البارت 68:
صكر باب السياره بقوه وحرك
تنهد فهد بقو
والتفت للباب بيدخل
ارتعب لماا سمع صرخه روضه
ركض باتجاه الصاله
شافها طايحه ع الارض
وسساره ماسكتنها باايدهاا تحااول توقفهاا
فهد بخووف:روضهه شفيججج ششصاار؟!
غمضت عيونهاا من الاالم
اشرت ع ساره بالم:اهيه اهيه اللي دفتني ع الارض
فهد طالع روضه وعقبهاا طالع ساره
يبغي يفهم السالفه
قعد حذالها ع ركبته ومسك ويهاا بايده قالهاا بنبره م تخلى من الخوف:رواضي حبيبتي فهميني شفيجج؟ككيف يعني ساره دفتج ع الارض
بلعت ريجهاا من الالم وقالت بتعب:مدري لما دخلت ماحسيت الا بايدهاا ع كتفي تدفني وانا كنت لابسه ككعب فطحت ع الارض.اهه ايدي اححسها انكسرت
غمض عيونه وعقبهاا رفع نظراته لساره بشويش
ظل مركز نظراته الحاده ع ساره
وساره تهز راسهاا من الخخوف:ككذابه والله العظيم كذابه
روضه:اااااه فهد احسني بموت من الالم اللي فايدي.ماا اككذب ^صرخت^ م اكككككذب
شال روضه وواخذها ع غرفتها
فهالاثناء دخلت ساره غرفتها بخخوف
صكرت الباب ووقفت حذاله
تفكر بتوتر
شو مصلحتهاا تتبلى عليهاا
ليشش
الله يعينهاا من فهد
شافت عبدالعزيز نايم بعمق
قعدت ع السرير تستغفر من خوفهاا
تنتظر فهد يدخل بشره الغرفه
وفعلا بعد لحظات
سمعته لما يفتح الباب بقوه ويدخل
بلعت ريجها اكثر من مره من الخوف
اخذت لهاا نفس ووقفت
وقف جدامها وكتف ايده ع صدره
حاولت تقرا ملامح ويهه
بس ماكان واضح شي غير الجمود
ركز عيونه ع عيونهاا
ع طول نزلت نظراتهاا للارض
بعدها للحين م تقدر تناظر عيونه
سمعته يقول بهدؤ:ليش دفيتيهاا ع الارض؟
نبره صوته ساعدتهاا انهاا تتشجع وتقول انهاا مظلومه
رفعت راسهاا وقالت له:قبل لا اتكلم بتصدقني اذا تكلمت:
شافته يناظر السقف وقال بسخريه:هه
ساره:عيل ماشي فايده من كلامي اذا مب مصدقني
فهد بنفاد صبر:تكلمي ليش سويتي جيه!!
قعدت ع السرير مطنشه سواله
فهد بعصبيه واهوا يرص ع اسنانه:ع شو تبغيني اضربج اول اختاري
ع قعدتج اويا سعود
ولا ع موضوع دراستج
ولا لما دفيتي روضه ع الارض!؟
ساره والعبره فكلامها:عادي اي شي .ظربكك ماعاد ياثر
تجدم منهاا
وسحبهاا بايدها بكل قوه
خلاهاا توقف
ع طول حطت ايدهاا جدام ويهاا
تحتمي منه وقالت:والله العظيم مادفيتهاا.وربي يا فهد لما دخلت انوم عبدالعزيز سمعت صرختهاا
طلعت ابغي اساعدهاا بس اهيه م رضت
نزل ايدهاا من ع ويهاا
فهد:شو يثبت لي كلامج؟!
مسحت دموعهاا بطرف صبعهاا
ورفعت كتفهاا:انزين شو مصلحتي اذا دفيتهاا؟
طالعته عين بعين وهالمره حست بقوه عجيبه لانهاا مانزلت عينهاا عن عينه ابد قالت بثقه:انا ادري انك فداخلك مصدقني حتا عيونك تقول هالكلام.انت بس تبغى تبين لي اني كذابه وتظربني باي طريقه
ما استحملت نظراته ف لفت عنه باتجاه النافذه وكملت:عطني سبب واحد يخليني ادفهاا
فهد بلع ريجه كيف قدرت تقرى افكاره
فعلا مافي سبب يخلي ساره باعتقاده تدف روضه
لا انها تحبه وغيرانه من روضه ومن كثر الغيره كرهتهاا ودفتهاا
استبعد هالشي نهائياا لانه من المستحيل ساره تحبه ع حسب تفكيره
يعرفها ساره مب من النوع اللي ياذي
ساره مسالمه ححيل
والظرب ابد مب من قواميسهاا
بس شغل باله
شو اللي خلى روضه تكذب!!
شكلهاا تبدلت الادوار
وروضه اهيه اللي تحبه وغيرانه من ساره.ومن كثر غيرتهاا كرهتهاا وتبلت عليهاا
تجدم فهد من ساره ومسك ايدهاا
قال بجديه:اذا م ضربتج لهاا السبب.في عندي سببين يخلني اذبحج
سكت فتره وقعد ينقل عيونه لملامح ويهاا
يطالع كيف باينه الراحه فلامحهاا
اللي جذبته من اول ماشافهاا
ظل يتاملها وقال بشويش:ليش تتكلمين مع سعود وكانه بينكم شي.وليش تبغين تدرسين وانتي تعرفين انه انا مب راضي عن هالدراسه ابد
ساره بهدؤ فنبرتهاا:اول شي انا اعتبر سعود شرات عمور.انت م تدري انا ككيف احترم سعود وافضاله علي م تنعد.حتى انه ساعدني اكثر من اخواني.الله يعلم لو لا سعود شو كان صار فيني احينه.وارجع واقولك سعود اخوي
ثاني شي دراستي مستحيل هالمره اتركها لاي سبب.لاني فالنهايه عارفه انك انت بتتخلى عني وبطلقني واخواني ماعندهم استعداد يتحملون مسئوليتي انا وولدي.لا تصير اناني لو مره وحده وخلني ابني مستقبلي بعيد عنك
فهد بجديه:هالسبب مب كافي .اذا طلقتج الدوله بتعطيج راتب كل نهايه شهر وانا بتحمل مسئوليه ولدج وبعطيج نفقه وبيت ومابينقصكم شي.ليش تبغين تعاندين.هذاا اذا عطيتج ولدج
ساره طالعت عبدالعزيز وبعدها طالعت فهد.قالت باستغراب:انت ليش دايم تقول عن عبدالعزيز "ولدج" ليش ما تناداه باسمه!!انا ولا مره سمعتك تقول عبدالعزيز.كله ولدج ووولدج.مدام لهدرجه مب متقبلنه فحياتك خلنا نبتعد عنكك ونرجع بيت هلي
فهد بحده:هيه مب متقبلنه فحياتي.ولا بتقبله لانه منج.عيالجج م يستاهلون الحب شراتج.ماحد يستااهل احبه غير عيال روضه
ساره بسخريه:عياالج!!هه اهوا ولد واححد ومستحيل اصير غبيه وايب ثاني وثالث منك
تكتف فهد وقال:لااا انا اللي مب غبي عشان ايب منج عيال غير ها^اشر ع عبدالعزيز^
م ابغي الناس اذا كبرو يعايرونهم بامهم المب متربيه
التفت بيطلع وقال:ع العموم بحريقه اذا بتدرسين ولا م بتدرسين موضوعج ماعاد يهمني
طلع من الغرفه واهوا ع ويهه ابتسامه لانه قدر يقهرهاا ويشوف دموعهاا بعد كلامه الاخير
توجهه لغرفه روضه وفتح الباب
قعد ع طرف السرير
روضه تمثل بحزن:هاه اخذت حقي منهاا
فهد اخذ حقه ما اخذ حقج
قالهاا بجديه:تقدرين تفسرين لي سبب كذبتج هاي!!ليش تبليتي ع ساره!!ليش قلتي اهيه اللي دفتج؟!
فتحت روضه عيونهاا يعني م صدقهاا
بلعت ريجها وقالت:شو لا يكون رحت لها وقالت لك كم كذبه وصدقتهاا.بعد كل اللي صار لك اوياها تصدقهاا!!مستححيل
ركز عيونه عليها وقال بحده:اعرفهاا ساره عدل مستحيل تقدر تاذي احد
قامت روضه من ع السرير وقالت بسخريه:هه واللي يسلمك فهد لو تعرفهاا عدل جان م خانتك اويا ولد عمهاا.انت ...
سكتت من الخوف لانه فهد
مسكها بايدها ولفهاا عليه بكل قوه
قال والغضب يطلع من عيونه:لا تستفزيني
روضه سحبت ايدهاا عنه وقالت بنفس نبره غضبه:شو لا يكون بتضربني شرات ماكنت تضرب الحيوانه ساره!!اهيه شرات البهيمه حلال الضرب فيهاا.لكن انا م اسمح لك وربي م اسمح لك
سكتهاا كف من فهد
غمضت عيونهاا وراحت له تضربه:ياحيوان م اسمح لك تضربني
مسك ايدهاا بقوه واهيه مازالت تصارخ وتسبه
فهد بتحذير:اتقي شري ياروضه
فرهاا ع السرير بقوه
صكر الباب وطلع
ظلت تبكي ع السرير
كرامتهاا انهانت وعشان منو !!عشان ساره
توعدت فداخلهاا انهاا تنهي حياه ساره بايدهاا
مسحت دموعها وادخلت الحمام
.
.
.
.
^فهد^
طلعت من البيت ع صوت اذان المغرب
صليت وقعدت بالمسيد اقري قرآن
ابغي اخفف الغضب المشتعل فيني
حاولت وحاولت الين م خف قهري
لكنه ما اختفى
اذن العشاء وصليت
عقبهاا
ركبت سيارتي وقعدت الف فيها بالشوارع
مب عارف وين اروح
اول لما كنت اتضايق اروح بلميلس عند تركي وباجي الربع
لكن اححين وين ارووحح!!
اخخخذت نفس بقوه
مسكت فوني ودقيت ع راشد
من زماان عنه.
فهالوقت احسه اهوا الوحيد اللي قادر يخفف عني ضيجتي وقهري
رد علي ومن بعد السلام قلت له:رشود وينكك انت!!
راشد:بميلس تركي.تعال كلنا مجتمعين مب ناقصنا غيرك.حتا سعود هنيه!!
تنهدت بقوه
وربي خاطري اروح لكن الحواجز اللي صارت
م تسمح لي
قلت له بضيجه:لا تعبان بخليك احينه
صكرت عنه بدون لا اسمع رده
وقفت سيارتي حذال البحر
ونزلت
قعدت ع الرمل مايفصل بيني وبين الموج الا شوي
احس بالقهر
ليش سمحت للنفسي اني اتكلم عن ساره قبل جدام روضه
المفروض هاي من الخصوصيات
مهما صار كان لازم احط حاجز لهالاشيا وم اتكلم فيهن جدام روضه
لازالت كلمه روضه ترن ف اذني
^اهيه شرات البهيمه حلال الضرب فيها^
يالله كككيف الفرق بينهن
ساره
هه
بغض النظر عن خيانتها واللي صاار
لكن احس ماشي شراتها
مسالمه ححيل
لما كنت اظربهاا
ماكانت تتكلم بلعكس
تسكت ولا تفكر انهاا ترجع تضربني او تسبني
عكس روضه
اعوذ بالله منها هاي داهيه
ضربتها ع الخفيف
وقعدت تسب وتظربني
لو ظربتها شرات الضرب اللي اكلته ساره من تحت ايدي
شو بتسووي!!
اوووف
ليش تزوجت انا من الاساسسس!!
احين اكتشفت اني فاشل بعلاقاتي اويا الحريم
العيب فيني
ولا فيهن!!
طالعت ساعتي
اووف تاخرت ححيل
الساعه2
طالعه البحر
يمكن اهوا بهالليله صديقي الوحيد
قدر يمتص ضيجتي
بس لازال فالصدر بشي مايعلمه غير خالق هالكون
ركبت سيارتي وحركت ع البيت
وصلت وما كان في غير الظلاام
وقفت فالصاله
احترت ادخل غرفتي!!
بس انا م ابغي اشوف روضه
ابغيهاا تتادب شوي
سمعت صوت من غرفه ساره
والنور يتسلل من تحت الباب
مافيني ع المشاكل اويا روضه
كل اللي يهمني اني ارتاح لباجر
واذا رحت عندها اككيد بتقعد تزن ع راسي
قويه هالبنت
بدون تفكير فتحت باب غرفه ساره بشويش
ودخلت شفتهاا منسدحه ع السرير
وحذالها ولدهاا
اوف اقصد عبدالعزيز
لازم اتعود اشيل هالكلمه من بالي
اخاف يزل لساني جدام الناس واقول ولدها
شكله مب راقد
رفعت راسها باتجاه الباب .
صكرت الباب وتوجهت لهم
قعدت ع طرف السرير
ولازالت نظرات الاستغراب تطالعني بيهن
لكنها ع طول نزلت نظراتها لعبدالعزيز
وقعدت تلاعبه
ظليت اطالعهاا واطالع عبدالعزيز
بعد فتره صمت
قلت لهاا:ليش مب راقده
ساره بشويش شكلها بعدها زعلانه:عبدالعزيز مب راضي ينام
فريت غترتي ع التسريحه
قعدت بوسط السرير حذال عبدالعزيز
قعدت اتامل ملامحه
يالله كيف يشبهني
طالعت ساره وقلت لهاا بغباء:منو يشبه!احسه يشبهج
ساره طالعت عبدالعزيز وابتسمت:لاااا م يشبهني ابد
طالعتني وقالت:يعني معقوله ماشفت الشبه الفضيع بينك وبينه
قعدت اطالعه
قلت لها بكذب:تصدقين اول مره الاحظ.سبححان الله يشبهني ححيل
ساره بسخريه رفعت حاجبها:كيف بتلاحظ وانت م تحب حتى تقعد حذاله!!!
لاااا عاد مب لهدرججه
رفعت لها حاجبي:لاااه!!
طنشتني وقعدت تمسح ع شعر عبدالعزيز
ظليت اتامل اوياها
وفجاءه تذكرت الشلل اللي بريله
قعدت اطالع ريله
وانصدمت لما شفت ككيف ريله!!
كل ريل مايله ع جنب عن الريل الثانيه
مسكتهن بايدي وقعدت اطالع
معقوول م بيقدر يمشي!!
ماله علاجج!!
صج انه بني ادم مب كامل
الله يعطي شي وياخذ شي
طالعت ويهه
فيه جمال مب طبيعي
لكن فالمقابل مابيقدر يمشي
سمعت ساره تقول:لا تقعد تفككر زياده.كل شي من الله حياه الله.انت ماتدري يمكن يكون هالشي خيره له
رفعت راسي لها .ككيف قدرت تقري افكاري..قلت:اككيد في علاج له
رفعت كتفهاا:حتى لو ماشي علاج انا راضيه انه يكون جي
قلت لها بتشجيع:باذن الله بنعالجه.الطب متطور.اكيد شي سهل شرات ها م بيصعب عليهم
ساره ابتسمت بعذاب حسيتها متضايجه من نبره صوتهاا:ما ابغي احط امل انه في علاج له وبعدين اتحطم
نزلت راسهاا واخذته بحضنهاا وباسته
مديت ايدي واخذته عنها
بسته وخليته بحظني
شفته كانه تضايق
ساره:م يعرفك
استحيت ع ويهي
حسيت اني ياهل ع تصرفاتي
مهما صار بيني وبين ساره
ولدي ماله دخل
اوووف اناا غبي غبي
مسحت ع ويهه وقلت له:حبيبي انا باباا
الله كيف حلوه هالكلمه
حسيت بشعور غريب ينبض فقلبي
تخيلت للحظه انه انا وساره متفاهمين ونحب بعض وعزوز مافيه شي ولا تزوجت روضه
اندفعت احساسي بقوه حسيت بفرح وبنفس الوقت بضيجه
تعبني هالاحساس بس اتمنيته يكون واقع
طالعت ساره اااااه ياساره انتي سبايب علتي
م اظن فحياتي بشوف وحده شرات ساره
الوححيده اللي قادره ع تعذيبي
مع انها جبانه حيل
بس مدري ليش احسهاا غير
قطع تفكيري عزوز
قعد يصيح شوي مضايق
هزيت ع الخفيف:افاا عزوز تصيحح.خلك بطل شرات ابوكك
ساره بملل حسيتها تبغي تنام:عطني بسكته
قلت لها:لا لاااا انا بسكته.
قعدت احاول اسكته
والحمدالله شكله حبوب ع طول سكت ونام مره وحده
طالعت ساره ورفعت حاجبي:شفتي كيف انا حنون.نام ع طول ع ايدي
ساره:هيه ماشاءالله واااااايد حنون
حسيتهاا تتمصخر علي
بس طنشتهاا
ماتتخيلون كككيف نسيت ضيجتي
حسيت انه عبدالعزيز الوححيد اللي قادر يمحي ضيجتي
انفتح الباب بقوه لدرجه انه عبدالعزيز فز من نومه
طالعت جهه الباب
شفت روضه داخله وشياطين الدنيا اوياها
قالت بصوت عالي:شو لا يكون حنيت!!
استغفر الله
هاي شو اللي خلاها تحس اني هنيه
طالعت ساره
شفتهاا مب مهتمه
طالعت عزوز اللي رجع ينام مره ثانيه
بسته ع ويهه
وقمت من ع السرير
اخذت غترتي اوياي
مسك ايد روضه بقوه وطلعنا
صكرت الباب اوياي
دخلنا الغرفه وقلت لها بحده:خير شعندج!!
روضه حطت ايدها ع خصرها وقالت:انت اللي شعندك من ساعه بالغرفه الثانيه!!
قعدت ع السرير احط فوني بالجرج
قلت لها ببرود:لا تنسبن انها زوجتي وام ولدي.يعني شراتج.بعدين انا رحت عشان اشوف عبدالعزيز
روضه بسخريه:لااا والله.وانت مته تذكرت انه عندك ولد عشان تروح تشوفه!!
اخذت لي ملابس من الدولاب وقلت لها بحده:م يخصج
ودخلت اخذ لي شور
طولت فيه لاني م مستعد اسمع اي شي منهاا
طلعت وشفتهاا بعدهاا قاعده تنتظرني
انسدحت ع السرير وتغطيت
سحبت اللحاف من ع ويهي وقالت:خلنا نتفاهم
قلت لها بنبره جاديه:تعبان اجلي كلامج لباجر
عطيتهاا نظره بلعت ريجهاا من الخوف
رجعت الغطا ويهي
وع طول غطيت فسبات عميق
^ساره^
ع الساعه 2 ونص الظهر
رن فوني
طالعت الفون هذا حمااده
رديت عليه بسرعه
بعد السلام
حماده:وووين اللي بتساعدني وبتحححل لي مشااكلي!!من راحت بيت ريلهاا نستني
ضحكت عليه
وربي نسيته
قلت له:وربي م نسيتكك هههههههه انت صكر احينه وعقب خمس دقايق اتصل لي عشان اخبرك النتيجه النهائيه
حماده بسخريه:اخاف بتردين علي عقب خمس ايام
قلت له ابغي اغيضه :اوكي اوكي حماده ساعد نفسك بنفسك.خلاص مالي دخل فيك
حماده:ههههههههههههههههههه� �ه اختي حبيبتي انتي.اتغشمر اوياجج.
قلت له :هيه خلك ججي.يلا صكر صكر لا تصير غيث
حماده :ان شاءالله حبيبتي اخختي مع السلامه
صكر
طلعت الصاله
الحمدلله فهد مب موجود
دخلت غرفتي
وعقبهاا دخلت الحمام وانتو بكرامه وقفلت الباب
اخاف فهد يسمعني
الحذر واجب
اتصلت لفيصل
وقعدت اطالع نفسي بلمرايه
رد علي ع طول.
فيصل:هلاا والله ام عبدالعزيز.
.:هلاا فيصل شحالك؟
فيصل:بخخير دامج بخخير
.. ع طول دخلت فالموضوع:اظن انت تعرف ليش انا متصله لكك صح؟
فيصل:هيه اعرف
..:انزين شصار بالموضوع؟!
فيصل:كلمتهاا وحاولت اقنعها حتى امي كلمتهاا
تضايقت حسيت انه شيخه م رضت
قلت له :شصار؟!
فيصل:بترجع بس بشرط
قلت له بسرعه:وش شرطهاا
فيصل:علمي علمج.اهيه قالت بتكلمه بروحها.رضى بترجع مارضى يطلقهاا
حاولت افكر شو اهوا الشرط
قلت له:انزين خلها تفتح فونهاا عشان يقدر يتواصل اوياها
فيصل:بقولهاا..ترى كل ها اللي انا قاعد اسويه لعيونج .مب عشان اخوج الحيوان
قلت بعتاب:فييييييييييييييصل!!
فيصل:هههههههههههههههههههه� �هه سوري سوري حبي
عليت نبره صوتي شوي:فيصصصصصل
فيصل قعد يضحك بقو:هههههههههههههههههه
وصكر الفون بويهي
طالعت الفون وهزيت راسي
والله انه مينون
غسلت ويهي بسرعه
وغسلت ملابس عزوز
طلعت من الغرفه وتفاجات بفهد قاعد ع السرير وفحضنه عبدالعزيز قاعد يلاعبه
اووويه لا يككون سمعني
طالعت ملامح ويهه مبتسم وشكله فرحححان
لا اصلا مستحيل يسمعني لاني كنت اتكلم بشويش
نزلت سله الملابس ع الارض
واخذت فوني
وقفت جدام التسريحه
اخذت قلم الحواجب وقعدت اظبطهن
خليت الفون ع اذني انتظر حماده يرد علي
طالعت من المرايه
فهد يطالعني
شكله بعده فضولي ويبغي يعرف اكلم منو
سمعت صوت حماده:هااه بشري شصاار؟!
تنهدت وقلت له:كلهم كلموهاا
حماده بياس:اككيد م رضت ترجع لي؟!
قلت له :اهيه قالت بترجع بشرط.بس مارضت تقول الشرط .انت اتصل لها احين لانها فتحت فونها وتفاهم اوياها
حماده:اعرف شو شرطها
قلت له بفضول:والله!!قولي شو شرطهاا
حماده:اكلي تبن
قلت له بتهديد:شووو شووووه!!ماسمعتك عدل
حماده يمد الكلمه:اكككككلي تبن
ابتسمت بخبث:زين باككل تبن وبتصل لهاا وبضيع عليك كل شي
سمعت صوت ضحكته.قال بسخريه:خخلاص م تقدرين تسوين شي احين.يلاا يلااا صكري بتصل لححبي
قلت له:النذل والله انك م تستاهل كل اللي سويته لك
ضل يضحك
وصكر فويهي
ابتسمت حسيت فرححان
عساه دوم ان شالله
تنهدت بفرح
نزلت القلم والتفتت ع فهد
تصدقون نسيت انه بالغرفه!!
شفته منسدح ع السرير حذال عبدالعزيز
وشكله بينام بعد
تجدمت من السرير وقلت له بشويش:فهدد
رفع حاجبه لي يعني ^شوه^
ماعرفت شو اقوله
حكيت جبهتي وقالت له:اممم قووم نوم بغرفتك
فهد طالع عبدالعزيز:بنام هنيه
هففف
شكله متزاعل اويا روضه
اخذت سله الملابس وطلعت برا الغرفه
شفت روضه قاعد فالصاله مجابله التلفزيون
وتهز ريلهاا بسرعه وتضرب الريموت بايدها
اوووه شكلهاا معصبه
اعوذ بالله من شرهاا
اخاف تتبلى علي احسن لي اطلع بسرعه من الصاله
لما رجعت وقفني صوتها لما قالت:شوه مستانسه!
لفيت عليهاا وقلت لها:الحمدلله .الله يديم الفرحح
وقفت وتجدمت مني
وقفت جدامي
لاحظت فرق الطول
اعووذ بالله
انا جدامها قزمه
قالت له بكل كرهه:اكيد بتفرحين وفهد نايم اوياج بالغرفه
تكتفت وقلت لها:زين شتبغيني اسوي لج!!نايم مع عبدالعزيز انا شدخلني
زادت نبره صوتها وقالت باحتقار:مستانسه انتي بعبدالعزيز هذا.تصدقين فرحت لما عرفت انه مايمشي الله يحرق قلبج عليه.وبظل ادعي انه يموت وتحترقين زيااده
شهقت بقوه شوه هاي من الناس
ححرام عليه تدعي ع ياهل ماله ذنب فشي
عورني قلبي من كلامهاا.مجرد افكر بهالتفكير احس اني بموت
رفعت ايدي وعطيتهاا كف ع ويهها بكل قوتي
صرخت بقوه وحطت ايدها ع ويهاا
بغيت اتكلم بس انفتح باب الغرفه
طلع فهد وتكتف
قال ببرود:خخير خخير ليش هالصراخ!شصااير
اندفعت روضه باتجاهه بقوه واشرت ع خدها وعلي:شووف شووف هالمره بعد بتكذبني.شوف كيف عطتني كككف شو
تغيرت ملامح ويهه
طالع خدها ككيف احمر
وعقب طالعني
حسيت اني بعدني اتنفس بقوه من الغيض
ودقات قلبي واصله المليون
رفعت ايدي واشرت لها بصبعي السبابه بكل تهديد:تستاهلين اككثر من هالكف ياححيوانه.
صرخت عليها:انتي شو من الناس ماعندجج قلب
حسيت اني بنهار خلاص
وربي مب متحمله كلمتها
خايفه ع عبدالعزيز خايفه
تجدم مني فهد باستغراب وقال:ليش سويتي جي.مهماا كان اللي صاير مايحق لج تضربينهاا كف وتسبينهاا جدامي
امتلت عيوني من الدموع
وقلت له:وخر عني
مسك ايدي وقال بحزم:مابوخر عنج قولي لي ليش تمدين ايدج عليهااا!!لا يكون امس صج دافتنهاا وانا على نياتي
قلت له بغيض:امس ما دفيتها بس احين صفعتهاا كف ومب ندمانه تستاهل ثلاثه واربعه ع اللي قالته
تكتف فهد وقال بنفاد صبر:وشو قالت عشان تستاهل الكف؟!
خنقتني العبره قلت له ودموعي ع ويهي:تخيل تقولي فرحانه انه عبدالعزيز مايقدر بمشي وبتضل تدعي انه ..
ماقدرت اقول الكلمه.
فهد هز راسه يبغيني اكمل:انه شو؟
مسحت دنوعي وقلت له:بتضل تدعي انه يموت عشان تحرق قلبي
سمحت لشهقاتي تطلع
يمكن تقدر تخفف عني الوسواس اللي صابني.والتفكير انه هالشي ممكن يصير
طالعني فهد بجمود
وعقبهاا طالعهاا
قال بحده:صحيح هالكلام!؟
روضه بدموع الخوف:ككذابه كككذابه.مستحيل ادعي ع طفل
هز راسه بلوم
مسك ايدي وسحبني اوياه الغرفه
صكر الباب واشر ع عبدالعزيز
قالي بحنان حسبتها من نبره صوته:بس خلاص شوفي عبدالعزيز نايم م فيه الا العافيه
ماقدرت امسك دموعي
قعدت ع السرير واصيح بقوه قلت له:خخخايفه الله يستجيب دعائهاا
قعد حذالي يمسح ع ظهري:لا تخلين الوسواس يلعب فيج
ابتسم لي:هاي مينونه مب صاحيه .عزوز نايم الحمدلله مافيه شي.الله يطول بعمره ان شاءالله
مسح دموعي بايده
رفع راسي وقعد يطالعني بنظره هزتني
ماعرفت افسرها
نزلت راسي
وعقبها رفعته بسرعه
بلعت ريجي وقلت له:يعني م بتضربني!!
ابتسم لي وهز راسه:لااا لانهاا تستاهل
مسحت باجي دموعي
ووقفت لما سمعت صياح عبدالعزيز
رحت له بسرعه وحظنته بقوه
سحبه فهد من عندي وقال:بسج بسج بتخنقينه
رجعه لحظني وقال:لبسيه باخذه بيت اهلي .يبغون يشوفونه.وانتي اذا بتروحين لبسي
هزيت له راسي:لا م ابغي اروح
هز راسه:ع راحتج
وطلع
قعدت اقري ع عزوز
الله يخليه ان لي ان شاءالله
بدلت ملابسه وجهزته لفهد
.
.
.
.
.
دخل الغرفه وشافها قاعده ع السرير
منزله راسها وتصيح
طالعها بجديه وقال بحده:ليش قلتي جي لساره!!
روضه وقفت بويهه وقالت:احححسن خلهاا تموت اهيه وولدها
فهد صرخ عليها:لا تخليني امد ايدي عليجج
روضه:قول انك حنيت لهاا قوول!!
فهد: وربي بتصرفاتج هذي قاعده تنفريني منج
انهارت روضه:افهمني ياخخخي انا م ابغي احد يشاركني فيكك.حتا ولدككك.اككره ككل اللي يتقرب منكك .حتا اهلك اغار منهم
قعد ع السرير:بس عبدالعزيز ماله ذنب انج تدعين عليه
قال بقهر:هذا طفل خخافي ربج تدعين عليه والله خخخافي ربج
قعد يسمع صوت صيااحها
اللي حرك فقلبه الشفقه
قال بهدؤ:البسي ملابسج بنروح بيت هلي
مسحت دموعها وانصاعت له
طلع لصاله واهوا يردد:شو الله بلاني بهالحريم.اسكت الاول تصيح الثانيه هههههف
قعد يتابع مباراه بالتلفزيون
طلعت ساره من الغرفه
اعتدل فقعدته
قالها بحزم:روحي جهزي ملابسج ليومين.بتنامين عند اهلج
ساره:وعبدالعزيز؟
فهد:بليل بوصله لج
ساره:انا باجر ببدي دوام
فهد:عيل باجر لما بتطلعين من الجامعه مري بيتنا واخذيه
ظلت واقفه م تقدر تنام بدونه
بس كيف تقدر تقوله واهوا معصب
تنهدت واخذت لها ملابسها للجامعه وللبيت وملابس لعزوز وطلعت
لقت فهد وروضه قاعدين حذال بعض
وشكله فهد قاعد يهمس لها بشي
هه
مسرعه رضى عليها
اهيه قبل لما يزعل عليها
يقعد اسبوع زعلان
بس هذي حبيبه القلب روضه
م يقدر ع زعلهاا
عطته الجنطه
روضه بقهر:شوه لا يكون هاي بعد بتروح اويانا بيت هلك
فهد ابتسم لها:لا بتروح بيت اهلهاا
مشو لسياره
وساره تفكر ليش فهد م وقف روضه عند حدها!!
ركبت السياره
ومن التفككير ماحست بالدرب
حست بالسياره واقفه عند بيتهم باست عزوز وحضنته بقوه
نزلت ونزل اوياها فهد
طالعته وقالت:م اصب عنه بشتاق له ححيل
فهد رفع كتفه :بتتعودين
مد ايده واخذه عنها
قالت له:دير بالك عليه.
سمعو صوت الباب ينفتح
التفتو
كان تركي
نزل فهد نظارته وطالعه
مد تركي ايده لفهد وعيونه ع عبدالعزيز قال بجمود:السلام عليكم
حست ساره انه الجو متكهرب
فهد:عليكم السلام
التفت تركي لساره
قال لها باهتمام:اشوفج جنطتج اوياج
ساره:بقعد يومين اوياكم
مد ايده لفهد واخذ عبدالعزيز وقعد يلاعبه
تنهد فهد بحسره
واهوا يشوف رفيج عمره
جدامه بس مايكلمه شرات الناس
حتى ما سئله عن حاله
بادر فهد بالسوال:شحالك تركي
تركي هز راسه:الححمدلله بخير
مد عبدالعزيز لساره وقال:اخذي راحتج.ماحد بلبيت انتظري حماده وعمور
ركب سيارته وحرك
فهد طالع ساره وقال بحده:وانتي شو تنتظرين واقفه هنيه.دشي داخل
خافت ساره من صوته
باست عبدالعزيز وعطته فهد
قلبها مب مطاوعنها انها تتركه مع فهد
بس هذا ابوه
.
.
دخل فهد السياره وعلامات الضيج باينه فتقاسيم ويهه
مد عبدالعزيز لروضه وقعد يسوق واهوا ساكت
روضه:حبيبي بلاك جي مضايج!!
غمض عيونه وقال بضيج:تركككي
روضه بملل:خ يولي.مصيره بيعرف قيمتك وبيرجع لك
طالعها بنظره
قال بحده:روضه م اسمح لج تتكلمين عن تركي جي
تنهدت بملل وقالت ببرود:زين زين .حشى بتاكلني عشان تركي
سكت عنها وجابل الطريج
وصلو بيت اهله فهد
كان فالصاله امه ومريم وخوله
دخلو عليهم
وعقب السلام
مريم بفرحه:حبيبي عزوز اخخيرا شفناه
طالعه فهد:غهوود عطني بشيله عطني عطني
فهد:هههههههه يالخبله شوي شوي عليه
خوله:لاااااا انا ابغي اشيله
مريم:صبري لما اشبع منه.حححححبيبي شوفي كككيف ججججميل ماشاءالله عليه
خوله:ياعمري يشابهه فهود
مريم:سبحان الله كوبي بيست
قعدت روضه حذال ام فهد
روضه:شحالج عموه!!
ام فهد تبتسم:الحمدلله بخخير.شحالج انتي حبيبتي!!
روضه:بخير دامج بخير
فهد:بسسس بتصيحونه احين
ام فهد ببرود:عيل ووين امه؟!
فهد:فبيت اهلها
سكت شوي وعقبها قال:قالج سعود كل يوم ساره بتوصل عزوز اوياج الصبح لين م ترجع من الجامعه
ام فهد بشويه عصبيه:هيه قالي.بس هاي كيف قلبهاا يسمح لها تترك ولدها وتروح.صج ماعندها مذهب هالبنت
سكت فهد م يبغي يفتح ابواب مع امه م تتصكر
روضه:هيه والله عموه.انا مدري كيف هالبنات يقدرن يتركن عيالهن.والله لو انا قلبي بيتقطع ع ظناي.
ام فهد بابتسامه:بنت اصل انتي ماتسوينها هالساره
طالع فهد روضه بتحذيز
ام فهد:عيل انتي مته بتبدين دوامج!!
روضه:الشور مع فهد اذا يبغاني اداوم فوظيفتي بداوم.لكن اذا اهوا مب راضي انا م اقدر اعصيه
رفع فهد حاجبه له ويبتسم بسخريه
يتذكر لما قال لها تترك الدوام
كيف شالت الدنيا فوق راسه
وقالت له غصبن عنك بداوم
ام فهد:عطوني بشوف ولدي
عطتها مريم
وقعدت تهلي وتكبر
باسته وقالت:حبيبي ماشاءالله عليه
.
.
.
.
بعيد عنهم شوي
.
.
.
عند اسما وعيسى
حالتها مثل م اهيه
كل يوم تزداد ملل واكتئاب اكثر من اليوم اللي قبله
عيسى مايتكلم اوياها ابد
من بعد اللي صار فبيت يدته
مع انها م سوت شي
كانت منسدحه ع السرير
سمعت صوت الباب ينفتح
دخل عيسى
وكانت عيونه حمرا
وقف جدامها وقال ببرود:لمي اغراضج بوديج بيت عمج
فرحت اخخخيراا
بتشوف اهلهاا
بس بلعت ريجهاا
ليش بيوديهاا بيت اهلهاا!!
قالت له باستفسار:ليشش!
عيسى طالع النافذه وقال بجمود:لمي كل اغراضج
دخل ايده لجيبه
طلع منه الفون
وفره جدامها ع السرير
ظلت تطالع مستغربه
عيسى:بسرعه ماعندي وقت اضيعه
انصاعت لامره واهيه تطالع الفراغ
فتحت الجناط وقعدت تلم اغراضها
بس تفكيرها بععععيد
تفكر ليش عيسى رجع لها الفون وقالها تلم ملابسهاا
لبست عبايتهاا وقالت له:انا جاهزه بس ليشش!!
صرخ عليهاا:م يخصججججج
نقزت مكانها من الخوف
سحب جناطهاا وطلع
ظلت تتامل الغرفه.في احساس فداخلهاا يقول
انه عيسى مل من هاللعبه وخلاص ما يبغيهاا
ركبت اوياه السياره
واهيه تحس خلاص يتصير مينونه من التفكير اللي غزاهاا
وقف جدام بيت عمهاا
طالعهاا
بنظرات ابد مافهمتهاا
عيسى بهدؤؤؤ:اسما
طالعته بخوف
هزت راسها عشان يكمل
غمض عيونه واخذ نفس عميييق
طالعهاا وكانه يحفظ ملامح ويهاا
اخيرا نطق وقطع الصمت لما قال بشويش:انتي طالق
فتحت عيونها اسما
زلزلتها الكلمه اللي قالها
حست كانه جبل طاح فوق راسهاا
نزلت دمعتهاا ع خدهاا بسرعه
لف ويهه للامام وقال ببرود قاتل:انزلي
ظلت تطالع الفراغ
مب مستوعبه
ليش تحس بحزن
ليششششش!!
هذا اللي تبغاه
هذا اللي كانت تتمناه
تتمنى انه عيسى يطلقهاا
رجعها صوته للواقع لما قال:انزلي
فتحت الباب واخذت جنطتهاا
قبل لا تدخل البيت طالعته بشروود
ظلت تتامل صورته
ماحست لما راح
ومابقى مكان سيارته الا الفراغ
سعود:اسووم.شتسوين هنيه
طالع الجنط
وطالع حالتهاا
هزها ع خفيف:اسما
طالعته بذهول
ودخلت
دخل جنطها
وقفت حذال عتبات الدرج
واهيه تطالع الفراغ
سعود صرخ عليهاا:اسما بلااج من ساعه اكلمججج
نزلت راسها ودخلت الصاله
م انتبهت ع القاعدين بالصاله
ركبت الدرج بسرعه
دخلت غرفتها وقفلت الباب
قعدت ع السرير تنووححح
سمعت احد يدق عليها الباب
بس م اهتمت
كانت تردد بشويش من بين دموعها:انتي طالق
انتي طالق
انتي طالق
انتي طالق
|