[فيتامين سي]

الجزء الثالث

اليوم الثاني..بيت ابو مشعل
وقت الغدى
ام مشعل: ابو مشعل
ابو مشعل:سمي
ام مشعل:سم الله عدوك ..من بعد اذنك بنروح نخطب لمشعل نهاية الاسبوع
مشعل بقهر:يمه تكفين مابي اتزوج الحين
ام مشعل: ليش انشالله وش ناقصك عشان ما تتزوج الحين..وبعدين اذا ما تزوجت الحين مارح تتزوج بعدين
مشعل:من يقول
ام مشعل:انا اقول..خلاص من بعد اذن ابوك بنروح نخطب لك هالكم يوم
ابو مشعل:الله يقدم اللي فيه الخير
مشعل حط ملعقته من يده انسدت نفسه وبان على وجهه انه معصب
الهنوف:وللل عليك بشويش لويت الملعقه وهي حديد
مشعل ووهو راص على اسنانه من القهر:الهنوف اسكتي عني
دلال خبطت الهنوف عشان تهجد
الهنوف: طيب يارب سكتنا
ام مشعل قامت من السفره: بروح اكلم اختي تعطيني رقم ام عبدالرحمن "ام اثير " عن اذنك يابو مشعل
ابومشعل:اذنك معك ..
قام مشعل على طول:الحمدلله
ابومشعل: ما اكلت وانا ابوك
مشعل:الحمدلله يبه شبعت.. عن اذنكم
ابومشعل:اذنك معك وانا ابووك.وطلع مشعل
ابومشعل:انا مدري وش فيه مشعل على الزواج
دلال:والله مدري يبه ..يقول ماني مستعد نفسيا للزواج الحين ابد..ولاني بوضع مستقر يسمح لي اتزوج
ابومشعل:وش دعوه عاد..من صغره ؟ هذا وهو كل شي متوفر له الحمدلله ياربي..
دلال:والله مدري عنه
الهنوف:ههههههههه شكله يبي يكون نفسه لسه
ابومشعل:الهنوف..عيب عليك تتكلمين بذاالمواضيع انتي توك صغيره
الهنوف:اي صغيره يبه الله يهديك، وش دعوه عاد
دلال طارت عيونها:الله يخس شيطانك من بنت ترى هذا ابوك اللي انتي قاعده تحكين معاه ماهو وحده من صاحباتك
الهنوف:وش فيييييك علي انتي تتفرصين فيني تستنين احد بس يفتح فمه علي بكلمه عشان تفكين علي باب ما يتسكر ابد
دلال وهي تقوم:انا بقوم احكي مع مشعل شوي قبل لا ينام ..الحكي معك ضايع انتي ..عن اذنك بابا
ابومشعل:اذنك معك يابوك
الهنوف:انا بروح اكلم ايان حبيبتي اتطمن عليها وحشتني من جد
ابومشعل وهو يقوم:اي يبه كلميها
راحت الهنوف تدق على ايان
ودلال طالعه الدرج سمعت امها تكلم خالتها..فكرت انها تقنع امها انها تأجل فكره خطبة مشعل لبعدين عشان يكون مقتنع نفسيا بفكرة الزواج ,,وراحت لها
ام مشعل:ههههههه اي وانا اختك ..عاد انا كنت داقة عليك ابيك تعطيني رقم ام عبدالرحمن
ام وليد:مين ام عبدالرحمن؟
ام مشعل:هووو وش جاك يا شيخه؟ ام عبدالرحمن سلفتك..ابيها بموضوع
ام وليد :اي من عيوني وانا اختك..بس ماقلتي لي وش الموضوع اللي تبينن فيه ام عبدالرحمن؟
ام مشعل:والله وانا اختك ابي اخطب اثير لمشعل
ام وليد:يازييييييين ما اخترتي..يا حلو اثير ويا حلو تربيتها..الله يكتبهم لبعض يااااارب وحده بادب اثير مارح تلقين
ام مشعل:وانا قلت كذا برضو ..بصراحه دخلت مزاجي البنت مرره واحسها مناسبه لولدي مشعل وبتشرفنا
ام وليد:اي والله ..يلله خذي الرقم ودقي عليها وانشالله خير ..
ام مشعل:ان شاء الله.. وخذت الرقم وخزنته واستاذنت من اختها ام وليد عشان تدق على ام عبدالرحمن
دلال:يمه
ام مشعل:هلا
دلال:يمه ليش ما تاجلين موضوع خطبة مشعل لبعدين,,مره متازم من ذا السالفه
ام مشعل:انا ادرى بمصلحة ولدي يا دلال
دلال:بس يمه الزواج بالغصب شي ماهو كويس..والله مصيره الفشل
ام مشعل:اطلعي منها انتي بس وهي تعمر ..
دلال:هذا حكي يمه الله يهديك..انتي وابوي عمركم ما غصبتونا على شي تجون الحين تغصبون مشعل على موضوع كبير مثل الزواج؟
ام مشعل:انا ماني راضيه افهم ..هو ليييش مايبي يتزوج ..وش اللي يمنع
دلال:يمه الزواج يبي له اقتناع من جوه ..مو خذني جيتك
ام مشعل:دلال قومي عني واللي يعافيك صدعتي راسي خليني اعرف اكلم ام عبدالرحمن بدل ما اقعد اسمع ذا الحكي اللي لا يودي ولا يجيب
دلال قمت بحمق:الله يهديك يا ماما بس ..
وراحت تشوف مشعل

-----------------------------------
بيت ابو ماجد

ايان قاعده على التلفون وتكلم الهنوف وليان جمبها تشرب كوفي وتتفرج على التيفي
ايان بربشه:كذااااااااااااااااا� �اااااااابه
الهنوف:والله ما اكذب
ايان:يعني بيكون عندنا عرس بالعايله اخييييييييييييرا ..
الهنوف:اييييييي يختي ..انا مره متحممسه
ايان:انا متحمسه اكثر منك
الهنوف:وش دعوه هذا وانتي اختك متزوجه
ايان:وينها وين الزواج..مملكه وبس..البنت قاعده تتدلع علينا هي وجهها وبتظل تتدلع ليييين الرجال يحط رجله وينحاش منها مدري متى بتفكنا من مقابلها
ليان طالعتها بنص عين لانها عارفه انها تحكي عنها
ايان ارتاعت من نظرة ليان وتلعثمت: اااه امم قصدي يعني تبي تستقر شوي بدراستها وتتزوج بعدين يعني العرس ماهو طاير خلينا نشبع منها فديتها
الهنوف:ههههههههه وش فيك قلبتي حكيك
ايان بهمس:عطتني نظرة
الهنوف:زااد وانا اقول وش عندها البنت..الا ايان حبيبتي لا اوصيييك عاد ابيك تنشرين الخبر بكل العايله ساعديني يختي ترى للحين محد يدري
ايان:افااااااا علييييييك من عيوني الخبر ما ينشره الا وكالة ايان للانباء
الهنوف: اي كفوو توأم روحي كذا ابيك..
ايان:فديييييييتك.. يللا يا حلوة خليني اقوم ابدأ بجولتي التفحصيه بالبيت وانقل الخبر
الهنوف:اووووكي ..يللا بااي
ايان:بايات .. وقفلت
ليان: انتي وبعدين معك انتي وذا الهنوف ما تستحون على وجيهكم يختي كنكم حريم ما كنكم بنات توكم 16 سنه استحوااااااااا
ايان: اقووووول عاد لا تشوفين حالك علينا يعنني الكبيره ولا عشانك متزوجه يعني
ليان:انتي الحكي معك ضايع
ايان: اي يختي ضايع وش تبين فيني اجل وش له تحكين معي.. وجت بتروح
ليان: وين رايحه تعالي
ايان:رايحه انشر الخبر
ليان تتكتف: اي خبر بعد يا حظي
ايان تروح تقعد جمبها متحمسه: ما دريتي يعني
ليان:بدري بوشو ؟؟
ايان:مشعل ولد عمي
ليان:وش فيه مشعل
ايان: بيخطبون له
ليان: من جد؟؟ ماشاللللللللللله عالبركه..
ايان:ايييي شفتي وناااسه
ليان:الله يتمم لهم على خير..وما عرفتي يا اخت ايان مين يبي ياخذ؟
ايان:اممم الا .. تقول الهنوف بيخطبون له اثير بنت عم بنت خالته..
ليان عقدت حواجبها: ما اعرفها..
ايان:انا اللي شفتها مرره ..حلوة موووت البنت
ليان وهي تكمل القهوة:اهم شي الاخلاق
ايان:اي اي صح.. يللا بروح اقول لامي عن الخبر
ليان:يختي اقعدي شوي كني ممكن؟ اذا تم الموضوع على خير انشالله خالتي نورة بتدق على امي وتعلمها..
ايان:حشاااا وكلاااااا تعرف من غيري.. يللا سلااام بروح اقول لامي..
ليان تصد عنها:مافي فايده فيك....


============
بمكان ثاني,, ماقد زرناه كانت بطله من بطلاتنا منسدحه بغرفتها تسمع اغاني على روااق.. لين ددخلت عليها اختها مسرعه وخوفتها..

غدير:اثيييييييييييييييييي� �ير
اثير فزت:يممممه وش فيك
غدير:قومي ماما تبيك ..
اثير:الله يقطع شيطانك بغيتي تقطعين قلبي احد يدخل كذا ..
غدير:يختي بفوت المسلسل علي وامي قومتني غصب
اثير:طيب طيب نازله الحين..
علقت جوالها برقبتها وفردت شعرها البني اللي يوصل لنص ظهرها ونزلت..
اثير:ماما ناديتيني؟
ام عبدالرحمن:اي حبيبتي .. ابي اكلمك بموضوع ....
اثير:خير ماما
ام عبدالحرمن:انشالله خير.. والله كبرتي يا اثير
اثير مستغربه:ماما وش السالفه؟
ام عبدالرحمن:اليوم جوك خطاب..
اثير انصدمت:خطااب..
ام عبدالرحمن : اي خطاب .. وش فيك؟
اثير:مدري .
ام عبدالرحمن بابتسامه وهي تمسح على شعر بنتها بحنان: اليوم كلمتني ام مشعل اخت زوجة عمك صالح..
اثير ساكته..
ام عبدالرحمن:وخطلتك لولدها مشعل..وش رايك حبيبتي؟
اثير:ماما ما تحسين اني صغيره شوي؟
ام عبدالرحمن:لا والله منتي صغيره .. وانا اصغر منك كنت متزوجه وعندي عبدالرحمن وسالم..
اثير بدت تستوعب الوضع وانحرجت..
ام عبدالرحمن:عالعموم حبيبتي خذي راحتك بالتفكير..وانشالله لما يجي عبدالرحمن عالعشا بقول له عشان يسأل عنه مع انو الولد معروف وولد عايله معروفه وما عليها كلام..فوشقلتي يمه عشان اقول لاخوانك بقرارك؟
اثير قامت بحرج:اللي تشوفونه يمه
ام عبدالرحمن تداري دمعتها: الحمدلله بيجي اليوم اللي بشوفك فيه عروسه
اثير:عن اذنك يمه .. وراحت ركض لغرفتها..
ام عبدالرحمن:عسى الله يوفقك يابنتي يارب ويكتب مشعل من نصيبك وماتشوفين معاه الا الايام الزينه..الله يرحمك يابو عبدالرحمن ويغفر لك كانت بتكون فرحتك ولا كل الافراح ..حبيبة قلبك اثير كبرت وصارت تنخطب...

بغرفة اثير ..
اثير مرة كانت مستحيه ومنحرجه عمرها ما استحتى هالقد من امها او من اي شي بالدنيا
مسكت دبدوبها وحضنته وانسدحت على السرير ..ياترى كيف شكلك يا مشعل وايش تكون؟ وكيف بتكون ايامي معاك...

نعرفكم على عائلة اثير

ام اثير: (عايشه)..ام ولا كل الامهات ضحت بالكثييير عشان عيالها وعشان تشوفهم مرتاحين ...يامت عانت من بعد وفاة زوجها وابو عيالها بس عمرها ما بينت لاولادها الشي هذا وعمرها ما قصرت عليهم بشي او حسستهم بانو ما عندهم اب ..بالعكس فنت عمرها عشانهم عشان توصلهم لاحسن المراكز ..وشافتهم زي ماكان ابوهم يتمنى يشوفهم

عبدالرحمن..اكبر الاولاد..متزوج وعمره 28 سنه..حنون على خواته كثير,,يدير شركة امه الصغيره
سالم..25سنه,, مملوح وقلبه طيب مووت بس عصبي اغلب الاحيان ما يرضى بالغلط ابد وخصوصا على خواته..يشتغل بالشرطه برتبه مرره عاليه وكويسه
اثير..19 سنه,اول سنه جامعه تدرس ادارة اعمال ..بنت جميله وناعمه.. شعرها بني يوصل لاخر ظهرها ..وعيونها عسليه فاااااتحه.. طولها عادي ..حبوبه والكل يحبها
غدير..17 سنه.. ثاني ثنوي..تشبه اثير كثيييييير بس هي اسمر من اثير .. طويله ونحيفه..فرفوشه ودمها خفيف ..
خلود24 سنه..زوجة عبدالرحمن..حنووونه مووووت وتحب زوجها وعيالها ملامحها اجنبيه ..شقرا وعيونها عسلي مايل للاخضر.. عندها ولد وبنت ( رائد..5 سنين, رند سنتين )


بيت ابوعبدالله..

ام عبدالله: مهااااااااااا
مها: سمي يمه
ام عبدالله: تعالي اقعدي معي ماشفتك اليوم ..
مها:اسفه ماما وش اسوي الجامعه ماخذه كل وقتي..
ام عبدالله:والله لو انك تدرسين طب يابنتي ..وش هذا تتعبين نفسك مره
مها:وش اسوي يمه .. هذي دراستي.. كيميا ابدن شي ماهو سهل
دخل خالد: واحد قال لك تدخلين كيميا؟
ام عبدالله:الناس تسلم بالاول
خالد:السلام عليكم ..
ام عبدالله ومها:وعليكم السلام..
مها:اي انا قررت ادخل كيميا لاني احبها
خالد:مهبوله وماعندك سالفه
مها:خوووويلد
ام عبدالله:بسم الله على بنتي..وش فيك داخل علينا ومستلم بنيتي..
خالد:بشن عليكم الحرب لين تسوين اللي ابيه منك
ام عبدالله:امرر
خالد:ابي اتزوج
ام عبدالله:وانت للحين ..ما تفهم ياخي توك صغير
خالد:يمه حرام عليك..والله معد فيني عقل ..ابي اتزوج بمه تكفين
مها:يمه وش فيك متحمس كذا.. في وحده معينه تبيها ..
خالد:اي ابيها بس امي تقول لي توك صغير
مها:هههههههههه اي صغير يمه ..
ام عبدالله/: اي صغير ومايفهم ..
خالد:وش دعوه يام عبدالله
مها:يمه طيب افهمي منه من اللي يبيها ..يمكن تغيرين رايك
ام عبدالله: لا والف لا ..انا قلت كلمه يعني تمشي..
خالد قام ..ماهي حاله والله
مها كسر خاطرها خالد: يمه حرام عليك شوفي حالته
ام عبدالله:ماني مزوجته ... اخوك يحسب الزواج لعب بلعب ..مايدري انه مسؤوليه..
مها: بيتعلم المسؤوليه كل الناس تتعلم ..
ام عبدالله: الولد توه يتوظف الحين من كم شهر..حتى السنه ما كملها..لازم يعرف شلون يدبر اموره عشان ما يرجع لنا انا وابوه بعدين.. لازم يتعلم ايش يعني زواج وانك تفتح بيت..
مها قامت تبي تشوف اخوها:عن اذنك يمه ..
ام عبدالله:وين؟ كن كلامي ما عجبك..
مها: مو القصد..بس بروح اشوف خالد قام متضايق
ام عبدالله ولا ردت...
مها طلعت لاخوها بغرفته ولا لقته..طلعت الحديقه ولقته قاعد عن المسبح مكشر ومنزل رجله بالمويه ..
مها رفعت بنطلونها شوي قعدت جمب اخوها ونزلت رجلها بالمسبح..
مها:خالد
خالد:......
مها: خالد حبيبي منهي اللي تبيها؟
خالد:وش بيفرق يعني؟؟
مها: علمني انا اختك..
خالد بنظرة رجا: مها تساعديني؟
مها: اكيد حبيبي بس حاكيني فهمني ..
خالد:يا مها انا ابي ريما..
مها بتساؤل: مين ريما؟
خالد:ريما بنت عمي.
مها: اييييي فديتها..
خالد:احبها واموت عليها
مها:وانت وين شفتها؟
خالد:يعني لازم اكون شايفها عشان احبها
مها:لا يعني بس استغربت حبك هذا كله وتعلقك فيها وانت ما شفت شكلها حتى
خالد:انا اذكرها من يومنا صغاار.. كنت احبها واحنا صغار. صحيح تغطت عني بدري..لكن اذكر تفاصيلها للحين..شعرها الاسود الطويل.. وعيونها الواسعه وبياضها.. نعومتها اللي ياما ذبحتني واللي تميزت فيها عن باقي بنات العايله ..كل ها اذكره فيها وعجزت انساه
مها:معقول يا خالد..
خالد:اي معقول .. كل يوم افكر فيها ولا لحظه تغيب عن بالي.. امووت بطاريها ولا اقدر ابعدها عن تفكيري ما اقدر يا مها احبها ..بنت عمي وقريبه مني ولا اقدر اوصل لها مع اني احق فيها من غيري.. صوتها اللي اتفرص عشان اسمعه.. ضحكتها اللي بمووووت واسمعها حرااام عليها امي والله حرام اللي تسويه فيني
مها كسر خاطرها اخوها بقوة ..
خالد:مها ساعديني يا مها
مها: من عيوني بس كيف اساعدك ؟
خالد:اي شي سوي اي شي.. اقنعي امي كلميها ..فهميها اني بدون وجود ريما جمبي انا ما اسوى ..فهميها..
مها: من عيوني يا خالد..بسوي كل اللي اقدر عليه صدقني..
خالد:توعديني..
مها:اوعدك..
وتموا ساكتين دقايق كل واحد يفكر بشغله.. خالد يفكر بحبيبة قلبه ومها تفكر كيف ممكن تساعد اخوها..
شوي ورن جوال مها..
مها طارت عيونها يوم قرت الاسم ..
خالد انتبه:وش فيك
مها:ريما
خالد انصدم
مها:الوووو
ريما:هلا والله.. يابعد كل من قال الووو
مها:هههههه هلا فيك حبيبتي ..
ريما:كيفك وش اخبارك؟
مها:انا بخير الحمدلله ماعلي.. انتي كيفك؟
خالد قرب من مها عشان يسمع صوتها.. ومها توخره تقول له مايصير وهو يترجاها ..لين رحمت حاله وخلته ..
ريما:انا بخير الله يسلمك..وينك يختي معد تنشافين حقيقي لك فقده..
مها:وش اسوي بالجامعه يختي.. من جد احس اني بخيس بغرفتي من كثر ما اقعد فيها واذاكر ..
ريما:هههههههههههه الله يقطع سوالفك..
خالد دااااااااااخ مع ضحكتها خلااااااااص
مها:يا حلوك.. ريوووم اطلب منك طلب؟
ريما بنعومه: امري يا عيوني انتي..
خالد حط يده على قلبه اللي صار يدق بسرعه..
مها/: ما يامر عليك عدوو.. يعني ما يصير كذا بنات عم ولا نشوف بعض الا بالمناسبات..وش رايك نشوف بعض الفتره هذي؟ زمان ما هبلنا يختي
ريما:اي وربي انك صادقه.. انا اصلا داقه عليك عشان اقول لك انو دلال عازمتنا احنا البنات عندها يوم الخميس..
مها:ماشالللللللله وانا اخر من يعلم ..
ريما:لا والله..هذاني داقه عليك وفي بنات لسه ما يدرون
مها:اشووووة .. وليش الاخت دلوو ما تكلمني بنفسها
ريما: انا قلت لها اني بكلمك بنفسي.. يعني بيننا يا حلوو؟
مها:هههههههه لا والله ما بينا..
ريما: يعني بشوفك ؟
مها:ااكييييد بتشوفيني .. وبنهبل سوى وبننبسط ونوسع صدورنا ونرقص ونسوي كل شي
ريما: ياللله متى يجي بس يوم الخميس.. انتظره بقوة
مها: ياحبي لك ..
ريما:والله اني احبك اكثر.. يللا ياحلوة انا استأذن الحين بروح اكمل البحث حقي لازم اسلمه بكره
مها:اوكي حبيبتي ..بالتوفيق يارب
ريما:وياااك حبيبتي..يللا سي يو
مها: سي يوم تو ..وسكروا
التفتت مها على خالد لقته سرحااااان
مها:خااااااالد ..وين وصلت
خالد:اااااه بس.. لما سمعت صوتها بغيت استخف وضحكتها سوت فيني اللي ما يتسوى.. وربي لو عقلي طار مني السبب ذا البنت ..
مها: هههههههههه بسم الله عليك
خالد:احببببببببها
مها حطت يدها على خدها وقعدت تتأمل اخوها..والله انه يجنن ورومنسي..الله يكتبكم لبعض ياريما يااااارب وتعيشون مع بعض احلى الايام...
خالد: يللا يا حلوو.. انا استأذن الحين بروح مع محمد القهوة ..تبين شي؟
مها:ابي سلامتك حبيبي..
خالد:الله يسلمك ..يللا بااااي
مها: بااااي.. وراح خالد لسيارته
اول ما ركب السياره دق عليه محمد
خالد:هلا
محمد:هلا بك.. ويييينك يابو الشباب ابطيت
خالد:يللا يللا جايك بالطريق
محمد: اجل استناك انا..
خالد:اوكي,,يللا سلام..
محمد:سلام
وشغل خالد المسجل ولقى اغنية ( خلوني بحالي) على الاف ام
وقعد يسمعها بانسجااام وهو مبتسم ويتذكر صوت ريما وكل كلمه قالتها لمها ..

خلوني خلوني بحالي محبوب قلبي على بالي
سرحان هيمان في حبه
ولهان ودي انا بقربه
دونه حياتي ترى صعبه
ودوني ودوني للغالي

مشتاق والشوق ذابحني..محبوب قلبي مخاصمني
يزعل ولا اعرف اخباره..مسكين قلبي على ناره
امر دايم على دياره..والحزن يبكي على حالي

قولو له قولو له قلبي على شوفته يوله
ماطيق بعده ولا ساعه..قلبي انا زادت اوجاعه
في شوفته تضحك الدنيا..وفي قربه العمر يهنى به




بيت ابورنيم ..
رنيم كانت قاعده بالصاله ترسم بالفحم .. ومنسجمه موووت ودخلت عليها مشاعل توها راجعه من بره ..رمت نفسها عالكنبه..
مشاعل:اففففففففف
رنيم وهي ماشالت عينها من رسمتها: الناس تقول السلام عليكم
مشاعل:السلام..
رنيم:وعليكم ..
مشاعل:وانتي ما تملين من ذا الرسم؟
رنيم: وانتي ما تملين من الطلعه والدخله؟
مشاعل: ليس تردين على سؤالي بسؤال؟
رنيم: عشانك سألتي سؤال ماله داعي
مشاعل:اففف يا رنيم وربي انك كئيبه
رنيم:يعني تبيني اتنطط من هنا لهناك عشان اكون فرفوشه ومرحه؟
مشاعل:.......
رنيم حطت لوحتها على جمب :وانتي وين كنتي؟
مشاعل:مو شغلك
رنيم:كيف مو شغلي؟ انا اختك الكبيره ومن حقي اسأل
مشاعل:غلطانه يا اختي الكبيره مو من حقك..
رنيم: من الصبح وانتي تدورين..اشك انك قعدتي بالبيت من اصبحتي
مشاعل:اففففف اطلع ما اطلع انتي وش يخصك؟
رنيم: انتي الحكي معك ضايع...
مشاعل عطتها نظرة استحقار ووقفت
مشاعل بصراخ : انتي يا زفت ياللي اسمك روز ..
جت روز مسرعه
مشاعل ترمي شنطتها عليها وعبايتها: وديهم فوق ..
روز ركضت بسرعه ..
رنيم بأسف: الله يعينك على نفسك يا مشاعل..
شوي ودق الباب الداخلي للفيلا ..
قامت رنيم وفتحته بتواضع ولا استنت الخدم يفتحونه لها, لانها كانت تستنى صاحبتها هديل...
هديل:السلاااام عليكم
رنيم:هلا والله حبيبتي وعليكم السلام..تو مانور البيت زمااان مانورتيه
هديل:منور باهله ياعمري..وش اسوي كلما قلت لاخوي يجيبني لك طلع بالف شغله وشغله
رنيم:وش دعوه عاد كلميني وارسل لك واحد من السواويق مع شغاله وتجيبك
هديل:مابي احرجك ياقلبي
رنيم:وش دعوه يا هديل..مابيننا تعالي الحين نقعد بالصاله ونشرب قهوة على كيف كيف كيفك ...
هديل: اممم اوكي.. يللا

----------------------

بيت شذى ..
شذى كانت بغرفتها وزهقانه ..ماتبي تقعد بالصاله عشان مرت ابوها موجوده فيها وماتبي تحتك معاها.. فقررت تدفن نفسها بغرفتها .. بس زهقت.. راحت المطبخ قعدت تدور فيه شوي على امل تلقى شغله .. بس مالقت.. قررت تطبخ لها طبخه بس ضحكت من وين يعني بتجيب مقادير الاكل اللي ناوية تبدع فيها.. طرى على بالها حلى بسيط تسويه ما يحتاج اغراض كثير.. قالت بتسويه وتروح تاكله هي واريج..
دخلت غرفتها وفحت دولابها وطلعت منه علبه صغيره متعوده تحط فيه الفلوس اللي تعطيها اياها ام علي جارتهم كلما تساعدها بشغل البيت.. خذت لها شوية فلوس .. ولبست عبايتها وتحجبت
منيره بتريقه: على وين ؟
شذى:بروح البقاله بجيب شويه اغراض..
منيره: وش هي الاغراض ومن وين لك فلوس؟
شذى:وش هي الاغراض كذا غرض بسيط محتاجتهم ..اما من وين لي الفلوس مالك شغل ..ولبست نقابها وطلعت
منيره بصوت عالي:جعلك تروحين ولا ترجعين..
وصلت شذى البقاله وخذت اللي تبيه.. وهي راجعه للبيت حست بأحد يمشي وراها .. بدون ما تلتفت عليه سرعت خطوتها شوي وحست اللي وراها يسرع زيها من خوفها غمضت عيونها وشدت على الكيس اللي بيدها بقوه والتفتت على اللي وراها وخبطته باقوووووى ما عندها

......: اااااااااااااااااااااااي
شذى فتحت عيونها:بدرررر
بدر:اي يا عيون بدر..بس ليش تضربيني والله عورتيني ترى
شذى:بسم الله عليك..انا اسفه
بدر:وش حاطه بذا الكيس بالله؟
شذى:شوية مقاضي.. انا اسفه..
بدر:لا تتأسفين ياروحي انتي
شذى استحت:وش جابك؟
بدر:مشتااااااااااااق وابي اشوفك
شذى:بس انت ما جيت الحاره هنا من يوم ما توفت امي
بدر:الله يرحمها..ومن قال لك اني ما جيت هنا من ذاك الوقت ؟ انا اجي هنا كل يووووم اعدي من قدام بيتكم وراوح
شذى بحيا: صدق والله؟
بدر:اي وربك..
شذى:..........
بدر:وحشتني عيونك..
شذى: .......
بدر: مافي لي كلمه حلوة؟
شذى:........
بدر:هههههه طيب ابتسامه
شذى/:........
بدر:وووه فديت الخجلانين انا..
شذى: بدر روح لحد يشوفك وتصير لي سالفه..
بدر: ودي اروح..ودي ابعد اخذك من الدنيا كلها ولا احد يعرف لنا طريق..
شذى: مجنون انت؟
بدر: جنني حبك.. شذووي اطلبك طلب؟
شذى:امررر
بدر: اااه ياقلبي.. مايامر عليك عدو.. غطي عيونك والله اغار ومابي احد يشوفها.. انتي شابفه عيونك وش قد تذببببح
شذى بحيا:طيب
بدر: ياااااارب خليها لي ولا تحرمني منها ابد..هاتي حبيبي بشيل عنك الكيس..
شذىى طارت عيونها:لا يكون ىبس ناوي توصلني للبيت بعد
بدر: اي
شذى: بدر يا مجنون رووووح تكفى لحد يشوفنا من الجيران والله محد بيروح فيها غيري
بدر:بسم الله عليك..اللي يرشك بموية ارشه بنااااار
شذى: تكفى بدر ..روووح وبكلمك انا بعدين
بدر: طيب ياعيون بدر انتي.. انتبهي على حالك وربي اخاف عليك
شذى:طيب لا تخاف.. الله يحفظك رووووح
بدر وماوده يروح:احبك
شذى:وانا بعد..يللا رووووح ..
ركب بدر السياره بس ماراح ..صار يتبعها من بعيد لين تطمن انها وصلت البيت ومشى وهو بقلبه يدعي انو ربي يخليها له ولا يحرمه منها لو لحظة وحده وانو ربي يجمعهم على خير قريب
بعدما وصلت شذى البيت
منيره تطالع شذى بقهر.. وشذى شالت عنها الطرحه وفردت شعرها بدلع
شذى:ربي ما استجاب لك وهذاني رجعت ..ودخلت غرفتها عشان تشيل عبايتها...
منيره بحقد:ياجعلي ارتاح منك يااااااارب