[اسطورة !]

البارت ال 70:
من بعد الحادث اللي صاب فارس
شما صابتها حاله صدمه
بس قاعده وتطالع الفراغ
ابد مافي ردت فعل للي صاب ولدها
حتى كلام مب راضيه تتكلم
لذالك كانت ساره كل يوم تروح الصبح الجامعه وترجع ع طول للمستشفى
تقعد لساعه 9 بليل بلمستشفى وعقبها تروح البيت تغير ملابسها وتنام
ميره ماكانت تقدر تقعد بلمستشفى اويا فارس عشان بنتها مريضه شوي فيها انفلونزا
حتا اخوان ساره كانو مرتبطين باعمالهم فماكانو يقدرون يقعدون بالمستشفى
اصلا ساره مارضت احد يقعد بدالها
حتى ولدهاا عبدالعزيز
ماشافته من اسبوع
من لما اخذه فهد
كانت تتطمن عليه عن طريق سعود
مع انها مشتاقه له بس قلبها مقطعها اكثر على فارس اللي حالته نفس ما اهيه ماتغير فيها شي
يوم الاربعا
ادخلت المستشفى الساعه 2 ونص
كانت حدها تعبانه
جدولها فالجامعه كان كله محاضرات
ماكان معها بريك ابد
وزحمه الشارع تعبتها اكثر
اسبوع نست طعم النوم
فيها ارهاق فضيع
كل اللي تبغيه انها تنام يوم كككامل
دخلت المستشفى ووقفت حذال غرفه فارس
فالعنايه المركزه
شافت من الزجاج الاطبا ملتمين حذاله
غمضت عيونها واخذت لها نفس عمييييق
ودعت فقلبها الله يقومه بالسلامه
لما فتح عينهاا
شافته واقف حذالهاا

ويطالعهاا
وقفت عدل ونزلت راسها
فهد:شحالج!!
هزت له راسه وطالعته:الحمدالله ع كل حال
اشر لهاا ع كراسي الانتظار حذال الغرفه فالممر:خليناا نقعد
اصلا كانت تعبانه وتبغي تقعد
بدون لا تتكلم قعدت ع الكرسي
وقعد فهد حذالها
ضلو فتره ساكتين
تنهد فهد وقال:لا تخافين ان شاءالله بيكون بخير
ساره بتعب:اتمنى
فهد بشويش بنبره مبينه فيها الشوق:ساره قعدتج فالمستشفى جيه ما منها فايده.اليوم باخذج البيت وبتشوفين عبدالعزيز.ترا حتى لو كان صغير بس صدقيني فاقدنج
هزت راسهاا باصرار:مستحيل اطلع من هالمستشفى الين م اتطمن ع حاله فارس
فهد كان يبغي يتكلم بس لما شاف واحد من الدكاتره متوجهه لهم قام واقف
لما حست ساره بالدكتور وقفت
وتوجهت له
الدكتور:االسلام عليكم
فهد وساره:عليكم السلام
الدكتور ابتسم لساره:انتي امه!!
ساره طنشت سواله وقالت :طمني عليه دكتور
الدكتور:ابشرج ولدج الحمدالله قام بالسلامه.اهوا من امس انتبه.بس نحن ماحبينا نبشركم الين ما يعدي مرحله الخطر اللي اهيه 24 ساعه
لما سمعت ساره الخبر خانتها دموعها وقعدت ع الكرسي تصيح
فهد سئل الدكتور:ومته بتنقلونه من العنايه المركزه للقسم!!
الدكتور:احين اهوا نايم .من يقوم ان شاءالله بنسوي اشعات وفحوصات وعقبها لما بنتاكد انه بخير بننقله للقسم
فهد هز راسه مع ابتسامه:نقدر ندخل نتطمن عليه
الدكتور:اككيد
فهد:مشكور دكتور
الدكتور:العفو هذا واجبنا
التفت فهد ع ساره
وراح يقعد حذالها مسك ايدها ورفع راسها
ابتسم لها يطمنها وقال:احين انتي ليش تصيحين!!!الحمدالله الولد مافيه الا العافيه
قام واقف ووقفها اوياه.
فهد:قومي بندخل معه نتطمن عليه
مشت اوياه ومسحت دموعها
فتح فهد الباب وادخلو
اول ماشافته قعدت تصيح زياده
قعدت تتامله من بعيد تقريبا خمس دقايق
وفهد واقف مجابلنها ويطالعها
ندمااان
حاس انه خرب بيته بسبب غبائه
ادخلت الممرضه وقالت لازم يطلعون
اتصل فهد ع محمد وقاله عن تحسن حاله فارس
فهد طالعهاا:حين مالج عذر من عبدالعزيز.امشي اوياي
ماردت عليه وقعدت مره ثانيه ع الكرسي
فهد اخذ نفس يصبر نفسه:سااره قومي اوياي.وربي عبدالعزيز اليوم مب راضي يوقف صياح قومي بتشوفينه
ساره:مابروح اوياك.
فهد:لا بتروحين.قومي اوياي
ساره بدت تعصب:قلت لك مابروححح
فهد :ساره خلينا نروح.مب عدله تعلين صوتج قدام اللي رايح واللي ياي.
سكتت عنه.
اخذ فونه ودق لامه
فهد:هلا اميه
..
فهد:كيف عبدالعزيز!!
..
فهد:حطي الفون حذاله
..
فهد طالع ساره وضغط ع زر السبيكر
قالها:اسمعي كيف يصيح.قومي بتروحين اوياي له
كان عبدالعزيز متقطعم من الصياح
يصيح بكل قوته
لما سمعت صوت عبدالعزيز يصيح جيه
تنهدت وقامت اوياه
ركبت فسيارته واهيه كارهه الروحه اويا فهد
ماقالت اي كلمه
وحتا اهوا
وصل البيت ونزلت اوياه
وقفو حذال الباب
فهد:انتي روحي قسمنا الجديم وانا احين بروح اخذ عبدالعزيز وبيج
هزت راسها وراحت
راح فهد عند امه واخذ عبدالعزيز اللي مب راضي يسكت
كانت ساره قاعده بالصاله
دخل فهد
اول ماشافت عبدالعزيز
ركضت له واخذته فحضنهاا
اول ما اخذته سكت عبدالعزيز
اككيد بيسكت واهوا فحضن امه
فهد قعد حذالها وقال:شفتي كيف كان مقطع نفسه من الصياح!!
ماردت عليه
فهد تنهد وقال:ترا انا طلقت روضه
رفعت ساره راسها له وقالت بشويش:ما يهمني!!
فهد :طلقتها لاني اكتشفت وايد اشياء اسما بعد مارحتي قالت لي عن وايد اشياء خلتني اكره اليوم اللي شفتها فيه
ساره :قلت لك مايهمني.
فهد بترجي:انتي لازم تسامحيني،لانه اي واحد مكاني كان سوا نفس اللي سويته.وربي ياساره مثل م انتي تعذبتي ترا حتى انا تعذبت
ساره باصرار:سامحتك وربي سامحتك .بس مستحيل ارجع لك.لانه حياتنا من البدايه مكتوب عليها الشقاء.اساسا نحن ربي جازانا بها الشي.لاني انا وياك بدايتنا كانت غلطططط
فهد زفر من قلبه
طالع عبدالعزيز وقال:زين عبدالعزيز!!تبغين تشتتينه!!انا تعلقت فيه.بتحرميني منه!!
ساره:م اقدر احرمك منه.هذا ولدك.اذا بغيت تشوفه تعال بيتنا
حس فهد انه عبدالعزيز اخخخر امل اويا ساره
ولازم يستغل هالشي فصالحه
طالع عيونها وقال بجمود:مستحيل.عبدالعزيز بيتم اوياي.وانتي اذا تبغينه بتظلين اوياي.
مدت له عبدالعزيز وقالت:اوكي.هذا ولدك وتصرف فيه.انا مستحيل ارجع لك عقب الظيم االلي شفته
اخذت جنطتها وقالت ببرود:وصلني المشفى!
فهد بذهول:انتي من صدقج احين!!!
ساره رفعت كتفها:شسوي لك.اذا انت تبغاه هذا ولدك.وانا الله بيعوضني
هز راسه مب مصدق انه ساره تتخلى عن عبدالعزيز..ككيف تغيرت لهدرجه
اصلا يحسه غباء منها انها تترك ولدها.
رفع راسه وطالعها
كانت واثقه من كلامها
ماحسها تاثرت ابد
تغيرت ساره حححيل
صار ماشي ياثر عليهاا
اخذ عبدالعزيز لامه
ورجع يوصلها للمشفى
قبل لا تنزل قالها بترجي:دخيلججج ساره فكري مره ثانيه.وربي اني اعشقججج ومستحيل افرط فيج
بلعت ريجها لما سمعت هالكلمه
فهد شافها كيف توترت
تجرب منها ومسك ايدها
طالع عيونها وقال:قسم بالله احبج.احححبج بس كنت اكابر.فحياتي ماحبيت غيرج
شتت نظرها عنها بتوتر
فتحت باب السياره ونزلت تهرب من مشاعرها
سند راسه وع ويهه ابتسامه
عرف انه ساره بعدها تحححبه شرات م اهوا يحبها
تنهد بفرحه
ساره بس يبالها شوي تعب وبترضى

من بعد ما نزل فهد ساره بالمشفى
اتصل لتركي
بعد عده اتصالات
رد تركي
فهد:الووو
تركي:هلاا
فهد:شححالكك!!
تركي:..........زين
فهد:بغيتك فموضوع ضروري انت واخوانك
تركي:مشغول
فهد:دخيلك تركي افهمني.ابغيك ضروري احححين.خبر اخوانككك .انا احين ياي بيتكم بقعد فالميلس.واتمنى انك انت واخوانك كلكم تكونون مجتمعين
تركي:شوه بغيت!!
فهد:بعدين بتعرف.يلا باي انا احين ياي
تركي:اوك
بعد تقريبا 20 دقيقه
وصل ف الميلس ولقى تركي وعمور وحماده وخالد قاعدين
سلم وردو عليه بشويش
الا خالد
اللي ما كان زعلان من فهد
الوحيد اللي مب زعلانه منه
قعد فهد مجابلنهم
عمور وحماده كانو شايلين فقلبهم عليه ححيل
تنهد فهد وقال بصوت عالي:ادري انكم زعلانين مني وماتبغون تشوفون ويهي.لكن هالموضوع ضروري تعرفونه
بدا يقولهم عن قصته اهوا وساره وكيف ظلمها وصدق تركي
اخوانهاا بانت علامات التعجب ع ويوهم
قالهم عن كل شي
كيف تعذبت فالعيشه اوياه
وككيف اهله عذبوهاا بالكلام
وكيف ووككيف
قالهم ككل شي من عرفها لين قبل شوي بالمستشفى
فهد:وربي اني ندمااان.قسم بالله ندمان
خالد اكثر واحد تاثر بالكلام
قال لفهد:فهود حلفتك بالله اللي قلته صججج!!
فهد مسح ع راسه وقال بندم:وربي اني صادق فكل كلمه
طالع تركي وقاله:تركي انا اعرف اني غلطان.مب قادر اكمل حياتي وانت زعلااان.دخخيلكك يا تركي انا اعرف اني غلطت.وغلطت غلط ككبير بعد.اا انا كنت فيوم مب عاقل صير انت اعقل مني وسامحني
خخخالد اخذ فونه وفتح الباب بقوووه
كلهم تفاءجو من رده فعله
تركي طالع فهد وقاله:لووو من البدايه قلت لنا.ماكان صار اللي صار
حماده بتوعد:فيصل النذل بيشوف شو بيصير له.هين وربي بيشوف
طالعه تركي وقال:خله يولي
طالع فهد وقال:اخاف ارجع لك ساره وترجع تعذبها شرات قبل
فهد بترجي:وربي احطها فعيني.انا تعبان وربي تعبان..ترا مثل ما ساره انظلمت انا انخدعت.ابغي واحد يحط نفسه مكاني ويشوف كل شي ضد حرمته.شو بيكون موقفكم
وقف تركي ومشى باتجاه فهد
مد له ايده وقاله:مصدقنك ي اخوووي
رفع فهد راسه وعلامات التعب باينه فويهه
ع طول وقف وحضن تركككيح
حتا عمور وحماده تاثرو بكلام فهد
لانه بعد اهوا مخدوع
حطو نفسهم مكانه
ماقدرو يلومونه
مهما صار فهد كان اخوهم فيوم من الايام
ومايقدرون ينسو اللي سواه فهد لهم


دخل خالد الغرفه
حطا ايده ع خصره وقال بكل صوته:ريمممممممممم
دخلت الغرفه واهيه خخايفه من صوته
طالعها بنظرات تحححرقها
بلعت ريجهاا وقالت بخوف:شصاااير!!
تجدم منها ومسكها بشعرها بقوه
رص ع اسنانه وبكل بكل غضب:كل هالفتره كككنت لججج حماااااار ..ككككل هالفتره وانا اكره سااره واهيه مظلومه.ليش كككككذبتي علي ليششششششششششش!!
تفاجاءت لما مسكهاا من شعرهاا
وتفاجاءت اكثر من الكلام اللي يقوله
ككككيف عرف!!
بلعت ريجها وقالت بخخوف:اي خخخالد بطل شعري..ماكككذبت
صرخ عليها:يعني مصره ع كككذبتج
رماها ع الكنبه وقال:بسرعه فهميني ليشششش كذبتي علي
حطت ايدها ع ويها وقعدت تصيح
صرخ خالد:لاااا تصيحين.فهميني لاااا اذبحججججج
قالت له من بين شهقاتهاا:انت منو قالك!!
فهد بغيض:فهد اخخخخوج قبل شوي قالنا كككككل شي

مسحت دموعها وقالت بعبره:ماقصدي اكرهك فيهاا.كنت ابغي انقذ حياتي وحياتك.انت ف بدايه زواجنا ماكنت تحبني.لما اتصلو لك اخوانك وقالو لك ساره مسوده ويوهكم حبيت اخذ هالشي فصالحي.فكرت اني بعد مده بعترف لك.بس انت دوم كنت تذكرني انك تكرهه اللي يكذب عليككك .هالشي ماساعدني اني اعترف لك و
قاطعها لما صرخ عليها:بس ججججب لا تكملين.بسرعه لبسي عباتج بوديج بيت هلج
زاد صياحها
وقفت حذاله وقالت:دخيلك لا تطلقني انا احبككككك
فتح الكبت واخذ عبايتها
رماها عليها
وقال:انتظرج فالسياره
قعدت تصيح مده
اخذت عباتهاا بكل تغب وارهاق
لبستها وطلعت
واهيه ناويه تتفاهم اوياه
بتحححاول بكككل الطرق
مهماا صار هاي حياتها ولازم تنقذها

وصلها بيت هلها بدون ولا كلمه
كان ف قمه غضبه.لو ما مسك نفسه كان ذبحها

ع الساعه 9 المساء
رجعت البيت بعد ما تطمنت ع فارس
بركنت السياره حذال البيت ونزلت
اول ما فتحت الباب
دخلت الصاله
شافتهم كلهم مجتمعين
خالد
حماده
تركي
وعمور
وشماء
وميره
شما كانت ع حالتها ما تتكلم ابد وبس تطالع فالفراغ
اول مادخلت طالعتها وقالت:اعوذ بالله شفيككم جي!!شصااير
تجدم منها ترككي
وقف جدامها وقال بعبره:سامحححيني ظلمتجج
رفعت حاجبها وقالت:شوووه!!!
حضنهاا وقال :سامحححيني لما ماصدقتج وظربتج.سامحيني ع كل اللي ياج مني
رفعت له راسها وقالت :تركككككي شفيككك!!
بعدها عن حظنه تنهد وقال:فهد قالنا كككل شي
رفعت حححاجبها
مب مصدقه
انه فهد سوا جي
طالعت اخوانها
تنهدت وقالت:مسامحتنكم ماله داعي هالكلام
طالعت خخخالد
اهوا الوحيد اللي تحسه يكرهها
تنهدت ومشت
لكن وقفها خالد لما حظنها وقال بشويش:سامحيني وربي حاس بضيججه فقلبي
عورتها نبره صوته
مسحت ع ظهره وقالت :مسموحح اخووي.لا تقول جيه بسم الله عليكك
طالعتهم وقالت:حرام عليكم وربي مسامحتنكم.انت قطعه من قلبي لو يصير اللي يصير مستحيل اشل فقلبي عليكم
ميره مسحت دمعتها وقالت:حتى انا!!!بتسامحيني
ابتسمت لها ساره وقالت:انتي اخختي ككيف م اسامحج
بلعت ريجها وقالت:ترا سيف قالي كل شي...انا م الومه.الوم نفسي.لاني كرهتج بسبب شي ماضي وانتهاا.كرهتج بسبب شي انتي مالج دخل فيه
حماده بتساول:ليش شصاير
تنهدت ساره وهزت راسها:سالفه ججديمه ماله داعي نتكلم فيها
حست ساره براسها يدور
م تحملت اللي كل اللي صار
من اسبوع واهيه فضغوطات
واليوم اعتراف فهد لهاا
واخوانها
كل هالشي سبب لها
ضغوطات
ماحست بنفسها الا فالمستشفى
فتحت عيونها وطالعت المكان اللي اهيه فيه
شافت واحد واقف حذالها وماسك ايدها
ويدعي انها تقوم بالسلامه
فتحت عيونها بشويش
انتبه لها
باسها ع راسها
تنهد من قلبه وقال بشويش:الحمدالله ع سلامتج قلبي.م تشوفين شر
اعتدلت فقعدتها
قالت بصوت رايح:شصاار فيني!!
فهد:طحتي ع اخوانج امس
ساره:وين اخواني!!
فهد:اخوانج فالبيت
ابتسم لها:ابشرججج.فارس نقلوه من العنايه المركزه للقسم
هزت راسها:الحمدالله والشكر لك يارب
طالعت فهد وقالت له:ابغي اروح البيت
فهد:اصلا المغذي مخلص من فتره.انا انتظرج تقومين
ساعدها فهد لبست شيلتها وقامت
اخذها ع السياره ووصلها البيت

عند عيسى وحماده
قاعدين ع البحر
وعيسى حاس انه فيه اكتئاب
من بعد ما طلق اسما
حماده:وش بتسوي احين
عيسى:.............مدري
حماده:اذا انت تحبهاا رجعهاا
عيسى حظن راسه فايده وقال بتعب:وربي احبهاا واموت فيهاا
حماده:واهيه!!
عيسى:بالفتره الاخيره حسيتها حتا اهيه تحبني.بس انا م قدرت اظبط اعصابي لما اتصلت لي رفيجتها وقالت لي عن سوالفها
حماده:انزين انت ليش صدقت اربيعتها بدون دليل.يمكن تتبلا عليهاا
عيسى بضيق:اسما اعترفت لي عقب ماطلقتها انصلت لي وقالت لي انها تحبني وانه كل هالاشيا كانت تسويهن قبل لا تحبني.من حبتني تركت كل هالاشيا.بس مدري احس كرامتي بتنهان اذا رجعتها
حماده تنهد:اذا تبغى نصيحتي رجعهاا..لا تسوى شراتي.انا وربي ندماااااااان وحاس قلبي بيتقطع ع شيخخخه
عيسى:صح شصار انت فسالفتك!!
حماده:ع حطت ايدك!!شيخه مب راضيه تكلمني ابد
عيسى:حححاول اهيه اككيد تحبك وبتكلمك.وبترجعون شرات اول
هز حماده راسه
عيسى:عاد لا تسوى شرات قبل.تهملهاا وتطنشها وتروح اويا ربعك هالبطاليه
ابتسم له حماده:مستححححيل
طالع عيسى وقاله:اذا تحبك رجعها وعيشش حياتك.لا تضيع الفرصه.ترا بعدين انت اللي بتتعب وبتندم
هز عيسى راسه وسرح فالبححر

اويا راشد ومنى
فالمشفى
منى:اول شي بنروح نتطمن ع راسك وبعدين بنتطمن ع فارس
راشد :اووووووف زين زين
منى:لا تتافف هالشي لمصلحتككك
راشد:امشي امشي
وصلو لقسم الاشعه
وسوو اشعه لراسه
قالهم الدكتور يروحون وعقب ساعه يرجعون
لما بتظهر النتيججه
راحو لفارس وزاروه
كان معه ميره وسيف
استغربو لما ماشافو امه
لكن عذروهاا
لما عرفو سالفتها
قعدو اوياه لي ماظهرت النتيجه
راحو لدكتور
والحمدالله كانت النتيجه ايجابيه
عطوه حبوب لمده شهر
عشان الصداع
وبعد شهر بيرجع راسه طبيعي
فرححت منى ححححيل ع هالنتيجه
وراحو يتعشون فمطعم بهالمناسبه


بعد اسبوع رخصو فارس من المستشفى
ونظرا لحاله شما
قررو انهم يروحون رحله لصلاله لمده اسبوع
بتروح العايله فيها كلهاا
يغيرون جو
عشان ترتاح نفسياتهم من هالضغوطات
كل البيت تجهزو
شما ومحمد
وميره وسيف
شيخه وحماده||وحماده حاب يتصالح اويا شيخه فصلاله
تركي
وخالد
وعمور
اما ساره ما رضت تروح اوياهم
حتا فهد وسعود
تركي اصر عليهم انهظ يروحون اوياهم
تركي بغرفه ساره
تركي:انزين فهميني ليش م تبغين تروحين اويانا
ساره تقعد ع السرير:بس مالي بارض اروححح
تركي:لا بتروحححين
ساره تنهدت:روحو انتو واستانسو .قسم بالله مالي بارض اروح
تركي:عشان فهد!!!
ساره:م يهمني فهد
تركي تنهد وطلع عنهاا
من اسبوع يحاولون فيها
بس راسها يابس
مب راضيه تروح..


اخذو اغراضهم
وقعدو ساعه يوصون ساره
حتا فهد دخل عليها وقالها ترجع له بس اهيه ابد ماسمعت له
خلى عليها البيت وظلت بروحها
كانو طالعين عقب صلاه المغرب
من راحو صلت صلاه المغرب وانتظرت لصلاه العشا
صلت ونامت
فهاليوم ماحست بالوحده ابد لانها نامت طول اليوم
فاليوم الثاني كككان ريححححح قويه
وامطططار قويه
خافت فالبدايه من الجو
بس توكلت ع الله
وشغلت قران بالغرفه
ع الساعه 8
كانت قاعده بالصاله وقافلتنها
تخاف لا احد يدخل عليهاا
الاحتياط واجججب
وبرا امططار غزيره ماشاءالله
كان فداخلها خووف
ما تدري ليش
فجاه سمعت صوت بالحووش
بلعت ريجها
مشت حذال الستاره وفتحتها بشويش
تبغي تشوف منو مصدر هالصوت
بس ماشافت شي
فجججاه
طططفت الكهربه
والصوت ككل ماله ويزيد
بلعت ريجها من الخوف اكثر من مره
تاكدت انه الباب مقفول
مسكت فونها وحاولت تتصل لاخوانها
بس كلهم يعطيهم مغلق
استغربت
ليش كلهم غالقين فوناتهم
حتى انها حاولت تتصل فسعود
بس سعود بعد فونه مغلق
زفرت بخوف
لما سمعت الصوت حذال باب الصاله
ارتجفت من صوت الرعد
قعدت ع الكنبه
ريلها م قدرت تشيلها
اخخر امل لها
اتصلت لفهد
وع طول رد عليها
ساره تصيح:فهددددد
فهد:شفيجججج
ساره:فههههههد الحق علي
فهد:تكلمي شفيججج
ساره:فهد مدري مدري اسمع صوت عند الباب
شهقت بخوف لما سمعت صوت الباب يزيد
فهد:انا هنيه مارحت صلاله اويا اخوانج.دقايق وبكون عندج لا تخافين
ساره بصياح:دخيلك بسسرعه بسرعه
اختفى الصوت
وصوت المطر كل ماله ويزيد
بعد دقايق رن فونها
اخذت الفون بسرعه وردت ع فهد
فهد:انا وصلت افتحي لي الباب
ساره:لااا تعال لما بتوصل عند باب الصاله بفتح لك
ضحك عليها فهد
لما وصل عند باب الصاله
قالها:يلا فتحي انا عند باب الصاله
فتحت الباب بشويش ولما دخل ع طول قفلته
فهد يشع عليها من فونه:ليش تقفلينه!!
ساره تتمسك بايده بخوف:اخخخاف احد يدخخل
فهد سحبها اوياه وقعدها ع الكنبه
ضلت متمسكه بايده وترتجف
قعد يطالع عيونها فالظلام
قالها بشويش:لا تخخافين انا اوياجج
..
..
فهد بهمس:بعدج خخايفه!!
هزت راسها:لاا
ماقدر يمسك نفسها من انه يحظنها
حظنها بقوه
فهد بهمس:وربي احححبج
نزلت راسها
بس فهد اصر انها ترفع راسها وتطالعه

فهد:احبججج
بلعت ريجها
فهد:حتى انتي تموتين فيني
ساره:لا تصدق نفسك
فهد:اوك خلج م تحبيني بروح عنج
مسكت ايده بقوه
وقالت له:والله م تتحرك من هنيه
فهد:سيري لاه.انا بروحح
ساره بترجي:والله م بتروح
فهد ابتسم وقعد حذالها:بشرطط
ساره:شو شرطك
فهد:تعترفين انج تحبيني
ساره بلعت ريجها وقالت :روحح ما اخخاف
ابتعد عنها
ومشى فالظلام
فتح الباب بالمفتاح وقالت:زين انا رايحح باي
فتح القفل
بس وقف لما سمع همسها:اححبك!!
صكر الباب ورجع لها
طالع عيونها وقال بهمس شراتها:حتى انا وربي اعشششقج واموت فيجججج.....

.فهد وساره رجعو لبعض
وسافرو اهوا وياها وعبدالعزيز لالمانيا
منها سياحه يعوضون عن روحه صلاله
وبالمره يعالجون عبدالعزيز
لانهم سمعو عن مشفى يقدر يعالج مثل هالحالات
عندهم امل بنسبه 50%
واملهم بربي ككبير
وحبهم كل ماله يزيد
مع عصبيه فهد وتسامح ساره
ماشيه حياتهم

شيخه وحماده

انزلق حماده من ع الججبل فصلاله
ونقلوه للمشفى
انكسرت ريله
شيخه من سمعت الخبر ظلت تصيححح من قلبها
اصرت انها تروح المشفى تزوره
تعدلت علاقتهم من لما زارته المشفى
قدر انه يستسمح منهاا بسبب طيبه قلبهاا
حمد ربه الف مره
انه هالكسر يا فوقته

بعد ما رجعو من صلاله شيخه اولدت
البيبي كان ولد
سموه عبدالله
حماده من بعد اللي صار يهتم فيها اهتمام مبالغ فيه
يحبها من كل قلبه ويتمنى انه هالسعاده تستمر لباجي حياته

عيسى واسما
من بعد اسبوع رجعهاا
اول شهر كان يعاملها ببرود
يبغي يادبها
عشان تعرف الصح من الغلط
اسما كانت كل يوم تعترف له بحبهاا
الين يا الوقت المناسب
اللي حس فيه عيسى انه اسما صارت البنت اللي يحلم فيها من صغره
بسبب حنيه عيسى قدر انه يخلي اسما تحبه وماتشوف احد غيره فهالدنيا

راشد ومنى

الراحه فحياتهم
مع انه راشد مرات ترجع له نوبات العصبيه
بس بسبب حب منى له
تقدر تمتص هالشي
منى ححامل فالشهر 5
حامل ببنت

خالد وريم
خلاها معلقه فبيت اهلها
فهد ابد م تدخل فيهم
لانه يحس انه ماله ححق يتدخل فيهم
يفكر مع الايام يرجعها
شما


من بعد حادث ولدها فارس
صارت انسانه انطوائيه
كل وقتها اويا فارس ولدها
استسمحت من ساره
لانها حست الدنيا غداره
الانسان م يظمن نفسه دقيقه وحده
كرست حياتها لعايلتها
تتبادل اوياهم الحححب


فيصل
سافر لنيوزلندا
يكمل دراسته برا
ويبتعد عن اخوان ساره
لانهم متحلفين له
عمور وحماده اذا شافوه مابيصير خير

تركي

فالوقت الحالي يفضل العزوبيه
مع انه شما حاولت تخطب له
اخت عيسى
نوف
حب الفكره
لكنه فضل اول شي يكون نفسه من كل النواحي وبعدسن يخطبها


عمور وسعود

لا زالت صداقتهم تصير قويه ككل يوم
حياتهم كلها ضحك ومسخخره

اهل فهد

اكتشفو انه ساره كل الكلام اللي كانو يسمعونه عنها كككذب
ام فهد عورها قلبهاا ع ساره
حست انعا ظلمت يتيمه
والدنيا دواره
بتدور عليها
وهذا اللي صار مع بنتها ريم

مايد خطب مريم اخت فهد
والملجه بعد شهر

حياه الباجين ماشيه
فيه الزين والشين
حتى ابطالنا
حياتهم لا تخلو من المشاكل
لكنهم يقدرون يتخطونها بسبب الحححب

النهايه

رسالتي لكم:كل شي نبداه بالحرام ابد مايكتمل ولا يتبارك
خلونا نبعد عن الاشيا اللي تغضب الله عشان الله يوفجنا
ودي لككككم