****************************
في سيارة عادل
منال: بشر رد عليك
عادل: مايرد .. مايرد
منال: وانت بعد كيف ماتقوله انو سما دقت عليه البارح
عادل: نسيت يامنال نسيت
منال: ايش هالحظ كل ما اقول الجو صفا بينهم وخلاص بيكونو لبعض تجي مصيبه وتفرقهم عن بعض
عادل: لو اعرف ليه مايرد
منال: ماتعرف اخوك يعني
عادل: اشوفك انقلبتي عليه .. ماهو هذا هزاع .. الي تتباهي فيه
منال: اتباها فيه وفيك قبله .. بس انت تشوف الي يسويه مع سما عدل
عادل: لا والله ماهو عدل
منال: ليه ماسمعها ليه .. مو هذي سما الي ذبحنا عليها .. هذا هي صارت تيبه وتتمناه .. الان شوفه ايش قاعد يعمل
عادل: عمره ماكان كذا عمره
منال: اخوك ذا اغبى منه مافي .. ولا في احد يقول الي قاله للبنت .. هذي بنت عمته عرضه .. عيب يقول الي قاله .. زين البنت ماتموت والله
عادل: طولي بالك شوي ونوصل لها نتطمن عليها
منال: شوف عادل اخوك ذا لاعاد يجيب طاريها على لسانه ابد .. خلاص انا تعبت .. ماني ناطره لحد ما البنت تقولي مابي صداقتك.. مابي وجوده يأثر على علاقتي بصديقتي ابد .. هو اخوي وهي بعد اختي وما برضى عليها ..
عادل: ما الومك .. هزاع غلطان
منال: ماهي مره يا عادل.. هذي مرتين .. غلط في البنت مرتين
عادل: تتوقعي يستقبلونا كويس
منال: والله مادري .. معاهم حق اذا طردونا .. الي قاله هزاع .. يغلض قلوب ياعادل
عادل: هذا حنا وصلنا .. قعدي مع سما .. ولا تجيبي سيرة هزاع بالمره سامعه .. وانا بحاول اطيب خاطر اخوانها
منال: حاضر
محمد: من بالباب
......: انا عادل يامحمد افتح
محمد: اهلا .. ثواني واجي
عادل: هذا صوت محمد ومايبشر بخير
منال: الله بستر .. ايش مايقولو خلك هادي
خالد: حيالله من جا .. هلا والله
عادل: تحيا وتدوم
خالد: حياكم تفضلو
عادل: يزيد فضلك ياخوي
خالد: ماريا .. ماريا
ماريا: يس بابا
خالد: خذي ام محمد فوق عند سما
ماريا: اوكي بابا .. تعالي هنا ماما
خالد: حياك ياخوي حيالك
عادل: سلام عليكم
بومشعل: وعليكم السلام ورحمة الله ياولدي
عادل: هلا عمي .. كيف حالك
بومشعل: الله يسلمك .. انت كيفك وكيف العيال
عادل: كلنا بخير ونعمه.. والعيال يبوسو يدك
بومشعل: الله يخليهم لك وتفرح فيهم
عادل: سامي
سامي: هلا وغلا .. كيف الحال
عادل: الله يسلمك
سامي: ايش فيك ياخوي عيونك زايغه كذا
عادل: والله مادري .. انا بحلم ولا بعلم
بومشعل: هههههههههههههههههه بعلم ياولدي .. خير ايش فيك
عادل: والله ماظنيت هالاستقبال الحار .. ظنيت بتمسكوني الباب وتطردوني
سامي: وليه ذا كله
عادل: الي قالته لي ام محمد مايسر ابد
بومشعل: معلش ياولدي لحظة غضب وكل شي يهدى انشاالله
سامي: انت اخونا ياعادل وهزاع بعد .. وبعدين هو مفجوع في صاحبه عذره معه
خالد: ايوا بس هذا مايمنع انو الي سواه والي قاله غلط
عادل: انا عارف انه غلط والله اني احاول اتصل فيه من الصبح لكنه ماير علي
بومشعل: وانا بعد اتصل عليه ومايرد علي
عادل: والله اني نسيت اقوله انو سما دقت عليه البارح .. من جد راح عن بالي مع اني شايفه اليوم الصبح وقاعد معاه
بومشعل: الله كاتب هالشي ياولدي لا تلوم روحك
عادل: والله ياعمي عيال عمتي عارفين قدرهم ومقامهم عندي وعند اخوي قبلي .. بس والله هاشي ماكنت اتمناه انه يصير بيننا ابد هزاع انا عارفه يغضب ويعصب بس والله مافي اطيب منه .. انتو اكثر مني عارفين معزتكم عنده
محمد: هذا مايعطيه الحق انه يكلم اختنا كذا قدامنا .. هذا اهانها واهاننا معاها
سامي: محمد
محمد: اذا هو جاي يبرر سواة اخوه انا اقوله سما ماتبي تشوفه ولا تعرف عنه أي شي .. انا اقولك قول لهزاع حنا بعد ماني منه شي ..
بومشعل: محمد حبيبي .. هذا عادل ولد عمتك يعني اخوك وهزاع اخوك بعد .. والا خوان يحصل بينهم سوء تفاهم ويرجع كل شي مثل ماكان .. بس يبا حنا لازم نطول بالنا على بعض ولا كذا بنعادي بعض وهالشي مايجوز وانا عمك
عادل: محمد ياعمري ابيك تعذر هزاع .. انا مراح ادافع عنه انا بقولك هذا صاحبه وهو مفجوع عليه .. يهدى شوي وهو بنفسه يرجع يعتذر
محمد: ابونا بعد مات .. واعز من صاحبه على قلوبنا .. ماسوينا زيه .. واختنا بعد مانعرف عنها شي .. هي بعد بين الحبا والموت وماعملنا زيه
عادل: والله الي تقوله صح .. عطه فرصه واعذره يا محمد بكره يفهم كل شي
محمد: بس هذا ماعطاها فرصه تقوله شي او تشرح له حاولت انها تكلمه صدها .. والله انها قطعت قلبي .. تبي الصدق .. اخوك خساره في اختي
سامي بحده: خالد خذ محمد .. روح مع خالد يامحمد
خالد: محمد تعال معاي ابيك
سامي: اعذره وانا اخوك .. محروق قلبه على اخته
عادل: عاذره ياخوي وعاذركم انتو بعد .. انا مثل ماقلت لك جاي وعارف انكم بتطردوني وهذا من حقكم .. والله ماني زعلان .. ولا راح ازعل منكم ابد .. الله يعلم انكم اخواني والي يضركم يضرني .. وعمري ماحسيت انه كان بيننا أي فرق
بومشعل: الله يكرم اصلك وانا عمك
سامي: بس الغريب انه ماتكلم ياعادل ولا قال انه حسام دل طريق سماح .. حنا كنا عندكم وتغدينا مع بعض ولا جاب سيره.. وبعدين هذا بلغ ولا حتى قال او استشار .. هذا تصرف من نفسه.. واحنا متفقين انها خطوه مرفوضه .. يعني هو يشيل من المسؤوليه بعد .. ماهو بس سما .. ياخوي هم هددوها فيه ياذونه يعني ذنبها انها حمته وخافت عليه .. ولا كان يبغى انها تموت حتى يبكي عليها والله انه شي يطير العقل .. انا ما اقول انو اختي ما اغلطت .. الا غلطانه انها تصرفت من نفسها وطلعت من غير محد يدري عنها .. وناس غيرنا والله اذبحوها بس الواحد يكون عنده عقل ويفكر بعد
عادل: لو يرد علي بس .. اكيد اني بشرح له كل شي بس والله مادري عنه هو فين ولا ايش قاعد يسوي
بومشعل: اذا تعب من التفكير تلقاه من حاله بيدق عليك
عادل: سالم وفهد وينهم ماشوفهم
سامي: ههههههههههههههه ليه ودك يسمعونك كلمتين بعد
عادل: والله يقولو الي يقولوه حلو على قلبي
بومشعل: سما دزتهم على بيت ام حسام وفيصل راح معاهم بعد
خالد: اعذرنا عاد ياخوي
عادل: لا تعتذر والله اني عاذره
خالد: انت عارف .. محمد متعلق بسما كثير .. هي الي مربيته .. ويحسبها امها
عادل: تستاهل هالمكانه بقلبه والله .. والله اني بخاطري شي
سامي: قول لايردك الا لسان
عادل: ودي اني افحصها اتطمن عليها بس
******************************
بشقة سعود ويحيى
يحيى: هههههههههههههههههههههه
سعود: وانت ايش تضحك عليه
يحيى: اضحك عليك
سعود: وليه شايفني ارجوز
يحيى: لا بس اشوفك تدور على الصوره من جد
سعود: والله باين انها اخذتها
يحيى: اقولك ماصدقتني هي اخذتها
سعود: ماني مصدق
يحيى: رد يقول ماني مصدق.. تتوقع ان الصوره فتحت الباب وطلعت يعني
سعود: لا ما اظن انا متاكد انو الباب كان مقفول ساعتها
يحيى: ههههههههههههههههههههههههه هههههههههه حلوه
سعود: ههههههههههههههههههههههههه هههههه
يحيى: ماقلت لك .. البنت هذي لها علاقه كبيره بالموضوع
سعود: أي موضوع فيهم
يحيى: وليه هم كم موضوع
سعود: خذ عندك .. وجودها ببيت جابر ومحاولته معاها ..
يحيى: ايوا ايوا .. هذا واحد
سعود: خليل وخناقه مع جابر وسؤاله عنها
يحيى: هذا اثنين
سعود: البنت الي كانت بالسياره شبه مخدره
يحيى: هذا ثلاثه
سعود: البضاعه
يحيى: هذا اربعه
سعود: والخامس ياحلو الصوره الي اختفت
يحيى: طيب ليه ربطتها بالبنت الي بسياره يمكن وجود البنت الي بالسياره ماله أي علاقه بالموضوع كله
سعود: ماكانت اخذت الصوره ياحلو
يحيى: صح
سعود: ايش قاعد تعمل .. على مين قاعد تدق
يحيى: على سما
سعود: ايش تبغا منها
يحيى: خمس اجابات على خمس اسأله لسا حضرتك قايلها
سعود: وتظن انها بتقولك الو ايوا يايحيى اجابتي عن السؤال الاولي كذا والثاني كذا .. ياشيخ روح
يحيى: انت مستهين فيني يا سعود
سعود: ماني مستهين فيك عارفك تقدر تسوي الي مايستوي .. بس البنت ماراح تاخذ منها شي ابد
يحيى: بنشوف
سعود: على ايش ناوي
يحيى: انت فاكر انها قالت لاهلها انها كانت هنا البارح
سعود: اكيد لا
يحيى: خلاص حنا عندنا مجموعة صور ولا اروع تخلي ابو الهول ينطق من الخوف
سعود: والله ما اظن
يحيى: وليه التشائم عاد
سعود: ما ادري بس اظن
يحيى: اشششششششش التلفون يدق
**************************
بغرفة نور وساره
سما: ايش ذا
ساره: خير مين داق عليكي
سما: لا لا عادي .. الو متى صار هالشي
يحيى: ايش في شي
سما: متى سجلت اسمك ورقمك بتليفوني
يحيى: وانتي مغمي عليكي .. سما
سما: وعرفت اسمي بعد
يحيى: انا ما ابغي منك شي انتي عارفه هالشي زين .. ولا كنت خليتك عندي اخذ الي ابيه منك وبعدين اتركك .. انا حبيت اسوي بأصلي واتطمن انك بخير .. واهلك مادرو بشي
سما: انا بخير .. وما بنسى وقفتك معاي
يحيى: صوتك يبين انك كنتي تبكين صار شي .. قولي فيكي شي
سما: لا عادي مافي شي
يحيى: عموما انا حبيت اتطمن عليكي بس .. اقول سما
سما: خير
يحيى: ضايعه مني صوره .. مادري الاقيها عندك
سما بخوف: أي صوره
يحيى: اه انا اسف .. بس كأني شفتك تاخذي صوره معاكي وانت قايمه طالعه من عندي
سما: انااااااااا
يحيى: باين انو عندك اصوات .. انا بخليكي الان حتى محد ينتبه عليكي .. اول ماتكملي دقي علي انا استناكي .. سلام
ساره: ايش فيكي .. مين معاكي على الخط
سما: وحده من صاحباتي تبارك على العرس البطاقه لسا واصلتها
منال: وبس ياسما هذا كل الي قاله حسام
سما: ايوا
منال: وليه مادزيتي على هزاع مسج انتو متفقين على هالشي
سما: هددوني فيه بيفضحونه وممكن ياذونه .. هو تركني ومشى على هالموضوع كنت خايف انه سمعته تتأثر.. فكرت فيها قبل لا اطلع والله اني كنت خايفه عليه .. انا مابي يصير عليه شي من ورانا
منال: شوفي انتي صح باشيا كثيره .. انا معاكي بكل شي .. الا انك تطلعي من البيت بهالساعه .. سما انتي وراكي رجال .. وعندك اسم تحافظي عليه
سما: وعندي اخت تنظرب باليوم الف مره على ذنب هي ما ارتكبته شوفي .. هاك شوفي
ساره: يما
منال: ايش هذا
نور: من سوا فيكي كذا
سما: هذا اختي تتعذب .. وانا احس بعذابها.. ينطبع على جسدي .. كل يوم ويوم يزيد ..مافي احد منكم يحس بهالشي غيري.. الالم الي تحس فيه رهيب.. انتو مضايكم اني طلعت ليله ادور عليها .. هي بعيد من 18 سنه شوفو كم ليله هي بعيده
منال: الله يعينك والله ماظنيت انو كذا
سما: ايش تظني اجل .. بنت ومخطوفه سنين .. تظني مدلعينها ولا معيشينها بخير .. لا تجنيني يامنال
منال: لا يعمري بعيد الشر عنك
نور: طيب اهدي بس
ساره: والله مايستاهل دمعه من عيونك يا سما
سما: مين ذا
ساره: هزاع.. اجل انتي تبكي ليه
سما: لا تجيبي سيرته ابد ابد
منال: ما اقدر الومك
ساره: شوفي منال .. انتي اختنا وربيتي معانا .. ولاتزعلي من الي بقوله .. هزاع ذا انا ما احبه ولا يشرفني يرتبط باختي و اذا حصل انه رجع وقال يبيها انا بنفسي بطرده
منال: انا بسويها قبلك
سما: لا .. هذا عم عيالك
ساره: اشوف حنينا
سما: ابد ابد عمري ما احن عليه ولا راح احن له بعد .. عمري.. عمري .. وانا قلتها كلمه خلاص مابيه لو ايش يعمل .. خلاص محد بيغير الي براسي.. تحملت منه كثير .. زودها معاي .. تركني و جرحني واهانني وقالي كلام ما انساه عمري كله .. حملني ذنب حسام الي مادريت عنه .. انا غلطانه الي وثقت فيه.. اكبر غلطات حياتي .. اني صدقته ووثقت فيه .. خلاص كل شي منتهي خلاص .. مابيقدر يرجع غلاته بقلبي ابد ..
منال: يحق لك تكرهيه
سما: ماني طايقه اسمه .. من جد شلته من قلبي وعقلي .. مايستاهل اني اعشقه .. انا سما الراشد .. ماهو انا الي يقول لي وسخه .. انا وسخه انا .. معلش انا رضيت على نفسي المهانه .. بس خلاص .. لحد هنا وكفايه .. يروح يدور على مغفله زيه ترضى فيه وبشخصه .. قال رجال زين قال .. مع الناس كلها الا معاي انا
نور: بس لاننسى انه خايف عليكي وكان بيجن لما..................
سما: لما ايش لما تركني وسافر عني .. لما جا هنا وهد من كرامتي قدام اخواني وقدامكم .. ماكان راضي يسمع مني كلمه واحد .. خلى الشيطان يلعب براسه صدق كلام نفسه من غير مايسمعني .. خليه على ماهو عليه .. هزاع مايهمني ولا راح يهمني خلاص
منال: اهدي انتي بس .. واتركك منه .. بكره ترتبطي بسيده .. يعرف قدرك وقيمتك
ساره: هذي كلمت حق ..الحياه ماوقفت عنده .. هزاع بن محمد
منال: انا ليا كلام ثاني معاه .. ووفقه بعد .. ماني منال .. اذا ماقلت له كلام اكبر من الي قاله لك .. منتي برخيصه ياسما لحتى يرخص بك
سما: يسوي الي يبيه .. انا حياتي ماهي مهمه المهم عندي سماح
نور: طيب غيرو الموضوع وخلوها تسكت .. من رجعت من المستشفى وهي تبكي .. عيونها ما وقفت .. والله خايفه عليها لايجرا لها شي
منال: بعيد الشر انشا الله .. بس ياروحي انسي محد بيغصبك على شي ماتبيه .. اذا على هزاع زي ماقلت لك .. والله ماني منال اذا ما اسويها
ساره: اقولك عاد.. اتركك من سيرة الزفت هذا وقولي لي
سما: ايش
ساره: ايش ناويه تعملي بعرسي .. ولا هزاع نساكي عرسي
سما: انسى روحي ولا انساكم
نور: طيب قولي ايش خططك
سما: نويت اني ما اعزم منال
ساره: منال!! .. اه زوجت عادل اخو هزاع ؟!!
سما: ايوا هي بعينها
ساره: سيبك منها .. ومين قالك اننا بنعزمها .. خليها عنك
منال: اقول انتي وياها .. تراني معزومه غصب عليكم انتو الثنتين .. والبطاقه عندي
ساره: افا .. عاد هذي ما حسبنا حسابها
منال: عاد حسبتو ولا ماحسبتو انا جايه وقاعده على قلوبكم وبشوفكم ايش تعملو
ساره: صدق انك بلشه .. تراه عرسي
منال: وانا ايش علي بيكي .. هذا عرس اخواني .. هو انا بحضر لك
ساره: خلاص روحي عند اخوانك قعدي عندهم
منال: تراني ان عقدت معاهم والله ماتشوفي فهد ليلتها يا ساره
سما: اقول تراها تسويها .. فهد مايمل قعدتها
نور: وسامي بعد؟؟
منال تغيض نور: ايوا ايوا سامي اولهم ايش عندك انتي
نور: اناماعندي شي هم الي مايبونك لا تحطي حرتك بي انا ماقلت شي ..تعالي وحياك الله .. انبسطي وافرحي وتوكلي على الله وروحي بتك وخلي رجلي عندي
ساره: ههههههههههههههههههه يا جبانه تراها تخوفك بس ماعليكي منها
منال: ياربي وانتي ايش يبكيكي الان
سما: سماح ماهي معانا .. كنت زماني فكيتها واحضرت عرس اخوانها
منال: مايصير الا الي الله كاتبه ياسما
سما: والنعم به
******************************
في سيارة هزاع
فواز: اول مره اسمع انك عاشق يا هزاع
هزاع: هه عاشق
فواز: والله مادريت انك متعذب كذا
هزاع: متعذب
فواز: وحب الطفوله بعد
هزاع: ااااااه ياخوي
فواز: سلامتك ياخوي ليه كذا بس
هزاع: لو تعرف كرهي لها الان
فواز: اعذو بالله كره عاد
هزاع: ايوا كره .. انا غلطان الي مشيت ورا قلبي كل هالسنين
فواز: لو تقولي بس هي ايش عامله
هزاع: شي كبير ياخوي .. شي كبير
فواز: ايش خاينتك
هزاع: لا
فواز: لقيتها على علاقات
هزاع: لا
فواز: العبت بمشاعرك
هزاع: لا
فواز: سارقتك
هزاع: لا
فواز: ذابحه احد من هلك
هزاع: ايوا
فواز: من جدك انت
هزاع: ايوا من جدي
فواز: ذابحه ذابحه
هزاع: تسببت بوفاة واحد غالي علي
فواز: تسببت يعني ماتقصد
هزاع: قال ماتقصد قال
فواز: يا خوي هالواحد ذا ما مات الا بيومه وهي اذا تسببت بوفاته ربك كاتب هالشي.. هي ماتقصد .. في احد يتسبب بذبح ادمي عن عمد يعني
هزاع: لا طبعا
فواز: خلاص اجل ليه تحملها شي هي مالها ذنب فيه
هزاع: لانها تصرفت من نفسها
فواز: اكيد فيه ظروف حدتها ياهزاع
هزاع: كانت تقول .. هي على قوتها فاكره انها ممكن تمشي الكون .. لا .. لازم تعرف انو وراها رجال
فواز: ياخوي كلامك ماهو مرتب.. ولا عارف هي ايش عملت حتى اتكلم معاك .. و اقولك هي صح ولا غلط
هزاع: صدقني الاحسن انك ماتعرف
فواز: طيب غير الموضوع
هزاع: احسن بعد
فواز: ايش اخر صفقاتك
هزاع: كنت افكر لها في مشروع وصيت الموظفين عندي يكملو اجرائاته .. كنت ابي افاجأها .. كنت ابيها تنشغل وتنسى همها .. وتركز قوتها في شغل يفيدها
فواز: ذكيه لهالدرجه
هزاع: فوق ماتتخيل
فواز: يعني تقدر على التجاره
هزاع: تقدر
فواز: هي مشاكلها كبيره كذا
هزاع: مشاكل الي حولها
فواز: مثل مين يعني
هزاع: اخوانها .. بالاخص اختها
فواز: افهم من كذا انها مشاكل تحتاج قرار
هزاع: ايوا تحتاج لعقل وحكمه .. موتهور وتسرع زي ماهي تعمل
فواز: لقت البديل وقالت لا
هزاع: يعني ايش
فواز: يعني لو لقت بدل المشاكل هذي راحه .. ماكانت اصدرت أي قرار.. ولو كانت لاقيه الامان .. ماكانت تدور على الخوف..
ولو كانت لاقيه السعاده .. ماكنت تدور على التعاسه .. لو كانت لاقيه معاك روحها .. ابد ماترخص فيك
هزاع: يعني ايش
فواز: انت سمعت لها
هزاع: لا
فواز: ماقعدت معاها وسمعت دفاعها عن نفسها
هزاع: لا
فواز: الا بسألك انت مجنون
هزاع: صون لسانك يا فواز ماني قاصر
فواز: والله من صدقي
هزاع: ماني قاصر قلت
فواز: كيف قررت انك تتركها كذا .. انت ماسمعتها .. كيف تتهمها.. يا اخي الي تسويه هذا مايجوز.. بحياتك سمعت عن واحد احكمو عليه بالاعدام من غير مايفهمو منه ايش صار معاه
هزاع: ...........................
فواز: جاوبني .. حكمت وقررت وانت ماعرفت منها ايش صار .. وتتهمها بالتهور والتسرع .. والي انت قاعد تعمله هذا ايش .. ماهو تهور ماهو تسرع
هزاع: لا
فواز: ايش لا .. انت قاعد تعاند نفسك او هذا الشيطان يلعب براسك .. اقول تعوذ من بليس بس واستهدى بالله .. وقوم اعرف ايش حاصل معاها وبعدبت تعال قرر
هزاع: مايحتاج انا متأكد
فواز: خلك على منت عليه .. وبكره تجي بحال اتعس من كذا
هزاع: مستحيل
فواز: انا اول مره اشوفك كذا.. يا هزاع ايش صاير لك .. منت هزاع الي اعرفه
هزاع: طيرت عقلي
فواز: هذا معناه انك لازلت تحبها
هزاع: لا
فواز: يا اخي لسانك يقول الي يبيه .. بس قلبك لساته يحبها .. وانا اخوك ماهو ضروري اعرف ايش صاير بينك وبينها .. بس واضح انك متسرع .. يا خوي فكر .. ترا الحرمه الي تعيش بهم طول عمرها تحاول تطلع منه باي طريقه تتوفر قدامها.. مافي وحده تدور على المشاكل وتجيبها لنفسها
هزاع: يا ربي نفسي اقعد مع احد مايدافع عنها.. الي يعرفها والي مايعرفها .. يدافع عنها
فواز: هذا المنطق ياخوي .. هذا العقل الي انت بنفسك تدور عليه
هزاع: حتى لو بغيت اكلمها .. ما راح ترضى
فواز: وليه عاد حاول
هزاع: الي سمعتها ياه .. ماحد يقدر يستحمله
فواز: عاد هذي غلطتك
هزاع: لا لا لا ماراح انزل نفسي لها ابد .. انا هزاع بن محمد
فواز: وهي من الشارع يعني
هزاع: فوااااااااااااااااااااااا اااااز .. اياك تتكلم عنها كذا
فواز: انا ما تكلمت انا ارد عليك .. انت هزاع بن محمد.. وهي بعد بنت ابوها
هزاع: لا تحنن قلبي عليها
فواز: والله انا قايل لك من البدايه انت تحبها منت محتاج احد يحنن قلبك عليها
هزاع: ما اقدر انسى الي سوته .. موت حسام جنني
فواز: مين حسام .. حارسك الشخصي؟
هزاع: ايوا
فواز: مات؟!!
هزاع: ايوا
فواز: متى!!!!
هزاع: امس باليل
فواز: لا حول ولا قوة الا بالله .. عضم الله اجرك
هزاع: اجرنا واجرك .. انحرق قلبي عليه ياخوي
فواز: يومه وانا اخوك
هزاع: بيذبحني الذنب
فواز: تعوذ من ابليس يا هزاع ايش قاعد تقول .. هذي كتبت الله .. بتعترض على كتبت الله بعد
هزاع: استغفر الله .. طيرت عقلي هالبنت
فواز: والله ودي اشوف هالبنت الي طيرت عقل هزاع بن محمد
هزاع: ايش تقصد
فواز: ايش فيك غرت كذا من شوي تكرهها .. ايش فيك الان فزعت كذا
هزاع: ولو هذي بنت عمتي
فواز: ايوا .. ايوا.. بنت عمتي وحبيبة قلبي بعد
هزاع: وبعدين معاك
فواز: وبعدين معاك انت
هزاع: طيب غير الموضوع
فواز: طيب .. قولي يابو محمد
هزاع: ااااااااااااه تمنيت محمد منها .. تربيه زي ماربت اخوانها
فواز: تربيتها حلوه
هزاع: تربيتها سنعه
فواز: اخوانها يحبونها
هزاع: ابد ماشفتهم زعلانين منها بعمري مشفتهم على خلاف مع بعض.. طول عمرهم وهم متفقين .. تمنيت عيالي يكونو كذا
فواز: هي اكبرهم
هزاع: عندها اخ واحد اكبر منها والباقي اصغر
فواز: بعني وحده عدله
هزاع: هي السنع والعدال والدلال و الطيبه والحنان .. والعناد وهالراس الي ودي اكسره لها
فواز: ياعيني على الكره .. ايوا سمعني
هزاع: بس ولو ..هي كسرت كلامي وطلعت من غير شوري .. وكانت سبب في وفاة حسام
فواز: يوووووووووووووووووووووووه نعيد هالكلام ثاني
هزاع: خلاص خلاص .. غير الموضوع
فواز: نغير الموضوع .. امس وانا بالمجمع شفت لك وحده يا عمررررررررررررررررررري عليها ياخوي.. عليها عيون تذبح نظرتها سحرتني
هزاع: ان بغيت العيون فهي عيونها .. وان بغيت تموت ناظر عيونها
فواز: ههههههههههههههههههههههههه ههههههه والله اني عارف انك راح تجيب طاريها .. قال نغير الموضوع قال .. يا حبيبي البنت ملكتك خلاص .. عقلك وقلبك معاها .. قوم اقول قوم.. روح شوف لك صرفه رجعها قبل لا تطير منك من جد هالمره
هزاع: لا خلاص موضوعها منتهي
فواز: يعني ايش
هزاع: يمكن اني احبها بس مقدر اتقبل تصرفاتها .. اسلوبها مايعجبني .. لازم افكر الف مره قبل أي خطوه اخطيها معاها
فواز: تزوجها
هزاع: الا هذي .. زواج لا
|