أثير؛
كنت أجهز أغراضي وادخل ملابسي في شنطتي
وانا اودع كل ملامح هالبيت
اي البيت هذاا فيه ملامح
ملامح وذكريات حلوه
رفعت عيوني لسما ودعيت ربي يوفقني
لاني رايحه ادرس وبأفتقد صوت جدي
وحضن امي..
حسيت ان الزمن يسلب مني احبابي بالتدريج
جدتي الله يرحمها اللي كانت احن علي من نفسي..
أبوي ..
أختي..
والحين أمي..
وجدي وجدتي ...
ومن يدري يمكن بكره حتى مايد
تنهدت وانا اشيل شنطتي
وأستغرب كيف الأيام مشت بسرعه
طلعت برا وانا اضبط شيلتي واسويها
وسكرت عبايتي..
وأنا اشوف هالأجواء
اللي قلبي يقولي أبكي..
بس عقلي يرفض نهائياً
ماكان بأمكاني الا اني اترك شنطتي بإنكسار
وأضم جدي بكل قوه
وانا اشد على قميصه
وابغى اخذ أكثر قدر ممكن من الحنان قبل ما اودع هالحنان
وجعتني فكره انه حتى الويكند ممكن ما ارجع اشوفهم
وطبعا كنا الصباح يوم السبت وبكره دوام
ومايد كان راح ياخذني ونتحرك على طول وكات يودع جدي وجدتي
بس انا مارضيت افك جدي
وجدي ضل يطبطب على ظهري وكأنه فاهم اني ابي منه حنان
وصار يحك راسي ويعطيني كلام ونصايح في دراستي
وقالي انتبهي لنفسج
انا/جدو..
جدي/عيون يدو..
انا/تكفى ياجد انتبه انت لنفسك ولأدويتك ولا تهملها زي ذاك اليوم.. وتكفى انتبه لامي وجدتي
جدي/انزين انتيه ركزي بدراستج ولا يهمج ولا تشغلين بالج نبا نرفع فيج روسنا
انا -ابتسمت بأمل-/دعواتكم..
مايد مسك ايدي/انزين سلام ياجماعه
انا/بنمشي!!
مايد-بإستغراب-/هيه
انا/اااء لا خلاص بطلت بجلس
مايد-فتح عيونه للاخر وصرخ-/شووه!!
انا /بسم الله خلاص خلاص.
وخطيت الخطوه ورا الخطوه بس كانت متردده
طالعت في اهلي بنظره وداع
شفت وجوه اهلي واهذت لي اخر صوره عنهم
وسكرت الباب ببطئ ..
ورجت ورا مايد عشان اركب سيارته وانا اجر وراي حكايه وداع
وداع لكل من عرفت
حتى اتفه علاقاتي تلاشت وراحت..
الله يكتب اللي فيه الخير وترجع علاقاتي واهلي مثل قبل
ركبت السياره وركب مايد وانطلقنا
انا ظليت اطالع بالطاقه واشوف الشمس
والسما الصافيه بهالصبح
الطريق طويل شوي..
قعدت اتذكر اللي حصل أمس ..
'
'
أتصلت علي اروى الساعه 11 بالليل
وطبعاً مايد قالي نامي بدري عشان ورانا سفر
وترتيب وخرابيط
وانا استغربت اتصالها بهالوقت!!
رديت بسرعه
انا-بفجعه-/الو
اروى -تبولع ريقها بخوف وتتكلم بهمس -/الو اثير
انا -فركت عيوني وقمت-/يمه وشفيك
اروى-ببكا- /انا ضعت ضضعت يا اخختي ضعت
انا/بسسم الله وش صار لك يمه.. اروى تكلمي شفيك
اروى/فتون..
انا -بإستغراب-/فتون!! الله واكبر ضيعتك ذيك البقره اللي ماتدري وين ربي موديها
اروى-بقهر-/انتتي مووو فااهمه شي
انا/اجل!! وش السالفه تكلمي حرقتي اعصاابي يمه منك
اروى/تقول امها انها مستحيل تترك ولدها مت دون زوجه وتقول حاطتك في بالها وتحاول تلاقي فرصه عشان تخطبني
انا -شهقت-/ااااايش!!!! من ججججدك
اروى/وربي ما اكذب ..وش اسوي الحين
انا/يااويلي يااويلي والله لو يسمع كايد بالخبر
اروى-بكت-/اصصصكتي
انا -خفت مره -/ارفضيه انتي
اروى/اي صادقه برفضه.. بس مالي حجه عليه فلوس واخلاق ولا يعيبه شي وش اقول
انا/يووه مشكله كيف تصرفينهم
اروى/حسسبي الله عليك يااكايد لازم تعلقني بعلاقه وهميه وياويلي ان شفت حياتي بعيد عنك
انا/وشفيه كايد!! اقسم انه احسن من فيصل كفايه ينجن عليك بس الله يهديه اذا عصب
اروى/شرايك اقول ...
انا/ايش؟..
اروى-بخيبه- /مدري مدري
'
'
شوي شوي انا غمضت عيوني ورحت في نومه لاني امس كله سهرانه مع اروى اشوف لمشكلتها الي ما راح نخلص منها
___________________________
بحر؛
صعب تحس انك غريب بين هالناس
أملك وحيد..
ماتجوف ولابصيص امل
تحس انك بين ظلمات تخنقك
انا احس بكذا..
احس بضياع احس بإستغراب من كل شي
ناس كثير يجون يسلمون علي
اشوف نظرات الشوق لي
ونظرات الشفقه
ولاني فاهم شسالفه
أمس مايد تم يسوي وياي أغراضي ويقول اننا مسافرين لدبي
عشان ندرس اهناك
وقال مع الربع كلهم "
الربع كلهم!! بس اهم مش ربعي
انا عقدت حياتي ابا تفسير لاسئلتي
صحيت من سراحني وانا اطالع روحي
واطالع حولي بهالسياره واللي يالسين حذالي بصمت
طبعاً امس مايد قالي اسمائهم
اللي جدام كان يسوق اسمه عبدالعزيز
واللي حذاله زايد
وانا ورا وحذالي واحد اسمه عمر
استغربت هدوئهم..
وللامانه استغربتهم اهم
هاذيل ربعي!! ما اعرفهم وما اتذكرهم
طالعت في اللي حذالي
وجفت فيه علامه خياطه بحواجبه
جفت موقف سريع جدام عيوني يمر
وكأننا اطفال وايد وكنا نلعب عند البحر كره
وواحد منا طاح على ويهيه وتم ينزف دم وانا
فصخت فنيلتي ومسحت الدم
صحيت من التذكر وفزيت من قوه الالم اللي براسي
وظليت امسك راسي واتلوا
مسكني عمر ويهديني خايف
زايد-بفجعه-/شووو فيه
عبدالعزيز -لف ويهه.وصرخ -/بحر!!
انا -هديت -/خلاص..خلاص.وين مايد
زايد/اهو سار بسياره لحاله لان وياه بنت اخته
عمر-بهمس وحزن-/مش متذكر الا مايد ونحن!!
انا سمعته وحزنت لاني مش متذكرنه بس اهو متذكرني
عبدالعزيز/عمر!! جبب لو سمحت ريحنااا
عمر تكتف وصد للجامه.
انا / يقول مايد انكم ربعي.. اذا انتو ربعي خبروني انا شفيني مش متذكرنكمم ليشش!!
كلهم صدو لي
انا -بخيبه- /السموحه منكم اذا ماتذكرتكم...
عمر مسك ايدي وشد عليه وواضح من عيونه اللي تلمع امل جبير /نحن اهني..وياك.. وبترد تتذكرني انا و..زايد وعبدالعزيز
ابتسكت لهالفكره اني ارجع اتذكرهم
بس ذا الشي مستحيل انا ماخرفت ماصابني الزهايمر!!
مجرد اني ما اعرفهم اول مره اشوفهم ومالي ذكريات معاهم عشان اتذكرها
تنهدت بقلق لهوضع المتوتر والضايع
_______________________
أروى؛
كنت بالصاله مع أمجاد وجالسين نشوف التلفزيون
انا قمت ببالي اصلي الضحى وادعي ربي وافضفض له بكل الي في قلبي المجروح
امجاد/هييي اروى ارجعي المسلسل رهيب
انا/بروح اصلي الضحى
توضيت وشفت المرايه وابتسمت براحه
قبل شوي كنت متضايقه بس حسيت براحه
لاني رايحه لمكان آمن..
وحضن مو قريب مني لكنه موجود ويحتضني بقوه
وطبعا هو بس اللي يقدر يساعدني ويدلني على الطريق الصحيح لبست شرشف الصلاه وكبرت وبديت اصلي وانا بجد احي بسكينه فضيعه
وصليت الضحى وخلصت..
جلست على سجادتي وانا اطالع لفوق
ابتسمت ورفعت ايدي بحماس
قلت بإبتسامه/يارب ..انا واثقه انك قادر تغير حياتي وتساعدني..واثقه بأنك مخبي لي اشياء حلوه..شكرا ياارب
يارب استودعتك اختي اللي بدت تفقد احبابها تدريجاً يارب وفقها بدراستها وساعدها يارب
سمعت الجوال يرن
كان الاسم لمى.
شهقت وبغى يطيح جوالي من ايدي
ارتبشت لا يكون عرف بالسالفه
ارد ولا لا..
انا دايم اتهور احسن شي لا ارد
وتركته لين سكر
مرت خمس دقايق وانا بغرفتي مرعوبه من اصرار كايد
رفعت الجوال بتردد ورديت.
جاني صوته المبحوح الغاضب/اااروى!!
انا غمضت عيوني من شدت الصوت /اااي اذني اشبك!
كايد -بقهر-/ااااشششبي!!!!
انا/بسم الله علي
كايد-بعصبيه-/بسببك انا ماانمت في الليل تدرييين..
انا-سكت شوي-
كايد/اروى كلميني عاجبك الوضضع انتي خلاص..
قاطعته/هالموضوع مو بيدي وانا..خلاص انخطبت
كايد -بسخريه-/مبسوطه يعني!!
انا /مو عن..بس خلاص انت ولاشي بحياتي
كايد/انتي قد هالكلام..
انا بربكه/هاه..اي اي قده وخلاص اطلع كن حياتي شوف حياتك انت انا مو مستعده اجرح احد زياده
كايد-بضحكه سخريه-/هه!! كأنك ما جرحتيني الحين تدرين لو اني جيت وخطبتك ورفض الكل واستسلمت للامر الواقع ان ما راح احزن ولا راح انجرح تدرين ليش؟
انا -بخيبه -/ليش!
كايد-بهمس-/لاني بكون متأكد اني كنت صدق حبيبك وانك تحملتي عشاني وانا اول واحد بأهني غيري فيك وبكون مبسوط لك لانك حبيتيني بصدق في يوم بس. انتي خيبتي ظني
انا-ابتسمت بحزن-/اسمح لي.. انت اناني
كايد/انااا!!
انا/انت تقول ان تحملت وصبرت لين تجي تخطبني ولو رفضوك ومنعنونا عن بعض بتفرح وبتتخطى هالمرحله تتوقع انا وش بيصير فيني؟
كايد بحيره/امم..بتعيشين حياتك سعيده مع احد غيري
انا -بعصبيه وحرقه-/ومين قااالك بكون سعيده!!
كايد كأنه انصدم من اسلوبي انا دومي متمسكه بعصبيتي وهاديه بس انفجرت وانفجر حبي الساكن واللي تعب من هالسكون
انا-بعبره -/بتزرع في نفسي غصه وحزن حتى اموت حتى لو تزوجت غيرك حس فيني!! "بكيت" شوي بس..
كايد-بهدوء وصدمه-/اء..انا ماكنت
انا-وانا امسح دموعي-/مع السلامه كايد بطمن على اثير
كايد/ليش تتهربين!!
انا/مع السلامه
_______________________
أثير؛
حسيت بأيد تهزني عشان اقوم
فتحت عيوني بتعب حاسه اني مانمت الا دقيقتين
فزيت يوم شفته مايد فتح الباب اللي جنبي وجالس يصحيني
مايد/وصلنا..
انا ظليت مفهيه فيه باقي فيني نوم
-تثاوبت-/دقيقه بس واقوم
مايد مسك ذراعي/شو تنامين.. نشي نشي
وقمت غصب عني ووقفت وانا اتأمل دبي
انبهرت بجمالها
بس الجو شوي حار
تشبه جو الرياض تقريباً
ظليت اطالع لسما وللابراج والجياه الحديثه
بس تدرون صحيح انها تطور وحلوه
بس..
الحي الشعبي بالراك احلى
مدري ليش بس يمكن عشان حبيت الاشخاص اللي فيها
وطيبتهم وبساطتهم
شد مايد على يدي
انا التفت له لاني كنت مقفيه له واتأمل
مايد/الظاهر اعيبتج دبي وايد
انا /حلوه..بس الراك احلى
مايد رفع حاجبه /اونه..شو فيها دبي غاويه اكثر من الراك
انا /حبيت الراك من الاشخاص اللي فيها والذكريات الحلوه اللس صارت فيها واول شي فيها شما هي خلتني احب الراك واختلط بالناس واعرف اسوي اشياء كثير تدري..يابخت اللي معاها بكل مكان ويابخت من صاحبها..
مايد-ابتسم على جنب وهمس يفكر ماسمعته-/اهي بس جي مظهر اما داخلها شي ثاني
انا استغربت وجمعت فمي على جنب وانا اطالع فيه بإستغراب
مايد-حط يديه بجيوبه -/ليش واقفين اهني
انا-رفعت عيوني وشفته فندق -/ميود!! مو قلت اني راح اسكن بالسكن
مايد/هيه بس مش اليوم ولا باجر صبري شوي
انا/اوك..
ورحت امشي وراه وانا اطالع بل شي حفظت الفندق بذا اليوم
مره حلو والله
صعدنا انا ومايد بالاصنصير عشان غرفتي فوق
وكان رقمها 20
دخلني.مايد ودخل معاي شنطي
مايد-بإبتسامه-/انتي ظلي اهني وتحملي على روحج ولا تفتحين لحد لين تسألين امنو
انا هزيت راسي بحماس
مايد/انزين انا غرفتي رقمها 23 بنفس الدور اهني حذالج
بس ترا عشان تتطمنين اني حذالج بس اياني وايااج تيين اهناك لاني ويا عمر ربيعي انزين
وهزيت راسي بنفس الحماس
وهو هز راسه بضحك لان كأني طفله
مايد/انتي مهما جبرتي بعدج ياهل
انا مديت شفاهي لقدام وكأني ببكي /اوه مااايد ليش كذاا ماني ياهل
مايد-رفع حواجبه بإستغراب -/قتلج انج ياهل
انا هزيت راسي بنفي وشعري يأرجح معي /لا لا لا ماني ياهل
مايد -ضحك-/الله يعينج على عمرج يالله انا بسير لغرفتي برقد وانتي خليج بالغرفه اهني ولا تتحركين ولا تطلعين
انا/طيب طيب
____________________________
فيصل؛
كانت امي معاي بغرفتي الكئيبه بنظري
احسها عباره عن ذكريات مؤلمه كيف انقلبت زوجتي علي
كيف منعني ابوي مت طلاقها واوصاني بالصبر
أمي/تعال حبيبي اسوي غترتك
ابتسمت ابتسامه باهته وقربت منها وظلت تسويها لي وتعطرني حسيت بحنانها اللي انحرمت منه يوم تزوجت
شقت شكلس النهائي بالمرايه وكان شكلي حلو ومرتب
حلقت دقني اللي كان مقزز وسويت عارض
حلقت شعري شوي وضبطه
بجد تغيرت..
دخل علينا ابوي ومعه فتون كاشخه
ابوي/اي مين قدك معرس مره ثانيه وامك مكشختك ومأخرتنا على الناس
فتون بدلع اصطناعي/باباه شفت كيف اخرونا امش خلنا نروح ونخليهم
انا-بضحك-/هي انتي وش قلبك انتي مو كنتي توأم رامي وش اللي صار وخلاك دلوعه ولا عشان لبستي وتكشختي
فتون -بعربجيه-/هيه!! انطم احسلك ماني توأم هاذاك اللي ما يتسمى
انا/ههههههههه تغارين منه عشان نحبه.. اهاا خلاص خلاص نكرهه
فتون -شهقت-/ااااناا اغاار يخسى اغار منه مين هو اصلاا
امي/والله مدري عنك انه الب سي يحب خانقه
ابوي/وانتي الصادقه مرد الكلب للجزار
انا غمزت لفتون/فهمتي ياحلوه مرد الكلب للجزار
فتون قعدت تحك راسها/والله مدري اصلا انتو عايله ألغاز اعوذ بالله
انا/طبعا مابتغرفين قصدنا الا بعد سنين لان عقلك جزمه قديمه
ابوي/هي ياوولد ما اسمح لك
فتون شهقت وصاحت /ووووششششهووو قصدكمم اني مردي لرااامي
انا ضحكت ورفعت يدي ادعي/اللهم لك الحمد اللي رزقتها بعقلل !
فتون/يحلم بس..
امي/ان ودك به اصلا
فتون حمرت وشوي وتبكي /لالالا ما ابغاه اصلا
ابوي/يوووه الساعه ثماان امشوو بسسرعه لا نتأخر على الجماعه
______________________
أروى ؛
ظليت بغرفتي اهز رجولي بكل توتر وامجاد جالسه تضبطني
امجاد/هيه اروى اهجدي
انا-بقلق-/طيب
وش السواه الحين!! فيصل طلع صدق يبغى يتزوجني
بس انا ما ابغاه
وكيف برده انا قلبي مايستحمل اني ارده
هو زوجته متوفيه ومعاها كمان اجمل احلامه
وهو اصلا من نفسه متحطم
أروى فكري بنفسك لو مره وش بيضرك
بس انا ما اقدر افكر بنفسي واترك مشاعر اللي حولي
امجاد/انتي يلا البسي فستانك وانا بروح اتجهز
انا هزيت راسي بالموافقه
وراحت عني امجاد وسكرت وراها الباب
انا قعدت افكر انا المفروض ما اصكت انا ما ابيه الزواج قسمه ونصيب طيب ومشاعر فيصل
ياارب سااعدني..
جاتني فكره اني اطلب المساعده من كايد
اكيد مابيردني خايبه اكيد بيساعدني
رحت سكرت علي الباب بالمفتاح
واخذت جوالي وعلى طول اتصلت في كايد
رد علي بكل برود /الو
انا -بخوف-/كايد ساعدني خلاص انا بنخطب لفيصل
كايد-تنهد-/ان تزوجتي الحين انا اللي بنقهر واتألم وانتي مع الوقت تنسين وان ساعدتك الحين وخليتك تنتظرين ورفضوني وهذا الاكيد انتي بتتألمين وما راح تنسين وانا راح اكون مبسوط مو الحب تضحيه؟ انا ضحيت وبكون انا الجانب المتألم عشان تكونين سعيده صدقيني بكون فرحان لك لانك مبسوطه
انا انصدمت من كلامه كان قوي لدرجه انه الجمني نهائيا
وظليت ابولع بريقي ولاني مستوعبه هذاا هو الاناني العصبي بيتركني بكل برود بس عشان اكون سعيده
كايد-بمرح مصطنع-/هاه لا أوصيك كوني بخير وأنتبهي على نفسك
وسكر وتركني افوق مع نفسي شوي شوي
لين ادركت اللي قاله كله
يعني بنفترق هذي نهايتنا!
صحيح هو غلط بحقي وكذب علي
بس انا احبه
مو بإيدي!!
بكل الحالات انا بكون تعيسه
السعاده مع كايد هذا اللي اشوفه بعيوني وبس
يوم كان قصير واسنانه طايحه وشعره منكوش لاته توه صاحي من النوم يوم كنا اطفال..
ماكان يضحكني الا هو يضحكون هو واثير ومضارباتهم
وش اختلف الحين ؟
صار هو اللي يدمع عيوني بدل ابتسامتي
قويت نفسي وانا بخاطري وااثقه ميه بالميه ان كايد بيساعدني
هو عمره ما كان بارد ااو يتنازل عن اي شي بسهوله
وثقت بأنه بيتصرف وقلت خلي اعدي هاليوم على خير
وقمت ولبست فستاني وتجهزت وجات عمتي عزيزه
هاذي عمتي ما اخذت وصف كثير..
لانها دايم ساكته وهاديه
ولكن الساكت سمه ناكت
رحت فتحت الباب بملامحي الحزينه والمتكسره
عمتي عزيزه/ليش انتي حزينه ؟
استغربت هالسؤال واخيرا حنت علي يعني
ابتسمت ابتسامه ياهته/ماتي حزينه
عمتي عزيزه طالعت فيني ببرود
وجاتني من وراها اريج ابعدت نظري بقوه
عشان ما اضعف قدام اريج
اريج -بمرح-/هي اروى والله انك جميله يابنت
انا قبضت ايدي وشديت عليها بقهر وانا ما ابغى اطالع بأريج
عمتي عزيزه فجأتني بحركه انا ابد ما توقعتها
مسكت ذقني ورفعت راسي وطالعت فيني
بس خاب طني وعرفت ان هالشي مو حنان علي او من ذي الاشياء ابتسمت لي بخبث /ادري انك مغصوبه على فيصل بس مو على كيفك فاهمه والكشره ذي اذا انتي تحت بدليها بإبتسامه ولا والله وانتي عارفه كيف لا اخلي حالك اسوء من امك
وراحت وخلتني بضعفي
وانا اتمنى اي قوه تخليني اوقف على رجولي حاليا
كل شي الحين ضدي
وانا باقي اعاند وابغى اوصل لاشياء مستحيله
امتلت عيوني دموع وانا اصارخ بداخلي واستنجد بكايد
كايد..مو انت اللي قلت لي مافي شي مستحيل
انا غلطاانه في حقك وانت بعد خلنا نتصالح ونسوي المستحيل
عشان نكون لبعض
بدل مانكون ضحيه لمكابره بالمشاعر
اريج قربت مني وشافت عيوني
اريج /نفس كايد!!
انا رفعت بصري لها بسرعه
انا/نفس كايد؟
اريج-ابتسمت بفرحه-/لايكون تحبون بعض!! وتدلع ياكايدهم ايوه "وقفت من الرقص " بس انتي .."شهقت" اوه يااربي عسان كذاا كلكم اليوم حزينين
وضمتني بقوه اي هذا اللي كنت ابيه
كنت ابي اي حضن اخذ منه قوه عشان اواجه هالمشكله
وانتظر شي ممكن يصير ممكن لا
يمكن يساعدني كايد ويمكن...
شديت على ملابس اريج بصمت
واريج تمسح على ظهري كمان بصمت
اريج-وهي تبكي-/بسااعدك.. والله بساعدك انتي وكايد
انا-بصوت مخنوق-/ماتقدرين انتي بس طالعي بصمت للي بيصير وربي بيعدل كل شي
اريج/خليني..
قاطعتها بمرح وكأنه ماصار شي/ويه يااربي مكياجك اخترب امشي تعالي اعدله
وماعطيتها اي مجال ترجع تتكلم ابد
______________________________
دبي 7:00 صباحاً
أثير؛
كانت السماعات بأذني وجوالي بجيبي
واكلم هالأروى اللي ورطت نفسها
غبيه اللي خسرت كايد
كان ماقالت ذاك الكلام الجارح
كان اليوم كايد لها لوحدها
لكنها غبيه من يومهاا غبيه
كنت اشتغل واسوي قهوه وانظف
والبس واسوي كل شي
خلاص رايحه للجامعه
طبعا عرفت ان فيصل جا وخطب اروى هي قالت ان فيصل جا خطبها وترا لها ربع ساعه تبكي وتقول كلام مو مفهوم
سوت لي معروف قعدت اجهز اغارضي
بعدين متأكده مليون بالميه
ان كايد مستحيل يوقف ويطالع اللي يصير بصمت
بيتدخل.. اكيد
اروى-بتأته بكا- /ادري.. انك تحسبين..كايد بيتدخل بس..هو قالي بيضحي لي..
انا قتحت عيوني بصدمه وطيحت العصير اللي كان بيدي طبعا هي علبه بلاستك وطاحت على رجلي بس انها جك كبير
انا -صحت-/ااااااااااااي حسسبي الله بسس..
اروى/قال ان انتظرته ورفضوه بيكون سعيد وانا تعيسه وان تزوجت الخين بأنساه مع الزمن وهو بيكون متألم.. ضحى عشاني يا اثير
كنت ماسكه رجولي بألم بس حسيت ان الالم اختفى من الصدمه/ايش!! من جدككك كايد قال كذاا
اروى-بحزن-/شفتي كيف
انا تلعثمت وماني مصدقه/ب.بس كيف!!!!
اروى/ما ادري وانا بعد عمااتي واافقوا وغصبوني على فيصل
انا -عصبت-/اروى تبغين فيصل!!
اروى/مدري
انصدمت اكثر /هيه انتو الثنين تجيبون المرض كله تكابرون بمشاعركم وش تبون بالضبططط!!
اروى/اخاف ارفض فيصل واخسره وبعدين اخسر خسارتين كايد وفيصل
انا-عصبت-/حددي الحين كايد ولا فيصل..!!
اروى سكتت فتره
انا-بصراخ-/تكلمي
اروى/كايد..
انا/صدقيني بيكون لك بأذن الله دقايق وراجعه باي
اروى-بخيبه-/باي
مسكت جوالي متردده اتصل و لا لا
وتوكلت على الله واتصلت
انا/الو
.../الو
انا استغربت الصوت /مين!!
كايد/انا سكرتير الاستاذ يحيى مين انتي ؟؟
انا ضربت جبهتي بقوه
كايد -بإستغراب-/اثير!!
انا رديت بعد فتره/غبي كلكم اغبياء..
كايد استغرب /اثير اش تقولين
انا/انت واروى اغبياء تصدق!! محد يدافع عن الثاني كلكم تدافعون بس عن كبريائكم...وبتدخل انا لان ولا واحد منكم يتمسك بالثاني كلكم تبكون بداخلكم واتا ادري بذا الشي وذي اخر مره راح اتدخل فيها لازم يكون لك دور في حمايتها من حزنها... حول اتصالي لابوي
فيصل سكت فتره وقال/حاضر
وحول الاتصال لابوي وابوي رد/الو
انا-بجمود-/السلام عليكم ..
ابوي -بصدمه-/اثير
انا-انفلتت مشاعري خلاص-/مو حرام عليكم تزوجون اروى بالغصب؟
ابوي/طيب خلينا ناخذ اخبارك هاه مو كذا تطبين
انا/مااني بخير ماني بخير!!!
ابوي/ماغصبناها هي قالت موافقه وقالته بلسانها لعماتها
انا-بعصبيه-/وانت قلته بلسانك عماتها!! وتعرف عماتهاا وش سووا بأمها حتى انهم خلوها تطلق بالظلم
ابوي/امك مو مظلومه هي الظالمه ويعني كبرتي علي عشان تناقشيني
انا-اخذت نفس عميق -/ابوي انا ما ارددك او شي جعل للساني القص اصلا بس يا ابوي انا اقولك حالنا اشكيلك وش صار فينا من عماتي شوف اختي بتتزوج بالغصب كله منهم
ابوي/انا صدقت انها متزوجه بالغصب لانك انتي قلتي وانا اعرف انك ماتكذبين علي..بس انا مابيدي شي كلشي صار امس واتفقنا ووافقت والرجال مستعد يكتب كتابه عليها على انها موافقه وش عذري الحين؟
انا سكت بخيبه بس جاني امل اني اعدل وضع كايد واروى
ابوي/انا اسف اثير عندي شغل مع السلامه
وسكر في وجهي
نزلت جوالي من اذني بخيبه
وسمعت دق على الباب
عرفت انه مايد يقول يله
سكرت عبايتي وسويت حجابي
وقلت مين وطلع فعلاً مايد
ينتظرني يوم مجهوله تفاصيله..
___________________________
أنتهى.
توقعاتكم؟