[لامارا]

تعرفني ماقدر اتحمل بنتك فدورلك صرفه
انتي في عقلك ياموضي وش تبيني اسوي اروح احرج عليها ولا اكتب لوحه عندنا بنت لزواج
انا ماقلت كذا بس تعرف بنتك ومن هي امها
وقولك لاتنسين ان المربيتها امي
ماقلت في امك شي بس تعرف العرق دساس وش اصل امهامنين هي من اي دوله معروفه بسحر وشعوذه
خافي ربك ياموضي بنتي تعرف امها بالاسم بس وان امها متوفيه اول ماجبتها وهذي هي ماقعدت عندك غير شهرين وتقولين كذا اجل بعدين وش بتسوين فيها
_تكفا ياعلي انا اخاف على عيالي وعلى نفسي والحرص واجب
.........
.....
.....
وفي نفس البيت
الو
هلا زيون حبيبي اخبارك
_تمام
_يالله حبيبي كملي كلامك الي امس وراح اجيبلك هديه كبيره
_ترا ابي ايباد
_خلاص مايهمك بس قول لي ليش ماتحبينها
_امي تقول لا تحبونها ولا تجلسون معها علشان تقول لبوي يطلعها من البيت
_وشلون شكلها
_شكلها ماعرف بس هي دايم تراجع دروسها وقلت لها ليش قالت علشان اصير شي مهم
_اف صدق بزر طيب حبيبي صوري شكلها ورسليه على رقمي
_اخف من ابوي
_طيب قوللي وش لابسه
_لابسه بجامه ورديه عليها لولو كاتي
_اهاطيب كيف شعرها
_شعرها اسود طويل
بصراحه حمستين اشوفها روحي صوريها ورسليها بسرعه علشان اشوفها
_طيب دقيقه
_زينه بعد اشوي اكلمك مع السلامه



الحين كيف الصورها اخاف امي تشوفني وانا ادخل عندها بس ابروح بسرعه وطلع قبل امي تجي
تعريف لينا 10 سنوات في الصف الرابع ابتدائي


هلا ليون ادخلي حياك وراك واقفه ياقلبي
مشت لينا لمين صلت لاختها
قالت ودي تراجعي معي الرياضيات
طيب ياقلبي جيبي كتابك وتعالي
لينا لحظه اروح اجيبه نزلت جولها وراحت تركض
زينه صدق بزره بعد لحظه رن الجوال على دخلت خوها ريان وناظرت في الجوال وقرت وش مكتوب على الشاشه حبيبي توترت ماتدري ليش وصلنا مالها دخل في الجوال حس صقر في تصرفاته وتوترها وجاء يمشي لمين وصل لعندها وخذ الجوال وشاف وش مكتوب فتح الخط وهو يتمنا انه كذب الي مكتوب
سكت ينتظر المتصل يتكلم
الو زيون حبيبي
عصب ريان وقعد يدور في الغرفه مايدري وش يسوي ياما امهم قالت لهم انها ماهي مرتحه وهي عندهم
تكلم ريان وهو يرص على سنونه من انت وشلون عرفتها
عرف ان احد اهل البيت اكشفه فحب يقهره
قال في نفسه مادم عرفوا فخلني اقول المواصفات الي قالت عنه زينه
فتكلم وهو واثق من كلامه اختك اسمها زينه وهي ماهي اختك من امك وبوك وش بعد وش بعد
ريان شوي ويفجر في البيت كله وهذا قاعد يتكلم ببرود
ايه صح وبالعلامه عليها بجامه ورديه وعليها صوره وترها ماتحب تجلس معكم هاه يكفي ولا ازيد
صرخ ريان على دخلت ابوه وامه من الدرج الدور الثاني وجو يركضون والله لجيبك من تحت الارض وهي والله لتمنا الموت ماتلقيه وصكر الخط وظربه بالجدر وتكسر وكل هذا تحت انظار كل الي في الغرفه ابوه وامه وزينه ولينا لتفت عليها ريان ماحست نفسها الا وهو يسحبها من شعره ويظربها بدون سبب مسكه ابوه وصرخ فيه وش مسويه هي علمني
ريان وهو يصيح يبه بنتك جابت لنا العار متعرفه على واحد وتكلمه
زينه يبه والله كذب ماعرف احد ريان لا تظلمني والله ماعرفه يبه والله هذا جوال لينا والله جوالها هنا صرخت موضي انتي تسوين الشينه وتلصقينها في بنتي علشانه بزار ماتعرف قلت في نفسك وجدان كبيره بس لينا صغيره لا يحبيبتي ماعاد لك قعده عندي في هالبيت
يبه تكفا والله ماعرفه تكفا يبه مالي احد غيرك
شوفي كلمه وبقولها لك دراسه ماعاد فيه وبرا هالغرفه ماعاد ابي اشوفك فاهمه وان شاء الله كلها ايام وتروحي لبيت رجالك وطلع
طلعت موضي وعيالها وتركو وراهم وحده مظلومه ماتدري وش بيصيرعليها


الاسم الاب علي_الام موضي
طلال 25_ريان22_نجود20_احمد18_فهد16_لي� �ا10
وزينه من ام ثانيه17


..........
.....
......
في مدينه ثانيه
تكفين يامه اقنعيه ترا والله اذا ماخذتها ماخذ غيرها دخلت عليهم اخته عفاف الي يشوفك يقول انك ضامن موافقتهم
مازن والله هو جارنا وصديق ابو من عمر ماضنتي يرفض طلب ابوي تكفين يمه قوليله ماعليك من ذي عفاف الحين انا صرت ذي اوريك والله لطلع كل اعيوبك عندها ترا ريم صديقتي من زمان
مازن الحين انا اقنع امي والا ارضيك
يالسلام تقنع وحده وترضي الثانيه وانا لا
امهم ها الحين وش بتزين بذي وقعدة تضحك
مازن والله ياجنان اذا صار الي في راس لجيب لك الي تبين
جنان يارب تحقق الي في راسه
وقف مازن
وين يابوي وين بتروح
مازن ابروح للاستراحه للعيال مجتمعين يالله سلام
بحفظ الله ونتبه على نفسك
مازن ابشري وعلى هالخشم
وبعد ماطلع مازن لتفت لام لعفاف تصلتي على حمد
عفاف اتصل مغلق مدري ليش قلبي مقبوض
يابنت الحلال انتي تقولين انه مواصل من امس مانام وكيد انه نايم
عفاف بس يمه هو معودني انه اول مايحط راسه على المخده يتصل
جنان يعني نقول انه يستاذن قبل ماينام ولا تقولين له قصة ماقبل النوم
عفاف والله انك وحده فاضيه ابروح اريح احس ظهري يوجعني وانتي ساعدي امي وسوي الغداء لا تخلينها
جنان ياربيه وشهوله اجل الشغاله مدري امي متى بترتاح
عفاف اذا تزوجتي ان شاء الله
جنان من بؤك لباب السماء