[فيتامين سي]

السلام عليكم
اسفة ع التأخير

قراءة ممتعة...


Part 26




ابلغ عزيزاً في ثنايا القلب منزله...
اني وان كنت لا القاه القاه...
وان طرفي موصل برؤيته...
وان تباعد عن سكناي سكناه...
ياليته يعلم اني لست اذكره...
وكيف اذكره اذ لست انساه...
يامن توهم اني لست اذكره...
والله يعلم اني لست انساه...
ان غاب عني فالروح مسكنه...
من يسكن الروح كيف القلب ينساه...




عند البنات...
گعدو من الصبح وبالگوة جرو روحهم من الفراش بسبب سهرهم...تريگو وبدلو
جوري لبست جينز اسود وتيشيرت برتقالي عليه خربشات بالاسود وشوز سبورت برتقالي ولمت شعرها ذيل حصان ولبست ساعه وسوار وسلسله ناعمة وحطت كحل وملمع شفايف وبس..واخذت سويجها وفونها وجنطتها
رنيم لبست نفس جوري بس الالوان معكوسة...جينز برتقالي وتيشيرت اسود عليه خربشات بالبرتقالي وشوز اسود وكذلك لبست ساعة وسوار وسلسلة ناعمة واخذت فونها وجنطتها
رشا لبست جينز اسود وتيشيرت بدون اكمام وفوگاه تشيرت بكم واحد يوصل لنص بطنها لونة وردي ولبست كعب ابيض وسوار وساعه وسلسلة واخذت فونها وجنطتها
طلعو البنات وركبو سيارة جوري الكومارو وانطلقو للمجمع...

بالسيارة...
جوري:اول شي نروح ع البدلات مو؟؟
رنيم:اي احسن
رشا:عادي لو مالگينة اليوم...عدنا بعد وقت منا لشهر
جوري:اي صح..
رشا:بنات
رنيم وجوري:هلا
رشا:گلبي نغزني
البنات بخوف:شبيج..شصاير؟؟
رشا:مادري احس حيصير شي مامرتاحه
رنيم:اسم الله ان شاء الله ماكو شي
جوري:لا توسوسين حبيبتي والتهي بالسوگ ولا تهتمين
رشا تنهدت:طيب
جوري:يلا وصلنا
رشا:ننزل لو نجي وياج؟
جوري:لا نزلو وانتظروني هنا...اذب السيارة بالباركنغ بسرعه واجي
رشا:طيب
نزلو رنيم ورشا ووگفو ع جنب ينتظرون جوري
تعدو ولد وبنية...
رشا لمحت خيال الولد وصفنت...
تعدا وراح
رشا بگلبها:معقولة هو؟!!!....لالا هو گال حيسافر ومايرجع...(هزت راسها)..لالا موهو اكيد واحد يشبهلة
رنيم باستغراب:شبيج تهزين راسج؟؟
رشا بارتباك:ها...لالا ولاشي هيج خبال
رنيم ضحكت:هههههه ثول انا گلت جنت البت
رشا:هههههههه
دقايق واجت جوري:يلا امشو
دخلو البنات للمجمع
______________________________
عند مرام وحسام...
حسام:هسة وين تردين ترحين؟
مرام:تعال ندخل بهذا المجمع
حسام:يلا

دخلو للمجمع...
مرام:اگول حسام
حسام:هلا
مرام:اكو فد مرة حبيت؟؟
حسام ضحك:ههههههههه
مرام:ههه شبيك تضحك
حسام:شجاج ع هذا السؤال؟
مرام:هيج خطر ببالي...جاوب
حسام:اي حبيت
مرام بحماس:صدگ...شنو اسمها؟؟ شگد عمرها؟؟..حلوه لو لا؟؟...ووينها هسة؟؟
حسام:هههههههه ع كيفج اخذتيني بمشراع ومجداف
مرام:يلا گول گول
حسام بهدوء:انفصلنه احنه من 4 سنين
مرام:يااا...ليش؟؟
حسام:بوقتها جنت طايش...ومااهتملها هواي..ماكنها حبيبتي واغلب اهتمامي بسفراتي وبالشغل
مرام:ميخالف...هي لو تحبك جان تحملتك
حسام:تحملتني هواي هواي...ووصلت حدها...وبيوم من الايام انفجرت بوجهي
مرام:شسويت؟؟
حسام بهمس:اغبة شي سويته
مرام:شنو؟
حسام:بوقتها سكتت...خليتها تحجي تحجي...تالي گتلها اوك الله وياج...انسي حسام بعد
مرام انصدمت:من كل عقلك تحجي؟؟؟...وهي شسوت
حسام:هي مهما كانت تحبني...عدها كبريائها...تمسكت بيه هواي رغم اذيتي الها لانها تحبني...بس بهاي اللحظة...ماسمحت لنفسها تتنازل نفس كل مرة وانسحبت بهدوء...ووراها بشهر گتلها حسافر انا ومارجع بعد...ماسوت شي
مرام متأثره:خطية...طيب وهسة؟؟
حسام:شنو هسة؟؟
مرام:بعدك تحبها لو نسيتها؟
حسام بلمحة حزن:لا مانسيتها...وبعدني احبها...ومن ابتعدت عني عرفت نفسي اني ميت عليها...بس جنت ضامن قربها ف مااهتميت الها هواي...بس من راحت حسيت بفقدان موطبيعي....صدگ ماتحس بقيمة الشخص ألا لمن يبتعد
مرام:زين هسة تعرف اخبارها؟؟؟
حسام:لا
مرام:شعجب...انت لو ردت جان طلعت اخبارها اول باول
حسام:ع شنو اطلع اخبارها دامها نستني...بس عمود احرگ گلبي
مرام:شلون عرفت نستك؟؟...يجوز بعدها تحبك بس تبين العكس
حسام التفت عليها وبعيونة حزن:بعد سنة من انفصالنة تزوجت
مرام شهقت:يااااا...عود صدگ
حسام:حقها...ع الي شافته مني...اكيد تدور الاستقرار وي واحد يقدرها اكثر
مرام:شگد عمرها؟؟
حسام:اعتقد هسة صار عمرها 22
مرام:حلوة؟؟
حسام ابتسم:تجننن...رغم اكو احله منها بهواي...بس عيني ماشافت اجمل منها
مرام:ياعيني هههه..هي قوية شخصية مبينه
حسام:لا ابد...كتومة ماتحب تشتكي حنونه...غيورة ههههه دايما تسكت عن حقها ماتعرف تدافع عن نفسها
مرام:لعد شگد جنت نذل انت
حسام:ههههههه اشوفج صفيتي وياها
مرام:اي طبعاً...انا بنيه واحس بيها...انتو الولد ماعدكم احساس
حسام:هههههه وج مو ماعدنه احساس...بس احنه اذا نبين احساسنة واهتمامنه نحس تنقص من رجولتنه
مرام:هذا معتقدكم السخيف...رجوله رجوله....الرجوله باحترام المرأة يابو المرجله
حسام:هههههه انتي ع شنو مقهورة
مرام بنرفزة:ابد سلامتك...ماگتلي شسمها

حسام جان يضحك...فجئة وگف عن الضحك وتصنم بمكانه
مرام بأستغراب:شبيك؟؟
حسام بهمس مصدوم:رشــــــــا!!!!!
_________________________________
عند البنات....
جانو يتمشون بالمجمع...
جوري:رنيم تتخابرين انتي وبهاء؟؟
رنيم:اي بس مو هواي
جوري:ليش؟
رشا تقلد عليها:حتة مايمل مني
جوري:هههههههههه
رنيم ضربتها ع كتفها:وجعه
رشا:هههههههه...والله الولد يريد يحجي وياها وهي ماتقبل..(غمت روحها)..مالت علي
جوري غاصة ضحك:هههههههههههههاي اااه يمة بطني
رشا:هههههههه

فجئة وگفت بمكانها
رنيم باستغراب:شبيج؟؟
رشا:ماسمعتو؟؟
جوري باستغراب:شنسمع
رشا عقدت حواجبها:واحد صاحلي
جوري:انا ماسمعت
رنيم:ولا انا

رشا التفتت ع جنب...وطاحت عينها بعينة
فتحت عيونها بصدمة ونفس ردة الفعل
بهمس مصدوم:حســــــــــام!!!!!!!
______________________________
عد فادي....
گاعد بالشركة ومتملل...لازم القلم ويضرب بي ع المكتب
ترك القلم واخذ فونة...حط طرف رجلة ع الرجل الثانية وفر الكرسي...صار ظهرة ع الباب
فتح الفون ودخل ع الاستوديو وطلع نفس الصورة الي بيها رنيم
فادي:يمته انساج ماتگليلي؟؟....ماخليت شي ماسويته حته انساج وماگدرت...بعد شهر رح تصيرين لغيري...وترحين مني للابد.. احلامي الي تخيلتها وياج كلها راحت...(تنهد)...الله يصبرني ويطلعج من گلبي

فجئة انفتح باب المكتب او بمعنى اصح انرفس
فادي نگز ووگف ع حيلة...التفتت بكل عصبية وشاف فارس ومهند واگفين وكل واحد رافع رجله كأنما جاي يضربون واحد
فادي بصراخ:نعلة علة يومكم ياسفلة...شگالولكم الباب كيس ملاكمة لو شنو...خلعتوه من مكانه
دخلو فارس ومهند وهمة يضحكون
فارس:ههههههههه حبينة نجرب انا ومهند هاي الحركة
فادي:علة بابي؟؟؟....طيح الله حظكم
مهند:ههههه شدعوة عليك هو كلة خلگ باب
فادي بنرفزة:انطم احسلك...شكو جايين ها
فارس:خلصنة شغل ومتمللين گلنة نجي ناخذك وتغدينة ع حسابك
فادي:لا والله واثقين...خالعين بابي وفوگاها يردون اغديهم....سمعو بابا غداي وعشاي اليوم عليكم
مهند وفارس فرو روحهم:مع السلامة
فادي:وين وين...لا مع السلامة ولا مادري شنو...گدامي ع المطعم
مهند:والله لو ماضايجين وجوعانين جان وريناك امشي امشي

طلعو من المكتب ومن الشركة بكبرها
فادي:نروح بسيارة وحدة؟؟
مهند:احنة كل واحد اجة بسيارتة
فادي:عادي خلوهم بالباركنغ مال الشركة
فارس:انتو خلو سياراتكم بالباركنغ وتعالو بسيارتي احسن
فادي:انا سيارتي مامطلعها...مهند روح صف سيارتك يم سيارتي وتعال
مهند:طيب

راح مهند يودي السيارة للباركنغ ووركبو فارس وفادي بالجارجر...دقايق واجة مهند...ركب ورا وراحو للمطعم

_______________________________
بالمجمع....
عد حسام....
واگف مصدوم من الي يشوفة...
اجت ببالة كلمات اغنية رامي صبري

بعدت وقولت مش فارق نكمل ولا نتفارق
هتمشي الدنيا من غيرك وعادي هعيش
واديني بموت من اللهفة ياريتني ماقولتلك ننسى
وبحلم لو تكون فاكر ومنستنيش
عذابي عذااااب لا انا بشوفك ولا احنا صحاب
ولا عمري عملت حساب للي انا فيه
ااه
حاولت انساك ومش قادر كمان انساك
ولو ايامنا مش واحشاك هقولك ايه ؟؟؟
..........
.........
.....
واحشني ونفسي نتقابل ومن جوايا مش قابل
احس بحد غيرك انت واقرب ليه
حبيبي ارجعلي من تاني في بعدك حاجة نقصاني
ياريتك لومتني ساعتها طاوعتني ليه ؟؟؟
.........
........
....
عذاابي عذاااب لا انا بشوفك ولا احنا صحاب
ولاعمري عملت حساب للي انا فيه
اااه

تقدم ناحيتها وهو مصدوم
حسام:انتي رشا؟؟
رشا بنفس الصدمة:انت شجابك هنا؟؟؟....مو ع اساس مسافر
حسام:يعني انتي رشا
جوري باستغراب:انتو تعرفون بعض؟؟
رنيم:شنو السالفة
تقدمت مرام:امشو غير مكان ونخليهم شوي لوحدهم
جوري:اي غير نفهم اول شنو السالفة
مرام:انا هم مافاهمة شي امشو نخليهم لوحدهم وبعدين نعرف كلشي
رنيم وجوري:طيب

مشو وي مرام لغير مكان
جوري:لحظة...انتي منو؟؟؟
مرام فهت:ها.؟؟! شمدريني انتي منو؟
جوري:انا جوري قريبة البنت الي وي هذا الي مادري شسمة
مرام:انا مرام قريبة الولد الي وي هاي الي مادري شسمها
رنيم صفنت:انتو غبيات؟؟؟...لو تتغابن...من ثول الثولكم
جوري:ههههههه المهم تشرفنا مرام ...شنو سالفته هذا الولد
مرام:هذا اخوي اسمه حسام...وعلمي علمكم شنو السالفه بس اعتقد انها حبيبة حسام
رنيم:مستحيل...رشا ولا مرة حبت ولا مرة گالت انا حبيت سابقاً
مرام:شوفو من كلام اخوي عن حبيبته...يكول انها كتومة وماتحب تشتكي لاحد ف اظن انها ما گلتلكم
جوري:طيب خننتظر لحد ماتجي ونفهم شسالفه
مرام:واحنه شنسوي
جوري:احنه جاي نتسوگ تعاي ويانه ع مايجي اخوج
مرام:طيب
مشو شوي ورأسن وگفو
جوري:لحظة
رنيم ومرام:شنو
جوري:گلتي اسمج مرام
مرام باستغراب:اي
جوري:بله اشوف..(صفنت بوجهه)..مو انتي الي جنتي وي فادي قبل فتره؟؟
مرام ركزت بوجهه:مو انتي الي جنتي وي البنيه الي گالت انها حبيبة فادي
رنيم بملل:ياديييين الغباء والثولان الي عليكم....يعني وحدة تسئل ترد عليها الثانيه بنفس السؤال
مرام بلهفة:انتو تعرفون فادي؟؟...شلونه؟؟..اخباره
جوري ابتسمت:اي نعرفة صديق الطفوله...وهو تمام الحمدلله
مرام بحزن:بعدة عنده علاقات؟؟
رنيم:انتي تحبيه؟؟
مرام بحزن:اموت عليه...بس هو لعب علي وكسر گلبي...بس مع ذلك ماحقدت عليه لأن مااذاني بشغله بالعكس عيشني احله لحظات حياتي
جوري:ياعمري...شوفي هسه هو يگول انو بطل سوالفه...هو صراحة يحب رنيم
مرام باستغراب:منو رنيم؟؟...والبنيه الي جانت وياكم ذيج الفترة شسالفتها
جوري اشرت ع رنيم:هاي رنيم..وذيج البنيه صاحبتنا اصلا ماتعرف فادي...بس احنه سوينه تمثيليه ردنا نفشله وياج...عبالنه ان انتي نفس البنات الموزينات الي يطلع وياهن
مرام التفتت لرنيم:انتي هم تحبينه؟؟...بينكم علاقه؟؟
رنيم:لا انا اعتبره اخوي...احنه متربين سوا...انا حاليا مخطوبه لواحد وبعد شهر العقد
مرام:اهااا الله يوفقج...يعني فادي يحبج من طرف واحد
رنيم:اي
جوري:زين اذا اجاج وگالج خنرجع العلاقه تقبلين؟؟
مرام:مادري من ناحيه ودي لأن احبه...ومن ناحيه ماگدر لان كرامتي ماتسمح وهم اعرفه مايحبني
جوري بخبث:شنو رأيج نخليه هو يجيج ويطلب منج ترجعين العلاقه وفوگاها يحبج
مرام:شلون
رنيم:انتي خلي ايدج بيدنا وتربحين
مرام بحماس:اوك
جوري:طيب يلا هسة امشو
رنيم:اه ع فكرة...انتي معزومة ع خطوبتي
مرام:اووك
______________________
عند حسام ورشا...
واحد واگف گبال الثاني ومصدومين
رشا:انت مو گلت حسافر وماارجع؟
حسام:تعاي نگعد بكوفي ونتفاهم
رشا:امشي

راحو لكوفي وگعدو وطلبو عصير
حسام:شلونج؟
رشا:زينة..وانت؟
حسام:بخير..(بتردد)..اممم شخبارج وي زوجج
رشا بهدوء:زينة
حسام:ماجبتي اطفال؟
رشا بهدوء:لا

سكتو دقايق
تالي...
حسام بهمس ونضره مركز ع رشا:انا اسف
رشا بنفس الهمس:ع شنو؟؟
حسام:ع تصرفاتي وياج
رشا:اها..مصار شي....وانت ماتزوجت؟؟
حسام:لا
رشا:لعد منو هاي الي جانت وياك؟
حسام:اختي مرام
رشا:اها
انتبه لأيدها:شعجب مالابسة حلقة؟
رشا نزلت نظرها لأيدها تالي التفتت للجهة الثانيه وتنهدت
حسام باستغراب:شبيج
رشا:مابية شي
حسام بصوت حنين:مشتاقلج
رشا حصرتها العبرة وسكتت وملتفته للجهة الثانية
حسام تنهد واتكا ع الكرسي:ادري مايصير اگول هذا الكلام وانتي متزوجة بس اذا مااأكول انفجر
رشا:شنو؟
حسام بندم:رشا انا احبج والله احبج واعشقج بس انا جنت طايش ومهمل ومامقدرج...جنت ضامن حبج الي وانج ماتگدرين تفارقيني لهذا اهملتج...ولمن ابتعدتي عني حسيت بقيمتج وتندمت وضگت الموت والله...اكتشفت انو انا بلاج ولا شي...حاولت انساج سويت كلشي...سافرت اشتغلت بس ماگدرت انساج...حته من گد تفكيري بيج اهملت اختي الي ماالها احد غيري...ولعب عليها واحد وكسر گلبها...والله متمدر ونفسيتي تعبانة
رشا تكتفت وبخنگة:والمطلوب مني؟؟
حسام:مامطلوب شي...انا بس حبيت اكلج ع الي بداخلي لأن حيل تعبت وادري انج عايشه حياتج وي زوجج ومدام انتي مرتاحة وياه انا مرتاح الله يوفقكم
رشا نزلت دمعة منها وبرجفة:منو گلك مرتاحة وعايشة حياتي
حسام انصدم من دمعتها:ليش؟؟؟..(بعصبية)..مأذ� �ج؟؟...ضاربج؟؟
رشا بهمس:لا
حسام:لعد؟
رشا سكتت ماتگدر تحجي العبرة واگفه ببلعومها
حسام بحنية:حبيبتي احجي...فضفضي وارتاحي...ادري بيج كتومة واكيد كاتمة بگلبج هواي...گليلي شبيج؟
مرام نزلت دموعها الشخص الوحيد الي تضعف گدامه...تحجي صوتها يرجف:لمن تركتني ابوي تغير علي وصار اهتمامة بس بالفلوس وقاسي وياي كلش وانا جنت متدمرة بسبب فراقك وتعبت نفسيتي كلش وبعد فترة اجاني يريد يزوجني وخيرني بين شخصين ....انا رفضت..(اخذت نفس وتشاهق)...بس غصبني وجان واحد منهم سكير وصاحب مخدرات وكل حياته حرام بحرام وواحد ثاني خوش ولد اعرفه جان وياي بالكلية...ف اختاريته هو وتزوجتة...ماجنت مستعدة ابدن للزواج وماگدر اخدعة بحبي اله وانا گلبي وي شخص ثاني ..بس بيوم الزواج صارحني وگلي انه مغصوب ع هذا الزواج وانه يحب وحدة بس ماصار النصيب بينهم بسبب هذا الزواج...وقررنا انه نبقة اصدقاء مثل ايام الجامعة ومحد اله دخل بالثاني انا ارتاحيت لهذا القرار...مرت سنة وسنتين وعادي الاوضاع...بالسنة الثالثة كلش تدمرت نفسيتي ومن عيشتي الي عايشتها صحيح معززه مكرمة بس.....

ضلت تشاهق وماتگدر تكمل...
حسام انفطر كلبه فطر عليها...تركها شوي تبجي
كملت رشا:بس الى متى هذا حالي؟،..اشوف البنات بين امهم وابوهم مرتاحين ويتزوجون ويعيشون براحة وي ازواجهم..وانا ماعرف شنو مصيري...حاولت احب فارس وانساك...صحيح انعجبت بشخصيته وشكله...لكن من شفته متعلق بحبيبته وماراضي ينطي لنفسه مجال ينساها....ماتماديت باعجابي ومحيته من گلبي...وصاير عندي برود موطبيعي تجاها ابدن...لا احس بغيره عليه ولا اهتمله ولا اي شي بس اتعارك وياه ووجودة بحياتي ع الهامش...وكل هذا بسببك،...خليتني احبك وادمن حبك وتركتني...خليتني اشوف الموت ومع ذلك مانسيتك...حته فارس ماخليته يلمسني بحجة انه مايحبني بس لتشبيع رغباته...بس بالحقيقه انا مااخليته لان احس نفسي خاينه...هو صح مايحاول ياخذ حقه بس مرة اجه معصب...(اخذت نفس واطلقت اه من گلبها)....تعبت انا كلش تعبت
حسام بهدوء وحزن:ليش ماطلبتي الطلاق؟؟
رشا مسحت دموعها:وين اروح اذا تطلگت؟؟...لابوي؟؟..حته يشمرني ع واحد ماينعرف شنو اصله من فصله
حسام بحذر:انتي بعدج تحبيني؟؟
رشا حطت عينها بعينه:شتشوف انت؟؟
حسام ابتسم :اشوف حبج الي بعيونج
رشا ضحكت:ههههه ضحكتني...شهالثقة؟
حسام بثقة:عيونج تگول
ضحكت رشا:ههههه
حسام ابتسم ع ضحكتها
بجد:زين سمعيني
رشا:شنو؟
حسام:بما انج تحبيني وانا احبج طلبي الطلاق من زوجج...وتالي انا اتزوجج
رشا بتردد:ها؟!!... مادري اشوف
حسام يشجعها:لا تشوفين...بما انج علاقتج وياه مامنها فايده تطلگي منه وخنرجع انا وياج سوا
رشا بتفكير:طيب...بس مو هسة
حسام بسرعه:ليش؟؟
رشا:بعد شهر خطوبة. رنيم اخته...واريد اجهز وياها كلشي...واذا تطلكت هسه حتتغير الاوضاع شوي ف خليها بعد الخطوبه احسن
حسام:اهوووو شيصبرني انا
رشا:ههههه اصبر ماطايره وبعدين تگدر تخطبني مباشرتاً لان ماعلي عدة
حسام بخبث:ليش؟؟
رشا:شنو ليش؟
حسام:ليش ماعليج عدة؟؟...لان مالامسج
رشا استحت:ها
حسام:هههه يعني انا حكون اول واحد بحياتج....اويلييي هنيالي
رشا گبت نار من الخجل:ااا شسمة تأخرت ع البنات..(گامت)..يلا رايحة
حسام گام بسرعة ولزم ايدها:وين وين
رشا بهمس:اترك ايدي احنه بمكان عام
حسام حس بخجلها ف ترك ايدها:طيب انطيني رقمج
رشا بغباء:ليش؟
حسام طگها ضحكة:ههههههههه اتفرج عليه....ليش بعد...حته اراسلج
رشا:لا تضحك...شمدريني انا
حسام:الظاهر بعدي خلاج تنسين الرومانسيه
رشا بنذاله:اي والله نسيت الرومانسيه من اصلها ف تحمل البرود
حسام بثقة:مو مشكله...نعلمج الرومانسه من جد وجديد شورانا....عدنه وقت طويل
رشا:هههههه يلا خل اروح
حسام:رقمج
رشا:سجل 077.............
حسام:طيب سجلته
رشا:يلا باي
حسام:انتبهي لنفسج
رشا:اوك
حسام:وماريدج بعد تبجين لو تضوجين
رشا:اوك
حسام:وابتعدي عن فارس نهائي
رشا:هههه اوك...اوامر ثانية؟
حسام ابتسم:لا...احبج
رشا ابتسمت:ادري
حسام ضربها ع راسها:ثول گولي انا هم
رشا:ماگول
حسام:حسابج بعدين
رشا:هههههه
حسام:فديت الضحكة انا
رشا رأسن سكتت:باي
حسام:ههههه بايات...انتظري اتصال مني
رشا:اوك

راحت رشا والبسمة ع وجههه ونفسيتها عال العال
وحسام رجع گعد بالكوفي وكذلك نفس حالة رشا...البسمة ع وجهه والنفسيه عال العال
____________________________
عند البنات.....
يفترن بالمحلات وگاضياتها ونسة
دگ فون رنيم...
جوري:منو؟؟
رنيم:بهاء
جوري:ردي
رنيم:ماريد
جوري:ثول ردي شنو ماتردين....عيب ولج شيگول عليج هسة
رنيم:طيب..احم احم
ردت:الو
بهاء بصوت رومانسي:هلا والله بهالصوت
رنيم اشتعلت خدودها:هلا بيك
بهاء:شلونج حبيبي
رنيم:تمام...وانت؟
بهاء:بخير...وين انتي؟؟
رنيم:بالسوگ
بهاء:اهاا...منو وياج؟
رنيم:انا وجوري ورشا ومرام
بهاء:وحدكم؟؟
رنيم:اي عادي
بهاء ماعجبة:ممممم....هاي اخر مرة تطلعون لوحدكم
رنيم:بهاء شسالفه عادي...دايماً نطلع لوحدنة
بهاء:حبيبي مو شغلة ارد احكم عليج لو شي...بس اخاف عليج
رنيم ابتسمت:طيب...هاي اخر مرة

بهاللحظه اجت رشا...وانتبهو الها الثلاثة
رنيم نست بهاء ع الخط ونطت عليها هي وجوري ومرام
البنات:تعاااالي
رشا اخترعت:بسم الله الرحمن الرحيم...خرعتوووني مخابيل
بهاء سمع الاصوات واستغرب:الووو....رنييم؟؟
رنيم سمعت الصوت وتذكرت...حطت ايدها ع السماعه وحجت بهمس:يايايا نسيت بهاء عالخط ...هسة شيگول علي
مرام:انطيني انا اتصرف
رنيم:شتسوين؟؟
مرام:هسة تشوفين انطيني
رنيم انطتها الفون
مرام:الو
بهاء مستغرب:منو انتي؟...رنيم وين؟
مرام بفصحة مضحكة:عذراً صاحبة الرقم خارج منطقة التغطية..اتصل في وقتً لاحق
سدتة بوجهه
البنات وگعو ضحك ماعدا رنيم الي صرخت:ياغبييييية ردتج تكحليها عميتيها
مرام:هههههههه ريلاكس بيبي شبيج...خلي روحج رياضية
رنيم خمشت النقال وضلت تكتب بي:رياضية بعينج يالثولة
كتبت رساله لبهاء(سوري هاي صديقتي الخبلة اخذت الفون وحجت...من ارجع للبيت احجي وياك..باي)
ثواني واجاها الرد(هههه طيب انتظرج مو تغلسين...احبج)
ابتسمت ع الرسالة وسدت الفون والتفتت ع البنات شافتهم مصفنات عليها
رنيم:خييير...شكو تباوعون
البنات:ها...لا سلامتج
مرام:اگول بنات
البنات:گولي
مرام:مو كأن نسينا اهم شغلة
البنات:شنو
مرام رفعت نظرها ع رشا
جوري ورنيم هم باوعولها
رشا بأستغراب:خير..شكو ليش تباوعولي؟؟
رنيم لزمت ايدها:تعاي تعاي
رشا خافت:شنو شصاير؟
جوري:كل خير كل خير حبيبتي
رشا:شبيكم..شتردون
مرام:تعاي گليلنة شنو بينج وبين حسام
رشا:ها؟!!...ماكو شي
رنيم:اگول احجي احجي
رشا ضحكت:هههههه
جوري:شكو تضحكين...منو هذا ومنين تعرفينة؟؟
رشا بابتسامة:ممممم،...هذا الله يسلمكم
البنات بترقب:اييييي
رشا تمط بالحجي:هذااااا
جوري:طلعي الدرة انبط گلبنا
رشا ضحكت:هههههه هذا حبيبي
البنات شهقن بأعلى صوت:هــــــــــئ
رشا فتحت عيونها ع الاخر وگامت تتلفت ع الناس الي ضلو يباوعون وبهمس:وجع وجع وجع فشلتونة
رنيم تحاول تستوعب:لحظه لحظه احنه كلشي مافاهمين...فهمينة حبه حبه
مرام:لالا احجيلنة من طق طق لسلام عليكم
جوري:تعالو خن نگعد بمكان وتسولفنة كلشي
البنات:يلا

گعدو البنات بكوفي وبلشو يستجوبون رشا...وحجتلهم كلشي وجان منظرهم مضحك...موقف محزن يبجون...موقف مضحك يضحكون...موقف رومانسي يمثلون وهكذا...
مرام بسرعة اندمجت وي البنات لأنهم مرحات واول مرة تگعد هيج گعدة حلوة
خلصت رشا سالفتها
رنيم برومانسية:ياعيني ياعيني
جوري بضحكة:طلعنة مو بس احنة العشقانين
مرام:ههههه والله ماجنت اتخيل حساموه اخوي يحب
رشا بدفاع:وشبيه مايحب...مو بشر...ماعندة گلب
رنيم صرخت:ياعيييييني بلشنا دفاااااع
جوري:هههههههههه شعليييه حسام
رشا استحت:انطمو انتو الواحد مايحجي شي يمكم
جوري:يوووومة فديييت الي تستحي
رشا:جوريوه انثبري غبية
رنيم:هههههههه عرفنا شلون نسكت رشيوا هلا هلا
مرام:انا حاسة ان رنيم بعد شوي حتطرب
جوري:هههههههههههههههاي
مرام ضحكت:هههههه والله كل شوي ياعيني ياعيني انوب هلا هلا بعد شوي عاشو عاشو ههههه
رشا:ههههههههه اشوفج انخرستي
رنيم:الرد على السفيه مذلة
البنات صفنن
جوري:اگول بنات
رشا ومرام:گولي
جوري:شنو رأيكم نگوم ندور ع براغي وجهنة مو احسن
مرام:اي والله بطريقنة خلي نشتري مكبرة
رشا:انا اريد اكبر حجم
رنيم حابسة الضحكة:تردون مساعدة ؟
جوري:لا حبيبتي انتي ارتاحي مانريد نتعبج
رنيم طگتها ضحكة:ههههههههههههه


گامو البنات من الكوفي وكملو شغلاتهم....
_________________________________
بعد مرور شهر....
البنات خلصو شغلهم وتجهيزهم للحفلة
مرام تقربت من البنات وصارت صديقتهم وصارت مقابلاتها وگعداتها وياهم يومية...وطبعاً همة بلشو خطتهم عمود يخلون فادي يحب مرام وشوي اكو تقدم وهو بلشت نظرات الاعجاب من قبل فادي ناحية مرام بس مرام ماتنطيه وجه.... طبعاً بالگوة عليها بس لازم تمشي ع الخطة
رشا رجعت علاقتها وي حسام وحسام غير معاملته جذرياً مو مثل اول بالعكس صار يهتم ويخاف عليها ويدللها ورشا متونسة ع هذا الاهتمام ومعيشها بعالم ثاني وطبعاً البنات ماتاركاتها بحالها لازم التعليق والتمثيل
زينة بين فترة وفترة تمر ع البنات وتگعد وياهم وتعرفت ع مرام وصارت صديقتها وعلاقتها وي مهند بتطور وحالياً هي معجبة بمهند وتشوف نظرات الاعجاب بعيونة بس ماتبين تتصرف عادي ومهند كذلك معجب بيها بشدة وحاس نفسة بدا يحبها بس مايريد يتسرع...يريد يتأكد من مشاعره ناحيتها تالي يصارحها لأن يخاف انه يطلع مجرد اعجاب...
فادي لا جديد بحياتة كلة شغل وگعدة وي فارس ومهند وجماعتهم وبلش ينعجب بمرام...من شافها دايماً وي البنات ومتغيرة جذرياً مو مرام الطفلة..بالعكس صارت مرام الانثى صارخة الجمال والاناقة والثگل وماتنطيه وجه وبدت تجذبه شخصيتها وثگلها بس مايوضح ويوهم نفسه انه فتره وتعدي لأن هو عينة زايغة
فارس كذلك لاجديد بس متونس من وجود جوري وياهم بنفس البيت ومايجوز من تصرفاته الرومانسية دايماً ينسة نفسة ويغازل جوري گدام الاهل ويحصل كم كلمة من ابوه ع قلة ادبه هههه بس يقابلها بالضحك ولا يهمة
بدر ورانيا وخالد وبتول لا جديد ابداً
بهاء نسيته هههه بهاء كذلك لاجديد بحياته بس طاير من الفرحة لأن الخطوبة قربت ومامصدگ انه رنيم رجعت اله ورح تصير ملكة يرتبط اسمها بأسمة
نسييت شخصين هههه
سلطان وهبة
هبة عايشة بالبيت عادي ودايماً على اتصال مع الشخص المجهول وتتلقى التهديد اذا مانفذت الي يريده منها
سلطان حالياً مالة حس من يوم انطبن ههه وطلگ جوري بحالة هدوء بس مثل مايگولون الهدوء الذي يسبق العاصفة ف الله يستر منة