[لامارا]

البارت الخامس عشر > ~~


نوره : متى يمديني اكلم ابوي واسئله !؟
تعبت انتظر وقت مناسب انا لازم اليوم اكلمه لازم ..


نرجع لعائلة ابو منصور بالملحق ~
تذكرون كم كان عددهم 5 عيال و 3 بنات ..

اسماء : هوااااازن بننننت وين كرتون الكاساااات !؟
هوازن : الحين ماتقدرين تاكلين تبن شوي لين اطلع من الحمام وارتب معاك المطبخ !؟
اسماء : عطشانه ياشيخه انتي تنامين بالحمام لا دخلتيه
هوازن : يوووووووه من بعض الخوات مغص حتى بأحرج الاوقات << تطلع
نعم خير << تتخصر وتنافخ
اثير : بكل هدوء كرتون الكاسات اللي عليه قلم بلون الاحمر مكتوب فيه كاسات
اسماء : هذي هي تجي بالوقت البدل ضايع
هوازن : لا هي بس تستمتع اذا طلعت من الحمام كني مطفوقه
اثير : خلاص اسفه لاني قلت لكم قفلو السالفه



:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::



بنات ابو منصور ~>

هوازن : الكبيره في عيال وبنات ابو منصور بعد منصور عمرها ظ¢ظ© سنه انسانه على نياتها بسيطه جدا واللي بقلبها على لسانها وتهاوش اي احد عادي عندها بالجمال وسط بس تتميز بعرض اكتافها وطويله كانت متزوجه وعندها ولد صغير اسمه سعد وزوجها متوفي وفتره تجلس عند اهلها وفتره عند ام وابو زوجها لانهم كبار بالسن ولحالهم .. ~

اسماء : كثيرة كلام وسوالف تحب التطنز والتعليق على كل شي فاغره ماتحب الدراسه لكن تحاول تجيب معدلات تتوظف تساعد ابوها شوي جمالها ملامحها هاديه بس دايم تخرب نفسها بالمكياج والكحولات والصبغات تقلد صديقاتها الغنيات بكل شي رغم قلة حيلة ابوها وفقرهم .. ~

اثير : انسانه طيووبه وعسل تحب ابوها وخواتها بشكل كبيييير هاديه جدا وبس تبتسم جميله ببساطتها خلونا نوصفها < شعرها طويل اسووود ناعم دايم تظفره او تجدله بيضاا بياض حلو زياده بياض وجهها من دينها وتعلقها بربها ماتحب الغلط وولا تحب المجاملات
وماتندمج مع احد نااادرا ناس يرتاح لهم قلبها
من اكثر البنات اللي يحبهم ابوها عيونها كبيره سودا لكن ناعسه شوي بنيتها ماهي مثل خواتها طول وعرض وسط بالطول ومايله للنحف وتشبه امها كثير .. ~

ام منصور : مريضه بالسكر والضغط وكبيره بالسن التعب هادها ومالها سيره غير اهتمام عيالها فيها .. ~

طبعا الاب متعلق في بناته الثلاث ذولي بشكل مبير ومايشوف بالدنيا احلى منهم في عينه .... ~

نجي للعيال طبعا العيال لهم قصه ثانيه مارح نذكر منهم غير 2 منصور وبهادور << امزح ذا اسم هندي

منصور و محمد < طيب والباقي الباقي ياطويلين الاعمار تزوجو وكل واحد تبرا من فقر ابوه بعد ماتعب وكبرهم وزوجهم كل واحد راح ورا زوجته .. لكن دعوات ابوهم الطيب تحتويهم ويتمنى هدايتهم من الله ..

منصور بكر العيال اهبل يحب المزح ويشاكس خواته مملوح وطيوب جدا ياكل كثييير ومستحيل يسمن حاول بكل الطرق يبغا كرشه مثل اصحابه مافي فايده يدور وظيفه لكن مالقى السبب ماعنده شهاده الا سادس ..~

محمد : وهو صغير سار له حادث وماقدر يمشي فتره من الالم وسار عنده رهاب من المشي او فوبيا المشي يشبه لاثير كثير لكن بحكم انه مايمشي مايطلع من البيت ومدمن قيمزر والعاب ..








اثير : جالسه بالمزرعه خلف الملحق وفيه مرجيحه تحب تجلس لحالها وطبيعتها تغني <<

هوازن : اثير تعالي لبسي سعسع بروح البس سووورعااه

اثير : ماتسمع لانها برا
هوازن : وينها ذي ولا تتصيمخ << اسوووووم تعالي ساعديني

اسماء : اكلم اناااا
هوازن : ياربي وش ذا الخوات
منصور : يضحك بالغرفه الثانيه << تعال يانذل لا تشرد << يلاحق سعد

هوازن : بالله لبس سعد يامنصور ع بال ما اكوي < شوي وتبكي
منصور : خلاص لاتبكين علينا وين ملابسه
هوازن : بالدولاب الدرفه الثالثه تحت
منصور : ماتبغين اوديه الحمام واغسل له كمان
هوازن : منصوووووور لاتجلطني
منصور: طيب طيب



:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::




بيت ابو راكان <<

طبعا غرفة احمد جهة الملحق بالدور اللي فوق زجاج يشوف اللي برا واللي برا مايشوفونه طبعا اثير كانت ناسيه ان الفله تكشف الملحق ويمدي اي احد يشوفها ..

احمد : ينادي الخدامه << روحي للبنا اللي بالملحق تلعب قولي لها استري نفسك

الخدامه: اوكي بابا << تروح لهم تقول بابا اهمد يقول استري بلسك

اسماء : قولي له ماعندنا << وش ذا حلى !؟

الخدامه : ايس هدا روه تئال روه تئال مافي بلسان انا < تكلم نفسها وتقصد انسان "

احمد : اش تبغي !؟
الخدامه : بيت يقول مافي اندنا
احمد : وش قايله لهم انتي !؟
الخدامه : آستري بلسك
احمد : اول مره بعد هالسنين مسك ضحكه وابتسم قوليها مثل الناس حاطه مد ع الالف وخبصتي الدنيا خلاص روحي شكرا جيب كوب شاهي سكر زياده
الخدامه : اوكي بابا بس انا تئبان روه تئال فوق تهت ملحق بعيد
احمد : يضحححك << من مطبخنا مو من الملحق
الخدامه : اها سوري بابا ون دقيقه < وتهز راسها فرحانه

نوره : سووني تعالي تعالي << جالسه هي والهام سوا يسولفون دوبها جت من بيت ابو مشعل
الخدامه : تكلم نفسها وتحرك يدها < ايوه ماما
نوره : اشبك تكلمين نفسك !؟
الخدامه : اهمد بابا في كاكاكا كتير < وتفتح يدها
نوره : احمد !؟ ليه وش اللي خلاه يضحك
الهام : والله غريبه
الخدامه : بابا في يشوف بنت هدا رجال جديد في ملهق ويقول استري بلسك ..... الخ

الهام : هههههههههه رهيبه ان شاء الله ربي يديمها عليه انا بروح اشوف نونتي ..
نوره : ههههههههههههههه جابت العيد معه زين انك فكيتي عقدته جيبي لي معه كاسة شاهي وانا اروح له وانتي بوسي لي نونتنا يالهوم
الهام : فدا اوك حبيبتي





:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::




بغرفة احمد >> ~~

نوره : ممكن ادخل ؟
احمد : ياهلا بالزين تعالي
نوره : وحشتني ياخي
احمد : وانتي والله كيف اللي ببطنك يتحرك !؟
نوره : اي حمد لله ماشاء الله كثير شكله بيطلع حار مثلك بس معصب
احمد : يبتسم < ان شاء الله
نوره ؛ فرحت اخوها سار يبتسم << ماقلت لي وش مخليك مروق اليوم
احمد : هاه ولا شي اسمعي وش رايك تروحين تكلمين اهل ابو منصور ان فلتنا تكشفهم حرام
نوره : شفت احد !
احمد : لا بشوف مين يعني ~ بس شوفي انتي
نوره : ماشاء الله ما احلاها من بنت بروح اتعرف عليهم مو هذا ولدك يلعب معها << تستغرب
احمد : مدري مايجوز اشوف يابنت الحلال
نوره : اي صح استغفر الله قفل ستارتك وانا بروح لرواف واتعرف عليها < تمشي بسرعه
احمد : شوي شوي تراك حامل
نوره : تفكر شكل احمد عجبته البنت خلني اتعرف عليها
نزلت الحديقة <<

نوره : السلام عليكم
اثير : وعليكم السلام ورحمة الله وبركاته
نوره :ماشاء الله اشوف رواف ارتاح لك
اثير: اسفه بس جاني يمشي واحب الاطفال اخذته العبه اعذريني
نوره : افاا وش دعوه عادي انا نوره وانتي !
اثير : انا اثير جينا هنا مؤقتنا ع بال مايترمم بيتنا
نوره : اهلين نورتونا << تبغا تاهذ رواف مو راضي متمسك في اثير بقووه ويحضنها
رواااف تعال يابابا << مو راضي

اثير : تضحك < يالله روح مع ماما
نوره : هذا مو ولدي هذا ابن اخوي امه توفت بولادته فتشوفينه يحب الاحضان اممم اثير ترا فلتنا تكشفكم حاولو ماتنزلون كذا
اثير : يوو والله ماركزت اعذروني ..
نوره : لا يابنتي عادي اذا جيت لاهلي تعالي انتي واهلك نتعرف عليكم ونجلس سوا
اثير: ان شاء الله
نوره : تاخذ رواف وهو يبكي تعلق في اثير كثير ومن اول لقاء لهم < فمان لله
اثير : تناظر في رواف وهو يبكي ويمد يده لها حست بشي غريب وقلبها نغزها ماتبغاه يروح
<< الله يحفظكم






:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::



نوره : خالتي تعاااالي رواف مو راضي يسكت
ام راكان : بسم الله عليه وش فيه ؟
نوره : والله من يوم شاف بنت الرجال اللي جا هنا مو راضي يفكها مايبغا الا هي اخذته من حضنها غصب ومو راضي يسكت الحين
ام راكان : سووووني هاتي رضاعته يمكن يسكت
الخدامه : حاضر ماما << راحت تجيبها
نوره : ها رضى يشرب
ام راكان : لا والله مو راضي حتى غصب مو راضي
نوره : وش الحل
ام راكان : يمكن فيه شي خلنا نوديه المستشفى يمكن فيه مغص او شي
الخدامه : سواق مو في راه يجيب اغراض نوره : انا بروح اكلم احمد بودينا الحين






:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::



<< بالمستشفى عيادة الاطفال ~

الدكتور : مافيه اي حاقه بس يمكن احد زعلو
ان راكان : ماحد مزعله
نوره : يعني مافيه شي حمد لله
الدكتور : ااه مافيهوش اي حاقه
احمد : ناقصين دلع < ويطلع معصب
ام راكان : لا حول ولا قوة الا بالله
نوره : مشكور دكتور

<< بالبيت يحاولون ينومونه مافي فايده
الساعه 11 الليل ..

احمد : نوره قلتي من يوم اخذتيه من البنت مو راضي يسكت يمكن يبيها !؟

نوره : ماتوقع اشبك ياحمد ترا رضيع مايفهم من ذا ومن ذاك ..
احمد : جربي قبل ماينقطع حلقه من الصياح وجع راسي البيت كله يسمع صراخه ..
نوره : تقول كذا مو عيب الحين ؟
احمد : لاعادي مضطرين ..
نوره : يالله بكلم خالتي واروح لهم ..


:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::



عائلة الو منصور متجمعين كلهم << طق طق طق

اسماء : ميييين
نوره : انا بنت ابو راكان افتحي
اسماء : اهلين اختي
نوره : معليش ممكن تنادين اثير ضروري واسفه ع الازعاج بهالوقت
اسماء : لا عادي خذي راحتك ثواني بس
<< بنت اثير وحده من بنات راعي الفله تبغاك
اثير : مستغربه < انااا
اسماء : اي انتي قومي بسرعه
اثير : طيب << اهليين نوره حياك تفضلي
نوره : والله اسفه جيت بهالوقت بس تعبت رايحه جايه
اثير : سلامات وش صار !؟
نوره : القصه كذا كذا كذا ... الخ
اثير : طيب دقايق اكلم ابوي ان رضى اروح معك اجيب عبايتي واجي
ابو منصور : بعد ماعرف القصه << يمكن يابنتي شاف فيك امه روحي حرام يتيم ولا تنسين اجر من مسح ع راس يتيمي فما بالك تضمينه بس لا تتاخرين ..
اثير : حاضر يبه





:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::



>> في بيت ابو راكان و رواف مازال مستمر بالصراخ والبكي

جت اثير وشالت النقاب اول ماشافها رواف يبكي ودموعه تسيل ويمد يده لها <<

وش السبب اللي خلا الولد كذا !؟
ولين متى بيستمر كذا مع بنت الناس !؟
وش الحل فيه وش صار بعد ماضمته اثير !؟
تابعوني بالبارت السادس عشر .. ~