[فيتامين سي]

الباااارت الثاني ..


الحزن !
هو أن التقيك في زحمة العمر,,,, وأنسج معك أجمل حكاية حب ،،، نعيش تفاصيلها وطقوسها ,,,, ونحلم بغد أفضل ,,,, ثم تنتهي الحكاية بمأساة


عبارهه جميلهه :
ليس كل من تحبه يسعدك !!
وليس كل من تكرهه يحزنك !
فالسكين رغم نعومه ملمسهـآ إلا أنها تجرح
والدواء رغم مرورته إلا أنه يشفي ، ،



في قصر ..... الجدهه مها .....الجميع مجتمع في صاله البيت والأصوات ماليه البيت
والبنات جالسين متجمعين

رتيل بصراخ : جوعانه ي ناااس
ام مشعل من بعيد : رتيل أستحي شوي وأنتظري عمك
ريمان بهمس : يعني عمي إلي يتأخر وحنا ناكلهـا يعزلون له لازم يعني ننتظر
رتيل بهمس لـ ريمان : سكتي لا ألحين تخرشك جدتي خرشه يحبها قلبك

صوت من بعيد ي ولد

الجدهه : أدخل ي بعدي
شذى : جدهه ،، شوي بس نتغطى
رتيل : أخيراً شرف العم ، ولفت على شذى وسحبت الشرشف شنو تتغطين عن عمي ؟؟؟
ريمان : هههه شكلك تهوجسين بصوته هذا ولده
رتيل نطت أحلففي وبتنهيده : اهه بس
ريمان : شنو خاقه عليه
رتيل : لا بس خاب ظني


دخل فارس وحب راس جدته وقال : كيفك جده بشريني عنك ؟
الجدهه : الحمدلله بخير ، ي عساك بالجنه

رتيل تهمس لريمان : اي الدلع لولد فهد
ريمان : خليها على الله

الجدهه : متى يرجع أبوك ولا ماتدري عنه ؟؟
فارس : لا ي جدهه هو عنده ألحين أجتماع وبيرجع المغرب
الجدهه : ي حياتي ولدي شاقي بعمره بهالشغل عسا الله يعطيه العافيه ، أجل بـ ننتظره للمغرب وكلنا سوا ناكل


رتيل بصوت عالي : لاااااااا عاد ، شنو جدهه إلحين العصر شيصبرنا ي الله صبرنا من الظهر للعصر

لفت الجدهه : يالي ماتستحين على و وجهك وش هالحكي تراهه عمك أستحي على وجهك
دخل نواف : إيه الله الله بها ي جدهه ترا لسانها طايل
الجدهه : والله الله الله بك ، وينك ماتجي تسلم يومين ولا ترد على أميمتك ؟
فارس ضحك : هههههههههههههه ، جدهه عليك بهه
الجدهه : ليه وش مسوي بعد
فارس : خليه يعلمك وطلع بسرعه وهو يناظر نواف ويضحك

الجدهه : تكلم وش أنت مزين هـا !!
نواف : ي جدهه وش مسوي يعني ، ماسويت شي
الجدهه : يعني فارس يكذب !!
نواف : جدهه ، ماقلت أنه يكذب
الجدهه : أجل تكلم وقلي وش عندك
نواف قرب وحب راس جدته وقال : العذر والسموحه منكم
الجدهه : إذا تبي العذر علمني وش أنت مخبي
( وقعده الجدهه تناقش نواف بهالموضوع والجدهه انشغل بالها تبي تعرفه ونواف ينفي أن فيه موضوع )


رتيل لريمان : ههههه أحسن شي سواه نواف بحياته جاء ونستني جدهه بطلع فوق
ريمان : هههههههههه أجلسي مكانك بس لاتخرشك
رتيل : مو داريه بيشغل بالها الموضوع


مشت رتيل بهدوء من الصاله ،
لف نواف وشافها، وقال بنذاله وبصوت عالي : جدهه مو كأن هذي رتيل
الجدهه : رررررررتييييل

رتيل صنمت ولفت : نعم جدهه
دخل مشعل : شفيك جدهه على رتيل
رتيل بربكه : مشعل مو أنت مناديني صح !! (غمزت له )
مشعل بنذاله : متى ؟
طقته رتيل برجلهـا ،، بعناد قااال : اههه رجلي
رتيل خنقتها العبره قالت : أسفه مادريت

الجدهه : وش فيك بعد

لف مشعل على أخته بيكلمها سمع شهقاتها رحمها قال : اي اي جدهه ابيها بشي
سكتت الجدهه ولفت تشوف موضوع نواف إلي نواف يتمنى مادخل عند جدته وفارس فيه


نعرفكم على العائله الكريمه
الجده : مها .. شخصيتها جادهه وحنونه بس تغلف حنيتها بالعصبيه تحاول تتقرب من أولاد أبنائها وتعرف كل شي عنهم حتى مايخبون شي بس يكون غير حياتهم الخاصه تحب ولدها فهد لأنه سمي أبوها وتحب باقي أولادها ورافضه خروجهم من القصر حتى مايكونون بعيدين عنها عمرها 65 سنه وزوجها محمد متوفي

الأولاد :

خالد : سبق التعريف ..

الابن الثاني حمد : أب حنون على عايله يتصف بالحزم والقوهه وغالباً الأباء كذا
ندى : حنونه جداً على أولادهـا ومسالمه نوعاً ما
الابناء ذكر اسماء+أعمار والباقي تعرفو عليه من البارتات القادمه حتى ماتضيعون بينهم
البنات ريما 24 ريمان 19
الاولاد : عزام 27 ... نواف 25 سنه ... معاذ 17 صديق هيثم وقريب منه مرهه ،،



الابن الثالث لـ الجده مها هو فهد
فهد : حنون جداً مع أولادهه ويحب أمه وأبوه كثيرر
الزوجه : منى
الأولاد : زياد 27 سنه .. فارس 25 سنه
البنات : أسيل23 سنه .. رسيل 15 سنه


الابن الرابع للجده مها .. راشد
الاولاد .. عاصم 27سنه ،، هشام 25 سنه
البنات .. شذى 23 سما 20 سنه ،، جنى 17 سنه

__________________________________________________ _______

في مكان أخر جالسين والكل هادي كسر هالهدوء تالا وهي تقول : تولين نروح لهـا !!
تولين : لا ننتظر لين ترجع أهم شي طمنتنا عنها
ألين : توتو
لفت تولين : عيون توتو ؟
ألين : وينها تالين
صممت تولين وقالت : بترجع بعد شوي
وسكت ألين وهي تلعب بلعبتها
ناظرت لها تالا وأبتسمت وقالت: أليني ( دلعها الي تدلع به ألين )
رفعت ألين راسها وبادلت تالا الأبتسامه وقالت : نعم
تالا : ألعب معاك
قالت ألين بفرررح : آييي آيييي
تقدمت منها تالا وبدت تشاركها وتشوف كيف هي سعيده دمعت عينها وهي تشوف كيف أختها سعيدهه بمشاركتها اللعبه رغم أنها فاقدهه أغلى ماعندها أمها وأبوها بس لصغر سنها ماتعرف عن فقدهـا لأن ماتتذكرهم كثير بعد سنه من مولدها توفيت أمها وبعدها بسنتين أبوهـا
ألين شافت تالا توقفت عن اللعب معها رفعت راسها وشافت تالا تبكي قامت وحضنتها وهي تقول : ليه تبكين
# لفت تولين وهي متألمه ماقدرت تقدم ولو الشي البسيط تسعد فيها أخواتها الصغار ونزلت راسها بأسى
تالا بادلت ألين الحضن وهي تقول ما أبكي ما أبكي (وبنفسها قالت : بس الفقد موجع !! )

لفت تالا وشافت تولين مشغوله بـ الأبحاث
قامت تالا وهي تشوف إذا في واجبات عليهـا فهي لازم تكافح في الحياهه لتساعد أخواتها ..

__________________________________________________ ___________


بين ريحه المعقامات والممرضات الي رايحه والي جايه والمرضى إلي واحد يبكي لوجع من يحبه والمريض وإلي بحادث مناظر تحزن الي يشوفها من بينهم في أحد الغرف الي يعمهـا الهدوء



جالسه تالين وتفكر
حركت راسها تحاول تبعد الأفكار من بالها ناظرت ليدهـا شافت كرت مكتوب عليه نواف حمد محمد .............
الرقم الشخصي **********
رقم السكرتير الخاص ***********
رقم مكتب العمل ***********


تالين بنفسها ( اهه اللي يرزقني بواحد مثله جميل ووسيم وتاجر بس الي معه أحلا .. أستغفر الله بس
سكتت وأبتسمت تذكرت لما نواف تحمد لها على السلامه وفكها من سالفه الحادث الي كانت بتجيب لها وجع الراس
افف بس الي معاه مرهه مغروور ،، ومابين تفكيرها أنطق الباب
رفعت الطرحه ( الشيله ) على راسها ولبست نقابها وهمست : أدخل
دخل نواف وأبتسم وقال : كيف حالك
تآلين بحياء : تمام الحمدلله
نواف : أسف على ازعاجك وأحراجك حابه أوصلك للبيت لأن المستشفى كتبو لك خروج
تالين بنفسها أطلع بعد هالراحه سكتت تفكر
نواف : أخت تالين
تالين أنتبهت على نفسها وقالت : نعم
نواف : حابه أخلي السواق يوصلك
تالين : ي ليت
نواف : ممكن سؤال
تالين : تفضل
نواف : صراحه، ممكن يحرجك هالسؤال
تالين : تفضل
نواف : أنا مستغرب أن أهلك يعني مازاروك !! يعني أقل شي أبوك
تالين : أمي وأبوي الله يرحمهم ماتو من سنوات ومالي إلا ثلاث أخوات
نواف جاهه فضول : كيف تعيشون بدون رجال يصرف عليكم أو أقارب ؟؟
تالين : أختي تدخر من مكافئتها بالجامعه وتساعدنا
نواف : أسفه على كثرهه أسئلتي بس عندي فضول يعني ليش ما تشتغلين ؟
تالين : لا خلصت الثانويه ، وجلست بالبيت مالقيت وضيفه
نواف : آمممممم ، طيب شرآيك أشغلك بالشركه حقت عمي أحاول مع مشعل يخليك بحكم أنك ساعدتيه
تآلين فرحت وقالت : ي ليت ، لان ووودي أساعد أخواتي ولو بشي بسيط
نواف بتفكير : بخبرهه ، وأرد لك خبر بس ممكن رقم جوالك
تالين بهدوء : ماعندي !!
نواف بأستغراب : كيف أخبرك ؟
تالين بتفكير: تقدر تجي حتى تاخذ الملف اذا وافق ، وشكراً لك كثير


أبتسم نواف وأستغرب كيف فيه ناس عايشين بدون أم وأب أو على الاقل أخو كبير يساندهم بالحياهه ويساعدهم


طلعت تالين بمساعده أحدى الممرضات إلي السياره إلي خبرهـا عنها نواف نزلت الخادمه وساعدته بركوب السيارهه


وبجهه ثانيه طلع نواف وركب سيارته وقعد يشوف تالين وهي تركب ،، وشاف السواق حرك بعد ماركبت زوجته دخل المفتاح بالسويتش وأنطلق وراهم يتطمئن أنها وصلت
زداد أستغرابه لما بدء يشوف بيوت من الطابقه العاليه فكر ( لايكون تكذب علي ) !! ، صحى من سرحانه لما سمع بوري من وراه
حرك وشاف السواق متعديه بكثير ولف مع لفه بالجهه اليسرى مشى بسرعه معقوله ولف مع اللفه وأنصدم من مناظر البيوت صحيح شاف بيوت أقل من طبقتهم بكثير بس ماشاف مثل كذا ولا توقع يشوف شاف كم بيت من بينهم معقول وأرحم من البيوت الي بجنبه كثير وقف السواق وشاف الخادمهه للمرهه الثانيه تساعدهـا

.................................................

بمكان أخر في أحدى بيوت الطبقه المتوسطه ،،
جالسه بالحديقه الخارجيهه وتتكلم بالجوال ومركزه معه ،، وعيون تراقبهـا من بعيد منتظرهه أنتهاءها ومستغربه من تركيزه وأستغربها

جمانه : كيف تقولين هالكلام
فآتن : حبيبتي ركزي بالكلام أنا أقولك سامعه هالكلام
جمانه : لا ، ما أعتقد ومستحيل تسوي هالشي
فاتن : براحتك ، أنا قلت لك
جمانه : مدري صراحه ، أكيد إشاعه ماني مستوعبه هالشي
فاتن : آمممم جوجو ،. بتجين بكرهه
جمانه : إن شاء الله
فاتن : حلو أنتظرك
جمانه : أجل ، أنا بقفل السماعه ، خالتي شكلهـا تنتظرني
فاتن : أوك ، مع السلامه
جمانه : مع السلامه


قفلت جمانه الجوال وحطته بجيبها وهي تفكر ( معقوله تسوي كذا !!! أنزين شنو تستفيد والفلوس بتكون حرام )
وأتجهت لما خالتها الي تعتبرها أمها وبهدوء جلست


مضاوي : حبيبتي جمون شنو شغالك بالك
جمانه : لا يمه ولا شي
مضاوي : أكيد ،
جمانه : إيه يمه
مضاوي : الله يسعدك إن شاء الله
جمانه : أمين ، يمه فنجالك
مدت مضاوي فنجالها وهي محتارهه من تغير جمانه قبل المكالمه ماكان مشغول بالها كذا : سمي


نعرفكم عليهم :

إبراهيم : أب متدين حالته الماديه متوسطه يحب بنته جمانه كثير وزوجته حنون جداً مع أهل بيته عمره 48

مضاوي : مرهه أبو جمانه وتحب جمانه كثير بحكم أن الله مارزقها أولاد أعتبرت جمانه بنتها وحاولت ماتخليها فقد أمها الي ماتت من صغرهـا ،، أمراءهه بعمر 40 حنووونه جداً مع مضاوي وتحاول تسعدها بما تستطيع

جمانه : بنت جميله كسبت من أمها الشعر الغجري الي يتناسب مع بشرتها البيضاء والعيون السوداء ورسمه الوجه الملاكيه ناعمه جدا قصيره لكن مو مرهه ونحيفه صديقاتها المفضلات فاتن و تولين وأعمارهم 19

فاتن : قصيرهه وسمراء نوعاً ما يعني مو بيضاء ولا بسمراء جمالها متوسط

_______________________________________


نرجع لتالين نزلت بمساعده الخادمه للبيت ورنت الجرس


سمعو صوت سيارهه رفعت راسها تالا وقالت : غريبه مو كأنه صوت سيارهه
تولين : إلا شكلها صوت سيارهه غريبه من

سكتو فجاءهه سمعو صوت الجرس

تالا خافت : من جاء ؟؟
تولين : تعالي نفتح يمكن تالين
قاموو بسرعه و طلعو الحوش قالت تالا بخووف : مييييين ؟
وإنزاح شعور الخوف من قلبها لما سمعت تالين تقول : تالين أفتحي بسرعه
ركضت تالا وفتحت الباب دخلت تالين بالعكازهه وما أمدها بتخطي خطوهه إلا وتالا حاضنتها وتبكي وتقول : خفت عليك وأشتقت لك
أبتسمت تالين وقالت : خلاص بلاش دمووع أنا جايبه لكم خبر حلوو ومتحمسه أقوله لكم وتقابلوني بدموووع
قربت تولين وهي تقول : الحمدلله على سلامتك وبفضول قالت هي وتالا سوا : شنو الخبر
تالين : إنزين يعني أقول لكم وأنا واقف يالله ندخل

دخلوو وهي متحمسين يعرفون قالت تالين : امممم توقعوو
تالا وتولين : لاااااااااااا
تالا : قولي عاد مافينا صبر
تالين : توقعوو عاد
تولين : تااالين يله بلا سماجه قوولي
تالين : خلااص خلاص لا تصدعون راسي الخبر هو
تالا وتولين : ااايه
تالين : يمكن أتوظف وبراتب 5 ألاف بالشهر
تالا وتولين : أحلفي
تالين : والله
لفت تالا وقالت : سعادههه يعني بيزيد دخلنا
تالين : أكيد ، بس أدعو ربي يوافق صاحب الشركه
تااالا : ياااررررب


دخلت ألين وركضت لما تالين وهي تظمها وشهقت ألين وهي تشوف رجل تالين وتقول : أيش هذا ؟
أبتسمت تالين وهي تقول : ولآ شي
وجلست ألين وهي مستغربه بجنب تالين وتشوفها وتبتسم


وعم الهدوووء مجدداًً

حاولت تولين تغير الجو شوي وقالت : تآلين أحكي لنا وش صار

وبدت تالين تحكي لهم وش صار معها من بدايه الحادث إلين وصولها

تولين : افف يقهر المغرور وهذا وأنتي مساعدته ، بس شكل ولد عمه طيب
تآلين : ايي حتى عطاني كرته قال لا أحتجتي شي قولي لي
تالا نطت : وريني
شافت الكرت وشهقت مع قولها مشاء الله : هذولي أعرف بناتهم عندنا بالمدرسه تجار
تولين لفت وقالت : جد ،؟
ردت تالا : آيي وقضى ليلهم با السواليف. عن الموضوع حتى نآمووو

.............................. .. .. .................................................. ..

وأشرقت الشمس معلنه لهم يوم جديد ،، يوم يعيشوونه بأفراحه وبأحزانه .. البعض يعيشه بالأمل والبعض يعيشه بيأس

في أحد بيوت أبطالنا ،،


دخلت وأرتعش جسمها من برود الغرفه طفت المكيف وصرخت جمانه بأنزعاج : حر أفتحو المكيف
طنشتها مضاوي وأبتعدت عن قفل المكيف متجهه للنافذه سحبه الستارهه ثم النافذهه وبدت تسلسل أشعه الشمس الغرفه لين ملت الغرفه بأشعتها وجمانه منزعجه وقامت وتفتح عين وتصكر عين وقالت : يمممممممممممه
مضاوي : ي زين الصبح والشمس والهواء يفتح النفس (ولفت لجمانه وهي تقول ) : شفيك تصارخين اليوم جامعه قومي بقى ربع ساعه على جيت النقل
نطت جمانه وهي مفزوعه وهي ترمي اللحاف وتقول : ي الله بتأخر وركضت للحمام ( أكرمكم الله ) ودخلت وأغلقت الباب ثم فتحته ثانيه وهي تقول ملابسي وركضت للدولاب تفتحه وتسحب لها أي لبس
ناظرتها مضاوي بأنصدام وضحكت وهي تقول هذا الحل معه وناظرت الساعه ولسى باقي نص ساعه بس هالنص ساعه تصير غفوه لجمانه لا قالت لها


طلعت جمانه وهي تنتقل لتسريحه وتمشط شعرها وسحبت جوالها وهي خايف تتأخر بس الصدمه لما شافت الساعه شهقت : يمه حرام عليك بقى نص ساعه يعني يمديني أكمل حلمي


ضحكت مضاوي وهي تقول : وش حلمه
قالت جمانه وهي تضحك : تصدقين نسيته بس الزبدهه أنه حلووو
ضحكت وقالت مضاوي : اذا رجعتي كمليه

أتجهت خالتها للباب وهي تقول : تراني مجهزهه الفطور لك أنزلي حتى يمديك تفطرين على رواق
جمانه : إن شاء الله

___________________________ __________________________

دخلت تولين الجامعه وهي تتلفت تدور صديقاتها ، شافت فاتن تأشر من بعيد لها مشت لمها
تولين : صباح الخييير
فاتن : صباح الفل
تولين : وين جمانه ؟
فاتن : امممم ، رايحه تكلم دكتورهه أمل
تولين : أها ، أجل تعالي نجلس وننتظرها
فاتن : أوك وأتجهو لكافي بالجامعه وجلسو


في نفس المكان عيون ترآقبهـا ؟؟؟؟؟؟ ..

............: أقولك أكرهههااااا تعرفين وش معنى أكرها
،،،،،،،،،،،: طيب ليه ، هي تحبك ؟؟
.............: وأنا أكرها تنرررفزني ، جراح أصلاً طالب مني بنت مزهه أصورها مع معلوماته وشكلي برسله جمانه
،،،،،،،،،،،،،: مجنونه أنتي ؟
................: منارررووهه لاتنرفزيني أمشي معاي ناخذ لها صورهه
منار : شووووق أصحي شنو تسوووين ؟
شوق : أنا عارفه مو أول بنت أسوي بهها كذا أريح ضميري كذا وأكسب فلوووس منها
منار : ممدري عنك دوري غيرها
شوق : أقول أمشي يالله


وسحبت شوق منار وقعدو يمشون وراء الضحيه الجديدهه لهم وخذوو لها كم صورهه
وشوق تضحك بأنتصاار

___________________________________________

صحى نواف من النومم وأتذكر تالين الي أتفق يشوف لها شغل بالشركه نفض اللحاب وقام غسل وجهه بسرعه وبدل ملابسه
ونزل لقى جدتهه وبجنبها مشعل وفاارس والبنات طالعين كل وحدهه لدوامهاا

صبحكم الله بالخير ..

رفت الجدهه راسها وهي تشوف نواف واقف ومبتسم قالت : صبحك الله بالنور ( قالته بززعل )
أما مشعل وفارس رفعوو راسهم وبادله الأبتسامه وكملوو الفطوور ..
قرب نواف وحب راس جدته : أفا الغاليه زعلانه وراهه
رفعت راسها وقالت : ماني بغاليه على قلبك زي ماتقول
نواف : أجل على روحي
الجدهه : إيه أضحك علي بها الكلام المعسول الي ما منه فايدهه

رفع مشعل راسه مستغرب زعل جدته ورفع فارس راسه وشاف مشعل وأشر له بمعنى : شسالفه
وأشر مشعل بمدري

نواف جلس وقال : وش سبب هالزعل
الجدهه : تخبي على الغاليه عليك
نواف بنفسه ي ليل : ي جدهه وش مخبي عنك
الجدهه : إلي معلم به فارس
ضحك فااارس بقووههه : ههههههههههههههههههههههههه هههههههههههههه
لفت الجده وقالت بأستغراب : وش بلاك ي ولد
فارس مسك ضحكته وقال : ي جدهه أمزح معك
عصبت الجدهه وسحب العصا حقتها وطقت به فارس وهي تقوول : جعلك الي ماني بقايلته ، شغلت بالي ليل ونهار ،، قم قم لابارك الله بالعدوو
فارس : ايي جدهه ماقدرتي شنباتي وطقتيني ( ضربتيني )
طقته الجدهه مرهه ثانيه وقالت : لو أنها شيباتك
فاارس : احح جدهه توبه وقعد يضحك
ونواف يضحك معه وقال : من حفر حفرهه لأخيه وقع فيهااا هههههههههههههه
طقت الجدهه وقالت : بدل هالضحك قم لشغلك وأنت ساكت
ضحك مشعل : والله وياجده صرتي تقصفين الجبهه
عصبت الجدهه منهم وقالت : قومووو لأخصم عليكم كلكم من روتبكم
ضحكوو الشباب وطلعووو

وبخروجهم كل واحد أتجه لسيارته ونادى نوااف : مشعل
وقف مشعل ولف : هلا ، أمرر
نواف : مايمر عليك عدوو بس مشعل
مشعل : ووش
نواف أحتار وش يقوول وقالت : أخت صديقي وبأرتباك اي اي اخت صديقي تدور وضيفه وقال صديقي شوف ولد عمك إذا عنده شغله بشهادهه ثانويه
مشعل شك بنواف وأستغرب وقال : يجيب ملفها ويصير خيير
نواف : إن شاء الله بخبرهه وبفرح شكرهه
وهذا ما زاد أستغراب مشعل

وكل واحد من الأولاد أنطلق لدوامه

___________________________________________


؟؟؟؟؟؟؟؟؟؟ : اهلا اهلا جايبه لك وحدهه مزهه يحبها قلبك وعندها بزنز ( فلوس )
...........: ههههههه ي حبي لك ومن هي بنته
؟؟؟؟؟؟؟؟: برسلك معلوماته والصورهه وأبغاك تذلها ولا تنسى نصيبي
........... : ماطلبتي شي وضحك ههههههههه من زمان أستنى واخيرا
؟؟؟؟؟؟؟؟؟: طيب بصكر


مشت ومره من جنبها وهي تضحك وتقول بنفسها ( والله لأذلكممم )

____________________________________________


في مكان أخر في أحد بيوت أبطالنا جالسه هي وألين الي تلعب بجنبها والهدوء سيد المكان
سمعوو صوت جرس فزعت ألين وركضت بجنب تااالين
ألين : تا ااا ااا لين منن جااا ( تالين)
تالين : مدري تعالي معاي نشووف
ألين تمسكت بتالين وهي خااايفه وحتى تالين خايفه ومستغربه بس قالت يمكن تالا : مممين
صوت رجولي : أنا أختي تااالين
تااالين أرتعدت من سمعت صوت رجال بس كأنه سمعته بدت تفكررر مين تذكرت نوواف شكله هو : مين نواااف
أبتسم نواف براحه أنها عرفته : آيي


تآلين .. ( أمل بداخلي بأن القآدم أجمل ) ومن هنا تبدأ الحكايهه


أنتهى البارت

سعيدهه بردودكم ومنتظرهه توقعاتكم وردودكم الرائعه في البارت
ألتقيكم في بارت قادم مع أحداث جديدهه ومثيرهه


تقبلوو ودي : Joanna - جوووآآنآ.


كرِروهآ معي : سبحان الله وبحمده (100) مرهه
لتغفر ذنوبكم وإن كانت كـ زٓبد البحر