[(ورود)]

••.`6•.•• (الحلقهــ الــسادســـهــ) ••.`•.••

طبعا عمر بعد مارجع للبيت خبر زوجته بخبر وفاة ام فيصل وابو فيصل بس قلبها حجر وماهتمت
محمد راح لبيتهم بعد ماطلع من الشركه وعلم اخوه مهند ومصطفى
طبعا حيل تفاجأو بالخبر وقلبهم تفطر وحسو انهم فقدو شي كبير
مها عرفت من اخوانها وبدت تصارخ وتصيح وماهي مو مستوعبه الخبر
محمد : مها خلاص لاتصيحين فكري معاي كيف بنخبر فايزه واختها
مها وهي تصيح والله صعبه علي صعبه
محمد : بس مافيه الا انتي تخبريها
مها ودموعها غرقت وجهها: انا ماقدر صعبه علي اصلن انا مو مستوعبه اللي تقوله احس انه كله كذب شلون الحين تبيني اقول لهم هالخبر انت وش فيكـ ؟
محمد : اجل من راح يقول لهم ؟
مهند : اذا تبوني اقول لاخوهم فهد وهو يتصرف
محمد : فكره بتتصل عليه ولا بتروح له
مهند : لا اخاف اروح له بس بتصل فيه
محمد بتوتر : اوكيه يالله
مها ماتحملت الموقف بدت تصارخ على اخوانها
انتو وش فيكم مافيكمـ قلب مافيكم احساس
كيف جاتكم الجرأه والقوه على انكم تخبرونهم خبر مثل هذا
و راحت وهي تصيح تركض لغرفتها
مهند وهو يطالع ويقول وش فيها هاذي وشو قلوبنا ماقلوبنا
شلون يعني تبينا نخبي الخبر عنهم هم مصيرهم بيعرفون
محمد : ايه والله صادق
مهند : الحين اتصل ولا متى
محمد : يالله الحين
لحظه الحين كم الساعه
مهند : الساعه 2 الا ربع
محمد : يالله اجل اتصل عليهم بعد شوي انا الحين برجع الشركه اوكيه
مهند : اوكيه بس توكـ راد منها
محمد :
محمد : مساع سويت شغله وطلعت وماشفت باسم ابيه بموضوع اوكيه يالله باي
مهند : بايات

~¤¦¦§¦¦¤~ في الشركهـ في مكتب المدير~¤¦¦§¦¦¤~

محمد سلم على باسم ودخل غرفة المدير وهو شايل هموم العالم كلها
لحقه باسم ودخل معاه للمكتب
باسم : محمد تبيني اطلب لكـ شي تشربه
محمد : لا مشكور
محمد جلس على الكرسي ورجعه لورا وغمض عيونه وتنهد
ومو قادر يصدق كل اللي صار
باسم : محمد .... انت تعبان فيكـ شي ؟
محمد : لا يباسم مافيني شي
باسم : طيب وش صار وش اخبار الوالد وفيصل
محمد : والله مادري بس اللي اعرفه انهم بين الحيا والموت
باسم : اسم الله عليهم لاتقول كذا خل ايمانكـ بالله قوي
محمد : ونعم بالله
باسم : ان شاء الله يقومو بالسلامه وانا ان شاء الله اقرب فرصه بروح وبزورهم وبتطمن عليهم
محمد : ماتقصر وربي
باسم وقرب من محمد : صل على محمد انت اقوا من كذا
محمد : اللهم صلي وسلم عليه وعلى آله
باسم : ربكـ كريم
محمد : ونعم بالله بس ياباسم السالفه اكبر من كذا
باسم : شنو بعد وش صاير
محمد : بوفيصل وزوجته
باسم بقلق: وش فيهم ؟.!
محمد وهو يمسح دموعه : توفو
باسم بشهقه : شنو
محمد ودموعه مو قادره تمكله : ايه توفو
باسم نزل راسه : عظم الله اجركـ
محمد والعبره خانقته وصوته مكتوم : ايه توفى
اللي اعتبرته بمقام ابوي
توفى من اعتبرني مثل ولده فيصل واكثر
توفت اللي كانت بمكانة امي الغاليه
توفت من اعتبرتني مثل ولدها
كانت دايم تتصل علي وتسأل عني ومايمر اسبوع من دون ماتكلمني
والحين وينها ؟.... والحين وينه ؟؟؟....
محمد وزادت دموعه : واللي جارحني اكثر ابوي حبيبي حالته الله اعلم بيها
وماأدري اهو بيعيش او لا
ولا فيصل اللي اعتبره عضيدي ويميني وينه الحين
كلهم وينهم ياباسم
ليه انا فجأه صرت وحيد
امس كلهم كانو حوالي واليوم ولا احد ولا احد
باسم وقلبه انكسر من الكلام اللي قاله محمد راح جنبه وحاول يهديه ويحاول يقوي قلبه وايمانه بالله

~¤¦¦§¦¦¤~ في بيت بو فيصل~¤¦¦§¦¦¤~

فهد وفايزه وفضه تغدو جلسو ع التلفاز
الا برنة جوال اخوهم فهد
فهد : الو
مهند : هلاا فهد شخباركـ
فهد : الحمد الله بخير وانت
مهند : الحمد الله
فهد : ان شاء الله دوم
مهند : تدوم انفاسكـ
فهد : آمر
مهند : والله اني مو عارف وش اقول لاكن مصيركـ راح تعرف
فهد : خير وش صاير ؟
مهند : اهو خبر مو حلو
فهد : تعودت ع الاخبار اللي مو حلوه قووول يعني وش بيأثر
مهند : لا يافهد هذا غير
فهد : طيب يالله قوووول
فضه وفايزه طفو التلفزيووون وخافووو
فايزه : فهد ... فهد
فهد : لحظه مهند
نعم
فايزه وهي خايفه : وش فيه مهند وش الاخبار اللي مو حلوه
فهد : مادري اسكتو يالله خليني اسمع
ايوه مهند كمل
مهند : فهد انت عزيز وغالي على قلبي وصعبه علي اقولكـ خبر مثل هذا بس مضطر اقوله تسمعه مني وماتسمعه من غيري
فهد : قووول مهند تراكـ خرعتني
مهند : امكـ وابوكـ
فهد بفزعه : وش فيهم ؟
مهند : عطوكـ عمرهم
فهد بشهقه قويه : شنوووو انت وش تقول
مهند نزل راسه : اللي سمعته
فهد : مهند ترا والله مو وقت مزح تكلم جد
مهند : والله اني جاد وماأمزح
فهد : مستحيل انت كذااااااااب
مهند : فهد لاتضعف بهالحضه انت اقوا من كذا
فايزه وهي تصارخ على اخوها
فهد تكلم وش صاااااااااير
فهد يطالع في خواته ودموعه سالت
فضه : فهد وش فيكـ قول تراكـ خرعتنا
فهد وهو يصيح وطاح الجوال من يده : امي وابوي
فضه وقفت وبصوت عالي : وش فيهم
فهد بصوت واطي وحزين : توفو
فايزه وهي تصارخ : لااااا مستحيل انت كذااااب
فضه مندهشه ومو عارفه وش تقول بس دموعها تسيل
فهد : راح حضن اخواته وقال لهم خلو ايمانكم بالله قوي وقولو ان الله وانا اليه راجعون
فضه : طاحت ع الارض وهي تصيح ولا تتكلم
وفايزه : تصارخ وتصيح على اخوها ولا هي مصدقه الخبر
وتحس انه كذب وتقول لاخوها امي وابوي راح يرجعو
امي وابوي ماماتو انت كذاااااااااااااب
فهد : جلس ونزل راسه ماعرف وش يسوي بهالحظه وقام يصيح

بعد ماعرفت فايزه بوفاة امها وابوها صعدت غرفتها وحزنها ملى قلبها
وعيونها غرقت بدموع والالم والحزن والاسى
دخلت غرفتها وكتبت بكل حزن ودموع
وتحاكي وتكلم نفسها وكأن امها عايشه ومافارقت الدنيا

يـــــــــــمه طلبتكـ لاتخليني
واذا بتروحين يمه خبريني
لاتـــــرديني ومعكـ خذيني
وللجنه يـــــــمــــــه وديني

وللـــــــــمــــــــلائك ه زوريني
وعــــــــــند الرسول دخليني
بس لاتروحين يمه وتخليني
وديني معاكـ ويــن ماتوديني

بس يمه بروحي لاتخليني
اذا رحتي يايمه وخليتني
مــــــــــــــــن بيواسيني ؟؟..
ومن بيسأل عليه ويداريني

لاجيت من الكليه من يلاقيني
ومــــــــن يخاف عليه ويباريني
ومـــــــــــــن لازعلت ي****ني
اترجاكـ يــــــــــمه معكـ خليني

لان بشوفتكـ تـــريحيني
ولهمي وحـزني تنسيني
يمه فــي حضنكـ خليني
وبدفـــــى قلبكـ خيبيني

يمه انتي اللي ماعمركـ جرحتيني
ولا بــــــــــــــــــــــــ ــلحظه هنتيني
يمه انتي اللي ولا مرهـ ضربتيني
او مــــــــــــــرهـ بحياتكـ رديتيني

يـــــــــــــــــمه بطفولتي ذكريني
وعيدي لــــــــــي ايامي وسنيني
يمه انتي اللي بحنانكـ غطيتيني
ومــــــــن حبكـ وعطفكـ مليتيني

ولا مـــــــــن شي حرمتيني
شلون اليـــــــــوم تتركيني
وتستسلمين للموت وتخليني

الكل عرف بوفاتهم وصارت عيلتهم كلها بحزن على حزن
كل واحد منهم صغيرهم وكبيرهم حمل اكثر من حزن بقلبه
حمل حزن وفاة بو فيصل اللي كان لهم مثل الابووو والاخووو
كان لهم منبع العزوه والحنان
وحملو بقلبهم حزن ام فيصل اللي كانت لهم اكبر من الامـ الحنووون كانت لهم الجده والام
وكانت لهم الصديقه كانت لهم مثل اللي يتقووون به عند ضعفهم
وحملو بقلبهم هم فيصل اللي ربي يعلم بحالته الصعبه
وحملووو بقلبهم هم بو محمد الرجال الطيب الصادق الحنون اللي بحاله مايعلم فيها الا الله
بعدها بساعتين الكل تجمع وجى في بيت بوفيصل الله يرحمه
وكلن صاير بهم وحزن مايعلم فيه الا الله
كلن دموعه غطت على ملامح وجهه
تجمعو الاهل من كبيرهم لصغيرهم الرجال والحريم
وضل هالبيت اكثر من شهر ونص على حالة الحزن والالم والسواد
ضل هالبيت مثل المنهده اركانه بدون ام فيصل وابو فيصل الله يرحمه
ضلت فايزه وفضه كل وحده تحاول تهدي في الثانيه وتحاول تشيل هم الثانيه
مها ضلت تتردد عليهم وماتركتهم بأقسى ايام يمكن يمرو عليها
محمد ضل دايم يتردد على البنات ويسأل عنهم وماتركهم
وقال لهم وعدهم انه ماراح يتركهم وان شاء الله يقدر يعوضهم عن اللي راحو
فهد ومصطفى يحاولو يكونو لفضه وفايزه اكثر من الاب والاخ
ام محمد ماتركتهم ولا لحظه ضلت معاهم بس ماتبيهم يحسو بلحظه بوحدتهم
علياء جات عزتهم وراحت
بومحمد وفيصل وصلهم خبر وزاد التعب عليهم ومارحو عن بالهم ابد
وصديقات فضه وزملائها اعرفو بوفاة ابوها والكل جى لها وعزاها
وصديقات فايزه بعد كلهم جاو وعزوها

~¤¦¦§¦¦¤~ في بيت ســـــالمـ~¤¦¦§¦¦¤~

سمر وليلى وسالمـ جالسين بالصالهـ يتابعو فلمــ كوميدي
سمر : ههههههههههههههه شوفو شوفو كيف سواهااا
ليلى : هههههههه ايه والله
سالمـ : شكلهـ متدرب عليها من سنه
ليلى : هههههه ايه والله صادق يبه
سمر : الا وينها نوروه
ليلى : يعني وينها اكيد انها بغرفتها
سمر : لا والله انا ماودي اشوفها ترتاح بغرفتها ...
سالم : هي عندها اختبار .؟
سمر : والله مادري عنها
ليلى : ايه اتوقع عندها
سالم : اهااا يمكن تذاكر اجل
ليلى وهي قايمه : يمكن
يالله عن اذنكمـ انا صاعده لغرفتي بروح شوي افتح لي ماده
سالم : الله يوفقكـ روحي
سمر : اوكيه روحي الله وياكـ
وصعدت ليلى وفتحت باب غرفتها وشغلت الانوار
وخذت نضره لغرفه قبل لاتدخل وشافت بالارض الورقه اللي فيها الرقم
دخلت وسكرت باب الغرفه وقفلتها
وخذت الرقم وطالعت فيه وكأنها تفكر تتصل فيه
جلست ع السرير واخذت جوالها
واتصلت ...... وبعد مارن رنه وحده
تراجعت ومادرت انه رن عنده رنه وسكرت الخط وحطت جوالها ورمت الرقم بالزباله
وراحت لدولابها وفتحته وطلعت كتبها عشان بتبتدي ترتب الجدول بعدها تنام
الا برنة جوالها مره ثانيه
وعرفت انه نفس الرقم اللي رمته
طبعا ليلى انذهلت واستغربت : كيف عرف رقمي
ضربت على جبهتها وقالت اووووف ليكون طلع رقمه عندي
ياربي وش ذا الوهقه شلي خلاني اتصل
يالله اخليه يولي ماراح ارد
وبدت ترتيبها للجدول
وهو ضل طول اليل يتصل وكأنه عارف انها هي اللي شافها بالمجمع
وكل مره يتصل تعطيه مشغول او ماترد
وبعد ماملت وزهقت حطته صامت ونـــــــامت

~¤¦¦§¦¦¤~ في بيت بو فيصل~¤¦¦§¦¦¤~

بعد مامشى الكل وراح لبيته راحت فايزه لغرفتها تصيح
ومو عارفه وش لون راح تكمل حياتها من غير امها وابوها
راحت غرفتها وهي تتذكر كل كلمه قالتها لها امها
ودموعها ماوقفت قلبها انجرح على فراق امها
وتحس انها مو مصدقه ولا هي مستوعبه
جلست على طاولتها ومسكت قلمها ودفترها
ودموعها سبقت اي كلمهـ اكتبتها
بدت تكتب شعر لأمها الغاليهـ

هــــــــــمــــي الــــيـــــــوم كــــبــــيـــر
عـــــــــــــلاا امــــي مـــــالــــه مــثـيــــل
تـــــــوفــــــت وراحــــت وهـــذا مصير
بعد ماكانت تذكر الله والـــدمع هميل
نـــــــــــــزل عـــليـــــها الــــملكـ جبريل
واخذ روحها والله علاا كل شي قديـــر
تـــــــــركــــت الــدنيا بـــضــلــمة الليل
بــــــعـــــد مــــــاكـــانــــت بــهدنيا تنير
ابــــــــــــد مــــانــــلــــقـــى مثلها بديل
لاغـــــــــــــــنــــــ ـــي ولا فــــقـــــــيــــــر
مـــــــــــــــــن يـــــحــــــط ومــــن يشيل
ومـــــــــــــن يـــــــبــــــــــاري ومن يدير
عــــــــــــــــاشــــــ ــت عـــــــــمـــراً طويل
لاتــــــــــظـــــــلـــ مــ ولا تــــــــــحـــــيــــر
ربــــــــــــت اخــــوي وربتني وانا طفيل
تــــــــــــلــــــــف الــــــمــهـد وتهز السرير
ومـــــــــاتــــعـــتـــ بـــر هــــذا هــمـــ ثقيل
ابــــــــــــــكـــي لـــــهـــا بــــدمـــــع غزير
انــــــــــســـــــــاهـ ــــــا هـــــذا مـــحــــيل
ادعــــــــــــــي لـــــــــهـــــا بالدعاء الكثير
وكــــــــــــــــــل هـــــــــذا بــحـــقها قليل
ودي لـــــــــــقـــــــبــــ ــــرهــــــــــا نـسـيـر
نــــــــرش الـــــمــــــاي وبـــــدعاء نطيل
نـــــــــــدعــــــــي لـــهـــا بـــالجنه والغفير
يـــــــــمـــــكـن نـــرد لـــها بعض الجميل
بس قبرها وين ووينهـ حلمي الكبيـــــــــر
بس ابد مـــــأنســــهـــا لــــــو الزمن يميل
راحـــــــــــــت وتـــــــــــركت شي حقير
الـــــــــــــدنيـــــــ ـا اللــي كلها هم وعليل
وصـــــــــــــــــــار هـــمـــي الـــيـــومـ كبير
علاا امــــــــــــي مالــــــهـ مـــــــــثــــــيـــل

الا بدخلة مهـــــــا عليها
حطت القلمـ وسكرت الدفتر ودموعها غرقتها
دخلت وجلست جنبها وحضنتها وكأنها تخفف عليها همومها واحزانها

~¤¦¦§¦¦¤~ في المدرسه ~¤¦¦§¦¦¤~

في الصباح

فضه في كل الحصص سرحانه ومو حاسه بشي ودموعها تسيل جات غصبن عليها
الكل مارضى لها تغيب لان عندها اختبار
بعد مارن الجرس راحت نوره لفضه
نوره : شخباركـ فضه ؟
فضه : الحمد الله بخير
نوره : انتي اليوم مو طبيعيه صوتكـ شكله تعبان وجهكـ اصفر ومبين عليكـ التعب
ليه وش فيكـ
فضه بحزن ومنزله راسها : ولا شي
نوره : كيف ولا شي والشي واضح من عيونكـ
وين فضه اللي دايم تضحكـ وبسمتها دايم بشفتها
وين الفضه الحركيه النشيطه
اليوم ولا شي اليوم انتي غير
فضه ساكته وماردت عليها
نوره : ليه مو معتبرتني لكـ صديقه تعلميها بكل شي
وانا اللي بلحظه بس اعتبرتكـ صديقتي واختي وكل شي بالدنيا
وعلمتكـ بكل شي عني وعن حياتي
فضه بدت تصيح
نوره احضنت فضه : لاتصحين يافضه دموعكـ غاليه
قومي نطلع بره تغسلي وجهكـ وتقولي لي وش فيكـ
طلعت نوره وفضه من الفصل وراحو مكان هاديه في الساحه وضلت فضه تقول لنوره وش صار لهم بهاليومين
نوره انكسر خاطرها وانجرح قلبها وبدت تصيح وكأن اللي صاير لفضه صاير لنوره

~¤¦¦§¦¦¤~ في بيت ســــــــالمـ~¤¦¦§¦¦¤~

دخلت نووره البيت وهي حزينه حيل ودموعها على خدها
الاا بوقفة سمر لها : وش فيكـ بعد
نوره : مافيني شي
سمر : يالله طيب ع المطبخ اليوم نبي سمكـ
نوره : انا تعبانه اليوم ومو مشتهيه اسوي الغدا
سمر : لا والله بتسوينه غصبن عليكــ
الا بجية سالمــ من برا
سالم : وش فيكم صراخكم لبره
سمر : شوف هذي وش تقول انت بالاول
سالم : وش تقول ؟
سمر : تقول حضرتها تعبانه ومو مشتهيه تسوي غدا
سالم : ايه مو لازم تسوي بس يالله جهزي انتي وليلى وقومو نطلع برا نتغدا
سمر : والله
سالم : ايه والله
سمر : يالله انا اجل بروح افرح ليلى ونجهز
سالم : يالله انتضركم بالسياره
سمر : اوكيه
نوره اصعدت غرفتها وقصة فضه مأثره فيها لدرجه كبيره ودموعها تهل وقلبها متفطر على فضه واهلها
ودها لما تطلع سمر وليلى وسالم تتصل فيها وتتطمن عليها

~¤¦¦§¦¦¤~ في بيت بو فيصل في صالة الرجـــال~¤¦¦§¦¦¤~

وبعد مانتهى العزا وكلن مشى لبيته
راح محمد وعمر عشان يشوفون الاغراض اللي تركها بوفيصل وزوجته بعد وفاتهم الله يرحمهم
وشافو ورقه مكتوب عليهــــــــــــــــا
بسم الله الرحمن الرحيمــ
اكتب هذي الورقه واتمنى من كل قلبي توصل لخواني وعيالي
اكتب هالرساله وانا بأشد لحظه امر عليها بحياتي
اكتب هالرساله انا وزوجتي نصارع الامواج والرعد والبرد
اكتبها في وسط البحر وكأني اشووف المووت قدامـ عيني
ويمكن هذا اللي الله لنا كاتبه نموت في وسط البحر .. وكلنا مكتوب الموووت علينا
ابكتب كلمة سامحوووني سامحوني كلكمــ ياخواني وياعيالي
انا بكتب كل شي وكأني اكلمـكمــ وكأني جنبكم الحين وانتو تقرون الرساله
انا ربي الحين او بوكرا راح ياخذ امانتي واموووت
غلطت وأخطأت بحياتي اخطاء كثيرهــ
واتمنى انكم تسامحوووني
انا وراي ديون كثيره وكبيره وماتنعد والشركه والفلوس كلها دين بدين
ويمكن بأي لحظه الناس تيجي وتطالب بفلوسها
عشان الله يبري ذمتي في الشنطه مكتوب كل شي وكل ديوني
وبعترف بشي كبير واكبر من كل شي ويمكن الله كل يوم يعاقبني على فعلتي هاذي
انا وام فيصل عندنا بنت جبناها قبل مانتزوج ورميناها على باب مسجد وهي صغيره
كانت مثل القمر بنت كل الجمال فيها شامه على خدها اليمين كانت ام فيصل زوجتي تبيها
وتبي تسميها بس ابليس لعب علينا ورميناها وام فيصل تركت ورقه جنب البنت فيها اسمها (( نوره))
اعترف اني اخطأت في حياتي اخطاء كثيره بس اتمنى تسامحووني وتدعون لي
اخوكمـ : بو فيصل . وتوقيعه

قراها عمر ومحمد وصابتهم صدمه قويه
محمد شهق شهقه قويه : وش هالمكتوب بالورقه ؟
انت شايف اللي انا شايفه ..؟
عمر منصدم مثل محمد ومنذهل : لا ماني مصدق اللي انا اقراه
محمد : مستحيل يعني شنو ديون بديووون
ومعقوله يعني اللي صار معقوله عمي بو فيصل عنده بنت اسمها نوووره ؟
عمر ضل يطالع في الورقه مذهووووووووووول ومو صدق : محمد اسكت شوي انا مو مصدق مو قادر استوعب
محمد بسرعه فتح الشنطه وقرا الديون اللي على بو فيصل ونذهل من كثر الديون والي قراها
عمر : شلون الحين من راح نقوله وشلون بنحل المشكله
محمد : لالالالا لانقول لحد ابدا
عمر ومحمد قررو يخبون الموضوع هذا عن الكل ويحاولون يحلونه بأنفسهمـ
طبعا الحين الصدمه صارت اكبر واكبر والمسؤليه الحين صارت اصعب واصعب

بعدها مرت 3 اسابيع وحزنهمـ حاولو ينسونهـ وماقدرو ....
وفيصل وعمه تحسنت حالتهم وصارو احسن بكثير .....
لاكنهم مازلو بالمستشفى ....
عمر ومحمد خبو الموضوع اللي عرفو به الين وقت مناسب ...

(((( وفي اسابيع جديده مشرقه بالامل والفرح ومحاوله جديده لنسيان اليأس والحزن)))))

~¤¦¦§¦¦¤~ في المستشفى~¤¦¦§¦¦¤~

ريما : يبهـ
فيصل : نعم حبيبتي
ريما : متى تروح معانا البيت ؟
فيصل : ان شاء الله قريب
لولوه : خلااص ريما روحي ومع اخوكـ واشتري لنا اي شي من الكفتريا
ريما : ان شاء الله يمهـ
وطلعت ريما وسكرت الباب وراها
فيصل : ها شخباركـ الحين طمنيني عليكـ
لولوه : والله زفت من دونكـ البيت مايسوا شي
فيصل : هههه لهدرجهـ
لولوه : ايهـ والله كل زوايهـ من زوايا البيت مشتاقهـ لكـ
فيصل : حبيبتي والله ... مشكورهـ

~¤¦¦§¦¦¤~ في بيت عمـــــر~¤¦¦§¦¦¤~

وفــ الصبـــــاح
علياء : عمر وش فيكـ من توفى اخوكـ وانت حالتكـ معتفسه خلاص عاد تراكـ زودتها ماصارت
عمر : علياء انا تعبان ومالي خلق
علياء : هذاكـ انت كلا تعبان ومالكـ خلق حتى بنتكـ ماصرت تهتم فيها ولاا شي
عمر : مشغول
علياء بصراخ : وبالكـ بعد كلا مشغول
عمر وهو متملل ويصارخ : اوووف خلاص عاد بس لاتزهقيني
علياء : تشوف لكـ حل ولا مالي قعده معاكـ
عمر : اوهوووو
علياء : هذا انت كل ماكلمتكـ بموضوع تضجرت وطلعت
عمر : علياء لاتملليني اللي فيني مكفيني
علياء : يعني شلي فيكـ كل هذا لان اخوكـ توفى
عمر : السالفه اكبر من كذا شفيكـ انتي
علياء : يالله علمني غرد اطربني بالسالفهـ
عمر وهو متملل وطفشان : انا طالع رايح لشركه عن اذنكـ باي
وسكر الباب بقوه وطلع وهو متضايق ويحس ان وراه مسؤليه كبيره
والمشاكل الجايه اكبر واكبر وموش عارف وشلون راح يتصرف

~¤¦¦§¦¦¤~ في المدرسهـ وقت الفسحهـ ~¤¦¦§¦¦¤~

فضه نادت وضحى وراحو يتمشو
وضحى : اقول فضه
فضه : هلا قلبي
وضحى : اقول شي وماتزعلين
فضه : قولي
وضحى : شفتي صديقتكـ منيره
فضه : ايه وش فيها
وضحى : تراها منافقه وخداعه وتسرق بعد
فضه : لا وضحى لاتقولي عن منيره كذا
وضحى : والله وليه ماتصدقين اهي ماراح تبين لكـ هالشي
فضه : لالا مستحيل
وضحى : مره بعيوني شفتها سرقت من شنطتي فلووووسي بس انا سويت نفسي ماشفتها
فضه بأستغراب : مستحيل اهي ماتسرق اهي مو محتاجه
وضحى : انتي وش دراكـ اهي بس تبين لكـ هالشي
اهي تكره الخير لكل الناس
حتى لاحضي عليها تكره تشوفكـ تتمشي معاي وتتضايق
فضه بذهول واستغراب : لا مالاحضت
وضحى : مو كل مره نتمشى فيها تاخذكـ على جنب وتتضايق مني واذا قلتي لها اتمشي معنا ماترضى
وش معناة كل هذا غير انها ماتحب تشوفكـ مع احد
الا بجية منيره
فضه يالغلاا ممكن شوي
فضه : ايه ممكن عن اذنكـ وضحى
راحت فضه مع منيره
وضحى راحت تركض تتفق مع روبى صديقتها
وضحى : روبى روبى
روبى : وش فيكـ تركضي كذا اخذي نفس
وضحى : بسرعه الحين انا بروح
روبى : قولي وش فيكـ
وضحى : ابيكـ بسرعه تروحي الفصل وتسرقي اي شي من شنطة فضه عشان نتهم صديقتها منيره
روبى : هههههههه ياخطيره انتي
وضحى : اعتمد
روبى : طبعا
وضحى : يالله انا بروح الحين لاني ماسويت شي ولا تحركت من مكاني
على فكره تراني قلت لفضه اني انا وانتي زعلاانين من بعض وانقطعت علاقتنها بعض
روبى : ايه اوكيه
وضحى : يالله باي
ورجعت بسرعه وضحى لمكانها لانها ماتحركت
فضه وهي زهقانه من منيره : ايه وبعد كملي
منيره : انا ابي مصلحتكـ وانتي كيفكـ
فضه : ايه انا مو صغيره انا اعرف مصلحتي وين
منيره : اتمنى هالشي
فضه : ليه انتي تنقهرين اذا شفتيني مع غيركـ ليه انتي ماتجبين لي الخير والصدااقه
منيره : انا مانقهر ولا شي انا خايفه عليكـ
فضه : شوفي شلون خليتني اتركـ البنت لحالها يالله عن اذنكـ انا تأخرت عليها
منيره : انا مابعد اخلص كلامي
فضه : عارفه وش راح تقولي وانا مابي اسمع اوكيه
وراحت فضه لوضحى
فضه : سوري حبيبتي ع التأخير
وضحى : لا يالغلاا عادي
فضه : ياألله صفرت يالله قومي ندخل الفصل
وضحى : ايه يالله جات الاستاذه
ودخلو الفصل وكل واحد جلس في مكانه
شرحت المدرسه الدرس وخلصته بسرعه لانها بس شرحت لهم الموجز
بعدها طلعت ... وطلعو البنات
جات وضحى لفضه ...
وضحى : بتمشي البيت الحين ؟
فضه : لا مو الحين مابعد يجي السواق بس اجهز اغ**** وادخل كتبي
وضحى : انا جهزتهم قبل لاتخلص الاستاذه
فضه : ههههههه افتكيتي
وضحى : ايه والله
فضه وكأنها اتدور على شي
وضحى : وش فيكـ محتاسه خلاص دخلتي كتبكـ
فضه : مو شايفه ساعتي حطتها انا بالدرج الحين ماشوفها
وضحى : طيب دوري بالشنطه مره ثانيه
طبعا وضحى اعرفت روبى وش شالت وطلعت فيه لبره
فضه : دورت ومالقيت وشلت كتبي مره ثانيه وماشفتها
مرت عايشه وقالت لفضه
عايشه : انا مساع وانا قاعده اكتب دخلت منيره وقالت ياربي على فضه وين حطت كتابي
وقعدت على كرسيكـ ومدري وش خذت ......... بس طلعت ومافي يدها كتاب
وضحى بشهقه : السارقه الخاينه قليلة الادب
فضه وانصدمت اكثر من منيره : هذي الساعه اغلا شي عندي بالدنيا
هذي الساعه من عند ابوي الله يرحمه ليه منيره تسوي كذا
حرام عليهـــــــــا
الا بدخلة منيره للفصل بتشيل اغراضها بتمشي بيتهم وعلى طول اطلعت عايشه من الفصل
طبعا عايشه مو من هذا الفصل بس جايه تكتب من صديقتها
وطبعا عايشه تكذب
منيره اصلن مادخلت وماخذت شي بس روبى اتفقت معها عشان تقول كذا
وضحى : تعالي ياقليلة الادب
منيره : احترمي نفسكـ وشوفي من تكلمين
فضه ورمت كل اللي بيدها : انتي قليلة ادب مالكـ اخلاق ولا احترام
منيره وهي منصدمه من تغير فضه عليها : ليه تقولي عني كذا انتي تعرفين اخلاقي زين
فضه : غلطانه انا اتعرف على وحده مثلكـ سارقه وقليلة ادب
منيره : فضه حدكـ عاد احترمي نفسكـ
فضه : شلون احترم نفسي وانتي مو محترمه نفسكـ اصلن
وضحى : والله قلة حيا
منيره : انتي اسكتي ياراعيه المشاكل
وضحى : انا الحين راعية مشاكل انتي اجل شنو سارقه وخاينه
منيره وزاد صراخه : احترمي نفسكـ لاتشوفي الحين شي عمركـ ماشفتيه
فضه : منيره بدون هواش وصراخ طلعي الساعه اللي سرقتيها والحين
وبعدها لاتعرفيني ولا اعرفكـ انتي بطريق وانا بطريق
منيره وهي منصدمه : اي ساعه اي خرابيط
وضحى : الساعه اللي سرقتيها
ايه شفتيها غاليه بسعرها وغاليه على قلب فضه حبيتي تقهريها
منيره : ليكون انا منزغره من الساعه اللي تلبسها فضه
فضه : ايه منزغره انتي من شفتيها وعيونكـ عليها ودايم تقولي لي حلوه وايد
منيره : ايه حلوه بس مستحيل اني اسرقها الحمد الله ابوي مغرقني مثل ماأبوكـ كان مغرقكـ
وضحى وتزيد بالنار اللي بينهم : احترمي نفسكـ ليه انتي تبي تقهريها يعني تبين تذكرينها بأبوها الله يرحمه
منيره : انتي اسكتي ومالكـ تدخل
فضه وهي تصيح : انتي اللي اسكتي وطلعي بره مابي اشوووف وجهكـ اطلعي بره
والساعه ياعساكـ ماتتهني فيها ياقليلة الادب
منيره خذت اغراضها وطلعت من الفصل وهي ودها تذبح وضحى
جلست فضه تصيح منقهره من تصرف منيره وتقول لوضحى : كيف انا هذي صادقتها وكيف تعرفت عليها
الله يلعنها من ساعه
وضحى وهي فرحانه باللي حققته : ايه والله لعينه وربي
يالله الحين انتي بس لاتضايقين ولا شي
كلها ساعه ماتسوا شي بوكرا انا اجيب لكـ قيمتها ولا تزعلين
فضه : انا مو علاا قيمتها انا منقهره لانها من عند ابوي الله يرحمه
وضحى : الله ياخذ حقكـ منها انتي الحين هدي ويالله قومي للبيت وريحي هناكـ وانسي السالفه
فضه : هذا اللي راح يصير تعبت نفسيتي من هالمكان
وضحى : الله وياكـ والله يعينكـ
فضه : يالله مع السلامه
وضحى : مع السلامه

وضحى مبسوطه باللي حققته واللي صار وتقول بخاطرها واخيرا صار الي ابيه

وبكذا انتهت الحلقه السادسهـ

واتمنى انها عجبتكمـ