[فيتامين سي]

الجزء الرابع...

بيت ام عبدالرحمن ..

اثير كانت قاعده مع امها وخواتها بالصاله بتفرجون على التلفزيون الا ودخل اخوها سالم وهو لابس بدلة الشرطه
ام عبدالرحمن:الله لا يحرمني من ذا القبله يارب..
سالم يبوس راس امه ويدها:ولا يحرمني من وجودك بحياتي
ام عبدالرحمن: كيف الشغل معك يمه
سالم:والله الحمدلله ماعليه.. الله يعينني بس بدى الكرف من جد
ام عبدالرحمن:انشالله ربي يناولك اللي ببالك يمه ويفرحني فيك وارفع راسي فيك كمان وكمان
سالم:امين يمه الله يسمع منك ..والتفت على خواته وقال بحنان
سالم:كيفكم بنات؟
اثير وغدير:بخير
سالم:من زمان ما قعدت معكم..شغلي خذاني منكم..محتاجين شي؟
اثير:سلامتك ياخوي
غدير:انا ناقصني اشياء..
سالم بابتسامه حلوة:وش ناقصك يا شيخة البنات
غدير:اممم اول شي خدمة البيبي حقتي انفصلت وابيك تفعلها لي ثاني شي نزل اي بود يجنننن ياخذ العقل ودي فيه ثالثا ابيك توديني نتعشى بره بكره
قاطعتها امها: وييي منك يابنت عايشه..كلى هذا تبينه خفي على اخوك بس..
سالم:هههههه خليها يمه على هواها ..تامرين امر يا غدير..كم عندي انا من غدووره بسوي لك كل شي الا اني اوديك نتعشى بره لانو بكره عندي دوام لبعد الساعه 11 اعذريني
غدير تكتفت: يعني مارح اطلع بالويك اند.. اففففف
اثير:يا بنت الناس استحي على وجهك ..الحين الرجال بيلبي لك كل اللي تبينه جت على الطلعه يعني منتي قادره تتنازلين عنها
غدير:لا مابي ..
ام عبدالرحمن: غدير بلا دلع .. خلاص اخوك مشغول ..
غدير برطمت..
سالم: انا بقوم اريح شوي يمه ..
ام عبدالرحمن: اي يمه اللي يريحك.. وترى عبدالرحمن وزوجته بيجون يتعشون عندنا اليوم ..ابيكم بموضوع مهم
اثير قلبها انقبض واستحت وحمر وجهها
سالم:خير يمه ..
ام عبدالرحمن:انشالله خير.. بس انت استنى على بال ما يجي عبدالرحمن ..
سالم: خير انشالله.. يللا عن اذنكم اول مايجي عبدالرحمن قولوا لي عسى بس الحق عليه قبل ما ارجع الدوام
ام عبدالرحمن: انشالله بتلحق..انا كلمته وقال بيجي بعد ساعه ..زمانه على وصول..
سالم:انشالله.. وراح غرفته
غدير: يممممه وش عندكم؟
ام عبدالرحمن: ما عندنا شي
غدير:كيف ما عندكم شي.. وش الموضوع اللي تبين سالم وعبدالرحمن فيه؟ ومن قبل كنتي طالبه اثير وكلمتيها على انفراد بعد .. في شي انا مدري عنه
ام عبدالرحمن:لا جا اخوك وزوجته بتعرفين انشالله
غدير:واللي مافيه صبر وش يسوي؟
ام عبدالرحمن: يقوم عن وجهي لا اوريه الشغل الحين
غدير برطمت: زين زين.. وقعدت تتفرج على التلفزيون
اثير كتمت ضحكتها وسرحت شوي
ام عبدالرحمن:وش فيك يمه؟
اثير بابتاسمه حلوة: مافيني شي يا غاليه، بروح اسوي حلا على بال ما يجون عبدالرحمن وخلود..
راحت وامها تشيعها بنظراتها
غدير رجعت بنفس الزن : يمه يمه يعني منتي قايلة لي وش السالفه؟
ام عبدالرحمن حطت يدها على راسها بتنهبل :ياربيييييييي منك


بيت ابو رنيم

هديل:هههههههههههههههههههه� �هههه من جدك يا رنيم؟
رنيم:ههههههه اي والله
هديل: ههههههههه وبعدين وش صار
رنيم: مسكينه ساعدتها تقوم .. من الفشيله ما قدرت تتحرك من مكانها ، خوفتني احسب صار لرجلها شي.. عاد الزلقه كانت مره قوية وقدام كل خلق الله وبعد بمكان عام
هديل ميته ضحك: ههههههههههههههههههههه ياربييييي ياليتني كنت موجوده ذاك اليوم واتشمت فيها .. عاد الشماته بنوف ما تتفوت
رنيم: هههههههههه حرام عليك .. ياعمري عليها نوف ما تستاهل ، وقعدوا يكملون بسوالفهم
نزلت مشاعل من غرفتها
مشاعل: هاي
رنيم:وعليكم الهاي
هديل: شلونك مشاعل
مشاعل ولا طالعت فيها اصلا: رنيم وين البوم الصور حقنا ابيه
رنيم: اعتقد انو هديل سلمت عليك .. ليش ما رديتي لها السلام
مشاعل: ما احكي انا مع اي احد
هديل ووجها تملأه علامات التعجب .. هي عارفه انو مشاعل تكرهها مووت بس ما توقعت انو لذا الدرجه ، وخصوصا انها تكرهها عشان شي مجهول السبب عند هديل..
رنيم:وش تقصدين يا قليلة الادب,, هديل تسواك وتسوى عشرة من شرواك
مشاعل بقرف: ما اتوقع يا رنيم انو من الذوق اني اتخانق معك عشان خاطر ذا الاشكال اللي وجودهم بحياتنا غلط اكبر مصيبه ،ط انا ماني عارفه انتي اصلا كيف تمشين معها قدام كل الناس
هديل: لو سمحتي يا مشاعل عن الغلط .. انا محترمه نفسي ومحترمه البيت اللي قاعده فيه عشان كذا ما رديت عليك
مشاعل: انتي اسكتي ولا يجي لسانك على لساني.. بعد ما بقى الا بنات الفقر اللي ياخذون ويعطون معي بالحكي
رنيم بصراخ شوي عالي: احترمي نفسك ولا انقعلي عن وجهي لا اوريك شي انتي عمرك ماقد شفتيه
مشاعل: هذا اللي يصير فيك اول ما تبدين تختلطين مع ناس ماهم من مستواك.. تصيرين تدافعين عنهم.. بكره القاك لابسه لبسهم وماكله اكلهم
رنيم: قسما بالله لو ما تنطمين لا اوريك الشغل الحين
هديل باستحقار لمشاعل:هدي يا رنيم مايسوى وربي انك تتخانقين عشان شي تافه وما يسوى
مشاعل بقرف: اكيد ما يسوى .. اي شي يتعلق فيك طبيعي مارح يكون يسوى
رنيم قامت لها بس هديل مسكتها
هديل وهي اعصابها تلفانه : والله لو ما تهجدين يا رنيم لا اطلع واخليك ولا عاد اجي بيتك مرة ثانيه
رنيم: منتي سامعه وش قاعده تقول ، وربي لا اقول لبابا عليها
هديل بابتسامه غصبا عنها : مسموحه حبيبتي .. يللا حبيبتي عن اذنك الحين
رنيم: يا هديل
هديل:خلاص حبيبتي انشالله اشوفك بالجامعه .. مع السلامه
رنيم وصلتها للباب بدون ما تفتح فمها بحرف احرجتها اختها مررره وكانت تتمنى لو انها تصفقها وتوقفها عند حدها
وراحت هديل .. ورجعت رنيم للصالة عشان تحاكي مشاعل بس ما لقتها
رنيم: وين بتروحين مني يا زفت والله ما اخليك .. وطلعت وراها لغرفتها.. ودخلت عليها بدون حتى ما تطق الباب
مشاعل: خيييييييييييير
رنيم بعصبيه: من وين بيجي الخير دامك انتي اختي وتعاملين الناس بالشكل السيء هذا
مشاعل وهي تتكتف وبكل بجاحه: انا ما سويت شي غلط عشان تهاجميني بالشكل هذا
رنيم بقمة العصبيه على غير العاده: ايش يعني ما سويتي شي غلط، وسواتك الشينه بهديل تحت وش تسمينها يا كاملة الاوصاف والمعاني؟
مشاعل: اوووووه يا رنيم انتي قاعده تكبرين الموضوع، كل الحكايه اني حبيت اوقف ذا الاشكال عند حدها ، انا مدري انتي من ايش بتستفيدين منها ومن مماشاتها؟؟ صاحبي زيي ناس هاي وعليهم القيمه وبنات عز وكشخه ، مو وحده كل اللي تسويه انها تشتري ملابسها من مكان الله العالم فيه لا وبعد مره وحده بالسنه ، هي وعبايتها هذي اللي من عرفتها وهي ما غيرتها
رنيم فقدت اعصابها وقربت من مشاعل ومسكتها من يدها بقوه
مشاعل: اييييييييييي عورتيني
رنيم بغضب: اسمعيني يا مشاعل ترى الدنيا دواره انتي تتطنزين على الناس ترى والله بكره بتشوفين وش بيصير فيك، الناس كلهم واحد ومافي فرق بينهم، اكره ما اشوف العنصريه ترى.. اذا تميتي كذا على طول بتلتفتين ولا رح تلاقين احد جمبك بيوم من الايام، يعني استحي على وجهك احسن لك، لا وربي اقول لامي وابوي عن سواياك بخلق الله
مشاعل بملل: خلصتي محاضرة؟
رنيم بيأس من اختها: وش شايفه نفسك عليه تراك مجرد انسانه
مشاعل وهي تدف يد اختها بقوه وتوقف بشموخ وتقول بكامل الثقه: انا مشاعل بنت حمد ال..... ماني مجرد انسانه، انا االلي الكل يغار مني وبيموت اصلا ويصير مثلي باي شكل من الاشكال، انا القمر اللي يمشي على الارض اللي الناس تحلف بجمالي واصلي وفصلي.. وتكمل وهي تاخد دوره حلو نفسها بكل شموخ,,
مشاعل: شوفي ذا الملاك اللي واقف قدامك.. طالعي قدامك زين ولا تخلين تواضعك ذا يعميك.. يحق لي الغرور انا اصلا الغرور ما يليق الا لي
رنيم خلاص بتموت من اختها: انا ماني عارفه ليش اصلا اخذ واعطي معك بالحكي.. بس من جد حسافه لانك اختي ابد ما كنت اتمنى اني اعرف وحده تعامل الناس بالفوقيه هذي بس للاسف طلعت اختي.. شي مني وفيني .. وطلعت وسكرت الباب وراها بقوة ، خلت مشاعل تنقز منها
مشاعل بغرور: هه همجيه




** اتوقع انو هالموقف بين لكم مدى حقارة مشاعل المغرورة ,, وانه ما يهمها شي غير المظاهر والفشخره.. الله يعين ابطالنا عليك بس !!

في سيارة عبدالرحمن

عبدالرحمن كان مرررة منسجم مع الاغنيه ويغني لزوجته خلود

عبدالرحمن: تصدق ولا احلف لك عجزت بلساني اوصف لك
نعيم الحب في وصلك وانت كرييم اصلك
وشوف قلبي على يدي وهو اغلى ما عندي
وتبغى زياده في حبك
اجيب لك قلب ثااااني منين
خلود منحرجه: فديييتك
عبدالرحمن : انا اللي فدييييييييييييييييييييييت ك
رائد: بابا ابي حلاوه
عبدالرحمن : مافي احلى من امك
خلود: عبدالرحمن لا تعلمه ذا الحكي
عبدالرحمن : خليه يتعلم .. ويلتفت لرند اللي بحضن امها ويقرص خدها ويقول
عبدالرحمن: ولا لا يا رنووودتي
رند: ابتسمت ابتسامه عريضه وبانت غمازتها مع انها ماهي فاهمه السالفه
عبدالرحمن: وووووه بس هذي اللي بتذبحني شبيهة امها
خلود:هههههههههه
شوي ووصلوا بيت ام عبدالرحمن
دخلوا البيت على طول لانو عبدالرحمن كان معاه نسخه من المفتاح
عبدالرحمن : السلااااام عليكم
الكل: وعليكم السلام والرحمه
سلموا على ام عبدالرحمن وهي خذت احفادها بحضنها
ام عبدالرحمن: سلم لي اياهم يااااااارب
ورند حاضنه جدتها بقوووووه
غدير تخبطها على راسها
خلود:خييييييير غيدروووه وش بلاك على بنتي
غدير: وش مقعدها بحضن امي .. خل تقوم بس عندها ام هذا مكاني
ام عبدالرحمن: انتي شبعانه من حضني خليها عندي بس وقالبي وجهك انتي
غدير: لا واللله.. طيب طيب انا اوريكم، وتعض رند بخدها بقوه وصاحت رند ونزلت من حضن الجده وراحت لحضن امها
خلود: حسبي الله على شيطانك بكيتيها .. والله لا اقول لابوها
غدير تقعد مكان رند بحضن الجده وتمد لسانها لخلود
ام عبدالرحمن: غدير ووجع يوجع قلب العدو صيحتي بنتي وقعدتي محلها .. قومي عن وجهي بس
غدير تتمسك زيداه فيها: ماني قاااااايمه
دخل عبدالرحمن: ليييييش حبيبة ابوها تبكي
رند: ترفع يدها لابوها يعني شيلني
شالها عبدالرحمن: ليش يا بابا تبكين
رند دفنت وجهها بحضن ابوها ببراءة وكملت بكى بهدوء
خلود: اختك ذي الله حسيبي على العدو نتفتها لي
عبدالحرمن: غدير يا مال الماني قايل كم مرة اقول لك لا تتنفسين عند بنتي تقومين تمدين يدك عليها
غدير: محد قال لها تقعد بحضن امي
دخلت اثير شايله صينية العصير: كم عمرك انتي
غدير: سالب 17 مالكم شغل فيني
ام عبدالرحمن : الله يصلحكم بس..
عبدالرحمن قعد: ها يمه امري.. وش الموضوع اللي تبينا نحكي فيه؟
ام عبدالرحمن :دقايق بس ينزل سالم
الا بدخلة سالم: احد ناداني؟
خلود تغطت وقام عبدالرحمن يسلم على اخوه
عبدالرحمن : وينك ما تنشاف
سالم: وش اسوي بذا الشغل ااااه بس .. لو تدري عاد عندي شفت بعد شوي الله يعيني يدووووب اكل معكم واطلع على طول
عبدالرحمن: انا قايل لك تعال امسك معي الشركه اريح لك بس منت راضي
سالم: وش اسوي انا ما احب الادارة ومدري ايش.. انا احب شغلي بس وش اسوي فيه متعب
عبدالرحمن: الله يعينك
سالم : امين .. ويلتفت لرائد اللي كان بحضن اثير ويشرب عصير
سالم: هلا والللللللللله بالشيخ رائد
رائد التفت عليه وسفهه
سالم: يووو
عبدالرحمن:ههههههههههههه ماهو فاضي لك يكمل العصير
سالم:بالعافيه عليه.. واخذ رند من حضن ابوها وقعد يلعبها

عبدالرحمن: سمي يالغاليه وهذا سالم جا امري وتدللي
ام عبدالرحمن: والله يا عيالي اليوم دقت علي ام مشعل ال... وطلبت اثير لولدها مشعل
اثير استحت
غدير زعقت: ياااااااااااااااااااااااي
ام عبدالرحمن: بس ياغدير خليني احكي
عبدالرحمن: من جد اسكتي شوي يالشيطانه انتي
غدير: الشيطانه بنتك
عبدالرحمن ضحك على اخته: اي يمه اسلمي
ام عبدالرحمن: عاد انا قلت لها بشاور عيالي والبنت وارد لك
سالم: ومن فين يعرفونا يمه؟
ام عبدالرحمن: ام مشعل تصير اخت مرت عمك ابو وليد
غدير: اييي عرفتها خالتي نوره يا حبي لها هي وبناتها .. زمان عنهم والله
ام عبدالرحمن: واهم جو يخطبون اختك
عبدالرحمن: والله يمه عايلة بو مشعل والنعم فيها بس تعرفين لازم نسأل مهما كان
ام عبدالرحمن: اكيد يمه اسأل على كيفك انت واخوك.. انتو اخوانها وكلمتكم اللي تمشي.. وانا عالعموم قلت لها نبي وقت
عبدالرحمن: زين ما سويتي يمه
سالم: انا عن نفسي موافق من الحين ذا العايله ما تنرد وسيرتها الطيبه على كل لسان .. من الحين انا ابارك لك اثورتي
اثير استحت وقامت على غرفتها
ام عبدالرحمن : الله يتمم على خير..
عبدالرحمن:امين يارب.. وانا يمه ذا اليومين بسأل عن الولد.. ما يضر ولا يمنع
ام عبدالرحمن: حق وواجب..
غدير:وناااسه بيصير في عرس عندنا
خلود: عقابلك حبيبتي
غدير مرتاعه: انا .. يممممممه لا حبيبتي انا ماني متزوجه واخلي امي.. واوادع حياة العزوبية
سالم: مصير كل بنت تتزوج
غدير: انا مو بنت.. انا شيخة البنات
سالم: اتععععب انا من شيخة البنات
غدير بعربجه: يا ذا اللييييييييل الحين بتحولون من اثير لي انا.. خليني اقوم اطفر بها شوي كلها فتره تطلع من ذا البيت وراحت ركض لغرفة اختها
ام عبدالرحمن: من غير شر..
عبدالرحمن: ههههههههههههههههه خلود حبيبتي روحي شوفيها لا تهبل باثير ذي ما تنضمن
خلود: ههههه انشالله



يوم العزيمه
دلال كانت قالبة البيت فوق تحت مستعده لجية البنات .. شوي تشرف عالخدم وشو تشوف وش سوى الطباخ وش تشوف اذا كان في شي ناقص او لا
الهنوف:حششششششششى لو انك مسوية حفلة ماتحمستي ذا الكثر
دلال: وش اسوي من زمان ما تجمعنا احنا وبنات العايله خلينا نفلها شوي
الهنوف:طيب وين تبينا نقعد بالضبط؟ بالبايسمنت او الملحق او بيت الشعر؟
دلال: اممممم ببيت الشعر احسن .. ليش؟
الهنوف: عشان احط سيدياتي بالمكان اللي بنقعد فيه لزوم الردحه ..
دلال:يوووو على طاري الردح ذكرتيني.. نادي لي البواب يختي خليه يشبك لي الستريو
الهنوف: هوو وش دعوه ما تعرفين.
دلال: الهنوف لو سمحتي لا تسوين فيها فاهمه .. سماعات كبر قريح شلون بقدر اغير مكانها واشبكها.. ناديه بس..
الهنوف: طيب طيب وش ذا التوتر..
دلال وهي ترقى الدرج: الساعه 6 وانا لسه ما جهزت
الهنوف: ما يبي لها شي يختي.. اي تيشرت وقضينا
دلال وهي تمسك راسها منصرعه من هبال اختها: ياربييييييييييييي اقول لك ماجونا من زمان ما شفتهم ولا قبلوا علينا تبيني اطلع لهم كاجوال.. وربي لو قعدت معك زياده لا يطير عقلي... وطلعت لغرفتها..
الهنوف:ههههههههههه والله حاله اختي.. وشافت مشعل توه داخل
مشعل: السلام
الهنوف:وعليكم السلام
مشعل:وش عندك تضحكين مع نفسك
الهنوف: كانت دلال هنا ما كنت لوحدي
مشعل: اوووكي
الهنوف بخبث": مشعل
مشعل: نعم
الهنوف": تدري من بيجي اليوم
مشعل: مين يعني
الهنوف: بنات العم ..
مشعل: وانا اقول ليش البيت بحالة استنفار
الهنوف: ايي .. وتدري من هم بنات العم؟
مشعل ببلاهة: بنات عمي ابو ماجد وابو رنيم وابو بندر
الهنوف:اي ومن بعد
مشعل: ما اخبر لي عمان غيرهم
الهنوف: وبنات عم بنات خالتي
مشعل فهم تلميحات اخته الملكعه اللي تناظره بنص عين :طيب
الهنوف: وش طيب
مشعل: الله يحييهم
الهنوف: اقول لك بيجون تقول لي الله يحييهم
مشعل: وش المفروض اقول يعني
الهنوف: المفروض تقول لي بشوف الحبايب..ضبطي وضعي تكفين يا اختي
مشعل رفع حاجبه: بنت
الهنوف:طيب طيب خلاص انا اسفه.. ياخي هذا جزاي ابيك تشوف القمرررررررررررررررر اثير
مشعل وهو يقوم: مابي اشوف احد.. خليني بحالي بس.
الهنوف: وين رايح؟
مشعل: بروح انام. لحد يصحيني ابددددد ..
الهنوف: طيب.. وشوي وتنادي دلال بصوت عالي من عند الدرج
دلال: الهنووووووووووووووووووووو ووف
الهنوف نقزت وناظرت فوق: بسم الله.. خييييييييييير
دلال وهي معصبه ولابسه روب الحمام ولافه شعرها بالفوطه: ما قلتي للبواب يزين الستريو
الهنوف: هاا؟؟ الا لا قلت له هذا قاعد يزينه
دلال تتكتف: بااللللللله عليك.. اجل وش يسوي بكراتينه بره ها؟؟؟ توني اشوفه من بلكونة غرفتي
الهنوف توهقت وركضت لبره عشان تكلم البواب
دلال: افففففف منها...


=-=-=-=-=-=-=-=-=-=-=-=-=-=-=-=-=-

بيت ابو رنيم

رنيم كانت قاعده تكحل عيونها ودخلت عليها مشاعل

مشاعل: على وين انشالله؟
رنيم: يعني ما تدرين اننا اليوم رح نروح بنات عمي..
مشاعل: انتي اللي بتروحين مو انا ..
رنيم: وليش منتي جايه يعني.. زمان ماشفناهم وانتي بالذات اخر مره بملكة ليان
مشاعل: وبالطقااااااق رايحه بعد
رنيم: مافي منك فايده .. وش بتقعدين تسوين لحالك
مشاعل: بقعد اتفرج على فلم وانام بدري..
رنيم وهي تحط اللمسات الاخيره: على راحتك
ام رنيم دخلت: ها حبيباتي خلصتوا
مشاعل: ماما انا ماني رايحه
ام رنيم: ليش ؟
مشاعل: مكسله ولا لي خلق
ام رنيم: بسلامتك.. بس ترى المره الجايه لازم تروحين.
مشاعل بلا مبالاة: انشالله
ام رنيم: يللا يا رنيم الله يحفظك انتي روحي ولا تنسين تاخذين معك ميري
رنيم: اكيد ولا يهمك .. ونتي ماما مارح تطلعين ؟
ام رنيم: لا احس بصدااع .. بقعد انتظر ابوك بقعد معاه شوي لانه بيسافر ذا اليومين ..
رنيم: اي صح.. طيب ماما براحتك خذي لك مسكن
ام رنيم: انشالله حبيبتي.. انبسطي وسلمي لي على البنات
رنيم: اوكي .. يللا باي
ام رنيم: باااي .. وانتي يا مشاعل وش بتقعدين تسوين؟
مشاعل:ولا شي بشوف لي فلم بعدين انام
ام رنيم: طيب .. انا بغفي شوي لين يخف الصدااع
مشاعل طلعت : طيب..


-=-=-=-=-=-=-=-=-==-=

ليان: ايان تكفين بسرعه
ايان وهي تسكر صندلها: يختي خلصت
ليان: صار لك ساعه تقولين لي خلصت عيب عليكي محمد بالطريق جاي
ايان: يالللللللله تراك صجيتينا .. ما كانت لحظه تلقفت فيها وقلت لك خليه هو اللي يجي يوصلنا عشان اشوف كيف يعاملك
ليان: يختي انا احيانا اشك انك اكبر مني .. وش لك فيه ووش لك فيني .. استحي على وجهك ويللا
ايان وقفت بعصبيه: افففف حسستيني انه واقف عند الباب يستنى
ورن جوال ليان: الوووو
محمد: هلا حبيبي.. يللا ياروحي انا عند الباب
ليان: طيب حبيبي ثواني ,, وقفلت
ايان: يععععع وش حبيبي وحياتي ..لا تخربيني انتي ورجلك
ليان: انا اخربك !! عسى مو انتي اللي تخربيني .. يللا بس لا نطول على حمودي
ايان تقلدها وهي تلبس عبايتها: حموودي

بالسياره

ايان وليان: السلام عليكم
محمد: وعليكم السلام .. هلا هلا والله هلا بحبي وروحي
ليان استحت: هلا بك
محمد مسك يدها وباسها: وحشتيني
ليان: وانت اكثر
ايان: يا هووووووو انا هنااااااااا
محمد:هههههه هلا والله بحماتي الصغيره
ايان نفخت ريشها: اهليين.. مابغيت تهلي فيني
محمد: وانا اقدر.. وش يخلصني من لسانك
ايان: توك وش ملحك وتهلي وتناديني حماتي وش صار الحين
محمد: اسف عمتي .. اي حبيبتي وش اخبارك
ليان: دامك بخير انا بخير
محمد بصوت عالي: يا ويييييييييل حاااااالي
ايان: لميييت علينا الناس.. ما تعرف توطي صوتك يا مستر
محمد: وانا كلما حكيت مع حرمتي دخلتي بيننا
ايان: حرمتك لا صارت ببيتك مو هنا .. ترانا بمواقف الفيلا للحين ما طلعنا من بيت ابوي
محمد: ااااه بس متى اخذها من هنا
ليان استحت وشالت يدها من يد محمد ومحمد ابتسم لها ابتسامه تذووووب
ايان: يا ذا اللللللييييييييل ما خلصنا من التسبيل انت واياها.. حرك لا وربي اسحبها مع شوشتها واروح مع السواق تراهم على قفا من يشيل هنا
محمد: لا خلاص خلاص .. وهذانا حررركنا,,



بيت ابو بندر

ريما: ديوووم حبيبي انا انتظرك تحت ..
ديما: تكفين لا تنزلين وتخليني لا تستفرد فيني ماما الحين
ريما بزعل: عيب عليك يا ديما..
ديما: وش اسوي يختي .. وهذا الصدق
ريما:طيب يللا بسرعه تاخرنا شوفي الساعه كم
ديما وهي تلبس عبايتها: يللا وسلطان وين بنخليه؟
ريما: سلطان بالملاهي مع المربيه ..قلت لها تعشيه وتحممه لما يرجع وتنومه لانه بيكون تعبان اصلا
ديما: اوكي يللا ,,


بالصاله
ديما: ما ودك نطلع من الباب اللي ورى ؟
ريما: لا مننا حراميه نتوزى
ديما: لو شافتنا اخاف تغير رايها الحين
ريما بخوف: تتوقعين
ديما: الا متاكده.. وخصوصا انها مو مروقه من شوي سمعتها لاعنه جد الخدم كلهم من رئيسهم للمزارع
ريما:ياربيييي ليش هي قاعده بالبيت اليوم يعني حبكت
ديما: تعالي يا بنتي خلينا نطلع من الباب اللي ورى اسلم لنا
ريما باصرار: لا يعني لا.. تعالي بس من هنا وخليها تشوفنا
ديما: ياويلك مني لو انها قالت مافي روحه ..
ريما: مارح تقول امشي انتي بس.. ومشوا البنات وحمدوا ربهم لانهم ما شافوا احد بالصاله وصاروا يرركضون بالصاله الواسعه عشان يوصلون الباب واصوات كعوبهم ماليه المكان
ام بندر بصراخ: على وين انتي وياها
ريما وديما جمدوا من صوت امهم
ام بندر: انصقهتوا على غفله؟ قلت على وين
ريما: ماما قلت لك اننا بنروح لبيت عمي ابو مشعل
ام بندر: متى قلتي لي
ريما طلعت عيونها: قلت لك امس ماما وش فيك
ام بندر: مافي روحه ادخلي انتي وياها بس
ديما بحزن: ليش ماما حرام عليك ما طلعنا من زمان وبنات عمي كلهم هناك زمان ما اجتمعنا معهم
ام بندر: مو انتي اللي تعلميني الحرام والحلال سامعه يا بنت ابوك ولا تبيني اسوي بيدك الثانيه نفس سواتي بالاولى
ديما وهي تقاوم الدموع بعيونها وتمسك يدها المربوطه : حرام عليك
ام بندر: انقلعي انتي وياها على غرفكم لا اوريكم شغل الله
ريما وديما والدموع بعيونهم ومتوجهين لغرفهم جاهم صوت من ورى
...........: عساك قااعده تخانقين بناتي يا فوزيه
ريما وديما ماصدقوا اللي سمعوه والتفتوا على بعض وشافوا ابوهم اللي غاب عنهم فتره طويله ذا المره
ام بندر تلعثمت ولا عرفت وش تقول
ابوبندر كانت ملامحه جامده ومعصصصصصب مره من اللي سمعه .. بس رقت ملامحه بثواني وهو يشوف بناته يركضون لحضنه بسرعه والدموع ماليه وجيههم.. هذا ابوهم اللي عوضهم عن حنان الام كان لهم الاب والام بنفس الوقت مع انو امهم عايشه معهم وبنفس البيت بس بعيده عنهم بقلبها وروحها .. كانت لهم الام بالاسم ..وبس حتى الخدم والمربيات كانوا احن عليهم من امهم
ديما:بابا وحشتني موووت
ابوبندر: وانتي اكثر ياروح بابا
ريما: لاعد تغيب علينا كذا يا غلاي
ابوبندر: من عيوني يادلوعتي
ام بندر بتريقه: الحمدلله على السلامه
ابوبندر حس بتريقتها ووجه لها نظره كانت زي السهم حرقتها نظرته وندمت على نبرة التريقه اللي طلعتها
ابوبندر:مارديتي لي ؟؟ انتي كنتي تزعقين على بناتي
البنات سكتوا
ام بندر وهي تبلع ريقها خايفه من ردت فعل زوجها اللي اذا انفعل صار اسد: اي
ابوبندر: وتعترفين بعد.. وليش انشالله انا مو محذرك من ذا الشي
ام بندر بخوف: هم يعصون اوامري
ابوبندر: وش كانوا يبون
ديما بسرعه: كننا نبي نروح لبيت عمي ابومشعل لانو البنات مسوين عزيمه لبنات العايله وامي عيت نروح
ابوبندر ناظر بيد بنته المربوطه: وش هذا يا ديما
ديما بخوف خبت يدها تحت طرحتها اللي لسه مالفتها على شعرها
ابوبندر: من ايش هذا اللي بيدك حبيبتي
ديما خافت من ردت فعل ابوها لو درى انو امها هي السبب وناطرت امها بتردد
ابوبندر فهم انو فوزيه هي السبب: خير انشالله ,, وين بدر وسلطان؟
ريما: سلطان بالملاهي وبدر ماهو موجود ..
ابوبندر: وربي اني مشتاق لهم ..
ريما: ثواني بابا نودي عباياتنا انا وديما ونجي نقعد معك
ديما: اي وانا بروح اسوي لك النسكافيه اللي تحبه بيديني
ابوبندر وهو يناظر ام بندر بتحدي: انتو بتروحون لبيت عمكم وبتنبسطون ولاحقين على القعده سوى
ريما: مستحيييييل انا ماصدقت اشوفك ماني رايحه ولا مكان
ابوبندر: لا حبيبتي روحي انتي واختك وانبسطوا وسلموا لي على عمكم وزوجته والبنات وانا اصلا تعبان وبنام حتى عشى ماني متعشي
ديما: اكيد بابا ؟
ابوبندر بابتسامه حنونه : اكيد ياروح بابا
ديما: خلاص اجل احنا بنروح وبنرجع بدري عشان ننام ونقوم الصبح ونفطر سوى ونقعد مع بعض زي زمان
ابوبندر: تامرين امر يا شيخة البنات انتي.. بس بطلبك طلب انتي واختك
ريما وديما: امرررر
ابوبندر وهو يقرب من بناته ويمسح دموعم: هذي الدموع الغاليه مابيها تنزل الا من بعد عيني
ريما وديما بسرعه: بسم الله عليك بابا
ريما: مالنا غناة عنك وربي
ديما:ياجعل عمرك طويل يالغالي
ابوبندر ضاق صدره .. شغله يبعده عن بناته كثير مع انه مو محتاج ابدننننن ورث امه وابوه مكفينه بشكل مهوول حتى فلوسه مستثمرها زين بس هو يبي يبعد عن البيت باي شكل من الاشكال بسبب زوجته اللي ماهو طايقها واللي بتعرفون مع الايام ليش...
ابوبندر: يللاا حبيباتي روحوا الحين
ريما وديما كل وحده باسته مع خد : باي بابا
ابوبندر:الله يحفظكم ويخليكم لي يارب..
والتفت على زوجته والشرار يطلع من عيونه ,, فوزيه كانت واقفه عادي لكن قلبها يرعد من جوه والله لو درى عن سواياي بالعيال ما يخليني ولا يفكني منه شي
قررت تنسحب بسرعه بس صوته العالي المعصب سبقها
ابوبندر:فوزززززززززيه
ام بندر وقفت مكانها: .......
ابوبندر قرب من عندها: وش انك مسويه بديما
ام بندر:.....
ابوبندر مسكها من زندها وضغط عليها بقوه: انا سألت سؤال .. وش سويتي ببنتي
ام بندر وهي تحاول تفك يدها: ماهو اسلوب اللي تعاملني فيه يا سلمان
ابوبندر:مو انتي اللي تعلميني كيف اتعامل مع اشكالك سامعه ولا لا
ام بندر: وش فيها اشكالي مو عاجبتك على اخر عمرك
ابوبندر: ليش انتي عمرك عجبتيني .. خليني ساكت ولا تفتحين الدفاتر القديمه
ام بندر وهي تسحب يدها المحمره من يد زوجها القاسيه: لا تنسى انك حفيت عشان تاخذني
ابوبندر: وانتي الصادقه.. حفيت عشان ما احملك اسمي لكن ما اقول الا الله يرحمك يا يبه على التدبيسه اللي دبستني فيها انا وعيالي
ام بندر تصرخ بقهر: انت على ايش شايف نفسسسسسسسك
ابوبندر:انتي اللي على ايش شايفه نفسك.. بنت فقر لا رحتي ولاجيتي ورافعه خشمك بعد .. على الناس وعلى عيالي وعلي انا كمان
ام بندر بغبنه: تعايرني بفقري يا سلمان
ابوبندر: انتي اللي حديتيني على كذا.. ولا ماهو من طبعي احقر الخلق وخصوصا اذا كانت " قالها بقهر وقرف" زوجتي وام عيالي
ام بندر: وش المطلوب مني الحين موقفني هنا عشان تعايرني باصلي وفصلي
ابوبندر: انا موقفك عشان اعرف وش مسويه بعيالي بغيابي
ام بندر:اووووووووه عيالي وعيالي ناسي انهم عيالي كمان
ابوبندر: انتي عمرك ماكنتي لهم ام,..اخلصي وش مسوية بديما
ام بندر: تستاهل اللي ماتربت
ابوبندر: متربيه واحسن منك دامها رباة امي الله يرحمها
ام بندر:بعد بتنسب تربيتهم لحصيصه
ابوبندر: احترمي نفسك وانتي تطرين امي سامعه ولا لا.. واذا مو عاجبك الباب يفوت جمل.. وقسم باللي رفع السما وبسط الارض اذا مديتي او فكرتي حتى انك تمدين يدك على واحد من عيالي انو مايفكني شي من اني اجرم فيك سامعه ,, وتركها وطلع فوق لجناحه يرتاح
ام بندر انهارت وبصراخ وهي ترمي المزهريه على الارض من القهر: اكرررررررهك ياحقييييييييير والله لا تندمممممممم



بيت ابومشعل


ام مشعل: الهنوف .. وين دلال؟
الهنوف:ببيت الشعر تزين القعده
ام مشعل: اهاا.. اوكي انا بطلع تبون شي؟
الهنوف:لا سلامتك .. بس وين بتروحين
ام مشعل: بطلع انا وابوك نتعشى بره
الهنوف: هييييييييء بدووووووني
ابومشعل: اي بدونك.. انا وامك من جبناك ما قعدنا لحالنا اعوذ بالله
الهنوف تتزعل: اي طيب حطها علي
ابومشعل: يللا روحي لاختك بس
الهنوف: اوول مره تكلمني بذا الطريقه بابا.. كل ذا عشانك بتنفرد بحبيبة القلب
ابومشعل يحط عقله بعقلها: اي عشان بنفرد بحبيبة القلب.. يللا مناك بس.. ويسحب يد ام مشعل ويطلع بره
ام مشعل منحرجه: يابو مشعل بشويش
ابومشعل: بس بلا بشويش بلا هم..
ام مشعل للهنوف:اذا احتجتوا شي كلموني.. وسكرت الباب
الهنوف: اااااااااااااااه وناسه ابي زوجي زي ابوي
دلال: الهنوف.. منتي مغيره يختي؟
الهنوف : لا لبسي عاجبني..
سمعوا صوت بوابة البيت تفتح ونطوا لشباك الفله الطوييييل اللي يوصل لاخر الارض ومزين بستارات فخمه
الهنوف: وناااااسه هذي رنيييييم
وراحوا يستقبلونها

بسيارة محمد
محمد بملل: اففف وصلنا
ايان:لا ياشيييييييييييييييخ ما بغينا .. تسوق لي 20 ولفلفت فينا الرياض عشان تقعد مع حضرة اختي ويوم وصلنا ما عجبك بعد
محمد: يختي وش فيك علي انتي. ما تدرين اني اتحرى الثانيه عشان اقعد فيها مع ليونتي
ليان: الله لا يحرمني منك محمد
محمد بتنهيده: ولا منك ياروح محمد انتي
ايان: ما خلصتوا تغزل انتو.. ترى وربي لا اعلم امي
ليان معصبه: تراك صجيتيني
ايان تصفق: اي يا ماما باني على حقيقتك الشرسه خلك من التميلح والدلع قدام محيميد ووريه من انتي صدق
محمد: خليها تتدلع تعصب تسوي اللي يحلالها وش حارق دمك انتي.. وبعدين على اخر عمري انا صرت محيميد
ايان بعناد: اي محيميد حماده حمدمد اللي ابي
محمد: هذا وانا ابي ازوجك اخوي الغالي
ايان طلعت عيونها : وععععععع عساه سامي لا والله ماينبغى ذا الشراني اقوووول فمان الله .. وانتي يا جولييت اذا ما نزلتي بعد ثواني بترفعين راسك بتلاقين بو ماجد فوقه.. باي باي
محمد وليان: هههههههههههههههه
محمد: مابغت
ليان:اي والله
محمد: يللا عاد وريني وجهك الحلوو
ليان: ماني فاتشه هنا..
محمد: يللا عاد واحشتني
ليان: واحشتك تعال تغدى عندنا
محمد ما صدق: واللللللللللله
ليان: اي حبيبي والله
محمد: ياحلو ذا الكلمه منك
ليان استحت: طيب حبيبي الحين انا بنزل لا تسويها بنت امي وابوي والقى راشد بو ماجد فوقنا
محمد:ههههههه طيب حبيبي.. اجل وعدنا بهالكم يوم
ليان: اي حبي اكيد وبسوي لك الاكله اللي تحبها بعد..
محمد: لله لا يحرمني منك يارب
ليان: ولا منك ياقلبي



عند البوابه
الهنوف: توووووووووووووأم روووووووووووحي
ايان:حببب عمررررررررررررررررررررررر رري
الهنوف تحضنها: وحشتييييييييني يختي
ايان: ههههههه ماكنك شايفتني امس بالمدرسه
الهنوف:يختي من زمان ما شفتك بره المدرسه وش ذا ما كننا بنات عم
ايان: اي والله الله ياخذ الايام فرقتنا
دلال: على هوووووونك يا جدتي .. منتي مسلمه علي
ايان: لابووو اللي مايسلم عليك
دلال:هههههههه شلونك حبيبتي
ايان: الحمدلله
دلال: وين ليان لا تقولين ما جت
ايان: الا بس مع حبيب القلب بالسياره
دلال: هوووو ما نزلت للحين
ايان: انا حاااااالفه حلف اذا ما لحقتني لا اكلم بابا يجي يثور فيها هي والعاشق الولهان
دخلت ليان على اخر كلماتها وهي تشيل النقاب: وجع انشالله انتي مخليه سيرتي على كل لسان
ايان: يوووو اثاريك هنا
الهنوف": ليتك طاريه مليووووووون يا ايونه
دلال" ناقصك خير انتي وياها
الهنوف: لا الحمدلله بس كذا دايم اسمعهم يقولون كذا
ليان: ماعليك منهم بس.. انا وربي تعودت على هبالهم ..
دلال: يللا تعالوا جوة خلينا رنيم لحالها
ايان: ياوييييل حااااااالي .. فيروووووز هنا بروح اخليها تستقبلني بموااااال
الهنوف: اي يلا مشينا
دلال وليان ناظروا ببعض بابتسامه على هبال خواتهم

ببيت الشعر

ايان: السلااااااااااااااااااااا ام
رنيم بابتسامه عذبه زي ملامحها: هلا حبيبتي وعليكم السلام
ايان : بسررررعه يا حلوة ابي موال على كيف كيفي
رنيم: ههههه وش الطاري
ايان: زماااان ما سمعتك تغنين
رنيم: ابشري.. بس مو الحين عاد
ايان: اجل متى؟
رنيم: لما نكتمل كلنا على بعض
الهنوف" وععععععععد؟
رنيم: يمممه منكم دامكم اجتمعتوا علي اجل مافي لي مفر



وبعدها بنص ساعه كل البنات اكتملوا وقعدوا سوا سوالف وهبال





بيت ابوبندر


بدر كان توه صاحي من النوم ومصدددددع.. رفع جواله على طول محتاج يسمع صوتها دق عليها وجاه الرد بعد ثواني

شذى: هلا حبيبي
بدر: يا روووح حبيبك انتي
شذى: كيفك بدووور
بدر: بخييير دامك بحياتي
شذى: فديتك...
بدر: وش اخبار زوجة ابوك معك؟
شذى بأسى: ااااه بس وش اقول وش اخلي.. ما اقول الا الله يعينني عليها يارب ويفكني من شرها واذاها
بدر بحزن على حبيبته: معليش ياقلبي انتي تصبري كلها فتره انشالله واجيبك لي محد يقدر ساعتها يضايقك ولو بكلمه
شذى بحزن باين: تتوقع ينفع يا بدر؟
بدر: اكيد ينفع ياروح بدر.. انتي تفائلي لا تخافين.. من ناحيتي انا مافي شي يقدر يمنعني، لا تشيلين هم
شذى سكتت ما عرفت وش تقول.. ما تنكر انو كلامه طمنها مره بس تحس الموضوع كله غلط بغلط، ياما تمنت انها تتزوج بدر وتعيش معه