[اسطورة !]

بيت اوس
تشرب الشاي وتتبادل اطراف الحديث مع وفاء
عايدة : والله ان دراستي كلها من "البكالوريوس" الليسنس لحد ماخلاصت الدكتوراه ارحم من التدريس ....يااختي هلكوني هذولاء الطلاب ... ماعندهم نفس يدرسون همهم شهادة بيدهم وبس
وفاء : الله يعينك بس .... والله انك صادقة لمن كنتي تدرسي كنا نجلس معك ونلاقيك ومن يوم تعينتي مدرسه في الجامعه وانك كل يوم وراك شغل والا تعبانه وفي افضل الحالات جالس معنا على الصامت عشان ماعندك صوت من كثر الكلام بالجامعه
: اه على ايام زمان كل شيء تغير وما عاد شيء زي اول .... الا وين كريم اليوم من بعد الغداء ماشفت له صورة
: بالحوش مع ريان ونور الدين وزكريا
كريم يجري الى الداخل : ماما .... خاله وفاء ...في وحدة برع قالت تشتي تشوف عايدة
عايدة : ايش تقول ... خذ نفس وتكلم شويه شويه
: في حرمه برع تقول انها صاحبتك وتشتي تشوفك
: طيب خليها تدخل للمجلس وانا الان بجي
وفاء : انتي روحي استقبليها وانا ببلغ عمتي انه عندنا ضيوف وبجهز عصير وبتبعك
: يلا تمام بس لا تتأخري ... من بتكون هذه الحرمه حاسس اني مش مطمنه من هذه الزيارة الله يستر بس
: اتوكلي علي ربي .... قل لن يصيبنا الا ماكتب الله لنا ... يلا خاطرك
؛؛؛؛؛؛؛؛؛؛؛؛؛؛؛؛؛؛
يرفع الهاتف ليجيب المتصل : السلام عليكم
بصوت متلعثم متردد : وعليكم السلام .... من معي
: انت المتصل مش انا ... انت من تشتي
: يعني لو سمحت ياخوي هذا بيت فضل علي عبدالله ال......
: وصلت ... من تشتي فيهم ؟
: الحمد لله ... الحمدلله ... انت منو منهم ؟
بانفعال بسبب غموض المتصل : انت من ؟ ومن تشتي ؟ ومن وين جبت الرقم ؟
بصوت باكي :انا بندرسمير وامي وضحى فضل بنتكم
علي يحدث نفسه من الصدمه : ايش من انت ... انت متاكد .... انت ايش تقول ...كيف عرفت ومن قالك ؟.... لالالالا مش مصدق يارب انا بحلم والا بعلم
: خير اخوي ...صار شيء .... الو .... انت معي اخوي
: ايوه معك ... بس كيف اعرف انك صادق ... يعني قصدي ممكن تلاقيني
: والله اني صادق ومااكذب عليك وبعدين ايش راح استفيد اذا كذبت هذه الكذبه يعني ... انا لااعرفكم ولا انتم تعرفوني
: طيب قلي علامات اعرف انك صادق
: انا عندي اخت اسمها سباء ونعيش مع ابي من قبل اثني عشر سنه ومانعرف عن امي غير اسمها الا بالصدفه وصلنا له ... ايش تشتي من علامات اكثر من كذا ... الله يخليك قول لي اني وصلت لامي وبلاقيها
: يصير خير .. يصير خير ياولدي ... اسمع ايش اقول لك لازم نتقابل اول وبعدين تشوف امك
: بس انت في صنعاء على مااعتقد يعني مفتاح الرقم صنعاء صح والا انا غلطان
: لا انت صادق وانت فين
: انا في المهرة يعني انت في الشمال وانا في الجنوب
: خلاص ما يخالف ...ممكن تعطيني رقمك وانا بجي عندكم ولمن اوصل بكلمك
: اسف ماعندي رقم خاص وما اقدر اجيب لك رقم البيت لان هذا الموضوع محد يعرف عنه غيري واختي وانت
: امممممم ... طيب خذ رقمي وبعد يومين كلمني ممكن
: اكيد ممكن
:رقمي .....711
يلا مع السلامه نلتقي على خير
:طيب انا حتى اسمك مااعرفه ممكن تقوله لي
:اوووه نسيت ... انا علي فضل
: يعني خالي علي
: ايوه خالك اذا انت ولد اختنا ...ويلا مع السلامه
: مع السلامه وبكلمك بعد بكرة العصر تمام
: تمام في امان الكريم
؛؛؛؛؛؛؛؛؛؛؛؛؛؛؛؛؛؛
دخلت المجلس وانا مرتبكه وحاسس اني بلاقي حد مااشتي اشوفه
بتردد : السلام عليكم ورحمة الله وبركاته
تقدمت اليها :وعليكم السلام والرحمه ... الظاهر ماعرفتيني
: يعني مشبهه فيك وحدة بس مااتوقع بتجي لهنا
: ليش يعني لانك ماتشتيها تجي والا عشان هي ماتشتي تجي
بدهشه وخوف : نجود ... انتي نجود ... والله ماعرفت الا صوتك والا شكلك .... ايش حصل لك وصرتي جلد على عظم
بغصه : ايوه نجود .... عادك ذاكره لي
: كيفك وايش اخبارك
: ااااااااااه ... خلي حالي على جنب وخليني اكلمك باللي جابني لعندك
: اووووه ... صح ايش ذكرك فيني بعد هذه السنين كلها
: انا مانسيتك اصلاً عشان اذكرك ... بس انتي عارفه الطريقه اللي افترقنا فيها ماكان لي وجه اقابلك بعد ذالك اليوم
ببكاء وهي تتذكر ماضيها الاسوء : الله يخليك لا تذكريني باسوء يوم مر بحياتي عمري ماكنت اتصور انه بتكون نهايتنا بذيك الطريقه ولا في اسوء كوابيسي ... انا كنت انحرق عشان اشوفه وهو ينحرق اذا شافني .... تتذكري ايش حصل له اول ماشافني كأنه شاف ابليس ثار وولع نار وماترك شيء الا سواه فيني ظربني وجر شعري ورماني بكل ماوقع عينه عليه حتى رجله ماسلمت منها يعني ماكفاه مد يده علي صار يركلني برجله بكل مكان يوصل له لولا تدخل ماجد اخوك كنت مت بمكاني ... بعد كل هذا جايين ايش تشتوا الان مني ...انسوني مثل مانسيتكم وخلوني اعيش حياتي الله يخليك
وهي تشاركها البكاء : اسمعيني مرة وحده واوعدك ماعاد تشوفي وجهي مرة ثانيه طول عمرك
: اسمحي لي اللي بيننا انتهاء وماعاد لي علاقه فيكم ... خلولي حالي لو سمحتي
: رجاءً عايدة ... انا عارفه ان قلبك طيب وماترضي بالظلم فلو سمحتي اسمعيني وبعدين قرري اللي تشتي وماعاد بجي عندك مرة ثانيه وبنساك زي ماتشتي
بستنكار :ظلم أي ظلم تتكلمي عنه ... انتم اللي ظلمتوني مش انا اللي ظلمتكم ... رجاءً نجود لا تزيدي النار اللي بقلبي كافيني اللي فيني
: رجاءً بس اسمعني ... خمس دقائق بس ... لو سمحتي بس هذه المره بس والله ماعاد ارجع عندك ثاني .. خليني اقول لك ايش صار لنا من فارقتينا
:مايهمني ايش صار عليكم ... انا انحرق باليوم الف مره من فعايل امكم واخوك ... ليش محد رحمني وسمعني ... ليش محد عطاني وجه منكم ... ليش مارفعتي سماعة التلفون واعتذرتي ... وين اخوك اللي وراني الموت وبعدين ماعاد ظهر وين امك اللي شافت موتي وماتحرك لها شعره وينكم من زمان ... قلت لك مابيني وبينكم أي صله ومااشتي اسمع منك شيء
بترجي اعظم ودموعها شلال على خديها : الله يخليك بس هذه المره لا تخليني اندم اني جيتك ... انا عارفة انك بنت اصل وماتردين من جاءك راجي وطالب سماحك ... بعدين والله لولا الحاجة ماكنت جيتك وانتي عارفة انه مالي وجه بعد اللي صار اقابلك لكن قلت نتصافى بالدنيا احسن من الاخرة .. جيت اخذ مابخاطرك علينا واتسامح منك لانه محد يضمن عمره اليوم والا بكره نموت وماتصافينا
: طيب قولي ماعندك ...يلا انا اسمعك
: من يوم جابك ماجد هنا وحمد ماهو طبيعي صح بعد مااختفيتي من قدامه هداء بس مدري ايش صار له .... صار ساعات يروح عقله كأنه مجنون ومايعرف احد مننا حتى امي ..... وساعات يرجع عقله وماكأنه صار شيء ... بعدين وداه ماجد المستشفى يعالجه وبعد كم شهر ياس الدكاترة منه لانه ماعنده أي مرض عضوي ...ونصحونا الناس نوديه يقروا عليه يمكن عين والا سحر ... وهنا بكت نجود وماقدرت تمسك نفسها وبكت معها عايدة ووفاء وامها اللي دخلوا لمن كانت عايده تذكر نجود اللي صار
بعد ماهدات شويه نجود : تعرفي طلع عنده ايش ... طلع شارب سحر قوي وصعب يتعالج منه لانه شاربه .... اااااااااااااااه ياعايده لو تعرفي انتي كنتي المقصوده بالسحر بس لان الله يحبك حماك وشربه حمد بدالك ... بس مش هنا المصيبه لان المصيبه الاعظم ان اللي عمل السحر امي ...تصدقي امي .... امي من كراهيتها لك قررت تسحرك عشان يسيبك حمد وصار السحر على الساحر .... ومن بعد مايأسنا من حمد وديناه المصحة النفسية وامي ماعاد قدرت تستحمل انها السبب باللي صار لحمد وارتفع عندها الضغط وصار عندها شلل رباعي ومايتحرك منها الا عيونها حتى حاست الكلام فقدتها ...والله حياتنا ماصارت حياة .... اولاً حمد ، وبعدين امي ، وختمها موت مختار قبل ثمان سنين راح يزور جدته في البلاد وجاء مطر وصابه البرق وانحرق حتى انه ماعاد عرفه احد الا بالملابس اللي كان لابسها .... يعني انا جايه اقول لك كافينا اللي صابنا من ربك جزاء عمايل امي في اهل ابوي وفيك رجاءنا سامحي امي وماتحملي بقلبك عليها
:انا قلت لك نسيتكم باللي كان .....والله يسامح الجميع
: يعني مالك ولا عليك عندنا شيء
بتردد : ايه ان شاء الله لا لي ولا عليا عندكم شيــــــــــــــ
قطعت كلامتها امها : الا لكم عندها شيء
بحده : يمه مالهم عندي شيء ...لكن الجمها صوت ولدها ينادي والصوت يقترب اكثر فاكثر حتى صار كريم امامها
كريم يلهث من التعب : يمه .... يمه .... انتي هنا وانا ادروك
وقتها عايدة ماعاد حملتها رجوله جلست وهي تبكي : ايش الذي جابك ياروحي ...ليش تشتي تذبح امك روح ...روح من هنا
كريم بقلق ودهشه من حال امه : ايش في ايش حصــــــــــ
قطع جملته بسبب حضن نجود له وهي تبكي وتتلمسه : حمد ..حمد .. حبيبي انت ولدنا .... حرام عليك ياعايدة تحرميه اهله اسأليني انا كيف تعيش بغبن وانت ماتعرف اهلك ولا اصلك ليش ياعايدة ليش قصدك تعاقبيه والا تعاقبينا
عايدة شدة كريم من احضان نجود وهي تصرخ : مالكم شيء عندي ويلا توكلي ولا عاد اشوفيك مثل ماوعدتيني وهذا ولدي ماهو ولدكم .. اعتبري نفسك ماشفتيه
: حرام عليك ... فكري فيه لا تفكري فينا .... وبعدين ماقلنا بناخذه بس يصير يعرف اهله الا ماعاد باقي منهم الا عمه ماجد وانا ... حرام عليك فكري بعقلك مش بقلبك وبتشوفي ان مصلحت ولدك بمعرفة اهله وقبيلته
بحدة وقهر سنين : الان صار معه اهل وقبيله ... تعرفي ايش حصل له بسبب ضرب اخوك لي ... تنومت كل شهور الحمل بالمستشفى وكان في احتمال كبيرانه يطلع مشوه والا فيه خلل في الدماغ ... محد منكم عانا معه مثلي والا عرف عنه شيء تسع سنين وانا اسهر على راحته وصحته كملت دراستي وصرت دكتوراه في الجامعة بس عشانه عشان مايجي يوم يضطر يمد يده لاي انسان حتى لوكان اخواله ...... اشتي يكون مرفوع الراس ويعتز بنفسه وما ينذل لاحد مهما كان
: طيب انا الان ماقلت شيء بس خليه يعرفنا يعرف ابوه ويشوفه ... حرام عليك تربيه يتيم وابوه في الدنيا ... ايش ذنبه يعيش ذل اليتم وانتم عايشين .. فكري فيه بجد وبتشوفي ان قولي هو الصح اللي لازم تعمليه
ام سيف : صح يابنتي ... فكري فيه وشوفي كيف كل يوم يسألك ليش هو من غير اب غير الناس كلهم خليه يعرف ابوه واهله ومابيروح تعبك سدى صدقيني بيكون بار فيك وفي ابوه
: افهميني يمه الله يخليك انا ماعاد اشتي أي احتكاك بيني وبينهم .... وبعدين أي اب اللي تتكلموا عنه ... في المصحة والا ماسمعتيها يعني مجنننننننننننننننون مايعرف نفسه عشان يعرف ولده
: وهذا اللي بيصير ماراح يكون بيننا أي احتكاك بس مره في الاسبوع تخلي ... الا ايش اسمه
ام سيف : كريم
: اوه ماشاء الله ... يكون يجي كريم عندنا مره بالاسبوع والا حتى في الشهر اذا تشتي ومالنا أي دخل فيك ومصاريفه كل شهر راح توصله من دخل ابوه وماحد متفضل على حد ها ايش قلتي
وهي تمسك راسها من الالم : سيبيني افكر وبرجع لكم خبر بس لحد ذاك الوقت مااشتي حد يعرف بالموضوع حتى ماجد تمام
:وانا عند وعدي لك ماراح احد يعرف عن حمد قصدي كريم شيء ... تعال حبيبي تعال عند عمتك خليني اكحل عيني بشوفتك ... سبحان الخالق نسخة مصغرة من ابوه والله لو شفته بشارع بعرف انه ولد حمد سبحان الله مااعظم شأنه
: انا تعبت وبروح ارتاح ... وان شاء الله نتواصل قريب
: وانا الان ماشيه ... وانا على اتفاقي بس اذا تأخرتي على الشهر بتشوفيني عندك
: يصير خير ..... في امان الله
؛؛؛؛؛؛؛؛؛؛؛
بيت فضل
ام علي : يمه قول الصدق هذا واحد من عيال وضحى والا انا غلطانه
بتلعثم : ها من عيال وضحى ايش من عيال وضحى لالا هذا من الموظفين الجدد
زياد : بس احنا سمعناك تقول له انك خاله ... كيف يعني من الموظفين ؟
: بس كنت امزح معه .... المهم انا الان ماشي على المهرة عندي عمل يومين ثلاث بالكثير وبرجع
تضرب على صدرها : ياسين عليك ايش يوديك المهرة ...قول لي الصدق ياولدي ولا تحرق قلبي
يقبل يديها ويحتضنها بحب : الله يطول لي عمرك ... عمل كلفوني فيه وراجع ان شاء الله ... بس انتي ادعيلي ان الله يوفقني بهذا العمل
: الله يحفظك ويوفقك ويفتح لك ابوب الخير والصلاح ويسعدك دنيا واخرة
: امين
زياد : كل الدعوات للباشا مهندس وانا ابن البطه السوداء
: انت ولد قلبي والله يشهد اني ماافرق بينكم بالمعزه وانكم عندي سواسيه
علي : هههههههه انا اشهد ان زياد زايد عليا حبتين وماتقدروا تنكروا
زياد : انا الصغير ومش انت قدك عجل
علي: ها احترم نفسك عن الغلط
زياد: ههههههههههه الا يشوفك بتكشيرت وجهك يعتقد ان الابتسامه ماتعرف طريقك ماهم عارفين انك طول الوقت شاق الضحكه
ام علي : الله ينور دربكم ياعيالي ويحفظكم لي يارب ... يلا قوم توكل على شغلك وانا وزياد بنخرج
علي بمزح لامه :والله انك خطيرة يعني ماراح تفوتي على نفسك الخرجه
ام علي : والله ان نفسي ضايقه واشتي اغير جو
علي : يلا مع السلامه ومتواصلين ان شاء الله
ام علي : في امان الباري ... تروح وترجع بالسلامه ولا تنسى اذكارك
علي : ان شاء الله
؛؛؛؛؛؛؛؛؛؛؛
بعد يومين
؛؛؛؛
؛؛؛؛؛؛؛؛؛؛
جلست امي واخواني على راسي يقنعوني ان مصلحت كريم مع كلام عمته وانه لازم يعرف ابوه واهله ومن كثر زنهم رضيت وصليت استخارة ورحت لبيت ام حمد وياليتني مارحت لاني رحت وبنيتي شيء ورجعت وقد غيرت كل نياتي من اللي شفته هناك
استقبلتني نجود بوجه متهلل فرح وحضنت كريم بحب صادق اثر فيني كيف كنت انانيه وحرمت كريم نعمت الاهل بعد الضيافة طلبت من نجود اشوف ام حمد في البداية ترددت وبعدين خلتني اشوفها .... سبحان الله اذا شفت مصيبة غيرك تهون عليك مصيبتك .... اول ماشفتها ولسان حالي يقول "الحمدلله الذي عافانا مما ابتلا به غيرنا وفضلنا على كثير من خلقه "
تقدم كريم لها وباس راسها وهو يقول : كيف حالك جدتي انا كريم حمد
ماعاد قدرت اعمل شيء وانا اشوف الدموع بعيونها وهي تاشر لي فيهم انه اقرب منها وانا احس كأن احد صب علي ماء بارد من فظاعت المنظر وين القوة والجبروت وين الظلم والطغيان مااظعف ابن ادم يتجبر ويظلم ويبدء بنفسه قبل غيره
تقدمت لها وقلت بصدق من قلبي : طهور ان شاء الله ... الله يلهمك الصبر ويشفيك
زاد بكائها ونجود تقول لي قولي لها انك مسامحتها
مسكت يدها وانا اقول : الله يسامحك ويغفر لك ...وانا ماني حامل بقلبي ضغينه على احد
شفتها تبتسم من بين دموعها عورني منظرها سبحان الله الانسان مايعرف ايش راح يصير عليه لازم نتذكر انه مهما كنت قوي متجبر فوقك الكبير القهار وفوق كل كبير اكبر منه ... يالله خذ حق عباده منها بالدنيا قبل الاخرة ... الله يغفرلها ويرحمها ويرحم نجود معها
بعد ماشفت عمتي .... ماجد قال نروح المصحه بس انا قدرتي ماتستحمل اشوف حمد من غير عقله رغم كل الذي حصل لي منه الا اني مااحمل بقلبي له إلا الحب والحب العظيم اللي نمى وكبر خلال العشر السنين الماضيه وكفايه عليا اني شفت عمتي وتألمت لحالها ....خليت كريم مع عمه يزور ابوه اللي ماعرفه .... وانا رجعت البيت وبعدين ماجد بيروح كريم لعندي وصار الاتفاق بيننا متى مايشتوا كريم يجيهم يأخذوه ويرجعوه وزي مايحب كريم
؛؛؛؛؛؛؛؛؛؛؛؛؛؛؛؛
مشيت اول العصر من صنعاء بتجاه المهرة وبعد اربعة عشر ساعة وصلت وكان معي احد اصدقائي اخذته معي مرافق اخذنا فندق ونمنا من كثر الارهاق وماقمت الا على رنين الهاتف وكان بندر.... واتفقنا نتقابل بعد ساعه في حديقة المرجان في الشارع الرئيسي وقال انه بيجيب معه اخته
بعد ساعة كانت قدامي وضحى الصغيره اول ماوقعت عيني عليها جلست لان رجلي ماعاد قدرت تحملني واغرقت عيوني بالدموع وسجدت لله شكر بمكاني انه وصلنا بعيال وضحى واخيراً راح يلتم شمل وضحى وعيالها حضنتهم بعيون باكيه وانا مش مصدق عيني واتفقنا نروح نقابل ابوهم
سبحان الذي يغير ولا يتغير " اللهم يامقلب القلوب ثبت قلوبنا على دينك " الملامح ملامح سمير والافعال لانسان ثاني طول الوقت مافترت لسانه عن ذكر الله والاستغفار ... انا اول ماشفته استبشرت خير مع انه الاولاد كانوا مخوفني منه لانه مايحب انهم يفتحوا معه موضوع امهم ...المهم ان الامور تسهلت وقبل اآخذ العيال معي فترة الصيف وارجعهم اول ماتفتح المدارس واعطيته رقم هواتفنا ...وهوطلب مني مسامحته و طلب مني اوصل اسفه وعتذاره من ام العيال عشان تسامحه وتحلله من افعاله فيها ومن حرمانها عيالها من غير ذنب
كلمت زياد بالاخبار الجديده وقلت له يحاول يكونوا بكره العصر متجمعين عند وضحى وقلت له اني بتواصل مع محمد ...والحمد لله نسقنا الوضع ووصلنا لبيت وضحى وكانت امي ووفاءوعيالها وزياد ومحمد هناك
؛؛؛؛؛؛؛؛؛؛؛؛؛
وضحى
لمن كلمتني وفاء انهم بيجتمعون عندي شكيت لانه مش جمعه وبعدين زياد صار له سنين ما حضر جمعاتنا بس عدى العصر كله ومافي شيء وانا قلت يمكن عادي وراح مني الهاجس صلينا المغرب ورحت صلحت قهوة وتمر واحنا جالسين نأكل ومستانسين ونضحك دخل علينا اخي علي ومعه حرمة مدري بنت وولد ... اول ماشفتهم فز قلبي كأنه عرفهم
وفاء
لمن شف علي ومعه ولد قمت انا ووضحى نتغطى واستغربت انه دخل علينا الولد لانه مش صغير
علي بعتب : يعني انا مااعرف انكن تتغطين مادخلته عليكم الا وهو محرم لكم
اول من استوعب كلامه امي اللي انفجرت بالبكاء
لفيت اشوف العيال الواقفين ورى علي وطحت من الصدمه لاني عرفتهم عرفت عيال وضحى اللي مانشفت دموعها عليهم انتبهت ان وضحى مالها أي حس لفيت اشوفها لقيتها طايح بالارض مثل المغمي عليه وهي تهذي وتنادي عيالها من قوة الفرحه انصدمت ماعاد قدرت تمسك نفسها بعد مارجع لها حسها ودموعها شلال على خدها وعيالها بحضنها يبكون معها ماكان بلسانها الا ..." اللهم لك الحمد ولك الشكر ...يارب إنه حلم لا تصحيني و إنه صدق لا تأخذ عقلي " كانت تضم سباء وبندر وتمسك كل شيء فيهم و تبكي وتصيح اقربوا مني خلوني اعوضكم واعوض نفسي سنين الجفاف والبعد والحرمان ...اثنى عشر سنه ماذاقت عيني النوم ولا عرف قلبي طعم السكينه ... هميتكم وانتم قريب وتعذبت وانتم بعيد ... يارب مااكرمك ... يارب ماارحمك ... رجعت لي ضالتي فلك الحمد حتي ترضى ولك الحمد اذا رضيت ولك الحمد بعد الرضي .... اذا مت الان بموت وانا قريرة العين بشوفتكم قولوا لي كيف كانت حياتكم وايش صار لكم يشهد الله عليا ما نسيتكم بفرض ولا سنه وبتطوعاتي ما نسيتكم رجيت ربي وربي ما خذلني اللهم لك الحمد اللهم لك الحمد اللهم لك الحمد
؛؛؛؛؛؛؛؛؛؛؛؛؛؛؛؛؛؛؛
بعد ان اكتشفاء سر اخفاء سمير عنهم امر امهم وذلك لانه خاف من مواجهة وضحى بمصايبه وخوفه الاكبر كان من فقده اولاده وكرههم له بسبب ماعانت امهم بسببه ففضل الاخفى افضل واسهل وتعهد له ابنائه بالعيش معه فطلب بندر منه الانتقال الى صنعاء لكن سمير رفض رفضاً قاطع فكان يقضي ايام الدرسة في المهرة وطيلة ايام العطلة يقضيها بجانب والدتة التي عادة لها حياتها برجوع اولادها اليها اما سباء فبعد انتهاء دراستها تزوجة بأحد زملائها وعاشت في تعز وكانت بين الفترة والاخرى تاتي لإزيارة امها وتذهب الي ابيها ايضاً
علي وحنان تزوجا وعاشا حياة مستقرة مع ام علي
ذهب زياد بصحبة محمود للدراسات العليا في تركيا
توفى ابو محمد ولحقته بسنه ام محمد
رزقا محمد ووضحى بولد اخر بعد سالم اسموه احمد
وكانت حياتهم مليئة بالحب والرحمة
توفيت ام ماجد وتزوج ماجد باحد بنات خاله
تزوجت نجود بااحد ابنا اعمامها الذين تعرفوا عليهم بعد وفات امها
ظل حمد على حاله واستمر كريم بزيارته يومياً
سناء وسيف واولدهم حماس ، ونورالدين ،زكريا ، منى ينعمون بحياة مستقرة
عايدة تقضي يومها بين جامعتها وولدها ووالديها وتحتفظ بقلبها بحب حمد الذي يزداد يوم بعد يوم فكلاهما ضحية للام
وفاء وسعيد واولدهم ريان ، وريم ، والحسن والحسين انتقولوا للعيش في الامارات العربية بعد ان حصل سعيد على فرصة عمل في السفارة اليمنية هناك
هكذا كانت نهاية رحلتنا فالحياة تدور ويوم لك ويوم عليك والفطين من استفاد من تجارب غيره قبل ان يصير هو عبره لغيره
بالامس القريب كنا هنا كالاغراب لايعرف احد الاخر ولانعرف سواء ان منا من سجل في هذا المتصفح اما
لانه اراد ان يكون فيه..........او
لان الاقدار اتت به اليه
ولكننا اجتمعنا هنا في عالم تعرفنا فيه على ماهو غريب عنا من عادات وتقاليد غيرنا ...وتعرفنا على اشخاص ماكانت الايام لتجمعنا بهم غير في هذا المكان
عالم علمنا القوة والامل والصبر وان مع العسر يسرى
تعلمنا معاني جميلة والاجمل اننا استفدنا منها الكثير
وهاهي الايام تمضي وامسنا يصبح اليوم
هاهي اللحظات الاخيرة في هذا المتصفح الرائع تنتهي
وهانحن نستعد للرحيل الى متصفحات اخرى فمعركتنا مع الحياة لازالت في بدايتها
اعزائي اشكر كل من قدم لي يد العون بردودكم المشجعة وبحضوركم الراقي بحروفكم المحببة الي نفسي وبتقييمكم اسفل ردي دائماً اقدم شكري وامتناني لكل من وضع بصمته في هذا المتصفح ووصل بي الى بر الامان والى نهاية رحلتنا
لقد حان وقت الوداع
وداع المتصفح الذي التقينا فيه للوهلة الاولى
نودع كل الزوايا التي عشنا فيها أيامنا الحلوة والمرة صبرتم معي ونلتم
والان نودع كل من رايناه هنا لنقول له سنلتقي غداً ونحن اعظم واكثر قوة وصلابة
وداعاً ايها المتصفح الذي عشقته كثيراً
وداعاً ايها المتصفح الذي فيه وجدت ذاتي
وداعاً متصفحي الحبيب
وداعاً ايها الحلم الذي اصبح حقيقة
وداعاً والى لقاء اخر ان شاء الله
ودمتم بالف خير
مع تحياتي
اسمــــــــــــــــــــــ ـــــاء