[nana41]

الرواية روعة حبيتها كتير لفت نظرى اسمها وماقدرت اتركها الا مع فصلك الاخير مشكورة نونى انتى كاتبة مبدعة ومشكورة فيتامبن سى لتعبك ومجهودك فى حسن الاختيار والنقل
نيجى بقى الاحداث على اد مادعيت على تركى اللى عقدنى من البداية وعلى اد فرستى منه ومن كل اللى عمله فى رهف بداية من الخدعة اللى سواها فيها لحتى تتجوز منه لسفرهم ابها ومعاملته الزبالة ليها وضربها واهانتها وجرحها وخلع كتفها واتهامها يعنى ماشافت ولا يوم حلو معاه الا لحظات بسيطة مسروقة وبعدها الشيطان يلبسه ويقلب
وكله كوم وكل شوية يروح يخطب ويترفض يأااه على فرحتى وشماتتى فيه
المصيبة انه عاوزها بعد كل ده اول مايروح لها ترضى عنه وتاخده بالاحضان يااخى اتقى الله فى اليتيمة الضعيفة اللى كل شوية تقولها مكانك الشارع وتسم بدنها انها مالهاش اهل يحموها اتحمقت قوى على قلم اختك اخدته وضربك فيها بالعقال يرضى مين ولا علشان مالهاش حد يوقف لك زيدت فى تجبرك عليها وبعد كل ده عاوزها ترجع لك بكل سهولة لا ياسيد تركى اخطأت العنوان المرة ديه ده انت لازم تحفى وتعرف ان الله حق وتعقل وتسترجع كل اخطاءك وتديها حقوقها كاملة مكملة بس احب اعرفك اللى فيه طبع عمره ماهيغيره يمكن بعدها عنك دلوقت مغيرك وعاوز تنفذ لها اى شي لكن هى ساعة زمن وهتقلب وايدك هتسبق لسانك لازم نتأدب يمكن تعرف قيمتها فى بعدها عنك
فيصل استهدى بالله وانسى الماضى وعيش حياتك مع اللى تليق لك وخرج رهف من قلبك لانها ابدا ماراح تكون لك بعد كل المصايب اللى خبصتها فى حقها

حبيت غسان وعنود واخيرا عنود رجعت لوعيها وبطلت شغل العناد وطولة اللسان اللى كان هيهدم لها حياتها

طلال وجورى طنجرة ولاقت غطاها ماجمع الا اما وفق الاتنين لابقين لبعض بشكل مو طبيعى فى الهبل والخيبة نسخة بالكربون

احببت الجدة واحببت مساعدتها لرهف لخروجها من البيت وكله كوم ومناكفتها مع جورى يانى فطست ضحك عليهم

احسنتى غاليتى وفى انتظار جديدك على نار