[اريجو]

الجزء السابع


في بيت عادل
منال: .. الو
سما: هلا وغلا
منال: انشا الله الف مبروك
سما: ياربي يبارك بحياتك.. وتفرحي بالعيال انشا الله
منال: افرح بيكي قبلهم ياربي
سما: هههههه
منال: ايش هالضحكه الصفره ذي
سما: كيف عادل
منال: عادل كويس .. لا تهربي من سؤالي
سما: كيف العيال
منال: والعيال بعد بخير .. جاوبي على سؤالي
سما: وكيف الاهل والوالده
منال: كلهم يسلمو عليكي .. ردي على سؤالي
سما: ايش تنتظري اجاوبك
منال: بالي في خاطرك
سما: وايش يفيد خلاص كل شي انتهى من قبل لايبتدي
منال: حبيتيه
سما: تهمك الاجابه
منال: كثير
سما: لا مو مهمه
منال: بالعكس يهمني اعرف
سما: تعلقت فيه .. بس......................
منال: بس ايش .. كل مننا يغلط .. ولازم نستحمل بعض
سما: تتوقعي اني بحاله تسمح لي استحمل احد
منال: ضروري ياسما
سما: تدافعي عنه يا منال
منال: ادافع عنه عشانك
سما: مافهمت
منال: اتحداكي تقولي انو قلبك كره هزاع ..
سما: ماكرهته الا كرهت افكر فيه حتى
منال: ماني مصدقه .. متأكده انو عقلك الي يكلمني ياسما؟
سما: وايش الفرق قلبي ولا عقلي كلهم واحد
منال: تكذبي على نفسك قلبك يحبه
سما: يحبه زين .. احبه ارتحتي الان
منال: ايوا كذا انطقيها
سما: بعد.. مراح يغير شي
منال: يعني ايش.. تحبيه وترفضيه؟!! ليه تعذبي نفسك ياسما
سما: منال خلك واقعيه.. تتوقعي بعد ماتركني .. وشك بسمعة ابوي.. بثق فيه
منال: سما انتي خلك واقعيه .. الرجال من حقه يفكر.. وانتي كنتي متفهمه هالشي
سما: منال لو كان يبي يفكر ماكان عطاني قراره وقالي ياختي .. اكسرتني هالكلمه يامنال
منال: غلط وهو ندمان الان
سما: بس.................
منال: لا بس ولا غيره .. ياحبيبتي لا تقسي على نفسك كان ممكن انتي تكوني بموقفه .. وكان ممكن انك تختاري انك تكوني بعيده عنه
سما: احلفك بالله يا منال .. انا اعمل كذا ؟!!!!
منال: ................
سما: جاوبيني .. انا اسويها؟
منال: لا والله ماتسويها ياسما .. ماتسويها
سما: لو تساليني احبه .. بقولك اليومين الي كنت فيهم في المستشفى كانو احلى ايام عمري كلها .. انتي عشتي سنين معاي وعارفه انا كيف عايشه .. صدقيني بحياتي ما فرحت قد فرحتي فيه وهو جنبي ويبي يفديني بعمره حتى بس ارضى عليه.. انا تعلقت فيه كثير خلاني اصدق كلامه خلاني اثق فيه كنت مستعده اغمض عيوني وامشي وراه .. مابحياتي حسيت باحد مهتم فيني كذا .. حبيته وطايره فيه بعد.. بس كل ما اتذكر انه تركني احس................
منال: ياليتك بس تنسي انه تركك ..
سما: ما اقدر .. لو اقدر كنت رجعت اتكلم معاه
منال: عقلك غلط هالمره
سما: انتي الي غلط هالمره .. منال .. ايش رايك تعرفي انو زوجك يتركك عشان وحده ثانيه
منال: هاااااااااااااا
سما: بعيد الشر عنكم .. وياربي يتمم عليكم سعادتكم .. بس فكري كذا وبتحسي فيني
منال: جرحك كبير؟؟
سما: كبير ولا صغير .. ماعاد مهم الان
منال: طيب هزاع جاي بالطريق
سما: ادري قالي
منال: هو كلمك؟
سما: أيوا كلمني
منال: يعني رديتي عليه
سما: اتفق مع سامي .. وكلمته وانا مادري انه هو
منال: هو دق علي وقال لي اتصل فيكي اخبرك انو سامي جاي بعد .. وبتتغدو عندنا
سما: سامي بعد؟؟
منال: ايوه سامي .. خير مالك؟
سما: الله يستر
منال: من ايش؟
سما: اليوم عملت حاجه كبيره .. هزاع عرف عنها .. وكان بيذبحني على عملتي ذي
منال: اتحداه مايقدر
سما: ههههههههههه ياحليلك .. عاد ماني غبيه .. داريه عنك تبين تحنني قلبي عليه ..
منال: احاول .. المحاوله مافيها خساره
سما: الا بتخسري وقتك
منال: انتي تحبيه حرام عليكي تخسريه .. هزاع رجال
سما: رجال وما عليه قصور يملي العين .. رجال مع الكل با فعاله ومواقفه بس مع حبي ..لا ..لا
منال: سمااا !!
سما: هزاع ولد عمتي وله مني اني احترمه واعزه وجمايله دين برقبتي لحد ما اموت .. بس اني اكون له.. لا
منال: بس انتي تحبيه
سما: بيني وبين نفسي .. مو اكثر من كذا
منال: لا تتسرعي بقرارك .. هزاع نطرك سنين عمره
سما: سنين عمره ينتظرني بس ابتسم له .. يتمنى اني اتكلم معاه.. بعد مالقى الي يحلم فيه ..تركني ومشى .. شفتي كيف
منال: ابي.....................
سما: منال .. والله ثم والله .. بحياتي ماراح اكون له .. حتى لو رد لي ابوي .. انتي سامعه.. الا انه يشك انه سمعة ابوي ممكن تاثر عليه وعلى سمعته.. هذي كبيره في حقي وفي حق ابوي الي سمى ولدك على اسمه .. الا انه يتركني في عز حاجتي له .. كان يكفيني اهتمامه بس حتى لو ماكان يقدر يسوي شي .. هزاع كسرني يامنال .. انسي اني اثق فيه من جديد .. انا سما الراشد يامنال .. غصب عليه يرفع راسه بي وباسمي وباسم ابوي .. نسبي يتباها فيه مايتركني ويمشي عني كذا
منال: خلاص انسي هالكلام ماراح افتح معاكي موضوع هزاع من جديد .. المهم انتي فين
سما: مع العرايس يجربو فساتين العرس
منال: بقا لهم واجد
سما: يعني ساعه او ساعه ونص بالكثير
منال: طيب لا تتأخري عن كذا انا مستنيتك
سما: طيب ياروحي بوسي لي العيال
منال: لما تجي بوسيهم براحتك .. سلام
عادل: قايل لك فكر كويس قبل لا تقول لها عن قرارك
هزاع: ماني رجال انا؟!!
منال: شوفو عاد .. هذي اخر مره ادق عليها واخليكم تسمعو ايش تقول انتو فاهمين .. اذا درت اني سويت كذا والله انها ماتكلمني عمرها كله
هزاع: ماني رجال بعينها تقول
منال: لو بحط نفسي بمكانها بقول اكثر من كذا ياهزاع .. تبي الصراحه .. البنت معاها حق بالي قالته .. هزاع لو كانت سما زوجتك وعرفت بهالمشكله.. ايش كنت بتسوي .. بتطلقها؟
هزاع:.............................
عادل: منال اسكتي شوي
منال: لا ماني ساكته .. كسر خاطرها.. قايله لكم من قبل البنت ماشافت يوم حلو بعمرها .. عيشها بسعاده يومين وسحب منها هالسعاده بقسوه والان يبيها تحبه من جديد .. اجل ابشر البنت تحبك .. بس مابتكون لك .. وخلي عنادك ينفعك .. وقت الي قلنا لك لا تتسرع ياهزاع .. انتظر شوف الظروف ايش يصير .. قلت ابي انهي الموضوع معاها حتى لا تتعلق بي اكثر .. هذا هي متعلقه قيك وبتحرم نفسها منك على تسرعك وسوء تصرفك
عادل بعصبيه: مناااااااااااااااااال
منال: انا قايمه .. شوف ياعادل اذا سما درت عني اني خليتكم تسمعو كلامها بيكون اخر يوم بيني وبينك
عادل بعصبيه: مناااااااااااال
هزاع: خلها من حقها تخاف على صداقتها مع سما
منال: انا رايحه اجهز الغدا
هزاع: بحياتي ماكنت كذا بحياتي.. ليه معاها هي باذات ليه
عادل: اهدى حتى تعرف تفكر.. انت عارف الحريم .. خلك حنون معاها زيد اهتمامك بها .. وانت تشوف
هزاع: هههه هذي سما ياعادل .. حلفت ماتكون لي ياخوي
عادل: ياخوي هذا زعل واي شي ممكن بنقال وقته
هزاع: تظن؟!!
عادل: الا متاكد .. يا خوي الحرمه كل مالقت الرجال ملفهوف عليها كلما رقت له.. زيد اهتمامك بها واستحمل كلامها وانت تكسبها
هزاع: هذي الحرمه العاديه .. حنا نتكلم عن سما ياعادل
عادل: وسما حرمه بعد .. لا تتشائم انت بس ويصير خير
هزاع: دقيت على سامي؟ ..
عادل: ايوا قالي يخلص الي بيده ويجي على طول
هزاع: خلني ادق على حسام اشوفه
عادل: وينه ماشفته معاك اليوم
هزاع: عنده مشوار ... الو
حسام: عمي
هزاع: هلا حسام
حسام: حمد لله على السلامه
هزاع: الله يسلمك ايش الاخبار عندك
حسام: مافي شي جديد
هزاع: يعني موجودين
حسام: ايوا لسا
هزاع: خلك عندك لين ادق عليك مره ثانيه
حسام: انت تامر عمي
هزاع: اعذرني ياحسان اني كلمتك ب.....
حسام: لا تقول كذا ياعمي انت تقول الي تبيه ولا يهمك.. يهمني رضاك
هزاع: فيك الخير.. رجال والنعم فيك
حسام: انت بس امرني
هزاع: خلي بالك على صاحبنا وعلى نفسك انت بعد
حسام: حاضر
هزاع: برعاية الله
عادل: اول مره احس انك خايف على حسام كذا .. ايش صاير
هزاع: كل الخير.. لا تقلق انت بس

****************************

في بيت ناصر
بواحمد: يا ام احمد
ام احمد: سم يا بواحمد
بواحمد: دريتي
ام احمد: خير؟
بواحمد:عرس سامي وفهد الخميس الجاي
ام احمد: ايوا دريت
بواحمد: وبنتك درت
ام احمد: ايوا .. البارح اتصلت وحده من صاحبات سما وقالت لها.. من سكرت من عندها وهي صياح وصراخ
بواحمد: ايوا.. داري انها تحبه .. بس عاد ايش نقول .. لو ست الحسن والجمال راضيه على بنتك كان زمانها هي العروس ما هي بنت بومشعل
ام احمد: عاد هذا النصيب
بواحمد: ابيكي تطيبي خاطرها .. وقولي لها ابوكي يقولك انه بيزوجك سيده .. احلى منه واغنى منه
ام احمد: ان بغيت الشور تراه عندي
بواحمد: قولي
ام احمد: انا منظره على هزاع
بواحمد: من هزاع؟ .. هزاع بن محمد !!!!!!!!!!!!!!!
ام احمد: مايتعيب
بواحمد: أي والله مايتعيب .. كفايه فلوسه
ام احمد: كفايه انه بياخذ مرام الراشد .. ويحترق قلب سما عليه
بواحمد: ههههههههههههههههه في هذي صدقتي
****************************

في دار الازياء مع العرايس
سما: .. الو.. ايوا صالح
صالح: ايش الي عمليته اليوم
سما: اخرس ولا كلمه
صالح: شوفي
سما بعصبيه: شوف انت .. كلمه ثانيه وبسكر الخط .. انا ماني فاضيه لك وللعبك .. اذا تبي تكلمني .. تكلمني بادب .. انا عمتك يا كلب .. شوف تقول للي باعثينك انو الاتفاق بيصير معاي انا .. وانا بضمن الفلوس .. وممكن اسلمها لهم الان لو انا احب .. بس والله ثم الله اذا اختي صار لها شي بخليكم تاكلو اصابيعكم ندم على الي بيجرا لكم سامع
صالح: انا متصل...............
سما بجده: قول عمتي انا متصل
صالح: عمتي انا متصل عشان اتفاهم معاكي عن موعد للتسليم
سما: قول سامعتك
صالح: كل مره نستلم منك 100 مليون بنسلمك واحد
سما: حلو
صالح: الاول بنسلك واحد من العيال
سما: ماهو انت تقرر انا استلم مين .. انا اقرر ياكلب
صالح: لسانك مايطول على انتي سامعه
سما: تروح تقول للي عندك .. عمتي سما تقول الاتفاق لاغي .. خلي اختي وعيالها عندكم لحد ماتعرفو تتكلمو بادب معاي.. وهذي اخر مره اتكلم معاك فيها انت سامع .. ان سمعت صوتك مره ثانيه .. شوفو الي يدفع لكم مليون واحد
ساره: مالك تزعقي كذا.. مين معاكي على التلفون
سما: خلاص سكرت بوجههم..هذا دار الازياء الي رحت لهم اليوم
ساره: مالهم
سما: انا لازم امشي انتو خلصتو ولا لسا
ساره: لا لسا ما خلصنا
سما: طيب انا ماشيه
ام مشعل : وين يما
سما: منال عازمتني على الغدا
نور: أيوا يما سامي معاها لا تقلقي
سما: انا رايحه مع مختار .. يوصلني ويرد لكم ..
ام مشعل: لا يما .. انا بدق على سواقنا يجي
سما: لا يما سواقكم مع عمي في البيت الجديد
ساره: وفهد وين
سما: فهد وخالد وسالم ومحمد وفيصل مع عمي .. يما ترا غداهم عندكم اليوم
ام مشعل: بيتهم يما
سما: اقول ساره غدو اخواني زين .. لا تأكلو ناس وتنسو ناس
ساره: من عيوني يا نور عيوني انتي تامرين انا بغدي رجلي والباقي بتركه على امي واختي
سما: ههههههههههههههههههههه سلام

****************************

في بيت عادل
سامي: ايش قاعد تقول؟
هزاع: اهدى ما ابيك تعصب
عادل : اهدى ياخوي الامور ماتأخذ كذا
سامي: انا ماني قادر استوعب .. ماني فاهم لسا
هزاع: سامي اقعد.. اقعد ..
سامي: بتصل فيها اذبحها
عادل: ايش تذبحها انت بعد .. اقول اقعد .. واهدى
هزاع: هي جايه بالطريق
سامي: يعني كيف راحت لهم برجلها ومن غير محد يدري
هزاع: ايش تنتظر تسوي غير انها تنفذ الي يبونه
سامي بحده: مستحيل انت تكلمني عن وحده غير سما اكيد
هزاع: سامي لا تصارخ واقعد .. المشكله الان ماهي سما.. سما بخير وتحت عيوننا .. المشكله الان سماح
سما: سلام عليكم
سامي: شرفتي؟؟؟؟؟؟؟؟
عادل: سامي اجلس وانا اخوك
سامي: اتركني اقولك
سما: ولا كلمه .. ولا كلمه .. فين فاكر نفسك على هالصراخ
سامي: الكلام ذا لي ياسما
سما: ايوا لك .. محنا ببيتنا يا سامي
سامي: ايش تنتظري اني اسوي فيكي
سما: الي تبغاه سوه بس مو هنا
سامي: كيف تروحي من غير محد يحس عليكي.. كيف
سما: عشان ما ادفن واحد من اخواني واقعد اصيح عليه كفايه الي راحو مني .. شوف .. انا مقدر اعيش بدون واحد فيكم .. انا مستعده اخسر عمري بشرط اشوفكم كلكم حولي .. سامع الي اقوله .. اختي برجعها.. لو على موتي .. غير كذا ماعندي
عادل: الي سويتيه غلط
سما: غلط عندكم .. اما عندي فكان مهم اني اشوفها بعيني.. مهم اعرف انها حيه.. مهم تعرف اننا محنا ناسينها .. مهم انها تعرف انو عذابها قريب وبيخلص .. انتو منتو حاسين بها ..
سامي: كل ذا الي نسويه ومحنا حاسين
سما: فرصه وجاتني لحدي.. تبيني اقولهم لا انتظرو شوي بستشير اخواني عشان يجو معاي .. فكر شوي
عادل: ايش كنتي بتعملي لو خذوكي معاها
سما: بكون معاها يا عادل بكون معاها
سامي: انتي تصرفتي غلط غلط ماهو ذا الي اتفقنا عليه
سما: البيت مراقب وهم يسمعو كل كلمه نقولها لبعض .. قالو لي السوالف الي قلناها مع بيت عمي بومشعل كلها.. لا تنتظر يهددوني فيكم و بجلس انتظر .. ابد ماني مستعده اخسر احد فيكم .. سامي انا ما اعرف اعيش بدونكم.. ما اعرف
سامي بحنان: شفتيها
سما: ايوا شفتها .. زي منا شايفتك .. وقفت قدامها .. كانت تعرفني .. تعرفني ياخوي احس اني سمعتها من غير ماتتكلم .. صدقني ياسامي سمعتها تقول الحقوني
سامي: لا تبكي يا حبيبتي .. كل شي بينتهي على خير
سما: اتصلو بي من شوي وقالولي انهم على كل 100 مليون بيستلموها بيسلموني واحد
هزاع: مادزيتي مسج بهالشي يا سما
سامي: واحد ايش
سما: هم مايدرو انو العيال عندنا
عادل: شوفو عاد عيال مين بيسلموكم
سما: انت صح .. بس المهم اني احاول انو سماح تكون اول من نستلمه
هزاع: اتفقتي على موعد
سما: عارف انها تشبهني مره ياخوي مره
سامي: انتو تؤم سيامي عارفه يعني ايش
سما: عارفه احساسي معاها واحساسها معاي فاكر الكدمات الي بيدي
سامي: ايوا
سما: شوف هذي على اصابعي
هزاع: ايش ذا
عادل: وريني اشوف
سما: آي هزاع تالمني
هزاع: انا اسف من خوفي عليكي
سما: انا بخير
سامي: حددتي موعد معاهم
سما: لا سكرت التلفون بوجه الي يهددني
هزاع: ليه !!
عادل: بعدتينا كذا عن اختك
سما: لا ياعادل ودي يحسون اني اقوى من ابوي .. ابي يعرفون انهم ماراح يمشوني على كيفهم .. بيمشون على كيفي
سامي: كذا الخطر عليكي انتي
سما: انا حياتي ماهي مهمه ياخوي .. انا شبعت من الدنيا خلاص .. ابي اختي ترجع وتعيش بينكم
عادل: اذا ظليتي باليأس هذا سماح بعد بتتأثر فيه .. اذا انتو متواصلين مع بعض زي متقولي باحساسكم.. قويها باحساسك ياسما لا تجيبي طاري للموت تراها هي بعد بتفكر فيه
سامي: كيف تقولي كذا .. وانا تتركيني لمين
سما: لسماح .. صدقني لو كانت لي رغبه اني اعيش كان شفتني قاعده بغرفتي ومطنشه الموضوع كله.. بس............
هزاع بحده: ولا كلمه زياده انتي فاهمه.. انا حذرتك اذا اتصلو عليكي تدقي علي وتخبريني .. بس واضح اني ماني رجال بعينك ياسما
سما: سامي .. ابي تتكلم مع عمي بومشعل يخلي الفلوس عندي
هزاع بعصبيه: انا اكلمك ردي علي .. لا تطنشيني وانا واقف قدامك ..
سما: خير
هزاع: تحسسيني اني ماني رجال يعينك
سما: والله ياولد عمتي .. انت الرجوله كلها .. بس ما ابي تتدخل بالموضوع وتتاذي معانا .. انت رجال لك سمعتك مابرضا انها تتأثر بمشاكلنا انا واخواني
هزاع: يعني ايش .. تعاقبيني ياسما على غلطتي
سما: انا ما اقدر استغني عنك ياخوي .. بس خلك بعيد .. زي ما انت .. مابي تقرب من المشكله كثير.. تابعنا.. خلي عيونك علينا مابي اكثر من كذا
سامي: ليه الفلوس تظل عندك موعندي
سما: عشان ما ادري ايش حركتهم الجايه لازم استعد
سامي: لا.. انا مو موافق
هزاع: وانا بعد مو موافق
سما: ماهو على كيفكم .. اختي بعذاب.. انا ما بنتظركم توافقو او ترفضو سامعين
عادل: اهدو شوي الصراخ ماراح يجيب نتيجه لكل هالشي
منال: السلام عليكم
سما: هلا بروحي
منال: انت الي روحي .. وحشتيني
سما: وانتي اكثر والله .. وين العيال
منال: محمد وراشد تغدو ونامو وهزاع هذا هو معاند ينام
سما: يعني بيكون طالع على مين
هزاع: خير؟؟
سما: تعالي ودي اشوف راشد
منال: الغدا جاهز ياجماعه .. انا وسما بنتغدا مع بعض
هزاع: لا بنتغدا مع بعض كلنا
سما: يلا يا منال عندي سوالف كثيره ابي اقولها لك
هزاع: هذي مطنشتني
سامي: مطنشتك انت بس!! شوفها ايش عامله فينا كلنا
عادل: قالو لي انها عنيده .. بس بحياتي ما توقعتها كذا .. محد قدر عليها منكم
سامي: ولا حد بيقدر عليها
عادل: تعالو طيب خلوهم يسالفو على راحتهم .. خلونا تنتغدى ونفكر كيف بنأمن حياة المجنونه هذي

****************************

في غرفة طعام العيال
منال: وانتي فرحانه بكذا
سما: ايوا فرحانه كثير يكفيني اني شفتها يا منال
منال: لا تتسرعي ياجنونه
سما: ماعندي شي اخسره
منال: واخوانك
سما: اخواني بخير ناقصتهم سماح .. وسماح عندها عيالها .. وخواني بكره كلهم يتزوجو .. انا مين بقا عندي .. ماعندي حد اخاف عليه حتى احافظ على حياتي عشانه .. خلاص .. وحشني ابوي ودي اروح اشوفه
منال: والله كلامك يقطع القلب .. حرام عليكي اليأس الي انتي فيه
هزاع: منال هزاع يبكي
منال: بشوف ولدي وبرجع لك ياسما
سما: انتظرك
هزاع: اقدر اتكلم معاكي
سما: هزاع انت ماتستحي؟!!
هزاع: انا قلت لسامي اني بكلمك
سما: انت وهو ماتستحو؟!!
هزاع: ليه عصبتي هو يحبنا ويتمنى انو يشوفنا مع بعض
سما: انا قلت لك هالشي ماراح يصير .. ياخوي
هزاع: زعلتك هالكلمه كثير
سما: ........................
هزاع: الا جرحتك ياروحي
سما: ..........................
هزاع: ماتبين تردي على حبيبك
سما: هزاع وبعدين
هزاع: طيب لا تزعقي.. انا ابي رضاكي
سما:..........................
هزاع: طيب انتي بتنامي كويس
سما: وانت ايش دخلك
هزاع: اتطمن عليكي
سما: وليه
هزاع بخبث: اختي ومن حقي اتطمن عليها
سما: اجل تطمن
هزاع: يعني مرتاحه
سما: ايوا .. في شي ثاني
هزاع: في
سما: طيب قوله عشان تمشي بسرعه ولا انا الي بمشي الان
هزاع: طيب طيب .. ابي ترضي علي
سما: راضيه
هزاع: لا .. منتي راضيه ابد.. لسا جواكي شايل على .. ابي اسالك
سما: لا
هزاع: ماتبي تسمعي سؤالي ايش هالقسوه
سما: ماهي قسوه .. بس ابي اقفل الموضوع الي جاي تبي تعيده
هزاع: يعني فاهمتني
سما: تشوفني غبيه يعني
هزاع: لا .. منتي غبيه .. انت اغلى من روحي
سما: وبعدين
هزاع: منتي طايقتني يعني
سما: انا ماشيه
هزاع: واذا قلت لك عندي خبر.. ماحد درا عنه لحد الان
سما: خبر ايش
هزاع: ترضين عني الاول
سما: تساومني يعني .. اجل خبرك لك .. ما ابي اعرفه
هزاع: انتي ليه عنيده كذا
سما: كذا الله خالقني كذا .. عسا بس هاشي مايأثر عليك وعلى سمعتك
هزاع: انا اسف .. انتي معاكي حق بكل الي تقوليه .. ولو تجيبي سكينه تذبحيني بيها الان والله ماراح اعترض ابد الا بكون مبسوط
سما: اكيد انت اخوي وانا عرضك .. ضروري تكون مبسوط
هزاع: سما.. انا اسف
سما: لا تتأسف .. ما حصل شي عادي
هزاع: طيب راضيه علي
سما: اكيد راضيه عليك .. وايش بيزعلني منك ياخوي
هزاع: تحبيني
سما: اكيد .. ياخوي
هزاع: بعد راضي .. المهم عندي انك عارفه اني احبك وابي رضاك .. انتي عارفه هالشي زين صح
سما: .....................
هزاع: سما.. صح
سما: صح .. انا ماشيه اعذرني سلم على منال
هزاع: ماعرفتي الخبر الي عندي
سما: مابي خله لك
هزاع: طيب .. ماني قايل لك انو الخبر عن سماح
سما: ايششششششش سماح؟!!
هزاع: ...........................
سما: هزاع .. لا تلعب باعصابي
هزاع: مالعب باعصابك انا .. تشوفين وقتها يا سما
سما: قولي طيب ايش الخبر الي عندك .. سعيد ولا حزين
هزاع: تتوقعين اني اجيب علوم شينه ياسما
سما: قولي طيب ايش عندك
هزاع: قوليلي الاول
سما: ايش
هزاع: تحبيني؟!!
سما:............................
هزاع: سما لا تبكين وردي علي .. وغلاة هزاع الي اشوفها بعيونك ردي علي
سما: لا
هزاع: سما .. حبيبتي ردي علي
سما: رديت عليك ياهزاع
هزاع: عيونك تقول غير كذا
سما: ماعليك من عيوني.. تقول الي تبيه .. عليك من عقلي
هزاع: بس انا ابي قلبك
سما: وقلبي مايبيك
هزاع: تكذبي على هزاع .. انا فاهمك
سما: ياليتك كنت فاهمني ياليت
هزاع: من جد انا اسف .. ابد ماكان قصدي اجرحك .. عارف انو غلطتي كبيره بس وغلاتك اني ما اسيبك ثاني ابد ابد ياسما
سما: فات وقت الكلام ذا يا هزاع.. انت ولد عمتي .. واخوي وبس
هزاع: اكيد ياروحي اكيد انا ولد عمتك واخوك وحبيبك وزوجك
سما: لا .. انت فاهم .. لا .. كل الي قلته ايوا .. بس زوجي لا .. لا
هزاع: انا قلت اني حبيبك بعد
سما:...........................
هزاع: طيب اجلسي .. اجلسي بس خلينا نتفاهم
سما: مافي بيننا تفاهم .. الي بيني وبينك سماح وبس غير كذا لا
هزاع: طيب ماتبي تعرفي الخبر الي عندي عنها
سما: لا .. خليه ينفعك مابي اعرفه ابد
هزاع: ماقلتي انو الي بيننا سماح .. هذا انا بتكلم عنها
سما: قوله لسامي .. ما ابي اعرف منك ولا شي .. هزاع
هزاع: ياعيونه
سما: لا تقترب مني ثاني ماشي .. خلك بعيد عني
هزاع: ليه تخافي تضعفي وتقوليلي احبك .. كرامتك ماتسمح لك .. صح .. انا بتم اعتذر لك لحد ما اموت .. ضيعت من ايدي اغلى انسانه على قلبي .. ومابعرف كيف اعوضها ابد
سما: انا ماشيه
هزاع: الي بيننا سماح ياسما لحد ما ارجعها لك بتم اكلمك .. لين ارجع رجال بعينك ياسما .. اذا ماكان لك احد تعيشي عشانه انا بعد.. بعدك ماعندي احد حتى اعيش عشانه انتي حبي الي انتظرته سنين عمري .. مابرخص فيكي ثاني

****************************

في بيت راشد
محمد: نفسي اعرف مرام ايش تعمل الان
سالم: هههههههههههههههه ايش جاب طاريها
محمد: ومن متى هي غابت عن بالي
خالد: الله يقطع بليسك .. لا يكون عاشقها
محمد: وع ايش تقول انت
سالم: اجل ليه تسأل عنها
محمد: اقول لكم بس ماتقولون لحد
خالد: شكلك وراك سالفه
محمد: ايوا سالفه كبيره بعد
خالد: قول
محمد: لا غيرت رايي
سالم: بتقول بالطيب ولا اغصبك تقول
محمد: والله ان لمستني بعلم سما وهي تتصرف معاك .. ههههه قال اغصبك تقول قال
سالم: والله واثق
خالد: حمودي حبيبي
محمد: ايوا ايوا عارف الحركات ذي .. ماني قايل
خالد: بعيونك نظره يامحمد تقول انه السالفه مره خطيره
محمد: ماني قايل .. بس من جد ودي اعرف هي ايش قاعده تسوي
سالم: بيذبحني الفضول ابي اعرف
خالد: محمد وانا بعد بموت واعرف
محمد: ههههههههههههههههههه لا ماني قايل
فيصل: ايش عندكم .. ايش في
سالم: تعال اسمع محمد ايش يقول
فيصل: ها قلت لهم عن الموضوع
خالد: وانت تدري بعدي
محمد: هههههههههههههههههههههه ايوا بس محنا قايلين صح فصولي
فيصل: صح حمودي
سالم: هي فيها فصولي وحمودي اجل خذو الي يجيكم
فيصل: والله ان مديت يدك تراني..........
محمد: اقول بس لا تخاف ..والله مايسويها اقعد زين
فيصل: تجي نروح للعيال
محمد: أي والله قوم
خالد: تراكم مسختوها كلها 5 ايام وبتعيشون معاهم اقول انطقو واقعدو
سالم: زمان الحريم طالعين يخلصو اغراض العرس ولينا لحالها بالبيت
محمد: طيب خلاص اجل ايش نعمل
فيصل: نروح لسما نقول لها
محمد: اقول ننتظر شوي .. لا نستعجل
فيصل: ليه بس
محمد: يعني فيه ناس ودهم يعرفون .. وانت تعرف اختك ماتخبي شي عن اخوانها.. بتقولهم على طول .. وقتها لا استمتعنا ولا اخذنا حقنا منهم
خالد: أي حق هذا الي تتكلم عليه؟
محمد: يعني سوالف تالي اليل الي اسأل عنها ودايم الجواب مالي شغل
خالد: وانت ايش دخالك ياحشري
محمد: خلاص وانت ايش دخلك ياحشري
سالم: اقول فك نفسك منه
خالد: هذا نسخه من اخته
سالم: أي والله تربيتها صح
محمد: تراني اعلم .. ما اخبي شي
خالد: اقول تبيني ادليك هي وين وتقولها
محمد: تعال صدق هي وين
خالد: وانت ايش دخلك ياحشري
سالم: ههههههههههههههههههههههههه هههه زين تسوي فيه
محمد: طيب انا اواريكم .. فصولي تعال نخطط
فيصل: تعال
سالم: وانت يافيصل عمرك 17 سنه تمشي على شورواحد اصغر منك
فيصل: وانت ايش دخلك ياحشري
محمد: هههههههههههههههههههههه زين تسوي فيه .. تعال بس
فيصل: ههههههههههههههههه تعال
سالم: والله شكلها السالفه من جد .. والمجرم هذا مابينطق لو على قص رقبته
خالد: يا اخي والله زادني فضول اعرف ايش صاير
سالم: تجي اختك واقولها هي تعرف تاخذ منه الكلام
خالد: سما!!!!!!!!!!!!!! .. مالك ياروحي ليه تبكي
سما: خالد
خالد: ياروح خالد ايش صاير ياعمري مالك ليه البكا
سما: تقول لسامي يبعد عني هزاع .. الرجال اذا انا مابيه .. مابيه
خالد: هو قايل لك شي
سما: لا
خالد: ايش صار اجل
سامي: اختك تتدلع .. والله انه دلعك عسل على قلوب الكل
سما: انت ماتستحي لو تحبني ماتخليه يكلمني
سامي: طيب انتي ليه تبكي .. هو غلط عليكي
سما: لا .. بس ابيه يبتعد عني
محمد: خيييييييييييييييييييير سما ايش فيها
خالد: مافيها شي زعلانه مع سامي
محمد: ايش صاير حبيبتي علميني وانا اخذ حقك منه
سامي: ايش بتعمل يعني
محمد: لا تتريق ترا والله ..................
سامي: ايوا والله ايش
محمد: شوف عاد تراها اختي مثل ماهي اختك ومابرضا انك تزعلها ماشي سامي
سامي: ماشي يا عمري انت .. ايش تبغي بعد لقيتي لك واحد ياكلنا عليكي
سما: انا اكرهك
سامي: هههههههههههههههه من قلبك عاد .. والله ما اصدقك
خالد: بس انت بعد لا تزيدها عاد
سما: قول له
سالم: تعال ياسامي خلها تهدى تعال
سامي: والله تتدلع .. اسألوها ايش صاير وهي تقول لكم وذا شفتو اني غلطان قولو لي
محمد: قولي ايش صاير
سما: اليوم الصباح قالي هذي نور على التلفون تبي تكلمك واخذت التلفون من ايده واكلمها طلع هزاع .. واليوم على الغدا زودوها معاي كثير .. ونرفزوني
خالد: مين نرفزك
سما: سامي وهزاع .. انا قايله لخوكم اني مابي هالرجال مابيه .. يقوم ايش يسمحله ان يجي يكلمني لحالنا .. هذول مايستحو
سامي: انا الان صرت اخوهم ماني اخوكي يعني
سما: لا .. منت اخوي .. اذا بتعمل معاي هالحركات منت اخوي
محمد: وانتي ليه ماتبينه هزاع والله رجال زين
سامي: قول لها ..هذا الصغير ويقولك انه الرجال زين ايش تبغي بعد
خالد: سما انا عارف انه غلط .. واذا يبي يصلح غلطته اسمعيه بس
سما: مابي اسمع منه ولا كلمه .. فاهمين .. ولا ابي ارضي عليه خلاص .. مابعيد الكلام ذا مره ثاينه واضح
سامي: والله تحبيه والله .. هالكلام مايطلع الا من وحده تحب .. ماني غشيم انا
سما بعصبيه: خالد شوفه
خالد: بس ياسامي
سامي: حد بس يقولي اني غلطان .. عارف انك تحبيه وابي اعطيكي فرصه تسمعيه بس عنادك ذا ما ادري لفين بيوصلك
سما: مالك شغل فيني.. سامع يوصلني فين مايوصلني انت مالك شغل
خالد: هذي ماهي طريقة تفاهم ياسما.. قوليلي بس انتي تحبيه
سما:..........................
سامي: شوف قايل لك تحبه
سما: اسكت انت
سامي: بسكت بس انتي تكلمي .. بتستحي من اخوانك بعد
سما: انا طالعه غرفتي
سامي: اقول تراكي تحبيه سامعه تحبيه .. اذا كذبتي على نفسك ما تكذبي علي انا سامي
خالد: تراك زودتها .. منت شايفها كيف تبكي
محمد: انت تبي ترميها مره ثانيه المستشفى صح
سامي: لا والله ماهو صح .. هزاع طلبها مني اليوم وهي عرفت بهالشي عشان كذا تبكي.. بس دامها تبكي معناه انها تطلع الي جواها .. خلوها تبكي احسن ماتخبيه وتمرض
سالم: من صدقك انت .. وانا اقول ليه تبكي بحرقه كذا
خالد: الوضع اختلف الان قبل كنا نقول بيطلبها والان هذا هو طلبها بس البنت رافضه
سامي: اختك تتدلع ..وماهي عارفه تقرر .. نخليها شوي لا نستعجل عليها .. اكيد اذا شافت اهتمامه بتغير رايها
خالد: اتمنى
فيصل: ياخوي شوي وتروح تعتذر منها وتراضيها
سامي: هذ الي بيصير
خالد: ايش اخر الاخبار
سامي: لا جديد
سالم: حنا عندنا الجديد
سامي: خير بشرو
خالد: اخوانك فصولي وحمودي عندهم خبر عن مرام بنت عمك ماهم راضيين يقولونهم
سامي: وانشا الله ماقالوه حسبت شي مهم بعد.. قال عن مرام
محمد: ههههههههههههههههههههههههه ههههههههههههههههههه
فيصل: ههههههههههههههههههههههههه هههه يا خساره والله خابت
سالم: مسيرنا نعرف ننتظر ونشوف
محمد: اجل انتظر

****************************

في غرفة سما
سما: الو
.....: وليه البكا ياحلو .. كل ها عشان حبيب القلب
سما: مين معي
.....: لسا ماعرفتيني
سما: اذا ماقلت انت مين تراني بسكر
.....: انا من طرف صالح
سما: ايوااااااااااااا .. هذا الي ناقصني الان
......: وليه الضجر ذا.. ماتبين اختك ولا كيف
سما: تبي الصدق .. انا مابيها .. واذا بغيت تحتفظ فيها عندك ماعندي مانع .. واحتفظ انا بلفلوس كلها تراه سعد بالنسبه لي
......: من صدقك انتي
سما: اجل العب معاك
......: والمطلوب
سما: ايش اسمك
.....: انا هزاع هههههههههههههههه ناديني هزاع .. ماهو حبيب القلب اسمه هزاع
سما: ايوا اسمه هزاع .. تعرفه ولا اقولك عليه
......: انتي شكلك بايعتها
سما: وايش خسرانه يعني .. قولي اسمك والي عندك وخلصني ترا اذا تنرفزت عليك زياده بسكر الخط الا بسكر الجهاز .. وعاد شوفو احد من اخواني تكلموه ..واذا مابلغ عنكم هذا وجهي
......: سمعي عمتي
سما: ايوااااااااااااااا احب الاحترام .. تفضل اسمعك
......: ناديني خليل
سما: ايوا خليل
خليل: حنا قررنا نستلم منك الفلوس هاليومين بس خلي الفلوس جاهزه بيدك من الان .. حنا بنسلمك الي عندنا واحد ورا الثاني لحد مانظمن انو الفلوس كلها بيدنا وانك ماراح تبلغي عننا عقبها نتركك انتي واخوانك واختك بسلام
سما: موافقه
خليل: بنسلمك واحد من العيال بالاول
سما: ههههههههههههههههههههههههه ههههه اقول العب غيرها تشوفني غبيه ولا غبيه .. تسلمني العيال وبعدين تقولي اختك بتظل عندنا .. ههههههههههههههههههههههههه ههههههههه اقول ضحكتني عاد
خليل: انا ما اضحك معاكي
سما: ولا انا اضحك معاك .. اذا شفتني ملهوفه على رجعتها ولا على جيتها هذيك الساعه قول برضي بالي تقوله .. اسمع تقول للي عندك .. او قوله لنفسك ماتفرق.. اختي اول من بستلم وبعدين العيال غير كذا ماعندي
خليل: شوفي من حقك تفكري هالتفكير وتشكي بنوايانا بس انا اتعهدلك.....................
سما: خليل من الاخر اختي اول شي ابي استلمه وبعدين بستلم العيال .. ولا تظن اني بترك عيالنا عندكم تربوهم .. ولا تتوقع اني برمي 300 مليون كذا بالساهل عشان تلعب علي انت والي معاك .. تكون غلطان .. قدامك ربع ساعه ترد علي غير كذا الاتفاق كله لاغي ولا عاد تتصل علي من جديد انت فاهم ولا ابي اسمع سيرة اختي من جديد .
~الله ياخذك ياخليل ادز مسج على سامي بالاول حتى يجهز الفلوس .. وبعدين هزاع~

****************************

في مكتب عدنان باحد مراكز الشرطه
هزاع: هذي كل القصه ياعدنان
عدنان: وحسام وينه الان
هزاع: عند البيت الي هم موجودين فيه.. خليته يراقب المكان
عدنان: وقالك العنوان
هزاع: ايوا قالي .. لحظه هذا مسج
عدنان: خذ راحتك.. واكتب لي العنوان بهالورقه
هزاع: هذي بنت عمتي .. تقول دقو عليها .. واتفقو معاها انو خلال هاليومين.. تسلمهم الفلوس
عدنان: هذا معناته انو عندنا وقت لوضع خطه جيده.. قبل لايسبقونا
هزاع: واذا سبقونا.. نترك البنت تروح لهم
عدنان: لا طبعا انا بحرك فرقه الان للموقع الي فيه حسان .. وانشا الله يلاقو البنت الثانيه وما نظطر نخلي الاولى تروح لهم برجلها
هزاع: انت تخوفني بكلامك
عدنان: انا مااكذب عليك ياهزاع الوضع خطير وانت لازم تحسب حساب كل الاحتمالات
هزاع: الله يستر .. سامحني شوي هذا سامي يدق .. الو
سامي: هزاع
هزاع: ايوا سامي
سامي: انا اخذت 100 مليون من عمي الان بس تراها كثيره ياخوي مش عارف كيف سما بتتصرف الوضع مايطمن
هزاع: الوضع مايطمن وانا اخوك .. بس انشا الله خير ..
سامي: انت عارف شي جديد
هزاع: ايوا عارف شي جديد .. بس مابي استعجل واقولك خلنا نتاكد بالاول وبعدين انشا الله اقولك
سامي: ايش اعمل الان كيف انزل الفلوس وين اخليها
هزاع: خلها بالسياره
سامي: كيف يعني.. هذي 100 مليون
هزاع: لا تخاف وانا اخوك البيت مراقب .. واذا ضاعت لا تقلق رقبتي سداده وانا اخوك
سامي: الله يخليك لي ياخوي
هزاع: ويخليكم
سامي: كلنا ؟!!
هزاع: ايش يعني
سامي: اقصد الله يخلينا كلنا ولا وحده فينا بس
هزاع: والله مو وقته هالكلام .. كيفها هي كويسه
سامي: ماعليك شوية دلع
هزاع: والله عارف .. عسل على قلبي
سامي: طيب لا تكثر تراها اختي
هزاع:: طيب خلي بالك عليها الليله وعطني مسج.. لا تنسى لا تتصل تليفون دامك بالبيت
سامي: حاضر ماني ناسي .. يلا سلام
هزاع: سلام
عدنان: الفلوس معاه
هزاع: معاه
عدنان: لا تقلق المراقبه عند البيت من نص ساعه
هزاع: وحسام
عدنان: لسا ما وصلو
هزاع: خلني ادق عليه اقوله
عدنان: احسن حتى مايتفاجأ بهم
هزاع:......................
عدنان: ها مارد
هزاع: جهازه مسكر .. الله يستر
عدنان: لاتقلق تلاقيها البطاريه مخلصه عليه .. لو فيه شي واكشفوه كنت تلاقيهم ثايرين على بنت عمك
هزاع: والله انا قلبي مقبوض يا خوي
عدنان: توكل على الله يارجال وما بيصير غير الي ربك كاتبه
هزاع: والنعم بالله .. تعبتك معاي ياعدنان بس انت عارف مالي صاحب غيرك الجأ له بهالوقت
عدنان: عيب عليك حنا اخوان وانت تامر باي وقت .. المهم سلامتة الي عندك
هزاع: خلني ادز مسج لبنت عمتي اقولها ان الفلوس بالسياره

****************************

بشقة سعود ويحيى
سعود: يحيى
يحيى: خير
سعود: نايم
يحيى: ايوا خلني شوي
سعود: جابر يقول انو الليله بيتسلم بضاعه لعصابته
يحيى: حلو .. اليله بنفوز بغنيمتنا يعني
سعود: الله يسمع منك
يحيى: اقول من جاه
سعود: ماحد جاه.. لا حد دخل ولا حد طلع من عنده
يحيى: يبقا اكيد تلفون .. اسمع راقب المكان كويس
سعود: ايش تفكر فيه
يحيى: بستخبى عنده بالبيت .. اذا حكمت الظروف بذبح الي بيجونه .. اخذ البضاعه وانا طالع
سعود: وبتاخذه معاك
يحيى : هذا اكيد ..شوف لي المكان انت بس
سعود: خذ معاك سلاح
يحيى: اكيد باخذ بذبحهم بيدي يعني
سعود: على قد ما انا مبسوط انو هالشي بيخلص الليله على قد ماني خايف وقلبي مقبوض
يحيى: اعوذو بالله من تشائمك ياخي.. ادعي بس الله يعديها على خير .. ناخذ نصيبنا واحنا مرتاحين من وجع القلب ذا
سعود: والله هذا الي مهون علي .. بناخذ نصيبنا اخيرا يا يحيى
يحيى: خلي بالك.. شوي وانا طالع
سعود: من الان عاد
يحيى: ابي اسبقهم قبل لايجون
سعود: خلي بالك من نفسك
يحيى: خلي الكميرا شغاله جهزها من الان خلي الافلام حولك .. جهز المولد في حال انقطعت الكهربا .. لا تفتح النور ابد انت فاهم
سعود: لا توصي حريص
يحيى: يلا انا طالع

****************************

في بيت خليل
سما: ..الو
خليل: عمتي
سما: هلا بك
خليل: عمتي الفلوس جاهزه
سما: جاهزه
خليل: اطلعي الان وفي السياره ادليكي المكان
سما: هههههههههههههه قول يعني تبون تشوفون مين وراي
خليل: يعني ماتعرفي مين وراك
سما: لا والله ما اعرف .. ياليت تقولي
خليل: اجل خذي كلمي
......: الو
سما: مبن؟
....... انا حسام عمتي
سما: حسام!!!!!!!!!!!!!!!
حسام: عمتي
خليل: ها عرفتي هذا مين
سما: هذا ايش جابه عندكم
خليل: يعني ماتعرفين ايش جابه
سما: لا والله ما اعرف .. اساسا محد يعرف عنكم غيري
خليل: مصدقك ياحلوه .. اسمعي حسام كان تابعك من طلعتي من البيت وجيتي على الملاهي.. ومن هذاك الوقت وهو يراقبنا وحنا تركناه على راحته.. بس الان جا الوقت الي نأمن نفسنا بيه
سما: هههههههههههههههههههههههه ومالقيت الا حسام تأمن نفسك بيه
خليل بتريقه: لا ياحلوه انا بيدي هزاع .. انا قلت له انك بيدي .. وهو الان عندي .. مين بتختاري الان اختك ولا حبيب القلب يا عمتي
سما: اجي واشوف .. انت تلعب علي يا خليل .. هذا كله عشان الفلوس انا عارفه هالشي .. ايش اقولك الفلوس عندي وجاهزه .. حبيت تذبح حسام هذا هو عندك .. حبيت تذبح هزاع هذاهو عندك .. حبيت تذبح اختي وعيالها هذاهم عندك .. سبق وقلت لك انا ما اتهدد .. سبق وقلت اذا لعبت معاي اعتبر الموضوع لاغي ياخليل .. لاغي
خليل: عمتي
سما: لا عاد تتصل علي مره ثانيه انت فاهم
خليل: عمتي
سما: بلا كثر كلام .. انا ما اتهدد
خليل: انا اسف .. اسف طيب اسمعيني
سما: قلت لك الموضوع لاغي .. اذا انت من اولها تبي تلعب معاي انا ماعندي وقت اضيعه معاك.. يلا دور على غيري ياحلو يعطيك الفلوس
خليل: انا موافق على طلباتك
سما: طلباتي انك تقلب وجهك عني .. والي تبيه سوه .. محد من الي عندك يسوى شي عندي.. انت فاهم
خليل: انا اسف هذي اخر مره اتصرف كذا معاكي .. انا ما اعرف كيف تصرفت كذا .. والله حسبتك تلعبي معانا .. ما ظنيت انك قد كلمتك ياعمتي
سما: وبعدين .. جيب من الاخر
خليل: انتي امريني
سما: هزاع وين
خليل: ماهو عندي ولا اعرفه حتى .. توقعتك بيفزع قلبك له وبتيجي تركضي
سما: غلطان .. اول مره اشوف عصابه غبيه .. اذا بغيت تلعب مع حد .. اعرفه الاول ياغبي
خليل: اسف عمتي
سما: تعرف اعجبتني لعبتك.. ابلعب مثلك بس على المكشوف
خليل: كيف يعني ..
سما: ابتصل على هزاع واشوف اذا كلامك طلع صح واذا ماهو عندك جيتك .. بس والله اذا طلع عكس .. لو تجيني راكع ماشفت مني ولا مليون انت فاهم
خليل: فاهم عمتي
سما: حسام يطلع من عندك واتأكد انه رجع لاهله
خليل: هذا كثير
سما: هذا الي عندي
خليل: شوفي انتي تلعبي على المكشوف .. وانا بعد بلعب لعبتك .. اذا حسيت بنذالتك ياعمتي والله اني ذابح هزاع بكره وقدام عينك
سما: اجل الله يرحمه من الان .. الي تقدر عليه سوه.. ابي حسام يرجع لاهله .. ويكلمني وبعدين اطلع .. باي
خليل: الو ... الو
......: ايش قالت
خليل: الكلبه .. ذكيه
......: ايش قالت
خليل: يرجع حسام .. وبتتأكد انو هزاع في بيته وبتجي
......: قايله لك خلي بالك منها
خليل: تظنيها توفي بكلمتها
......: ايوا بتوفي
خليل: بناخذ اختها عند جابر الان وتجي هي لهناك نسلمها اختها ونذبح جابر وحنا ماشيين
......: انا مابروح معاك
خليل: وليه عاد
......: اذا شافتني بتعرفني
خليل: نجمة .. اقول تركي عنك .. صار لها اكثر من 17 سنه ماشافتك كيف بتعرفك بس
نجمه: بتعرفيني صدقني
خليل: لا .. بتيجي معاي .. انا مقدر على سما لحالي .. اخاف انها تهرب مني
نجمه: طيب انا بروح معاك بس بكون مستخبيه .. بيطاوعك قلبك تذبح جابر
خليل: وليه مايطاوعني هذا كلب ولا يسوى .. بذبحه وبذبح البنات معاه هالشي بيعطيني وقت مناسب عشان نطلع برا الديره
نجمه: يعني اقول انه .................
خليل بحده: اسكتي بس
صالح: خليل
خليل: خير
صالح: الرجال اخذو حسام وبيوصلوه لمكانه
خليل: اسمع اول مايوصل بيتهم وتتأكد انه كلم البنت تذبحه فاهم
صالح: فاهم

****************************

في غرفة سما
~ وينك يا هزاع.. ليه ماترد علي .. ياربي لا يكون بس صاير له شي .. بدق على عادل~
عادل: الووووو
سما: عااااااااادل
عادل: خير ايش في .. صاير شي
سما: ابي هزاع.. اتصل عليه ومايرد علي
عادل: هزاع هنا نايم عندي
سما: طيب ممكن اطلب طلب
عادل: ها تبين تكلمينه .. وحشك بسرعه كذا
سما: يوووووووووووووووووووووه وبعدين انت الثاني .. قوم شوفه نايم صدق
عادل: سما تصحيني من نومي حتى اروح اشوفه وهو نايم
سما: عادل قوم بالطيب احسن
عادل: هذا انا قايم .. كله تهدد ماتعرف تتدلع ماعندها غير الصراخ والتهديد .. ايوا ياستي هذا هو نايم
سما: تشوفه يعني
عادل: ايوا اشوفه
سما: خلاص شكرا
عادل: ايش خلاص شكرا ذي .. تصحيني من عز نومي وتقولي لي خلاص شكرا.. ايش صاير معاك .. العصابه اتصلو عليك
سما: لا .. لا.. وحشني قلت اتطمن عليه هههههههههههه
عادل: تضحكي ها .. كان من الاول وفكيتينا ليه الدلع ذا كله
سما: عادل
عادل: خير .. ايش ثاني
سما: ممكن بس ماتقوله اني اتصلت اتطمن عليه
عادل: لا بقول
سما: عشان خاطري ماتقول
عادل: طيب ماراح اقول
سما: احلف
عادل: هااا .. لا من غير ما احلف
سما: تكذب علي شفت كيف
عادل: حرام عليكي خليه يعرف انك دقيتي عليه ليه القسوه عاد
سما: ماهي قسوه .. عارف عندي احساس ياعادل
عادل: قولي وانا اخوك
سما: احس اني مابكلمه عقب اليوم ابد .. عادل اذا صار لي شي ابيك تقوله انو عزيز علي كثير
عادل: سما تخوفيني كذا
سما: هههههههههههههههههههههههه لا تخاف عاد ما صاير شي اقولك .. عندي احساس هيا كل الاحاسيس تصدق؟!!
عادل: الشور يقول لي اصحيه من نومه
سما: لا .. والله ماتقعده .. انا بخير .. وحتى تتطمن اكثر .. بسكر المكالمه معاك وهذا انا نايمه
عادل: طيب يامغلبه الكل انتي .. تصبحي على خير
سما: وانت من اهل الخير
~هذا هزاع وتطمنت عليه .. باقي حسام ومن عقبه سماح ياربي عطني القوه ياربي ساعدني~
سما: الو ..حسام انت بخير
حسام: انا بخير عمتي
سما: طيب كويس اني تطمنت عليك بخليك ترتاح الان وبكلمك بكره
حسام: عمتي
سما: قول حسام
حسام: عمتي .. عمي هزاع يحبك كثير .. حاولي تفهميه وتسامحيه .. قولي له اني انا الغلطان منتبهت .. الغلط مني مو من احد ثاني .. لا يحمل احد نتيجة غلطتي .. قولي له .. انو حسام كان له الشرف انه اشتغل معاك وتعرف على رجال مثلك .. قولي له اهلي يحبونه بعد.. لا تنسين عمتي
سما: حسام ايش في.. بكره تروح له وتقوله .. وبكره اشوفك واختي معاي
حسام: الله يطمنك عليها .. بس انا تعبان بكره ابي اريح بالبيت ..اكيد ماني شايفه بكره .. لا تنسي تقولي له
سما: خلاص ما بنسى .. ارتاح انت بس ويصير خير
حسام: خلي بالك من نفسك عمتي
سما: لا توصي

****************************

في بيت خليل
نجمة: خليل كل شي جاهز.. البنت في السياره قاصر نتحرك
خليل: لا اصبري شوي ابي البنت توصل قبلنا وبعدين نطلع
نجمه: خليل انا قلبي مقبوض
خليل: خلك من الخوف ايش مالك ماكنتي كذا ابد
نجمه: المره هذي غير
خليل: المره هذي عشان بيكون عندنا 100 مليون .. اكيد غير اول مره يجينا مبلغ كذا.. اكيد لازم تخافي يا نجمة
نجمه: طيب خلينا نمشي
خليل: استنى خلينا ندق عليها ونشوف وين وصلت ... الو
سما: ايوا انت وين
خليل: وين وصلتي
سما: انا عند البيت الي وصفته لي
خليل: كم رقمه
سما: 859
خليل: بالضبط هذا هو .. انزلي فيه واستني هناك .. شوي وحنا واصلين
سما: انا بنتظر بالسياره
خليل: لا ياعمتي كذا بنلفت انظار .. لا تخافي هذا بيت جابر .. جابر ما يقدر يسوي لك شي .. لا تنسي هو مفكر انك زوجته
سما: طيب بنزل لا تتأخر انت فاهم
خليل: فاهم عمتي ..سلام
نجمه: يلا نتحرك يلا
......: خليل
خليل: ايش في يامسعود
مسعود: الشرطه ياخليل الشرطه
خليل: يلا يانجمه نطلع حنا .. وانتو خلكم بالبيت جالسين ولا تتجركو ولا تقاومو البيت نظيف وما فيه شي مايقدرو يمسكو عليكم شي فاهم ..
مسعود: فاهم
خليل: يلا يانجمه
نجمه: بسرعه بسرعه
خليل: الو
صالح: ايوا ياخليل
خليل: خلصت على الي عندك
صالح: ايوا مات خلاص
خليل: يعني مالحق يبلغ
صالح: لا مالحق ابد انا معاه
خليل: طيب استخبى انت لحد متصل عليك
صالح: ايش في
خليل: الظاهر جابر الكلب بلغ عننا
صالح: ولدك؟!!!!!
خليل: ايوا ولدي الله يشيله .. والله اني ذابحه اليوم ذابحه
صالح: انتو طلعتو يعني
خليل: ايوا انا ونجمه بخير ورايحين ناخذ الفلوس
صالح: والشباب
خليل: خليتهم بالبيت ماعليهم خوف البيت نظيف
صالح: طمنتني
خليل: اشوفك بعدين
نجمه: لا تذبحه ياخليل لا تذبحه
خليل: ومن غيره يبلغ
نجمه: خليل والي يسلمك لا تذبحه
خليل: اشوفك متعلقه فيه
نجمه: هذا ولدي
خليل: اذا تركته يعيش هو والبنات حنا الي بنموت فكري بسلامتنا قبل سلامتهم

****************************

في بيت جابر
جابر: سما؟!!!!
سما: ايوا مستغرب
جابر: ايش جابك
سما: ماتبيني اجي
جابر: لا هذا بيتك تفضلي
سما: اتصلو علي وقالو لي اجي هنا اليوم
جابر: انتي البضاعه؟!!
سما: مافهمت
جابر: على ايش اتفقتي معاهم
سما: هذا مو شغلك
جابر: مالك تناظري المكان كذا كأنك اول مره تدخليه
سما: لا بس وحشني ..
جابر: وحشك .. اشتقتي له يعني
سما: للمكان الي تعذبت فيه؟!! انت غلطان
جابر: انا سعيد الي شفتك .. احس بك مرتاحه
سما: .......................
جابر: صحتك باينه على وجههك
سما: متى يجون
جابر: من الي بيجون؟
سما: اقصد خليل
جابر: مادري عنه
سما: والله عاد!!
جابر: والله مادري عنه
سما: تبي تفهمني منت معاهم يعني
جابر: انا عمري ماكنت معاهم طول عمري اشوف نفسي غير
سما: ايوا باين
جابر: احسك قويه مره.. احس انك منتي سما الي اعرفها
سما: اجل من بكون
جابر: مادري
سما: اجل لي دريت قولي
~كنت مشغوله اناظر المكان الي عاشت فيه سماح.. على الرغم من انو المكان مش ولا بد والمفروشات قليله وقديمه بس لمحات سماح فيها.. الورد الميت الي موجود ماتغير يعطيني انطباع انها حريصه على انها تجمع الالوان الحلوه البيت مرتب اقدر اقول انه مريح بس قديم .. الوضع يبين انو سماح عاشت بفقر وعذاب كان معاك حق يا يبا يوم كتبت ربع ثروتك باسم سماح والله انها تستاهل ماهو قليل العذاب الي شافته ولا الوضع السيء الي عاشته.. كانت عيون جابر تلاحقني في كل مكان .. اظنه عارف اني ماني زوجته بس الشكل غلبه .. انتبهت على جابر وهو يحاول يقترب مني فتح ذراعه لي يبي يحظني ماقدرت امنعه قوته اغلبتني كنت اصرخ اتركني ياكلب اتركني وهو ابد مكان ناوي يتركني كان يبيني او يبيها شوقه لها عنيف غريب ..شوي وسمعت صوت سياره مسرعه توقف عند الباب .. تركني وراح يشوف .. رجع وقالي تراهم جاو .. كنت واقفه في مكاني مذهوله منه ومن قوته لي بانه يحضني بالغصب .. غصب علي ماقدرت عليه .. هو مايبيني يبي سماح .. سمعت صراخ عند الباب خفت ورجعت خطوتين لورا.. حسيت بيدين تسحبني وتدخلني الغرفه كانت اليد على فمي والتحذير لي واضح المسدس على راسي وهمسه في اذني يقول مابي اسمع أي صوت فاهمه .. هزيت راسي بالموافقه وسكت اتابع ايش يصير مع جابر .. فتح الباب .. وقبل لا يتكلم جاه رجال طويل عريض كان يضربه بشكل هستيري وجابر تحته يصرخ~
جابر: يبا يش في؟
خليل: ايش في؟ تستعبط انت ولا منت داري عن الي سويته ياكلب
جابر: انا ايش سويت قلي
خليل: تبلغ عن ابوك يا جابر عن ابوك
جابر: اااااااه لايبا انا ما اسويها
خليل: اجل مين يسويها امك
جابر: كفايه يبا كفايه اااااه
خليل: هو انت لسا شفت شي .. وين سما وينها
جابر: مشت يبا مشت
خليل: كيف تمشي وانا قايل لها ماتمشي قبل ما اوصل
جابر: وانا ايش يدريني قالت انك تأخرت عليها ومشت .. ااااه اااه
خليل: مستحيل انا متفق معاها ماتمشي اكيد انت قايل لها شي.. ها .. ايش قايل
جابر: والله يبا ماقلت .. والله اني ماقلت .. هي مشت لحالها
خليل: انا صبري معاك خلاص نفذ .. وماعدت مستحمل وجودك بحياتي انت وجودك صار يشكل لي خطر كبير
جابر: يبا ايش تعمل
خليل: بذبحك واترتاح منك
~كنت اشوف جابر وهو يتعارك مع ابوه صار جسمي يرجف والخوف ملكني بصوره مرعبه كنت ابي اطلع من هالمكان والشخص الي ماسكني ماسك فمي حتى لا يطلع مني صوت ونفتضح انا وياه كنت احاول امسك نفسي لكن جسمي يرتجف وماعدت مستوعبه الي خليل يقوله لولده .. كيف يضربه بكل هالوحشيه .. صرت افكر لو اني بمكانه ايش راح يصير فيني .. وصار جسمي يرتجف اكثر واكثر .. لما شفت خليل ماسك سلاح ويوجهه صوب جابر التفت للي وراي وبلا أي شعور رميت نفسي بحضنه وقلت له "احميني الله يخليك" .. حسيت ايده تضمني بقوه لحضنه وهو يهديني بهمس حتى لا يحسو علينا .. بعديها سمعت صوت حريمي يصرخ بخليل ويقوله" لا.. حرام عليك .. لا" بس صوت الطلق الناري اسرع احس انو الدنيا لفت فيني .. واغمضت عيني وماعدت ادري بروحي ابد..