عند جوري.....
البنات كلهن نايمات....وهي منسدحة ع السرير وتفكر بباجر
گدامهم مبينة عادي...ومامهتمة...بس من داخلها مجروحة ومقهورة...ابد ماتتخيل نفسها لغير فارس...صحيح جانت تدري انه مستحيل تصير اله لكن ع الاقل مو لغيرة...بس هسة مجبورة تنساه...لازم تشيلة من بالها...لكن صعبة...صعبة جداً....فارس مو اي واحد بالنسبة الها حتة بسهولة تنساه...فارس كل حياتها ودنيتها والاوكسجين الها....وبيوم من الايام كان خطيبها....تنهدت بألم....والعبرة واگفة ببلعومها...مثل الخنجر الي يقطعها....فتحت السلسلة الي برگبتها وضلت تتأمل بالصورة...تجمعت الدموع بعيونها...حتة صارت رؤيتها مشوشة....اختفت ملامح الصورة بعيونها بسبب الدموع...سدت السلسلة وضمتها ع صدرها وهي تبلع غصاتها وعبراتها...ماتريد تبجي...تحاول تقاوم وماتنزل دموعها...الدموع مارح تسوي شي...تعبت من البجي...لو البجي يحققلها الي تريدة جان ضلت تبجي طول ال3 سنين حتة يرجعلها فارس...لكن هذا قسمة ونصيب
غمضت عيونها واستسلمت للنوم
بنفس الوقت.....
فارس بنفس حالتها بالضبط....لازم فونة ويتأمل بصورتها...مهما يحاول يطرد الافكار من بالة ويقنع نفسة انه خلص راحت لغيرة...يرجع يفكر بيها...عقلة يفكر بيها...وگلبة ينبض بأسمها...ثنينهم واگفين ضدة...ومايرضون بغير جوري...هو جان ساكت وحالته عادية لأن يعرف انها مولغيرة...حرة مامرتبطة بغير شخص...يعرف انها تحبة وماتفكر بغيرة...لهذا جان متطمن...بس هسة صار تفكيرة مشتت...مايعرف اذا تفكر بيه ولارح تنساه وتحب غيرة...هسة صارت مستحيلة بالنسبة الة...خلص راحت لغيرة....ماصارت جوري الحرة الي گلبها بس لفارس...ماصارت ملاك فارس....رح تصير ملاك غير شخص....تنهد بألم وطفة الفون وانسدح ويحاول مايفكر...ويدعي بگلبة ع خالتة الي كرهها لحد الموت...حتة وهي ميتة يكرهها...وهي ع فراش الموت تطلب منة السماح...سامحها فقط بلسانة...لكن قلبة وعقلة مامسامحها ومستحيل يسامحها...جانت تعرف جنون فارس بجوري...ومع ذلك فرقتهم...
_____________________
يوم ثاني الصبح...ساعة ب10
دخلت نجود لغرفة جوري حتة تگعد البنات...
نجود بصوت عالي شوي:يلا بنااات...گعدو ولكم ساعة ب10 يمتة تلحگون تجهزون
زينة گعدت:صباح الخير
نجود ابتسمت:صباح النور....گعدي البنات علما اجهزلكم الريوگ
زينة:اوك
طلعت نجود من الغرفة
زينة قربت يم رنيم وصرخت:بهــــاااء....شتســـو� � هنــا
رنيم نطت:هــا؟!!...بهاء!!!...(تتلفت).. .وينة وينة
زينة ببراءة:ببيتهم نايم
رنيم استوعبت وردت بحقد:ماشي ياحقيرة...اردها
گامت ودخلت للحمام تغسل وزينة تضحك عليها
قربت يم جوري وصرخت:جــــوري....ابوج يصيحلج متحلف بيـــج
جوري نفس حالة رنيم...نطت وتتلفت:هـــا؟!!،..وينة وينة...شيريد
زينة:هههههههه مايريد شي جذب....يلا گومي رح نتأخر
جوري بحقد:يانذلة وگفتي گلبي...بسيطة اردها
راحت كذلك للحمام تغسل
زينة فرت ع رشا:ممممم بشنو اخرعها..(فجأة)..لگيتها
قربت يمها وصرخت:رشـــا...فارس طلگج
رشا ولا يمها
زينة:خرب...ولافزت...ممممم طيب شلون..
تلفتت بالغرفة...طاحت عينها ع النقال
نطت واخذتها وبسرعة فتحته ع اليوتيوب وطلعت موسيقى مرعبة وصريخ وشغلتة وحطتة يم ذانها
نطت رشا وصرخت:يماااااااا
زينة وگعت ضحك
رشا باوعتلها وشافت النقال بيدها مشتغل ع النغمة
باوعتلها بحقد:يامجرمة...اوريج اردها الج
زينة غاصة ضحك:هههههههههههههههههاي ااه ياماما...الله يستر شكل نهايتي اليوم
طلعن البنات من الحمام بنفس الوقت ودخلت بعدهم رشا وغسلت وطلعت
زينة:يلا ام جوري گالت تعالو جاي تجهزلنة الريوگ
نزلن البنات وراحن لغرفة الطعام
الكل:صباح الخير
نجود:صباح النور...ماكافيكم نوم...وراكم شغل فوگ راسكم
رنيم:عمة انتي مالگيتي غير هاي الحقيرة تگعدنة
نجود:ههههه ليش؟؟
جوري:وگفت گلبنة الثولة
زينة:ههههه شسويلهم مايگعدون بسرعة
نجود:زين تسوي بيكم
رشا:صفت وياها..(التفتت ع جوري ورنيم)...النة الله يااختاي
رنيم وجوري هزو روسهم:نعم نعم يااختاه
نجود:ههههه يلا گعدو تريگو...حتة براحتكم تجهزون...موبعدين تظلون تتراكضون
گعدو البنات ع الطاولة ويتريگون وطبعاً الگعدة ماتخلة من الضحك والمناگر
بعد نص ساعة خلصو...وكلهم توجهو للغرفة يحظرون وع جمعتهم للعصر مايخلصون...اذا همة ساعة ضحك وسوالف وتعليقات وخمس دقايق تجهيز.....
نتركهم هسة....
________________
عد مهند.....
گعد متأخر...اليوم اخذ اجازة عالمود خطوبة جوري وسلطان
تريگ وبدل وگعد بالصالة
شوي ودخلت امة
ام مهند:اشو اليوم مارايح للدوام
مهند:اليوم اخذت اجازة
ام مهند بأستغراب:ليش
مهند:اليوم خطوبة جوري ولازم احضر
ام مهند:اهاااا....منو خطبها؟؟
مهند:صديقي سلطان؟؟
ام مهند:وفارس شسوا؟؟
مهند:فارس من سمع الخبر حابس نفسة بغرفتة...والمشكلة مايدري انو الي خطبها هو سلطان
ام مهند:ليش واذا درى؟؟
مهند:فارس مايطيق سلطان...انوب ياخذ جوري من عندة...والله يجن جنونة
ام مهند:حقة....مو هينة عليه تروح منة
مهند:همة صارلهم 3 سنوات منفصلين...بس ماسوا هيج...شمعنة هسة...خل ينساها حتة يرتاح
ام مهند بعقل:لا ياماما مو سهلة عليه...هو من انفصل عنها جان متطمن لانها حرة...مو لغيرة...بس هسة من ارتبطت بغيرة بعد مالة امل بيها....ومجرد يفكر انه غيرة يلزم ايدها يحجي وياها ويتغزل بيها...يجن....لعد شلون لو راحت كلش....صعبة كلش
مهند تنهد:الله يعينة...انا مامجرب الحب وماعرف شنو عذابة...ومع ذلك حاس بأذيته...الحمدلله ماكو وحدة دخلت بگلبي
ام مهند بضحك:ههههههه يعني هسة تقنعني انك ماانعجبت بوحدة من الاجنبيات الصاكات الي جانو وياك بالجامعة
مهند:ههههههه تربية عبود انا
ام مهند:ولأنك تربية عبود اگول هيج
مهند:هههههههه يعني ابوي جانت عندة سوالف منا منا
ام مهند:هههههه لا مو سوالف منا منا بس هو جريئ
مهند تحمس:هههه شلون بلا...سولفيلي
بهاللحظة دخل ابو مهند:سلام
مهند:وعليكم....هلا والله عبود
ابو مهند(عبدلله):عبود بعينك...اصغر جهالك
مهند:ههههههه تعال تعال لا تفوتك الگعدة
عبدلله:شنو؟؟
مهند:امورة تگول عنك جنت جريئ
عبدلله:هههههههه شلون بلا ؟؟
مهند:مادري جاي اگلها تسولفلي
ام مهند(اميرة):ماتتذكر شنو جنت تسوي بأيام الجامعة؟؟
عبدلله طگها ضحكة:ههههههههههههههاي
مهند ضحك وياه:هههههههههه شنو جنت تسوي عبود
عبدلله:هههههه انا تعرفت ع امك بالجامعة...اول ماشفتها تسودنت...تخبّل جانت...المهم يوم عن يوم تزيد حلاة...ويزيد اعجابي بيها...لحد ماحبيتها...وهي جانت ماتنطي وجه...فد يوم الدكتور گالو سوو بحث وكل اثنين يسوونة...اسمها طلع وي اسم صديقي...انا اتفقت وي صديقي وخليتة يگول للدكتور يبادل الادوار...المهم صارت وياي....طول فترة البحث اتحارش بيها ههههه لحد ماجزعت مني...اخير شي اعترفتلها بحبي...وبعد فترة اعترفت هي هم
مهند تحمس:هلا هلا....وبعد شنو صار
اميرة:بوقتها تندمت اعترفتله
مهند:هههه ليش
اميرة:ضل يحرجني هواي...وحركاتة محرجة
مهند:شيسوي
عبدلله:جنت مستحيل امشي اذا موايدها باأيدي...والي يباوعلها بنظرة اشردة...وياهو يباوعلنة اكلة احبها ههههه وهي تختفي من الاحراج....ومرة طلبت ايدها للزواج بحفلة التخرج...ومن گالت موافقة...شلتها گدام الكل وصرخت احبها..
مهند:ههههههههه والله وطلعت رومانسي...خل نتعلم منك
عبدلله:بس ماانصحك تسوي الي سويتة...ضلت شهر ماتحجي وياي...ومن عقدنة....خلت العرس بعد سنة ونص...طلعت عيوني بيها
اميرة:هههههه تستاهل حتة ماتسوي حركاتك
مهند:ههههههه موهينة امورة
اميرة:بس كالعادة...اتندم من افعالي..
مهند:ههههه ليش شسوا
عبدلله:طلعت الفترة الي اجلت الزواج كلها من عيونها
اميرة:كافي لاتحجي
مهند عرف السالفة:عبود احجي احجي
عبدلله:احجي؟؟
اميرة:ياويلك
مهند:عبود انا ابنك وراي زواج علمني يلا
عبدلله عادي عندة:هههههه اول اسبوع من زواجنة خليتها تمشي وايدها ع ظهرها
اميرة ضربت كتف عبدلله وهي منحرجة كلش
اما مهند منسدح ع القنفة وفاصل ضحك
اميرة:مهينو ووجع...عيب عليك
مهند فاصل ع الاخر:ههههههههههههههههههه� �ههههاي....ااخ يابطني....عبود ياوحش
عبدلله:هههههههههه شعبالك اعديها الها بسهولة
مهند صار احمر من الضحك:ههههههههههه هذا ابوي...زين يمتة حبلت بية؟؟
عبدلله بأبتسامة بلهاء:من ثاني اسبوع
مهند صرخ بضحكة:لاااااا عااااااد.....ايدك يااسد...(مد ايده لأبوه)...هههههههه
عبدلله ضرب كفة وهو يضحك:هههههههه
اميرة گامت عنهم:ماعدكم سالفة
مهند:ههههه امورة وين رايحة
اميرة:مالك شغل
صعدت لغرفتها
نگز عبدلله:بوووية...زعلت...يمعود وقتك هسة...خل اطفر اراضيها...(بووية الرجال عدنا يكولوها احنا نكول يمة همة بوية نسبة للأب هههه)
مهند:هههههههه الحك عليها لاتطير...باجر اجازتك
عبدلله:باي
ركض ورا اميرة ويصرخ بضحك:امووورة...حبيبي...ولج اتشاقة يابنت الناس...
مهند يباوع لأبوه ويضحك من گلب
(ابو مهند وامة شخصيتهم كلش مرحة ومن نوع سبورتيين وابد مايبين عليهم الكبر...همة مو كلش كبار...وعلاقتهم وي مهند علاقة صداقة كلش حلوة ومدللينة ع الاخر...اولاً لانه الوحيد وثانياً لانة من جابوه زادهم حب لبعض<<الله يهنيهم ويرزقنا ههههه)
___________________________
عند بهاء....بالمستشفى ...نحديداً بمكتبة
يتصل ع فارس مايرد....
ف اتصل ع مهند...
رد:الو
بهاء:سلام
مهند:وعليكم...هلا والله
بهاء:شخبارك
مهند:نحمدلله...وانت
بهاء:الحمدلله...اگول مهند
مهند:هلا
بهاء:فارس ادگ عليه مايرد
مهند بكذب:مادري يجوز ماشافة او صامت
بهاء:اهاا...المهم يمتة تروح للحفلة؟؟
مهند:ع الساعة 7
بهاء:اهاا...تمام
مهند:ليش؟؟
بهاء:مو عندي عملية لازم اسويها...وع الساعة ب5 يلا اخلص...يلا الحك ارجع ارتاح واسبح وابدل واجي
مهند:اهااا....الله يعينك عمليات ووجع راس
بهاء:ههههههه...يلا استأذن...اشوفك بعدين
مهند:اوك..باي
بهاء:باي
سد الخط وحط نقالة صامت وطلع من مكتبة وراح يشوف الاجراءات..عالمود العملية
_________________________
عند حسام....
گاعد بمكتبة وواگف گبالة واحد من البديغارد
حسام:اسبوع واريد المعلومات الي تخصة يمي
البديغار:حاضر
حسام بحدة:ادق التفاصيل اريدها توصلني...مفهوم؟
البديغار:مفهوم
حسام:يلا روح شوف شغلك
طلع البديغارد من مكتب حسام
حسام بحقد:بسيطة فادي...اوريك شلون تلعب بأختي...اوريك ان الله حق
گام وطلع من مكتبة وتوجه للطابق الثاني وراح لغرفة مرام
دگ الباب
مرام:ادخل
دخل حسام وبأبتسامة:الحلوة شتسوي؟؟
مرام ردتلة الابتسامة:ولا شي گاعدة اتابع اخبار الموضة من الملل
حسام:شنو رأيج نطلع نفرفر شوي ونتونس
مرام بفرح:اوك موافقة
حسام:ماشي...انتظرج جوا..جهزي نفسج وتعاي
مرام:ثواني
طلع حسام من الغرفة ونزل وطلع خارج البيت وشغل سيارتة لمبرجيني الزرقا...دقايق واجت مرام
ركبت السيارة وحركو وطلعو يفرفرون
(عائلة مرام فاحشة الثراء...لأن ابو مرام كان يشتغل كثير ووفرلهم كلشي وامن مستقبلهم ومن توفى لزم عنة حسام كل الشغل وابد مايختلف عن ابوه ببراعتة بالشغل وخلة ثروتهم تكبر وتزيد كل يوم)
________________________
صارت ساعة ب6 المغرب
البنات واخيراً جهزن
جوري كانت من احلا مايكون...ع الرغم من بساطة مكياجها وتسريحتها...ألا انها ظهرت بطلة ولااروع بسبب جمالها الطبيعي الذي كان له دور كبير
ارتدت فستان بنفسجي مشكوك من عند الصدر بكرستال خفيف وبدون اكمام وطويل جداً وعاري الظهر يتصل من ناحية الصدر بأشرطة ومن فوق خصرها بقليل بأشرطة وتنربط خلف ظهرها بتشكيلة جميلة جداً ومخصر من الصدر لحد الخصر وينزل الباقي براحة وارتدت كعب اسود عالي جداً مرصع بالكرستال ليظهر جماله واظافرها مطلية بالمناكير الاسود ويزين عنقها عقد ناعم وبسيط لكن فخم بنفس الوقت والتراجي نفس العقد وكان مكياجها عبارة عن كحل مخطوط بالطريقة العربية البدوية ع طول العين ومكثف وظلال بنفسجي خفيف متداخل برسمة الكحلة بطريقة جداً انيقة ومسكرة تكثف رموشها وبلاشر وردي خفيف واحمر شفاة وردي لامع
واخيراً التسريحة البسيطة
<<ماعرفت اوصفها خفت اخربها هههه
اما رنيم...ف كذلك كانت جميلة ولكن ليست بجمال جوري...ف جوري سيدة الحفلة اليوم ولااحد يضاهيها
ارتدت فستان قصير
وارتدت كعب اسود يلائم الفستان وزينت عنقها بعقد ازرق غامق جميل وتركت شعرها ينساب على كتفيها واكتفت بتزيينه بتاج كرستال ناعم يكاد يرى للناظرين ووضعت غرتها ع جانب واحد وخطت عينيها بكحل اسود من الداخل وازرق من الخارج ومسكرا وبلاشر وردي واحمر شفاه وردي فاتح يناسب شفاتها المنفوخة قليلاً
اما زينة
فأرتدت فستان اسود بدون اكمام مخصر على كل جسمها وبه فيونكه حمراء على جانب خصرها وتمتد لأسفل فخذها وارتدت كعب احمر وزينت عنقها بعقد بالذهب الابيض ورولت شعرها ورفعتها رفعة بسيطة ويزينه بروش احمر على هيئة جورية وخطت عينيها بالكحل الاسود وظلال احمر متداخل قليلاً بالاسود صارخ بعض الشيء واحمر شفاه حمراء ومسكرا وبلاشر احمر خفيف
ورشا
ارتدت هذا الفستان
وارتدت كعب بيجي مخملي وشعرها موجته بأكمله ولم تضع به اي شيء وزينت عنقها بعقد ذهبي جميل وخطت عينيها بكحل وظلال بني ومسكرا وبلاشر خوخي واحمر شفاه بلون البشرة مناسب جداً لشفتيها
دخلت نجود عليهم
نجود:بسم الله الرحمن الرحيم...الله يحفظكم وحده احلا من الثانية
جوري؛ماما شنو رأيج بية؟؟
نجود:يمة هاي بنتي؟؟...مااصدگ...(تقدمت وحظنت وجهه بكفوفها)...ياحبيبتي كبرتي وصرتي عروس ...تخبلين ماما الله يحفظج
جوري دمعت:الله يخليج الي
رنيم بسرعة:لالالا ...ألا البجي يمعودة...احنا صارلنا ساعة نسوي بهالمكياج...ع بختج يابة
جوري ضحكت:ههههه....لاتخافين مارح ابجي
نجود:زين يلا ماما نزلو المعازيم بلشو يجون
زينة:طيب خالة شوي وننزل
نجود:انتظركم
طلعت نجود من الغرفة
جوري بربكة:بنات ماريد انزل
زينة:حبيبتي اخذي نفس
جوري اخذت نفس
زينة:طلعيه
طلعت جوري النفس
زينة:توكلي ع الله...وان شاء الله يعدي كلشي ع خير
جوري:ان شاء الله
رشا:شوفي هسة انتي تنزلين ع الدرج وانا وراج اخاف الفستان يضايقج وزينة ورنيم كل وحدة من جهه بصفي وانتي بمقدمتنا
جوري:لا ليش بمقدمتكم...انتو نزلو گدام وانا وراكم اصير
رنيم:هههههه حبيبتي غير انتي اميرة الحفلة...شلون يصير
جوري شوي وتبجي:ماريد خايفة
زينة:حبيبتي اهدي وتركي هذا الخوف عنج
جوري:زين اريد بتول
رنيم:هههههههه ياختي منين اجيبلج بتول هسة
انفتح الباب:سمعت اسمي
جوري بعبرة:بتووول
بتول:ياحبيبتي...ماشاء الله شنو طالعة...تجننين
جوري:بتول ماريد انزل
دخلت رانيا:هلا هلا...شنو ماتردين تنزلين..(بخبث)..ولا ناوية ماتورين هذا الجمال الا لحبيب الگلب
جوري تمتمت بصوت ناصي:علة الگلب مو حبيب
رنيم سمعتها:ههههههههههههه
بتول:حبيبتي لاتخافين...انتي بس نزلي واحنا يمج ولاتفكرين بأي شي
جوري اخذت نفس عميق:ان شاء الله
بتول:يلا خل ننزل
طلعو البنات من الغرفة
جوري بالمقدمة نزلت ووراها رنيم ورشا وزينة وانوب وراهم بتول ورانيا<<جيش هههه
المعازيم اغلبها من جهة سلطان...لمن شافوها انبهرو بجمال جوري كلش...ماعدهم ولا وحدة من عائلتهم بهيج جمال
نزلت بهدوء وطبيعية وتحاول تخفي ارتباكها
وصلت يم الكوشة وگعدت والناس تسمي عليها
تقدمت مجموعة مكونة من 4 بنات
وحدة منهم:مرحبا
جوري بنعومة:اهلاً
البنت:انا بنت خالة سلطان
جوري: هلا بيج
البنت اشرت ع البنات الي بصفها:وهذي اختي وهذي بنت عمتة وهذي بنت عمة
جوري ابتسمت:تشرفنا
بنت خالتة:النا الشرف...تصدگين...ابد ماتوقعناج بهالجمال
جوري خجلت وماردت
بنت عمتة بمزح:احنا جان النة امل بسلطان بس من بعدج...نغسل ايدينة
بنت عمة:هههه هاي اذا تذكر بعد انه عندة بنات عم
بنت خالتة:ترا نتشاقة وياج حبيبتي...سلطان مثل اخونة ومابيناتنا اي شي
جوري:عادي مصار شي
بنت عمتة:عبالنة زعلتي
جوري بأبتسامة:لالا ادري جاي تتشاقون...
اجت نجود:جوري حبيبتي يلا تعالي
جوري بأستغراب:وين؟؟
نجود:اجة الشيخ...حتة يعقد
جوري بخوف:هـــا؟!!...ليش مايتأخر بعد وكت
البنات وگعن ضحك ع خوفها
جوري شوي وتبجي:ماريد ماما...هذا هو گليلهم كنسلنة كلشي
نجود اجت يمها ولزمت ايديها تطمنها:ياماما ياحبيبتي هاي سنة الحياة ومالة داعي للخوف...انتي بس رددي ورا الشيخ وشوفي شنو يريد وتنتهي السالفة
بتول:يلا حبيبتي لاتخافين....احنا يمج
جوري:ماشي
راحت جوري وي امها يم الصالة الي بيها الشيخ
جوري تحس نفسها رايحة للموت...بالگوة حابسة العبرة...خلص فارس انتهى من حياتها...دقايق وترتبط بشخص غير فارس
جوري بگلبها:انا اسفة فارس...احبك بس موبيدي
تجمعت الدموع بعيونها...نزلت راسها حتة محد يشوفها
جان تنفذ طلبات الشيخ من دون ماتحس
ماوعت غير ع كلمة:مبروك الله يتمملكم ع خير
نجود شبگتها:مبروك حبيبتي
جوري ماردت العبرة واگفة ببلعومها وتجاهد عالمود ماتبجي
نجود:يلا تعالي گعدي
رجعت جوري للكوشة وگعدت وهي بعالم ثاني
اجت امرأة متوسطة العمر:السلام عليكم
جوري:وعليكم السلام
الامرأة:مبروك حبيبتي..الله يهنيكم
جوري بهمس:الله يبارك بيج
المرأة:انا ام سلطان
جوري ابتسمت:هلا بيج نورتي
بعد شوي...
ام سلطان:سلطان رح يدخل
جوري حست گلبها وگف
البنات اجن يم جوري رتبوها اخاف متخربط بيها شي
وصفو ع جنب
دقايق ودخل سلطان
دخل بهيبة وشموخ وجمال
جوري مارفعت نظرها عليه ابد
اما هو من دخل من الباب لحد ماوصل يمها ماشال عينة عنها
تقدم ووگف يمها:مبروك
جوري بهمس:الله يبارك بيك
گعدو واجت ام سلطان ونجود ووگفو يمهم
ام سلطان مدت علبة الحلق(الدبلة)..
اخذ سلطان الحلقة ولزم ايد جوري ولبسها
وجوري ترجف
نجود مدت حلقة سلطان لجوري
اخذتها بأيدين ترجف ولبستها الة من دون ماتلزم ايدة
نجود شالت عقد جوري ولبسها سلطان عقد ثاني
سرت قشعريرة بكامل جسمها بمجرد ماتلامست اصابعة لأطراف رگبتها
بعدها لبسها التراجي
انوب جابو الكيك وقطعو واكلو وانتهت ع خير وهذا كلة وجوري مارفعت نظرها لسلطان
سلطان اشر لأمه تجي
اجت ام سلطان يمة
سلطان:ماما اريد اگعد وي جوري لوحدنة شوي
جوري بسرعة رفعت راسها بصدمة
سلطان باوعلها وابتسم
ام سلطان:اوك لحظة شوي
راحت گالت لنجود وحظرولهم الصالة الثانية
ام سلطان:يلا تعالو هنا
سلطان لزم ايد جوري وگومها وراحو للصالة
بس انسد الباب عليهم سلطان تقدم لجوري
وهي واگفة ترجف
سلطان:رفعي راسج
جوري رفعت راسها بهدوء
سلطان:اويلي...هذا الجمال كلة الي
ضل يتأملها ويشوفها شلون مرتبكة
گعد ع الكنبة وتركها واگفة
حط رجل ع رجل وبنذالة:ايييه..ماگلتينة...شل ونة فارس
جوري التفتت عليه بصدمة..
سلطان:هههههه...مصدومة ها؟...اعرف انج حبيبة فارس...وانا مو حباً بيج تزوجتج...لا يابابا...فقط انتقاماً من فارس...حتة احرگ گلبة....انتي جمالج يشفعلج...يعني تهونين علي...تونسيني شوي
جوري لهنا وبس:ولا انا حباً بيك وافقت عليك ولالجمالك...انت اصلاً ماتسوى ظفــر فارس...بس حكم القوي ع الضعيف...ولا لو بيدي...لو جنت اخر شخص بالعالم مااخذتك...وانا مولعبة حتة تتسلى بية
سلطان تنرفز ورأسن وگفت گبالها:خل اسمعج تطرين فارس مرة ثانية ماتلومين ألا حالج
جوري بعناد:فــــارس...شتريد بعد...فارس حبيبــــي...وامــــوت عليـــه....ويســــواك ويسوى كل امثالٓـــــك
سلطان بنرفزة:مارح امد ايدي واشوه ملامح وجهج...بعدنة بأول يوم
جوري تستفز بيه:والله لو تموت ايدك ماتنمد...موجوري الي يجي واحد من شاكليتك يضربها...اصحى يابابا
سلطان بخبث:طيـــب...ممكن مااگدر اضرب هسة...بس اگدر اسوي هيج
ماحست غير لازم فگها بگل قوة وباس شفايفها بعنف شديد
جوري رفعت ايديها وتضرب بصدرة تريدة يوخر بس ماكو فايدة
سلطان خباثة بيها عض شفتها وطلع منها دم
وخر عنها وبضحكة استهزاء:ههههه....هذا درس صغير ...حتة ماتتجاوزين
جوري لزمت شفايفها:لأنك حقير ونذل تسوي هيج وتستقوي ع انثى
سلطان بحدة:لاتغلطين ترا والله اسوي الي ادهى من البوسة وماخايف من اكبر واحد
جوري انطتـــة كـــف بكــل قوتـــها لدرجة افتر راسة للجهة الثانية
سلطان مصـــــدوم...ومامصدك انو ضربتة...عمرة بحياتة محد اتجاوز عليه وانطاه كف...تجي جوري وبكل بساطة تضربة
فر راسة بهدوء ناحيتها وعيونة كافية لتبين مدى غضبه
جوري خافت بس مابينت وتدعي القوة
سلطان:تضربينـــــي انــــا؟!!!!
جوري بتحدي:اي اضربــــك...الي يهيني اهينة...مااسكت عن حقي وخل هذا الشي ببالك
تركتة وطلعت بسرعة من الصالة ورأسن توجهت لغرفتها من دون ماترد ع احد
ذبت روحها ع السرير وانفجرت بالبجي:اااه ياربي...ظلمتني يابابا...هذا الي تگول عليه خوش رجال...من اول يوم اهانة...ااه ياربي
اما سلطان...واگف بمكانة ويحاول يهدي غضب البراكين المثارة داخلة...اخذ نفس عميق
سلطان بوعيد وبفحيح:ماشــي ياجوري...تحديتينـــي...تحملي الي يصيرلـــج...مااكون سلطان ان ماربيتج
انتهـــــــى الب_________ارت
توقعاتكم...ارائكم....
شلوني بالفصحة هههههههه لعبت لعب...الفصحاء رح يعتزلون من وراي هههه
المهم...شوفو حاولت اطول بالباارت وهذا الي گدرت عليه...وماردت انهيه ع هذا المقطع...وهم ردت اكتب مقطع لفارس بيوم خطبة جوري،...بس ماكدرت والله...عذروني...واذا كتبتة مارح اوصلة للمستوى الي يرضيكم ورح يكون عادي...لأن افكاري مشوشة وامتحانات ودنيا
ف ان شاء الله بأذن الواحد الاحد بعد الامتحانات اعوضكم ببارت طويل وهم الاحداث من بعدها رح تكون حماسية جداً ومفاجئات هواي وطبعاً احنة بلشنة بالبارتات الاخيرة...يعني وصلنا لأحداث الرواية الاخيرة مو اخيرة اخيرة...بس يعني مابقة عليها شي...انا مارح اطولها اكثر من 30 بارت
المهم اريد تشجيعكم وحماسكم
وهم شي الردود الي تبرد الگلب وتهون علي علة الامتحانات
القاكم بعد الامتحانات بأذن الله...
دمتم بحفظ الرحمن...
وبود وصحة وعافية...
اختكم شمس...