[(ورود)]

••.`5•.•• (الحلقهــ الـــخـــامـــســـهــ) ••.`•.••

~¤¦¦§¦¦¤~ في المستشفى~¤¦¦§¦¦¤~
وبعد مالكل تجمع هناكـ
راحت مها تسأل عن امها
مها : دكتوره امي وش اخبارها وش فيها
الدكتوره : امكـ مصدومه من اللي صار خلاها تتعب شوي بس هي الحين الحمد الله تقدري تروحي تشوفيها بس حرصو على انكم لاتزعلونها ولا تضايقونها
مها : الحمد لله مشكوره دكتوره
الدكتوره : العفو
مها وهي طالعه
مها : طيب دكتوره متى نقدر نطلع امي من المستشفى
الدكتوره : ان شاء الله اليوم بس حاولو انكم تريحونها عشان ماتتعب اكثر
مها : اوكيه دكتوره الف شكر لكـ ولربي مع السلامه
وراحت مها لأمها والسعاده ملت حياتها ودخلت لامها وبسرعه حضنتها وقالت لها الحمد الله على السلامه يأغلاا واحلا ام بالدنيا الدنيا من دونكـ ضلمه وسودا يايمه تكفين يمه لاتتركيني وتخليني
دنيتي من دونكـ ولا شي اضيع بدنيتي بدونكـ يالغاليه
مها والدموع غرقت وجهها : احبكـ يايمه احبكـ
امها والبسمه بشفاتها والدمعه بعيونها : وانا بعد احبكـ موت يابنتي الوحيده
مها : يمه قومي خلينا نشوف ابوي
امها : ودي اشوفه الحين مو قادره اصبر على شوفته
وراحت مها وامها وكلهم عند فيصل وابو محمد
واجتمعو عندهم .. وفرحو حيل برجعت ام محمد سالمه وتمنو ان بو محمد وفيصل يقومون بالسلامه وبو فيصل وزوجته يرجعون لهم بالسلامه
محمد يكلم مهند
محمد : منو هذا الرجال من اول ماجيت وهو موجود مع الشرطه
مهند : ايه ذاااكـ ايه صح شفيه قوم نسألهم ونشوف وش سالفته
محمد : يالله قوم
وراحو جنبهم
محمد : السلام عليكم
.......: وعليكم السلام
مهند : من انت ؟؟؟ وش عندكـ مع الشرطه
.......... : انا شفت فيصل وابو محمد في الشارع صاير لهم حادث وبلغت الشرطه والحين امسكوني وموش ****ن يتركوني يبون يحققون معاي وماصارت تحقيق وينتضرون بو محمد وفيصل يصحون عشان يعترفووون ويقولون وش صار
مهند : اهاااا
محمد : مشكور ياخوي ماقصرت بو محمد هذا ابونا وفيصل ولد عمنا
.....: العفو وسلامتهم يارب الف سلامه الله يقومهم لكم بالسلامه
محمد : طيب وش اسمكـ ؟
عبد الله : اسمي عبد الله
مهند : عاشت الاسامي وانا مهند
محمد : وانا محمد
عبد الله : عاش غاليكـ تشرفت بيكمـ
محمد : طيب شرايكم نطلع برى شوي ونتمشى ونغير جو
عبد الله بصوت واطي ومقرب من محمد ومهند : هالشرطي ماراح يرضى
مهند : ههههههههه لا احنا الحين نتحمل المسؤاليه
عبد الله : طيب ورني شطارتكـ
مهند : برويكـ ههههههه
وراحو لعند الشرطي الاساسي وتفاهمو وياه وتركوه بحاله
مهند وهو يفتخر : ها شرايكـ فيني الحين
عبد الله : رجال ونعم الرجاجيل
مهند بمزح : ههههههه غصبن عليكـ
محمد : يالله يالله بس خلونا ننزل تحت شوي نغير جو هالمستشفى الله راح يخقني ..
عبد الله ومهند : يالله
ونزلو تحت وجلسو برى لانه في مكان مثل الكفتيريا
محمد : وش تشربون
مهند : عصير برتقال
عبد الله : وانا كافي
محمد : وانا شاهي
القارسون : حاضر
محمد يكلم عبد الله : متزوج ؟؟
عبد الله : لا مو متزوج
مهند : احسن لكـ ههههه
عبد الله : لا ليه والله مو احسن انا اتمنى اتزوووج واستقر بحياتي
محمد : وانا بعد ودي
مهند : ههههههههههه الله يزوجكم
محمد : هههههههه الله كريم وانت معانا بعد
مهند : لا لا انا تو الناس علي خلني اكمل دراستي اخر سنه لي ابي اجيب نسبه عدله واتووضف بعدين يصير خير
عبد الله : لما تحب بنت بتتمنى انكـ تتزوجها
مهند : ههههه ليه انت تحب ؟؟!!
عبد الله : ايه وكانت تبيني وكنا نحب بعض بعدين لما جاها اللي احسن مني بالوضيفه والفلوووس نستي وتركتني وصارت ماتبيني
مهند : طيب يمكن مو هذا السبب
عبد الله : لا هذا السبب ولما اسألها ليه تقول بس مو انت اللي اتمناه
محمد : خلاص بعد قوول اللي مايبانا مانباه
عبد الله : اه المشكله للحين متعلق بيها وابيها واحس اني احبها
قلبي مايبها الا هي يمكن لاني للحين ماشفت اللي اتمناها ولا شفت اللي احبها مره ثانيه
عبد الله : وانت تحب ؟؟
محمد : هاااا
وبخجل وهو متوتر: لاتسأل
عبد الله : يعني شنو ههههههه
محمد : يعني سر
مهند يطالع في اخوه : وهو شاكـ بالسالفه
عبد الله يلتفت لمهند: وانت ؟؟
فهد : لا يعني منو بحب انا وجهي وجه حب هههههه انا حدي الحين دراسه وان كثرت لعب
عبد الله : الله يوفقكـ
محمد وهو بخاطره يحاول يسأل قلبه عن حبه لفايزه بس للأسف قلبه للحين مشغول بأهله وبالشركه ومايفكر بحب فايزه: عن اذنكم انا بقوم ادخل وبشوف وش صار ويه الحريم داخل ونشوف اذا بيمشون
مهند : لا معاهم مصطفى وفهد
محمد : ماينفعون بشي هالاثنين ههههههه
مهند : وانت الصاج
محمد : يالله عن اذنكم
عبد الله : لاوالله مضطر امشي بعد شوي لاني تأخرت وايد على الاهل يحاتوني
محمد : طيب الله وياكـ خلنا نتواصل
عبد الله : خذو رقمي عندكم وعطوني ارقامكم
مهند : اووكيه
عبد الله : هذا رقمي ,,,,,,,,,,,,,,,,,,
محمد : وانا رقمي ,,,,,,,,,,,,,,,,,,,,
مهند : وانا رقمي ،،،،،،،،،،،،,,,
محمد: اوكيه تشرفت بمعرفتكـ يالله باي
عبد الله : بايات
ودخل للمستشفى ومحمد مشتاق يكحل عيونه بشوفته لفايزه ولو بالغلط
بس هي مو معطيته اي اهميه لانها مو فاضيه قلبها محترق على اخوها وعمها وامها وابوها ...

~¤¦¦§¦¦¤~ في المجمع~¤¦¦§¦¦¤~

ليلى : افنان افنان واو تعالي شوفي
افنان : شنو ؟؟
ليلى : شوفي هذا البس يجنن
افنان : واو فعلا يجنن بس اكيد انه فوق المية ريال
ليلى : لا لاتقولين
افنان : اوكيه خلينا ندخل ونشوفه
ليلى وتسأل البياع : بكم هذا
البياع : بــ50 ريال
افنان : واو تمام في منه الوااان
البياع : ايه فيه الاحمر والبني والوردي
ليلى : لالا انا ابي الاحمر هذا المعروض يجنن
افنان : اوكيه يالله خلينا نشتريه
وطلعو من المحل
افنان وتطالع من بعيد
افنان : شوفي ذاليكـ الاثنين من اول مادخلنا المجمع وهم يطالعون فينا ويمشون ورانا
ليلى : ايه ادري منتبها لهم بس خليهم يولون
افنان : تعالي طيب نروح هذا المحل
ليلى : اوكيه
الا بدخلة الرجالين معاهم واي مكان بيروحو فيه يلحقوهم
لما شافوهم ليلى وافنان طلعو من المحل
ليلى : افنان امشي نطلع نخلي المكان حق غيرنا
افنان : يالله
ومشو وراحو بعيد عن هالاثنين
ليلى : والله اني تعبت والاكياس تعبتني اكثر خلينا نجلس شوي نرتاح ونطلب لنا شي ناكله
افنان : تعالي نجلس هناكـ والله حتى انا تعبت
وجلسو وحطو اكياسهم
وبعدها مرو الرجالين وحطو رقم بالكيس ومشووو بدون مانتبهت لهم لا ليلى ولا افنان
واكلو واشربو
الا برنة جوال افنان
افنان : هلاا يمه
امها : هلاا بيكـ وينكـ لهلوقت متى راح ترجعي
افنان : يمه بعد شوي
امها : لا يالله خلااص الحين تعالي قبل لايجي ابوكـ ويسوي لنا سالفه
افنان : زين يمه خلاص الحين بجي
امها : اوكيه بس بسرعه
افنان : ان شاء الله
امها : يالله باي
افنان : باي
ليلى : ياربي يعني بنمشي الحين
افنان : ايه بنمشي مابي ابوي يدري
ان شاء الله نكررها مره ثانيه
ليلى : يالله اجل مشينا حتى انا مابي ابوي يوصل ومايشوفني
بعدين يسوي لي سالفه طويله مالها اول ولا تالي
افنان : يالله اجل مشينا

~¤¦¦§¦¦¤~ في المستشفى~¤¦¦§¦¦¤~

دخل محمد الغرفه وقف يتحمحم
محمد : احم احم
الكل تغطى طبعا لما سمعو صوته
مها : تفضل ادخل
محمد : السلام عليكم
الكل : وعليكم السلام
محمد : مايشوفون شر الله يقومهم بالسلامه
الكل : الله يسلمكـ
محمد منزل راااسه بس عيونه تدووور على فايزه
محمد : يالله خلاص قومو انتو روحو بيوتكم وانا ابقى معاهم
لولوه : لا لا انا ببقى معى فيصل
فايزه : انا بعد ماراح اروح بنتضر فيصل يصحى ويقول لي وين امي وابوي
مها : محمد انت اخذ امي معاكـ او خل مهند يوصلها البيت لانها تعبانه وانا ببقى
ام محمد : لا يامها انا ببقى مع بو محمد انتي قومي روحي وراكـ جامعه
مها : لا يمه انتي اللي بتروحين انا الجامعه لاحقه عليها
محمد : شفيكم انتو يالله قومو كلكم وبوكرا نجي من الصباح لهم
الحين هم برعاية المستشفى وبرعاية وبحفظ الله يالله قومو ولا تخافون ولاتحاتون
فضه تسأل وهي تصيح : وش صار على موضوع امي وابوي
محمد : والله مادري الموضوع عند فيصل وابوي واحنا ماندري بشي لين يصحون من الغيبوبه ويعلمونا بكل شي صار الحين انتو قومو روحو للبيت يالله ولا احد بيضل حتى انا بروح معاكم وبوكرا كلنا نجي
فايزه وقفت وبدت تصارخ بصوت عالي : انتو وش فيكم ؟؟ وش فيكـ انت ؟؟
وشو راح ننتظر لين يصحون ونعرف سالفة امي وابوي
انا الحين بطلع من هنا وبروح مع اختي فضه للبحر وبشوف امي وابوي وينهم
انتو ماعندكم احساس ولا مشاعر
وطلعت وهي تسرع وتصيح والحقتها اختها فضه وهم يصيحون على امهم وابوهم
محمد استغرب من جرئتها وبنفس الوقت مالامها لان هذيلو امها وابوها
وصعبه عليها تنام وهي ماتعرف وين امها وابوها حييين ولا ميتين وحس بلحضتها انها كبرت بعينه ....

~¤¦¦§¦¦¤~ في بيت عمـــــــــــــر~¤¦¦§¦¦¤~

ماجاه النووم حاول ينام وموش قادر
اتصل على بو محمد ومقفل جواله
اتصل على فيصل ومقفل جواله
واتصل على بو فيصل ومقفل جواله
وفكر انه يتصل على محمد

~¤¦¦§¦¦¤~ في المستشفى~¤¦¦§¦¦¤~

محمد لحق بسرعه فايزه واختها فضه
محمد ينادي بصوت عالي : فايزه ........ فايزه ........فضه ........ فضه
فضه وفايزه : وقفو بس ماردو عليه ولا التفتو له
جى محمد يركض لهم وانفاسه تتتسارع معاه
محمد ماسكـ قلبه وياخذ له نفس : ياربي وش قد سريعين
فضه : وش تبي ؟؟
محمد : وين بتروحون وين على الله
فايزه وهي تصيح : وين اخوي فهد
محمد : فهد مع الشباب في الاستراحه انتو اهدووو وروحو للبيت
وانااوعدكم اني انا بنفسي بروح للبحر وبدور عليهم
فايزه : اذا اخوي فهد وعمي عمر ماحسو فينا تيجي انت وتحس فينا
اصلن محد هنا هامه غياب امي وابوي هذي بصراحه
محمد : ومن قال لكـ بالعكس وربي كلنا نحاتي فيهم
فايزه : وش فايدة الكلام بدون الفعل
الا برنة جواااال محمد
محمد : انتضرو لحظه هذا عمي عمر
فضه : هذا عمكـ مو عمنا احنا احنا ماعندنا عم اسمه عمر دامه مايعترف فينا ولا يسأل عنا
محمد : صلو على محمد وخلوني ارد عليه وانتو روحو اجلسو هناكـ وان شاء الله مايصير الا كل خير
فضه : لا رد عليه احنا ننتضر مانبي نجلس
محمد : اوكيه الووو
عمر : هلاا وينكم انتو
محمد : بالمستشفى
عمر : ليه وش عندكم بالمستشفى
محمد : اه ياعمي شقولكـ
عمر : قول وش صاير
محمد : صابتنا ضروف لاتسر صديق ولا عدو
عمر : قووووول ليه ساكت
محمد : بوفيصل وام فيصل راحو للبحر وللحين ماجاو ولا نعرف عنهم شي للحين
وفيصل وابوي راحو لهم وصار لهم حادث والحين هم بغيبوبه
عمر : ااااااوووووف اوووف لاحول ولا قوة الا بالله كل ذا صاير من متى
محمد : من يوم نجتمع في بيت فيصل
عمر : طيب والحين وش اخبارهم
محمد : مادري والله هم بالمستشفى وبغيوبه والله اعلم بحالتهم
عمر : طيب اي مستشفى
محمد : ( ............... ) غرقه رقم ( ...........)
عمر : بوكرا بروح اشوفهم واتطمن عليهم
محمد : اوكيه واحنا بعد بنروووح
عمر : طيب وليه حتى مافيكم تتصلون وتقولون لي شي
محمد : مدري والله ياعمي انشغلنا صار كل شي ورا بعض
عمر :طيب وش لون الحين مع اخوي بوفيصل
محمد : مدري الحين انا بروح لهم البحر وبشوف وينهم
عمر : طيب مر علي انا بروح معاكــ
محمد : اوكيه والشركه من بيقعد فيها اذا لاعمي بو فيصل ولا ابوي ولا فيصل ولاا انا ولاا انت
من بيضل فيها
عمر : مدري ماراح يأثر لو تركناها ليومين
محمد : اجل انا بتصل على باسم وبعطيه خبر عشان يدير الشركه
عمر : اوووكيه خلاص اتصل فيه
محمد : يالله اجل انا شوي وجايكـ البيت اجهز
عمر: اوكيه يالله انا بجهز
محمد : اوكيه يالله باي
عمر :باي
سكر عمر الخط وهو متأثر ومتعور قلبه على اللي صار لهم وماقدر ينام
علياء : شصاير بعد
عمر : ماصاير شي رجعي نامي
علياء : ليه ليكون انت مفكرني نايمه الواحد يعرف ينام بهالبيت
عمر : اسف ع الازعاج انا بطلع مو جاي لي نوم
علياء : تعال تعال تعال
عمر : نعم
علياء : وين رايح ؟ وين على الله
عمر : بطلع متضايق شوي
علياء : من كنت تكلم
عمر : ماكنت اكلم احد
علياء : سمعتكـ انا مو صمخه ماسمع
عمر : كنت اكلم محمد ولد اخوي
علياء : ايه هالاهل من تكلمهم تنعفس فوق حدر
عمر : اوووف
علياء : ليه تتأفف وش فيكـ بعد وشايل هموم الدنيا على راسكـ
عمر : اخوي بو فيصل مع ام فيصل في البحر وللحين مارجعو ولا ندري عنهم
واخوي بو محمد وفيصل صار لهم حادث والحين هم بغيبوبه
علياء : بس هذا اللي مضايقكـ
عمر : ايه وهذا شي مو كافي عشان اتضايق
علياء : لا يولون وليه تضايق ذيلو 7 ارواح مايصير لهم شي
عمر : ان شاء الله مايصير لهم شي
علياء : يالله ارجع نام مافيه طلعه في هالوقت
عمر : لا بروح ويه محمد الحين بيجي بنروح البحر
علياء : يسلام عليكــ
عمر : شنو بعد بتمنعيني
علياء : ايه ماراح اسمح لكـ تروح بهالوقت
عمر : عن اذنكـ انا طالع
وطلع عمر من الغرفه وسكر الباب بقوووهـ ونزل في الحديقه ينتضر محمد وهو معصب على زوجته
ومقهور من اسلوبها معاه ومنقهر قلبه على كل شي صار لأهله



~¤¦¦§¦¦¤~ في الشركهـ في مكتب سليمان~¤¦¦§¦¦¤~

سليمان وهو منشغل بالاوراق دخل عليه تركي متلثم ومتخبي لانه مايبي احد يشوفه
تركي بصوت واطي : السلام
سليمان : وعليكم السلام سكر سكر الباب عسى محد شافكـ
تركي : لا ماعتقد
سليمان : ها شخباركـ وش اخبار شركتنا
تركي : مو زينه الشركه مو زينه تبي سيوله تبي فلووووووس
سليمان : وانا حاضر انا مختلس اموال من الشركه نفس ماقلت لكـ
تركي : تمام نفس ماتفقنا عليه
سليمان : ايه بس اهم شي تصير الشركه تمام
ماوصيكـ نبيها اكبر شركه بالعالم
تركي : مولني فلوس وتشوف كيف راح تصير
سليمان : هالشهر والشهر الماضي انا الرواتب ماوزعتها كامله واخذت الباقي لي
وصار عندي مبلغا وقدروه
تركي : اوووووووه تمام
سليمان : بس انت امر
تركي : وانت حاول بعد المعاملات اللي تمر عليكـ خلها تصير من صالح شركتنا
سليمان : اصبر علي شوي الحين
خلني اسرق من هالشركه شوي شوي وتشوف وش راح اسوي
تركي : كفو
يالله يالله عطني الفلوس خلني امشي
سليمان وفتح الخزنه حقته وطلع شنطه وحطها ع المكتب وفتحها
تركي : اوووووووه كل ذا بس هالشهر والشهر الماضي
سليمان وهو يضحكـ : ايه وكل شهر بتشوف كذا واكثر
تركي : ياعيني عليكـ
سليمان : يالله اخذ هالفلوس ومول الشركه اوكيه
تركي : اوكيه يالله انا ماشي الحين
سليمان : الله وياكـ
تركي : باااي
سليمان : بايات

~¤¦¦§¦¦¤~ في بيت ســــــــالمـ في غرفة ليلى~¤¦¦§¦¦¤~

ليلى دخلت غرفتها بعد ماجلست مع امها وابوها تحت
وفتحت الأكياس عشان تشوف الاغراض اللي شرتها
ورتبت كل شي مكانه ... وفي نهاية الكيس شافت ورقه
استغربت من وين هالورقه ... فتحتها وقرتها
مكتوب فيها رقم واسم
050 ......... خالد محمد العسيري
اتصلي بأنتضاركـ
ليلى : اهااااااا عرفته هذا اللي اليوم لاحقنا بس متى حط الورقه مانتبهت له
اهوووو بس ليه مهتمه
ورمت الورقه بالارض
وكملت تشووووف اغراضها وملابسها

~¤¦¦§¦¦¤~ في المستشفى~¤¦¦§¦¦¤~

فايزه : اتحدا ان جى عمي
محمد : هو قال لي انه راح يروح معي البحر الحين
فضه : اتحدااا ان رضت له زوجته ليه يامحمد انت متأمل
محمد : ايه متأمل ومتأكد لانه هو قال لي
فايزه : طيب روحو واحنا بعد بنروح
محمد : فايزه واللي يسلمكـ انتو بنات وانا مارضى عليكم واخاف عليكم من نسمة الهوا
ومابيكم تروحوووون
فايزه : ليه انت وش يهمكـ اخوي مامنعني عشان انت تمنعني
محمد : اخوكـ لو درا ماراح يرضى
فايزه : انا مايهمني الحين احد بالدنيا مايهمني الا امي وابوي
محمد : خلااص فايزه طلبتكـ لاترديني خليني انا اقوم بهالمهمه عنكـ
الا برنة جوال محمد
محمد : عن اذنكم شوي وراح شوي بعيد يكلم
محمد : الو
باسم : هلاا محمد
محمد : هلاا بيكـ
باسم : شخباركـ ؟
محمد : الحمد الله بخير وانت
باسم : الحمد الله بخير
محمد : ها وش اخبار الشركه الحين
باسم : والله احس الشغل زاد ومانقدر نمشيه بدونكم
محمد : معليه تحمل الشغل بعد اليوم وبوكرا بعدها انا وعمي عمر بنجي
باسم : ليه طيب بتاخذون كلكم اجازه
محمد : لا يباسم السالفه اكبر من كذا
باسم : ليه وش صاير ؟
محمد : بقولكـ لان احنا كلنا نأمنكـ على اسرارنا ونعتبركـ واحد منا انتبه يطلع الكلام اللي بقوله لكـ لبره
باسم : اكيد
محمد : بو فيصل وزوجته رايحين للبحر ولا ندري وش فيهم للحين مارجعو
وراح فيصل وابوي لهم وصار لهم حادث والحين هم بغيبوبه
واليوم انا وعمي عمر بنروح لهم البحر وبنشوف وش السالفه
انت اتحمل اليوم وبوكرا ومش الشغل
باسم وهو متأثر : لاحول ولا قوة الا بالله
من عيوني ومايشوفون شر
بس هم اي مستشفى عشان اروح لهم واتطمن عليهم
محمد : ماتقصر والله كلكـ خير ياباسم هم بمستشفى (......) غرفه رقم ( ......)
باسم : اوكيه خلاص الله يعينكـ والله وياكمـ ولو بغيت شي انا حاضر ومن عيوني
محمد : تسلم عيونكـ ماتقصر
باسم : اوكيه اجل اخليكـ لاعطلكـ
محمد : اوكيه يالله باي
باسم : باي
وسكر محمد الخط من باسم ورجع لفضه وفايزه
محمد : اسف ع التأخير بس اتصال مهم من الشركه
فضه : مو مشكله
فايزه منزله راسها وتصيح
محمد يأشر على فايزه ويسأل فضه وش فيها
فضه : يعني ماتدري وش فيها
محمد : خلاص فايزه خلاص بسكـ صياح والله ماقدر اشوفكـ كذا
وعد مني اليوم اليوم اعطيكـ خبر واجيب لكـ كل شي تبينه بس خلااص لاتصيحين
فايزه : انا ابي اروح معاكم ماراح يهدا لي بال الا لما اشوف امي وابوي
محمد : لا انا وعمي عمر بس اللي بنروح خلاص ؟
فهم محمد فايزه وفضه الموضوع وقنعهم انهم يرجعون البيت
وهو مع عمه عمر بيرحون وبيشوفووون وش سالفة بوفيصل وام فيصل
وبعدها الكل راح لبيته والكل نام والراحه ماشوفوها في ذاكـ اليوم

بعدها محمد مر على عمه عمر مسكو الطريق وراحو للبحر

~¤¦¦§¦¦¤~ في الصباح في بيت بو فيصل~¤¦¦§¦¦¤~

تجلس فايزه من النوم عشان تصحي اختها واخوها من النوم عشان يرحون مدارسهم
فايزه : فضه ....... فضه ...... فضه
فضه : ماترد ( غرقانه بالنوم )
فايزه : فضه يالله قومي اصحي يالله
فضه : فايزه تكفين خليني شوي بنام احس اني تعبانه شوي وراسي مصدع
اصلن انا اليوم ماراح اروح المدرسه ماعندنا اختبار بروح معاكم بشوف اخووي وعمي
فايزه : لا لا بسرعه قومي حتى لو ماعندكـ اختبار وبس يعني ماعندكـ اختبار بتغيبين
فضه : طيب خلاص شوي واقووووم
فايزه : يالله لاتتأخرين بروح اصحي فهد اكيد بيعلني قبل لايصحى
وطلعت فايزه من غرفة فضه ورااحت غرفة فهد وضربت الباب ودخلت
فايزه : فهد ...... فهد يوه وينه هذااا ؟؟؟
وين راح مو موجود بغرفته ولا بالحمام
معقوله مانام هنا امس ؟؟..
خلني انزل اجهز الفطور واتصل عليه اشوف وينه
ونزلت تحت تجهز الفطووور في المطبخ
فهد : فايزه جهز الفطور
فايزه مخترعه : بسم الله وينكـ انت رحت غرفتكـ ماشفتكـ
فهد : لا انا جالس اليوم مبكر ونزلت انتضر الفطور يجهز
فايزه : ايه عدل لا خلاص الفطور جاهز بس ننتضر فضه تنزل

~¤¦¦§¦¦¤~في بيت فيصل علاا طاولة الفطووور~¤¦¦§¦¦¤~

ريما : يمه متى بنروح لبوي
لولوه : انا بروح له اليوم الصباح وانتو ااذا جيتو اوديكمـ له
ريما : لا يمه انا ابي اروح وياكـ الصباح
لولوه : لالالالا يالله رحو مدارسكم
ريما : ياربي منكـ عنيده يالله اجل انا بمشي سلمي لي علا ابوي
حمد : انتضري بقوم انا معاكـ
لولوه : اجل خذ هذي معاكـ اكلها بطريقكـ
حمد : اوكيه يالله باي يمه
لولوه : بايات

~¤¦¦§¦¦¤~ في الطريق~¤¦¦§¦¦¤~

وبعد ماوصلوووو محمد وعمر بالسلامه للبحر
محمد : نروح نسأل عنهم عند مؤجر الشاليهات اوول ؟؟
عمر : ايه يالله
محمد : السلامـ عليكمـ
المأجر : وعليكمـ السلامـ ياهلا تفضل اي خدمه
محمد : اخووي احنا جاين نسأل عن اثنين جاو عندكم قبل 4 ايامـ تقريبا
المأجر : بأسمـ من؟؟
محمد : فايز بن محمد
المأجر تذكرهم وقال : جاو قبل كذا اثنين وسألو عنهم
محمد : ايه وبعدين هم الحين وين ؟؟
المأجر : بصراحهـ بصراحهــ
دورنا عليهم في كل مكان ومالقينا لهم الا اثار وبقايا
و لقينا لهم اثار وملابس واغراض في الطراد اللي ستأجروه منا
عمر وهو يصراخ : يعني شنو مالقيتوهم؟؟؟؟
واي طراد واي اغراض واي خرابيط ؟؟ فهمني
المأجر : قبل ستة ايامـ جى بو فيصل وستأجر منا طراد
وبعدها اخذوه واركبوه وراحو للبحر لحالهم
وسائت في ذاكـ اليوم احوال الجو وصار مطر ورعد وعج
واحنا نسينا وراح عن بالنا وانا كنت رحت البيت وستلم مكاني واحد ثاني
وجانا قبل كم يوم اثنين وسألوو عنهم ودورنا عليهم ومالقيناهم ومثل ماقلت لكـ
ماشفنا لهم الا ملابس واغراض والطراد فاضي
دورنا جثثهم ومالقيناها لقينا عظام ودم لانهم ابتعدو حيل حيل وربي اعلم وش صار لهم
محمد ماقدر يمسكـ نفسهـ جلس بالارض ودمعتهـ سالت وقلبه تحطمـ بهذي اللحظه فكر كيف راح يقوول الخبر لفايزه واختها وكيف راح يتحملووونه تمنى انه مايرجع ويمووت ولا يوصل الخبر لفايزه واهلها
عمر : شنو ؟
كل هذا صـــــــــار
المأجر : بس لاتخافون احنا للحين ندووور عليهم وبشده وان شاء الله راح نلااقي اي شي لهم
عمر بحزن : لي متى ؟ لي متى ؟؟
المأجر : خل ايمانكـ قوي مثلكـ عارف البحر كبير واااااسع ماراح نلقاهم بسهوله وزين منا لقينا الطراد وهالاغراض
عمر جلس جنب محمد وضل يواسي فيه ويحاول يخفف عنه الصدمه مع انه الصدمه كانت ع لاثنين
محمد : عمي يعني شلووون عمي بوفيصل مات
عمر : المأجر يقووول كذا
محمد : شلووون بقول لفايزه واختها شلون بقول لأمي واخواني
عمر : هونها وتهوووون وان شاء الله مايصير الا كل خير
محمد وحزن العالمـ تجمع فيه والدمعه بعيونه : ابوووي مغمى عليه وحالته لله
وعمي بو فيصل مــــات وفيصل ولدهـ الله اعلمــ بحالته ليه صار فينا كذاا ليه
عمر وقف ومسكـ يد محمد وقووومه : قول انا لله وانا اليه راجعون كله اختبار من الله يالله قووم نرجع للبيت
قعتدنا هنا مالها داعي
المأجر ينادي عمر : هذي الاشياء اللي لقيناها بالطراد تفضلووو
عمر : شكرا
رجعو خايبين وحاملين معاهم هموم كبيره مايعرف احد كيف يزيحها
صارت صدمه قويه على محمد وعمر صدمة عمرهم اللي ماراح ينسونها
صدمه جرحت كيانهم وهدت اعصابهم صدمه يمكن تكون اكبر صدمه بحياتهم
محمد دموعه ماوقفت وعمر متأثر وقلبه ذايب كان موقفهم يجرح القلب

~¤¦¦§¦¦¤~ في سيارة محمد~¤¦¦§¦¦¤~

عمر : وش فيكـ محمد خلاص اهدا
محمد : شلون اهدا شلون
عمر : كل شي بيد الله الله كاتب كذا
محمد : ونعم بالله
بس شلون اقول لفايزه بسالفه
عمر : بس فايزه
محمد : انا وعدتها ياعمي
عمر : مو بيدكـ يامحمد لو بيدكـ ماسويت كذا
محمد : الله يستر بس
عمر : الله يستر

~¤¦¦§¦¦¤~ في الجامعه~¤¦¦§¦¦¤~

مها وفايزه يتمشو
فايزه : مدري وش سوا اخوكـ محمد اتصلي فيه
مها : بس اخوي راح ؟
فايزه : لا معاه عمي
مها : خلاص اتصلي على عمي ليه اخوي
فايزه : هااا لا بس خلاص لاتتصلين زين
مها : شفيكـ ولا القلب ماقال الا محمد ومانطق الا بأسمه
فايزه : مها وش فيكـ انتي وش قصدكـ بهالكلام
مها : وهي تضحكـ لا ولا شي
فايزه : يالله بس خلينا ندخل الحين بتبدي المحاضره
مها : والله مالي خلق محاضرات حاسه حالي تعبانه ومشتاقه لبوي
فايزه : شقول انا امي وابوي مادري عنهم واخوي وعمي والحاله لله
مها : الله يعين يالله امشي ندخل
ودخلو للمحاضره

~¤¦¦§¦¦¤~ في سيارة محمد~¤¦¦§¦¦¤~

محمد وعمه وصلو لديارهم ورجعو للبيت وصل محمد عمر لبيته وسلمو على بعض
ومشى محمد ...
محمد : ياربي وش اسوي الحين
وين ارووووووح ومن اقول له اوول
عمي عمر الحين بيخبر زوجته وانا مو عارف وش اقول لاهلي
الله يستر بس خلني اروح الشركه احسن لي

وبكذا انتهت الحلقهـ الخامسهـ

واتمنى انها عجبتكمـ