[لامارا]

بعد صلاة العشاء تفرقوا الحريم وكل وحده راحت على بيتها
ادخلت طيف شقتها وهي معصبه اخذت الجوال وتصلت على ماجد بس مارد
طفشت اكثر وقعدت تصيح وراحت لغرفة النوم ورمت نفسها على السرير بعد خمس دقايق دخل ماجد شقه وشافها تصيح وهي منسدحه على السرير جاها يركض رفعها بيده وحطها على صدره وسالها وش فيك حاسه بشي علميني
حركت راسه يعني لا
ماجد اجل وش فيك متصله والحين تصحين ولا داري وش فيك
طيف ليش تكذب علي
استغرب ماجد كلمها اصلن متى كذب عليها وهي حبه الوحيد قال متى كذبت وش كذبت فيه
طيف انت تحلف وتقول انك ماتبيها وماعمرك جيتهم ولا نمت معها وان عيالك كلههم غلطه منك قبل ماتزوجني والحين بعد ماخذتك ماعاد اتبيها ابد وفجائه اسمعهم يقولون حامل وش لون كذا علمني ومتى صار ياخي قول من اول انك تبيها ماعندي مشكله بس تكذب علي
ماجد لحظه اولا انا ماني اخوك وبعدين هذي اكيد تكذب تبي تقهرك
طيف اصلن ماكنت بتقول بس جدتك هي الي احرجتها لين قالته بس شي وصار بس انا وين وين كنت يوم رحت لها
جلس ماجد وتذكر يوم راحلها كنت زعلانه منه علشان ماخلها تروح لحفلة بنات عمها كان خايف عليها وزعلت وطردته من البيت وراح الاستراحه ومالقاء العيال بعده رجع لبيت ومفتحت له الباب لانها كانت مقفله باب درج الاخير اللي يطلع للحوش فدخل عند سلمى علشان مايشوفه ابوه اذا راح يصلي الفجر فصار الي صار فقالها ماجد كل شي بس انتي هدي لا يصير لك شي يكفي الحمل الي قبل كل ماصارلها اربع شهور يموتون فخاف عليها لان نفسيتها بعد الحمل تعبانه
طيف قعدت تصيح
قال ماجد يالله البسي عباتك خلينا نغير جوا ونطلع نتمشا شوى
طيف لا وادي انام احس اني تعبانه
ماجد طيب غيري ملابسك وطلع لها بجامه قال اساعدك في لبسها قالت لا انا البسها وطلعت للحمام وغيرت وهو جلس على السرير يتحلف في سلمى اذا جاء طيف او ولدهم شي بعد عشر دقايق طلعت و هي لابسه البجامه ونسدحت على السرير وتغطت بتنام قالت ماجد طف النور
ماجد ابشري ياقلب ماجد انا بطلع عند ابوي في الملحق اذا بغيتي شي تصلي
تسمعه بس ماردت
وهوعرف انها ماودها ترد
...........
.....
...
وفي اليوم الي بعده صلى الفجر وقعد يصلح قهوته في مشب خاص له ويفكر في اخوه دخل عليه سعد وتقهوى معه قبل مايطلع لدومه بعده دخل ماجد حب راس ابوه صبحكم الله بالخير ردو عليه
سعد شكل عندك دوام اليوم
ماجد ايه واحد من خوياي عند ضروف وبمسك عنه اليوم
...........
.......
....
ام خالد جنان قومي بسرعه يالله الساعه
جنان يمه والله اليوم تعبانه احس بحراره وحلقي يوجعني
امها اكيد ولا تبين النوم
جنان والله يمه صدق
طلعت من عندها وراحت لغرفة عيالها
ام خالد يالله ياعيال اصحوا
مازن يمه كم الساعه
امه الساعه ست ونص
مازن يمه لاتصحين الا تسع
امه ليش
مازن يمه انا مستاذن اليوم
امه يالله ياركان ركان......ركان...ياربي انت تسمعني ركان
ركان طيب
يالله قوم وطلعت من عندهم
ركان طيب هذاني صحيت ورفع الحاف وقام يغسل ويلبس وطلع مرعلى امه وعفاف صباح الخير وحب راس امه ردن عليه وقرب من كنز
ركان يالله ياكنز المدرسه
عفاف تخيل تدرس صدق
امهم ان شاء الله بتدرس وتزعجك
ركان وين بنتك العنز ماصحت
امه لا تقول تعبانه
ركان اجل يالله مع السلامه
امه بحظ الله يابوي
...........
.....
..وفي بيت قريب منهم
طلع صوت فيصل وهو يصارخ جته امه خير خير وشفيك تصارخ على هالصبح
فيصل يمه انا قايل لبنتك الخبله تغسل ثوبي وتكويه قالت خلاص واخر شي لقيت نفس مانزلته
امه بس خلصت انا للي قايله لها وانت تعرف انها ماعمرها غسلت لك شي فليش قاعد تصجنا
فيصل والحين كيف اروح لشغلي
امه هذا الغساله قدامك لا تزعجنا
فيصل قسم الضربها بس خلني ارجع
امه روحه بلا رجعه احسن
سمع دعوة امه وياما سمع اكثر بس وش يسوي هاذي امه جنته وناره
............
......
....
يالله انا ماشي لاخوي بس انتبهي لا تطلع ولا تكلم احد ياموضي
موضي طيب انتبه لطريق وبشرني ولا تجي لا وانت مقنعه
ابو طلال طيب طيب فمان الله
.........
....
....
على الساعه اربع العصر تصل ابوطلال على ابو سعد وقاله انه قريب من الباب بس يبيه لحاله وسكر الخط لتفت ابو سعد لعياله وقال ان فيه رجال جاي يبي اغراض منه ولا يبي احد منهم عند فكان سعد وياسر وفيصل وركان جالسين فقامو بعد مسمعوا كلام ابوهم بعده دخلت شغاله جايبه معها القهوى بعد موصاهم سعد ان فيه رجال عند ابوهم يبون اقهوه بعد خمس دقايق سمع صوت اخوه ابو طلال
ابو طلال ياعرب
ابو سعد تفضل يابوطلال
سلمو على بعض وبعد اسوال عن الاحوال قال ابوسعد وش الامور اللي عندك والله وانا اخوك اني قلقان من يوم علمتني
ابو طلال والله وانا اخوك انا قصدك بشغله
ابو سعد ابشربها وانا ابو سعد
ابو طلال والله الواحد مايدري متى يومه والمثل يقول اخطب لبنتك قبل ولدك فانا ابي مازن لزينه ياخوك خواتها الي اكبر والي اصغر كد عرفنا رياجيلهن واذا جاني احد قال مانبي بنتك اليتيمه والله انها تحزفي نفسي
سكت ابوسعد بعد قال لازم مازن يدري ونشوف رده
ولك مني اقنعه ياخذها
ابو طلال تكفى لو هو بالغصب والله اني اعزه ماخترته الا من حبي له
ابو سعد بتصل عليه وخله يجي وقوله
الو مازن وينك فيه
مازن قريب يبه بغيت شي
ابوه ايه تعالي في المجلس
مازن طيب
بعد شوي وكل واحد يفكر كيف يقنعونه يوافق دخل عليهم مازن سلام عليكم
وبعد السلام
قال ابوه ارتح يامازن ابسالك تبي ارضاي
مازن مالنا غنا عنه
ابوه اجل عمك معطيك بنتها
قام مازن وهو مستنكر الامر اصلن هو مايبي من بنات عمانه هو يبي الريم بس قال بنت عمي ونعم فيها بس قلبي ماسكنه لا وحده وانت تعرفها يبه
قال عمه طلبتك يامازن لا تردني لو تاخذ عليها ثلاث بس اخذها
قال ليش وش فيها بنتك يوم ترميها علي
قال ابوه ولد انتبه لكلامك الي انت تقوله هذا عمك
مازن وانا ماقلت شي بس بنته مابيها
ابوه والله ثم والله مايخذها غيرك
طلع مازن وهو معصب على كيفهم يزوجونه ليش ماهو رجال ويختار اللي يبيها وركب سيارته ونطلق فيها بسرعه
بعده قال ابو سعد مالك الا اللي يرضيك ان شاء الله اسبوع وحنا عندك نملك لهم والعرس متى ماحدوده
قال ابو طلال ياليت يصير عرس وملكه اخف ولدك يملك وبعده يطلقها وتخرب سمعتها
قال تم بس في نفسه صعب يقنعه ملكه وزواج بعد اسبوع لان مازن راسه يابس ومايتنزل بسرعه
قال انا الحين استاذن لازم ارجع لاني مابي احد يدري اني جايكم مع السلامه
........
.....
.....
وفي بيت عامر
تكلم عامر على عياله وقالهم انه بخطب لهم سوا ناصر وعبد الرحمن قالت زوجته ان عبد الرحمن يبي مرام بنت اختها ام سعد قال حنا بنخطب بنات ابو سعد وحده لعبد الرحمن وحده ناصر قالت زوجته ترا ثانيه اسمها جنان تصير بنت ام خالد
قال ابو ناصر الله يكتب الي فيه خير شوفوا الوقت المناسب علشان نروح نخطب لكم
قال ناصر الاسبوع هاذا عندي ضغط في العمل خلوها الاسبوع الجاي
قال ابوهم ان شاء الله
...............
.........
.....
الحين صارت الساعه عشر ونص ومازن ماجاء ولا تصل تكفى ياخالد شفه
خالد يمه مازن رجال وشهوله تخافين
امه انت وش فيك اخوك ماعمره تاخر واذا تصلت على طول يرد بس هذا طالع من الساعه ثنتين والى هالحين ماجاء
لا جاني العصر في المجلس وطلع
قال خالد هلا يبه بس العصر تقول بيجيك رجال
ابوه رجال جاني ودخل علينا مازن وبعده طلع
الا تراني خطبت لمازن بنت عمك
ام خالد اي عم وانت تدري من يبي
ابوهم بنت ابوطلال اللي امها متوفيه
زوجته بس مازن اكيد بيرفض
ابوهم ان كلمت مازن وعلمته وقعد يرفع صوته على يتحداني بس علميه ترا زواجه الاسبواع الجاي
قال خالد يبه الله يعافيك كل شي بالغصب الا زواج هذا تراه عمر
ابوه بتعلمني ياخالد ولا بتساعد اخوك علشان يكسر كلمتي وناظر في زوجته عطيني علاجي حق الضغط
رفعوا عيالك ضغطي
خالد ماعاش من يرفع ضغطك ويكسر كلمتك بس تعشاء قبل العلاج
ابوه مالي فيه بس عطوني علاجي
قالت ام خالد ياجنان عطي ابوك علاجه
وراحت وخلتهم ودخل ابوهم غرفته قال خالد لجنان عطيه علاجه وطلع يكلم اخوه علشان يعرف يتصرف في اخر لحظه رد عليه مازن
الومازن انت وينك
مازن في هالدنيا
خالد ياخي خوفت امي عليك ورا ماترد على تصالتها
مازن كنت تعبان وماقدرت ارد
خالد طيب تعال للبيت
مازن انا في الاستراحه مقدر اجي ابنام فيها
خالد طيب على الاقل اتصل على امي وطمنها
سكر الخط من خالد وتصل على امه
الو يمه
امه هلا يابوي وينك ماترد
مازن كنت مشغول والحين ماسك عن واحد من خوياي امه طيب يابوي انتبه نفسك
مازن ان شاء الله
.............
.......
...
دخل مازن الاستراحه ولقاء كل العيال متجمعين فيها وناظر في ركان وصرخ عليه ماشاء الله الاخو ماعنده مدرسه بكره جالس هنا الى هالوقت نظرو كلهم في سعاتهم الوقت بدري عشر ونص وبالعاده ركان ورامي يجلسون الى ثنعش 12
قال ركان وش فيك معصب وانا على كيفي
كان مازن ينتظر احد علشان يتهوش معه فجاء جاء مسرع لركان ومسكه مع رقبته بيضربه قام ماجد وسلطان ومسكو مازن قال سلطان انت صاحي ولا شارب جاي بشرك وركان دايم معنا واحسن له من العيال الي في الشوارع قال ركان اتركوه شكله ماهو في عقله قال مازن ترد علي يالبزر والله لعلمك الحين وشلون تعرف ترد على اللي اكبر منك دخل خالد عليهم السلام عليكم خير وش صاير قال صقر شكل اخوانك نهبلو سحب خالد مازن وطلعه برا
خالد انت وشفيك اليوم
مازن الي فين اني ابي اموت رتحت
خالد علشان حرمه
مازن ايه علشان حرمه ياخي مابيها مابيها
خالد والحل في نظرك انك تهاوش مع اخوانك ولا ترد على امك وبشرك امك زعلانه الحين على ابوك وسبه انت وترا ابوك حالف ان عرسك الاسبوع الجاي
انت وش تقول اكيد ابوك صاير العقله شي والله ماخذها وعلمه
خالد طيب امش علشان امي اللي تركتها ودموعها على خدها وانتبه ترفع صوتك على ابوي
مازن ماني راد لمين ينام ابوك
خالد ابو اخذ حبوب ضغط ودخل غرفته ونام وامي خابرها في غرفتكم
مازن طيب
دخل مازن على امه ولقاها تصيح وبناتها عندها قال يمه تكفين لا تصحين
قالت ان والله احس بقهركم
مازن انايمه ماني مقهور وبوي وعلمته اني مابي بنت عمي وبوي بيسمع مني وانا مودي اخذ البنت وانا كرها بس ابوي علشانه معصب يقول هالكلام وان شاء الله بكره اتفاهم معه
دخل ركان سلام يمه وش فيك
امه ابتسمت مافين الا العافيه بس خوفني مازن علشان مايرد على اتصالته
قال ركان كان تصلتي علي وعلمته علشان يروح لك
ونفتك منه
..............
.........
.......
في الصباح طلع مازن من الحمام وهومتسبح والابس بيروح على دوامه حصل ابوه قدامه قاله يالله بروح للمستشفى علشان تسوي التحليل حق الزواج
قال مازن يبه بنت عمى مابيه ماتصلح لي ولا انا اصلح لها وذا كانك مصر انك تزوجني اخطب لي بنت جارنا ابو بندر
قال ابوه انا علمتك وقلت لك والله ثم والله ماتاخذ الابنت عمك فعجل علينا وخلص خلنا نروح للمستشفى مازن وانا مابيها
ابوه طيب يامازن انافي السياره اذا جت الساعه ثمان ماجيت ترا امك تحرم علي ترا زواجك من بنت عمك في كفه وانا وامك في كفه
وطلع وخله
قعدو يصحون كلهم قالت امه ماعليك خله حتى الو طلق اهم شي انك تصير مرتاح انت
قالت جنان ياخي انت ماتحس اهم شي نفسك تبي امي تتركنا
صرخت امها عليها جنان احسن لك اسكتي
حس نفسه مسير ماهو مخير كمل ملابسه وطلع مايدري ابوه برا اوكد راح لانه ماعاد يحس في الوقت
ركب في السياره ورحو للمستشفى حلل وطلع وهو يحس افي اي وقت بيطبح ويغما عليه
............
........
.....
اتصل على صقر
الو سلام
صقر وعليكم السلام
مازن انا عند بيتكم اطلع
صقر دقايق
سكر الخط بدون يقول مع السلامه عرف صقر ان مازن متضايق بس الحين بساله وش فيه قام ولبس وطلع وحصله ينتظر فتح مازن الباب حق السواق ورح مع الجهه الثانيه وركب علشان صقر يسوق عنه
قال صقر سلامات يالاخو شايفني سواق عندك
مازن تكفى اركب وانت ساكت
نزل في مرتبة السياره شوي وحط شماغه على وجهه وتمدد
ركب صقر وحرك السياره
قال مازن تكفى حرك على اي مكان بعيد ودي ارتاح
فعلا مشى صقر وهو في نفسه يقول اكيد فيه شي يخليه كذا
قال ترا بروح للبر
سكت ينتظر منه اجابه بس مازن ساكت
وبعد نص ساعه قال مازن انا ابتزوج
ضحك صقر ولي بتزوج يسوي سواتك على كل حال الف مبروك واخير حصلة الريم
قال مازن بالله لو هي الريم تشوف حالتي كذا
صقر اجل
مازن بنت عمك علي
صقر من نجود اخبر ولد خالتها خاطبها
مازن لا الثانيه اللي امها ماهي سعوديه
صقر وش غير رايك
مازن ابوي حلف علي وش اسوي بعدها يقول اخذاها لوتاخذ بعدها ثلاث
صقر صراحه انا خوك هالشياب مدري كيف يفكرون
تدري انا ابوي يقولي خل بنت خالتك واخذ حرمت اخواك حمد الي هي اختك عفاف
وخر شماغه عن وجهه وقال وانت وش قلت
وش تبيني اقول رفضت طبعا ماتخيل نفسي مع حرمة اخوي الي انا عرف كثر حبهم لبعض احس اني اغدر في اخوي حتى هي المسكينه مدري وش بتسوي لدرت بالسالفه والله يامازن ماهو كره في اختك بس صعب تاخذ وحده كانت مع اخوك احمد ربك انها ماخذت قبلك احد
سكت مازن يدري ان مصيبته اخف من مصيبة صقر

.............
.......
.. .
انتشر خبر زواج مازن من بنت عمه علي فقرار ابو سعد يسكن زينه في غرفة معها حمام تحت في الدور الارضي علشان تصير قريبه منه لانه يعرف مازن ويعرف اطباعه وحلف مازن مايسوي شي في هالعرس لانه مايبيه قفامو اخوانه بكل حاجه حتى انهم شرو غرفتة النوم وهو ولا فكر حتى يشوفها ولا فكر وين بيسكنها لانهم قرارو يزوجنه فخلهم يحلونها
بعد اسبوع وفي زواج طلب منهم مازن يكون الزواج مختصر بس عشاء في الاستراحه لرجال وبس
مشو متجهين لجده علشان عرس بس الرجال واخذو بس ام خالد علشان تشوف البنت وتعطيها الهديا والاغراض اللي معها وصلو لبيت علي وستقبلهم علي وولده ريان ودخلت ام خالد عند ام طلال ياهلا ام خالد تو مانور البيت
ام خالد البيت منور باهله وش اخباركم من زمان ماجيتونا
ام طلال والله شغل ابو طلال اخذ كل وقته
ام خالد وين البنات
ام طلال البنات في غرفهم الحين اروح انديهم لك
طلعت ام طلال من مجلس الحريم ورقت الدرج ودخلت غرفة البنات قالت بسرعه يالله اطلعن سلمن على حرمة عمتسن عبد العزيز وناظرة في زينه يالله يسرعه غيري لبسك وانزلي وعلى فكره ترا العصر ملكتك
وقفت تكفين ياخاله ماودي والله ماطلع من الغرفه بس مابغى اتزوج
ام طلال عجلي بس خلصينا لا يسمعك ابوك ولا ريان والله ليصير اخر يوم في حياتك يالله بسرعه انتظركن وطلعت
جت نجود ومسكت اختها معليه يمكن يصير معك زين ماتدرين هدي هالحين والبسي خلينا نسلم على حرمة عمي وبعدها نشوف
تحت قالت ام طلال والله يام خالد الوقت كان قصير ماقدرنا نخلص ونجهزها مثل باقي البنات دخلت نجود وبعدها لينا وسلمو وجلسو
قالت ام طلال هذولي بناتي نجود ولينا
نجود اخبارك ياخاله اخبار البنات
ام خالد الحمد الله كلهم طيبين ويسلمون عليكم الا وين عروستنا
نجود تقول اشوي وانزل
ام طلال تقهوي يام خالد
بعده دخلت عليهم زينه وهي ماسكه نفسها واضح اثر الصياح كانت لابسها تنوره سود وتشيرت ابيض وسلمت على ام خالد وستاذنت وطلعت نظرتها ام خالد واكسرت خاطرها وعارفه ذوق مازن انه صعب هي جميله بس ناقصه عنايه واضح فيها الحزن
قالت ماجاء الشيخ يملك لهم
قالت ام طلال يقول بيصلي معهم العصر في المسجد وتراها اذن اذا بغيتي تصلين
ام خالد ايه ابصلي
..........
......
....
في شقة طيف وماجد اللي ماقدر يروح معهم علشان شغاله بس بيلحق عليهم بكره في الزواج كان متمدد على السرير جته طيف
قالت ماجد انا ماعاد احس ب اي حركه لطفل
ماجد مابغى يخوفها يمكن عادي تراك اول مره تجربين حركاته
طيف والله اللي يومين ماعاد احس به
ماجد وليش ساكته طيب بسرعه البسي بنروح للمستشفى
طيف اجلست وقعدت تصيح
ماجد يابنت الحلال يمكن انك مكبره الموضوع وهو شي عادي يالله خلينا نروح ونتاكد وان شاء الله كل شي سليم
طيف ان شاء الله
.........
.....
....
في بيت ام خالد
جنان تركيها ازعجتيها
جنان ياختي احبها لا تعالي وشلون توقعين شكل حرمة اخوك ههههههههه بس ماتخيل مازن مع زوجته
عفاف ليش وش فيه مازن بصراحه اتخيلها سمراء وشعرها طويل
جنان ليش عاد سمراء
عفاف على امها ترا معروفين بالسمر
جنان الله احب لون اللي كذا
عفاف والله لو اقول برتقالي لتقولين احبه بس يالله قومي ساعدين نرتب غرفة اخوك اللي والله راحمه هالبنيه
جنان يمكن تطلع شريره هاه وترا احساسي دايم يصدق
عفاف اقول امشي بس يام احساس قبل ماكنز تصحا من النوم وترك كل شي عليك
..........
.....
....
في مجلس ابو علي
الشيخ وين المعرس
سكتو كلهم بس مازن ماتكلم فقال ابو سعد هذا هو واشر على مازن
الشيخ والي امر العروس
قال ابوها ان
تمت مراسم الملكه وصارت زينه زوجة مازن
اللي وده يطلع من هالمجلس ويتركهم وكلهم يباركون له بس مارد على اي واحد فيهم طلع الشيخ وطلع هو وراه وركب سيارته ومشاء
...........
.......
....
دخلو المستشفى واخذو الكشف الاول وقالوا لهم يروحون لدكتورة نساء والادة دخلو على الدكتور وقالت لها طيف كل شي
الدكتوره الازم نسوي لك سونار علشان نشوف وضع الجنين ياليت تتفضلي على السرير
قامت طيف وهي تدعي ان كل شي سليم
بعد ماالدكتوره سوت لها الاشاعه قالت ان الجنين ميت من يومين قعدة تصيح خاف عليها ماجد وقعد يهديها قالت الدكتوره لازم تدخل التنويم علشان يسقطون الجنين
قالها ماجد دكتوره هذا حملها الثالث والله ماكتبه الدكتور لازم نشوف وش سبب علشان مره ثانيه تاخذ الاحتياطات
.......
.....
.....
كلمت ام خالد والدها خالد
الو يمه خالد
خالد امري يالغاليه
ام خالدياليت يابوي توديني انا وعرست اخوك للمشغل
خالد ابشري
امه مع السلامه
جت ام طلال من المطبخ وجلست ياليت يام طلال تكلمين ابو طلال ودي اخذ زينه للمشغل
ام طلال ابشري وتصلت على ابو طلال
الو
بوطلال هلا وهو يطلع من عند الرجال
ام طلال اقول يابو طلال ترا ام خالد ودها تاخذ زينه للمشغل
ابو طلال انتي صاحيه انا حالف ماتطلع الا مع زوجه تبين تسبب لنا مشاكل حنا في غنا عنها وسكر الخط لتفتت على ام خالد والله ابو طلال عيا يقول ماسمح لبناتي يرحون للمشاغل
...........
......
....
فوق في غرفة البنات قاعدة زينه تصيح دخلت عليها نجود بس يازينه اللي مثالك يستانس بتسافرين وبتعرفين على بنات عماني هناك وصدقيني بقولين وش ابيبهم ارجعلهم
زينه نجود انا ابي اطلب منك طلب و عتبريه اخر طلب
نجود اذا كان اقدر عليه ابشري
زينه ابي اكلم صديقتي فرح
نجود طيب ابعطيك الجوال وانتي قفلي الغرفه عليك وانا ابقف عند الدرج واذا شفت احد جيتك بسرعه
زينه قامت بسرعه وحظنت نجود وحبتها الله يحفظك لي ياحلا اخت
نجود كله علشان فرح
اخذت زينه الجوال وتصلت على فرح وعلمتها بكل شي واخذت رقمها وكتبت في ورقه وحطتها في شنطتها

......
...

في المستشفى طلع ماجد بعد ماتطمن على طيف انها سقطت والحين هي بخير وتصل على خالته وعلمها وتصل على امه وعلمها كان متضايق ويحس ان طيف تعبت بعد ماعرفت بحمل سلمى قال هين اوريك بس اتفضالك ورح على محل شغله
............
.........
......

وفي اليوم الثاني يوم زواج زينه ومازن جابت ام خالد كوفيره بس ام المصوره حلف مازن ماتجي للزينه وشرت لها فستان للعرس وعلى الساعه عشر خلصت زينه وكانت جدا جميله باركتلها خالتها ام خالد واختها نجود بس
وجاها ابوها وكانو في الغرفة قال اخذي كل اغراضك علشان ماترجعين وياويلك لو احد يشكي منك فاهمه نزلت زينه راسها ونزلت دموعه قالت في نفسها ياليتك احترمتني اقبال خالتي ام خالد الله يسامحك وفي هالحظه تصل خالد على امه وقال يالله بسرعه علشان بيزفونهم قالت ام خالد يالله يازينه السيارة وصلت قربت زينه من ابوها وحبت راسه ولبسة عباتها وطلعت مع خالتها بعد ماطلعو كل اغراضها وركبوها السياره

في السياره كان خالد يسوق ومازن بجنبه شاف اغراض زينه قال شكلها واثقه انها بطول
خالد استغفر الله ماتدري وش مكتوب
مازن استغفر الله
فتحت امه الباب اللي ورا مازن وخلت زينه تركب وراحت وركبت مع الباب الثاني وركب خالد بعد ماحط اغراض زينه في شنطة السياره ورد السلام بعده قال مبروك يابنت العم بس زينه ماقدرة ترد عليها عرف انها مستحيه وصلو الفندق ونزل مازن قال ياليت تجيب السياره بدري علشان نمشي سوا
قال خالد ان شاء الله
قالت امه مازن يابوي اخذ شنطة زينه السود الصغيره
مازن ابشري على هالخشم
دخل مازن مع زينه جناحهم كان مكون من غرفة نوم مع حمام وصاله مطبخ تحضيري نزل شنطة زينه عند باب الجناح ونزل البشت وجلس كانت زينه واقفه ماتعرف وش تسوي لان مالها احد يعلمها قالها مازن مطوله بالعباه بسرعه نزلت عباته ونزلتها على الكنب قالها مازن اجلسي ابي اقول لك كلام
اجلست بدون ماتناظره
قال شوفي انتي مادخلتي هنا علشان تدخلين هنا وكان ياشر على راسه وبعده على قلبه
ناظر فيه وعرفت زينه انها ماهي مرتاحه ابد وقفت قالت ودي اغير ملابسي قال هذي شنطتك وهذي الغرفة قدامك وقام قال انا ابغير ملابسي وبطلع نتظرته لين طلع واخذت شنطتها وطلعت بجامه لونها اسود ومسحت مكياجها وتسبحت ورتبت شعرها ولبست بجامتها وجلست على السرير تنتظر مازن لمين اخذها نوم ونامت اما عند مازن قعد يمشي قريب من الفندق لمين اذن الفجر راح للمسجد وصلى وقعد فيه لمين الشروق وهي حست بالوقت وناظرة ساعتها شافت ان الفجر مذن لها ساعه قامت توضت وصلت وبعده رجعت على السرير سمعت باب الجناح يفتح فاسوت نفسها نايمه علشان يعرف انه كارهته بعد ماهو هوبس اللي كارها
ام مازن دخل الغرفة والقاها نايمه طلع وخلها وراح لصاله وتمداد على الكنبه الموجوده وقت جواله على تسع وارسل على خالد انه بيمشي معهم بس يبيهم يمشون تسع نزل جواله ونام صحت زينه الساعه سبع جمعت اغراضهاورتبتها في الشنطه غيرة لبسها ولبست فستان وردي طويل ماسك على الجسم ولبست معه كعب اسود وحطت كحل مسكر وروج وردي هادي وكان شعرها ناعم من شكله مايحتاج ستشور ماقدرة تطلع من الغرفه وعلى تسع سمعت نغمة جواله وسمعته يرد بعد شوي دخل قال جهزي اغراضك على بال مخلص واخذ منشفته ودخل الحمام وهي طلعت في الصاله وطلعت اغراضها وعبايتها وبعده طلع وكان لبس وخالص واخذ اغراضه معه اتصل على خالد وقالهم انه في المواقف ينتظرونهم وسكر الخط وتصل على استقبال الفندق طلب عمال علشان يجون يخذون شناط وينزلونها لهم بعد خمس دقايق جو العمال قال يالله البسي نقابك وعبايتك لبست ونزلو

.........
امي متصلت عليتس
عفاف ايه
جنان متى بيصلون
عفاف تقول امي على سبع ان شاء الله
جنان سالتي امي عن العروسه
عفاف سالتها قالت بعدين شكل فيه احد عندها
جنان اف طفش وقامت
عفاف وين واشوفك وقفتي
جنان ابروح للبنات مرام وبسمه يالله مع السلامه

............
.......
....



تحركو كلهم من قدام الفندق بثلاث سيارات ...
سيارة خالد كان معه امه واخوه راكان
وسيارة سعد كان معه ابو ورامي والده
اما الباقين رجعو في الليل بعد ماخلص الزواج
والسيارة الثالثه كانت سيارة مازن ومعه زينه والجو كان هادي مافيه اي صوت كان مازن يحاول يتجهل وجودها فجائه ضرب مازن الدركسون بيده وقال الله ياخذك وطلع جواله خافت زينه انه يقصدها


............
.......
.....

في قسم الجده الي عباره عن مجلس فيه جلسه عربيه بالون العنابي ومقابله غرفة نوم وحمام خاص فيها كانت الجده جالسه وقدامها القهوه وصحن التمر ومعها رادو وكانت تسمع الاخبار فيه دخلت عليها جنان
سلام صبحك الله بالخير ياجده
الجده هلا يالله انك تصبحها بالعافيه
جنان وراك ماعاد تمرينا وتقولين بنيات والدي ماعندهم احد اروح اشوفهم
الجده والله اللي له الحق يجي الثاني من هاه ماتعلميني
جنان شوفي ياجده تونا نقول اللهم صلى على محمد
الجده اللهم صلى وسلم عليه وش اخبار اختك
جنان والله اختي تسلم عليك
الجده ماكلمك مازن
جنان الا كلمتنا امي بيجون سبع وراتس مارحتى وانتي دايم تقولين مازن غير هو فيصل وانك يترقصين في عرسهم
الجده والله مالي قدره ولا اول من يركب انا
جنان الله يحفظك لنا ياجده ووقفت
الجده وراك وقفتي
جنان والله ياجده ابروح لمرام وبسمه فوق تبين مني شي قبل اروح
الجده لا والله وانا امك روحي لخواتك وطلعت جنان من عند الجده اللي ارجعة رادوه



ماحلل احد يقراها وقت الصلاة

اعذروني على الاخطاء الاملائيه
نلتقي ان شاء الله