(( الفصل الرابع ))
كان يوم الحفلة و الكل كان مبسوط ..
" اول عائلة وصلت كانت عائلة إلهام بس إلهام والبنات ما كانوا مع أهاليهم راحوا عالصالون لأنهم ملكات الحفل رح يصيرون .. طبعا ام الهام جت الحفل لان رائد كلمها و ترجاها انها تتواجد عشان خاطر الهام .."
خالد ( بالفرنسي لأمه ) بعد الترجمة : مام كيف ستتحدثين مع الضيوف و أنتي لا تتقنين العربية ؟
ام خالد : سأصمت كالعادة لا تقلق علي ..
خالد : حسناً كما تشائين ..
" طلع خالد جواله و دق على إبراهيم "
خالد : السلام برهوم وش اخبارك ؟
إبراهيم : الحمدلله أنا زين و أنت ..
خالد : كلو تمام رح تجي ع الحفل صح ؟
إبراهيم : والله ما ادري ..
خالد : أش اللي ما تدري .. هذا ليان من قبل بشهر كلمتك عشان تاخذ إجازة و تجي و اللحين تقول ما ادري ..
إبراهيم : اش اسوي ياخي أمس وصلت و احس اني تعبان من السفر و مهموم لأني ماني بمطول هنا بالسعودية يومين وراجع بس والله لو ما اصرت علي ليان اني اجي كان ما جيت ..
خالد : معناها تعال ..اذا انت ما رح تجي كان و لا جيت من كندا اصلاً ..
إبراهيم : خلاص اوكي ساعة بالكثير و اكون عندك عشان خاطر ليون بس ..
خالد : أي و انا ما لي خاطر هاا ..؟ بس يلا تمون ..
إبراهيم : هههههههه لا ياخي مو كذا .. يلا انا اللحين جاي و رح اراضيك ..
خالد : ههههه طيب ابي رضوه زينه .. استناك ..
" بعدها بدقايق وصلوا اهل شهد و هديل جوا مع بعض "
خالد : حيا الله ابو بدر ( اللي هو ابو هديل ) و ابو وليد ( اللي هو ابو شهد ) اش اخباركم و اش اخبار عيالكم ..؟
ابو بدر ( هديل ) : عيالنا !! اللي بالرياض يدرس و الثاني ببريطانيا ..
ابو وليد ( شهد ) : يا خوي يا ابو بدر عالأقل انت تقدر تروح للرياض قريبه تقدر تشوف ولدك متى ما بغيت بس أنا ولدي ببريطانيا بعيده ..
خالد : يلا يا ابو وليد هانت باقي له سنة حتى اخوي رائد معه و انت تدري ..
أبو بدر : صحيح .. إلا وينه ابوك يا خالد ؟
خالد : جاي اللحين .. هاه هذا هو جا .. يلا انا اخليكم وبروح اتمشى ..
" خالد راح عالحديقة تبع الشاليه يتمشى و خطر بباله يدق على اخته إلهام يسألها متى رح تجي وده يشوف شهد .."
خالد : ألو هلا وينكم تأخرتوا.. ؟
إلهام : ما تأخرنا و لا شي بس انت اللي مستعجل يلا هذا احنا طالعين يعني كلها نص ساعة ان شاء الله و نكون عندكم اوكي ..
خالد : طيب يلا استناك ..
إلهام : هههههه تستناني و لا تستناها ؟
خالد : هههههههاي ضحكتيني اش لك علاقة انتي ؟
إلهام : يلا اللحين باي .. بعدين نتفاهم ههههه...
" سكرت منه و شهد عرفت انه هو بس تبي تتفلسف .."
شهد : مين تكلمين ؟ إذا ما فيها احراج يعني ..
إلهام : لا ما فيها اية احراج هذا يا الذربه خالد اخوي يقول اننا تأخرنا يعني انه قلقان .. و هذا الشي يهمك ..
شهد : اش قصدك بيهمني ..
إلهام : لا و لا شي مع الوقت رح تفهمين تصدقين انتي طالعه قمر اليوم ..
شهد : ضيعي السالفة بس ..
إلهام : ههههههههه لا والله من جد انتي قمر ..
شهد : بس اكيد مو احلى منك صدقيني ..
ليان : هيه انتو يلا خل نروح تأخرنا ..
إلهام : أي يلا احنا خلصنا ..
هديل : لهو هذا شاليهكم بعيد ؟
إلهام : لا مو ذاك البعد نص ساعة و نوصل ..
-------------------------
" وصلوا الشاليه و بهذا الوقت وصل إبراهيم نزلوا البنات و ادخلوا الشاليه .. و عند البوابة ......."
إلهام : يوووووه .. نسيت شنطتي اش فيني انا اليوم ما فيني تركيز ما ادري ليه احسني متوتره ..
ليان : هههههه شيء طبيعي دام الانظار كلها بتجي عليك .. بس يلا روحي واحنا نستناك داخل ..
إلهام : هههههه ايه تغزلي هذا اللي شاطره فيه ..
ليان : ههههههههههههه اقول يلا لا تصدقين عمرك ..
" طلعت إلهام و كانت تركض للسيارة مستعجله فتحت السيارة و اخذت الشنطة ويوم لفت شافته ايييه شافت ابراهيم و عينها جت بعينه قام قلبها يدق و يخفق و ايما خفقان و كأنه بيطلع من محله لأول مره تشوفه و لحالها و ما في احد حولهم حست بتوتر شديد من شدته قامت ترجف و وقفت اطالعه هو انتبه عليها و شافها بس ما اهتم ابد و راح و دخل و لا كأنه صار شي .. "
" وقتها إلهام حست بشي مزعج شي ما ينوصف حتى نظره ما عطاها مشى و ببرودة أعصاب حست إلهام انها انجرحت قبل لا تحبه و حست انها عاشت بوهم و سراب و انها كانت تكذب على نفسها حست بحزن بقلبها و ما تدري ليه مع انها ما شافته غير مرة وحده بس لكن مع ذلك حسته دخل قلبها بسرعة هي شافت شباب كثير بحياتها بس هو تحسه غير لكنها بذيك اللحظة قررت انها تكرهه .. و ياله من كره .."
" دخلوا البنات الشاليه و سلموا على اهاليهم وقعدوا ينتظرون إلهام .. جت إلهام والحزن يملى عيونها بعد ما كانت مبسوطة مررره انقلب حالها ما كأنها البنت اللي تركوها عند البوابة لكن يوم دخلت الكل قام يطالع فيها ادهشهم جمالها و شعرها الأشقر و فستانها التركواز مع عيونه الزرقة كانت تشكل لوحة فنية رائعة لكنها ما اهتمت لنظرة أي احد هي في ايش و لا ايش .. سلمت على الضيوف و بدا الحفل بأغاني النجاح و جابوا الكيكه و كان مكتوب عليها مبروك النجاح لشلة بنات الشرقية .."
هديل سألت : اشلون دريتوا ان شلتنا اسمها شلة بنات الشرقية ؟
أم ليان ردت : حبيبتي ليون ما تخبي شي عني هي قالت لي و انا كتبت الاسم .. حلوه المفاجأة ..؟
هديل : تجنن المفاجأة تسلم ايدينك يا خالتي ..
أم ليان : الله يسلمك حبيبتي و يخليكم لي و لليان يا بناتي الحلوات ..
--------------------
ليان : لهو اش فيك من يوم جيتي ما انتي بعلى بعضك ؟
إلهام : لا ما فيني شي بس تعكر مزاجي شوي .. لا تسأليني ليه لانو ما عندي رد لك ابد بليز خليني لا تسأليني عن شي ..
ليان : اوكي براحتك بس ما لازم تعكرين مزاجك لان هذا احلى يوم تدرين حتى شهد هاليومين مو على بعضها انتي و ياها ما ادري اش بلاكم ..
إلهام : لا تخافين شهد انا اعرف وش فيها اعرف بلاها هو نفس بلاي .. اللحين باخذها و بنتمشى برى و بنتكلم سوا اذا ما عندك مانع ..
ليان : لا ليش امانع اذا انتي حابه تخبين علي معليش بس اكيد بيجي يوم و بتعلميني و أنا متأكده من هالشي ..
إلهام : أكيد بعلمك و مشكوره لأنك تفهمتيني ..
ليان : لا ما سويت شي .. يلا روحي .. اهم شي راحتك ..
إلهام: يا حياتي الله يخليك لي ..
--------------------------
" إلهام راحت لشهد السرحانه اللي كله تفكر .. تبي إلهام تطلع مع شهد و تصارحها و يصارحون بعض .."
إلهام : شهد اش رايك نطلع برى الحديقة نتمشى شوي ؟
شهد : طيب بس خليني البس عباتي و اجي ..
إلهام : من صدقك انتي ما في داعي للعباه امشي بس ..
شهد : و الله أخاف يشوفنا احد ..
إلهام : و إذا .. خليهم يشوفون .. خلصيني امشي ابيك بسالفه مهمه ..
شهد : وشو اللي و إذا ؟ انا ماني بايعه عمري ..
إلهام : لااا حول لا اطولينها .. انا اضمن لك ما احد بيشوفنا ..
شهد : بذمتك اجل ..
إلهام : خلصيني امشي بس ..
" يوم جوا بيطلعون صكت إلهام بعمة ليان ام إبراهيم .. "
إلهام : آسفة خالتي ما شفتك ..
ام إبراهيم : لا حبيبتي و لا يهمك ( قامت ام إبراهيم تناظر بعيون إلهام ) .. إلا بقول عيونك زرقة طبيعي ولا انتي حاطه عدسات ؟
إلهام : لا خالتي طبيعي ..
ام إبراهيم : ما شاء الله عيونك تجنن ( ليكون هي هذي البنت اللي ولدي كله يحلم بعيونها .. ليش لأ يا ليتها تكون من نصيبه تهبل ما شاء الله عليها ) ..
إلهام : طيب خالتي بغيتي مني شي ثاني انا طالعة ..
ام إبراهيم : لا حبيبتي تسلمين ..
إلهام : الله يسلمك ..
" طلعوا إلهام و شهد عالحديقة و بنفس الوقت كان خالد و إبراهيم يتمشون "
إلهام : شوشو انتي في وراك قصة و قصة كبيرة بعد قولي لي عشان انا بعد اقولك قصتي لاني بعد عندي قصة ..
شهد : لا ما في أي قصة و حتى لو في ما اقدر اقول صعب اقولك ..
إلهام : بس خلاص لا تقولين انا فهمت كل شي..
شهد : اش فهمتي ؟
إلهام : فهمت انك تحبين اخوي عاد ما ادري هو حب هو اعجاب ما ادري بس احب اقولك شي ترى حتى اخوي يبادلك نفس الإحساس صح كلامي و لا لا ؟ لا تخبين علي انا اختك وصديقتك ما فيها شي اذا حبيتي لا هو بعيب و لا حرام كلامي صح ؟
شهد ( بتردد ) : ...... أي صح بس لا تعلمين اخوك ما ابيه يدري بشي ما تدرين يمكن ماله نصيب فيني أو انا مالي نصيب فيه خليها للقدر ..
إلهام : كنت عارفه و لا تخافين ما رح اقوله حسيت بكل شي اصلاً من البداية كلام اخوي وسرحانك لما تشوفينه واضحه ..
شهد : هو قالك شي ؟
إلهام : مو بالضبط بس من حركاته مبين مو من البداية انا قلت لك سألني عن اسمك تذكرينه ذاك اليوم يوم شافك اكيد ذاب بعيونك ..
شهد : ههههههههههه خجلتيني بس ما قلتي لي اش قصتك ؟ .. انتي وعدتيني تقولي لي ..
إلهام : أي قصتي نفس قصتك بس قصتك أحلى ما قدرت أقولها لليان لان في شي من القصة يتعلق فيها .. أنا يمكن حبيت شخص لكن ماني متأكدة من احساسي تجاهه شفته مرة وحده بالكافية هو صديق اخوي اخوي شافه و راح له و قال لي عن اسمه هههههه و بجرأة سألت اخوي اذا كان خويه هذا خاطب او عنده حبيبه ما طلع لا ذي و لا ذي بقولك من هو تعرفين ولد عمة ليان ولدعمتها سعاد اللي اسمه إبراهيم اللي يدرس بكندا حكت لنا ليان عنه مره ..
شهد : أي تذكرته بس و لا مره شفته ..
إلهام : أي هذا هو مرررره يهبل حسيت بإحساس غريب و حلو بنفس الوقت يوم شفته .. لاول مره بحياتي احس بهالإحساس يمكن نفس احساسك يوم شافك اخوي .. و من بعدها ما عاد شفته إلين اليوم .. هو جا الحفل شفتي يوم طلعت اخذ شنطتي من السيارة ..؟
شهد : أيه .. اش صار ؟ لا تقولين انك شفتيه مصادفه ؟
إلهام : بالضبط كذا شفته مصادفه و طالعته و هو لف و شافني بعدين راح اش أقولك يعني شافني و ما شافني ما اهتم ابد جرحني كثير مع اني ما احبه او باالأصح ماني متأكده من حبي له ..
شهد : اش تبينه يعني يقعد يطالعك ؟ بالعكس مفروض تفرحين بهالشي يعني مبين انه محترم و ما يطالع بنات ..
" بهاللحظة طلعوا إبراهيم و خالد قدامهم و هما ما كانوا لابسين عباياتهم .. و قفوا أربعتهم دقيقة باندهاش يطالعون بعض خالد كان يطالع شهد ذاب بجمالها و إبراهيم على طول عينه جت بعين إلهام ( و قال بقلبه يا زين هالعيون ملكتني من قبل لا اشوفها تشبه ......) ساعتها تذكر هالعيون شافها اول مره يوم ركب معهم بالسيارة و بعدين صار يشوفها بمنامه و شاف انها اجمل بنت يشوفها بحياته على كثر بنات كندا لكن ولا وحده منهم تجي نص جمال إلهام بس إبراهيم تدارك نفسه و صد وجهه على طول و اعتذر و مسك خالد وراح "
إلهام ( تنهدت تنهيدة قوية و قالت ) : شفتيه يا شهد طالعني جت عينه بعيني شوشو انا احس باحساس حلو ذبت انا خلاص ..
شهد : ما شفتي اخوك ما شال عينه عني ابد يا ويلي عليه ..
" وصحوا على انفسهم و قاموا يتهاوشون "
شهد : يووووه أنا اش قاعده اقول .. لهو شفتي أنا مو قلت لك خلينا نلبس عباياتنا ..
إلهام : لا زين اننا ما لبسناها ..
شهد : وش تقولين انتي الظاهر الصدمة مأثرة عليك اصحي .. يا فشيلتي بس و ين اودي وجهي شافوني رجال غرب ..
إلهام : يا الله يا شهد خليني اعيش اللحظة ما صار شي إذا على اخوي خالد هههه فهذي مو اول مره يشوفك فيها و إذا على برهوم فهو ما طالعك اصلاً خلاص اللي صار صار بس ما نبي نعلم احد ..
شهد : ياربي اللهم لا تؤاخذني استغفرك يا رب .. كله منك يا لهوووو ..
يتببببببببببببببببع
|