&&&&&&&&&&&
&&&&&&&&&&&
كانك تهنــّا في منامك وترتاح
انا منامي كله آهات وهموم
وكانك تعيش الحلم لانمت مرتاح
انا حلومي ضايعه ماهي احلوم
الله يزيدك ياحبيبي بالافراح
والله يصبرني على قلب مضيوم
ياصاحبي ماجيتك اشكي من جرااح
ولاجيت أبي وصفه ترجع لي النوم
جيتك ابين لك سبب خافقٍ صاح
جيتك ابشرح لك سبب همي اليوم
إنت السبب خليت الاحساس سواح
تايه غريب وينتظر لحظة قدوم
نسيت من جاني ولا لي بمن راح
وادخلتني بحرك وانا اجهل العوم
خليتني اقفل خفوقي بمفتاح
واعطيك مفتاحه بكيفك على الدوم
تامر على كيفك وتدخل وتجتاح
وتنام به في كل الايام وتقوم
لين قلبي في يدين البشر طاح
وكلٍ لمح حبك بالاعيان مرسوم
واليوم انا مابين صمتي والافصاح
اشيل نار الحب مع جمرة اللوم
********