته تعرف اني احب الهلال ومانسيتي! تدري؟
..انا اسف واعرف ان رمسي جان قوي
وانته ما تستاهل حرف من حروفي القذره والحقيره
انا اسف..نحن مش اخوان ونحن مش ربع نحن شي كبير وااايد السنين اللي خلتنا نستوي وياا بعض وارواحنا تستوي مدموجه ببعض ماشي فرق بيننا مول..
بس انا حاس ان اليوم بيستوي شي ..سامحني مايد وانا مسامحنك واحبك للابد وانته غالي وفوق راسي
مايد ياربيع عمري عفيه كون بخير ماتعرف يمكن ما ارد لك ،
اجوفك عقب باي ..
دمعت عيوني من يديد
لا يابحر لا تعتذر
هم انااا احبك كبر السما ياااربيعي اللي ماهدني ثواني
اه ياابحر ليت العوق فيني
ليتنا سواا
مش قايل لك اخذني وياك ؟
ليش ما اخذتني وياااك
نحن اهني سواا ليش ما استوى مصيرنا سواا
نحن دوم لا صابنا شي يصيبنا سوا
سندت راسي للكرسي وغمضت عيوني بألم وانا انفاسي توحي ببكا قريب
واسمع عمر يناديني ويهزني وانا مسوي له طااف
تم يمسك ايدي ويسحبني
وانا معند وما ابا اسير
عمر-بإنهيار-/مااااايد لا تعااااند بسسسسسك عاااد خلاااص بحررر بح قوووووم اجووووووووف
انا -بصراخ-/مممممششش قااايم وبحر بيررررد صدددقنيي بيرررررررد ومششش متحرررك من اااااهنيييييي انا بيلس لباجر
عمر-بنفاذ صبر-/ميود ياحبيبي بحر مستحيل باجر يقوم صاحي انته هااي غيبوبه تعرف شو غيبوبه ؟
انا /جججججببب اااصكتتت ياااخي ماتدرررري انته شووو بيد الله عمر هز راسه /مشالله يعني ان تميت اهني بيصحى
انا -بعناد-/هيه بتم اهني لو اخيس
_____________________________
اروى؛
وصلت البيت بعد ما تونست مع اثير وسكرت الحيوانه
سواليفها رجعت لي وناستي
ونفسيتي الحلوه
كنت مكشره ومتاضايقه بس بعدها
خلاص ابتسامتي شاقه وجهي
دخلت غرفتي واخذت شور على السريع وانا افكر باللي صار اليوم بس خلاص تعبت من التفكير
طلعت ولبست وانسدحت على سريري وانا هلكااانه من التعب
تقلبت يمين يسار ماجاني نوم ارق ارق يوه..
مو وقته
وش اسوي ذلحين!
لف بصري للاب
قلت خل الف اشوف صديقاتي وكذا
اخذت اللاب وفتحت الايميل وشفت اضافه من وحده اسمها لمى استغربت واحترت اقبل ولا
بس وشفيها عادي بنت
بس افرضي ولد
لالا مستحيل يلاا خلي اقبل
وتوكلت على الله وقبلتها
لمى/هاي
انا ترددت ارد ولا يلاا لازم اكون اجتماعيه /هلوو
لمى/عادي نتعرف؟
انا -بلهت ريقي واحس ان ورا هالبنت شي-/اي عادي
لمى/انا لمى من جده عمري 24
انا-فتحت عيوني للاخر-/اوه انتي مره كبيره انا اروى من الرياض عمري 17،
لمى/تشرفنا حبيبتي
انا/الشرف لي
بديت تلقائيا ارتاح شوي معاها
وصارت تاخذ وتعطي معي وتسأل عني..
لمى/والله انا مرا زعلانا وكدا تخيلي انو الكل معاديني وماعندي صاحبات
انا رحممتها مره /يااقلبي ليشش طيب!
لمى/مدري عنهم ..وحتى تخيلي انا راح اقولك حاجا مره شخصيه بس عشان انا مرا ارتحت لك
انا/اي عادي قولي فضفضي
لمى/ماما وبابا متطلقين
انا -تحركت مشاعري كلها وررحمتها مره -/اماا عاد انا بعد ترا
لمى/جد؟
انا/اي.. انا ترا بعد ارتحت لك وابي افضفض لاني مخنوقه
لمى/اي قولي انا غريبه ولا اعرف احد من عندك يعني قولي وتطمني لان كل معلوماتك في بير
انا /ابوي طلق امي وامي اماراتيه واخذت اختي التوأم معاها للامارات بحكم جدي طبعاً..وانا والله من بعدهاا كرهت حياتي كلها حاسه ان نص روحي راح اقسم بالله ودي ابكي لما ارتاح ودي اموت وارتاح ،من كل جهه تجيني صفعات من الوزن الثقيل تعبت انا مره
لمى/كل هذا بقلبك وانا ما ادري
انا -استغربت-/ليش تعرفيني
لمى-بعد وقت-/لالا اقصد انو هدا.كل اللي بقلبك يعني
انا /كثير بقلبي ذا الكلام ولا شي
لمى/لازم تصبري وتكوني قويه ونصيحه اداا تبغي تبكي ابكي عاادي ترا مو عيب
انا/انتي مو عارفه ان عماتي اصلا معاديني كلهم ما عدا وحده وعمتي اليوم تخيلي اش سوت في البر اخذت كنت برا..
قاطعتني/اي..
انا/المهم جات واخذت ايدي من ورا وفضخت سوارتي اللي كانت هديه من جدتي الله يرحمها وكانت لي ولاختي اكثر وكانت اخر ذكرياتي مع اختي ورمتها بعيد وظليت ادور عليها بجنون كأني طفله وتايهه
لمى/"فيس يبكي" يوه يوه يوه ليش كداا الله يصلحها ايش السبب طيب ؟
انا/كله من ولد عمي..
لمى/ولد عمك ؟ اشبو طيب
انا/ياستي اليوم جات وشافتني معاه وهو يساعدني اشيل الاغراض وسوت سالفه طويله عريضه وليش تحتكين بولدي وولدي ما بياخذك ومن هالكلام المحبط
لمى/محبط؟؟ههههههه افهم من كلامك انك تبغيه ؟
انا /ههههه الله يرجك
لمى/شوفي انا بفكر بحل ليكي لو قولتي لي انك تحبيه بس اذا مابتحبيه فالشي راجع لك
انا /هه على اساس فيه حل اصلا جدي لو بيدري ان في هالزواج مشاكل مستحيل اكون له ولا هو لي
لمى/لا تفقدين الامل.. صدقيني فيه حل بس انتي تحبينه ؟
انا/لو انا ما احبه ما كان انا متنكده ومتضايقه هه!شعليه تلقينه الحين نايم وبسابع نومه ما درى بالعذاب اللي انا فيه
لمى/لا تقولي كدا ترا ممكن انو سهران ميت شوق عليك
انا/اراهنك ..
لمى/اتحدااكي ان ما كان ينتظرك ومتلهف شوفتك ويتمنى قربك ولو ليله
انا-سميت وخفت صراحه-/ووش دراك انتي،؟
لمى/اتوقع..
انا/طيب انا جاني النوم بروح انام.. وحابه اقولك ترا مره ارتحت لك وابي اكلملك دايم طيب ؟
لمى/طبعااا حتى انا مرا ارتحت ليكي وابغى أكلمك كل يوم
انا/طيب يلا تصبحين على خير
لمى/وانتي من اهله
_____________________________
آه واخيرا جا دوري اتكلم اي انا
بوصف لكم ليله ابطالناا الجميلين
عنوان الوفاء والقهر بنفس الوقت كان مايد وصداقته القويه
وحزنه العظيم اللي محد مقدره وطبعا نام وهو على الكرسي اللي قبال العنايه وهو مسند راسه وكان بجنبه عمر
اما اللي كان عنوان عريض بأسم الحب والوله
فهو كايد كان فرحان بمشاعر اروى تجاهه وكان بقلبه همه قويه انه يعدل العلاقه
وليله كله كان يفكر بحلول له ولاروى
اما عنوان الندم فهي شما اللي كانت تتذكر مواقف وشهامة بحر معاها يوم ضيقها كيف ساعدها واليوم هي جازته بشي ابد ما يستاهله وندمت بقوهه
وعنوان الألم بذاته فهو فيصل اللي ماقدر حتى ينام وهو يتذكر اضطراب اوضاعه الزوجيه ولا قادر يعدل الظروف
اللي تحصل ويفكر بولده اللي جاي بالطريق كيف راح يكون
اماا عنوان البرود فهي وطبعا اللي ماخذه المركز الاول فيه احد غيرها هي والست اثير ،اثير وميساء هم اللي كانوا باردين مره وناموا بكل برود ومن دون اي افكار تخرب نومهم
________________________________
أنتهى.