[لامارا]

مرحبااا

جيت لكم بالبارت مثل ما قلتلكم اليوم الاحد يالله عسى يعجبكم وكمان ابي اشوف ردود





مدخل البارت:








في المنطقه الشرقيه تحديدا في ولاية القابل

زوينه وهي تنقي التمر :علوووه سماا يالله سيري ارتاحي بعدش عروسه مابغاش تشتغلي
سما وهي تتافف:اميمتي انا مابي ارتاح مالي مزاج حال شيء
زوينه:برااايش انا ما بقولش شي بعدين ايقولوا زوينه تخلي بنتها المعرسه تشتغل من اول يوم والله ما ناقصه كلام من هنا وهناك عاد انتي ما تعرفي مال الحاره يوم يلمحوا شي ما يسكتوا
سما بابتسامه صفرا :هاا انزين بسير الغرفه
زوينه باستفسار:امس سهرانه تكلميه يوسف بالتلفون ؟
سما:اي تلفون ما عندي غير تلفونك وبعدين لا مت ذيك الساعه اتصل فيه
زوينه:يااااااا ربي يا سما يا بنتي هذا زوجش انتي بشطارتش تقدري تكسبيه مااالش كذاك صح انش غير عن هالبنات
سما بغرور:وهالشي المميز فيني واميمتي حطي في بالك بنت خالد غير عن كل البنات
زوينه وهي تضحك:وانااا اقووول طالعه على مين على ابوش الله يرحمه ويسكنه الجنه
سما :امين يالله بسير الغرفه


---------------------------------------------------------------------



قاعد بصالة الطعام ويشرب قهوه تركيه و معه صالح
صالح باستغراب:يا طويل العمر هيثم قال انك تبيني بموضوع
يوسف بابتسامه:ايوا ،حبيت اعرف وش اخر اخبار الجماعات اللي بالسبله ووش اخر استثماراتهم وقرارتهم
صالح بأسف:سيدي من بعد ما خسرت المناقصه الكلام عنك زاد وجماعة سامح قاعدين يقنعون الاوادم يسحبون استثماراتهم من الشركه
يوسف بضحكه غامضه :ومن قال كان خسرنا الصفقه
صالح باستغراب:لكن نحن خسرنا بالاصل
يوسف وهو يربت على ظهر صالح:هههه حسبت انك فهيم وتلقط عالمباشر
صالح سكت لفتره وبعدين استوعب:اهاااااااااا فهمت انت اوهمتهم والله انك كبير يا سيدي
يوسف ابتسم
صالح:اسمحلي نسيت ابارك لك عالعقد واسف ما كنت موجود بس عشان كانت عندي مناسبه مع اهلي
يوسف :لا والله عاادي والله يبارك فيك

بهالاثناء دخل هيثم الصاله
هيثم:يااا صباح النور والسرور
يوسف:صباحك خير
صالح:صبحك الله بالنور
هيثم:ياااخي مزززاجي فوووق يعني كذا مرووق عالاخر ومابغى اسمع شي يكدرني
يوسف بابتساامه:عساه دووم ان شاء الله
هيثم:اقوولك احاول اتصل بسالم من امس وما يرد
يوسف :هذا وشفيه ماخذ موضوع زواجي بحساسيه
هيثم:مدرري بصراحه
يوسف :انا بحاول اتصل فيه
هيثم:زين تسوي

يوسف جرب يدق على سالم بس ما رد
يوسف:ما يرد
هيثم ناظره باستغراب:غرريبه
يوسف:صالح اذا سمعت اي شي عن سالم بلغني
صالح:ان شاء الله يالله انا استاذن
يوسف:اذنك معك


بعد ما طلع صالح
هيثم:هااا سهرت الليل ههههههههه
يوسف باستغراب:على ويش؟
هيثم:طبعا تتكلم مع الحبيبه
يوسف :وش شايفني مثلك يعني
هيثم:ياااخي تصرف برومنسيه شوي حاول تحببها فيك ما يصير كذا هي شايفه انك شخصيه قاسيه وعصبيه وما عندك مشاعر
يوسف:خلصت من المدح يعني
هيثم:يوسف انت وش ناوي تسوي معاها
يوسف:بعلمها من يوسف السلطان
هيثم هز راسه باسف:الله يعينها عليك يا يوسف الله يعينها فعلا ارحم هالبنت

يوسف ما رد عليه وغرق بافكاره( وشلونها اللحين من بعد امس ودي اتطمن عليها بس كرامتي فوق كل شيء )



---------------------------------------------------


عند بيت العم خلفان

خلفان قاعد عالفطور ومعه زوجته هاديه وكل اولاده

خلفان:ياااني تعبان من امس
هاديه :سلامااات اكييد من الملكه كيف كانت؟
خلفان بابتسامه:الحمدالله كل شي مر على خير
سالم:ابوي انا بروح الضاحيه عند حبوتي عشان اسلم عليها من زمان عنها
خلفان بعصبيه:ليش امس ما جيت لا وما جيت ملكة ولد عمك ؟
سالم بضيق:كان عندي خفاره وما قدرت استاذن الشغل مليان
خلفان ما اقتنع بس سكت وما تكلم
فدوى:بابا يوسف كان فرحان
خلفان ناظرها بنظرة استغراب:ليش تسالي
فدوى:بس كذا
خلفان:كان طاير من الفرحه الله يهنيهم ببعض
فدوى اغتاضت وسكتت
نجمه و ريان ضحكوا بقوه
هاديه:بنااات كلوا وبلاش ضحك
نجمه وريان:ان شاء الله يمه
خلفان:وين امجد
هاديه:ههه ممكن تعبان نايم للحين
خلفان:كسلالالان هالولد بقوه
سالم باستغراب:ليش هو جاء هنا ؟
خلفان:ايوا امس بليل معي رافقني للبيت
ريان اول ما نطقوا اسمه شرقت وقامت تكح
خلفان:شربي ماي بسم الله عليك وش صارلك
هاديه:هذا كله من الضحك


---------------------------------------------------------



مرت الايام وحال سما ويوسف ما تبدل مثل ما هو يوسف لا زارها ولا اتصل فيها ولا هي جربت تتصل فيه وزوينه كانت ملاحظه هالشيء اتصلت بيوسف عشان يجي ياخذ سما لمسقط وتعمل شوبينج ويختارون اثاث غرفتهم

سما :شوووو
زوينه:مثل ما سمعتي يوسف جاي يشلش بعد شوي بيوصل بياخذش مسقط عشان تشتري ووتتجهزي حال عرسك ما بقى له الا اسبوعين
سما باعتراض:لالالا ماريد شي عندي ملابسي وملابس العرس خليه على ذوق ناديا وامجاد
زوينه بعصبيه:سمعيني اللحين بيجي يوسف وبتسيري معاه غصبن عنش ولا بطردش من الضاحيه واخليش تسكني بمسقط وما ترجعي هنا
سما بقهر:اففففففففففف لييييييش كذا تمشوني على كيفكم والله تعبت
زوينه:بلا كلام فاضي يالله سيري جهزي شناطش و تعالي انتظريه

بهالاثناء
يوسف:هود هود
زوينه:هاا شفتي هذا هو جاي اقرب يا ولدي اقرب
سما ركضت داخل الغرفه بسرعه
(افففففففففف ماررريد اشووفه اكرررهه )
يوسف بابتسامه راح لجدته وباس راسها والقى السلام
يوسف:السلام عليكم ورحمة الله وبركاته
زوينه بابتسامه:وعليكم السلام والرحمه زين شفناك يابوي حتى ما تتواصل معنا
يوسف:اعذريني يا اميمتي الشغل واصل لراسي الله يعين بس
زوينه:الله يعينك بس الله يعينك
يوسف وهو يلتفت كنه يدور على احد
زوينه:داخل الغرفه سارت تتجهز
يوسف بابتسامه:وش دراك اني ادور عليها
زوينه:تقص علي انا ههههه بعدك ما تعلمت يا يوسف
يوسف:هههههههه انزين ناديها لاني مستعجل اريد اخذها
زوينه:سمااا سمااا

سما بالغرفه سمعت جدتها تناديها (اففف مابي مااابي ارووح ياا ربي ) تلقائيا راحت للمرايه وعدلت شيلتها و العبايه ورشت على نفسها عطر انفاسك دخون وكان شكلها بالعبايه جناان وتهبل

سما دخلت المجلس وقلبها يدق وبصوت خافت :السلام عليكم
يوسف وهو يستنشق ريحة عطرها اللي سبقت دخولها باستمتاع:وعليكم السلام ورحمة الله وبركاته
زوينه :كذااك يسلموا مفروض تروحي تصافحيه
يوسف :هههههه خليها يا اميمتي يمكن تستحي
زوينه لفت وجها باستنكار
سما :انا جاهزه خلاص
يوسف:اجل خلاص سرنا يالله اميمتي نحن بنروح مسقط ونشوفك عما قريب
زوينه:يالله مع السلامه ودرب السلامه

سما قربت من جدتها وحضنتها بقوه خلاص تعودت عليها وصارت بالنسبه لها زي امها
زوينه وهي تبتسم :يالله زوجش ينتظرش وحاولي تتصالحي معه مهما يكون ما يصير بيظل زوجش وله حق عليش
سما هزت راسها باوكي وهي اصلا مو مقتنعه بكلامها لانها تكره يوسف
فتحت الباب اللي ورا متعمده
يوسف اول ما شاف هالحركه :بدينااا
سما: اريد اجلس في الخلف
يوسف بحده:تعالي قدام ما فاضي حال فوضة البزران
سما بعصبيه راحت للباب اللي قدام وفتحته وسكرته بالقوه
يوسف بسخريه:لا كان كسرتيه بعد
سما ما تكلمت معاه ولفت وجها
وهو حس انه ماله خلق ياخذ ويعطي بالكلام معها اكثر

مرت فتره وهم ساكتين وحب يوسف يكسر حاجز الصمت
يوسف:البيت جاهز بنسكن في فلتي
سما وهي متخوفه من فكرة انها بتكون وحدها معه ببيت واحد:ليش ما نسكن عند عمي كامل
يوسف باستغراب:وليش نسكن معه وانا عندي بيت
سما تلعثمت:امم لا لا ماشي
يوسف عرف انها خايفه وحب يكمل ويحرجها:ولكن غرفتنا ما اثثتها للحين حبيت انا وانتي نروح نشوف اثاث مناسب لها
سما ما ردت عليه وتحس بالاحراج(لالالالا مستحيل مابي اكون معه بغرفه واااحده لا )
يوسف بخبث:سمووي سمعتيني ولا اعيد كلامي
سما:ها ايه سمعتك سمعتك
يوسف يكمل بخبث:انزين وشرايك يعني متى نروح نختار الاثاث
سما وهي ترتجف من الاحراج:ها لا انت اختار ليش انا مالي داعي
يوسف وهو مستمتع باحراجها (يالبى قلبك يا سما والله تجننين وانتي مستحيه):لانك زوجتي ومن حقك تختاري الاثاث
سما هزت راسها بموافقه ولفت وجها وهي مستحيه تحس بيطيح وجها من المستحى(وش له يجيب هالمواضيع اللحين )

حست باالعطش ومترردده تطلب من يوسف يشتري لها ومنحرجه منه كثير بس قررت تطلب
سما:يوسف
يوسف اول ما سمع اسمه على لسانها:لبييه
سما:امم ممكن لو سمحت تشتريلي شي اشرب انا عطشانه
يوسف:بس كذا ولوو اجيبلك المحل كامل
ووقف على محطة بترول وفيه محل المها ودخل

بهالاثناء كان فيه سياره رانج روفر لونها اسود بالجهه التانيه تعبي بترول

سالم بسيارته التفت على يمينه ولقى سيارة يوسف وسما داخلها
سالم:والله وجابتك الصدف يا بنت التركيه
نزل من السياره بسرعه وراح لجهة سما ودق عالدريشه

سما انصدمت لما شافت سالم يدق النافذه وافتحت له النافذه
سالم بابتسامه:يا هلا والله ببنت العم
سما باستغراب:اهلين ،غريبه انت هنا
سالم:لا غريبه ولا شي جيت امر على حبوه
سما:اها عالعموم يوسف داخل المحل
سالم:ومن قال اريد يوسف جاي اسلم عليكي انتي
سما وهي تحاول تتخلص منه :اوكي شكرا بسكر النافذه اللحين
سالم مسك ايدها اللي كانت تبي تضغط على زر اقفال النافذه
سالم:لالا ما يصير كذا يا بنت العم

وفجاءه يوسف طلع من المحل ولقى شخص عند سيارته وبسرعه ركض للسياره و مسك سالم من دشداشته
يوسف لما لفه شاف انه سالم وتركه
يوسف بحده:انت وش جاي تسوي هنا
سالم :جاي اشوف بنت عمي الحلوه
يوسف بعصبيه :اقول احترم نفسك وروح لسيارتك وبنت عمك تكون زوجتي
سالم بسخريه:ايه عاارفين ولو الغاليه زوجة الغالي
يوسف بحده:سالم انت وش قصدك
سالم وهو يمشي عنه وراح لسيارته
يوسف ركب السياره بعصبيه وصرخ على سما
يوسف:انتي كييف فتحتي له النافذه هااااااااا ولا انتي اللي خبرتيه يجي عندك
سما ما ردت ووجها بالجهه الثانيه
يوسف بصراخ :اكلمك اناا ما تسمعين وش سوالك هالسافل ووش
سما طلعت صوت شهقتها يوسف بسرعه مسكها ولف وجها
وانصدم بدموعه لهالدرجه سالم سوى لها شي كايد
يوسف بصدمه:سما ويش سوالك سالم تكلمي
سما ببرائه وتبكي:مااعرف ما سوالي شي جاي ودق عالدريشه وقلتله اذا تريد يوسف هو داخل المحل قال ما اريد يوسف جاي عشانك و الله يوسف حاولت اقفل النافذه بس هو حط ايده على ايدي
هنا يوسف حط ايده على فمها :بس اسكتي

وطلع من السياره بعصبيه وحاس انه بينفجر كل شي ولا احد يمسك املاكه
راح لسالم وفتح باب السياره وطلعه من مكان الراكب وضربه بوكس بقوه
يوسف:يالخسيس ياللي ما تربيت
سالم قام من الارض وهو يمسح على فمه اللي ينزف :ههههه زعلت عشان بنت التركيه
يوسف :تسواك وتسوى اهلك يالواطي

وراح عنه ودخل للسياره وحرك بسرعه وهو حاس بخنقه وضيقة صدر
سما لساتها تبكي (وشسوويت انا من جيت هنا المشاكل تطيح من كل صوب خلالاص تعبت)

ما لاحظت يوسف اللي كان يحس بدوار براسه
كمل بالطريق ولما وصل لصور وقف على جانب البحر
يوسف بدون ما يناظرها :انا بنزل اذا تبي انزلي

سما لفت له ولما شافت عيونه حمرا وانه فتح ازرار دشداشته خافت عليه ونزلت بسرعه وراحت له
سما :يوسف
يوسف بهدوء وهو يتنهد:سما برجعك اللحين بس شوي خليني اخذ نفس ممكن
سما :لا بس بغيت اشوف وش فيك
يوسف لف لها وبهدوء من بعد العصبيه وضيقة الصدر اللي فيه :وش تظنين فيني ؟
سما بثقه :متضايق و معصب
يوسف ضحك بسخريه:ها ها ها زين عرفتي
سما سكتت لوهله وهو مشى قدام بس راحت له :يوسف
يوسف زفر :يا نعم
سما :انززين خلني امشي معك لا تطنشني كذا
يوسف مسك يدها وشبكها بايدها وهي ارتعشت بس ما بينت ما ودها تضايقه وتسحب يدها بس جزء منها حب هالشعور

اما عن يوسف من مسك يدها حس بدقات قلبها تتزايد اصلا وهي قريبه من دون شي يعتفص ما بالك وهو ماسك يدها بس مستغرب انها ما سحبت يدها
قرر يكمل تمشيه معها وهما ساكتين

يوسف تنهد بصوت
سما ما علقت حست وش كثر هو متضايق تكلمت وهي تتلعثم وبخجل:يوسف وشرايك نجلس هناك
يوسف ناظرها وابتسم :صار
مشوا للصخره وجلسوا عليها وهو لسه ماسك بيدها
سما :احم ممكن
يوسف فهم وترك ايدها و قعد يتامل الشاطئ
جلسوا على هالمنوال لمدة نص ساعه بعدها قام يوسف ولف لسما:مشينا
ومد يده لسما وهو يبتسم
سما بخجل مسكت يده وقومها وسحبها لين صارت مقابله وقرب منها اكثر وباس راسها لمده وهي تحس بتنفجر من الحراره
يوسف :شكرا لاهتمامك
سما ما تكلمت تحس انها انخرست من الخجل

دخلوا السياره ومسك الخط لمسقط وولا احد فيهم تكلم سما من الخجل اللي فيها حتى ما تقدر تطالع وجهه(يااا ربيه اكرهه وابيه اووف مدررري مدرري احس اني سخنت ولا الجو حاار)
اما يوسف كان مبسوط ومروق عالاخر

وصلوا لفلة يوسف
سما باستغراب:وين هالمكان
يوسف:بيتي
سما بخوف :ليش ما نروح بيت عمي كامل
يوسف بابتسامه:بنروح بس بننزل تريحي لك شوي وانا اريد ارتاح على فكره السواقه شي متعب
سما ما تكلمت ونزلت معاه

دخلوا الفله وعجبها التصميم والحديقه كمان روووعه والبركه اللي عند السلالم والنقوش اللي عند الباب حسستها بفخامة البيت
وصلوا للصاله وفجاءه سمعوا صوت
----:براااافو برااافو يا يوسف من ورى اهلك تلعب بذيلك هاا



مخرج البارت:



لك حق تزعل ثم لك حق نرضيـك

ما اقوى زعل حبيب قلبـي وعينـي

ما دام قلبي ياريش العيـن مغليـك

اطلب ولك روحي وما فـي يدينـي





خلص البارت

مين تتوقعون اللي قال العباره الاخيرره ؟

عسى يعجبكم ان شاء الله والاقي منكم ردود لانه ما اشوف انه في اقبال كبير عالروايه يالله لعل وعسى الردود والمتابعين يكثروا

تحياتي وودي وحبي
الحارثيه