[لامارا]

البارت الثامن


فتحت عيونها تمغطت بكسل جلست على السرير متنحه تطالع بالغرفه قامت غسلت وجههاوفرشت اسنانها (الغرفه فيها حمام مجهزه بكل شي)
اووف ما عندي ولا لبس غير البس حق المستشفيات ذا المخيس
امممم معقوله في احد صاحي الحين
ما راح اعرف الا اذا طلعت
فتحت باب الغرفه بهدوء كان مشاري نايم على الكنبه رجل بالارض ورجل فوق
مشيت على اطراف اصابعها عشان مشاري لا يصحا دخلت المطبخ
وكان في شويه مواعين : يلا نجوده لقيتي لك شغله تتسلين فيها
بدت تغسل وابتسامتها شاقه وجهها
.......: صباح الخير
نجد من الفجعه طاحت الكاسه وتكسرت داخل المغسله
........: ههههه لو اعرف ان كل ذا بيصير ما صبحنا
نجد بحراج: الواحد يدق يطلع صوت على الاقل
فيصل : هههههههههههه حلوه ذي ادق قبل لا ادخل المطبخ وتوه ينتبه
باقي قاعده بلبس المستشفى
نجد : ما عندي ملابس
فيصل : بما انك عصلوكه بجيب لك من عند مشاري
نجد : لا اخاف يزعل عاد هو لو عصب يصير شكله مثل شرشبيل
فيصل فطس ضحك: ههههههه لا يسمعك عشان لا يقلب شرشبيل صدق وبعدين بالعكس ماراح يزعل انا رايح اجيب ثواني وارجع لك
نجد~ ما كذب مشاري لم قال القلب الحنون
وكلها ثواني وجاب لها اللبس بنطلون اسود طويل وتيشيرت هاي نك ابيض باكمام طويله بلون الازرق : خذي لك شور والبسي ذا
نجد نشفت يدها واخذت الملابس وتوجهت لغرفتها تروشت نشفت نفسها ولبست ملابسها وكانت واسعه شوي عليها مشطت شعرها وخلته مفتوح عشان ينشف
رجعت للمطبخ ابتسمت لم سمعت صوت فيصل وهو يغني صوته جميل كله احساس ومشاعر

حطني جوا بعيونك
شوف بيا الدنيا كيف
أحلا من شوقي وجنونك
لما جيلك يوم ضيف
والله واحشني زمانك
جلستك حضنك حنانك
يا منى روحي وقلبي
تعبت اداري في اشتياقي
زحمة حولي ومنَي لاقي
وقت وفرصة للتلاقي
والله واحشني زمانك
جلستك حضنك حنانك
ودي أشيلك وأسافر
وأترك العالم وأهاجر
حتى تعرف لجل عينك
قد إيه أقدر أخاطر
والله واحشني زمانك
جلستك حضنك حنانك


دخلت المطبخ وهي تصفق لف فيصل لها : لا ما اقدر على كذا نجد تصفق لي

نجد : صوتك يخبل
فيصل : تسلمين
نجد شافته يخلط: وش تسوي
فيصل : اشتهيت كيك مع ذا الصباح
نجد : اساعدك
فيصل : يا ريت جيبي معاك حبتين بيض
نجد رفعت اكمامها
فيصل : الحين انا قلت لك ضاربي ولا جيبي بيض
نجد : ههههه مع الحماس
عطته : انت لك كم سنه تطبخ
فيصل: من يومي صغير احب المطبخ وحلمي ان يكون عندي مطعم
نجد : فيصل بسالك سوال ادري ما يخصني واذا ما تبي تجاوب لا تجاوب
فيصل : اسالي
نجد: الحين يعني اهلك واهل مشاري وفهد وعبد الرحمن وينهم
فيصل بستغراب: موجودين
نجد : طيب لي عايشين هنا
فيصل : كل واحد له هدف من جيته هدف خلانا نجتمع هنا بس
نجدما فهمت شي: اهااا
فيصل : افتحي الفرن
نجد فتحته ودخل فيصل الكيكه
دخل مشاري ووجهه مفقع نوم وشعره كشه : الحين وش تقربعون مع ذا الصباح
فيصل : رح بس كمل نوم بغرفتك
تثاوب مشاري : لا اصلا ابوي متصل في عزيمه غدا ويبيني احضر مالي خلق اهل ابوي ابد
فيصل : يارجال روح تروش ومشط كشتك وتعال تقهوى معنا وبعدين فكر بطلعه وغيره
راح بدون ما يرد
نجد : خلاص انا برتب الصاله الين ما تسوي قهوتك
فيصل : عساك على القوه
طلعت نجد شالت المخدات ورتبتها كنست الارض ومسحت التلفزيون والطاولات : طفايه، بس انا ما شفت احد يدخن هنا
شالتها وحطتها بالمغسله وبدت تغسل مواعين الكيك نشفتها ورجعت كل شي مكانه
طالعت بفيصل: انا خلصت
فيصل وهو يصب القهوه بالدله: والقهوه جهزت
نجد انا بشوف الكيكه فتحت الفرن : اخخخخخخ ريحتها تجنن
فيصل: طلعيها خليني اشوف استوت ولا لا
طلعتها اخذ فيصل سكين غرسها في الكيكه وطلعت نظيفه
: والكيكه جاهزه
طلعت نجد صينيه وحطت الدله والفناجيل وطلعتها بالصاله
قطع فيصل الكيك وطلعه
صبت نجد القهوه
نجد : غني
فيصل : هههههههه لهدرجه عجبك
نجد : بدون مجامله صوتك يريح البال
فيصل بتحذير : انا لو شفت نفسي وصرت مغرور تراه بسبتك وهذا انا اقلك، المهم في اغنيه ببالك ولا
نجد: امممم لا
بدا فيصل يغني ونجد دخلت جو مع صوته الثقيل في بحه جذبتها

طلع مشاري من غرفته وهو يرقص ويطق رقبه ويحرك حواجبه
نجد فطست ضحك على هباله فيصل ما قدر يكمل وصار يضحك مع نجد
مشاري جلس وهم لا زالو يضحكون: خلاص ما صارت رقصه
فيصل : هههههه خلاص خلاص
نجد هدت : اي يا بطني
مشاري اخذ من الكيكه واكلها: عزيمه ابوي التغت
فيصل جا بيتكلم قطع عليهم خروج عبد الرحمن كان لابس ثوب اسود واقف على جسمه الرياضي : صباح الخير
االكل: صباح النور
عبد الرحمن : مشالله شكلكم رايقين
فيصل : تفضل معنا
عبد الرحمن : بالعافيه عليكم
نجد اول مره تنتبه لملامحه الجديه سماره الفاتن رجوليته وهيبته
مشاري حرك يده قدام وجهها : ويييييين وصلتي
نجد انتبهت على نفسها ونزلت راسها باحراج
عبد الرحمن : يلا انا طالع تبون شي
مشاري & فيصل: سلامتك
لف على نجد: تحتاجين شي
هزت راسها بنفي
لاحظ مشاري تغير نجد بس ما فكر كثير
مشاري : تلعبين معي قيم
نجد مافهمت: شلون
مشاري : نلعب فيفا بشوف تقدرين علي ولا وقام
طالعت بفيصل : ذا سبني ولا وش
فيصل: بيجيب السوني وتلعبون كوره هذا الللي كان يقصده
شبك السوني في الشاشه وعطاها اليد
مشاري:تلعبين اي فريق
نجد ما كانت تعرف غير الهلال : الهلال
مشاري: اهلاويه ما غير الاتحاد ليفقع رؤوسهم
نجد ماكانت تعرف تلعب صارت تطالع كيف مشاري يلعب وتقلده
مشاري حط ستوب وطالع فيها : ما تعرفين
نجد: لا
مشاري صار ياشر لها على كل زر ويشرح لها وش تسوي: عرفتي الحين
نجد بدت تتحمس : ايهه
فيصل طول وقته مسرح بحركات نجد وعفويتها ابتسم وقام
مشاري : على وين ي الذيب بلفلف بسياره شوي تجون معاي
مشاري لف على نجد : تجين
نجد : لا انا ماراح اطلع
مشاري يسوي فيها زعلان: افا الحين اطلبك ترديني
نجد: ما ادري اخاف احد يشوفني طالعه من الشقه وتتورطون
مشاري ابتسم : امممم عندي فكره جهنميه
فيصل: اتحفنا
مشاري:...........



''''''''''''''''''''''''''''''''''''''''


في مكان اول مره نروحه في احدى اجمل المدن الاوربيه تحديدا بوردو
جالسه في احدى المقاهي تشرب القهوه مع صديقتها الاجنبيه
..........: انا حقا لا اعرف ماذا افعل
..........: الحل الافضل هو تسليمه لوالده لن تستطيعين تحمل المسؤوليه وحدك انا لا انكر بانك مذنبه وهو مذنب لاكن هذا الطفل ليس له اي ذنب قبل ان تخطي اي خطوه افتكري طفلك قبل اي شي
........ شربت قهوتها المره وهي تطالع بطفل اللي حاطته بعربيه الاطفال اللي ما بلغ 3 شهور من عمره نايم بعمق



'''''''''''''''''''''''''''''''''''''''''


على طاوله الفطور الكبيره اجتمعت العائله الصغيره
عائله فارس ال.......

ديم جالسه تاكل بهدوء وتميم قدامها ومها(ام تميم) بوسطهم
مها: اليوم ابوكم جاي
ديم : متى
مها : على الاغلب بعد العشا
ديم: ماما وينها نجد صارلي مده ما شفتها
مها بان عليها التوتر : اكيد ما راح تشوفينها تلاقيها منخمه تنظف
تميم رمى الشوكه على الصحن وطلع صوت صدى قوي
مها : وش فيك
تميم طالع فيها بقرف وحرك كرسيه وطلع من الغرفه
مها : الحمدلله والشكر
ديم : اظن مو بس رجله مشلوله وعقله بعد
دق جوال ديم : غريبه من بيدق الحين؟
مها : مين
ديم : رقم غريب
مها : ردي امكن شي مهم
ديم : ما عليك ناس فاضيه






توقعاتكم
ايش بتكون خطه مشاري ؟
ومن تتوقعون شخصيتنا الجديده؟
من صاحب الرقم الغريب اللي دق على ديم ؟




بطلب منكم طلب بسيط واتمنا ما تردوني انا اتعب واكتب واصحح وما الاقي اي حماس ما انكر ان في ناس يردو ويحمسوني بس ابي منكم تنشرون الروايه للي يقدر مع حفظ الحقوق ،_، طلبتكم لا تردوني