[لامارا]

البارت السابع



رمى نفسه على الكنبه : تععععععبب
فيصل : هذا وحنا رتبنا غرفه
مشاري : عشان تعرف قيمه خاله مريم
دق جوال فهد ومن شاف الاسم قام ودخل غرفته بدون اي كلمه
مشاري طالع لفيصل بستفهام : وش فيه ذا
فيصل بدون اهتمام : علمي علمك

عند فهد
فهد بعصبيه : انتي ما تفهمين انا مو فاضي اتحمل مسوؤوليه احد ثاني
......: مشكلتك مو مشكلتي تعبت اكذب واكذب على اهلي اكثر
فهد يحاول يكتم اعصابه : انتي اللي اخترتي ذا الطريق ونتي راح تكمليه
.......: محسسني ان انا اللي غلطت مو كانك انت اللي كنت معاي ، انا كم شهر وراح ارجع السعوديه واللي يصير يصير يلا سلام... طوط طوط
اخذ جاكيته وطلع والشرار يطلع من عيونه
مشاري : سلامات
طنشه وطلع برا الشقه ركب سيارته حط راسه على الدركسون اول مره يحس انه ضعيف مو قادر يسوي شي غلط غلطه كبيره وما يدري كيف يحلها ولا عارف شلون يفكر بس كل اللي يعرفه ان لازم يسوي شي قبل لا تكبر السالفه وتنتشر شغل سيارته يبي يشغل نفسه باي شي اخذ نفس طويل ودق على عبد الرحمن
عبد الرحمن : هلا
فهد يحاول يخلي صوته طبيعي: اهلين بالثقيل،متى بتمر المستشفى؟
استغرب عبد الرحمن من سؤال فهد : بطريقي للمستشفى ربع ساعه واكون عندها
فهد: خلاص نتقابل هناك وقفل
عبد الرحمن: اليوم الصباح كان رافض والليل يسال عنها

،،،،،،،،،،،،،،،،،،،

..... بدت تهلووس: يلا ديوم خلنا نرقص
ديم : انتي بديتي تهلوسين تبي تقومي انتي قومي انا مالي خلق
سارا : كيفك وقامت
ريان اول ما شاف سارا قامت راح لديم جلس جمبها : فيك شي؟
ديم : لا
ريان : تقومين ترقصين معنا واشر على سارا
ديم : لا
ريان سحبها من يدها وطلع برا الفيلا
ديم سحبت يدها بعصبيه: من انت عشان تمسك يدي
ريان : سووري بس شكلك مضايقه من الجو قلت اطلعك نتمشى على البحر لان اذا طلبتك بتقولين لا
ديم طالعت بلبسها
ريان فهمها : محد راح يشوفك انا حاجز الشاليه كلله
ريان : يلا نمشي
ديم : طيب ومشت وريان على يمينها
ريان : طول الوقت اللي انتي جالسه فيه ما شربتي خمر
ديم : ونت جالس تراقبني
ريان ضحك : تقدرين تقولين
ديم : ايه انا ما اشرب وريحته لحاله تقرف
ريان : بس يريحك من همومك ، اوه صح نسيت ديم فارس البنت المدله كيف يكون عندها هموم
ديم : تقصد شي
ريان : هههههههههه لا ولا شي تفتكرين بالكافي لم قلت لك انتي ما تبتسمين قلتي لي ديم بنت فارس مو اي احد تتنازل وتبتسم له
ديم : وانا باقي على كلامي
ريان:كلامك وعقليتك اكبر بكثير من عمرك
ديم بغرور : انت الحين جايبني عشان تقول لي ذي الكلمتين
ريان :معاملتك لي اسميها غرور ولا كره
ديم : الاثنين
ريان: كنت احسبه الجمعه ههههه
ديم لفت واعطته نظره
ريان : خلاص ما راح اعيدها
ابتسمت ولفت وجهها
ريان : اموت انا على الابتسامه
ديم: نرجع بردت
ريان : هناك في جلسات خلنا نجلس شوي بس ونرجع
ديم : طيب ما نطول
ريان : خلاص ما راح نطول
طالعت ديم بالجلسات شكلها يريح النظر طاولات مصفوفه بشكل مرتب وانيق قزاز بلون الاخضر وعلى كل طاوله مشروب وكاستين وكل طاوله لها كرسين مصفوفه بشكل مرتب
سحب لها ريان الكرسي جلست وجلس قدامها
تاملها وهي مسرحه بالبحر شعرها القصير يتطاير مع نسمات الهوا خشمها الصغير الواقف شفايفها المليانه ابتسم بخبث: الحلو وين سارح؟
ديم: ولا شي
ريان : بنلعب لعبه وش رايك
ديم رفعت حاجب : وش هي
ريان : بنسال بعض يعني سؤال منك سؤال مني
ديم بحماس: ابدا
ريان : حبيتي؟
ديم : لا
ريان: اوكك دورك
ديم بجراءه : كم مره بست بنت؟
ريان ريح على ورى : كثييييير بس ولا وحده دخلت مزاجي
ريان : شي يجذبك بالناس ؟
ديم : حقارتهم
ريان ابتسم بدون اي كلمه
ديم : انت شربت خمر صح؟
ريان : ايهه
ديم : لي ما سكرت
ريان : كاستين ما تاثر
ديم : اهاا
ريان : من متى تعرفين سارا
ديم: من زمان
ريان: يعني كم
ديم : اربع او خمس سنين
ريان ضحك :يعني اقدم مني
ديم : لي من متى تعرفها
ريان :4 شهور وبتحديد قبل اليوم اللي تقابلنا فيه بالكافي
ديم : يعني بيوم تتعرف والثاني تعزم
ريان : وش ذنبي لو انا حلو
ديم بقرف: ايهه مرا وقامت :انا راجعه
ريان وقف : وصار يمشي وراها وصلو الفيلا صوت الاغاني صار اعلى واعلى والواحد مو قادر يوقف من كثر الشرب
ريان قرب من اذنها عشان تسمع : فوق المكان هادي اذا تبين تطلعين
ديم : لا مابي ورجعت جلست مكانها
ديم بدت تطفش فتحت جوالها وكلمت السواق يجيها جلست تدور سارا بعيونها كانت منتهيه على الاخر وعرفت ان حتى لو كلمتها ماراح تفهم شي
اخذت شنطتها وجوالها وتوجهت للحارس اعطاها عبايتها لبستها وثواني جاها اتصال من السواق : ....انت وين موقف..... ايه عرفته الحين بطلع
.......: على وين ؟؟
ديم : البيت
......: بدري
ديم : ولله يا استاذ ريان ما طلبت رايك ومتى اروح ولا ارجع كيفي ولا تدخل بشي ما يخصك يلا باي ومشت
رياان بخبث : عرفنا شي على الاقل مزاجها متقلب بس راسك جايبه جايبه لو مو اليوم بكرا

،،،،،،،،،،،،،،،،،،،،،

خلص اجراءات الخروج ووقع على ورقه اخلاء مسؤوليه المستشفى عن دخولها وخروجها من غير اوراق رسميه

في الممر
طلع مفتاح سيارته وعطاه لفهد
فهد : وش اسوي فيه
عبد الرحمن: بشنطه في كيس في عبايه جيبها اذا ما عليك امر
فهد بفهاوه : لمين
عبد الرحمن : فهد مو وقت تناحتك ابد

دق الباب مرا مرتين ثلاث ما وصله اي رد فتح الباب السرير فاضي سمع صوت في الحمام

جلس على الكنبه الموجوده في الغرفه وكلها دقايق طلعت له
لف عليها باين انها ماخذه شور
نجد لم شافته نفسها الارض تنشق وتبلعها انا ما اتفشل الا مع ذا : الحين احد سمحلك تدخل
عبد الرحمن: يلا ما شيين
دق الباب
عبد الرحمن : ادخل
دخل فهد وبيده كيس اعطاه لنجد : وش فيه
فهد بضحكه ساخره : عبايه
نجد : طيب ما عندي ملابس
عبد الرحمن : الحين اطلعي بلبس المستشفى وبعدها يصير خير
لبست عبايتها وحطت الشيله بس على راسها
فهد : يقال انك تغطيتي
نجد حقرته وما ردت عليه
عبد الرحمن : مشينا وطلع لحقه فهد ووراه نجد
فهد: دحوم تعال معاي وبكرا الصبح جيب سيارتك
عبد الرحمن : طيب

وصلو الشقه
فهد : الشارع فاضي بسرعه قبل لا يجي
نزل عبد الرحمن لف فهد على نجد : يلا
نزلت نجد وصارت تمشي وراهم ووجها في الارض وتستعد نفسيا لاي صدمه او غلطه ثانيه راح تسير
دخلو الشقه وواول ما تقفل الباب حست برهبه المكان
عبد الرحمن اشر لها تجلس
وبطاعه دخلت وجلست
مشاري طلع من الغرفه : اهلاااااا ما بغيتو تجون
عبد الرحمن : وينه فيصل
مشاري: بغرفته
عبد الرحمن: خله يج..
ما كمل كلمته الا وفيصل طالع : كأن في احد ناداني
عبد الرحمن طالع بنجد: اليوم لازم نعرف كل شي اسمك؟ من انتي ؟من وين جايه؟ وين اهلك ؟ عشان نعرف نتصرف
نجد سكتت لثواني اخذت نفس طوييل : اسمي نجد فارس ال....

صدمه

مشاري وكانه يبي يتاكد: فارس بن متعب ال .... صاحب اكبر شركه ثياب بالخليج

طالعت فيه ببرود : ايه، بس بنته بالاسم
فيصل : شلون بالاسم
يعني مو ابوي بس هو اللي ربط اسمي بسمه
عبد الرحمن : كملي
بدت تتكلم وحابسه الدمعه
فهد نجد تعرف عيله ...... مستحيل شلون نجد و لانا يقربون لبعضض
يا رب سترك ، يارب سترك
مشاري تاثر من كلام نجد حس بغبنه
حس ان اللي تتكلم وحده من اهله
عبد الرحمن نظراته لها كلها برود وغموض
حل الصمت لثواني بعد ما خلصت نجد
فيصل: يعني مالك احد
نجد حركت بنفي
مشاري يبي يلطف الجو: كذابه انتي عندك اربع اخوان
اعرفك على كل واحد
نبدا بسم الله
انا مشاري عمري 21 اكبر منك بسنه ادرس بالجامعه تخصصي هندسه ويسموني سليبسي وذا الاسم له قصه بعدين راح تعرفيها

اشر على فيصل ذا امنا القلب الحنون فيصل اكبر مني بشهرين بس عمره 22 يحب الطبخ وهو عادةً اللي يطبخ لنا

وذا فهد مخ الحجر اعند منه مافي واهدا منه ما تلقين عمره 24 يشتغل في بنك

واخيرا عبد الرحمن انا عن نفسي اعتبره جدي مخه كبير ويفكر بالموضوع من كذا ناحيه مثل الشيبان عمره 26 ويشتغل بالاداره الماليه

عبد الرحمن : كل واحد يعيش بذا البيت لازم يسوي شي ما راح تعيشين ببلاش
نجد ارتاحت لهم وكل خوفها بلحظه راح :قلي ايش اسوي وانا جاهزه
عبد الرحمن: كل اسبوع تجي خاله مريم تنظف الشقه نقدر نستغني عنها وتكونين مكانها
نجد : ماااشي
مشاري: لا جالس
فيصل : لا حوووول ببدينا
مشاري : محد يقدر موهبتي حتندمون يوم لا ينفع الندم
فيصل : ايه نشوف
فيصل : فهد... فهيييد
فهد سارح بمكان ثاني ولا هو معهم
مشاري بصوت عالي: ففففههد
فهد فز : فجعت اهلي ي شيخ
فيصل : لي ساعه اناديك ما تسمع
فهد : لي في شي
فيصل : لا سلامتك
فهد : اجل تصبحون على خير
عبد الرحمن لف عليهم : وانا استاذنكم بنام
فيصل : وانا بعد خلني انام
مشاري : فجاه كذا كلكم جاكم النوم
طنشه فيصل ودخل غرفته
مشاري بتردد : نجد
نجد : ها
مشاري اشر على غرفه بنهايه الصاله : ذي غرفتك واذا احتجتي اي شي انا بكون في الصاله
نجد ابتسمت : شكرا
مشاري انحنا لها : العفو سنيوريتا
قامت دخلت وقفلت الباب لفت نظرها على الغرفه كل شي ابيض بابيض السرير بركن الغرفه لونه ابيض وحوافه ذهبي فصخت عبايتها ورمتها على السرير اول ماحطت راسها على المخده دخلت بنوم عمييق

عند فهد
كل الافكار السيئه كانت تمشي بدماغه
كل شي سي تخيله لو نجد تقرب للانا وكانت تعرف شي عنها انا بنتهي
ما قدر ينام غسل وجهه وتوضا فرش سجادته وصلى ركعتين عشان يهدا فتح جواله لقا رساله فتحها خلال شهر بيكون عندك وذا اخر كلام عندي)
لازم ارضى و اتقبل الامر الواقع
وكلت امري اليك يا ربي قرا معوذاته ونام



''ذا البارت حق بكرا لان احتمال ما اقدر انزل الخميس واليوم فاضيه قلت انزله لكم واذا قدرت كمان بكرا بنزل ''

سبحان الله وبحمده سبحان الله العظيم❤️