....
البارت الثالث
... امريكا ارض الغربه منسدح على سريره ويتذكر كل اللي صارله من حادث وغيبوبه وقصة زواجه الي فشلت قبل ماتبد وبعده كيف كرهوه ابوه وعمانه وهم مايعرفون سبب غيابه مكان احد يعرف من العايله الا شخصين اللي هم احمد اخوه وحمد ولد عمه عبد الله وبعد مادرو بخبر الحادث والغيبوبه الا بعد موعد الزواج بومين بعد ماخبرهم تركي صديقه...... كان جاي مع تركي لزيارة اخوه بسام قبل زواجه بسبوع ..لما وصلو راحو على طول لشقه ونامو بسبب التعب وفي اليوم الثاني قرار يترك تركي مع اخوه ويروح يتمشي ويشري بعض الاغراض علشان زوجة كاهديه لها بس اللي ماحسب له حساب انه بتجيه سياره مسرعه وهوكان بيعدي الشارع الا بعد ماطيرة ورمته بقوه على الارض وجوهه على طول الاسعاف ونقلوه على المستشفى ودخلوه على طول العنايه لان حالته حرجه ودخل في غيبوبه ....كان تركي ينتظره بس تاخر ولا يرد على الجوال لانه مغلق فقرار يطلع هو وبسام يدورون عليه فبحكم معرفة بسام بالعرب ومكان تواجدهم رحو يدورون عليه عندهم وفي المطاعم القريبه والاسواق فطلع تركي صورة حاتم في جواله وقعدو يسالون اي شخص يقابلونه لحتى قالو انه صار عليه حادث ونقلوه للمستشفى .....فجلس اسبوع تركي مايدر وش يزين ولا كيف يتصرف بس اخر شي قرار انه يكلم احمد ويعلمه بكل شي.....بعده كان احمد مع حمد في سياره واحده لما اتصل عليهم تركي وعلمهم باللي صار على حاتم فتفقوا مايعلمون احد لان حالته ماكنت مطمئنه وحجزو على امريكا وقالو للعايله انهم بيروحون في رحلة صيد علشان مايعرضونه في السفر للامريكا بعد حاتم وبعد شهرين صحا من الغيبوبه ودرا بكل شي صار من اهل زوجته انها طالبه الطلاق رفض بس بعد مقنعه حمد انه يطلقه وقال له من باعك بيعه اقتنع بكلام ولد عمه وطلق بعد حلف حمد انه زواجه عليه وان غلا له بس يرجع وزاجهم بعده بسبوع وان عمه عبد الله موافق عليه وطلب منهم مايعلمون ابوه ولا امه خايف عليهم من التعب ...
دخل تركي وبسام ..... وهم يشوفونه يفكر ولا حس فيهم...تنحنح تركي قريب منه
لتفت عليهم وهو يبتسم
تركي_مستعد للطياره
حاتم_والله لو على كيفي كان من اول يوم صحيت وانا هناك
تركي_وهويمزح معه.....كل هذا شوق لبنت عمك
حاتم_الله يكتب اللي فيه خير والله اني خايف من مواجهة ابوي
حس تركي بذنب لانه اصر على حاتم يروح معه للامريكا.....سمع حاتم يطلب من الممرضه تشيل المغذي .....وسمع الطبيب يوصي حاتم على كتفه لانه يحتاج راحه لمدة شهرين .......وعرف وش كثر صديقه كره المكان لانه حلف مايطلع من المستشفي الا على الطياره على طول.... انتبه لهم
حاتم_تكفى يابسام تخلص التقريري واراقي من المستشفى وترسلها علي
بسام _لا تشيل هم بالكثير اسبوعين وهن عندك ..... اطلعو للمطار وعلى المملكه
...............
.......
....
.....
عرف فهد موضوع غلا وحاتم وحب يعلم اخوانه لانه خايف على ابوه لان اخوانه مستحيل يتقبلون ويمكن يسمعون ابوه كلام يضيق صدره ...... فتصل عليهم وقال لازم يجونه يبيهم موضوع.....وانه ينتظرهم الساعه عشر ونص في بيته
دخلو عليه اخوانه وهم خايفين ان صايرله شي
ردو السلام وجلسو
عادل _وش فيك صاير لك شي
فهد_مافيني شي ولا صاير الا كل خير.. . بس ودي اسالكم انتم دريتو عن غلا
صقر _انا دريت بس لو كلنا نوقف سوا صدقوني مايقدر ياخذها
عادل _لحظه ..لحظه وش فيها غلا شكلي اخر من يعلم
بدر_انا دريت من امي وغلا
عادل_طيب وش عتراضكم عليه
صقر_ابوي زوجها نسيبك
عادل_هههههههه مستحيل غلا تاخذ رجال عنده زوجه ثانيه مستحيل
فجر فهد القنبله ......ابوي زوج غلا لحاتم
وقف عادل حاتم.....مستحيل غلا تاخذ هالخسيس هذا مستحيل يكون رجال
فهد_كلنا سكتنا غصب عنا علشان ابوي قبل كل شي
عادل _والله لطلع حرتي فيه قبل مايخذها وماني رجال اذا تركت الموضوع يعدي
فهد_اهم شي كلمة ابوي لا تنسى ان ابوي عطاه
صقر_اشوفك شكلك موافق على الموضوع
فهد_ماعليك من رايي اهم شي ماحد يعترض
سكتو عادل وصقر وبدر وهم يتحلفون في حاتم
.................
........
.....
على الساعه وحده بالليل اطلعو كل العيال مابقي في الاستراحه الا مازن وصقر......وهو يوقف بيمشي اشوفك جالس وهاذي ثاني لليله لك معرس
مازن_اسكت الله يرحم اللي جابوك اصلن ابنام هنا
صقر_اقول احمد ربك
طلع مازن الدخان من جيبه وقعد يدخن وهو يتحاهل وجود صقر
صقر _من متى وانت ادخن
مازن_من يوم ابوي حطم حياتي
صقر_ ماتخاف يدرون عنك.
مازن_اظن هذي صحتى ويكفيهم تدخل عاد
صقر_مااقول الا الله يعين المسكينه اللي بتلت فيك....وطلع
ناظر فيه مازن لحتى طلع
.............
......
....
عند زينه تاخر الوقت ومازن مارجع فقرارت تنام وتترك الباب مفتوح لانه خافت يرجع ويحصل الباب مقفول ويقعد يهوشها..... صكت النور ونام بعد مالبست بجامه بالون الاسود
...........
......
....
......على صلاة الفجر اتصل ابو سعد على اعياله علشان يصحيهم لصلاة .....كلهم رود الا مازن......فتجه ابو سعد لقسم مازن وطق الباب عليه وهو ينادي باسم مازن......نزل خالد وعرف ان مازن مارجع للبيت ......
خالد_يبه المسجد اقام ومازن بيلحقنا اكيد .......
تحرك ابوه وقال يالله اجل ....وحسابه عندي
خالد_اسبقوني ابوضي ولحقكم
ابوه_لا تاخر وتفوتك الصلاة
بعد مابوه طلع اتصل على جوال مازن بس مايرد فضطر يتصل على كومار عامل الاستراحه
خالد_الو
كومار_ايو بابا
خالد_كومار مازن موجود في استراحه
كومار_ايو بابا هزفيه نوم
خالد_روح صحيه قول بابا خالد يبغى انت بسرعه
كومار_ان شاء الله بابا وسكر الخط........وراح لمازن وصحاه وكلمه خالد وعلمه بكلام ابوه بعد عشر دقايق وقف سيارتة في الشارع الثاني ودخل بسرعه وتوضاء وصلى في المقلط لانه تاخر والناس خلصو قبل مايجي ابوه من المسجد لان ابوه يتاخر في المسجد يقراء قران وعلى طلعته دخل ابوه واخوانه....
ابوه_ماشاء الله وينك ماتسمع الباب ولا الجوال
مازن_كنت في الحمام اتسبح
ابوه_وراك مالحقتنا على المسجد
مازن_لما طلعت من الحمام سمعت الاقامه فمامداني لحقهم فصليت هنا
ابوه_انتبه لا تكررها
مازن_ان شاء الله وحب راس ابوه وتجه لقسمه وهو يتمنى ان الباب مفتوح علشان ابوه مايشك انه مانام هنا
جاء من عنده خالد قال بصوت قصير يارب تكون مقفله علشان تنكشف عند ابوي ورقاء الدرج.... اما مازن...
......مسك مقبض الباب ونفتح معه لان زينه ماقفلته
ناظر في خالد وهو يبتسم علشان يغيضه ودخل ...
....دخل على زينه ولقاه جالسه على سجدتها تقرا قران ومشي وجلس على نهاية السرير ....سكرة المصحف ....وقامت وهي ترفع السجادة
مازن_زيني لي فراش بالارض على مخلص متسبح وقف... وفتح دولابه واخذ بجامه ومنشفه ودخل الحمام .....بعد عشر دقايق طلع وهو لابس وحاط المنشفه على كتفه قرب من المرايه وقعد يرتب شعره بالمشط .....قامت زينه وسكرة المكيف.......لتفت عليه
مازن_ليش تسكرينه
زينه_انت متسبح والمكيف بارد والارض بعد بارده
مازن_شغليه ونزلي في البروده ماهو معقول انام في الحر .....نزل المشط وتجه الفراشه ونسدح
قامت زينه ونزلت في المكيف وسكرة النور ورجعت لمكانها على السرير ونامت.......
........
......
....
دخل ماجد شقتة هو وطيف ...مر من الصاله اللي عباره عن كنب وردي و شاشة بلازما يفتح عليها مطبخ تحضيري وفي يمين الصاله ممر يروح الغرفت النوم وقداهما غرفة اصغر وبينهم دورة مياه..... دخل غرفته كانت فخمه بالون الاسود... مشى حتى وصل دولاب طيف فتحه وقعد يناظر ملابسه ....هي حرمته منها....رجع وتمدد على السرير ...تذكر وش قاله عمه....ان طيف طالبه الطلاق وانها مصره عليه ......اخذ الجوال وفتح الواتس شافها متصل .....ارسل بسرعه ......طيف تكفين ابتصل وردي علي ....شافها جاري الكتابه.....انتظرها .....شاف وش كاتبه فتح اعيونه.... تكفى ياماجد طلقني ماعاد ابيك ولا تحول ترسل او تجي لان اللي بينا انتهاء مابيها تجي بالمشاكل......وقف ورما الجوال وحط يدينه على راسه .....والله ماطلقك لو تبقين معلقه طول عمرك
...............
.......
.....
في يوم جديد صباح الجمعه وكلن يجهز علشان يروحون لصلاة ......دخل فيصل ..غرفة الغسيل علشان يغسل ثوبه وملابسه الداخليه حطهم في الغساله وطلع للحمام......تسبح وخلص ولبس ثوب بيت.... وراح الغرفة الغسيل ...وطلع ملابسه علشان يكويه ..دخلت عليه مرام...
مرام_فيصل عطني ملابسك ابكويها
فيصل_لا يلدغ المومن من جحرا مرتين ...وبعدين ماتخافين امي تشوفك....
مرام _امي عند ابوي في الغرفه
مازن_من الاخير وش بغيتي
مرام_بصراحه ابي من باسكن
مازن_ابشري لك ماطلبتي ....وضربها بصبعه على خشمها وطلع رايح للغرفته هو ياسر......
فيصل_ياخي صحصح مابقي شي على الصلاة
ياسر_اف مانمت لا متاخر
فيصل_ابعذرك نايم امس اليوم كله بس اخلص قبل مابوي يطلع... تحرك ياسر واخذ المنشفه ودخل الحمام بيتسبح....دخلت مرام ومعها ملابس فيصل مرام_وناولتها فيصل تفضل
فيصل_مشكوره ياحلى اخت واي شي تبينه ارسليه على الجوال اجيبه لك
مرام_ماتقصر.....وهي تقول في نفسها والله على كثر امي ماتعملك غير الا انك ماحقدت علينا ولا كرهتنا بالعكس تحبنا
ياسر _وهو حاط المنشفه على راسه...مرام روحي جيبي فطور ......راحت مرام لشغاله وقلت ان ياسر يبي فطور وراحت للغرفتها .......جابت شغاله الفطور نزلته على الارض عند ياسر
ياسر_تعال افطر
فيصل_لا ابروح لجدتي اباخذ معها فنجال اقهوه الا وش صار عليك قدمت
ياسر_ايه البارح دخلت كل بيناتي انا وبدر
فيصل_الله يكتب لكم للي فيه خير .....رن جوال فيصل......وطلع وهو يكلم متجهه الغرفة جدته...
فيصل_الو
وليد_سلام
فيصل_وعليكم
وليد_والله من النفس الشينه
فيصل سو نفسه معصب _خير تتصل وتسب تبي شي ولا اسكر
وليد_ياخي فقدتك اليوم جوالي مانور بسمك اليوم
فيصل_ماتفقد غالي
وليد_يالله اقلب وجهك
فيصل _مستحيل تمسك السانك وسكر الخط في جهه.....صبحك الله بالخير ياجده وحب راسها
جدته_من فيصل هلا يالله انك لا تصبحه الا بالخير
فيصل_اخذتي علاجك ياجده
الجده_هذي هي القهوه اتحراك من اليوم
فيصل_ههههههه الله يحفظك لي ورفع صوته اخذتي علاجك
جدته_ايه..ايه..عطتنه مرام ..
قرب مازن القهوه وصب لجدته وصب نفسه
فيصل _امرك بعد الصلاة بتروحين معي لعمي عامر
جدته_لا والله وانا امك رجالتي توجعني ولا ابوك قالي قبلك روح الله يستر عليك ويرزقك
فيصل_امين...يرتاح اذا شاف جدته تدعي له قام وحب راسها واستاذن
..........
......
....
بعد الصلاة تجمعو كل الاخوان وعيالهم عند عامر في مجلسه كان عباره عن كنب بيج وبني وذهبي
وعيال عامر ناصر وعبد الرحمن يمشون بالقهوه على عمانهم وعيال عمهم ....... والاخوان قاعدين يسولفون عن مواضيع كثيرة من ضمنها شركة عامر اللي فتحها بعد التقاعد اما عند العيال..........
مازن _بدر قوم ساعد عيال عمك
بدر_يناظر عبد الرحمن اللي كان قريب منه تبي اجيب شي لك من داخل
عبد الرحمن_اقول اسطلب وصير رجال لو اشوفك بس مقرب للباب الدخلي قصيت رجلك
ياسر_ياحرام يابدر لو انا مكانك قلت له ماعاد ابي اختك
عادل_لا تصدقهم يابدر ترا عيال عمي عبد العزيز بيخربون عليك
ياسر_يابدر لا تاخذ راي عبد الرحمن اخذ راي ناصر
صقر_شكلك ياعبد الرحمن مالك اي قيمه عند عيال عمي عبد العزيز
احمد _اصلن عبد الرحمن ما يصدق في عيال عمي عبد العزيز ويشوف في وجيهم صورة مرام
عبد الرحمن_يالبى بس
سلطان_انتبه تجيب محرمنا على لسانك
عبد الرحمن _ودي احب راسك علشان ماتزعل بس اخاف اشياب يقولون وش عنده.... ...وقعدو يضحكون عليه الشباب
عادل_هههههههه والله شكلهم مسحوبك الارض صدق
عبد الرحمن_انت وش يعرفك هذي سياسه اصبر لين اخذ اختهم وبعده تشوف
عامر _شوفو الغداء ياعيال
ناصر _ابشر ....... وراح داخل
ام ناصر كانت واقفه عند قدر الجريش وتاكد من الملح ......هاجر يمه شوفي صينية الحلا في الثلاجه طلعيه وقطعيه في صحون التقديم وروحي رتبيه على الطولة للي على جنب في المقلط
هاجر _اهم شي ياكل بدر منه
امه_انتي ماتستحين
هاجر_يمه خلينا واقعيين من يوم وحنا صغار هاجر لبدر وبدر لهاجر والمشكله ماشفت هالبدر تحرك
امه_ليش ان شاء الله ماعاد تبينا
جت وضمت امها.....والله ماحد يجي زيكم كنت امزح معك
دخل ناصر وهو رافع ثوبه من تحت بيده .....هاه يمه خلص الغداء
امه_ايه يابوي بس بنوزعه في الصحون........بعد ربع ساعه وكل شي على السفره
راح ناصر الرجال ودخلهم في المقلط علشان الغداء
.........بعد ماتغدوا كل واحد راح على بيته دخل ناصر وعبد الرحمن على امهم في المطبخ وحلفو عليها تطلع ترتاح وهم بيساعدون هاجر وشغاله وافقت وطلعت ...... وبدال الشغل يحتاج ساعه صار ساعتين بسب لعب ناصر وعبد الرحمن وصراخ هاجر عليهم
.........
.....
....
كان احمد راكب سيارته فتصل على عمه عبد الله
احمد_سلام
عبد الله _يالله حيه
احمد_كنت ودي اقولك بخصوص الرجال بس ماجت فرصه ......ترا بيجي المغرب
عبد الله_خلاص انا عندي شغل بعد المغرب ان شاء الله الساعه ثمان او ثمان ونص نروح للوالد
احمد_اجل خلاص على تفاقنا ان شاء الله مع السلامه.........ناظر احمد ساعته ابقي عشر دقايق وياذن العصر......يحس الوقت مايمشي والحين اخوه في الطريق جاي من الرياض للقصيم يبيله ثلاث ساعات لازم ياخذه للاستراحه لين عمه يخلص شغله......شايل هم ابوه وكيف بيتقبل الموضوع وهل بيصدقهم.........