ابواحمد_الله يحييك انت وضيفك وانا اخو الجازي
ابو عبد الله_روح يافهد دخل الرجال.......
بعد دقيقه دخلو مع بعض
ابواحمد _هذا انت ياسويد الوجه حلف ماتدخل البيت
جاء حاتم مسرع لبوه بيحب راسه.......بس اسمعو صوت كف من ابو احمد على خد حاتم .....اطلع من بيتي
ابو عبد الله هذاني حلفت اذا طلع والله مادخل بيتك ابد........اسمع منه قبل ماتحكم عليه
ابو احمد_وش تبين اسمع انه كم خطب له بنت وهن يرفضنه ويوم وافقت عليه بنت خالته سافر وتركها مافكر فيني ولا في امه ولا وش موقفي عند الرجال .....مالي عذر يابو عبد الله ..تعرف وشلون وجهك عند الرجال وهم يسالون عن ولدك
ابو عبد الله_لولد طلق بنتهم وهي الحين في بيت رجالها ولدك تزوج عسى الله يوفقهم.......
جابر_ماشاء الله منين جايبها لتكون جايبها معك من برا
عبد الله_اذكر الله حاتم خاطب بنتي وانا عطيته
جابر_الااله الا الله والله ماتغصبون غلا على هالخسيس وهي كانت رافضته قبل كل شي صار
عبد الله_غلا موافقه بس لا تحكم على ولدك قبل ماتسمع منه ومنا
دخل سلمان على امه وقال ان حاتم برا وصارت هوشه بينه وبين ابوي وعمي عبد الله قامت امه بسرعه وهي حاطه يدها على قلبها ودموعها تزل وهي تدعي ان الله يهدى زوجها ولا يطرد حاتم
امه _تكفى ياسلمان روح شفه للي وتعال علمني
في الحوش
جابر_ادخلو في المجلس ونشوف وش عندكم
عبد الله _ادخل ياحاتم على امك واختك سلم عليهم وتعال في المجلس
دخل حاتم على امه
حاتم_يمه كانه يسابق الوقت علشان بشوفها
طلعت امه على صوته من الصاله وهي تحمل على رجلينها وحتى نست الامها علشان تروى قلبها منه وقبله عيونها وصلها وهو يضمها على صدره وحاط يدينه ورى ظهرها هو يشدها عليه وهو متجاهل كلام المستشفى وتوصيتهم على كتفه بعد ماوخرعنه وسلم على اخوه سلمان واخته اشجان مسح بكفوفه وجهه وهو يسجد شكر على انه رجعه لهم سالم وشافهم مره ثانيه قام وقف وقعد يناظر فيهم كلهم قرب من امه
حاتم _يمه لازم ارجع للمجلس الحين وان شاء الله راجعلك حب راسها وطلع يحس انه مابعد شبع من شوفتهم
دخل المجلس شافهم في صدر المجلس ابوه وعمه عبد الله واحمد بجنب ابوه وفهد بجنب عمه راح وجلس بجنب فهد وهو يطلب الله ان ابوه يسامحه
نرجع لجابر وعبد الله قبل مايدخل عليهم حاتم
عبد الله _وهذا كل شي صار له
جابر_وانا وين ليش ماعلموني ليش خبيتو علي
عبد الله_والله ماكان يدري غير احمد وحمد بحكم معرفتهم لتركي
احمد_يبه حالته ماكانت مستقره ماقدرنا نعلمك خفنا عليك من ضغظ وخفنا على امي اللي ماتقدر تسافر من رجلينها ومادرينا الا بعد موعد زواجه بيومين
سكتو ينتظرون وش يقول جابر وكلهم يناظرونه
جابر كان منزل راسه رفعه وقال
جابر _الحمد الله اللي رجعك لي والله اني ادعي لك الله يبعد عنك عيال الحرام
حاتم _قام وحب راس ابوه وخشمه والله اني ادور رضاك وانا اللي طالبهم مايعلمونك كله خوف عليك انت وامي
جابر _ترا العرس ان اللي بتحمله
عبد الله _والله مايسويها الا انا بس عليك بيتك وبشتك
حاتم_انا صراحه كرهت البيت اللي كنت مستاجره ان سمح لي عمي ابسكن عند اهلي
عبد الله_الله يوفقكم والله اني كنت ابي اطلبك وهذي رغبتي
فهد_مبروك مقدمن
حاتم_الله يبارك فيك
احمد_مبروك والله يوفقك
حاتم_الله يبارك فيك تسلم يابو زيد
............
.....
...
وفي بيت عبد الله
جلسات في الصاله ام فهد و اشجان وغلا لحظت اشجان ان غلا ماودها تجلس في المكان الموجوده فيه بس علشان امها خانقتها وضطرة تجلس معهم سمعت صوت العيال سوت اشجان اجلالها وقالت
امهم _ادخلو
دخل صقر وبدر وبعده عادل
عادل_ماشاء الله جالسه ماودك نقهويك طال عمرك
ناظرة فيه اشجان يقصدها
اشجان _تراي جالسه قبل ماتدخلون
عادل_وترفعين صوتك بعد تعالي اضربيني احسن
اشجان مارفعت صوتي عليك
مد عادل يده وعطاها كف قدام اخوانه وامه واخته طلعت الاول دورة مياه قدامها وقعدت تصيح
اما عندهم
انت وش فيك على حرمتك
عادل_ قهرني اخوها
امه_ليش متهاوش انت واحمد
عادل_لا احمد رجال انا متهاوش مع حاتم
امه_اجل جاء من امريكا
عادل_ايه
غلا_ليتك ذبحته وفكيتني منه
امها_وقص لسان ان شاء الله روحي شوفي لعشاء اكيد اشجان معاد هي بجايته
غلا_اسفه يمه مالي دخل وطلعت وخلتهم
صقر_ودي امسكها وعلمها ان الله حق وخليها تمشي بالخط المستقيم
بدر_علشان ابوي يعلمك طريق المستشفى مادري ابوي وش شايف فيها زود على الباقي
قامت امهم بتشوف العشاء بس حلف عادل
عادل_والله ماتقومين انا اروح اشوفه وطلع من عندهم للمطبخ ودخل لقاء اشجان فيه بس ماقدر يرجع لانها شافته
عند اشجان بعد مغسلت وجهه وتغطت بجلالها وطلعت للمطبخ بعد مدخلت نزلت اجلالها على حد الكراسي الموجوده في المطبخ وقعدت تكمل عشاها حست باحد دخل عليها ناظرته لقته عادل تبسمت في وجهه اشجان_تبي شي
عند عادل تجاهلها وفتح الثلاجه وسكرها
بعدها اخذ كاس وجاء عند البراده وقعد يصب ماء بارد ويشرب
اشجان_ادري انك جاي من برا زعلان فاكيد بتحط حرتك في اي واحد وعاد على حظي جيت انا ههههههههه
عادل لتفت عليها
كملت بس ياليت تمسك نفسك لا تمد يدك علي لا عندهم ولا بيني وبينك لاني مااقدر اصبر بس انا اشوف عمتى وعرف انها ضايق صدرها ماودي ازيده لها وطلع من البيت ولتفت على المغسله ماعاد تقدر تكمل
قرب عادل منها وحب راسها وطلع من المطبخ مستحيل يلقاء زيها في تعاملها مع اهله ورجع عندهم
امه_اشوفك جيت
عادل_لقيت اشجان في المطبخ
جهزت صينية القهوه خذتها لهم طقت الباب وقام عادل واخذها وجاء وجلس صب لخوانه وامه لين يجي ابوهم ويتعشون سوا
..........
.....
....
في الاستراحه جابلهم خالد عشى وتعشو بعده تجمعو كل العيال وقعدو يلعبون ورق لحت قام
مازن _يالله سلام تصبحون على خير
كل شباب يصارخون ويضحكون عليه اللي يقول محددها له وقت واللي يقول ماوده يتاخر عنها
بس هو طنش العيال ومشى ماعليه من احد
رجع على الساعه احد عش دخل غرفته ولقاء زينه جالسه وعليها بجامه اسود برصاصي ومزينها له فراش بالارض اخذ بجامته ومنشفته ودخل الحمام يتسبح خلص وتنشف ولبس طلع من الحمام وهو ينشف شعره اخذ المشط وزين شعره سمعها تقوله تبي احط لك عشاء جاوبها بكلمه وحده لا ودخل في فراشه وضبط المنبه ونام
قامت وصكت النور ورجعت على فراشها وتغطت بجلالها ونامت
.................
.........
......