[لامارا]

البارت الثالث




في بيت ابو خالد

بعد شهر

صحت الصبح وهي تحس انها مو طايقه نفسها و كبدها لايعة عليها و الدوخة تروح وتجي ...... دخلت الحمام تاخذ شاور لبست جلابية لونها اسود تدل على الحالة اللي هي فيها نزلت تحت لقت ام خالد تتقهوى صبحت عليها و باست راسها قعدت معاها شوي بعدين استاذنت و راحت فوق تريح ....وصلت جناحها تمددت على السرير و هي تحس بمغص في بطنها تمت على هالحال ساعتين حبت تتصل في خالد بس تليفونه مغلوق بدت تحس ان المغص يزيد وماهي قادرة تتحمل وبدت تان و تبكي من الالم ماهي قادرة تتحمل





خالد

كمل الشغل اللي عليه و قرر يرجع البيت يرتاح شوي ....ركن سيارته دخل سلم على امه و استغرب ان نور مو معاها لان بالعادة تكون معاها بس ما اهتم كثير .....طلع جناحه و هو يفكر ....دخل و قفل باب الجناح وراه و هويسمع انين جاي من غرفة النوم انفجع و راح جري لقى نور تتلوى على السرير و هي تبكي من الالم .. راح لها و هو يحتضنها بخوف من انه يفقدها
قال بخوف : حبيبتي شنو فيك
قالت بالم وهي تبكي : ااااه خالد ماني قادرة اتحمل الم مو طبيعي
رد : نور قومي بوديك للمستش....
قطعت كلامه و هي تدفعه بكل قوتها وتجري على الحمام انحنت و هي تستفرغ بكل قوتها حتى صار وجهها احمر و خالد سانها وماسكها من خصرها كملت سندهاعلى صدره (ظهرها على صدره) مسح دموعها اللي نزلو من الالم حس بالم بقلبه و هو يشوف حبيبته ودنيته تتالم وهو موعارف شنو فيها كان ممكن يعرف لانه دكتور بس لانه مرتبك ويشوف اعز الناس ليه في موقف كذا ما عرف شنو يسوي
حملها وهي تقريبا مغمى عليها ومو حاسة بشي و لبسها عبايتها بسرعة وغطاها نزل تحت ام خالد انفجعت و هي تصارخ عليه:يمه خالد شنو فيها نور
ردبسرعة وهو يتخطاها للباب : مدري يمه مدري بس تستفرغ وتعبانة كثير
ردت :الله يقومها بالسلامة
خرج جري مددها على الرتية الخلفيه و راح للمستشفى




بعد ساعة دخل عليها وهي نايمة بعد المهدئ اللي عطوها ياه مسح على شعرها بهدوء و هو يشوف ووجهها الاصفر رغم التعب اللي يكسيه بي ما اختفت منه معالم الجمال العربي
انتبه لها وهي تفتح عيونها بشويش مسك ايدها الخالية من امغذي وهو يمسح عليها .... قالت بهمس ابي ماي
صب لها كاس ماي و مده لها و هو يبتسم في وجهها الحمدلله على سلامتك حبيبتي
ردت بتعب الله يسلمك ..... شنو فيني
رد بفرح و هو يمسح على بطنها بتصيرين ام و انا بصير اب ...حبيبتي نور انتي حامل

ردت و هي فرحانة و تمسح على بطنها : يعني هنا في بيبي
قال لها وهو يضحك على حركاتها الطفولية : ايه حبيبتي و احلى بيبي بعد لانك انتي امه
ردت و دموع الفرح في عيونها : الحمد لله يا رب
وقف وباس راسها و قال: حبيبتي ببشر الاهل انك حامل ......
.... في المساء بع ما خرجو من المستشفي و خبروا اهلهم جات امها و ابوها و اخواتها البيت و انواع التبريكات و التهاني
ام خالد وهي تحضنها : مبروك يمه الله يكمل لكم بالخير ان شاء الله
نور: الله يبارك فيك خالتي
ام نور: مبروك حبيبتي
نور : الله يبارك فيك
ام نور: لازم تهتمي بصحتك واكلك و ماتحملي اشياء ثقيلة ووووو
نور :ان شاء الله يمه


خالد: السموحه بس الدكتورة ملزمه عليها ترتاح ... يالله نور
مسكها من خصرها و صعدها الدرج بشويش و هي منحرجه منهم ومن حركات خالد بس ما تقدر تسوي شيء لانها تعبانة وماهي قادرة تصعد الدرج وحدها


و الكل كان يدعي ربي يوفقهم و يسعدهم

لندن


في مكان مقرف تتعالى فيه اصوات الغناء و يتواجد به شباب سكرانين و فتيات ملابسهم تظهر اجسادهم اكثر مما تستر جالس مع صديقه: ابي انام مع البنت اللي لابسه احمر
رد صديقه : طلال انت تعرف ان سندي ماتحب الا جون و مستحيل تنام معاك
طلال: وبعدين معاك قلت لك ابيها شوف يا سيف اعطيك اللي تبي بس تجيب لي ياها
سيف: مادري اذا اقدر او لا بحاول





طلال ابن عمة اميرة 23 سنة شاب مغازلجي درجة اولى و خبيث ...اصر على ابوه انه يدرس في الخارج مو قضية دراسة بس عشان يسوي اللي يبي دون رقابة اهله له و يسوي المحرمات و ما همه من احد

سيف 23 صديق طلال مثله في كل شي











انتهى البارت

و اذا فيه تشجيع بيكون فيه بارت اليوم و اكبر من هذا البارت ان شاء الله و اي ملاحظات اكتبوها لان ارائكم تهمني