البارت التاسع
.................................
اقتربت انفاس من لوحه ووقفت تتاملها بهدوء واعجاب شديد وقالت بعد عدة دقائق من التامل وهى لازلت تتامل اللوحه :الرسام ده احساسه عالى جدااا ...تحسى انك قدام لوحه بتتكلم ماشاء الله عليه بس فى مشكله اجابها صوت من خلفها وايه هى المشكله التفتت باندهاش......... وتلاقت تلك عيناها بتلك العينين الساخرتين ..............ولكن كانت عينيه تحمل نظرة مختلفه عن كل لقاء
فوجئت انفاس بوجوده فنظرت اليه نظرة ناريه وهمت ان تتحدث بقسوة كعادتها ولكنها توقفت عندما رأت نظرة عينيه لها .........شعرت انفاس بالاضطراب فقد كانت اليوم عينيه تنظر اليها نظرة غريبه لم تفهمها ولكى تطرد شعور الاضطراب الذى اعتراها اشاحت بعينيها ......
وقالت :انا بتكلم عن الرسام موجهتش كلامى لحضرتك قاطعتها فيفى :احمد هو ال... اسكتها احمد بنظرة والتفت ونظر الى انفاس:انا صاحب الرسام قولى لى وانا اقوله ان فى مشكله فى رسمه عشان يصححها
صمتت واشاحت بوجهها عنه قالت فيفى بضحكه مكتومه :صحيح ياانفاس ايه المشكله فى اللوحه انا شايفة انها ماشاء الله مفهاش اى خطاء ....ردت انفاس باعتراض :انا مقلتش ان رسمه فيه مشكله او اخطاء على العكس والتفتت الى اللوحه التى كانت عبارة عن طفله تجلس على ركبتيها وترسم بالطباشير على الارض صورة لوجه سيدة كان الهواء يحرك شعر الطفله وبالقرب منها تظهر والدتها تراقبها ....قالت انفاس وهى تشير الى اللوحه :اللوحه دى بتتكلم شوف اهتمامه بادق التفاصيل واشارت الى يد الطفله شوفى ركبها آثار الطباشير عليها ازاى !!! اى حد يقول الاثار المفروض تكون على ايديها بس ده وضّح انها لما كانت منحنيه الطباشير جه على ركبها وهدومها وصمتت قليلا وهى تنظر الى الصورة .......
وقالت :الرسام عايز يقول ان مامت البنت متوفيه كان يراقبها باعجاب شديد لدقه ملاحظتها وسالها باهتمام
: وعرفتى ازاى ؟ اجابت وهى لازالت تنظر الى الصورة بدون ان تشعر انها تجيب على سؤاله :لان البنت رسمت نفسها مع مامتها وصورة الام اللى ظاهرة بتراقبها من فوق مش وهى قاعدة جنبها ......واكملت بسخريه :يارب تكون فهمت حاجه من اللى قولته ؟
ابتسم بسخريه وهم ان يرد عليها ولكنه سمع من يناديه قال :عن اذنكم ......واشار لفيفى فاقتربت منه وهمس لها بشى وانصرف
زفرت انفاس بضيق:اوف الحمد لله مشى .
ردت فيفى باستنكار :انفاس !
انفاس : ايه ؟؟اخوكى دة مستفز جداااا يا فيفى
فيفى باستنكار:انفاس احمد مقلش حاجه ..انتى اللى غلطى فيه وهو حتى مردش عليكى
واكملت بضيق :والله ياانفاس احمد ده غير ما انتى متخيله واشارت للوحه وقالت :شايفة اللوحه دى اللى كنتى بتوصفيها من دقايق دى تقريباً حياه احمد ....نظرت اليها انفاس باستفسار فأكملت فيفى بحزن : احمد مامته ماتت وهو فى اعز الاحتياج لها ومكنش بيحب حد زى امه تخيل ان ابوه هيحن عليه بس العكس تخلى عنه بعد موت امه وطرده من البيت قالت بدهشه ممزوجه بالم :طردة معقووله طاب ليه ؟ فيفى بسخريه :عشان يتجوز انفاس بالم:وهو عمل ايه بعد كدة ؟ فيفى وهى تراقب احمد وهو يتحدث مع صديق له :بنى نفسه وحقق امنيه مامته بفضل الله ثم جدى الله يطول فى عمره ساد الصمت بينهم .....شعرت بضيق من نفسها انها لم تكن وقحه ولا ساخره مع اى شخص ولكن ...لماذا عندما اراه اكون هكذا......... سمعت فيفى تقول لها
:مش هتتفرجى على باقى المعرض هزت راسها وتحركت معها ..........فى هذه الاثناء رن هاتف فيفى فابتعدت لتجيب وتركت انفاس بمفردها بدات عيناها تدور فى المكان وسمعت من حولها يثنون على اللوحات عادت تتامل تلك اللوحه مره اخرى ولكن شى بداخلها جعلها تبحث عنه وجدته يقف يبتسم بهدوء كان يقف بثقة وضعاً يديه فى جيبى بنطلونه تاملت شكله جسمه رياضى طويل القامه يرتدى بدلة فاتحة اللون فى منتهى الاناقة كانت ملامحه تتغير تماماً عندما يبتسم ......واضح من وقفته ثقته واعتداده بنفسه ....... فى هذه اللحظه حانت منه التفاته فوجدها تنظر اليه ابتسم لها باستفسار كأنه يسالها الى ما تنظرين ؟؟؟ فاشاحت بوجهها فى توتر وقالت فى نفسها وهى تعض على شفتيها : ياربى دلوقتى هيفتكر انى براقبه .......لحظه ما انتى يا انفاس كنتى بتراقبيه ...... هزت راسها وقالت فى نفسها. لا...لا انا كنت بحلله بس مش براقبه
سمعت صوته من خلفها وهو يقول :للدرجه دى عجباكى اللوحه ؟؟
اغمضت عينيها باحراج وانتظرت قليلا ً قبل ان تلتفت اليه رفعت عيناها ونظرت اليه وقالت بصوت هامس :ايوة انا عايزة .....ا ا ا الحقيقه انا عايزة احجزها واكملت وعيناها تدور فى المكان لكى لا تلتقى عينيها بعينيه :مش حضرتك تعرف الرسام ؟؟؟؟
اجاب وهو يبتسم لها : ايوة....اعرفه جداً تحبى اكلمه يحجزلك الصورة ؟
اجابت بسرعة :ايوة ياريت .... صمتت ......تشعر بتوتر غريب .....هى فيفى راحت فين ؟؟؟ودارت عينها فى المكان تبحث عن صديقتها شعر بتوترها فقال لها ليزيل عنها التوتر وهو يشير الى لوحه اخرى
:شفتى اللوحه دى ؟؟
هزت راسها نفياً وهى تنظر حيث اشار :لا مشفتهاش
قال وهو يتجه الى الصورة:تعالى شوفيها هتعجبك وتحركت معه الى حيث اشار.
.................................
نظر الى امه وقال بضييق :لا طبعا
الام باندهاش :لا ...ليه ياحسام
حسام بقله صبر : قلت مش هاتجوز ريم بنت اختك
الام بغضب :طبعا مش ممكن تفكر فى ريم او فى اى وحدة طول ما انت شاغل تفكيرك بست الحسن انفاس حسام بغضب :ايه دلوقتى دخل انفاس فى كلامنا انتى عرضتى عليا اخطب ريم بنت خالتى وانا قلت لا
الام بغضب :لان سبب رفضك لريم هو انك بتفكر فى انفاس ...واقطع دراعى ان انفاس دى عامله لك عمل اقترب والد حسام منها وقال بغضب شديد :هى وصلت بيكى انك تتهمى بنت اخويا بالكلام ده انتى اكيد اتجننتى !!!!!!
الام وهى ترتعش :انا مقصدش ياحسن كلمه طلعت منى بدون قصد
حسن بحدة :لا ياحنان دى مش بدون قصد انا عارفك بس قسماً بالله لو عيدتيها تانى هيبقى حسابك عسير واسمعينى كويس جواز ابنى من بنت اختك ريم مش هيحصل طول ما حسام مش مقتنع ...سمعانى همت ان تعترض اسكتها بنظرة ناريه فاطرقت براسها وصمتت
.................................
اقترب احمد منهم وقال :تشربوا ايه اجابت فيفى :اى حاجه فريش نظر اليها وقال :وانتى يادكتورة تشربى ايه ؟ اجابت بقتضاب :شكرا مش عايزة اشرب حاجه .
غمزتها فيفى وقالت بهمس :بطلى شغل الاطفال ده ونظرت لاحمد وقالت وهى ترسم ابتسامه :احمد انفاس هتشرب زى حاجه فريش همت ان تعترض ولكن فيفى اسكتتها بقرصه فى ذراعها
احمد : اوكيه وانصرف وتركهم التفتت لها فيفى بغضب وقالت :انتى مش ناويه تبطلى التصرفات
دى انفاس بحدة وهى تفرك مكان القرصه :اى تصرفات .......انا مش عايزة اشرب حاجه هو بالعافيه !!
اطلقت فيفى تنهيدة :انا عمرى ماشفتك متحامله على حد كدة حتى حسام اللى انتى مش بتطيقيه مش بتتصرفى معاه كدة .....اشمعنى احمد !! نظرت اليها واشاحت بعينيها وقالت: هو قليل الذوق وانا حكيت لك كل حاجه ......وقالت فى نفسها:" انا نفسى مش عارفة ليه بتصرف معاه كدة ...والمشكله انى بعد تصرفى معاه كده بلاقى نفسى مضايقه زياده مش العكس انا مش عارفة بعمل كدة ليه" ؟
.......................................
انفاس انتى عايزة تخلينى اولد النهاردة
انفاس بعناد :مش هاركب معاه يا فيفى ..وياستى ايه المشكله زى ما جينا فى تاكسى نروح فى تاكسى ولو انتى عايزاه يوصلك مش مشكله انا هوقف تاكسى لنفسى
فيفى بغيظ وهى تجز على اسنانها :يعنى هو هياكلك !! متخفيش يا ستى انا معاكى يلا اركبى بقى الله يهديكى هزت راسها بعناد وقالت :لا يعنى لا ....اقترب احمد منهما وقال باستفهام :مركبتوش ليه فى حاجه ؟
هزت فيفى راسها نفيا واشارت باشارة براسها ناحيه صديقتها فهم احمد اشارتها فقطب بحاجبيه ومط شفتيه وقال :فيفى اسبقينى على العربيه
فيفى :بس يااحمد انا.........
قاطعها بهدوء:اسبقينى على العربيه وانا والدكتورة هنحصلك
ابتعدت فيفى عنهما فالتفتت انفاس له بغضب وقالت بحدة :مش هاركب معاكو انا هاخد تاكس ............. اقترب منها ووقف امامها مباشره ونظر الى عينيها قائلاً فى هدوء :ليه ؟؟؟
اجابت بعند :كدة .
احمد وهو ينظر الى عينيها :مفيش حاجه اسمها كدة واكمل بخبث :ولا انتى خايفة
قالت بغضب وهى تنظر اليه :انا اخاف !! واكملت بسخريه وهاخاف من ايه بقى ؟؟؟
اكمل بنفس الاسلوب: ايوة خايفة واكبر دليل مش عايزة تركبى العربيه معانا انفاس :انا مش خايفة منك ومش هاركب معاك ارتحت واسرعت باالابتعاد عنه لتوقف سيارة لحق بها ووقف بجوارها وقال بهدوء:اسمعينى يادكتورة لو عندك اخ وخرجتى مع فيفى واخوكى قال انه هيوصلكم لان الوقت اتاخر كنتى هتسمحى لفيفى تمشى لوحدها صمتت ولم تجب اكمل بثقه :ماظنش ...كنتى مش هتسمحى لها تمشى لانك هتكونى خايفة عليها .......فيفى خايفة عليكى وعيب فى حقى انى اسيبك تمشى لوحدك فعشان خاطر فيفى سيبى العند ده شويه وتعالى اركبى ظلت دقائق صامته وبعدها تحركت باتجاه سيارة احمد وركبت بضيق ابتسم احمد بانتصار وقال فى نفسه :عنيدة ياانفاس ههههه بس على مين وتحرك خلفها واستقل السيارة وانطلق
....................
بعد يومان ..........فى العيادة طرق الباب ودخلت نبيله وقالت :مدام كوثر مستنيه هى وابنها
انفاس :دخلى ابنها وخليها تستنى برا
نبيله :حاضر يادكتورة
وانصرفت ........سمعت طرقات خجوله على الباب
ردت انفاس بهدوء :ادخل يا على .........دخل على واغلق الباب خلفه كان يميل للنحول هادىء اقترب من المكتب وقامت انفاس واتجهت اليه وصافحته :ازيك ياعلى اخبارك على :الحمد لله بخير
سالته وهى تبتسم :تحب تقعد هنا واشارت لجلسه بعيدة عن المكتب ولا تحب هنا واشارت للمكتب
اجاب بخجل :اى مكان عادى
انفاس :طيب تعالى نقعد هنا بعيد عن المكتب واتجهوا لجلسه فى زاويه المكتب نظر اليها وقال :ماما قالت لى انى هاقعد مع دكتورة تخيلتك كبيرة ولابسه نظارة تخوف ضحكت انفاس واكمل على وهو يتاملها :بس انتى صغيرة ؟ ابتسمت انفاس:يعنى مينفعش تتكلم معايا هز راسه :لا ينفع........... واكمل بعد تردد :ماما اكيد قالت لك عن مشكلتى صح ؟
انفاس :ايوة قالت بس انا احب اسمع منك
صمت ودارت عينيه فى المكان وقال بصوت منخفض :ماما طول الوقت عصبيه اى حاجه ممكن تعصبها نادر لو تشوفيها هاديه عكس بابا هادى وطبعا ماما شايفة هدوء بابا انه برود وهو مش كدة كل مشكله ولو بسيطه تطلب الطلاق وتغضب وتسبنى وتروح عند بيت جدى ....واضاف بحزن شديد والدموع فى عينيه وكمان موضوعى مزود عصبيتها...... متعرفش ان كل يوم بحس بخوف شديد انى اصحى القى نفسى عاملها وغيرى بطلها من سنين نظر الى عين انفاس وقال بالم مرة صحيت على الفجر لقيت نفسى عاملها وكان عندنا ابن عمتى خفت يعرف وانفضح فى العيله حولت اتصرف معرفتش ...... انفاس باهتمام :وعملت ايه ؟
على ببراءه :سخنت المكوة وقعدت اكويها عشان تنشف انفاس :وحد عرف ؟
على :بابا عرف بس ..........
انفاس :وعملك حاجه ؟
هز راسه بنفى :لا ...بس انا خايف يادكتورة خايف اكون زى امجد صاحبى ابوة وامه منفصلين ومحدش فيهم عاوزه انفاس بعطف شديد :على ان شاء الله مش هتكون زى امجد عارف ليه؟
على بلهفة:ليه ؟
انفاس :عشان ماما وبابا بيحبوك وماما خايفة عليك جداا واكبر دليل انها عايزاك تخف انفاس امسكت يد على ونظرت اليه :على فى ناس مش بتعرف تعبر على اللى جواهابالكلام زى مامتك بس تعرف تعبر بالفعل انها تعمل لك الحاجه اللى تحبها واللى تتمناها
قال باندفاع :قوليلها ماتطلقش من بابا دى الحاجه اللى بتمناها
ابتسمت :هاقولها بس على شرط .....تسمع كلامى اجاب بفرحه شديدة :انا موافق قولى
انفاس :اول حاجه متشربش اى مشاريب قبل النوم زى الكولا والبيبسى ومشاريب الطاقه
على باستفهام :ليه يادكتورة ؟ انفاس :اولا بتخلى جسمك ضعيف وبتسبب الارق وطول مافى ارق يبقى جهازك العصبى مش مرتاح على :ازاى مش مرتاح ؟ انفاس :عندك جهاز كمبيوتر؟
على :ايوة
انفاس:الجهاز العصبيى زى الهارد بتاع الكمبيوتر لو الهارد حصل فيه مشكله يحصل ايه
على :طبعا الكمبيوتر يوقف
انفاس :بالزبط عشان كدة لازم نحافظ على الجهاز العصبي ان احنا نبعد عن السهر وشرب المشروبات الغير مفيدة
على :يعنى مشربش الحاجات
دى انفاس :لو شربتها متكترش منها لانها مش مفيدة اشرب المشروبات الطبيعيه مفيدة جداا لجسمك ثانيا قبل ماتنام بساعتين متشربش حاجه ولا تتفرح على فيلم مرعب ولما تنام متضلمش الاوضه خلى مامتك تفتح لك سهارة لان النوم فى اوضه مظلمه جدا بيسبب الرعب على :ايوة يادكتورة انا مش بحب انام فى الضلمه بحس انى فى حجات بتتحرك
انفاس وهى تبتسم :خلاص ماتنامش فى الضلمه اتفقنا على بثقه:اتفقنا انا انفذ كل اللى طلبتيه .....وانتى تنفذى اللى طلبته منك مدت يدها له وهى تبتسم :اتفقنا وقام واتجه الى الباب والتفت لها وقال بخجل :ممكن طلب انفاس :اكيد اتفضل
على :ممكن ...يعنى ...اخذ رقم تليفونك لما اضايق اكلم معاكى ابتسمت :اكيد طبعا ونبقى اصحاب
على :ايوة نبقى اصحاب امسكت هاتفها وقالت يلا قولى رقمك
....................................
يعنى تجيبينى من العيادة والغى مواعيد الناس عشان نفسك جات فى صنيه فراخ فى الفرن قالت ذلك وهى تضع الصينيه فى الفرن فيفى وهى جالسه تشرب عصير على طاوله المطبخ :اعمل ايه نفسى جات فيها عايزه ابنى يطلع وف وشه ورك فرخه
انفاس بتريقه:لا طبعا لازم يطلع ابنك بعد مايطلع عينى ضحكت فيفى :فكرتينى يانونا من يومين جات نفسى اكل فشار بشكل رهيب ومش عارفة اعمل جدو نايم وماما شرحه بصيت لقيت نور اوضه احمد منور رحت لقيته بيصلى استنيته يخلص واول ماشافنى قالى قبل ماتكلم مش نازل انفاس باستعجاب :وهو عرف ازاى انك عايزاه ينزل فيفى :ما انا سالته وقال شكلك بيقول انك عايزة حاجه ......المهم بعد الحاح ساعة نزل وقلت انزل معاه ويانونا قعدنا لفينا لف ندور على فشار قالى شايفة قرف ابنك واضح انه طالع بخيل اختفوا اللى بيعملوا الفشار بسببه
انفاس :ولقيتو ا بعد كدة ؟
هزت راسها:لا ملقيناش وابتسمت بحنان بس احمد الله يسعده ثانى يوم جاب لى فشار
امسكت هاتفها :فيفى موبايلى عايز يتشحن معاكى شاحن فيفى :تعالى نجيب الشاحن هنقوم بعمليه سرقه وضحكت انفاس باستعجاب :سرقه مين ؟
غمزت وقالت :شاحن احمد طبعا لان الشاحن بتاعى نسيته فى البيت وانا بشحن بالشاحن بتاعه
انفاس :لا خلاص مش لازم اشحن لما اروح
فيفى :بابنتى متقلقيش هو مش موجود ومش ممكن يجى دلوقتى دة بيجى متاخر تعالى .....بطلى خوف وامسكت يد صديقتها واقتربوا من غرفة احمد
انفاس بقلق :فيفى مايصحش ندخل الاوضه بتاعته فتحت فيفى الغرفة وقالت :هو مش قاعد افهمى ومش هيعرف ان احنا دخلنا الاوضه امسكتها من يدها وادخلتها ما ان دخلت حتى ظهرت تلك الرائحه التى تعرفها انفاس كانت الغرف مظلمه قالت فيفى وهى تذهب الى الحمام:انا هادخل الحمام وانتى هاتى الشاحن تلاقيه جنب السرير وقبل ان تعترض انفاس تركتها فيفى ودخلت الحمام وقفت ثوانى حائرة وبعدها تحركت بهدوء واقتربت من الفرا ش ومدت يدها تبحث عن الشاحن ولكن كانت لاترى شىئا من الظلام ودقائق ووجدته
وقالت: اخيرا لقيتك طلعت عينى وانحنت لتأخده وقبل ان تستدير لكى تذهب شعرت بيد تمسك ذراعها بقوة وسمعت صوت :مش ناويه تبطلى السرقه دى فتحت عينها واطلقت صرخه رعب مدويه
انتظرونى البارت القادم