[لامارا]

مايد؛
سرت لشقه بحر والشباب زهقت ويا عمر هاك الراقد
كله رقاد رقاد وان قلت له ساعدني او اطبخ او شي
قال والله مافيني
يباله ططق هالولد يقهههر
طبعاً دخلوني الشقه وجفت بحر وزايد يلعبون بلايستيشن ومندمجين واايد مش وياي مول
حبيت اقعد ويا عبدالعزيز لانه يطالعهم وزهقان
انا/سلام عبدالعزيز
عبدالعزيز وقف وابتسم/حححي هالصوت ايلس ايلس وياي
انا-قعدت معاه على السرير-/شوه الا شخبارك ؟
عبدالعزيز/الحمدلله انته شلونك
انا -جان ودي اقول انه حاز بخاطري وايد بعد شما حتى صوتها ما اسمعه كان ودي افضفض لاني احس نفسي مكبوت بس قلت المفروض هالشي مايطلع لحد وسكت-/الحمدلله
عبدالعزيز/سمعت شو يقول زايد ..
انا -بحماس-/شوه
عبدالعزيز/يقول هالويكند بيسير يرد اخته تدرس يقول انه حس بالذنب يومنها قطعت دراستها ويبا يعدل غلطته وياها يوم راهن عليها.. مسجينه والله خسرت كل شي حتى دراستها انا شجعته ييبها
انا حسيت بألمي يقوى
شعور مش زين ابد انك تجوف اللي تحبه وتعشقه وتموت فيه يمشي من جدامك ويصدك حتى النظره ما يناظرك يوعفك بماضيك الحلو عسب جلمه بوقت غضب ..
صحيح اني فرحان انها بترد وبرد اجوفها بس...
وايد بتعذب يومني بجوفها كل يوم تصد وتبتعد عني
كنت اجوفها نادراً وتصد عني واطل اتألم ايام
كيف لو اهي كل يوم تصد؟
نزل بصري بخيبه وعبدالعزيز استغرب وحاول يغير السالفه بس كل شي رد لي كلامها وصدها
ووحده من المواقف اللي ما انساها
'
'
سرت للدكان بالصباح عسب اشتري لابويه جريده
كانت بالدكان وتتشرى لوحدها
وانا جفتها ولا انتبهت لي او بالاصح تجاهلتني
تجاهلتني بعد ما كنا احباب وكانت بينا ذكريات حلوه
حزت بخاطري واناظرتها تخلص
وخلصت وطلعت..
انا لحقتها بسرعه ومسكت ايدها
وقلت بنبره حزينه/شما..لحظه
ماصدت لي ولا قالت شي بس ايدها كانت ترجف
انا -بعتب-/جي تتجاهليني!! جي تصدين عني!! لهدرجه انا صرت شي منسي!!
صدت لي اخيرا ببطئ يعني مش كل ويهها
شما-نزلت دمعتها وقالت بهدوء عشان صوتها الباكي مايظهر-/انا..ولا انته اللي يصد ويتغلى ؟ لا وتتبلى علي! هدني مايد بحالي انا تعبانه حيل منك ومن كل العالم..
انا /بس انا احبج غصب عني مش بمزاجي تفهمين شو احبج!!
سحبت ايدها تدريجاً وسارت بخطوات بطيئه وحايره
وانا تميت اناديها بإحتياج
ولا ردت علي وودرتني بحزني واحتياجي لها
'
'
كل مافي قلبي الحين اني مشتاق لها وايد
ومشتاق لكلامها ومزحها
تذكرت كلام بحر في الاذاعه اليوم وشهقت
وسرت للنعل وتميت افرها عليه
وبحر يبتعد عنها كل مافريت وحده ولا ياته ولا وحده
انا -بصراخ-/ياااااا مسود الويه شووو سوويت اليوم بالاذااعه !!! مخبل انتتتته!! شو هالرمس الماااصخ
بحر -طالع فيني بثقه-/هم انته شو هالمصاخه توك تركت شما امس..هه ياي يعتابني احين
انا تركت جروحي من هالموضوع وانصدمت شلون تذكر شما شلون تذكر علاقتي فيها!!
كلنا طالعنا في بعض بفرحه
الدكتور قالي راح يتذكر الاشخاص بالبدايه وتدريجيا بترجع له قليل من الذكريات مو كلها
بس فرحت انها تحسنت حالته ونسيت كل شي وضميته بقوه والكل لحقني وضموه
هههههههه مستغرب ليش نحضنه
__________________________________
أثير؛
جلست بالصاله بعبايتي وحاسه بتعب وحر وقرف
وكل شعور سيء..
كنت متضايقه من احساس غريب سكني
ولا عارفه افسره ابد
ماله تفسير والله!!
كل اللي قدرت اسويه اني اسرح واتذكر كلام بحر
وش يقصد!!
اكيد انه يبغى يرفع ضغطي مو من جده
اه ياربي والاحراج...
كيف قدر يطلع للاذاعه ويأكد الخبر!!!!!
اوووف بجد احس بإحراج ومو متقبله الوضع
شفت جوالي يرن بأسم اروى
انا رديت بسرررعه الله ياخذها الهبله ماردت علي ولا عبرتني اليوم
انا -رديت بصراخ-/الوووو.. اروى يااكلبه ليتننني جنبك والله لاعطيكككك كفففف... كم لي اااددق عشششرين الف مرره
اروى/...
انا-بإستغراب-/اروى ؟هيه بنت بلاك
اروى-بكت وناحت وقعدت تصارخ-/كااااااييييد رااااااحح...
انا انفجعت وشو راااح وش ذاا الكلام
لا البنت انهبلت ولا وشش صااار لها!!
شوي وسكر الجوال مافيه شحن
لا حووول!!
تذكرت ان الشاحن بغرفتي انا وميساعوه
رحت بلا مبالاه وفتحت الباب وكنسلت خطتي الانتقاميه
شفتها جالسه على الارض وشكلها يضحك رميت عليها الشامبو وانا ميته ضحك
راحت بسرعه للحمام وبكل غضب..
بس رجعت طلعت عشان تطلع لها ملابس ومناشف
انا ماعطيتها اهتمام كأنها مو في الغرفه
دقيت على اروى وانا ميته خوف
ردت بسرعه وهي هلمانه بكاء
انا -بفجعه واضحه حتى ميساء التفتت لي -/اروى!!! وشششش فييييك قلقتينييي وشششش بك وش فيييه كاايييد!!
ميساء اكيد استغربت مين هو كايد !!
بس مو محتاجه ابرر لها...
قعدت بطفش انتظر اروى تخلص بكا يالله يا ذاا البنت دمعتهاا جااهزه وبعيونها ماذااقت اللي ذقته يوووه لو ذااقته بتعنفص بتموت
قعدت اطالع في ميساء اللي متصنمه تبغى تعرف شسالفه
انا عطيتها نظره يعني خيرر وش تبين!!
وهو ابتسمت وكتفت ايدها وسندت على الدولاب انا كنت بقوم
بس سمعت اروى تقول كلمه ما كاانت بالحسبااان كسرت كل حدود المعقول
اروى -بشهقه-/ك..كايد قتل رامي..رامممي مات... وكايد بالسجن خلاااص بيموووت "بكت بحرقه" انااا السسسبب انا اللي ضيعت الكل..
انا فتحت عيوني بصدمه وكل الكلام بفمي تبعثر بعيد ماعرفت اتكلم ثقل فمي مره وش تقول ذذذي!!
انا طليت اطالع للارض بصدمه وانا احاول ادخل المعلومه براسي
نطق فمي بثقل /ق..ق قتل!! رامي!! كيييف!!! بلا مصخره
اروئ/والله وررربي ما اتمصخررر من جججدي حتى ابوي راح الشرطه اتصلوا عليه..
انا انصدمت وعيت هالمعلومه تدخل عقلي
كاااايد يذبح اعز اخوياه كييييف!!! مستححححيييل
لااازم احححد يفهههمني مو اروى
انا سكرت ..وظليت اطالع جوالي بصدمه
ميساء-بتريقه-/حبيبج كايد قتل ؟ اوه ياحرام مش مصدقه
انا اصلاً بالقو اسمعها احس اتسدت اذني وانعميت من قوه الصدمه كييييف واللله مو مستوعبه!!
بسرعه اتصلت على جدي بتأكد من هالخبر
ولكنه مايرد
قلت بتصل على اريج
بس اكيد توها راجعه من الثانويه وراقده يوووه وش الدبره
اجلسس على عماااهاا يعني ؟
____________________________