البارت الثالث عشر ~~
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::
بالمستشفى <<
المل كان متجمع على باب غرفت امجاد اش صار لها !! وش اللي حاصل !!
راحو البنات عند الغرفه اش فيه اش حصل احنا مرافقينها !
الدكتور : خلوهم يدخلوو
البنات : ددخلو لقو شي ماكانو متوقعينه وادهشو منه ..
امجاد : محطوط شاش على عينها وتصيح
نوره: تروح لها بسرعه << بسم الله عليك مجوده اهدي ياقلبي اش فيك
امجاد : لااااا ابي اشوف مابي اعمى
نوره : من قالك انك بتعمين الحمد لله هذا انتي صحيتي من غيبوبه وكل شي بيتحسن
الدكتور : اعتذر منك يا اخت نوره ماعطيناك خبر لان دوب اليوم نزف من عينها دم وسوينا عد ذن اهلها عملية اضطرارية وتاثرت شبكية العين وتسبب لها عمى
امجاد :ااااااه يارب ليه كذا يسير معي لييييه
مها : تطبطب عليها وتمسح من ظهرها << معليه امجاد قولي الحمد لله
شوق : تبكي بحضن الهام
الدكتور : لازم نعطيها مهديات اتفضلوا برا بعد ازنكم
نوره : حاضر << امجاد اذا بغيتي شي دقي علينا ماشي !؟
امجاد : مابي الا ان الله ياخذني وبس
شوق : امجاااد وش هالكلام
مها : بنات يالله عيب الدكتور منتظر مشينا
يبوسونها وحده ورا الثانيه ويروحون <<
هل ياترا يتغير شي بموضوع امجاد!! او بتضل عمياء طول عمرها !! هل لاهل امجاد قصه ثانيه !! هل فيه احداث جديده نشوف بالبارتات الجايه ...
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::
~~~~~~~~
في السياره راجعين البيت ::
جوال نودي ~~ توت توت رساله
نودي : بنات
نوره : طفشانه < ايش
نودي : تدرون من ارسل لي !!
احلام : مين !
نودي : سعود
احلام : امما وش يبي !؟
نودي : يقول اليوم بيجي هو واهله واهل باسل عندنا يتكلمون بالعقد حقي وحقك اذا وافقتي انتي على باسل
نوره : احللللفي
الهام : هيه وش القصه ومين باسل اللي طلع لنا ذاا
احلام : ياااااي مو معقوووول امبيه امبيييييييه
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::
دخلو البيت و فتحو باب الصاله <<
ام راكان جالسه وابو راكان ماسافر وش صاير !؟
الهام : صباح الخير عمي وعمتي ام راكان
نوره : يبه ليه ماسافرت مو كان موعدك اليوم الصبح !؟
ابو راكان : والله يابنتي دق علي راكان يقول اهل سعود وابن خالته جايين اليوم يبوني بموضوع مهم حول ملكة عنود وبيخطبون احلام
نوره : اووووه شكل مابيبقى بالبيت الا انا
ابو راكان : جايك الدور يابنتي لاتستعجلين
احلام : يبه وشفيك وجهك مو عاجبني << جالسين حوله واحلام حاطه يدها على ركبته وهي جالسه بالارض
ابو راكان : لا والله مافي شي بس انتو ماليين حياتي لا رحتو كلكم بفقدكم ماعدا مشاعل والهام
نودي : وش معنى الهام !!
ابو راكان : حاجزها لابن عمها انا
الهام : تضحك بشويش وتقول < استاذن عمي بروح اشوف اغراضي
ابو راكان : اجليها يابنتي يمكن فيه ملكه للبنات
الهام : اي عمي بكره اقرر << تبوس راسه
ابو راكان : الله يرضا عليك
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::
بالليل << تن تن الجرس
البخور بكل البيت والانوار كلها ترحب بالضيوف
الفرحه كانت تبين بوجه باسل وسعود الكل منتظر ع احر من الجمر ...
البنات ينتظرون ويشوفون وش بيسير ..
جا ابو راكان : يابناتي احلام والعنود انتو موافقين على سعود وباسل !؟
سعود يبيك يالعنود موافقه !؟
عنود : الراي رايك يبه
ابو راكان : وانتي يا احلام موافقه !؟
احلام : اي يبه
ابو راكان : على بركة الله بعطيهم كلمه ونحدد الملكه والزواج ...
نوره : تدق احلام < فضحتينا ماحد يقول موافق الا المشفوح قولي على رايك يعني موافقه بخجل يالخبله
احلام : خخخخ وش دراني انا
الهام : مبروك مقدما يامزاااات
البنات : الله يبارك فيك امشو امشو نشوفهم يوم يطلعون من الشباك
نوره : عيب يابنت اختشي انتي وياها
ام راكان : والله وسرتو حريم يا بناتي وبتتروجون وتخلوني
نودي : لا يمه بنخلي لك نوره
نوره : تدق العنود < تهمس بنت
نودي : امزح امزح يمه باخذها خدامه لنا انا وسعود
احلام : ههههه ماصدقت تفتك من ... وتسكت
ام راكان : تدمع عيونها وتروح ..
نوره : بنات ماكان له داعي مزحكم يكون بهالطريقه تراها ام والرسول قال امك ثم امك ثم امك
البنات : يوطون روسهم
نوره تلحق ام راكان << خالتي
ام راكان : امري
نوره : ابي اكلمك بموضوع
ام راكان : تعالي غرفتي
نوره : بينها وبين نفسها < ماقد دخلتني غرفتها
حااضر
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::
بالغرفه << ~~
نوره : كانت اسئله براسي كثير تدور ماجمعت شجاعتي علشان اقولها لك
ام راكان : قولي
نوره : ليه كانت معاملتك لي قاسيه !
وليه ماتحبيني وانا ماسويت شي من صغري
وليه مافي حياتك حسستيني اني بنتك او ضميتيني لحضنك !؟
امي ماتت وانا لسى معرف شي بالحياة كنت احتاج احد جنبي ينبهني بهالدنيا وش الصح وش الغلط !؟
كثير اشياء براسي تدور مالقيت لها اجوبه واجوبتها عندك تحلينها !؟
ام راكان : تعالي معي يانوره << راحت الجهه الثانيه من الغرفه فيها مدخل لغرفة الملابس والاغراض << تفتح الدولاب وتنزل صندووق قديييم
ام راكان : ابحكي لك القصه كلها من البدايه واوريك الصور ..
نوره : صور ! صور ايش ؟
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::
ام راكان : امك وجدان كانت معي ومن اعز صديقاتي بايام الدراسه كنت اامنها على مل اسراري كنت احبها لدرجه ماتتوقعينها وكل لحظاتي كانت معها قبل ماتزوج وهذي صورنا انا وياها << تاخذهم نوره وتبكي ..
تزوجت ابوك وفرحت فيه بحياتي عن قصة حب
وكنت اي شي احكيه لها بحكم انها اقرب وحده لي لكن مع الاسف اكتشفت ان زوجي تزوج علي بعد ماجبت له العيال وبيوم وليله دخلت مع ابوك علي بالبيت ويقول لي هذي زوجتي الثانيه انا مدري ابكي لانها صديقتي ولا لان زوجي تزوج علي .. كرهت الدنيا في عيني وكان ودي احد يطعني من ظهري واموووت ولا انحط بهالموقف .. << ام راكان تبكي ونوره تبكي >
نوره : وبعدين وش صار
ام راكان : امك حملت فيك وجابتك لكن مع الايام طلع فيها مرض الزهايمر وسارت تنسى كل شي لين وصل ذروته وتوفت وانتي سكنتي عندي ..
وبديت انفس حرتي فيك من قهري على ماسوت فيني امك وهي اقرب من كلمت اختي ...
نوره : امي ليه سوت كذا
ام راكان : ماكنت ادري ليه تغار او ليه
قبل كم شهر جاتني رساله بظرف ان املاك اخوالك كلها تحولت لك لان اخر اخوالك توفى
نوره : اخوالي ليه ماحد سئل عني !؟
ام راكان : لان امك تزوجت ابو راكان غصب عنهم وتبرو منها
نوره : امي ليه تزوجت ابو راكان !!
ام راكان : هذا الشي اللي ماني عارفته لين الحين
نوره : لازم اجلس مع ابوي واعرف القصه كامله
بس بقولك شي تراني مافقدت الذاكره ولا شي بس كانت فرصه اغير فيها حياتي سامحيني
ام راكان : انتي سامحيني اللي كنت انتقم فيك ومالك ذنب بهالدنيا طلبتك سامحيني يانوره
نوره : تسمحين لي اضمك ضمت الان اللي انا فاقدتها من سنين الله يرحم امي
ام راكان : تضم نوره وتبكي بحرقه
نحلت سالفت العداوه اللي بينهم لكن انفتح باب جديد وقصه جديده من رواية نوره وش القصه وش السالفه وليه امها تزوجت ابو راكان !؟
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::
نرجع لموال الزواج ~~
تم تحديد الملكه والزواج بوقت واحد لباسل وسعود الخميس الملكه والزواج بعد شهر بالتمام
جا يوم الملكه وسارت الفرحه الكل حضرها من ضمنهم امجاد كانت تبكي لانها ماتقدر تشوفهم عرايس اهل العريس موجودين ويناظرون ل عنود واحلام باعجاب لانهم كانو جميلات وانيقات رجع احمد ومشاعل من شهر العسل عشان يحضرون الملكه وتمت بكل فرحه وهنا
طبعا احمد ومشاعل راكان وزوجته المستقبليه رح يسكنون بفلة ابوهم هذا شرط اساسي من وهم صغار مايخلون ابوهم وامهم ابد ..
بعد مرور الايام اكتشفو ان مشاعل حامل والكل كان فرحان بيجي طفل جديد بالبيت وينشر الفرحه من جديد ويبث الحياة فيه ...
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::
يوم زواج عنود واحلام ... <<
وقت الزفه ينزفون من درجين جنب بعض وكل وحده لها شكل مختلف ...
صلوا على خير البشر
قد شرفو احلى البشر
سمو عليهم (احلام وعنود )
يا هل العيون الناظره
ماهم بدر لان البدر
يوم واحد في الشهر
لكن ضياهم اسره
من اوله لاخره
البنات يبكون نوره والهام ومشاعل كانو واقفين من بعيد وكل الدعاوي تحتويهم ..
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::
نوره : تكلم نفسها << انا بعد مانخلص من الزواج بروح اسئل ابوي ليه تزوح امي .. !؟ وليه امي سوت كذا في خالتي !؟
كانت طول الوقت تفكر كيف ومتى تسئل ابوها
ابوها بيجاوبها اولا !؟
كلها تساؤلات لها اجوبه بالبارت الرابع عشر يتبع ~
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::