[لامارا]

البارت الثامن

في القصر
الساعة 2 ظهر
مها نزلت للحديقة تستنشق هواء نظيف وتسترخي بعد التعب الي مرت فيه ووصلت لقناعة انها هي الغلطانة لانها ماكان المفروض تحبه
هينا : هل ستظلين هنا كثيرا؟
مها تبتسم : اذهبي اريد الجلوس وحدي
هينا : حسنا
مها قامت وراحت صوب البحيرة الصغير وقعدت على الارض تشوفها : ههههه والله زماان من الفقر الي كنت عايشة فيه لين القصر هههه وبحيرة خاصة لبيتي ههههههه والغريب في الموضوع اني كنت فرحانة اكثر بعيشة الفقر ولما جيت هاي القصر ماحصلت الا الكئابة
ظلت يمكن ساعة تتأمل البحيرة وبعدين قامت ورجعت للقصر
ولما دخلت لفت انتباها البنت الي كانت قاعدة في الصالون ولما دققت فيها
مها تنكدت اكثر قربت صوبها : سديم !
سديم قامت وابتسمت لمها بسخرية : اي سديم ليش مستغربة
مها تشوفها بحتقار : انتي ماتستحين تدخلين بيت ريال غريب عليج؟!
سديم تبتسم بنتصار : هههههه حبيبتي هذا مب ريال غريب هذا قصر خطيبي وراح يكون زوجي الاسبوع الياي
مها كأن حد معطها طراق على ويها وتمت ساكتة يمكن دقيقتين وبعدها قالت بصوت واطي : مبروك
سديم تشوفها ولايعه جبدها منها : قولي لي مبروك في اليوم الي تطلعين منه من هني
مها بتسمت بنكسااااار وعينها تلمع من الدموع المتيمعة فيها : يصير خير
وطلعت وصعدت الدري
فهد كان نازل
مها شافته :فهد
فهد لف عليها ومافي اي تعبير في ويهه :نعم
مها بصوت مرجوج والبحة باينة فيه : مبروك
فهد قرب منها وقال لها : بظلين انتي زوجتي الاولى ولج كل احترام
مها صدت عنه : روح لها يافهد مافي داعي حق هاي الكلام
فهد قعد يشوف حالتها ولاحظ شقد هي متغيرة : مها ارجوج انتي عارفة من البداية ان زواجنا كان صوريــ
مها تقاطعة وبحرة في قلبها تحاول تخفيها : فهد لوسمحت لاتعيد هاي الكلام مابي اسمع ولا كلمة كافي يافهد ولا تنسى انك انت الي خليت هذا الزواج الصوري يكون زواج حقيقي
وراحت تركض لجناحها
فهد تأفف ونزل لسديم :افففففف
اول ماوصل للصالون : السلام عليكم
سديم تبتسم : وعليكم السلام
فهد بدون نفس : ليش جاية ؟ لاتنسين ان احنا لحد الحين ما ملجنا
سديم بدلع ماصخ : يووه عاد فهودي كنت متمللة في الشغل وقلت اجي اقعد معاك شوي
فهد راح وجلس بالكرسي الي مقابها : بس الي تسوينة غلط مايصير تجين عندي وانت لحد الحين ماصرتي زوجتي
سديم تسوي نفسها زعلانة : يوووة عاد لا تسوي فيها انك متمسك بالعادات والتقاليد
فهد يبتسم : ازين خلينا من هاي الكلام جهزتي نفسج للعرس
سديم تصطنع الخجل : اي
فهد ابتسم : احنا على وعدنا مافي عرس بس حفلة صغيرة في القصر
سديم : اهم شي ان نتزوج ما تهمني الحفلات
فهد الي في داخلة مب عارف ليش اقدم على هاي الخطوة ومب عارف ليش يتزوج مرة ثانية بس الي عارفة ان صعب علية يشوف مها كزوجة مرة ثانية : خلاص عيل حبيبتي اشوفج بعد اسبوع
سديم : يوووه توك جاي اقعد معاي شوي
فهد يصطنع الابتسامة : ماعليش مشغول شوي
سديم قامت وراحت للباب : باي حياتي
فهد بدون نفس : باي
وطلع للجناح مرة ثانية بس في طريقة جالة فضول انه يشوف مها
قرب صوب جناحها وتلفت يمين ويسار يبي يتأكد اذا في خدم ولا لا وبعدين قرب اذنة صوب الباب وحاول يسمع بس ماسمع شي
هينا : هل هناك شي يا سيدي ؟
فهد انحرج ووخر عن الباب : لا لكن كنت اريد ان اتأكد اذا كانت مها نائمة ام لا
هينا تفتح الباب : تفضل انها في الصالة
فهد : لالا شكرا سأتحدث معها لاحقا
هينا تهز راسها : حسنا
فهد : لاتقولي لها اني كنت هنا
هينا تبتسم : حسنا
فهد رجع للجناح
وراح لسريرة وجلس يفكر في الي قاعد يصير
فهد يكلم نفسه : انا ليش خطبت سديم ؟ ليش حاب اتزوج على مها ؟ انا اصلا ماكنت حاب اتزوج بتاتاً ولحين بيصير عندي زوجتين ههههه بس سديم غير ممكن اعتبرها زوجة اولاً : قريبة من عمري عمرها 30 سنه عكس مها عمرها 18! ثانيا : سديم عارفة كل قواعد الاتكيت وتقد تحظر معاي كل الاجتماعات ثالثاً: سديم بنت جدا جذابة عكس مها الي وجها طفولي وفوق هذا كله تشابه مها الثانية وهاي اصعب شي علي
وظل يقنع نفسه بزواجة من سديم لحد مانام

في مطار حمد الدولي
المذياع : للمسافرين رحلة رقم 394 المتجهة الي مصر التوجة الي البوابة رقم 10
بو احمد : يلا يابنات مشينا
ومشوا كلهم
في الطيارة
تقريبا العيلة كانت مستحوذة درجة البزنس
الي كان فيها 12 كرسي وهم ماخذين 8 كراسي هههههه
على جنب اليسار جنب الدريشة كانت سارة وجنبها شيخة
وفي الوسط كان جاسر وجنبة احمد
وعلى اليمين بواحمد زوجتة
وخلف سارة وشيخة كانوا دانة جمب الشباك وظبية جنبها
(اتمنى اني وصلت لكم الصورة عدل لان من المهم انكم تعرفون طريقة جلوسهم لانها متعلق بالاحداث الجاية )
يعني ظبية كانت تقدر تشوف جاسر جدامها
المهم
اول ماطارت الطيارة
ظبية شالت لثمتها وحطته في الكرسي وقعدت تسولف مع دانة
دانة تشوف الدريشة : الله قطر حلوة من فوق
ظبية : هههههه حمدالله والشكر اول مرة تركبين طيارة ؟
دانة : لا بس كل مرة يعجبني المنظر
ظبية بصوت عالي شوي :ههههههههههههههههههههه
جاسر لف عليها وهو معصب وخزها بنظرات بمعنى سكتي
ظبية ولا كأنها شافتة : اقول دانوة
دانة الي عيونها لين الحين برا : خير
ظبية بتملق وقاصدة تحر دانة : مافي اي حدث يديد مع سواقج الهندي هههههههه
دانة تصطنع العصبية : جب جب زييين
ظبية تشوفها بتشوق : خاطري اشوفه من كثر مايمدحونة
دانة بهيااام تااام وبكل اعجاب : ااااه ياظبوي لو تشوفينة اطحين من طولج
ظبية ماقدرت تمسك نفسها :ههههههههههههههههههههه
جاسر يكلم احمد : بطني ذانحني من الاكل الي كلناه
احمد :ههههه روح الحمام زين
جاسر وهاي هو مقصدة انه يمثل انه يبي الحمام : اي الي جدامنا مسكر بروح ورا
احمد : روح تستأذن مني يعني
جاسر حس بنصر راح صوب ظبية ودنع عليهم ويتكلم من بين اسنانة وبعصبية : سمعي ياظبوي ان سمعتج تضحكين ثاني مرة ماتلومين الا نفسج فاهمة
ظبية لحد الحين زعلانة منه من موقف السيارة :......
جاسر زادت عصبيتة : وجع ان شاء الله لما اكلمج تردين
ظبية رفعت ويها صوبه وبكل قوة جات عندها : مالك حق علي وروح من جدامي قبل ماخلي ابوي يسنعك
جاسر حس ان الدم يقلي في جسم وراسة بيطيش من العصبية : والله ثم والله ان ماحشمتيي نفسج لا اسنعج في نص الطيارة ولا يهمني ولا ابوج ولا اخوج فاهمة
ظبية خافت من قلب اول مرة تشوفة جي هزت راسها
جاسر رجع مكانة وقعد
احمد : شخبار بطنك
جاسر لحد الحين مفور : بطني يبلة ضرب سنه بساعة
احمد مافهم قصده وصد عنه ويحاول ينام
دانة تكلم ظبية : اووه اوه من قدج حبيب القلب يغاار
ظبية لفت عليها : جب يحمارة شنو يغار ويا ويهج وبعدين شنو حبيب القلب هاذي
دانة بجدية : ظبوي مافي داعي تخشين علي انا عارفة كل شي
ظبية تستسلم لاختها ودموعها نزلت : دانوة تدرين انه درا اني احبة وقعد يحرجني في السيارة وانا مت مت من الحيا والحين بعد ياي يهاوشنا انا شسويت له ليش يكرهني ؟
دانة انصدمت من ظبية ولمتها بسرعة : ظبوي حبيبتي ولا تحطين في بالج تراه هو الخسران اذا ماعرف قيمتج
ظبية دموعها تنزل بدون ماتوقف : بس دانوة انا والله احبة ماعرف شاسوي ادري انه مايصير وكان المفروض ماحس بأي شعور اتجاهه بس غصب عني
دانة : الحب شي مب في يدنا هو يدخل قلوبنا من غير ما يطق الباب حبيبتي انتي لا تفكرين وايد وصدقيني جاسر ماعصب الا وهو يحس انج شي مهم بالنسبة له ولو يكرهج مثل ماتقولين جان ماهميته ضحكتي ولا بجيتي
ظبية تحاول تمسك نفسها : لا هو بس يبي ينرفزني بأي طريقة
دانة تبتسم : صدقيني ماسوا جي الا لانج مهمة بالنسبة له

من ناحية جاسر كان معصب وكان يدور السماعات عشان يسمع له اغنية تروق له اعصابة وهو يركب السماعة طاحت من يده ولمى دنع عشان ياخذها لمح ظبية وشافها تصيح ودانة ماسكتها
جاسر خذ السماعة ورجع لكرسيه وهو يحس بضيق في صدرة ...ركب السماعة وقعد يدور له اغنية وبعدين شغل اغنية (احب جرحك)ماجد المهندس
واول ماسمع مطلع الاغنية جر السماعات من اذنة وهو يحس بحرورة في جسمة ونقزة في قلبة
مقطع الاغنية
احب جرحك لو مدى الجرح ماكن
للجرح بعض احيان تأثير عكسي
ما هو بعيب احب نفسي ولكن
وشلون بديتك على حب نفسي
احمد حس بحركة جاسر القوية : شفييك قر في مكانك
جاسر هو يحس بخنقة وظيقة : اففف حران
احمد وكان متلحف بغطا الطيارة : انت ينيت اي حر الجو مثلج
جاسر وهو يحس انه يبي يدخن : احمد مشتهي زقارة
احمد يضحك :هههههه يود عمرك لين نوصل
وبعد ساعتين ونص وصلوا مصر
وطلعوا من المطار وراحوا الفندق
(سميراميس)
طبعا الكل راح لغرفتة
توزيع الغرف
شيخة وظيبة في غرفة ودانة وسارة في غرفة وبينهم باب
وبواحمد وزوجتة خذوا لهم سويت
وجاسر و احمد في غرفة مقابلة غرفة البنات
على الساعة 6 طلعوا البنات معاهم جاسر واحمد وراحوا السينما
دخلوا فلم ( عمر وسلمى 3 )
البنات كلهم مستانسين على الفلم
عكس احمد الي من دخل الفلم نام على طول
وجاسر ههه مسكين طول الفلم وهو يشوف ظبية جدامة تبتسم وتضحك وتاكل ببكورن وسرحان فيها وهو يحس بشعور غريب يجذبه لها
ظبية لفت تبي تكلم احمد وشافت جاسر يشوفها
جاسر لما لفت صد على طول وانحرج
ظبية تمت تسب نفسها على غبائها يوم نست اللثمة في الطيارة رغم ان ابوها وجاسر كان عادي عندهم انها ماتغطي ويها لانهم في مصر
ظبية تكلم شيخة بصوت واطي : اخوج بينني
شيخة مستغربة : ليش اشسوى ؟
ظبية بنعومة : مرة يخليني اتحسف اني حبيتة ومرة يخليني احبه اكثر واكثر
شيخة تبي تصيد ظبية : والحين تحسفتي ولا حبيتيه اكثر
ظبية بهيام : اكثر واكثر
شيخة :ههههههههههههههههه ليش ؟
ظبية :مادري شكلة كان يشوفنا ولما لفت صد فديتة يهبببل استحى اني مب متغشية
شيخة صج ماتت ضحك بس حطت يدها على حلجها عشان مايسمعونا : ههههه هاااا والله انج خفيفة في الفندق كنت زعلانة عليه لانه هاوشج والحين ميته عليه ههههههه مادري شجايفة فيه ؟
ظبية : حياااتي كل شي فيه حلوو
شيخة : استحي يابنت عيييب انا زوجي قاعد وراي وماتغزلت فيه وانتي قاعدة تغزلين في اخوي عيييب يابنت خيللي
ظبية صج انحرجت وويها قلب الوان : شخووة عااد خلاص جب
شيخة فرحانة بحب ظبية لجاسر : ياحظة اخووي في وحده تحبه ومينونة فيه
ظبية تبي تحرج شيخة وحدة بوحدة : ويحظ اخوي مرتة تحاول انها تلفت انتباهه وتعجبة بأي طريقة
شيخة : شدخل شسويت انا ؟
ظبية : ههههه مافي داعي تسوين يبين في حركاتج جدامة
شيخة انحرجججت : جب على الاقل هاي زوجي مو مثل بعض الناس
ظبية حز في خاطرها كلام شيخة : طالعي طالعي الفلم

في قطر
الساعة 7 بالليل
بيت بو محمد
الجدة : اقول مها
العمة مها الي لحد الحين مكتأبة بعد ما شافت الشيخ راشد على التلفزيون:هلا
الجدة تبي تونس بنتها : ليش ماتخلصين دراسة وتاخذين هاذي الشهادة الي تخليج دكتورة
العمة مها :ههههههه قصدج شهادة الدكتوراة
الجدة : اي ليش ما تخذينها
العمة مها بجدية : والله فكر بس خايفة اقول لبو محمد انتي تدرين انه يالله يالله وافق اني اكمل الماجستير
الجدة بعصبية : انتي ماعليج منه انا اكلمة
العمة مها بفرحة وحزن في نفس الوقت : يعني برجع فرنسا
الجدة لاحظت حزنها : ليش فرنسا ؟ لازم تاخذينها من هناك ؟
العمة مها : لا مب شرط بس انا ادل كل شي هناك ومتعودة على المكان
الجدة مها : خلاص عيل اكمل بومحمد اليوم
العمة مها : زين
دخل ريان : السلام عليكم
الكل : وعليكم السلام
ريان كان شكلة تعبان
العمة مها : شفيك ؟ شكلك تعبان
ريان : لا بس الشغل هد حيلي
الجدة وتضربة بالعصا : احين لو انك متزوج مثلك مثل باقي الشباب جان الحين مرتك قاعدة تهمزك ودلعك
ريان يمسح علي يدة : ااااح يديدة على قولتج ريال شكبرني تضربيني بالعصا لييييش ؟
الجدة : احسسسن عساه يعورك
العمة مها بجدية : عاااد تصدق في ملجة احمد رفيجك شفت بنت مشاء الله عليها قمر قمر
ريان تذكر دانة وابتسم
العمة شافت ابتسامته : هاا اخطبها ؟
ريان :ههههههههههه اي تخطبينها بعدين بعدين يصير خير
العمة مها : بس يا ريان يمكن تروح منك البنت قمر واكيد بيونها خطاطيب وايد
ريان : يعني بتكون مب من نصيبي الي كاتبة الله بيصير
وقام عنهم وطلع للحديقة وقعد يفكر في دانة
شوي ورن جوالة
ريان : الو
بو احمد : الو هلا ريان
ريان : يا هلا
بو احمد : اسمع ياريان ابيك تقول للعمال يجهزون الغرفة الي مقابلة مكتبك
ريان : ان شاء الله بس ممكن اسأل ليش
بو احمد : بنيتي دانة حابة تتعلم الشغل
ريان حس بفرحة لما عرف ان دانة راح تكون جدامة في الشغل : من بكرا يكون جاهز

في بيت علي
نورة كانت قاعدة تشوف مسلسل ساهر الليل 2 ومندمجة في مو كأنة شايفته في رمضان ..وخلصت الحلقة
نورة : لاااااا اففف الحين شباسوي
وقامت للمطبخ تسوي لها عشاء ..فتحت الثلاجة وخذت لها مرتدلا وسوت لها سندوش وهو راجع الصالة حست بحركة في المطبخ ..رجعت وطلت شافت الثلاجة مفتوحة وباب المطبخ الخارجي مفتوح ...خافت بسرعة سكرت الباب وقفلتة وسكرت باب الثلاجة وراحت الصالة....ومااااات من الروع يوم شافت باب الصالة مفتوح والتلفزيون مأخوذ
قطت الصحن من يدها وراحت تركض الدار وقفلت الباب وراحت تدور جوالها وتذكرت انه كان في الصالة واستخفت ماتعرف شتسوي ماتقدر تطلع خايفة ان الحرامي يمسكها ...وتمت حابسة نفسها في الحمام وتصيح مثل المينونة وماسكة حلجها خايفة ان الحرامي يسمعها وتمت ترتجف وتصيح
بعد ثلاث ساعات
الساعة 10 رجع علي البيت
ولاحظ ان باب مفتوح دخل وهو خايف ...وحس ان روحة بتطلع لمى شاف الصحن منكسر على الارض والاكل منتثر والتلفزيون في الصالة محد
راح يركض مثل المينون ويصارخ : نووووورة نووووورة
وصل الدار وشافها مقفولة : نوووووورة فتحي البااب انتي داخل نوووورة
نورة سمعت صوت على وقامت تركض وفتحت الباب
ونقزت على علي ولمته بقوووووة وهو ترتجف بشكل مب طبعي وتصيح مثل اليهال :هههئهئهااااا حرااااامي دخل البــيــــت ههئهئهئهئ
علي مسكها بقووة ولمها بقوة على صدرة : خلاص لا تخافين انا هني
نورة تشاهق :هئ هئ هئ هاا لا انا خايفة مابي اقعد هنيي ماااااابيييييي
علي يحب راسها : وين تبين تروحين في هاي الليل ؟
نورة : هههئئ مادري بس مابي اقعد هني هئئئ
علي يروح صوب الباب: خلاص انا بطلع بأكد لج انه راح
نورة صارت مينووونة وصرخت وراحت صوبة وجرت يدة : لاااااااااااااا لا تطلع ارجووووك تكفى ههههئهئهئه لالا تطلع لاتخليني بروحييييي هئهئهئ
علي راح ولمها بقوة ويحب راسها وخدها وكتوفها : خلاص اهدي مب طالع خلاص بقعد معاج بس لا تصحين
نورة لمتة بقوة كأنها خايفة انه بيروح : لا تطلع
علي يحس بجسمة شاااااب مثل النااار وقلبة وصل المريخ ورجع : مب طالع والله مب طالع بس لا تصيحين خلاص
نورة بدت تهدى ووخرت عنه : ازين شبنسوي الحين
علي بكلم الدورية يجون يحققون واحنا بنروح نقعد في فندق
نورة تهز راسها بعلامة نعم : اي مابي اقعد هني
علي : خلاص الي تبينة بسوية يلا حطي لج ولي ثياب في الشنطة وبنطلع اول مايجون الشرطة
نورة : اوكي
وبعد 10 دقايق جو الشرطة وقعد يتكلم معاهم علي
وبعدها طلعوا وتركوا الشرطة في البيت

علي بيي يلطف الجو : اي فندق تبين ؟
نورة لحد الحين خايفة : مادري كيفك
علي : خلاص بوديج الردز يمدحون مخداتة
نورة ابتسمت
علي : اي ابتسمي خلاص الحرامي ان شاء الله مايجي الصبح الا وربعي ماسكينه
نورة : اوكي
ووصلوا الفندق وحجز سويت وطلعوا
اول مادخلوا
علي يبي يفرحها : نورتي الفندق بنورج
نورة ابتسمت
علي : تبين تتعشين ؟
نورة : لا
علي : لا لازم تاكلين
نورة بتعب : والله مالي نفس
علي : تبين تنامين ؟
نورة بتعب : اي
علي : عيل روحي نامي انا بقعد هني
نورة برتباك : علي
علي ذاااب يوم سمع اسمة على لسانها : نعم
نورة مستحية : ماعلية تقعد احذاي لين ارقد
علي :ههههههه لحد الحين خايفة
نورة منحرجة منه : اي
علي : اوكي
وقام معاها
نورة دخلت وفتحت الشنطة وظهرت لها قميص نوم وراحت الحمام تبدل
على قعد على السرير وشغل التلفزيون
طلعت نورة
علي شافها وحس ان عينونة بطيح لما شافها لابسة قميص نوم بحري لحد الفخذ وله حاشية دانتيل ابيض وعلى الصدر بعد
نورة مسكينة من الروع الي كان فيها ما نتبهت وهي تحط الثياب وحط الثياب الي جابتهم عمتها لها

نورة كان ويها ممحر من الفشيلة بسرعة اندعست تحت السرير عشان مايشوفها علي
علي قمض عيونة وهو يحاول يهدئ نفسة خلاص مب قادر على العذاب هي وهي بعيدة كانت تعذبة كل يوم شلون وهي قربية بس مايقدر يسوي لها شي كان يحس بنار في صدرة ومب عارف كيف يطفيها
نورة في داخلها : يااارب استر يااارب استر الحين شبيقول عني اكيد بفكر بطريقة خايسة عني بروحة يشوفني اني وحدة واطية
علي قام من السرير خلاص مايقدر ان ظل جنبها راح يفقد السيطرة على نفسة : ماعليش يانورة انا بقعد في الصالة بطلب لي عشاء
نورة من تحت الفراش : زينن
طلع علي للصالة وقعد يدور ويدور يبي يهدي النار الي في قلبة نار الشوق معذبة فتح البلكونة وقعد يتنفس بصعوبة : يارب الطف فيني
وبعد ساعة نامت نورة
وعلي ظل في الصالة وبعدها نام على الكرسي

في القصر
مها كانت في جناحها وتحس بتعب في كل جسمها
هينا : مها هل انتي بخير
مها : لا انا شعر بتعب كبير في كل جسدي
هينا : هل انادي الطبيبة ؟
مها : لا سأكون بخير بعد ما انام
طلعت هينا
وقامت مها وراحت صوب السرير وانسدحت وقمضت عينها حاول انها تسترخي
ما مرت دقيقة الا وفهد داخل عليها الدار
مها فتحت عينها بكسل : شتبي ؟؟
فهد وهو ملاحظ عليها التعب : قومي نروح المستشفى
مها تتحلف وتصد عنه : اطلع من الدار انا مب متحركة من مكاني
فهد راح صوبها وشل الفراش عنها : قومي
مها ترجع الفراش عليها : قلت مب متحركة من مكاني
فهد شل الفراش ومسك يدها وجرها عشان تمشي واول ما قامت طاحت مغشي عليها
فهد تخرع شلها بسرعة ورجعها على السرير : مهااا مهاااا
مها تفتح عينها بكسل : فهد اطلع مابي اشوفك
فهد حس بحزن ماعرف ليش : خلاص بطلع بس بخلي الدكتورة تجي تشوفج
مها تغمض عينها : مابي اشوف حد خلوني بروحي
فهد قعد على الكرسي الي جنب السرير بدون مايتكلم
ومها ماحست فيه لانها صج تعبانة
فهد ظل يشوفها وهي نايمة كأنها بيبي ابتسم هلى شكلها وقام وقعد على السرير احذاها ورفع الخصلة الي كانت تغطي ويها
مها حست بحركة فتحت عينها : فهد
فهد بهدوء : نعم
مها ودمعة نزلت على خدها وبصوت واااطي : احبك
فهد حس بنقزة في قلبة وقرب من جبينها وباس راسها : مشكورة
مها نامت لان كل خلية في جسمها تعورها
فهد قام وراح لجناحة
واول مادخل حس بشعور غريب حس انه يبي يرجع لمها ويقعد معاها تعود عليها في فرنسا تعود انه يشم ريحة عطرها قبل ماينام وحس بحركتها وهي نايمة تعود يسمع صوت نفسها ....ومن غير ما يحس بنفسه رجع لجناح مها وانسدح جنبها ونام وهو يحس براحة

نهاية البارت الثامن

اسمحولي لكن اطلعت لي هاي السفرة في دبي دار الحي ها توصون على شي ههههههههه