[لامارا]

البارت الرابع



(في بيت بو جاسر)
شيخة كانت فرحانة هي ماكانت تعشق احمد لكن كانت مقتنعة فيه وفي شخصيتة وبكرا بيكون هذا الشخص زوجها
دخلت عليها سارة
سارة : السلام عليكم شلونج يابنية
شيخة ابتسمت : بخير
سارة : حركات اونج مستحية
شيخة كشرت : وشفيها يعني مب عروس انا
سارة تلمها : ههههههههههه لالا عروس استحي استحي بس تونا ملجة بكرا بس
شيخة تتكلم بجدية : ساروة احمد شلون طبعة ؟
سارة ببتسامة : طيب وحبوب وحنون ويهبل ودكتور وو
شيخة : بس بس بتسوين لي تقرير
سارة : لا توسوسين احمد حبوب ودمة خفيف
شيخة : لا حشى كل دقيقة ظهرت صفة جديدة
سارة : يوووعاد
شيخة : وين ظبوي غريبة صار لها فترة ما قعدت في الحديقة
شيخة : مادري شفيها مودها متغير هاي اليومين ولا دانوة بعد المسكينة بعد سالفتها مع الدريول ههههههههههه
شيخة : اي سالفة ؟؟!
سارة تقول لها القصة
شيخة : ابيييييييييييه مسكينة حراااااام
سارة : هههههههههه تخيلي الحين صايدها روع ماتبي تطلع في الحوش ههههههه
(في بيت بو احمد )
ظبية تطل من دريشتها : افففف جان زين ماتكلمت معاه جان انا الحين في الحديقة واقدر اشوفة من قريب وااخ وحشني لو يمر بس ثانية وحدة الحين الساعة 8 المفروض يكون راجع من الجم افف
دقيقتين ويدخل جاسر
اول مادخل جاسر لف صوب الكرسي الي كانت تقعد عليه ظبية ومالقاها راح وقعد فيه
جاسر : غريبة صار لها فترة ماتقعد هني ليكون مريضة ؟
ورجع راسة على ورى وشاف دريشة دارها ولاحظ وان في شخص واقف
ظبية اول مارفع راسة بسرعة ردت الستارة عشان مايشوفها لكن على مين جاسر عينة عين زرقاء اليمامة
جاسر انتبه لحركتها وعرف انها كانت تشوفة : ههه معقولة هذا تحبني هههه مكشوفة حركاتها هههههههههههه(وقعد يضحك بصوت عالي )
ظبية تسمع ظحكتة وانحرجتتتت : صادني ! وااااي ياحلاة هاذي الظحكة ظحكتة بس تسوا مليون مليونين
دخلت دانة الدار
دانة تصرخ : ظبووووووووووي
ظبية تقوم من احلامها : ويعععععع ان شاء الله
دانة : اففف ماظهرت النتايج
ظبية : بكرا بتظهر
دانة : اففف احر ماعندي ابرد ماعندج
ظبية : لانج مسندرتنا ماجنج فصفص واقل شي تيبن 90%
دانة : "قل اعوذ برب الفلق" لحد يصكني بعين بس

ظبية : عيل ذلفي دارج ولمى تظهر النتايج تعالي قولي لي
دانة تسكر الباب وتروح الدار وهي تحندا بصوت عالي

(نرجع لمونت كارلو )
الساعة 8 بالليل
فهد دخل الدار : السلام عليكم
مها ببرود : وعليكم السلام
فهد جلس علي السرير :روحي لبسي
مها حاسة انها ماسمعت عدل: نعم
فهد : شنو هندية قلت لج روحي برزي بنطلع
مها تصد : مابي اطلع
فهد ببرودة القاتل : ومن قال اني ابي اطلعج اصلا بس هاذي سلين قالت انها عازمه اختي على العشاء
مها بثقة : انا زوجتك ولما يصير عندك اخت خلها تقابل سلين اوكي
فهد وقف بعصبية : مها
مها خافت بس ماتبي تبين له : اففف زين زين شوي واجهز
خمس دقايق ومها جهزت
لبست عبايتها وشلتها العادية وحطت مسكرا وكحل وهاي يخليها في قمة الجاذبية
فهد وقف يشوفها وبلا شعور بالي يقولة : تشابهينها واايد
مها بستغراب : من ؟
فهد يسترجع نفسة : انسي الموضوع يلا نطلع
نزلوا تحت وحصلوا سلين ناطرتهم تحت
وركبوا لموزين ووراحوا للمطعم
في المطعم
فهد يحط يده على كتوف مها ويحسس سلين انهم اخوه قراب من بعض
سلين بنظرات استغراب : اليس من الغرب ان اختك تشابه خطيبتك السابقة ولديها نفس الاسم ايضا
فهد توهق وش يرد عليها : نعم نعم اممم اعذريني الان لقد وعدت اختي ان أأخذها لتبضع
سلين لاحظة تهربة : حسنا
فهد : يلا مها
وطلعوا
في السيارة
مها تتذكر كلام سيلين " : اليس من الغرب ان اختك تشابه خطيبتك السابقة ولديها نفس الاسم ايضا "
فهد بتردد : مها
مها سرحانه
فهد بصوت اعلى : مهاا
مها انتبهت : نعم
فهد يحس بصعوبة في الكلام : امم في شي لازم تعرفينة
مها : بخصوص خطيبتك مها الي تشابهني ؟؟!
فهد يصد لدريشة : اي
مها بهدوء : قول
فهد وهو صاد عنها : قبل عشر سنين كنت توني ظاهر في الاعلام وتوني موقع مع شركة (....) وصارت سلين مديرة اعمالي ...في نفس الفترة انا كنت (وسكت شوي ) كنت احب بنت بشكل موطبيعي كان اسمها مها ودرست معاي في الجامعة كانت طيبة وايد واول ماتخرجت رحت خطبتها و..
مها : و شنو ؟؟
فهد بصوت مبحوح وواضح انه مو طبيعي : ملجنا وصرت ازورها في بيتهم وكنت احبها بشكل اكبر مما تتصورينة لكن ربي ماكتب لنا نكمل مع بعض بعد شهرين من الملجة قالت لي انها ماتبيني اشتغل مع الشركة الاجنبية والازياء ...وخيرتني .. ياهي يا الازياء والشهرة ...وانا كنت غبي واخترت حياتي هاذي ..وخسرت اغلى انسانة في حياتي
مها تحس انها مجروحة : وهي تشبهني ؟؟
فهد هز راسة بعلامة نعم
مها ماسكة صيحتها وهو مب عارفة ليش هي مجروحة ومحروق قلبها
فهد يكمل الكلام :بعد ما انفصلنا بفترة سمعت انها انخطبت لشخص الي كان جدامج في القهوة الشيخ راشد الفارس ولحد اليوم ماعرف عنها شي الا انها غيروا بيتهم وانقطعت اخبارهم عني

مها كانت مصدومة ان الشيخ كان خاطب خطيبة فهد السابقة او بالاحرى زوجتة
مها تحس بالألم من قلب وتكلم نفسها يعني طووول هاذي الفترة وهو يشوفها هي فيني ولا مرة انتبه لي انا وبدون شعور قعدت تصيح
فهد لف صوبها وانصدم لما شافها تصيح : مها شفيج ؟
مها تحاول تمسك صيحتها : ولا شي
ووصلوا الفندق
مها نزلت على طول وراحت تركض وصعدت الغرفة قبل فهد
بعد دقيقة دخل فهد وشاف مها على السرير ميتة من الصياح
فهد واقف مكانة : مها
مها مستمرة في بكاء هستيري
فهد راح صوبها وجر يدها ووقفها
مها وهي ميتة من الصياااح : هدني وخر عنيييي
فهد بعصبية : الحين ليش كل هاي الفلم الهندي والصياح
مها تضرب يدة : هدنييي هئهئ اااااا هدني وخر افف
فهد مسك كتوفها وحط عينة بعينها : مهااا شفييج ؟
مها وشفايفها ترتجف وعيونها سيل دموع تكلمت بصوب يقطع : أ ح بك
فهد مافهم : شنو ؟
مها تدزة وهي تحاول تمسك نفسها : احبك ياخي فيها شي لما الزوجة تحب زوجها هئئهئ اكييد انا غبية وسفيه وحمارة لاني حبيت واحد يعاملي بطريقتك والحظات الي حسيت انك طيب فيها ظهر كلها مو لي كانت للبنت الي بمخيلتك ولما كنت تشوفني كنت تشوفها هي مب انا هي مب انا
فهد حس ان كل كلمة دخلت في اذنة مثل الرصاصة مب مستوعب
مها بترجي : فهد لوسمحت اطلع ! مابي اشوفك
فهد من غير مايداري نفسة مسك مها وحظنها بقو وحب راسها : حقج علي
مها الي بدت تهدئ بالتدريج : رفعت راسها وهي تشوفة

وفهد الحين نسى نفسة وموقفة ووضعه معاها لكن الي يعرفة ان المرة الي هو حاظنها الحين هي زوجتة ومهما صار فهد يظل رجل بمشاعرة واحتياجاتة ورغباتة !!
وانتهت ليلة نوعا ما جميلة في مونت كارلو
لكن شلي بيصير بكرا بعد مايستيقظون من النوم !!

(نرجع لقطر)
ونسترجع اللحظات
في بيت علي
نورة اول ماخل علي الحمام ارتاحت :اففف اشوا
قامت وراحت للصالة وبعدها راحت للمطبخ الصغير الي في الجناح
فتحت الثلاجة كانت ماليانة بالمشروبات الغازية والكوافي ومافيها اي شي ثاني خذت لها كافي جلكسي وبيبسي وراحت وقعدت في الصالة وحطت على ام بي سي وعقدت تشوف فلم قديم اسمة "المشي فوق السحاب "
واندمجت مع الفلم
علي جاها وهو لابس بجاما مقلمة رمادية وقعد في الكرسي الي جنبها
بعد دقيقتين راح علي في سااابع نومة
ولما خلص الفلم قامت مها عشان تبدل ثيابها شافته نايم على الكرسي راحت صوبة وقعدت تشوف شكلة ابتسمت كان كأنة بيبي عود هههه خذت الثرو الي على الكرسي ولحفتة وراحت الدار
ظهرت لها بيجامة ناعمة بطلونها شورت وردي والتيشيرت ابيض ناعم وعلية كتبة بالوردي كانت شكلها كيوووت
سكرت باب الغرقة وصلت ونامت لانها مانامت كلش امس

(الفجر)
صحا علي من النوم على الاذان لاحظ الثرو الي متلحف فيه استغرب
قام ودخل الدار وناسي تماما ان في كائن بشري موجود معاه دخل الحمام ومانتبه لنورة الي نايمة على السرير توضئ وطلع وهو يمسح وجه بالفوطة اول ماشل الفوطة من وجة شاف نورة نايمة على السرير كأنها ملاك
علي تبلعم : بسم الله ههه نسيت اني تزوجت ههههه
وقرب صوبها وجلس على ركبتة ومسك خصلات من شعرها واستنشقة
نورة حست بحركة وفتحت عينها بشويش
علي وقف على طول وراح للتواليت يتطعر
نورة فتحت عينها وشافتة وبصوت ناعم : صباح الخير
علي وهو يشوف انعكاسها على المنظرة : صباح النور
نورة بدلع : بتروح المسيد ؟
علي وهو ذاايب من دلعها : اي
نورة توقف وتروح للكبت وتاخذ له قترة وراحت للشماعة وخذت العقال والقحفية وراحت صوبة : تفضل
علي ودة انه يقرصها من حلاتها : دام فضلج
نورة راحت تتوضى
ولما طلعت ماحصلت علي
اليوم ملجة شيخة واحمد
شيخة قامت الفجر وصلت ودعت ربها ان يسعدها مع احمد
دخل جاسر بعد ماطق الباب
جاسر : صباح الخير
شيخة : صباح النور
جاسر : تقبل الله
شيخة منا ومنكم
جاسر يبي يحرج اختة : شخبار نفسية العروس
شخية انحرجت : مالك خص بنفسيتي (وظربتة بالمخدة) اطلع
جاسر فرحان : حركات يالعروس
شيخة :جسوور اطلع
جاسر :مابي كيفي
شيخة تبي تنرفزة : الا اقول جسور متى بتعرس ادور لك مرة ؟؟
جاسر بثقة : موجودة ما يحتاي تدورين
شيخة انصدمممت :من صجك !!من من من ؟
جاسر يطلع من الدار : بعدين تعرفين
شيخة كشرت
جاسر طلع وهو مستغرب من نفسه معقولة انه يبها هيي
وفي مكان ثاني
بيت محمد ابو نورة
ريان بعد مانتقل هني ارتاح لوجود عمتة مها و يدته لكن كررره ان صار عندة ثنتين يحنون ويزنزن على راسه (متى بتعرس ومتى بتعرس)
ريان راجع من المسيد
الجدة تنادي راكان :ريان تعال
ريان راح وحب راس جدته : صبحج الله بالخير
الجدة بجدية :اقعد
ريان الي عرف الغمندة (السالفة ) :خير ان شاء الله
الجدة : امس رحت بيت بواحمد مع عميمتك وشفت عندهم ذيج الغزال قمر قمر
ريان : بيت بو احمد مديري ؟
الجدة : اي يابوك
ريان متعجب : شعرفج فيهم ؟
الجدة : يوووو من زمان على ايام امه موزة الله يرحمها
ريان مستغرب : بس هاذي اول مرة اسمج تجيبين طاريهم
الجدة : لان بنتهم ناجحة بالثانوية ومسوين عشا
ريان تذكر دانة : من ؟
الجدة : الصغيرة
ريان تذكر دانة ومايعرف ليش كل ماتجي على باله يفرح
الجدة : عاد المهم شقلت اخطبها ؟؟
ريان : ومن القمر بينهم ؟
الجدة (وطبعا مثل كل العيايز تقعد توصف ) : الصغيرة مزيونة احلى وحدة بين خواتها طويلة ومملوحة ووو...........
ريان فرحان ان يدتة اختارت دانة وفرح اكثر انها احلاهم
الجدة بتعب : ها ياولدي شقلت نشف ريجي ؟
ريان يعود للجدية : لا يدوة مابي العرس الحين واول ماغير رايي روحي اخطبها
الجدة بعصبية وتضرب ريان بالعصا : قووم اذلف عن ويهي اقول لك البنت مزيونة هاذي بالطير من ادييك
ريان يضحك : ههههه احح مب طايرة توها صغيرة
دخلت العمة مها : شعندكم من صباح الله على الصراخ
ريان : يدووة قاعدة توصفي بنية تبي تخطبها لي ههههههههههه
العمة مها بجدية : يماااا كم مرة قلت لج مايجووز توصفين بنية حق ريال غريب عنها مايجووز حرااام
الجدة: وووويه يوزي عنية مافيها شي عيل شلون تقنعين الولد هاا؟
العمة مها تهز راسها : مامنج فايدة
ريان سحب نفسة وطلع لدارة
وانسدح على السرير وقعد يفكر : هههه والله يدووة ظهرت ذويقة
ريان قعد يفكر في دانة الي دخلت مزاجة ووالي كل ماتزكرها حس بفرحة غريبة

في بيت
بو احمد
البنات متيمعين في دار سارة بعد ماصلوا الفجر
دانة : الله لين الحين مب مصدقة اني تخرجت ويبت 94%
ظبية : ماقلت لج يالفصفص انج ماراح تنزلين عن ال90
سارة مستانسة : اليوم ملجة احمد
دانة تستهبل : ويي صج ماكنت ادري
سارة : سخيفة
ظبية : ترا حجزت لنا كوافيرة بتيي الساعة 3
سارة : زين اي فستان بتلبسون
دانة : انا بالبس فستاني الاحمر
فستان دانة (احمر شيفون مافيه شغل بس قصة كان كأنه ملفوف على جسمها لحد الورك وبعدين كلوش فضييع وخصوصا على جسمها )
ظبية : انا بلبس فستاني الاسود مال العام محد شافة
فستان ظبية (اسود وله حاشة مشجرة بالرمادي ضييق عند الخصر وبعدها كلووش واااسع )
ظبية : وانتي شبتلبسين
سارة :يمكن البس فستاني الوردي
فستان سارة (وردي دانتيل طبقات ولة احزام على الخصر )
دانة : ايي لبسية حلووو
سارة : مسكينة شخوة خايفة
ظبية : ماتنلام
سارة : ليش يعني ؟
ظبية : احمد يخووف كل ساكت وبارد مايصلح مع شخوة
دانة : صح ظبوي
سارة : ياا عادي مب شرط

في الفندق
مونت كارلو
فهد فتح عينة وشاف مها نايمة
فهد سحب يدة بشويش وراح جلس على كرسي البلكونة وحط يدة على وجهه
فهد بكل نددم ويكلم نفسة : ليييش يافهد ليش شلون تنسى نفسك ليش ماقدرت تسيطر على رغباتك شلون انت 100 بنت تعاملت معاها وكنت ثقيل شلون جدامها ظعفت اكييد مها بتعتقد اني احبها لييش يافهد
حس بيد على يدة
مها مسكت يدة وشلتهم : انت تعبان ؟
فهد توتر : لا
مها : شفيك ؟
فهد قام وراح للحمام : ولاشي
مها انحرجت
فهد بعد مدة بدل ملابسة وطلع من الفندق
مها وهي قاعدة على السرير ومتوترة ليش طلع بدون مايكلمها المفروض ان بعد الي صار يعاملها عدل وبحترام !
دخلت للحمام وبدلت وصلت وبعدها اتصلت على ظبية
ظبية تشوف مكالمة مها ردت بفرحة : هلا والله وغلا
مها بتوتر :هلا
ظبية خافت : مهوي شفيج صوتج متغير
مها بدت تصييح :هئئهئههئ
ظبية : مها شفيج فيكم شي ؟
مها وهي مستمرة في الصياح : هئهئهئ لا
ظبية : اشوا عيل شفيج تعبانة
مها وصوتها رايح : لا
ظبية خايفة : مهوي لاتخوفيني تكلمي
مها بصوت تعبا : فهد فهد عقب الي صار امس تغيير مادري شفيه يمكن انه ندم هئههئهئهئ
ظبية تحاول تستوعب : شصار امس وندم على شنو ؟
مها انحرجتتتت : اففف ظبوي يعني مثل الكل
ظبية تفكر مثل الكل ؟؟ وعقب فهمت الموضوع وشهقت :هاااا مهوي من صجج انتي تحبينة حتى لو انتي تحبية هوو شلون قدر يـــ ؟؟ اليوم ندم ! صج حقيييييير
مها : اي انا مادري ليش وعلى شنو حبيته بس امس هئئئئهئئ
ظبية محترق قلبها : شلون تحبينه الحقيير الوصخ
مها تشاهق : عاد صار ال صار لا تخليني اتحسف اكثر
ظبية تحاول تهديها : ذكري ربج اول شي مصار شي حرام هو ريلج ومردة بصير الي صار بس انتي متأكدة انه نادم ؟
مها : لا بس كلش ماكلمني وطلع من الفندق
ظبية في داخلها تسب وتلعن في فهد : يمكن عندة مشكلة في شغلة
مها : يمكن
ظبية تحاول تغير الموضوع : ماتدرررين اليوم ملجة شخوة
مها : صج !
ظبية :اي بتاخذ احمد اخوي
مها : الله يتمم عليهم
ظبية : ان شاء الله امين
مها تحاول تنسى موضوعها : الا ظبوي شخبار البزنس (جاسر)
ظبية بشوق : جعلني فداا اسمه بخيير
مها تضحك : هههههههه الله يغربل بليسج كل هاي وهو مايدري عن هوى دارج
ظبية سكتت شوي : مهوي ترا قلت له اني ظبية مب سارة
مها : ويي بعدين
ظبية : مادري بس انا شاكة انه يدري عني
مها : لا مستحيل
ظبية : صدقيني انا احساسي مايخيب
(وظلت المكالمة ساعتين )

يتبع