[مكحولة العين]

سوووووووووووووووووووووووو وووووووووووووووووووووووور ي على الغيبات

الفصل التاسع

الساعه 2:30 م

نوره :حرام عليج خلينيه اروح البيت الحين ابوي يرجع وما بيلاقي غدا ..
حصه : اوووه عمي توني شفته عند ابوي في الميلس بيتغدا معاهم ,لا اتمين حاكره نفسج في البيت خليهم يعتمدون على عمارهم باكر شو بيسوون يوم بتعرسين ..
نوره : دخيلج انا ماريد اعرس ابرك لي اقعد في البيت ..
حصه : ما عليه منج بنيوزج بالغصب نفس ما يوزوني ..
شما : شو؟
حصه : ها ماشي امزح معاها ..
شما : اتحسب بعد قلت بيوزوني انا بعد بالقصب ..
ام منصور : قلعن عنكن هالسوالف ويالله تعالن تغدن ..
شما : انا باروح انادي مها ..
حصه : لا خليها عندها منصور ..
شما : اها اوكي برايها ..
نوره " آه يالقهر "

...............

مها : نعم شو صاير ؟ حصه قالت انك تريدنيه في شي ؟
منصور : بسم الله انتي ليش تكلميني بهالطريقه ماكل حلالج انا ؟
مها : لا الا ماكل قلبي ..
منصور : لا , غريبه للحين عايشه بدون قلب ..
مها : حضرتك تتطنز , ترى مو وقتها الطنازه الحين ..
منصور : طولي بالج , يعني انا اذا كنت عندج هنيه معناها اني ابا شي ؟
مها : وهالسبب الوحيد اللي ممكن يخليك تكون هنيه ..
منصور : صدقينيه انا مابا شي بس هاذي حصه الله يهديها هيه اصرت اني اقعد اتكلم معاج شوي ..
مها : عن شو ..
منصور : قالت خلك مع مرتك تعرف عليها اكثر اعرف شو تحب شو ما تحب وهالأشياء يعني ..
مها : من صدقها هاي ..
منصور : هي من صدقها , هي ما تعرف عن اللي بيني وبينج ..
مها : وشو اللي خلاها تقترح هالاقتراح ؟
منصور : هي سألتني عنج وانا ماعرفت اجاوب عن شي , لأني ماعرف عنج شي وفهمت كل شي ..
مها : انزين خلاص وكأنك عرفت كل شي تقدر تروح ..
منصور : بس انا ما اعرف شي عنج خبريني عنج ..
مها : يعني لازم ؟
منصور : هو هب لازم حق نقضي وقت وبس ..
مها : روح قض وقتك برا ..
منصور : هههه , انتي ليش متغطيه خلاص عرفت شكلج عدل ..
مها : بس كذيه , تقدر تتفضل وتطلع ..
منصور : قلتلج خلينا نقضي وقت شوي مع بعض بنسولف ..
مها : بعد هذا اجباري ؟
منصور : لا , خلاص بخليج بروحج ..
وقف منصور عند الباب ولف صوبها : عليا , الباب .............

......................

بومنصور : ها اخبار الدراسه معاكم ؟
محمد : والله تمام ..
بومنصور : وانت خالد اخبارها معاك ؟
خالد كان ساكت ويطالع عبود اللي كان طول الوقت خايف ويطالع خالد بنظرات " المسكين اتعقد منيه بس خله يستاهل عيل كان الحين ممكن يكون ميت "
محمد : خااااااااالد ..
خالد : ها منو تطرون ؟
محمد : الدراسه ...
بومنصور : وين وصلت ؟
خالد : ها كنت افكر شوي...."المسكينه شما يالله انا كيف رفعت صوتيه عليها اف انا من زمان اتجنب اني اجابلها وانا معصب اكيد الحين سوت في خاطرها "
بومنصور : لا خلو الريال راح مادري وين وصل ..
خالد : اسمحوليه عنديه شغل وبرجع ..
بو نوره : هيه هالشغل اللي ماخذ تفكيره ..

....................

مها : شو قصدك الباب مقفول ....اكيد تمزح يعني منو بيقفله ؟
طوط طوط طوط طوط >>>>>>>>>نغمة التلفون رساله
منصور : ههه ههههه ..
مها : متفيق تقرا رسايل في التلفون الحين ..
منصور : احم ...ها ... هاذي حصه مطرشتنها ..
""هلووووووووووو عجبتك الحركه يالله اليوم ماشي طلعه من عندها حطيت الكم اكل في الغرفه وكل شي جاهز وكأنكم عرايس جدد ,, يالله تتهنو في بعضكم ""
مها : ختك ينت ..
منصور : انا عني جوعان اريد اكل ..
فتح باب غرفة النوم اللي كانت فيها إضاءه خافته وطلعت من الغرفه ريحه حلوه اول ما فتح الباب ..
منصور : يا سلااااااااااااااااااااااا م..
مها : شو صاير ؟
منصور : ههههههههههههههههههههههههه ه لا حصه ينت ينت ..
مها : هـــــــــــــــه شو ها ؟ بعد تضحك عاجبنك يعني ؟
منصور : ههههههههههههههه , احم لا بس .....؟
مها : ورود وشموع وعطر , شو عرس ؟
منصور : ههههههههههههههههههههههههه ..
مها اللي خلاص احمرت من الغيض : لا والله دقلها خلعا تفتح الباب ..
دخل منصور الغرفه وتم يطالعها "الله شكثر احن لهالمفاجآت , آه يا عليا "
مها : دقيت الها ؟
منصور : عليا طولي بالج شوي ..
مها : ما ابا اطول بالي وبعدين هاذي منو عليا اللي كل شوي تناديني باسمها , لا تكون حبيبتك ؟
منصور : ............................؟
مها : يعني انت الوضع وايد عاجبنك ما اشوفك احتشرت او شي , لو انت ريال خلها تفتح الباب قبل لا اطلع من زوري وافضحك وافضح نفسي ..
منصور كان مستغرب من عصبيتها ..
مها : بخبرهم بكل شي بكذبتك وبكل شي , انا خلاص ما اقدر اتحمل اكثر لين هنيه وخلاص ..
وعقت الغشوه عن ويهها : اف حريت اصتكيت خلاص باموت الحين تفتح الباب ترى والله اقدر اكسره ..
منصور " يالله عليا , هاذي لمعت عيونها يوم تعصب وهاذي شفايفها اللي تعض عليهن يوم تعصب وخدودها اللي تحمر ...نفس العصبيه وفالاخير تصيح "
وبالفعل هاللحظه صاحت مها : دخيلك خلاص انا ماريد منك شي ردني البيت بلغ الشرطه والمجلات والصحف وكل الناس خل اهلي يشلوني ...
منصور كان خاطره يضمها لانها عليا " لا يا منصور هاذي مو عليا هاذي وحده تشبهها "
منصور : خلاص لا تصيحين انتي ليش خايفه ؟
صدقيني انا ماراح اسوي فيج شي لو خاطري آخذ منج شي كان من زمان خذته بس انا والله ما اريد منج شي ..
مها : كذاب انتو الرياييل كلكم متشابهين كلكم من طينه وحده ..
منصور : انتي ليش كذيه تقولين ؟
مها : لأن ............لان .......اانا خايـــــفه ...دخيلك لا تسوي فينــــي شي ..
منصور : قلتلج ماراح اسوي فيج شي ..
مها : عيل ليش تسوي كل هذا ليش ؟
منصور : كل الموضوع اريد اغايض اهلي وابوي بالذات وبس , انا آسف ظلمتج ادري ضغطت عليج وايد ..
مها : منصور ....انا ...
منصور : انتي شو ؟
مها : انت شكلك غير عنهم ..
منصور : عن منو؟
مها : ولد عمي ,...............كان .....وانفجرت تصيح ..
منصور : مها ...خلاص لا تصيحين .... ومش لازم تقولين شي ..
مها : لا انا بخبرك كل شي , علشان ما تفكر في شي ثاني , انا شردت من بيت عمي ...مو لانهم كانو يعاملوني كخدامه ولا لأن عمي كان يضربني كل يوم , انا كنت متحمله كل هالأشياء , بس ....شردت لأن ولد عمي كان يشرب ويرد البيت في نص الليل , ويحاول ...يحاول يعـــــــ
منصور : يعتدي عليج ؟
مها : هيه .......اكثر من مره حاول وما قدر ....بس آخر مره اصر بهالشي لأن البيت كان فاضي وماقدرت استنجد من حد , ضربته وطاح و وبسرعه طلعت من البيت قبل لا يصحى وشردت ماكان عندي حل غير هالشي و كذيه بقدر احافظ على عرضي وشرفي , ....
منصور : وعلشان كذيه ما كنتي تبين تردين البيت ومثلتي دور الفاقده ذاكرتها ..
مها : انا اصلن فاقده ذاكرتي من قبل انا ما اتذكر ابوي ولا امي ولا اهلي هاذا من كثر ما عمي يضربني , اتذكر اشخاص بس ما اعرفهم منو يكونون , وكأني صدق فاقده ذاكرتي , بس يمكن ما اتذكر لان كنت صغيره يوم فقدتهم ..
منصور : يعني انتي ابدن ما تذكرين شي عن اهلج ..
مها : اللي اعرفه وهالشي عمي قاللي عنه , انا كنا رايحين انا وابوي وامي واختي وحصل حادث النا ومحد نجا غيري منصور : وليش ما خبرتيني عن كل هالأشياء من قبل كنت ساعدتج وما صار كل هالأشياء ..
مها: مادري كل شي صار بسرعه , وماكنت اريد حد يدري ان ولد عمي كان يحاول يعتدي علي , وخاصتن انك غريب وما اعرفك كيف اقول لك كل هالاشياء ...
منصور : وهاذي انتي قلتي لي كل شي ..
مها : بعد ما تأكدت بنيتك اتجاهي ..
منصور : والحين شو تعتقدين هلج يسوون ؟
مها : مادري عنهم المهم اني مفتكه منهم ..
منصور : دقي لصديقتج حاولي تعرفين منها شي ..
مها : زين ...
منصور عطى التلفون لمها وقام متوجه للصاله المرتبطه في نفس الغرفه ..
مها : منصور ..
منصور لف صوبها : هلا ..
مها : مشكور ..

......................

لين هنيه مها اعترفت بحقيقتها كلها لمنصور ومنصور كشف لمها نص الحقيقه وكل الامور انكشفت يا ترى هل بتنكشف بعد كذبتهم شو اللي ممكن يصير .....كل هذا في الحلقات القادمه ( خخخخخخخخ مسلسل هندي )
تابعونا ..

,,,,,,,,,,,,,,,,,,,,,,,,,,,,,,,,,,,,,,,,,,و

انشالله ما اطول ....