[مكحولة العين]

فديت كل اللي شرف روايتي وقراها والله انا استانس وايد وايد يوم اعرف ان حد يقراها
لا عاد الحين صدق ضربني حفوز اكثر حق اكمل , وسوري على الغيبه , اسمحولي انا طالبه وما اقدر اتواجد كل يوم بالمنتدى حق انزل القصه , يعني اذا قدرت انشالله في الاسبوع انزل جزئين انشالله ومشكورين وايد وايد وايد , وها ترى وايد عاجبتني سالفة روايه مخفيه احس اني سبيشل
هههههههههه ادري وايد اغتريت ما بطول عليكم تفضلو القصه ,,,,,,,,,,,,


.................................................. .................................................. ....
الفصل العاشر

حصه : تعالي يالله عواشي خليني اغديج ..
عواشي : مابا ..
حصه : اص هب بكيفج يالله تعالي ,, ولا عبود وين ؟؟
شما "وهي تذكر اللي صار الصبح " :لا لا تقولن برا في الشارع ياويلي , برايكن باروح اشوفه ..
ام منصور : تعالي راح في الميلس مع ابوج ..
لكن شما ما سمعتها لانها بسرعه طلعت برا في الحوش تدوره ..

شما : اووووووووه هذا الحين وين بلقاه ..
خالد : شما ؟؟
شما كانت معطتنه ظهراها " يالله اكيد ياي يكمل الوقعه , الله يسامحك يا عبود"
خالد بعد ما لفت صوبه شما : انا ياي علشان اللي صار الصبح ....
شما تقاطعه وبخوف واضح : ادري انت قلتلي ما اخلي عبود يطلع وهو طلع مره ثانيه والله انا غفلت عنه شوي يوم طلعت ما لقيته انته اظربه يمكن ما يطلع مره ثانيه ..
خالد : ههههههه انتي شو قاعده تخربطين انتي فهمتيني غلط انا هب ياي اواقعج وبعدين عبود ما طلع برا هو عندنا في الميلس ..
شما تتدارك نفسها : هـــــــــــــــــه عيل شو كنت تريد ؟
خالد : انا ...... انا آسف ما كان قصدي اللي قلته لج الصبح كنت معصب وعقيت عليج رمسه مالها معنى ما كنت اشوف اللي قدامي ...اسمحيليه ..
شما : هــــــــــا ..اا ,, لا عادي ....مسموح ..
خالد : يعني هب شاله في خاطرج مني ؟
شما : اكيد ..
خالد : تمام ريحتيني ..
ابتسمت شما لخالد و هو ابتسم لها ووقف الاثنين يتناظرون في بعض هب حاسين باللي حواليهم ..
شما اللي انتبهت لنفسها : ااا ... انا باروح داخل اا .. اكيد يستنوني على الغدا ..
خالد هو بعد انتبه لنفسه : ههه حتى انا باروح الميلس , يالله عيل برايج ..
مشت عنه شما وهو يشوفها لين ما غابت عن هيونه
خالد " شو اللي صار لك يا خالد مو انت اللي ترضى هالحركه تصير لها , كان المفروض اتمالك نفسي بس ماقدرت "
هيا : واااااااااااااااااااااااا ااااااااااااااا..
خالد : ضرس يدري شوزن , حماره بلاج ..
هيا : انت اللي بلاك مجمد محلك وسرحان ؟
خالد : انتي من وين طلعتي يالسكنيه ؟
هيا : توني ييت من المدرسه قلت باروح اتغدى مع بنات خالتي ممنوع ؟
خالد : لا ذلفي تغدي يعله ما ينفعج ..
هيا : استغفر حرام عليك ..

..................

منصور : ها شو الاخبار ؟
مها : ما ترد ..
منصور : هاتي خليني اكلم حصه تفتح الباب ..
مها : قبل لا تكلمها ممكن اسألك سؤال ؟
منصور : تفضلي ..
مها : انت عرفت كل شي عني ليش ما تخبرني عنك ..
منصور : شو تبين تعرفين يعني ؟
مها : ليش سويت هذا كله وجذبت على هلك ؟
منصور : خبرتج ليش ..
مها : مستحيل يكون هذا السبب يعني بس سالفة غياض , احس في وراك سالفه ما تريدني اعرفها ..
منصور : هذي انتي قلتيها بنفسج , مو لازم تعورين راسج بسوالفي ..
مها : آخر سؤال ؟
منصور : شو بعد؟
مها : اول توعدني تقوللي الصدق ..
منصور : اسمع السؤال اول ؟
مها : لا توعدني اول؟
منصور : زين اوعدج..
مها : منو عليا , كنت تناديني بهالاسم من فتره منو تكون ؟
منصور : يعني بس بالغلط ناديتج عليا ..
مها : انت وعدتني ..
منصور طلع من مخباه بوك (المحفظة) : تفضلي ..
مها فتحت البوك : هاذي .....هاذي انا ..
منصور : لا هاذي عليا
مها : عليا؟
منصور : زوجتي
مها : زوجتك ؟
منصور : هيه المرحومه زوجتي ..
مها : مرحومه ؟
منصور : قلت لج بتعورين راسج ورا هالسالفه ..
مها : يعني انت كنت متزوج وزوجتك هي عليا , وعليا تشبهني ..
منصور : مثل ما قلتي بالضبط..
مها : يالله , والله لو تقولي انها صورتي صدقت و شكثر تشبهني ..
منصور : انا تفاجأت اول ما شفتج , اسمحيلي يعني بس كان في خاطري اضمج واقول لج اني مشتاق لج وايد , بس تذكرت ان عليا ماتت ومستحيل انج تكونين هيه ..
مها احرجها كلام منصور
منصور : سبحان الله , حتى ضحكتج نفس الضحكه ونظرات عيونج حتى طريقة صياحج وحتى خجلج اللي باين في ويهج الحين نفسها , كل شي فيج , وكأنج انتي عليا اللي فقدتها ..
نزلت دمعه من عين منصور من غير ما يحس فيها
مها مسحت دمعته : بس دخيلك بس قطعت قلبي ..
تمو الاثنين يتبادلون النظرات وما زالت يد مها على خد منصور اللي رفع يده ومسكها
سحبت مها يدها بسرعه وقامت ..
منصور : انا آسف ما كان قصدي ..
مها : لا انا آسفه مادري كيف نسيت عمري ..
منصور ما قدر يتحمل وجود مها قربه وده يضمها وما يقدر : انا بكلم حصه اتيي تفتح الباب ..

..............

حصه : وين خليج ..
نوره : حرام عليج باروح اشوف رشود نسيته راقد بروحه في البيت , بوعيه يقوم ياكل شي وبعدين خلاص احس نفسي تعبانه ابا ارقد شوي ..
حصه : زين مادام السالفه انج تعبانه روحي ..
هيا : انتي بلاج على البنيه , خليها ..
حصه : ويت , الو ..
منصور : حصه , تعالي افتحي الباب ..
حصه : ليش , خلك عندها
منصور : اا .. عندي شغل مستعيل لازم اروح ..
حصه : انزين سولفتو تعرفت عليها اكثر ..
منصور : هيه , حتى عرفت حليب امها كيف كان طعمه الحين تعالي افتحي الباب بسرعه ..
حصه : استانست ؟
منصور : انتي افتحي الباب وباقولج كل شي ..
حصه : يالله ثواني ..

.....................

نوره : اوووووووووووووف شو هالملح اللي مالي الارض , يالله قم ..
راشد : ذلفي عني خليني ارقد ..
نوره : حتى فراشك وويهك مدحوب ملح , وين يا كل هالملح و لاعب به حضرتك ؟
راشد يعدل نفسه : ها , مادري رحت المطبخ الفليل ادور اكل وفي الظلمه انكب الملح على ثيابي وخست ما كنت اشوف شي ..
نوره : همممممم مع انه كلامك مش مركب بس ما عليه مصدقتنك يالله قم ..
راشد : ابوي وين ؟
نوره : توه دخل حجرته يرقد , وانت حضرتك ما بسك غياب تراك تغيب وايد ..
راشد : اووه فكينا من هالموضوع الحين , شي غدا ؟
نوره : الغدا في الصاله وقبل لا تروح تتغدا تسبح وصل و على الاقل اذكر ربك , يوم انت هب فالح في الدراسه ..

....................

حصه : ها علومك ؟
منصور : ماشي علوم , اللي تبينه صار الحين انا لازم اروح ..
حصه : صبر صبر , اف منك ما منك فايده راح..
مها : منو هنيه ....حصه ؟ اخيرن فتحتي الباب ..
حصه : شرايج بالحركه حلوه صح ..
مها : ها ..هههه , الصراحه طاعتي هب هينه شو هالحركات ؟
حصه : هيه اعجبج ...بس خساره كنت ناويه اقفل عليكم لين الليل بس مادري وين طلع هالشغل الضروري ..
مها : لا عاد ماله داعي هالحركات مره ثانيه ..
حصه : عاد بشاورج انا ..
مها : اف جوعانه , بطني يغني ..
حصه : ليش ؟ما كلتي شي؟
مها : ها ما كلنا خذتنا السوالف ..
حصه : زين تعالي انا مسويه الكم اكله عجيبه خساره ما كلتوها تعالي كليها ظني هب من حظ منصور ..

.....................

منصور " انا مينون اكيد فيه شي انا خلاص ما اقدر اتحمل اكون قربج اول شي الصبح وثاني شي الحين والله يعلم شو الثالثه " >>>>>>>>>>>>>>>>>>>>>>>>>الثالثه ام قرينات
وقطع حبل افكاره صوت التلفون
منصور : الو ..
لطيفه : اا..................
منصور : هاذي انتي لطيفه ؟
لطيفه : منو ؟ وينها مها؟
منصور : مها كانت داقه لج من شوي بس هي الحين مو موجوده معاي ..
لطيفه : زين يوم بتكون عدالك خلها تكلمني ..
منصور : هي دقت تبا تسأل عن الاحوال عندكم ..
لطيفه : ها كل شي تمام ..
منصور : ماله داعي ادسين عني شي انا عرفت كل شي , وابا اعرف شو الاجواء في بيت عمها ؟
لطيفه : ها ...اا...متقبلين الامر ...يعني تعبو من كثر ما دوروها ..و الحين الاجواء هاديه ..
منصور : زين , عيل اخليج ..
لطيفه : لحظه لو سمحت يوم بتلقاها خلها تكلمني ضروري انا حابه اطمن عليها ..
منصور : زين ..
منصور "والله مش متطمن من كلامج احس في شي داستنه عني "

.............

الساعه 4:30م

شما "غريبه اول مره اشوف خالد بهالحنيه , حسيت من نظرات عيونه بحنان وو مادري بشوه حسيت ان كل الخوف اللي كان فيه اختفى ., طار , ولا كأنه موجود "
وختمت تفكيرها بأبتسامه
هيا : شو السالفه اليوم كلن يسرح ويفكر مادري بلاكم ..
شما : هـــــــــــــــــــا , ليش يعني منو تقصدين ؟
هيا : كلكم , انتي وخالد , وحتى احمد طلعت من البيت وهو ما يحس باللي عداله شو سالفة السرحان هذا ..
شما : ههههههههه شدراني , يعني هذا تفكير هب سرحان ..
هيا : تفكييييييييير , ولا ..
شما : ولا شو ؟
هيا : مادري ...
حصه : ها اذن العصر وانتن للحين واعيات ما رحتن ترقدن شوي ..
هيا : وين نرقد , الاخت مادري شو شاغل بالها ..
حصه : منو شما ؟..اي يا شما , شو سالفتج انا من الصبح اشوفج هب صاحيه ..
هيا : هب الا هيه هب صاحيه ناس وايد هب صاحيه اليوم ..
شما : شو قصدكن انتن , يعني حرام الواحد يفكر ..
محمد : السلام عليكم
الكل : وعليكم السلام..
محمد : بلاكن محتشرات
شما بعصبيه : ماعندهن سالفه , بس يبن ينرفزن بالواحد ..
محمد : اووه مزعلين شماني افا قوليليه منو بس وانا اراويج فيه ..
شما : حد غيرها بنت خالتك وختك ..
محمد : عاد ختيه اكبر عنيه ما اقدر اواقعها ..
شما : وهاذي .>>>>>>>>>>>>>>>>>>>>>تقصد هيا
محمد : هاذي عاد بعد ما نقدر نواقعها بعدين تزعل ..
شما : طز وزعلت يعني , بس انا اللي يزعلوني..
محمد : لا افا بنت خالتج هاذي حبيبت قلبج و محد بينفعج غيرها باجر ..
شما : الا قول بنت خالتك هاذي وحبيبت قلبك ومحد بينفعك غيرها باجر , هه احسن اروح عند حرمة اخويه ..
هيا انحرجت من كلام شما , واظاهر ان محمد عجبه الكلام لانه من راحت شما وهو مبتسم ويطالع هيا ..
قامت هيا : >>>تقلد شما .., بنت خالتك حبيبت قلبك , وايد مصدقه عمرها.,عن اذنكم باروح البيت بعد انا ..
حصه : افا لا يكون صدق زعلتي ..
هيا (اصلن كانت منحرجه من محمد وما كانت تريد تبين هالشي ):لا هب زعلانه راسي يعورني باروح احط راسي شوي ..
طلعت هيا من هنيه ومن هنيه مسكت حصه محمد : ها , اعترف هيا هي اللي كنت تقصدها صح ..
محمد : اقصدها في شو ؟
حصه : لا تلف وتدور , تعرف شو اقصد , انت تحب هيا ,صح ..
محمد : انا ...امممم ..اا
حصه : ههههههههههه ماحيد الريال يستحي ههههههه شكلك يضحك ..
محمد : بس عاد عن الطنازه ..
حصه : يا عيني انا على العاشق الولهان , يالله يالله عرس وخلنا نستانس ..
محمد : ينيتي ؟ شو اعرس انا عدنيه ادرس والبنيه نفس الشي ..
حصه : شو يعني انته ىخر سنه لك والبنيه بعد آخر سنه الها في الثنويه , انت اخطب الحين وعقب سنه العرس ..
محمد : انزين يمكن تبا تكمل جامعه ..
حصه : تكمل بعد العرس ما عليها ..
محمد : تهقين , يعني اخطبها الحين ..
حصه : اسمع الشور , يا ولد الحلال ..
محمد : اوكي ..
حصه : انا بكلم ابويه واميه و واكيد بيوافقون ما بيقولون لا ..
محمد : فدييييييييييييييييييييييي ييييتها ..
حصه : لازم تتفداني انا ..
محمد : فديييييييييييييييتها وفديييييييييييتج انتي بعد ..
حصه : هي راح المستحى الحين
محمد : ههههههههههههههههه

.........................

شما : للحين راقده , سوري على الازعاج ..
مها : دخيلج تعالي عادي , انا اصلن واعيه ومتعايزه اقوم من الفراش ..
شما : شو ها شموع وحركات شو السالفه بشو محتفلين ؟
مها : ههههههههه لا محتفلين ولا غيره , هاذي حصه لعبت في الحجره شوي ..
شما : فديت مرة اخوي و تصدقين , اول ما شفتج كنت حاطه في راسيه اني بكرهج وما بقعد معاج , لانه متزوج بالسر , بس بالغصب دخلتي قلبي ..
مها : ههههههه حتى انتي بالغصب دخلتي قلبي ..
شما : يا حظ منصور فيج ..
مها : انتي شو فيج احسج متضايقه ؟
شما : انا لا مش متضايقه بس مزعوجه شوي من هيا وحصه ..
مها : بلاهن عليج؟
شما : قاعدات يقولن رمسه مالها معنى , اصلن ما فهمت شو يقصدن ..
مها : عيل شو منه متضايقه ؟
شما : مادري ..
مها : متأكده ..
شما : اليوم ..خالد ولد خالتي علا صوته علي الصبح , والظهر يا واستسمح مني , بعدين ..
سكتت شما
مها : شو بعدين ؟
شما : مادري حسيت اني متضايقه ..
مها : من شو متضايقه , هو استسمح منج ..
شما : مو منه متضايقه , متضايقه من نفسي , مادري ليش ..
مها : وخالد شو له علاقه بالسالفه عيل ..
شما : مادري , ماعرف شو فيه ..
مها : تعوذي من الشيطان ..
مها"مو وقت اسأل عن عليا , يا ترى منو تكونين وشو سالفة موتج , مسكين يا منصور , وانتي بعد يا شما الله يهديج وقته تتضايقين , استحي اسأل حصه شو نسوي بنصبر "

........................ ..........................................

ترقبوا الاجزاء الباقيه انشالله ما اطول , واسمحولي على التقصير ,,,,,,,,,,,,,,,فديتكم..