[لامارا]

دارت الايام وشهر ورا شهر ~ تأقلم احمد ع الصمت ونسى شي اسمه ضحكه ..

قررو نوره ومشعل يتزوجون لكن بصمت بدون حفله وضجه وسكوت تام عشاء وعزيمه عائليه ... ~

بعد مرور 3 سنين .... ~




:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::::::::::::::::::::::::::::::::::



بدت الحياة ترجع في بيت ابو راكان الهام جابت بنت وسموها مشاعل وكان عمرها سنه ..

اما رواف ولد احمد عمره 3 سنين ودوبه يجري بدا يبث الشغب بالبيت والشقاوه ..

نوره : حامل بالشهر التاسع <
لكن احمد وش وضعه !؟

ام راكان : يابو راكان احمد قلبه قسى من يوم ماتت مشاعل شوف ابنه يلاحق وراه وماكنه يشوفه انا اربيه وانت تداعبه يتيم ام وش ذنبه بالحياه كلم ابنك يمكن يلين قلبه ..

ابو راكان : يالغاليه تعبت اكلمه تعبت وانا احاول فيه الصدمه كثير غيرت احمد لدرجة اني احسه يكره ابنه كثير ..

ام راكان : بس انا كبرت ومابدوم له اربيه واداريه الله اعلم متى ربي ياخذ امانتي
الولد يوم شافت جارتي ترضع ولدها جا لصدري يحسبني امه مارضيت لين بكى يابو راكان الحياه صعبه لا ام ولا اب

ابو راكان : والله اني مثلك جالس افكر وش الحل لكن ربك يحل الامور ..

رواف : يجي جري من جنب الخدامه لابس جنز شرت وبلوزه حمرا << داااادااا دااا داااا
بكت ام راكان وضمه بقوه ابو راكان حزنو على حال الطفل اللي ماله احد بهالدنيا ..


تدري وش اللي يجرح القلب جرحين
ويمد حـبل الحزن فيك ويشده


انك تناظر طفل من غير أبوين
يمشي ودمعة سايل فوق خــده


منظر صعيب ويقسم القلب قسمين
لا قـام يمسح دمعة بكف يــده


يمشي ولا يدري طريقه على ويــن
لــيــن الـتعـب مـن كثر ما تاه هــده


اثقل حروف يشيلها فيه حرفين
لا اب يـدري بـه ولا ام تــرده


في خطوته رحلة ودمعة وسكـين
وحـظ تـوسد بالمـراسي مـخـده


أنــا يـتـيم ومـا لــدربــي عـنـاويـــن
وجــزر الحـزن فيني يسـاوي لـمده


وطـعم الطفـولة ما عـرفته لها لحين
وثــوب الســعادة صــرت ما نيب قـده


ابـكي إلــى من شفت غيري سعيـديـن
لـيـن الـبكـــا فـيـني يـوصـل لـحـده


واقفى ورحت امسح دموعي من العين
وعـيـني تـناظر دمعـته فــوق خـــده


وهـذا اللي يـجرح الـقلب جـرحين
ويـمد حـبــل الـحـزن غصب ويشده




:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::::::::::::::::::::::::::::::::::


احمد بالشركة ~~

ابو منصور : يا استاذ احمد ..
احمد : نعم امر
ابو منصور : بديت ارمم البيت انا وش سار ع الملحق !؟ واعذرني على وقاحتي
احمد : لا تقول كذا تعال باي وقت الملحق جاهز
مافيه احد
ابو منصور : يجزيك ربي كل خير ماتقصر ياطويل العمر ..

احمد : اذا تحتاج شي ثاني لا يردك الا لسانك واذا تعرف محتاجين قلي ابغى اتصدق على روح ميت ..

ابو منصور : ابشر ارسل لك قائمة عوائل ارامل ويتامى ..>> طلع وسكر الباب

احمد : اول ماجاب له طاري اليتمى جت صورت ابنه في خياله وهو يلاحقه اذا شافه بالصاله ويسفهه << يحط راسه على المكتب وتنزل دمووعه بدون صوت وهو كاتم انفااااسه


عند البواب الساعه 8 بالليل ~

ابو منصور :افتح احنى عائلة ابو منصور ..
البواب : اه اداني خبر الاستاز احمد سواني

تبون تعرفون عائلة ابو منصور وش دورهم بالقصه تابعو البارت الخامس عشر ... >>~