[فيتامين سي]

البارت مهدي بأسم صديقاتي وخواتي وحبيباتي(امل...غفران1...غفران 2)
يگولون احنا مفتخرين لأن صديقتنة كاتبة...اكو كم بنية بمدرستي مااعرفها بس قرت روايتي وانعجبت بيها ف ضلت دائما يسئلوني ويمدحون وهيج شي...ومامصدگين انو انا الي اكتب...انا فرحت ان روايتي هيج انتشرت والكل انعجب بيها وبإفكاري ع الرغم من انها اول تجربة الي...بس والله حمسوني وشجعوني وخلوني اشعر بالفخر...وافتخر انو صديقاتي مفتخرات بية...الله يخليهم الي يارب...


نبدأ
بسم الله
Part 22

ګلَ رجِلَ مَهِمَأّ بِلَغٌ عٌمَرهِ
فِّأّنِهِ يِّحٌتّأّجِ لَأّمَرأّةّ يِّرتّمَيِّ
بِحٌظّنِهِأّ عٌنِدِمَأّ يِّګوِنِ مَهِمَوِمَأّ
لَيَِّّس شٍرطّأّ أّنِ تّګوِنِ حٌبِيِّبِتّهِ
ِ قِدِ تّګوِنِ أّمَهِ أّوِ أّخَتّهِ أّوِزِّوِجِتّهِ
لَذّلَګ ګفِِّ عٌنِ تَّّسمَيِّتّهِنِ
بِنِأّقِصٌأّتّ أّلَعٌقِوِلَ
فِّأّنِګ تّحٌتّأّجِ لَنِأّقِصٌةّ أّلَعٌقِلَ
لَتّګمَلَ نِصٌفِّ دِيِّنِګ
يِّأّنِأّقِصٌ أّلَدِيِّنِ







مرت فترة ع علاقة رنيم وبهاء
وكل يوم حبهم يزيد لبعض وخاصة من ناحية بهاء
رنيم صارت الهوا الي يتنفسة...كلشي بحياتة..ومايگدر يستغني عنها لحظة
استمرو تقريباً بعلاقتهم شهرين...
بس بهاء ماعاجبة وضعهم هيج...هو ماتربى ع هيج شي ورنيم اول بنية بحياتة
ف لذلك قرر ينهي هذا الشي
بيوم الجمعة...بتاريخ كذا.... بال10 بالليل..اتصل عليها

ردت:الو
بهاء بس يسمع صوتها يبتسم:هلا حبيبتي
رنيم:اهلاً
بهاء:شلونج؟
رنيم:الحمدلله..وانت
بهاء:تمام...حياتي؟
رنيم:عيونها
بهاء:ممم..اريدج احجي وياج بموضوع
رنيم:وهو؟
بهاء:مااعرف شلون ابدي
رنيم بخوف:بهاء صاير شي...بيك شي؟
بهاء:لالا حبي لاتخافين...مابية شي...بس الموضوع يخص وضعنة
رنيم:شبي؟؟
بهاء:حبي شنو رأيج باجر نتقابل...وافهمج كلشي
رنيم:شيصبرني لباجر...خوفتني
بهاء:ياروح بهاء انتي لاتخافين...ماكو شي يستدعي القلق...باجر ان شاء الله اشوفج وتفهمين كلشي
رنيم:ماشي...وين نتقابل؟
بهاء:ع الكورنيش..ساعة ب4 العصر
رنيم:اوك
بهاء:يلا حبيبي...اتركج هسة
رنيم:ماشي...بيباي...احبك
بهاء:اعشقج...باي

سدو الخط وكلمن يفكر بباجر
بهاء خايف من ردة فعلها وخاف ترفض الشغلة
ورنيم خايفة من الموضوع نفسة وتفكر شنو هو ياترى


يوم ثاني...
ع العصر تجهزو وتوجهو للكورنيش ...
تقابلو هناك وگعدو

رنيم:شنو هو الموضوع؟؟
بهاء:رنومة...انا ماعاجبني وضعنة...انو هيج نبقة نتخابر ونلتقي وهيج شي...انا ماارضاها ع بنات عائلتنة ...ف مستحيل ارضاها عليج...وانتي تعرفين انو انتي اول بنية حبيتها واول بنية بحياتي
رنيم خافت:شنو يعني؟؟
بهاء فهمها:لا يروح فكرج بعيد هههه
رنيم:مافهمتك....(برعب)..يعني ننفصل؟!!!
بهاء بسرعة:مستحيل...لو اموت مااتركج
رنيم بحيرة:لعد؟...وضح اكثر
بهاء لزم ايدها وبهدوء:حياتي...انا احبج وانتي تحبيني ومنتهين من هاي الشغلة...ف ألمن مستمرين بهيج شي...ليش مانتزوج...حتة يكمل حبنا...ومحد الة حق علينة
رنيم انصدمت وارتبكت:هـا؟!!...مادري
بهاء:شنو ماتدرين...گليلي...اذا تقدمتلج توافقين؟؟

رنيم ماردت
بهاء فهمها غلط:يعني ماترديني؟؟؟؟
رنيم بسرعة:لااا...(ارتبكت)..احم..ان ا موافقة..بس يعني..انا بعدني صغيرة
بهاء:عادي...اخطبج هسة ونعقد...ولمن تكبرين بعد شوي يلا نتزوج
رنيم:ممممم
بهاء:شگلتي؟؟
رنيم:طيب..الي تشوفة
بهاء بتردد:بـس اكو شي اريدج تعرفينة
رنيم بأستغراب:شنو؟؟
بهاء:انتي تدرين انو انا احبج واسوي المستحيل عالمودج
رنيم:ايه
بهاء:انا من رح اجي اخطبج...رح اجيب بس امي
رنيم:وابوك؟؟
بهاء بأرتباك:انا رح اكون صريح وياج...ابوي يريد يزوجني لبنت صديق وياه...يعني زواج مصلحة...وو...وانا مااريدها ومااطيقها...وگتلة اريد اتزوجج...ماقبل...بس امي وگفت وياي...ف اتزوجج واجيب امي...واحطة گدام الامر الواقع...ساعتها مارح يگدر يغصبني

رنيم انصدمت وماردت
بهاء بهدوء:شگلتي؟؟
رنيم تركت ايدة:بهاء انا اسفة
بهاء بخوف:شنو؟؟
رنيم وگفت وانطتة ظهرها:انا موموافقة
بهاء وگف ودار عليها:ليش؟؟..رنيم انا احبج ومااگدر اتركج
رنيم تستجمع قوتها:ابوك لازم يحضر للخطبة
بهاء:گتلج اجيب امي ...الله يخليج وافقي
رنيم غمضت عيونها بقوة:حتة لو انا وافقت..اهلي واخواني مارح يقبلون...معناها تقليل من شأني اذا ماجبت ابوك
بهاء بسرعة:ماعاش من يقلل من شأنج...(لزم ايديها بقوة)...انا رح اجيب امي وخوالي كلهم وحتة عمامي اجيبهم..بس ابوي الي مايحضر
رنيم بهدوء:حتة لو..لو بس يحضر ابوك كلش كافي
بهاء برجاء:رنيم الله يخليج
رنيم سحبت ايديها وانطتة ظهرها:اسفة بهاء...ماأگدر...انساني...ولا تعصي ابوك وشوف حياتك..واعتبرني ذكرى مرت عليك وراحت..(نزلت دموعها وبكذب)..انا رح اعتبر انك مادخلت بحياتي...ونفس مادخلتك اطلعك
بهاء خنگتة العبرة:رنيم..لا تصيرين انتي والظروف ضدي...ارجوج فهميني...شلون ترديني انساج انتي حياتي كلها
رنيم بهمس:مع السلامة...الله يوفقك وي غيري
تركتة مكسور الجناح وراحت
بهاء ضل واگف ويتابع طيفها..ماحس غير شي حار ع خدة...نزلت دمعة حرگت گلبة قبل خدة...بهاء الي عمرة مانزلت دموعة...الي عمرة ماهزة شي...بهاء الرجل الشامخ...الواثق...جبل مايهزة ريح...دخلت رنيم بحياتة وبعثرتها وبعثرت كيانة...وتركتة جريح وراحت...رنيم الي خلت الواثق الشامخ ينكسر...يتدمر ..الي نزلت دموعة


اما رنيم...ف غصب عنها تركتة...اول شي تعرف اهلها انهم مستحيل يرضون بهذا الشي...ثاني شي...عمرها صغير ماتعرف تفكر لو تحكم عقلها...گالت هذا الحجي بدون تفكير وبأعتقادها مثل مادخل بحياتها بسهولة...ممكن يطلع بسهولة...ركبت بسيارة جوري الي جانت تنتظرها..(طبعاً سايق يسوقها لأنها صغيرة بالعمر)...ركبت ورأسن رمت نفسها بحظن جوري

رنيم تبجي بصوت عالي:راااح...جوري راح..شسوي..ااااه يامامااااا...

جوري حضنتها وتمسح ع شعرها...لأنها جانت قريبة وسمعت كلشي
جوري تبجي وياها:بس ياگلبي انتي...اهدي لاتسوين بنفسج هيج
رنيم ابتعدت عن حضنها ولزمت گلبها:جوري يأذيني...ألم يوجع....شسوي گليلي ااااااااه ياربي
جوري رجعت حضنتها:ياروحي انتي...انتي بعدج صغيرة...گدامج مستقبل مايصير تسوين بنفسج هيج
رن تلفون رنيم :هذا هو...شسوي
جوري بحنان:ردي وشوفي شيريد
ردت بس ماحجت
بهاء بخنگة:ر..رنيــم...ردي...ح..حبي� �تـــي.... الله يخليج ردي
رنيم بتلكك:ن..نعم
بهاء بتوسل يگطع الگلب:رنيم..الله يخليج...والله احبج...والله مااگدر بلياج...فدوة لا تركيني..فدوة
رنيم تبجي:مااكدر
بهاء تغير صوتة:لاتصيرين قاسية
رنيم عرفت انه جاي يبجي:بهاء لاتبجي
بهاء بضعف:انا رح اتركج..بس عندي طلب اخير..فدوة نفذيه
رنيم:اطلب
بهاء:گولي احبك..ارد اسمعها اخر مرة
رنيم بضعف:حبيبـــــي
بهاء:عيوونــــة ورووحـــــة كلهـــا
رنيم بأنيهار:احبــــــــك

سدت الخط بسرعة
وانتهت علاقة رنيم وبهاء..وكلمن تعذب وعانة من الفراق...رنيم مع الايام ووجود جوري بحياتها..نست بهاء...او تناستة...اقنعت نفسها انها مجرد مراهقة...وكبرت وهي تقنع نفسها بهاي الفكرة لحد مانست...وبعد ماسمعت عنة اي خبر...ولحد اليوم ورجع بهاء بحياتها...وثبتلها حبة وخطبها ووافقت وهي ماتدري انه نفسة بهاء...اول ماشافتة حست بشعور غريب ناحيتة...وكأنها تعرفة من زمان..ومااخطأ شعورها...وهذا دليل ع ان حبهم صادق ومن كل گلبهم حبو بعض


نرجع للواقع......
رنيم:وهاي قصتي وياه

رشا وزينة دموعهن ع خدهم ومتأثرات وجوري نفس الحالة
رنيم:ههههه لا تبجون كافي...هاي الحمدلله رجعنة لبعض
زينة تبجي:اهئ اهئ...شوفي نفسج اول...دموعج اربع اربع وتحجين علينة
رنيم مسحت دموعها:هههههه تأثرت
رشا تبجي هم:والله اذا تركتيه مرة ثانية اقتلج
زينة:اموتج والله
رنيم:ههههه لالا مااتركة
جوري:يلا هسة گومو خل نحضر الملابس
البنات:يلا

نتركهم يحظرون.....
___________________
عند فهد ونجود....
جانو گاعدين بالصالة
رن نقال فهد
شاف المتصل وارتبك وحاول يكون طبيعي

نجود:منو؟
فهد:الشغل

گام بسرعة وراح لمكتبة ورد
فهد بصوت ناصي:الو
..........:هلا حبيبــــي
فهد:هلا بيج
.........:حبيبي گلت لزوجتك؟؟
فهد:لا بعدني
......بغضب:لعد يمتة تگلها...ترا مليت انا
فهد:اگلها والله اگلها لاتخافين
......:يمتـــة؟؟
فهد:باجر خطوبة جوري...من تخلص بالليل اگلها
......بتهديد:اذا ماگتلها اجي للبيت وثـــق بالله اسويها
فهد:يومين وانتي بالبيت لاتخافين
.......بسخرية:نشـــوف
فهد:شوفي وتأكدي...يلا حبيبي انا رايح
........:ماشي حبيبي ..باي
فهد:باي

سد الخط وطلع من مكتبه ورجع يم نجود وفكرة كلة يم الي اتصلت.....
نجود:شنو يردون؟؟
فهد صحا من سرحانة:هــا؟!!
نجود:اگلك شنو يردون الشغل؟
فهد:هيج اوراق يسألوني عنها
نجود:اها
فهد:جهزتي بنتج؟
نجود:اي...البنات يمها جاي يساعدوها
فهد:تمام
___________________________
عند فادي....
گاعد بالصالة ويبارع TV ويفرفر بالقنوات ومايثبت ع شي
تملل من TV...شمر الرمونت ع القنفة وگام...توجه للمطبخ...فتح الثلاجة ضل يباوع عليها...طاحت عينة ع الكيكة...اخذلة قطعة وسحب قوطية ببسي وگعد ع الطاولة الموجودة بالمطبخ
حط الكيكة والببسي وطلع فونة...
يگلب بالصور...حط قطعة بحلگة وفر بالصور واجت صورة جماعية بيها الشلة...قديمة هي بس محتفظ بيها...لان رنيم موجودة وجانت تضحك من گلبها وشكلها طفولي...يعشق هاي الصورة...ضل يباوعلها وهو مبتسم

فادي:احاول انساج...عالرغم من انه مستحيل انساج...بس مضطر...حاولت افرق بينج وبين بهاء...بس ماگدرت...مااتخيلج متأذية وحزينة...لأن اعرف شعور الي يفقد حبيب...ومااريدج تجربينة...من اشوفج مرتاحة...ارتاح....الله يوفقج ياكل دنيتي...تستاهلين الي احسن مني ولگيتيه....انا مااستاهلج...بس احبج

قطع عليه تأملة بالصورة صوت الفون
مهند يتصل
رد:الو
مهند:هلا....شنو جاي تسوي؟؟
فادي:ولاشي،...گاعد اكل كيك وببسي
مهند بأستغراب:شعجب بالبيت...بالعادة هيج وقت طالع وي بنية
فادي:هههههه...سيارتي بالصناعية
مهند:اهاااا...گول هيج من اول
فادي؛هههههههه اي والله
مهند:حنيت عليك...رح اجي عليك ونطلع...بس رجاءاً من دون حركات منا منا...الزم نفسك
فادي طگها ضحكة قوية:هههههههههههههههه.....لا لا خلص تبنة
مهند بصدمة:فادي مصخن؟؟؟
فادي:هههههه لالا مابيه شي...قررت اترك هاي الشغلات ...خلص كبرنا
مهند بفصحة:هل تتكلم بكامل قواك العقلية ياخي؟؟
فادي:ههههههه ايوون
مهند:الحمدلله انهديت
فادي:يلا يلا تعال علية...طگت روحي من البيت...گاعد لوحدي جني طنطل
مهند بأستغراب:اهلك وين؟؟
فادي:مسافرين...(بضحك)..يجددون شهر العسل
مهند:ههههههههههههههاي....يو� � لألنة
فادي :امييييين
مهند:ههههههه من قلب
فادي:ههههه يلا ولك تعال علي...انوب نكمل سوالف
مهند:هههه اوك ربع ساعة وانا يمك
فادي:انتظر

سد الخط وشال الصحن وحطة بالسنگ وذب قوطية الببسي وتوجه لغرفتة ركض حتة يبدل
لبس جينز رمادي وتيشرت بنفسجي ماسك ع جسمة وشوز سبورت اسود وساعة سير رمادي وعطر ولبس سلسلة فضة واخذ فونة وطلع من الغرفة...بطلعتة دگ فونة ..مهند
رفضة وطلع...قفل باب البيت وتوجه للسيارة وركب

فادي:سلام
مهند وهو يحرك السيارة:وعليكم
فادي:وين نروح؟؟؟
مهند:مادري كيفك
فادي:خل نفرفر واذا عجبنة مكان ننزل
مهند مد ايدة:فلوس البانزين
فادي ضرب ايدة:دگوم...شنو هالبخل
مهند:هههههه..اتشاقة...اشوف شتسوي
فادي:امشي امشي
مهند:باجر تروح للخطوبة؟؟
فادي:طبعاً...مو بس عالمود سلطان...عالمود جوري هم
مهند:اي صح
فادي:فارس شخبارة؟؟...درى بخطبة جوري؟؟
مهند:فارس ادگ عليه مغلق ودرى بخطبة جوري بس ماعرف انه سلطان الي خطبها
فادي:والله لو يدري...يقتلة...زين انت شدراك
مهند:رنيم گالت
فادي بهدوء:يمتة خطبة رنيم؟؟
مهند بنفس هدوءة:الجمعة الجاية
فادي:اهاا

سكت والتفت ع الجامة ويحاول يبين انه مامهتم
مهند حس بيه:شبيك؟؟
فادي:مابية شي...شغل شي...شنو هالملل بسيارتك
مهند:هههههه جنة نسولف ف ماشغلت
فادي:يلا شغل

شغل مهند المسجل وضل يگلب بالاغاني وثبت ع اغنية....ماكان مقصدة شي...اجت عفوية منة ....بس مايدري انة الاغنية اجت لفادي ع الجرح

فادي يسمع وكأن الكلمات موجهه الة

اجاني الليل..ياگلبي...حضر دموعك وابچي
حبيبك هسة وي غيرك...يسولف گاعد ويحچي
يسولف گاعد ويحچي


ياگلبي انت تعبك بي مفاد
لك انسة حبة كافي..كافي عاد
الوفي مالي چنت شگد تگول
من هذا الوفي ياگلبي استفاد


فادي خنگتة العبرة...واول مرة بحياتة هيج يتأثر
عمرة مااهتم بشي...ولا اتأثر بشي
هو قرر ينسة رنيم ويشيل حبها من گلبة
بس ماجان يدري انه صعبة وان الحب عذااب ..عذاب


كمل يستمع للأغنية وكل كلمة تجرح گلبة

بهذا الليل ياگلبي....انا وياك شنسوي
شيطفيها فهمني....نار فراگة الي تچوي
نار فراگة الي تچوي


ياگلبي انت تعبك بي مفاد
لك انسة حبة كافي..كافي عاد
الوفي مالي چنت شگد تگول
من هذا الوفي ياگلبي استفاد


هنا فادي ماگدر يتحمل ونزلت دمعة من عينة
مهند ماجان منتبه الة...الفتت عليه وانصدم

مهند:فـــادي!!!....شبيك؟؟...شص� �ير؟؟

فادي مارد...مسح دمعتة بسرعة والتفتت للجامة....دمعتة عزيزة عليه ...ومايحب اي شخص يشوف دموعة
مهند وگف السيارة ع جنب والتفت ع فادي

مهند:فادي احجي وياك انا...شبيك...ليش تبجي
فادي بصوت مخنوگ:ماابجي...هيج عيني حرگتني ونزلت دمعة
مهند لزم فك فادي وفرة عليه:هذا الحجي مو علي...شنو صاير....انت ماتبجي الا اذا شي جبير
فادي:مهند لاتلح ...گتلك مابية شي
مهند بحنان:فادي انا اخوك...فضفض وارتاح....اذا ماحجيت مارح ترتاح صدگني

فادي ع نبرة صوتة الحنونة نزلت دمعة ثانية وتلتها ثالثة ورابعة..لحد ماصارت دموعة تجري ع خدودة
فادي بخنكة وعبرة:راحت مني...ادري انا مااستاهلها....بس شسوي موبيدي...احبها والله احبها...(ضرب ع گلبة)...هذا عنيد...ماراضي ينساها...يدري انها ماتطيقة وبقة يحبها...شسوي..گلي شسوي

مهند انصدم من انفعالة وبجيه...عمرة ماشاف فادي يبجي ولاشافة بهالضعف...دائماً فادي هو القوي هو الي يصبرهم...وماضعف گدام اي واحد ولا يوم اشتكى
انقهر عليه...صديق عمرة واخوه يبجي گدامة ولايعرف شيسوي...هو صح ماجان يريد رنيم لفادي...لان يعرف ان رنيم ماتطيقة...تحترمة كأخ...لكن ماتحبة كحبيب وخاصة بسبب مغازلاتة

تقدم من فادي واخذة بحضنة وشد عليه
فادي حضنة بكل قوتة ودفن وجهه بكتف مهند العريض وضل يبجي...يريد ينفس عن القهر الي بداخلة...عن الالم الي يحس بيه بفراقها...بفقدانها...طلعت شهقاتة ويبجي گانة طفل فقد امه....مهما كان الرجل قوي...لابد وان يكون هناك شي يكسرة...ودموع الرجل صعبة جداً...اذا نزلت دموعة تهز جبال....يبجي من گلب دليل ع تحملة الي نفذ...

بعد دقايق قليلة جداً...ابتعد فادي عن مهند وصد بوجهه عنة ومسح دموعة
مهند احترم هدوءة وحرك السيارة ومانطق بكلمة...لأن يعرف كلش زين عزة النفس والكبرياء الي عند فادي...
الجو هدوء جداً وفادي يباوع للشارع بالليل وبعالم ثاني

مهند بهدوء:وين تريد تروح
فادي:رجعني للبيت
مهند:ماشي

رجع مهند لبيت فادي
وقبل لاينزل
فادي:مهند...سوي نفسك ماشفت شي ولاسمعت شي
مهند:ولايهمك
فادي:تصبح ع خير
مهند:وانت من اهلة

نزل فادي من السيارة وتوجه للبيت ومهند رجع لبيتة
دخل فادي للبيت وتوجه لغرفتة...نزع ملابسة وشمرهن بأهمال وشغل التكييف ع الاخر وطفة الاضوية وشمر روحة ع السرير ونام ....مايريد يفكر بأي شي ابد...ثواني وغط بنوم عميق


يتبع