البارت الرابع عشر >~
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::
العنود واحلام تزوجو والله يستر عليهم ..
احمد ومشاعل ينتظرون الطفل بفارغ الصبر ..
ياترا وش الاحداث الجديده !؟ في شي يغير مجرى الروايه شوي او الامور تمشي على ماهي عليه .. خلونا نشوف ..
بالصبح رايحين الدوام << ~
ابو راكان : راكان ياولدي ماودك تتزوج
راكان : بعد شورك يبه الا والله
ابو راكان : وش رايك اكلم الهام منك وفيك ومافيها قصور !؟
راكان : انشهد شورك وراي الله يالغالي
ابو راكان : ابكلمها اليوم ونشوف
راكان : الله يكتب الخير << مستحي وبنف الوقت فرحان
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::
<< بعد العصر بالحديقة الخارجية ..
ام راكان ونوره والهام جالسين يتقهوون ويسولفون ويضحكون طبعا كانت نوره فرحانه اول مره تجلس جلسه عائليه بمعنى الكلمه وتكلم خالتها وتضحك معها ...~
ابو راكان : ماشاء الله الحلى والتمر الزين والقهوه وش الحركات << وهو جاي جهتهم يمشي
ام راكان : ياهلا ياهلا
نوره : هلا ابوي حياك
الهام : تصب قهوه وتعطيه حلى وتمر < تفضل عمي
ابو راكان : يزيد فضلك الهام يابنتي راكان خطى اول خطوه بحياته وكمل دراسته وثاني خطوه بدا يمسك شغلي بس باقي خطوه اخيره ويستقر وهي زواجه نفسي اشوف احفاده قبل ما ربي ياخذ عمري وهذي امنيتي
الهام : الله يحفظك عمي
ابو راكان : وانا احبك مثل ما احب راكان ومابي يكون شريكته بالحياة الا انتي وش رايك
الهام : عمي انا مالي بعد الله الا انتو بها الدنيا الله اخذ امانة امي وابوي وخالتي كبرت بالسن وقرايبها حولها اكذب عليك لو قلت اني مستانسه ببعدكم لكن الارتباط ابوي مو موجود عشان اقول له على شورك وابين له موافقتي انت ابوي وجوابي على شورك ..
ابو راكان : الليله الملكه وش رايك !!
الهام : عمي ابطلب طلب مابي زواج الا عائلي وبسيط بالبيت
ابو راكان : ليه يابنتي
الهام : ماحب الناس الكثير واخاف
ابو راكان : على بركة لله
ام راكان : تزغرط << اول مره تزغرط لانها تحب راكان كثيير ..
يجون احلام والعنود ومشاعل من ورا الشبك حق الحديقه << ومباركي عرس الاثنين ليلة ربيع عين قمره
احلام : تطبل بالطاوله
نوره : تصارخ << هلاااااااااااااا وش جاااابكم
ابو راكان : يضحك قال < انا قلت لهم يجون الليله بنسوي ملكه كنت ادري الهام مابتعارض
نوره : الليله اللييييييله الليييله ياسمررررااا
خلونا نعدي احداث القصه باختصار في هالحزئية لان في اشياء اهم تزوجت الهام من راكان بكل بساطه وعاشو بسلام .....
انتهت القصه ~~
اتمنى انها نالت اعجابكم ����
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::
هيه هيه لسى احداث كثيره ماصارت وقولو لسى احنى بالنص نكمل ..
مرت الايام وجا موعد ولادة مشاعل الكل كان متوتر بالمستشفى ومتجمعين منتظرين ..
صراخ مشاعل كان يسمعه احمد ويتقطع قلبه عليها وامه جالسه تهدي فيه وتقوله كل الحريم كذا وقت الولاده ..
نزل الدكتور وهو يجري ~
احمد : دكتور اشفيه !!
الدكتور : الحاله استعصت علينا ارتفع ضغط البنت فجأة ومو عارفين وش نسوي
احمد : المهم مشاعل تكون بخير
الدكتور : اشك بالموضوع << ويروح
احمد : وقف وعيونه تفتحت < وش يقصد مشاعل بيسير فيها شي
نوره : تبكي لاتقول كذا الله يلطف بها
ام مشاعل : بنتيييي لاااا يارب تحفظها لنااا يالله
ام راكان : استهدي بالله ياختي لسى مافي شي
ابو مشعل : لسى بننتظر يسير شي
راكان : ياجماعه اهدو قل لن يصيبكم الا ماكتب الله ادعو لها بس
السستر : تنادي بالسيب دكتوووور يادكتوووور انعاش
الكل توتر وبردت الاعصاب .. احساس غريب تجلى قلوبهم معقوله بيحسون بالفقد او كل شي تمام ... !؟
الدكتور : نحتاج عملية سريعه ياجماعه من زوجها بسرعه !؟
احمد : ليه يادكتور
الدكتور : مو وقت الشرح الحبل السري التف ع الجنين ومانزل والضغط يرتفع بشمل كبير هذا يشكل خطر عليها
احمد : يوقع ويده ترتجف ومرت لحظات حياته الحلوه مع مشاعل كلها << دموعه طاحت ولا يدري ليه وتمر بعينه ضحاتها وسوالفها وطيبتها وهداوتها وشقاوتها بنفس الوقت كان نفسه يضمها وقتها مايفكها .. << يقول بحرقه ياااااارررب احفظها
بعد نص ساعه انتظار وتوتر ...~
ينزل الدكتور : وكان وجهه شاحب <
ابو مشاعل : بشر يادكتور وش صار
احمد : قول كل خير
الدكتور : الطفل حالته سليمه وبخير
لكنن عظم الله اجركم في الام ... سوينا اللي علينا لكن البقاء لله
يالله كيف قلب امها !؟ احمد زوجها !؟
ابوها !؟ نواف اخته الوحيده اللي كان يشاغبها !؟ مشعل صندوق اسراره !؟
البنات كيف حالتهم بعد الخبر !؟
الكل كان بصدمه .. ام مشعل تحب مشاعل ولا تنسون انها ضناها وحيدتها << دارت الدنيا بعينها وضاقت خنقتها انفاسها قبل ماتبكي وطاحت
الكل تجمع يصحيها وبعضهم يبكي مو قادر يتحمل ماعدا احمد دموعه تنزل بدون كلام وواقف بدون حركه << يروح له ابو راكان
ياولدي حكم الله وكلنا رايحين
احمد : ماتكلم << يروح بهدووء ويجلس بسيارته بدون كلام ولا تاثر لانه في حالت صدمه
الطفل وينه !؟الطفل ولد بالحياة لكنه ولد يتيم بدون ام ولد ماعاش لحظته مثل باقي الاطفال
مالحق يشرب من حليب امه او تكبير ابوه في اذنه او بوسات اهله وقرايبه ..
~ اليتم يوجع من المهد للكبر ....~
يتبع الرابع عشر ���� ...