البارت السادس
نرجع للعيون الي كانت تراقبهم
كان الشخص متلخبط ومو فاهم شي وقرر انه يروح لبسام نفسه ويعرف السالفه
راح بيت ابو عنود
دق الشخص غرفه بسام ودخل
لقي بسام جالس على السرير ويفكر
بسام ناظر للشخص/هلا وش بغيت
الشخص/ابي اعرف وش بك انت والجوري
بسام ارتبك/مافي شي
الشخص باصرار/ححلفت بالله ما اطلع من هنا الا لمن تقول كل شي
بسام/بس ....
الشخص/انا حلفت واذا تبيني انام معاك عادي ترا
بسام تنهد ودري انه ذا الشخص اذا اصر على شي مايتراجع حتى لو انطبق السما على الارض /طيب بقولك
الشخص/انا اسمعك
بسام/بس السالفه انه لمن كنا في الطريق راجعين من المزرعه يوم سالفه الرقم و..
الشخص/ايوه واش المشكله
بسام/انا شكيت في الرقم لانها باين انها تخفي شي كبير عني وانها كانت خايفه من ان لميس كانت بتقوله والترقيعه الي قالتها لميس مرت عليكم كلكم الا انا لاني ادري ان الجوري ماعندها زميله اسمها سمر لانها دايما تقولي عن زميلاتها وسوالفها بالمدرسه ومامرت علي ...بس حتى لو سر كبير او صغير مو المفروض تقول لي.؟ مع اني للحين مادري وش السر بس اكيد شي كبير لدرجه انها خلتها ترتجف بمحلها وتخاف من يوم كانت لميس بتقولنا السالفه
الشخص/اهاااااااا والله لو انا بدالك كنت بسوي مثلك لان حتى لو صغير او كبير المفروض تقوله من اول عشان ماتشك او تفهم غلط بس يمكن نست
بسام/بالله الايام كلها بتكون ناسيه؟ اكيد في وقت بتتذكر السالفه وتجي تقول لي..بالله وش اسوي يا........... طلول
طلال/ممممم طيب مع انها اختي لكن مااعتقد انها قاصده تسوي لك كذا انت تعرفها ماتخبي عنك شي الا اذا كان بجد خطير انت اسالها واعرف السالفه لكن انا مابتدخل بينكم ي العشاق
بسام/اوك بسويها بكره.. شكرا طلول
طلال/اقول...ترا مابيننا شكر نحنا اخوان بس خفت لمن شفتها تبكي
بسام تعدل في جلسته وبخوف/تبكي؟؟!
طلال/يب يب بس تحلف انها ما سوت لك شي ياخي شكلك ظالمها
بسام قام وهو كل شي عنده الا دموع الجوري يكره يشوف دموعها او يسمع بانها تبكي وكذا ودايما يحقد على الي يبكي الجوري حتى لو كان اخوها طلال( بس طلال يتهاوش مع الجوري عادي بس انه لدرجه انه يخليها تبكي مايسويها)... و كره نفسه من قلب لانه سبب دموعها
بسام/الموضوع مايتاجل
طلال/انت اص بس خلني ادق عليها
بسام/وليش
طلال طنشه ودق
الجوري ردت وتحاول تلهي حزنها بالاكل وردت وهي تاكل/نعم
طلال/الجوري وش به صوتك
الجوري تضحك/يامفهي انا اكل جيعانه
طلال ضحك وفي داخله(تلهي عن حزنها هاه!/طيب ابيك بسالفه ضروريه قابليني في الحديقه الحين تراه شي خطير
الجوري/بس انا
ماكملت كلامها الا وتسكر الخط
الجوري تاففت/اووووف امري الله
طلال/يلا الحين دورك قابلها في الحديقه واعتذر لها
بسام/اوك
وراح
عند البنات
يتفرجون فلم رعب وياكلون فشار وكل وحده حاظنه الثانيه من الخوف
وكلهم قلوبهم طاحت في رجولهم
يبون يطفون الفلم بس لسه يبون يشوفون الباقي ومتحمسين للنهايه<<خخخخ
عند الجوري
طلعت وهي تتحلطم
وصلت للحديقه
الجوري بصراخ/طلول وينك
جا صوت وراها/جوجو
الجوري لفت /بسام(وقالت فرصه تساله وش به)وش بك اليوم فيك شي ؟؟
بسام/كنت متضايق من سالفه السياره لمن كنا راجعين من المزرعه
الجوري وتذكرت ونزلت راسها
بسام ببتسامه/ماودك تقوليلي ترا الترقيع مامر علي
الجوري ضحكت بخفيف
الجري قالت بتقوله عشان ترتاح ومايفهم غلط/السالفه انه ..........وقالت سالفه البنت الفاعله خير.........وذا الي صار
بسام/اهاااااااا ..بس ماتوقعتك تصدقينها وتشكين فيه ....يعني في المستقبل بتقعدين تشكين فيه في كل رساله تجيك ؟؟
الجري وتوقعت ذا الكلام/انا ماكنت مصدقتها ولاعمري بصدقها حتى لو شفتك معاها بقول انه يمكن واحد يشبهلك مستحيل اشك فيك في يوم من الايام. انا واثقه فيك ...لكن انا سويت ذا الشي عشان اثبت قدام البنات انك ماتسويها ولا انك من ذا النوع انا اكيد بكون مصدقه انك ماتسويها بس البنات بعد بيشكون فيك لان وش بياكد لهم ان كلام البنت كذب ..وفي المستقبل يمكن يصير شي لاقدر الله ويشهدون ضدك بعدين وتسير مشاكل ويمكن ننتهي... وانا حبيت اني اوريهم انك مو كذا وقلت اسوي كذا لان البنات كانو معي لمن كلمنا البنت عشان اثبت براءتك واكد لهم ان كلام البنت كذب
بسام ابتسم /كبرتي في عيوني اكثر من قبل تدرين
الجوري انحرجت ونزلت راسها/ بساااام...يلا بروح عند البنات تصبح على خير
بسام /وانتي من اهله ،.،
الجوري ابتسمت وهي رايحه(وابتسامتها احلى مافيها وتسحر الواحد/اشوفك بكره
وراحت
بسام ناظر لها وهي رايحه وابتسم/يارب تدوم ذي البسمه ...فديتها والله
وراح
اما الجوري اول مافتحت الباب شافت البنات واقفين ومبتسمين بخبث
هنا جوري دريت انهم سمعو كلللل شي
ساره برومنسيه/اااااه كبرتي في عيوني اكثر من قبل تدرين
عنود/ولا نحنا بنشك فيه ومدري وشو تراه اخوي قبل مايكون زوجك المستقبلي
ريما/ايوه باللله حد يشك باخوه
الجوري /بس حتى ولو مابغيت ذره شك تكون في قلوبكم
شجون/بس ترا يااااعيني على الرومنسيه اموووت انا على العشاق
الجوري انحرجت/خلاص بس
لميس/خلاص بنات احرجتوها خلونا نسوي اسكريم وش رايكم
عنود/والله نفسي فيها
البنات/حتى نحنا
لميس/اجل يلا
وراحو المطبخ
لميس/وين الثلج
ساره/في الفريزل الكبيير
لميس/ووينه ذا
ساره/الفرريزلات الكبار كلها في السطوح لها مكان خاص له
لميس/اجل عنود روحي جيبيه
عنود/وليش انا
لميس وشاورتها/عشان اعطيك اكثر منا مو تبين
عنود فرحت/طيراان اجيبه لك
وراحت وحست بخوف لان المكان كان مظلم
وطلعت للدرج وهي تمشي بهدوء وخايفه
وصلت للسطوح وبدت تشعر بالخوف اذ انها حست باحد يراقبها ويتخيل لها انها تسمع اصوات وكان المكان نوره خافت
عنود بخوف/يمامي
ومشت وتحس ان الشخص كل ماله يقترب ويطلع اصوات وهي تتلفت وتقول/مين هنا
شوي دعست على شي طلع صووت عالي
ومن الخوف
صرخت/يمااااااااااااااااااااااا اااااااا
بس ناظرت للارض وكانت لعبه بطه الصغيره الي لمن تضغطين عليها تطلع صوت البط<<مدري وش اسمه
عنود /واااه الحمد لله
ومشت بهدوء وعادها خايفه
سمعت صوت حد يجري ومتجع نحوها
عنود خافت ورجع على ورا والشخص هرع لها ومسكها بس هي غمضت عيونها بغت تصيح لكن الشخص حط يده على فهمها/اوووووووووووووشششش
العنود وبتبكي وفتحت عيونها ببطئ
عنود بارتياح/سااره
ساره/لميس قالتلي اشوف وش تسوين عشانك تاخرتين
عنو/اهااااا
سمعو صوت
عنود وتمسكت في ساره/وش ذا الصوت
ساره /ذا صوت معدتي ..جيعانه
عنود/اها
سمعو صوت اخر غير
عنود بخوف/وذا وش
ساره/ذا صوت بسه تمووء
عنود/اها
ومشو شوي لحد ما وصلو للفريزل
طلعت العنود كيس الثلج
سكرت الفريزل وهي لسى خايفه وتتتوهم
بلعت ريقها لمن سمعت همس كل ماله يقرب ويعلا الصوت
عنود التفتت تدور على ساره مالقتها
ابتسمت بخبث(اكيد هي ...شكلها قاصده تخوفني عشانها دريت اني خايفه بس والله لا اخوفك انا )
عنود ومشت لاخر السطوح
عنود وطلعت فوق الجدرار حق السطوح
ووقفت
عنود بمزح /اذا ما طلعتي بنتحر
لا صوت
عنود / ترا بنتحر
ورافعه وحده من رجلها كانها بتطيح
و تحتها 3 ادوار والارض يعني الي بيطيح بتكون نهايته من جد
عنود/بطيييييييييييييييييييح
طلعت ساره/خلاص خلاص طلعت بس من جدك بتنتحرين
عنود/يمكن ..يلا ننتحر سوا
ساره/لا والله عادني ابي اكمل حياتي
عنود وجلست فوق الجدار /بس انا م لي طموح ولا لي هدف
ساره تستهبل/طيب ونواف وش بيسوي
عنود/اتوقع انه بيعيش حياته
ساره/شوفي.. سالفه انه بيعيش حياته هذا اكيد لانه مابيفكر بالانتحار مثل بعض الناس اصلا غبي الي ينتحر
عنود/ماكانك تسبيني وانا ساكته
ساره/افهميها بكيفك
عنود/سوير بقولك وصيتي قبل ما انتحر .....قولي لنواف كل يوم يحط لي ورده بيضا في قبري وانتي سويلي فطاير وارسليها مع نواف طيب
ساره/الورده البيضا عديناها لكن ذي الفطاير سالفتها سالفه ..بالله كيف تاكلين وانتي ميته
عنود/والله مادري ..ولا اقولك احسن لي اعيش عشان اتعلم و...
ساره/طيب انزلي اول
عنود/طيب
نزلت
عنيد/سوير باعترف لك اني الحين نفسي في فطاير
ساره /بس ماتبينا ننزل تحت ترا الثلج ذاب
عنوج/ايوه صح نسيته شكل لميس بتقوم فوقنا
نزلو تحت وهم خايفين ان البنات يقومون فوقهم لانهم تاخرو بس لقو البنات في الصاله وياكلون اسكريمات ومروقين ومبسوطين
لميس/هلا بالقاطعين
عنود بتفاجئ/من وين لكم ثلج
الجوري/هههه لقيناه في الفريزل الي حق الثلاجه كنا محطينه اول عنود بامل/ماخلص الاسكريم صح
لميس/الا بقيت لكم في الثلاجه بس قليل
عنود باحباط/طيب
الجوري/كم الساعه الحين
شجون/3 الفجر
ريما /بنات وش رايكم نسوي مقلب
لميس/طيب لمين
ريما/ممممم عادني بفكر
عنيد/بنات بدق على السواق يجيب لنا بيتزا
لميس/بس الساعه 3
عنيد/مو شغلي بقومه حتى وهو نايم اجل ليش جايبينه احنا عشان يرتاح مثلا
ودقت على السواق(جابو لهم سواق جديد )
المره الاولى مارد
ولا الثانيه
ولا الثالثه
الرابعه رد بعصبيه وهو قام من النوم بسبب الازعاج/نعم
عنيد/نعااامه ترفسك في بطنك قول امين
السواق بالهندي/انت وش في ابغا انا في نووم
عنيد/بلا نوم بلا دلع روح جبلنا بيتزا بموت جوع .... بعد 10 دقايق الاقي البيتزا عندي طيب ولا قسم لاقول لجدي يطردك
وسكرت الخط
لميس بخوف/شرسه
عنيد/لاتلوميني سر المهنه
الجوري/بنات متحمسه لسويسرا
لميس/ايوه حماس
وجلسو يسولفون عن الرحله وكيف بتكون ووش يتوقعون فيها وكذا
بعد نص ساعه
عنيد/اللله وينه السواق ماجاب البيتزا ترا بموت جووع
ريما بخبث/بنات جات في بالي فكره واحلى فكره بعد
البنات/وشو
بعد 20 دقيقه<<كالعاده
البنات واقفين في بيت السواق الي بجوار بيتهم ولابسين لبس عيال بنطلون وفنينه ومتلثمين بغتره وكانهم اولاد <<حبو يغيرو الروتين من الثوب
ريما/بنات الحين نحنا بكسر الباب وكلنا هجوم فوقه طيييب وانتي يالميس افقديه الوعي
لميس /طيب
ريما/يلا واحد... اثنين...ثلاثه
هرعو للباب ودفوه بس مانكسر
عنود/مره ثانيه
رجعو على ورا ومسوين زي القطار اولهم عنود واخرهم شجون
عنود/واحد ...اثنين ...ثلاثه
وكلهم جرو للباب باقصى ماعندهم
ودفوه
بس مااستفادو شي الا انهم دهسو العنود بالباب وصارت هي والباب واحد
عنود صارخت وهي مدعوسه بالباب/واااااااااااااه بعدو ترا اندهست ماقدر اتفس ...وجع انقلعو ي مال الحمى
رجعو البنات
عنود لان وجها انصفق بالباب بقووه من جنب صار خدها اليمين احمرررررر
عنود/اححححا احووووو احس جسمي بيتكسر منكم وجع جعلكم بالبلا
ريما بحماس /خلاص انا بدالك روحي محلي وبجي محلك
عنود/اخيرا حد بيحس مثلي يلا بس
صارت اولهم ريما واخرهم شجون
ريما/واحد ...اثنييين .........وربع
البنات كلهم جرو للباب وماوقفو او مانتبهو ان ريما قالت ربع يحسبونها قالت 3
ريما تصارخ/ قلت ربع ربع ماقلت ثلاثه وقفووووو وقفو...
بس دهسوها بالباب باقوى ماعندهم
بس الباب ما انفتح
رجعو البنات وريما صار خدها اليسار احمررررررر
ريما تصارخ/وجع يامال الجلطه قلت ربع ربع مو ثلاثه يا غبيات ثيران يابقرات
شجون/طيب اسفين
عنود/وش بنسوي الحين سوينا باقوى ماعندنا وحاولنا نكسر الباب بس ما انفتح
مها تقدمت بهدوء وادارت قبضه الباب
وانفتح الباب
مها/ذا اسهل من انكم تكسرون الباب
عنود باحراج/من جد
ودخلو بهدوء
شافو المكان مظلم
لميس بهمس/بنات خلونا نتفرق للبحث عنه
عنود/الكبار مع بعض والبزران مع بعض
البنات /اوك
وراحو لميس وعنود وساره والجوري لغرفه النوم
وراحو ريما وشجون ومها للحمام(اكرمكم الله)وللمطبخ
عند الكبار
دخلو الغرفه بهدوووء
كانت مظلمه
وكان اللمبه بجنب الباب
عنود مدت يدها عشان تفتح اللمبه
بس سمعت صوت اجش يعطس/ااااااااااااتتتشششووووووو
عنود قلبها طاح في رجولها وخافت بس سمت وفتحت اللمبه
صدددددددددمه
كان السواق موجود في الغرفه
بس الصدمه الحقيقيه
ان السواق كان متحمم قبل ولاف بس بالفوطه(المنشفه)على خصره حتى انها توصل لنص فخذه اما الباقي كاشفه وعاده بيغير ملابسه
البنات صنمو .. ومن تحت اللثام فاتحين فمهم من الصدمه اما السواق مايدري باحد كان معطيهم ظهره وجالس يكلم واحد ومادرا بالي واقفين عند الباب
المهم مرت 5 ثواني وسكر الخط وجا بيبعد الفوطه عشان يغير البنات صارخو/ﻻﻻﻻﻻﻻﻻﻻﻻﻻﻻﻻﻻﻻﻻﻻﻻﻻ
وعنود اضافت/ياحيوان
وبسرعه طلعو وسكرو الباب
عند السواق مسكين انفجع من الصراخ وجلس يلتفت يدور مصدره
اما البنات اول ماسكرو الباب فزو برا البيت وقابلو البزران في طريقهم وسحبوهم ومشو
وهم يمشون
عنود بخوف/منظر وحش بنات انا تبت معد بروح بيت السواق
الجوري ولميس وساره/حتى احنا
البزران يناظرون بعض باستغراب ومستغربين وش السالفه
وهم في طريقهم متجهين للبيت وكان الوقت اذان الفجر
قربو من الباب
بس وقفو من الخوف لمن شافو اباءهم وجدهم وحمد وناصر وفيصل يطلعون من الباب عشان يحظرون المسجد
البنات وقفو مصدومين وكانو متجمعين
لميس بهمس للبنات/بنات كملو مشي في الشارع ولا كانكم تعرفونهم ولمن يروحون من هنا نجري للبيت
البنات/اوك
وكملو مشي
بس الجد وقفهم/هي انتم
البنات وقفو وخااييفين وحسو انها نهايتهم
عنود لفت وتخشن صوتها/هلا
الجد/مابتصلون؟؟
عنود وللحين مخشنه صوتها/الا بنصلي بس في مسجد ثاني
الجد/طيب ذا اقرب ليش م تروح له
عنود(يارب ساعدني)/ع ع عشان ا ابوي هناك في ذاك المسجد الي بنروحه
الجد/طيب خلاص دام انك هنا صلي من ذا المسجد وقول لابوك انك صليت هنا والمره الجايه صلي هناك ترا حرام عليك بتخلص الصلاه وانت عادك ماصليت
عنود/ط طيب بالحقك الحين
الجد/لا يلا تعالو معي
عنود/طيب
ومشو معاه وكانو ورا الجد
عنود/بنات وش نسوي
ساره/نصلي معهم
الجوري/بس نصلي باللثمه ..بيشكون فينا..واغلبنا معذورين
لميس/بنات خلونا نقول اننا بنتوضا ونهرب
مها/طيب
ووصلو المسجد
الجد ومتوضي قبل/يلا ادخلو صلو
عنود/طيب بس بنتوضا
الجد شاك انهم بيهربون وهو يبي يلحق الصلاه بس شاف الثلاثي المرح وهم جايين للمسجد
الجد/طلال نواف بسام
طلال نواف بسام ومعاهم نوم وحدهم ضايق/هااا
الجد/خلوكم مع ذولا واستنوهم لين يتوضون ويجون هنا عشان مايهربون
طلال نواف بسام /طيب
دخل الجد المسجد
وراحو البنات مع الثلاثي المرح للحمام(اكرمكم الله)
وقفو عند الباب وهم يناظرون الثلاثي المرح
نواف(ولحسن الحظ مادقق بالي لابسته عنيد ..ولو دققه لاكتشف انه لبسه ..لان لبسه الي يميزه انه في رقم 5 كتبه نواف بخط كبير بالقلم /فيكم شي ؟؟يلا مابتتوضون
عنود/ا الا بنتوضا بس روحو
نواف / نروح وعشان تهربون ونتعاقب نحنا هااا.. بس ابي اعرف انتو ليش متلثمين؟؟
عنود/ا اااا..قولهم يا جواد ليش متلثمين(تقصد الجوري) ودفت الجوري ببخفه
الجوري(الحيوانه من البنات كلهم حطته عليه)/اااااااا..يا سامر ليش ماتقولهم انت ترا حلقي جاف(تقصد ساره)
ودفت ساره بخفه
ساره(وقسم لمن نرجع لاهفك بالحذياه الي برجلي)وتمثل انها تعبانه وتكح/ككح كح كح انا م مقدر اشرح السبب ليش ماتقولهم السبب يا مهر(ودفت مها
مها(البقره مالقت الا اسم مهر ليش انا بتزوج )/اااا..انا راسي مصدع ليش ماتقولهم يا رامي(ودفت ريما )
ريما وتغني مع نفسها(رامي يارامي ..ياولد الحرامي..سرق الشنطه ..من قدامي/احم احم انا صباع رجلي يالمني وماقدر اتكلم من الالم ...ليش ماتتكلم نيابه عني يا ش ش(عادها تدور اسم)ش شعريه(تقصد شجون
نواف/اقول انتو فيكم شي ..قلت ابي اعرف ليش متلثمين ليش ذي الحوسه
ريما ولقت اجابه مقنعه/وانت وش دخلك
لميس وكاتمه الضحكه/خلاص بس خلونا نتوضا قدهم ب يركعون
نواف/اوووف اخرتون علينا وبصراخ/بسسرعه
البنات نقزو من الصرخه
عنود بعصبيه/انت.. لا تصارخ
لميس دفت الجوري من غير محد يحس وهمست للجوري الي براسها ووافقت تنفذها
كانت وراهم علبه فيها مويه عشان الرجال يتوضون منها لان مافيه مويا في المغسله
شالو العلبه لميس وجوجو وتقدمو للعيال وكبوها فوووقهم
العيال شهقو من بروده المويه
والجوري صفرت باعلى ماعندها كاشاره للبنات انهم يهربون
والبنات فهموها ودفو العيال وكل وحده خرجت تنجو بحياتها
نواف توه يستوعب انهم يهربون وهو بردان يقول/هيييي انتتتمممم لحظه
وجابيلحقهم بس تزحلق بالمويه وطاح بالارض
اما البنات
جرو باقصى م عندهم وقد بعدو عن المسجد
وقفو عند باب البيت
عنود تلهث من التعب/يلا ندخل
دخلو البنات
وراحو غرفه عنيد
وبدلو ملابسهم والي عليها صلاه صلت وبعدها لبسو جنزات وتكشخو بلا سبب ولبسو جلال صلاه وتحجبو ونزلو
والملابس الي كانو لابسينها قبل رموها في سله الغسيل
وجلسو في الحوش على المراجيح<<احبها
بعد دقايق شافو حمد وناصر وفيصل داخلين من الباب ويضحكون ووراهم الثلاثي المرح مبللين بالكامل ووراهم الرجال والجد
دخلو كلهم جوا والثلاثي المرح راحو بدلو ملابسهم وجو ولسى ماروقو
ريما/وش بكم معصبين
نواف وهو معصب/وقسم بالله لو اعرف وش اسمه ولا مين هو والله لاكفخه واوريه شغلهم وقسم لادفنهم احياء
طلال وماهو اقل من نواف في العصبيه/واطلع راسهم من محله واقتلهم واعذبهم واشرب من دمهم كمان
هنا لميس والجوري بلعو ريقهم من الخووووف
عنود شافت اشكال لميس والجوجو وبغت تضحك عليهم بس مسكت عمرها وقالت/ليش وش صار؟؟
بسام ومعصب زيهم/في ناس حقيرين كبو علينا مويه
طلال/كنت ادري من زمان انهم مايبغون يصلون ..خلي ربي يحاسبهم
عنود(الحيوان فاهمنا غلط...اصلا م علينا صلاه ...معذورين/لا تفهمهم غلط يمكن فيهم شي
نواف بقهر/وانتي الحين ليش تدافعين
عنود سكتت ماعندها رد
ساره ترد/هي ماتدافع بس ترا ان بعض الظن اثم
نواف سكت وهو مقهور
شجون/ايوه كملو
طلال فهم انها تبي تغير ذا الجو المشحون/ايوه وكبو مويه علينا المشكله انها بارده لو انها حاره كان مشيناها بس كان بارد حسيت ان دمي تجمد من البروده
ورجع يدعي ويسب/جعلهم بالبلا جعل رجولهم واياديهم الكسر
عنود بسرعه وحنت في لميس والجوري/لاﻻﻻﻻ حرام علييك
طلال ناظر فيها/فيك شي؟؟
نواف مشى عنهم وشعوره ماينوصف من الغضب
طلال /عنيد ترا بديت اشك فيك ترا افضل لك انك تفهميني وش السالفه
عنود /طيب طيب بقولك...ياطويل العمر نحنا كنا راجعين للبيت بس الجد مسكنا واجبرنا اننا نصلي مع الرجال ونحنا كنا نحاول نتهرب لان ..لان(ترقع)لان مايصير نصلي بين رجال وكذا وبعدين قابلناكم وصار الي صار
طلال/طيب وليش كنتون لابسين ملابس عيال
عنود بكذب/لان كنا نبي نشتري من البيتزا لاننا كنا جيعانين والسواق كان نايم ومارد علينا ووو ...
طلال/قررتون تروحون للبيتزا مشي
عنود/صحيح..رحنا له بس لقينا المحل مقفل ورجعنا واحنا داخلين البيت قابلنا الجد واباءنا وماقدرنا نكشف انفسنا عشان مانلاقي توبيخ منهم واطرينا اننا نروح معهم...بس كنا بناخذ السياره لكن تبنا من ذيك السالفه ووبس
طلال واقتنع/اهاااا
طلال بخبث/بس الحلو اني الحين اقدر انتقم من الي كب علينا المويه..يلا مين الي كبها ...افكر كانو اثنين يلا طلعوهم لي
الجوري بهمس مايسمعه الا البنات وترتجف/حلفتكم بالله ماتقولون انه انا ترا والله اسويلكم الي تبوه بعد مانروح بس حلفتكم بالله ماتقولون في ذمتكم
لميس كمان بهمس وبخوف/حتى انا والله لاسويلكم الي تبوه بس استرو علينا
عنود(فرصه لاتعوض ..قالو الي نبيه)وبهمس/هيا انتو قلتون الحين الي نبيه
الجوري (متاكده اني ماراح اسلم منها/ا ايه الي تبوه
لميس (اكيد ناويه علينا نيه بس اسوي الي تبيه ولا العيال يدرون/ا ايوه
عنود قالت بصوت عالي/طلال تبي تعرف مين الي كب عليكم
طلال بخبث/ايوه قولي
عنود/بقولك بصراحه ب بس انت وش بتسوي
طلال ومنفعل/بخلي يومها اسود وردمادي
عنود(يامامي/والله انت الحين صعبت علي اني اقول مين هي
طلال بكذب/كنت امزح اصلا كنت اقصد اني بخلي يومها وردي واحمر واخضر
عنود(وقسما كذاب/مممم طيب هيا
ونزلت راسها واخذت شفيق وزفير وسمت ودعت انه يعدي على خير ورفعت راسها وقالت/كانت الفتاتان التان كبتا عليكم المويه البارده جدا والتي بللتكم بالكامل كانت .............ساره و انا
وجرت تنجو بحياتها
طلال لسى واقف ومو مستوعب الي قالته ناظر في ساره بغضب بس ساره حلفت وهي خايفه منه/ والله مو انا هي تكذب
طلال عصب زياده من كذب عنود ولحق عنود واخذ صندله (اكرمكم الله)وهو يصارخ/وقسماااا بالله لا اوريك يا حيوانه
عنود وهي تجري لفت وراها وشافته قرب وصارخت /اهبي سريع
طلال/قولي ماشاء الله جعلك بالحمى والنزله المعويه
عنود ودفرت باب بيت الجد ودخلت تصارخ/الحقوني الحقوني ...ياماما .....جدوووو
دخلت الصاله لقت الجد والاباء جالسين ويتقهون
الجد/وش بك
عنود تخبت وراه/طلال بيموتني
دخل على كلامها طلال /اكيد بموتك هل تعتقدين انك ستنجين
الجد/وش بكم وش سويتي يا عنود
عنود ماقدرت تقول السالفه وقالت/اساله هو هو الي بدا
طلال طير عيونه/انا يا الحيوانه انتي الي.......
تذكر انه مايقدر يقول السالفه لان اكيد لو الاهل درو مابيسلمون البنات منهم وان تعبهم عشان يخفون الامر عن الاهل راح سدى بسببه اذا قال لهم
طلال/ياجد ترا هي سوت فيه مقلب وكبت عليه مويه لمن كنت نايم امس
الجد/صحيح ياعنود
عنود بغت تنفي الكلام بس لمحت طلال يهددها اذا نفت بيقول السبب الرئيسي
عنود/ايوه صحيح بس كنت طفشانه
الجد عصب من عنود/الطفش مو عذر انك تكبين عليه مويه وهو نايم ..مالقيتي الا هو تكبين عليه وين اخوك بسام..
ابو عنود عصب من عنود وبغا يضربها بس تذكر انه قطع على نفسه عهد انه مايقرب منها ومن البنات مره ثانيه وقال عشان يبرد حرته /طلال ترا لو تبي ترد لها الي سوته مابقولك لا ....سوي الي تبيه تراك مظلوم والمظلوم ياخذ حقه ..بس ذي المره
طلال والابتسامه شاقه حلقه/واللله!!!!
عنود وجسمها كله يرتجف وخاايفه/بابا حرام عليك انا بنتك
بس ماكملت كلامها الا انا شافت طلال يقرب يبي يمسكها لكن هي بجراه مدري من وين جابتها دفت عليه الجد وهربت
وطلعت من الصاله وهي تصارخ/اااسسسفه جدوووو
وطلعت من الفله برمتها
راحت لاقرب فله لبيت الجد عشان تستخب فيه وكان بيت ساره
دفرت الباب كعادتها وطلعت للدرج وشافت غرف كثيره
عنود محتاره/ياربي اي غرفه اروح ساره غرفتها تحت عشان كذا ما اعرف الغرف الي فوق وش فيها
سمعت خطوات شخص يطلع من الدرج
خافت وبسرعه دخلت اول غرفه كانت جنبها
وسكرت الباب وراها
تنهدت وبعدها فتحت عيونها وانبهرت بجمال الغرفه
كانت تجنن والالوان رهيبه والخادمه جالسه تمسح اللوحات والمكان نظيف
الخادمه جنسها سوريه بس تعرف تتكلم سعودي لان نص حياتها في السعوديه/اه مس عنود
عنود/الغرفه حلوه غرفه مين هذي
الخادمه/هذي غرفه السيد نواف
عنوج بصدمه/احلفي..طلع ذاك الخايس (مو من قلب)معاه غرفه تجنن
الخدامه/ذوقه حلو صح
عنود/وبعد ذا من ذوقه ..والله ان ذوقه حلو
الخدامه بهيام قالتها وناسيه انها تكلم عنود/اصلا كله على بعضه حلو
عنود انقهرت /انتي خدامته الخاصه ؟؟
الخدامه/ايوه
عنود(هين هين وقسم ان ماطردتك ما اكون عنود بنت ابوي)/اها بس ترا مافي شي حلو فيك عشان يحبك نواف
الخدامه /طيب ادري انا مجرد خادمه اعمل له لا اكثر
عنود/طيب دام انك تعملين له مالك حق تقولين (وتقلدها بهيام)اصلن كله على بعضه حلو (وترجع على صوتها)انتي بس تشتغلين في غرفته تفهمين
الخدامه ونزلت راسها/طيب اسفه
عنود طلعت من الغرفه وهي تحس بقهر
عنود تتكلم بصوت مسموع /خير جايه تقول اصلن كله على بعضه حلو بس تحمد ربها اننا خليناها تشتغل عندنا ولا كانت الحين جالسه تتشحت اووووووووف
طلعت من الفله
لقت قدامها بالضبط طلال
عنود رجعت على ورا وهي مفجوعه/بسم الله الرحمن الرحيم
طلال/وين كنتين
عنود/في غرفه نواف تصدق والله تجنن
طلال/توك تدرين !!!
عنوج/وقسم توني ادري ان الخايس له ذوق حلو
طلال/طيب الحين وش اسوي معاك
عنود وتذكرت /اااااااا..(تنهدت)...اسمع راح نسوي اتفاق اقدر اعوض لك الي تبيه وماتضربني
طلال يفكر/ممممممم الي ابيه
عنود/الي تبيه
طلال /والله فرصه ماتتعوض ان العنزه تتذلل ليه...مممم
عنود/انا ماني عنزه انا عنود ياولد
طلال /عنزه ونص ...
عنود وطقت فراسها فكره/معايه حل لك
طلال/وشو
عنود /قرب.. قرب تراه شي خطير..سر
طلال وقرب
وعنود مسكت اذنه/قلت لك قرب اذنك ماتفهم ابي اشاورك
طلال/اااااي ي كذابه قولي انك تبين تشاوريني
عنود/اوص بس خلني اقولك الفكره الي في راسي لا انسى جعلك بالممسحه تجي في وجهك
طلال ويرد /وجعلك بال..
عنود قاطعته/ياخي خلاص بتنسيني انت ودعاويك الخايسه ...ايوه صح وين كنا
وقربت وجهها من اذنه وقالت/بعوضلك في سويسرا ...بدور لك بنت مزيونه من الشقراوات اوك
طلال ناظر فيها كانه يقول بالله!!!
عنود ومو منتبهه للمسافه القصيره بينها وبين طلال وشاغل تفكيرها النجاه من طلال وببراءه/هاا ترا والله بختار الي يحبها قلبك
طلال وحتى هو ماكان منتبهه وشاغل تركيزه التعويض ويفكر وش يسوي لعنيد/ليش قالولك صعب المنال ...اصلا الكل يتمناني بس انا معطي حد وجهه(ترا صدق كلامه)
عنود/وليش ماتعطي وجهه للبنات ترا يمكن يحبونك صدق من قلبهم طلال/الله!! طيب نوعيتهم ماتعجبني ...يمثلون بس انهم رقيقات ومانيتهم شي ومسوين دلوعات عشان بس احبهم ....يحسبوني انخدع بمظاهرهم..من الحين ي عنيد بقولك ان الي بتدخل عقلي راح تكون مميزه...غييير عن الباقي
عنود /اها وحلوه صح.... ترا ماعندنا الشينات والصوماليات
طلال ضحك/هههههههههههه
انفتح باب الفله حقت بيت ابو ساره
وكانت ساره
ناظرو لها عنود وطلال
وساره ناظرت فيهم ومن الصدمه فتحت فمها
عنود/وش فيك ....سكري فمك بس لاتدخل فيه ذبانه
ساره بصدمه/انتو وش تسون
عنود وطلال في نفس الوقت قالو وببتسامه/نسولف...
وعلى كلمتهم التفتو يناظرون بعض
بس انصدمو لمن شافو انهم قريبين من بعض مرررره ومايفصل بينهم الا يمكن 5سم
عنود بسرعه رجعت على ورا وخدها حمررر من الاحراج
وطلال حتى هو رجع ومنحرج من الموقف ... عنود وهي منحرجه(بالله كيف مالاحظت اني قريبه منه..غبيه انا /مممم ...خطا مطبعي...اقصد غير مقصود
طلال ويحاول يناظر لاي شي بس مايناظر لهم من الاحراج/احم احم ماكنت ادري ..يعني ...اقصد ....ااا...
ساره تسلك مع انها مو مقتنعه/ادري محد كان قاصد خلاص بس
جو البنات
الجوري/عنود
عنود/هلا تو مانور المكان
شجون/اكيد بوجودي
االجوري/كذابه لا بوجودك ولا شي اصلن الشمس منوره المكان من قبل مانجي
شجون والجبهه راحت/ادري ..مو لازم طيران الجبهه
الجوري/هههههههه اعذريني لازم اسوي وظيفتي في الحياه
لميس/انك تطيرين الجبهات!؟
الجوري يبتسامه/اكيد.. ولا ايش اجل
ساره بخبث/وبسوم وش موقعه من الحياه
الجوري ومستحيه/وش تبوني اقولكم ...عشان م احبطكم
عنود/دام السالفه فيها احباط لنا اجل لاتقولي خليها لنفسك ...بس بنات وش جابكم هني
ريما /ايوه صح نسيتينا السالفه الرئيسيه .... وش رايك الحين نروح مع السواق
عنود/وين نروح؟؟
ريما/اكيدالسوق ....باقي لنا 3 ايام على السفره وما اشترينا شي
عنود/ايوه صح بس الله الحين الساعه 10 صباح مين يروح في ذا الوقت...خلاص عادي مو مهم ...يلا خلونا نستاذن من امهاتنا واباءنا
راحو واستاذنو ووافقو الامهات بس الاباء وافقو لكن بشرط ان العيال يجون معهم عشان مايصصير شي
عند البنات
بعد مالبسو العبايات وجابو شنطهم
عنود /يلا نطلع ..شكل حمد والي معه قدهم من زمان في السياره ريما/يامامي شكلهم بيقومون فوقنا
لميس/بس بسرعه خلونا نروح لايعصبو زياده ويكنسلو الروحه
وراحو للسياره
فتحو الباب
ودخلو السياره وكان الي موجودين فيه
نواف...طلال..بسام فقط
وكان الجو مشحون
عنود/ وين باقي العيال
بسام وكاتم عصبيته/مابيجون ...بسبتكم اجبرونا اننا نحنا الي نروح معكم وهم لااا ... بحجه انهم الكبار وانو نحنا لازم نسمع كلامهم .. وهم جالسين يتونسون ويبسطون....وخلو البلا علينا
عنود بمرح/افاااا نحنا البلا ...الله يسامحك بس
ساره ومسوي صوتها كنها عجوزه/ايوه ...ظلمونا الله يهديهم
الجوري/قلبتون عجايز(وتمثل)خلاص ياجده دعوه منك كافيه عشان تسود حياتهم ادعيلهم بانهم يصيرون مكروهين بين البنات وومايتزوجون طول حياتهم وووو
شجون بعفويه/والي يحبونهم من البنات يموتون بكره
عنود والجوري /ﻻﻻﻻﻻﻻﻻ
جوجو/ما ابغا اموت بكره عادني ابي اعيش
عنود/حتى انا
ساره بهمس/وتعترف حتى انها تحب نواف وطلال
سمعتها مها/نواف ايوه اعتقد انها تحبه بس وش سالفه طلال؟؟؟
ساره/شفتهم في الصباح كانو قريييبييييين مره من بعض(انتبهت بالي قالته وندمت انها قالت ذا الكلام وتحاول ماتخلي مها تفهم غلط) يمكن كانت تشاوره بشي ماتبيني اسمعه لاني سمعت صوت همس في ذاك الوقت
مها وماتبي تشك او يجيها احساس شك/وليش مانسالها مباشره
كانت مقاعدهم
قدام بسام يسوق كالعاده (لانهم كانو يسون بينهم لعبه حجره ورقه مقص والي يخسر هو الي يسوق.. ويجي الدور دايما على بسام لانه موماهر في اللعبه مره)
وبجنبه نواف
وورا
طلال عند الشباك وبجنبه الجوجو وبجنب الجوجو لميس وبجنب لميس عنود وجنب عنود مها وجنب مها ساره وجنب ساره ريما وجنب ريما شجون
مها دفت عنود بخفه الي كانت جابسه على الجوال /هي عنود
عنود بعدت السماعات من اذنها وكانت تشغل الاغاني الي راسلينها زميلاتها من القروب/هلا
مها(كانت محطيه سماعات! اجل ماسمعت شي من الي قلناه بقولها انا طيب
مها بجديه/عنود بسالك شي
عنود/اسالي
مها وشاورت عنود عشان محد يسمع ويفهم غلط/في بيت ساره في الصباح ...وش كنتين تسوين مع طلال؟؟!
عنود انصدمت(فهمو غلط !!/لاتفهمو غلط والله كنت اشاوره ماصار شيييي
مها وصدقتها لان عنود ماتحلف الا وتكون صادقه في كلامها/خلاص صدقتك بس كنت ابي اتاكد
عنود وانفعلت من الخوف انهم يفهمو غلط/بنات ترا والله العظيم اني ما اكذب اسالوه للتاكد واسالوه حتى عن ايش كنت اقوله
ساره/طيب صدقتك خلاص
بسام وهو يسوق /وش في
عنود بارتباك/لللا ولا شييي
لميس والجوري كانو قد سمعو الحديث الي دار بين عنود ومها لانهم كانو بجنب عنود
الجوري وكلمت طلال الي بجنبها وبهمس/طلال انت ماسويت للعنود شي صحححححح؟؟؟
طلال وكان سرحان ويناظر الطريق وتوه ينتبه للجوري/هاه ايش تقصدين
الجوري ورافعه حاجب/الي صار في بيت ساره؟؟انت وعنود
طلال انفعل/ﻻﻻﻻﻻﻻﻻ والله ماصار شي
نواف/طلال وش بك
طلال(لازم نواف مايدري بالي صار...بالذات هو ../ لالا ولاشي
بسام/والله غريبين انتو مره عنود ومره طلال مسوين شي وماتبونا نعرف مثلا؟؟
عنود وحمر خدها من الفشله ونزلت راسها
وطلال لف ناحيه النافذه وهو منحرج
طلال وهو منحرج/ل لا ماصار شي..صح عنود
عنود وهي مستحيه ومنحرجه/ا ايوه
مها/هههه في بعض النااااس انحرجو من سالفتهم
نواف باستغراب /اي سالفه
مها/.....
انتهى البارت
للكاتبه /«TøEe KhâlëD»
|