[ندىk.s.a]

((الجزء الثاني))

هل بقى للحب معنى..يوم نور الهجر ساطع
خابت امالي في بعده وأغرقت فيني الدموع

جزت كل أمل عمري ومثل ماني جزت راجع
يوم أفكر في فتاة تنتظر من الرجوع

في ملامحها سوالف ظيم..آلام..ومواجع
في يديها أوراق تشكي ماضي وحاضر يلوع

صوتها المبحوح يوجع..لا رخيتله المسامع
همسها للقلب شعر ترتجف لامنه الضلوع

جيتها..كلي محنة فالخفوق بحب راجع
جيتها اسابق خطاتي كل همي بالرجوع

جيتها باحساس صادق...جيتها والشوق دافع
في يدي شمعة هوانا..وانتظر تضوئ الشموع

وأشعلت للحب شمعة نورت كل الشوارع
ماإنتظرنا لو للحظه شمس تستهوي الطلوع

التقيت الحب لذه..شئ فاتن حيل رائع
واستجدت كل أمالي على ضي الشموع




نشوف عصافير الحب اللي كل واحد فيهم فبلد ويعاني الشوق وعذاب الحب واللهفه هذولي سعود وديمه من 5سنين الشوق ذابحهم وصابرين على أمل انهم فيوم من الايام راح يكونون لبعض لانو كل العائله عارفين بقصة حبهم لبعض.....

بعد شهر من الاحداث اللي صارت بدت الامتحانات النهائيه وكل بيوت السعوديه بحاله طوارئ ودراسه وهواش يعني الدنيا قايمه قاعده....

فبيت أبو سعود الساعه3الفجر سارا تدرس لانو عليها فيزياء ومانامت ولا دقيقه دقت عليها ريم

سارا:هلا ريم كيف الفيزياء
ريم:والله مانمت ولا دقيقه مو قادره أحس نفسي مادرست طفشت
سارا:افف حتى أنا ماحس نفسي مادرست ولا حتى نمت الله يستر انا الترم الاول بالدف نجحت(بصعوبه)اخاف ارسب والله لأنجن
ريم:الله لايقولها انتي ادرسي وركزي وان شالله بتنجحين كلمتي ندى
سارا:اي كلمتها قبل نص ساعه وقالت بتنام مو قادره تركز من النوم وقالتلي اصحيها بعد ساعه
ريم:الله يستر يلا روحي ادرسي وركزي يالمهندسه ولاتنسين تصحين ندى تدرس
سارا:ان شالله بدرس والله يوفقنا وش دعوى انساها بصحيها عشان كمان فيصل نايم عشان تقوم تصحيه ويدرسون يلا باي
ريم:باي

سكرت سارا من ريم وقعدت تدرس وعلى الساعه 4دقت على ندى عشان تصحيها ردت ندى وصوتها كله نوم:الوو
سارا:وش هالصوت يخرع يلا قومي ادرسي وصحي فيصل
ندى:طيب
سارا:اعرفك الحين ترجعين تنامين قومي غسلي وجهك وانا معاك على الخط
ندى:لا ماراح ارجع انام
سارا:مالي دخل الحين تغسلين وجهك
راحت ندى تغسل وجهها وسارا معاها على الخط:خلاص غسلت وجهي باي بروح ادرس
سارا:لاتنسين تصحين فيصل مسكين
ندى:يوووه كويس ذكرتيني كنت ناسيه
سارا:الحمدالله يلا روحي صحيه وادرسي كويس
ندى:طيب يلا باي

سكرت ندى السماعه وراحت تصحي فيصل ولقته صاحي وقاعد يدرس الساعه 7الصباح راحوا كلهم المدرسه وكان اختبار فيصل صعب ماسوا كويس فيه أما سارا وندى كان الاختبار مررا سهل الحمدالله وضمنوا النجاح باقي يوم واحد وتخلص الدراسه وتبدى اجازة الصيف اللي كل الطلاب والموظفين يستنونها بفارغ الصبر......

في مدينة لندن الساعه9الصباح...

راشد:يلا سعود قوم وراك جامعه ترا بروح وأخليك
سعود:لسى بدري كم الساعه
راشد:الساعه 11ياطويل العمر
أول ماسمع سعود كم الساعه نقز(نط)من السرير وراح الحمام وأول ماطلع راح شاف الساعه لقاها 10إلا ربع صرخ بأعلى صوته راشـــــــــــــــد والله لأوريك وركض يدوره ولقاه بالمطبخ مع هند زوجته..
هند:وش فيك سعود تصارخ؟
سعود:ماتسألين زوجك الحمارقال الساعه11خلاني انقز من السرير لو جتني جلطه
راشد:ياليت وأفتك منك عشان تعرف مرا ثانيه ماتصحى بسرعه يلا قدامي روح البس خلينا نروح الجامعه
سعود:والله انا حر متى مابغيت اروح بروح والحين بروح أكلم حبيبة قلبي ديمه وهذا اللي خلاني انقز من السرير ويطلع لسانه
راشد:هين يا سعودوه انا اراويك
وراح سعود يكلم ديمه بس قبل خليني اعرفكم على اسرة لندن راشد شاب كويتي عايش بالسعوديه طول عمره واول ماخلص مدرسه تزوج هند بنت عمه وراح هو وياها يدرسون بلندن وكان صديق سعود من ايام المدرسه ولما عرف راشد ان سعود بيجي يدرس بلندن حلف عليه انه يسكن عنده بالشقه مع زوجته بالبدايه عارض سعود عشان هند تاخذ راحتها بس هند قالته انا عن نفسي عادي اقعد طول الوقت وانا حاطه الحجاب مافيها شئ بعدين الشقه كبيره يعني لك تقريبا قسم صغير لحالك لما شاف سعود الشقه وافق انه يسكن معاهم هذا حالهم صارلهم خمس سنين عايشين كذا حملت هند مرتين بس ماكتب لها ربي وطاح الجنين وأجلت فكرة الحمل الين ترجع السعوديه عشان الجامعه والتعب.......
نرجع لاحداث القصه مع سعود وديمه...

سعود:هلا حبيبتي
ديمه:هلا سعود
سعود:الله يالدنيا سعود حاف من غير حبيبي حياتي
ديمه:وش نسوي
سعود:ديمه عسى ماشر وش فيك صوتك مو عاجبني؟
ديمه:ابد الشر مايجيك متى ناوي ترجع السعوديه؟
سعود:اها كذا السالفه اشتقتيلي وانا بعد والله العظيم اشتقتلك هانت باقي ترم يعني 6شهور مع اجازة الصيف وتشوفيني ان شالله عندك بالسعوديه
ديمه:اها الله يردك بالسلامه
سعود:لا لا لا انتي مو ديمه حبيبتي فيك شئ قولي لاتخبين انا سعودي حبيبك
ديمه:سعود خلينا اصدقاء وعيال عم احسن
سعود:ديمه وش قصدك مافهمت
ديمه:شوف الصراحه وبدون لف ودوران انا مليت من الانتظار وفي واحد تقدم لخطبتي وانا وافقت هذي السالفه وياليت تنسى اللي بيننا
سعود من الصدمه ماقدر يقول ولا شئ وبالصعوبه طلعت منه كلمه وحده:بـــاي
وقف سعود محله مو قادر يتحرك ومسك الجوال ورماه بأقوى ماعنده وصرخ لاديـــــمه
وبهذا الوقت كانت هند بالمطبخ تسوي الفطور وراشد بالغرفه يلبس أول ماسمعوا الصرخه كلهم ركضوا جهة غرفه سعود وكان الباب شبه مفتوح ودخلوا كان خالد جالس على الكنبه ومخبي راسه بين يدينه وساكت ودموعه تنزل بهدوء راشد قرب منه وقال:سعود وش فيك
هند وهي خايفه:سعود ديمه صارلها شئ فيها شئ؟!!
سعود:محد صارلوا شئ لا تخافون
هند:اجل ليش هالدموع تنزل اكيد لها سبب
سكت سعود وناظر راشد ونزل عيونهة بالارض..
هند:اجل انا بطلع وانت خذ راحتك مع راشد وتكلموا,,,
وجت تمشي هند مسك سعود يدها وقالها وقعدها على السرير:اقعدي ياهند انتي مو غريبه عشان اخبي عليك بس السالفه ومافيها ان ديمه تقدم لخطبتها واحد وهي وافقت وقالت خلينا عيال عم احسن وانا حاس ان صارلها شهر مو على بعضها بس قلت يمكن تعبانه الاختبارات طلعتلها الف عذر بس اليوم بان العذر الحقيقي بس هذي مو ديمه اللي اعرفها اذا جا بالليل ادق عليها واشوف سالفتها,,,
وقعد سعود يناظر هند وراشد ولقى الف سؤال سؤال على وجههم وأهم شئ ليش انا هادي كذا وما انفعلت,,,كمل سعود كلامه:انا عارف انكم تسألون نفسكم ليش انا هادي بس وش تبوني اسوي اركب أول طياره واروح السعوديه وأذبحها وش اسوي اللي اقدر عليه سويته ونزلت دمعه من عيون سعود وهذي الدمعه كانت بدايه لسيل كبير من الدموع وبين هالدموع كان سعود يكمل كلامه انا حبيتها وربي شاهد على كلامي عمري ماخنتها مع وحده وانتم عارفين اني لو بغيت اخونها خنتها خصوصا وانا هنا ومغترب يعني اقدر اسوي اللي انا ابيه راشد هند ذكروني انا قد خنتها ذكروني يمكن نسيت ليش سوت كذا يعني بس هي اللي طفشت حتى انا طفشت وانا كذا بعيد عن أهلي بعيد عن حبيبة قلبي وأقطع يدي ان ماكانت تعرف هالحيوان قبل الزواج انا عارف ديمه زين طول عمرها تقول اكره الزواج التقليدي نفسي بواحد يحبني واحبه بس ليش ياديمه ليـــــــــــش واختفى صوته من الدموع...
راشد:اذكر الله وتعوذ من ابليس,ويكلم هند الله يعافيك روحي جيبيله كاس ماي وانت ياسعود لا تسوي بنفسك كذا اذا جا الليل ان شالله دق عليها وافهم السالفه كلها بس من غير تهور
جت هند ومعاها الكاس:هاك تفضل ترا الدنيا ماتسوى وانا الحين اطلع واجيبلك احلى جوال كم سعودي عندنا بس انت اضحك
راشد:حلفي عاد كم سعودي عندنا ترا انا زوجك مو هو
هند:عارفه انك زوجي بس هذا حبيبي أخوي
راشد:لا حبيبتي تراي أغار وزعلت
هند:عادي اضرب راسك بالطوفه
راشد:شفت استاذ سعود تهاوشنا انا وزوجتي عشانك تفضل عاد مين ي****ها
سعود:عادي هند ترضى بسرعه ماتقدر على زعلك وانت عارف كيف ت****ها خبير بهالخرابيط
راح راشد عند هند وباسها على خدها ومارضت ولفت راسها راح وباسها مرا ثانيه ومارضت قال:ترا والله ان مارضيتي لأسوي اكثر من كذا
سعود:لا الله يعافيكم مو بغرفيتي اطلعوا برا وسوي اللي تبي
هند:لا خلاص انا رضيت بس عشان سعودي وتطلع لسانها لراشد
وابتسم سعود بين قهره وألمه
راشد:الله لايحرمني من هالابتسامه وانا الليله اوديك لمحل تنسى ديمه واللي جابها واوريك بنات يذوبون الصخر
مشت هند ناحيه راشد ومسكت اذنه بقوووه:نعم استاذ راشد وش قلت ماسمعت
راشد:اي اي هدي(اتركي)اذني عورتيني خلاص مو رايحين محل هديني
وتركته هند:اشوا علبالي
سعود:لا تخافين يأم سعود اصلا انا ماحب اروح هذي الاماكن رحتها أول سنه جيت فيها وبعدين حرمت ادخلها,انا بطلع تبون اجيب شئ من برا
راشد:والجامعه ولا نسيتها
سعود:معليش روح انت وهند وانا بكرا بروح
راشد:زين بس انتبه لنفسك
سعود ناظره بنظره تراي فاهم وش تقصد بس رد:لاتخاف انا قدها مافي وحده تهز فيني شعره وطلع من الغرفه ومن الشقه نفسها وراح يمشي بشوارع لندن ويتذكر كل موقف حصله مع ديمه والدموع تنزل غصب عنه

راشد:يلا هند ماودك نروح ترانا تأخرنا
هند:يلا بس ضايق صدري على سعود وخايفه عليه
راشد:لا تخافين سعود قدها وان شالله ماراح يصير فيه شئ
وبكذا انتهى الكلام اللي بين راشد وهند وراحوا الجامعه لانهم تأخروا


نرجع للبلاد الطاهره السعوديه.....

سلطان:بس خلاص انا قررت
سارا:خير ان شالله وش طلع معاك ياعبقرينو
سلطان:بروح اخطب نوره
سارا:هههههه نعم وش قلت
سلطان:والله صدق مااستهبل بخطبها واللي يصير يصير
سارا:طيب واذا رفضتك وش بتسوي
سلطان:اصلا انا بسألها قبل ماراروح اخطبها
سارا:وكيف بتسألها؟؟!!
سلطان:طيب بقولك كيف بس لا تهاوشيني برسلها مسج وأسألها وانا اصلا عندي رقمها بعد هذيك المرا اللي كلمتها فيها وبشوف اذا رفضت الله يعوضني واذا وافقت بكون اسعد انسان بالدنيا
سارا:الله يوفقك ان شالله بس شوف اذا وافقت ترا بحضر زواجك بأي طريقه
سلطان:اكيد اجل انا اتزوج وسوسو ماتحضر زواجي عقبالك يااارب
سارا:ههه ان شالله ها وين بتسافر هذي السنه
سلطان:والله مدري بس شكلي بسافر مع فهد اسبانيا
سارا:ياي احنا يمكن نروح اسبانيا حتى ندى يمكن تجي
سلطان:خلاص اجل اشوفكم هناك هههههه
سارا:تصدق احنا غريبين صارلنا 3سنين اصدقاء وماقد شفنا بعض ولاحتى كلمنا بعض بالتليفون
سلطان:والله انا ارتحتلك بدون ماشوفك أو اسمع صوتك بس اذا رحنا اسبانيا بشوفك بعدين انا مو من الشباب اللي اهم شئ يشوف البنت
سارا:خلاص وعد اذا رحنا اسبانيا بقولك عشان اشوفك بس متى بتسافر؟انا بسافر السبوع الجاي
سلطان:بعد 10أيام ان شالله
سارا:يلا انا بطلع بروح السوق مع ندى تعرف اسبانيا لازم نترتب
سلطان:سارا بسأل سؤال بس لاتفهمين غلط انتي محجبه
سارا:هههههههههههههههه لا مو محجبه بس ان شالله الله يهديني
سلطان:طيب يلا باي روحي اشتري ملابس وحتى انا بروح اشتري مافي احد احسن من احد
سارا:طيب لاتنسى اذا سألت نوره قولي فاهم
سلطان:ان شالله وعقبال ما اشوف قلبك مولع بالحب
سارا:ههههههههه ان شالله
سلطان:الله الله شكله في احد بقلبك ميــن؟
سارا:اقول اروح مع ندى اصرف من السواليف معاك
سلطان:اطلعي بس ترا مرا ثانيه ماراح اخليك تطلعين الين تقوليلي مين باي يالعاشقه


في بيت ابو عمر(ابو ديمه)

ديمه:اي حياتي قلتله
وليد:طيب وش قال اكيد صرخ وهاوش
ديمه:تصدق لو قلتلك ان ماقال ولا كلمه غير باي
وليد:مسكين من الصدمه طيب ماقلتيله انك كنتي تعرفيني
ديمه:لا شوي شوي اخاف يجيه شئ وانا السبب
وليد:متى ناويه تقوليله كل شئ
ديمه:بعدين اذا هدت اعصابه يلا حياتي بروح انام
وليد:نو العوافي ياعمري

نقول سالفة وليد وديمه....
وليد عمره 25موظف بأحد شركات السعوديه مستواه المادي أقل من مستوى ديمه بس الحب اقوى من كل شئ اتعرف عليها قبل شهرين بأحد شوارع الرياض سوت ديمه حادث وكان وليد السبب نزلت ديمه تشوف السياره ونزل وليد وخلصوا الموضوع بدون شرطه وخرابيط وأخذت رقم جواله بحجة انه يصلح اللي خرب بالسياره وبكذا بدت قصة حبهم وديمه قالت لوليد عن قصتها مع سعود بس طبعا قدر يلعب عليها وينسيها سعود واللي جابه وتقدم لخطبتها بس أبو ديمه رفض لانه عارف ان سعود يبيها واذا رجع بيتقدم لخطبتها بس وليد مايأس وبيتقدملها مرا ثانيه لانه يحبها وعنده أمل انه ينسيها حبها لسعود......


في لندن الساعه 12بعد منتصف الليل....
هند:انا قايلتلك انه فيه شئ بس ماصدقتني شف الساعه كم
راشد:ياهند سعود متضايق ومايبي يرجع وهو بنفس الحاله اذا ارتاح بيرجع
هند:لا ياراشد انا مو مطمنه انا حاسه في شئ


في احد شوارع لندن كان سعود يمشي دق على جوال ديمه من غير مايشوف الساعه كم بس ماردت دق مرا ثانيه وردت وهي مالها نفس...
ديمه:هلا سعود بغيت شئ
سعود:بغيت شئ واحد ليش سويتي فيني كذا انا قد أذيتك مرا خنتك انا دست عالجمر عشانك سويت المستحيل بس عشانك تغربت عن اهلي عن ديرتي بس عشانك وانتي بكل سهوله تقوليلي وافقت اني اتزوجه من هذا مين يكون شلون عرفتيه شلون نساك الحب اللي بيننا شلـــــــــــون
ديمه:خلصت انا اقولك ليش لانك انت السبب وش متوقع مني اسوي وانت بعيد عني 5سنين مادري وش تسوي؟ مع مين قاعد؟مع مين تنام؟وش تاكل وش تشرب؟تخوني مع وحده ولا لأ؟وليد نساني حبك وليد كان جمبي طول الوقت نساني العذاب اللي كنت عايشته معاك انا ما أنكر اني حبيتك بكل جوارحي كنت مستعده استناك طول عمري بس ماقدرت اشوف الشفقه بعيون الناس علي لاني قاعده استناك وانا مو لازم ادورلك مبررات خلاص ياسعود انساني خلاص عافك الخاطر...
سعود:بكل سهوله تقولينها وين الحب اللي كان بيننا خلاص تبخر ماتوقعتها منك ياديمه ماتوقعتها منك ياحبيبتي الغاليه ياللي كنت اتمناك أم عيالي
ديمه:خلاص انساني ياسعود انسى ديمه حبيبتك انا بنت عمك وبس مع السلامه وسكرت من غير ماتسمع اي رد
سعود سكر من ديمه ومو عارف وش يسوي الدنيا قاعده تدور فيه معقوله ديمه تسوي كذا ااه يالدنيا ومن غير شعور راح لأول دسكو(ملهى ليلي) وراح عند البار وطلبله مشروب وسكي وشرب وشرب الين وصل لدرجة السكرويشوف البنات قدامه يرقصون لابسين ملابس بس كانهم مو لابسين وطلع على الساعه 3 الفجر وراح الشقه لانه ماكان بعيد عن الشقه وأول مادخل لقى راشد قاعد على الكنبه وهند نايمه على رجل راشد وكان باين عليهم التعب أول ماشاف راشد سعود قام وقوم هند ونست انها بدون حجاب
راشد:وينك ياسعود خوفتنا
سعود وهو سكران:مالكم دخل فيني انا حر كبير
هند:سعود انت وين كنت؟؟
سعود:اقولكم مالكم دخل وقعد على الكنبه
راشد:هند روحي جيبي كاس ماي كبير بارد
راحت هند جابت كاس الماي ومسك راشد الكاس ورمى الماي على سعود لدرجه انتفض من محله
سعود وهو معصب:كسر يدك ان شالله
راشد:سعود اصحى تراك سكران
سعود وبدى يصحى من المويه البارده:خلني سكران مابي اصحى انا مبسوط ابي انسى
راشد:مايسوى تسوي بنفسك كذا انت شربت الحرام ليش سويت كذا
سعود وهو على وشك الانهيار:وديمه ليش سوت فيني كذا مو حرام عليها ليييييش تقول اني اخونها اني انام مع البنات وتقول ان وليد بينسيها حبها لي حراااااااااام ليش ياديمه ليش وراح صوته بين الدموع
راشد:افا ياسعود مافي رجال يصيح انت قدها
سعود وهو معصب ويبكي:ليش مافي رجال يصيح مو انسان عنده احساس ولا جبل مافي احساس انا انسان من دم ولحم والله لو جبل انهد انا انســـــــــــــــــــان
هند:طيب انت هدي الحين واذكر ربك وروح ارتاح وان شالله ماراح يصير إلا اللي كاتبه ربك
سعود:اه اه ونعم بالله بروح ارتاح يمكن انام وما أصحى
هند:بسم الله عليك ان شالله عدوينك واللي يكرهونك يلا قوم ارتاح
وقام سعود بس ماقدر وطاح من جديد جا راشد ومسكه من يده وصله لغرفته وسدحه على السرير وترك الباب مفتوح وطلع وراح هو وهند غرفتهم وترك الباب مفتوح عشان اذا احتاج شئ سعود..

الحمدالله انتهت الليله على خير .....

صباح جديد الشمس تشرق على انحاء المملكه العربيه السعوديه كل شخص يتفائل بهذه الشمس المشرقه,,تصحى من نومها والابتسامه على وجهها تروح للحمام عشان تغسل وتصلي الظهر لانه اذن من زمان وهي نايمه خلصت صلاة فتحت جوالها لقت مسجين الاول كان من رقم غريب ومكتوب فيه(ايه احبك هذا حظي اللي انكتب ودربي اللي امشيه وادريبه تعب.....ايه احبك وانت بعيوني سهر وانت وسط القلب حرات وقهر)
والمسج الثانيه(صبرت وطال صبري وانتظاري حرام الليل ماقارب جفوني وانت للأسف منتب بداري,,,,انا سلطان نوره لو تقدمت لخطبتك توافقين؟؟)
ابتسمت نوره وقرت الرساله يمكن3مرات معقوله صدق يحبني وبيتزوجني اخ ياسلطان لما خليتني افكر صدق اكتشفت اني ظالمه نفسي لانو مو كل الناس زي خالد وبدور بس والله اني احبك ياسلطان احــــــــــــــــبك ابتسمت وراسلت مسج
(ياغايتي ماعاد فيني اخبي ...حبـــــــــــــــك تعدى حدود نفس كتومه.....مابيك تسأل عن مقادير حبي....بكره مع الايام تطلع علومه)
سلطان كان طالع يفطر مع فهد وأول ما وصله المسج وقراه قام من محله فجأة وصرخ:وافقت اخيرا نوره وافقت,سلطان نسى انه بمكان عام والناس قاموا يطالعون فيه
فهد:سلطان فشلتنا اجلس انت بالمطعم مو بالبيت
سلطان والفرحه مو سايعته:اقولك نوره وافقت تتزوجني ماصدق اكيد احلم فهد امسك اقرى المسج يمكن احلم,وعطى فهد الجوال وقراه
فهد:لا تطمن ماتحلم وافقت بس متى ناوي تروحلها
سلطان:الليله ان شالله انا عندها والحين بدق على ابوي واقوله
فهد:اثقل شوي اليوم قول لاهلك وبكرا ان شالله تروحون تخطبونها
سلطان:الحمدالله يارب والله مو مصدق انها وافقت بعد صبر سنتين صارت نوره لي انا وبس
فهد:الحمدالله شوف على هالخبر بدق على العيال وأقولهم العشا على سلطان واختاروا المطعم اللي تبونه
سلطان:تدللوا المطعم اللي تبونه وان بغيتوا اغلى مطعم نوره صارت لي والغدا بعد علي انا
فهد:الله وأكبر من وين طلع كرم حاتم الطائي لا شوف الغدا علي انا كم بو محمد عندنا
سلطان:امش مابي اقعد هنا ابي اطلع ابي امشي بشوارع الرياض كلها ابي كل الناس يحسون بفرحتي نوره وافـــــــقت
فهد:اعقل وامش وانت ثقل خلك رجال
وطلعوا من المطعم وسلطان الدنيا مو شايلتها من الفرح راح كل شوارع الرياض .....

في لندن بشقة راشد الساعه12الظهر...
راشد:صباح الخير كيفك اليوم؟
سعود:الحمدالله الحياة ماتوقف هنا
راشد:خلك كذا قوي
سعود:راشد انا اسف على اللي صار امس وجيتكم وانا فاقد(سكران)بس الشيطان شاطر وانا كنت متضايق
راشد:لاتعتذر ولا شئ احنا اخوان واللي صار امس ماراح يتكرر ان شالله
هند:وش رايكم انا بعزمكم اليوم على العشا ومافي اي اعتذارات
سعود:بسم الله من وين طلعتي علبالي انك نايمه
هند:هههه لا مو نايمه كنت اتروش(اتسبح)ها وش قلتوا وانتم اختاروا المطعم بعد
راشد:اممم انا مشتهي اكل ايطالي
سعود:لا فاست فود احلى
هند:الحين اقول عازمتك تقولي فاست فود صدق وجه فقر اختار شئ كشخى
سعود:هههههههه طيب ايطالي خلاص
هند:على الساعه9بشوفكم عند الباب واللي ماشوفه بروح واتركه
سعود+راشد:ان شالله أوامر ثانيه
ضحكت هند وراحت غرفتها وطلع راشد من الشقه بيروح يجيب أغراض للبيت وسعود فتح التلفزيون وقعد يتفرج بس باله ماكان معاه كان يفكر ويكلم نفسه بصوت تقريبا مسموع(اخ ياربي ليش كل هذا يصير معاي ليش البنت اللي حبيتها من بين خلقك تتركني وتروح لواحد غيري يارب انا ماقد سويت معصيه ليش يصير معاي كذا انا حبيتها واخلصت لحبها وانا بهالغربه وقدامي ملايين البنات اللي اقدر اخونها معاهم بس انا اخلصت ووفيت وهي ماقدرت تصبر صبرت 5سنين بس ماقدرت على كم شهر مين هذا للي خلاها تنساني بس قلبي مستحيييل ينساها القلب اللي يحب عمره مايكره اللي يحبه انا دست على الجمر عشانها وبسهوله تقول طفشت ماقدر اصبر اكثر من كذا اخ يارب ساعدني انا عبدك الضعيف)
هند كانت تسمعه بس بنص الكلام ومن غير شعور نزلت دموعها على حالة سعود لانه اغلى من اخوها مشت هند وجلست على الكنبه اللي جمب سعود وتكلمت:سعود انا اسفه سمعت الكلام اللي قلته تو ماكان قصدي اسمع كنت بروح المطبخ وسمعتك
سعود:لا عادي
هند:ياسعود مايسوى تسوي كذا الحين لو صحت ولا شربت ولا سويت اي شئ بترجع ديمه زي اول
سعود يهز رأسه بالنفي
هند:اجل خلاص تعوذ من ابليس واللي كاتبه ربك بيصير يمكن خيره ماتدري وان شالله ربي بيعوضك بأحسن منها انا عارفه كيف انت تحب ديمه بس مافي اليد حيله روح الحين غرفتك وصلي ركعتين واقرى شوي قرآن ونام لاني عارفه انك مانمت امس وان شالله ماراح يصير إلا كل خير كلها اسبوعين ونسافر ان شالله تغير جو.....
سعود:ان شالله تسلمين ياهند والله مدري وش اسوي اذا رجعنا الرياض تعودت عليكم
هند:لا ان شالله بنشوف بعض بس انت الحين روح نام وعن لافلام الهنديه
سعود وهو يبتسم:ان شالله,,راح وباس راس هند
هند:تسلم ياحلى أخو الله لايحرمني منك
راح سعود غرفته عشان ينام لانه تقريبا ارتاح بعد الحوار اللي دار بينه وبين هند بس قبل لاينام مسك البرواز اللي جمبه وكانت صورة هو وديمه لما كانوا بأول ثانوي وضمها لصدره نزلت دمعه بس مسحها بسرعه وانسدح ونام هروبا من الواقع المرير,,أما هند راحت غرفتها عشان تدرس لان لاختبارات بعد يومين....

((قلتيلي انسى من يومها وانا كل ليله قدامي البرواز وحبر العيون ودمع القلم في دفتري,, وصورتك رغم الالم ورغمنها خذت من اطباعك كثير وخانت البرواز اشوفها في خاطري,, حبيبتي مابيدي حيله لاصرتي الصوره وعيوني البرواز وشلون بنسى,,اتعبتي الصوره مشاوير وتعبت انا ابلقى لغدرك معاذير وصورتك اللي سجنت بروازها طول السنين,,كانت جسد وبروازها الروح ويوم انزعت منها الجسد تجرحت اطرافها وبجروحها راحت لمين؟!!بروازها الثاني مسكين بيسجنك ويبقى سجين مسكين,,تشبهلك اقداره خانته وصورتك تجي يوم وتخونه,, حبيبتي أو للأسف حبيبته لا صرتي الصوره وجفونه البرواز وشلون ينسى,,حبيبتي لاجل انسى جرحك وأستريح ببكي وبعد البكى ببكي وأكيد في لحظه بتجي ويجف دمعي وعندها صورتك اللي بعيوني بتموت من ظلم العطش بروازها بيصبح نعش,,وبتمرني الدمع الاخيره وتاخذ معاها صورتك وتطيح وكني بهالدمعه سكـــــين جرحها وجهي وكني بالمسافه تطول مابين عيني ودمعتي وخدي,,كني بقلبي الحاير المسكين يقول لاتودع الفرقى الدمع مايرقى وعندها لانزلت الدمعه لمثواها الاخير وفارقت وجهي بغمض عيوني وأكسر البرواز وأنــــــــسى))