((الجزء السابع))
احبك بوجودك بقربك وبعدك.. .
اريدك لي حبا عظيما يتكلم عنه العاشقين دهورا …
اريد ان اسعى لأسعدك وارش حياتك من الورود عطورا…
هل لي يا من سكنت قلبي ان احقق امنيتي بقربك
هل تريد ان تشاطريني بحياتك ….
كم اتمنى ان اسير بجنبك المس يدك احس بنبضك واطمع ان اكون بقلبك...
سئمت من طرد الوحوش ورائك أوريدك ملكي وحدي...
أريد أن اطمئن بحبٌ عظيم يرفع مني همي وبلائي..
تمنيت ان اسكن جزيرة خضراء مع من احب واكمل معه باقي عمري وساعاتي...
فهل تستطيع تحقيق ذالك؟؟؟؟
في اسبانيا كانت عائلة ندى وعائلة سارا كلهم مجتمعين عشان يتغدون مع بعض راحوا المطعم واخذوا اكبر طاوله بالمطعم طلبوا الطلبات وقعدوا يسولفون....
ابوسعود:اقول ابو معن مين اللي ماسك اشغالك بالرياض وانت مسافر
ابومعن:اخوي هو اللي ماسك الشركات تعرف ماعندي ولد غير معن
ابوسعود:بس والله التجاره بجميع انواعها طايحه هذي الفتره
ابومعن:اي والله معك حق خسارتنا اكثر من الربح
ابوسعود:ياخوفي بعد فتره نعلن افلاسنا
ابومعن:الله لايقولها تفائلوا بالخير
ابوسعود:ربك كريم
ام معن:وش شفتوا بالسوق عجبكم شئ
ام سعود:لا والله ياسعاد انا مالقيت ولا شئ بس ندى مابقت شئ ماخذته
ام معن:كانها سارا اخذت ملابس ماتنلبس وتقول هذي الموضه
العنود:اقول ندى سديم ماولدت؟
ندى:لا لسى باقيلها شهر
سارا:هي حامل بايش
فيصل:اتوقع بنت
ندى:لا هي قالت ولد
العنود:اللي هو اهم شئ تقوم بالسلامه
هذا الحوار اللي كان يدور طول فترة الغداء ومن سالفه الى سالفه انتهوا من الغداء الساعه 5العصر.....
فيصل بعد ماطلع من الغداء راح يمشي لحاله على الشاطئ ويغني بصوت هادئ قعد على الرمل وقام يرسم ويمسح ندى شافته وراحت قعدت جمبه وشافت دموعه اللي علطول مسحها..
ندى:فيصل وش فيك؟
فيصل:وشو مافيني شئ قاعد اشوف البحر والشمس منظرهم يجنن سبحان الله
ندى:هذا الكلام مايمشي على دودي اختك قولي وش صاير
فيصل انسدح على رجل ندى وقعد يتكلم:لما رحت اشوفها اخر مرا قبل ماسافر شفتها قاعده مع واحد وتسولف معاه وتضحك ولا كاني موجود او حتى قد شافتني وقالتلي سوري انت مين ماعرفك ناظرتها وقلت جوجو احنا انتهينا,,ليش يادودي صارلي كذا انا والله حبيتها
ندى مانصدمت لانها كانت متوقعه ان بيصير شئ زي كذا:معليش الحمدالله انك عرفت حقيقتها قبل مايصير اي شئ افرض انك خطبتها وبعدين اكتشفتها وش بتسوي
فيصل وهو معصب:بس اللي انتي ماتعرفينه اني نمت معاها غلطت معاها ليش ماتفهمين
ندى من الصدمه صرخت:ايــــــــــــــــــ� � نمت معاها
فيصل:غصبن عني والله
ندى:انت صاحي بقى فراسك ذرة عقل كيف سمحت لنفسك
فيصل:خلاص قلتلك مو بيدي والله ندمان ندمان
ندى:كيف تقول غصبن عنك يعني هي اللي اجبرتك مو انت رحت بيدك وتبي تتحدى العالم كله عشانها شفت انها ماتستاهل
فيصل:ندى تكفــــــين خلاص انا مو ناقصني النار اللي جواي تغلي تكفين..
ندى خمت فيصل من كل قلبها وهو خمها بقوه بس ماصاح لانه مايحب احد يشوفه وهو يصيح ارتاح شوي بس بعد فتره قام وقال لندى:دودي بلييييز لاحد يدري باللي قلته عن النومه مع جوجو خصوصا سارا اعرفك تقوليلها كل شئ
ندى:ان شالله محد راح يعرف غيري انا
رجع عم السكوت بينهم وفيصل لايزال حاط راسه على رجل ندى وساكت....
ايطاليا(روما)كانت نوره وامها وابوها وريان وسطام يجهزون لنوره صارلهم اسبوع بروما...
في شارع(فيا كوندوتي)كانوا نوره وريان يدورون من محل الى محل من هنا تشتري شنطه ومن هنا جزمه ومن هناك فستان والى الان مالقت فستان الزواج...
ريان:نوره امشي ندخل هنا شوفي عندو فساتين مرا حلوا
نوره:مليت وحر وقرف خلاص بفك حجابي بموت من الحر
ريان:كأني انا العروس مو انتي متحمس اكثر منك
نوره:طبعا حبيبي لابسلي برمودا وتي شيرت عريان وتقول متحمس لو انك لابس حجاب وبلوزه كم طويل بهالحر كان ماقلت كذا
ريان:طيب امشي نروح نجيب ايس كريم بعدين ندخل
نوره:طيب يلا بس ابي ايس كريم باااارد
ريان وهو يضربها على راسها:يالغبيه في ايس كريم حار
نوره:مدري بس ابي ايس كريم بارد
ريان:الله يعين سلطان عليك ماخذ بزر
راحوا ريان ونوره يشترون ايس كريم خفف عليهم الحر ودخلوا المحل وقعدوا يقيسون
نوره:شوف هذا حلو صح
ريان:مدري بس اللي قبله احلى هذا مدري احسه عادي مو مرا واااو
البياعه:انا بتوقع الاول كتير احلى عليكي لانو كسمك(جسمك)بيلبئلو الاول
ريان:ماشالله تتكلمين عربي
البياعه:انان لبنانيه عايشه هون مع زوجي
نوره:اففف ياربي الحين انا قست المحل كله
البياعه:شوفي هالفستان شو رأيك
نوره:احد يلبس احمر بزواجه
البياعه:انت مع الزواج بطلتي تفكري منيح انتم عندكم بالخليج اهل العريس بيعملو عزيمه كبيره للعروس وهيدى كتير بيجنن
ريان:معليش بس نوره بطلت تفكر
نوره:اوووه نسيت هذا مرا حلو بس الفستان اللي شريناه من فرزاتشي
ريان:اي واحد ماتذكر من كثر مادرتي فيني
نوره:الابيض اللي فيه وجه فرزاتشي على الصدر بالذهبي
ريان:ايــــــــه تذكرت
البياعه:ياي شكلو كتير حلو بس العروس بتحتاج اكتر من فستان انتي قيسيه شو بتخسري
اخذت نوره الفستان وقاسته وطلع مرررا حلو عليها مطلعها عروس
نوره:ها وش رايكم
ريان:مررا يجنن ماشالله
نوره:خلاص ابيه بس مالقيت فستان للزواج
البياعه:استني دقيقه هلأ برجع
رحات البياعه ورجعت وهي مبتسمه:تعالي معي بدي فرجيك شئ
ريان:طيب اقدر اجي كمان
البياعه:لأ انت استنى هون
نوره:طيب لحظه البس ملابسي اطلع كذابدون حجاب
البياعه:ماتخافي مافي رجال تعالي بسرعه
راحت نوره مع البياعه ودخلتها غرفه مليانه فساتين لسى بالاكياس شكلها توها واصله وكل فستان احلى من الثاني انبهرت نوره من الفساتين
البياعه:شو رأيك بيجننوا ماهيك انا سألت المديره عشان خليك تدخيلي وهل الفساتين مستحيل راح تلاقي متلو لانهم حبه وحده
نوره:ياي مررا يجننون اقدر اجربهم
البياعه:ولو اكيد بتقدري خدي راحتك
اخذت نوره 4فساتين هم اكثر شئ عجبها بس كلهم طلعوا مو مرا لابقين عليها إلا واحد طلع خطير
كان اوف وايت(بيج فاتح)ماسك من عند الصدر وضيق وبعدين عند الخصر يبدى يوسع الين يصير واسع بالاخير وكل الشئ الواسع درابيه(طبقات)والطرحه طويله بعدين في جزء تمسكه باصباعها الصغير من يد وحده مرا كان حلو وفخم<<بعد مالبست راحت نوره بعد ماتأكدت مافي رجال إلا المدير وقفت قام ريان اللي انبهر من جمالها
ريان:او ماي قاد شكلك يجنن مرا روعه خلاص هذا الفستان اللي تاخذينه
نوره:مررا عجبني حسيته مررا فخم وبنفس الوقت مو بزياده زي القراوه
البياعه:شفتي التلك راح بتلاقي فستانك عندنا
ريان:تسلمين على المساعده لو تدرين اسبوع كامل ندور فستان زواج وعجزنا
نوره:اي والله خلاص الين افصخ واعطيك اياه
ريان يكلم نوره من ورا الستاره وهي تغير ملابسها:نوره كم باقيلنا فستان
نوره:والله مدري انا شريت الابيض والاحمر ابي كمان 3على الاقل وطبعا كل واحد بجيبله جزمه(شهقت)نسيت ابي جزمه لفستان الزواج
البياعه:عندي وحده بس مابعرف اذا بتعجبك ولا لأ
راحت البياعه جابت جزمه بيضه بس مو مرا حلوا وماعجبت نوره ابدا اخذوا الفستانين وحاسبوا عنهم وطلعوا من المحل بعد ماخذوا رقم البياعه عشان اول مايوصل بضايع جديده تقوله......
اسبانيا_ماربيا
الساعه8بالليل في غرفة سارا وهي تكلم ندى:دودي انا ضايق خلقي وابي اطلع اشم هوى
ندى:وانا اكثر ابي اروح البيتش(الشاطئ)
سارا:حتى انا يلا ربع ساعه والاقيك تحت
بعد ربع ساعه نزلت سارا وهي لابسه بلوزة عيال حمرا عريان(بدون اكمام)وبرمودا جينز ورابطه شعرها,وندى لابسه بلوزه بيضه وعليها تويتي بالاصفر برمودا جينز كانت اشكالهم عاديه وكلهم من غير اي نوع من المكياج راحوا علي البيتش وقعدوا يناظرون السماء وهم منسدحين من غير مايتكلمون وبعد نص ساعه دق جوال سارا وكان سلطان سأل وينهم وقالتلهم سارا وبعد ربع ساعه وصلوا فهد وسلطان وقعدوا يناظرون ندى وسارا وهم منسدحين كانت اشكالهم تضحك..
سلطان:هاي
سارا وهي تعدل جلستها:هايات
فهد:بسم الله عليكم ليش اشكالكم كذا
سارا:ليش يعني لازم نطلع كل يوم مرتبين
ندى:احنا لبسنا كذا عشان مانبي نروح اي مكان في خليجيين
فهد وهو يقعد:اصلا المكان هنا مرا خطير
سلطان هو يقعد:مكان رومانسي شكلي بجي شهر عسل هنا
سارا:اسبانيا ماحسها تنفع شهر عسل
ندى:بالعكس بس مو بوقت الخليجيين عشان تاخذون راحتكم
سارا:سلطان نوره محجبه
سلطان وهو يأشر على ندى وسارا:اجل زيكم مفرعه
قعدوا يسولفون عن كل شئ مابقى شئ ماتكلموا عنه حتى زواج سلطان وبعد فتره من الكلام
قامت سارا وقالت:ودي امشي مين يمشي معاي
ندى:مالك امل اقوم امشي
فهد:ههههههههههههههههههههه� �هههههههههههههههههه لاتحاولين
سلطان:يعني طاحت علي بس ماراح اقوم
سارا:احسن بمشي لحالي
راحت سارا تمشي لحقها سلطان لانه خاف عليها كانت الدنيا ظلام
سارا:ليش جيت عادي لاتخاف علي
سلطان:اصلا انا طفشت من القعده قلت اجي امشي معاك
قعدوا يمشون وهم ساكتين وسارا تشوت الرمل وتغني بصوت واطي بس مسموع اغنيه راشد الماجد(خلهم ينفعونك دامهم يعجبونك اليوم تضحك شفاتك بكرا تبكي عيونك صرت منهم وفيهم صرت خاتم بايديهم بعت نفسك عليهم ليتهم يشترونك)
سلطان:ماشالله حلو صوتك
سارا:ههه شكرا
سلطان:سارا وش فيك اليوم احسك متضايقه
سارا:لا عادي مافيني شئ
سلطان:علبالك بصدقك قوليلي لاتخبين علي انا سلطان
سارا:كيف بيكون شعورك اذا شفت الانسان اللي تحبه من كل قلبك مع انسان ثاني بس هو مايدري انك تحبه وكل ماتشوفه يقعد يقولك وش سوى مع اللي يحبه وتمثل قدامه انك مو مهتم بس بالحقيقه انت قاعد تموت اصعب شعور بالعالم انك تشوف حبيب قلبك مع شخص ثاني ماتقدر تقوله احبـــــك لانك خايف تخسره وبنفس الوقت قاعد تموت وتحترق من جوا مية مرا وساكت وتمثل دور الشخص المبسوط الاهبل قدام كل الناس حتى اقربهم لك يمكن هم حاسين فيك بس ساكتين يخافون يضايقونك وش بيكون شعورك؟
سلطان:مدري وش بيكون شعوري لاني ماجربت بس مين هذي البنت اللي عايشه هذا العذاب
سارا:بتصدق لو قلتلك هذي البنت هي انا
سلطان:انتـــــــــــي
سارا:اي انا ليش مستغرب
سلطان:طول عمرك تقولين انا مستحيل احب وش هالخرابيط مين هذا اللي قدر يجيب راسك
سارا:اذا جا الوقت بتعرفه
سلطان:اووو يعني اقدر اشوفه
سارا:اكيد تقدر
في الجهة الثانيه كانوا ندى وفهد يسولفون فهد منسدح وندى لامه رجولها وقاعده ترمي الحصا على البحر وكان الهوا خيال
فهد:ندى ممكن اسألك سؤال
ندى:اكيد
فهد وهو متردد:ندى.........انتي قد حبيتي بحياتك
ندى اتغير لون وجهها من الصدمه:ليش هالسؤال
فهد لاحظ تغير ندى:خلاص مايحتاج تجاوبين
ندى:لا مو قصدي بس ماكنت متوقعه ان ممكن احد يجي يسألني هذا السؤال
فهد:مدري ليش خطر علبالي وحبيت اسألك
ندى:انا ماقد حبيت مدري يمكن لاني ماقد فكرت بهذا الشئ شايلته من بالي نهائيا كل همي اني احقق حلمي واصير مهندسه او لاني مالقيت الانسان اللي يستحق اني احبه واعيش معاه احلى قصة حب مافيها خيانه ولعب وكذب بس اذا لقيت الانسان اللي كل بنت تحلم فيه بحبه وبمسك فيه الين اخر نفس فيني
فهد:يمكن ماراح تلاقين هذا الشخص لاني احسه مستحيل كل الشباب الخليجي همه اللعب على البنات وياخذون اللي يبونه بعدين يتركونهم
ندى:فهد انت قد حبيت
فهد:لأ بحياتي ماحبيت بنت ماكذب عليك واقولك انا ماكلم بنت بالتليفون لأ انا اكلم بدال الوحد عشر بس انا واثق انها زي ماتكلمني تكلم ميه غيري ابي وحده تحبي عشان نفسي شخصيتي تحب فهد ماتبي فلوس فهد اللي يعطيها كل اللي تبيه وبعدين مايسأل
ندى:يعني انت نفسك تحب وحده وهي تحبك؟
فهد:ااه ياندى اكيد نفسي انا لما اشوف كيف سلطان حب نوره سنتين وتعذب وبعدين كيف تزوجها احسده بس بعدين ادعي ربي انه يرزقني البنت اللي اتمناها طول عمري
ندى:ان شالله ربي يرزقك البنت اللي تتمناها تتزوجها يــــارب
فهد:وانتي كمان الله يرزقك باللي تتمنينه
مرت لحظة سكون بينهم بعدين جو سارا وسلطان وهم يضحكون لان سارا قالته ماتبي احد يدي حتى ندى ماقلتلها
سارا وهي ترمي الرمل على فهد وندى:هاي شباب
فهد:وجع لاترمين الرمل
ندى:وين رحتوا اعترفوا
سلطان: حرا فيك ماراح نقول
سارا:اقول دودي وين فيصل؟
ندى:والله مدري
سارا:والله لأدق عليه اوريه
طلعت سارا جوالها ودقت على فيصل تشوف وينه اول مادقت رد فيصل
سارا:اعترف بسرعه وينك؟
فيصل:بسم الله الناس يسلمون اول
سارا:فصول اعترف
فيصل:اتمشى بغيتي شئ
سارا:اي بغيت شئ ابيك تجي تقعد معانا
فيصل:ليش وينكم؟
سارا:قاعدين انا وندى وفهد وسلطان
فيصل:طيب بجي بشوف هالفهد وسلطان يمكن يعجبوني
سارا:طيب لا تتأخر دقايق والاقيك عندنا
سكرت سارا من فيصل وناظرت ندى:الحين بيجي يقول يبي يتعرف على فهد وسلطان
فهد:الله يحيه حتى احنا نبي نتعرف عليه
وماهي إلا دقايق ووصل فيصل لانه كان قريب منهم
فيصل:السلام عليكم
الكل:وعليكم السلام
فهد:هلا فيصل كيفك ياكثر ماسمعنا عنك من سارا وندى
فيصل:هلا فيك
سلطان:تفضل يابو الشباب لتكون مستحي
سارا:ههههههههههههههههههه فصيل يسحي ماعندك سالفه
فيصل قرب من سارا وقرص اذنها:انا اسمي فيصل مو فصيل ياسوير
سارا:اي اي اترك اذني يامتوحش
ترك فيصل اذنها:قولي فصيل عشان اوريك الوحشيه صدق
ندى:وبعدين معاكم انت وياها بس طول الوقت هواش عيب عليكم
سارا:شوفي فصيل اخوك (تطلع لسانها)هو اللي بدى
فيصل:لسى تقول فصيل اذبحك
سارا اللي كانت قاعد جمب سلطان تخبت وراه:سلطان شوفه بس يضربني
سلطان:إلا سارونه عاد هذي اختي الصغيره
فيصل:ضاربها يعني ضاربها
سلطان:علبالك ماعندها اخوان تراي اخوها
فيصل:خلي سلطان يفيدك اذا رجعنا الرياض مافي سلطان والله لاوريك
سلطان:سارونه ماعليك منه انا ونوره حاطينلك غرفة من باب الاحتياط اذا صار اي شئ تعالي
سارا:تسلم ياخوي الغالي
وقعدوا يسولفون ويضحكون وفيصل مررا عجبوه فهد وسلطان وحس بتأنيب الضمير لانه شك فيهم وظن فيهم ظن السوء وعلى الساعه1بالليل حس فيصل ان الوقت تأخر
فيصل:يلا شباب ماودكم نقوم الوقت تأخر
فهد:ياليت انا حدي تعبان
ندى:وانا بموت من النعاس
سارا:انتم اسبقونا وانا وسلطان بنلحقكم
فيصل:ليش وش عندكم
سارا:وانت وش دخلك بوريه محل عشان يشتري لنوره
فيصل:طيب بس لا تتأخرين عشان اهلك مايذبحوني
راحوا ندى وفهد وفيصل وقعدو سلطان وسارا...
سلطان:سارا وش عندك انا حاس بتقولين شئ
سارا:قوم خلينا نمشي وبالطريق بقولك
وهم يمشون سارا تكلمت:تبي تعرف مين الولد اللي جاب راسي؟
سلطان وهو متحمس:ياليت ادفع نص عمري واشوفه
سارا:مايحتاج تدفع شئ ترا فيصل اخو ندى
سلطان من الصدمه وقف مكانه:نعم ماسمعت كويس
سارا:عادي وش فيك فيصل اخو ندى اللي تو كان جالس معانا
سلطان:كيف اقصد وشلون يعني ليش!!!
سارا:هههههه شوي شوي تقصد عشان تعاملي معاه وكيف اضربه واضحك واستهبل معاه
سلطان:اي غريبه كيف تسوين كذا
سارا:عادي لاننا تربينا مع بعض صرنا نتعامل مع بعض عادي كأننا اخوان
سلطان:بس مدري انتي حرا
سارا:عادي تعودت يمكن مع الوقت يعرف
سلطان:يلا وصلنا باي
سارا:باي
سلطان:لحظه سارا
وقفت سارا ومسك يدها وضغط عليها بقوة وابتسم:خليك قويه سارا انتي قدها وقدود
سارا ابتسمت وماردت بس ارتاحت ودخلت الفندق وانتهى يوم كان صعب على كل الابطال....
بهذا الجزء ماراح اقول وش بيصير بالجزء القادم ابيكم انتم تتوقعون......
|