[فيتامين سي]

اتصل عبدالعزيز ف ربعهم محمد وسيف ويوسف

وعزمهم على الغدا اوياهم ف العزبه

لما حسو انه المطر خف

راح عبدالعزيز للعمال وقالهم يجهزون لهم الغدا

صلو الظهر

انتظرو ربعهم لربع ساعه واوصلو

عبدالعزيز:مرحححححب مرحححححب

محمد يخاشمه:مرحبتين

سلم محمد ع حميد:وانته لاصق هنيه دومك اويا عزوز

حميد:هههههههههههههه هذا الحححب لاه

سلمو عليهم يوسف وسيف

عبدالعزيز يطالع محمد:وانت شدخلك بيني وبينه

محمد:هههههههههههه يابوي اتغشمر بلاكم كلتوني بقشوري

يوسف:خل عنكم هالكلام ..انا يوعااااااان ولو ما العزيمه جججان ما تعنيت لكم

عبدالعزيز عطاه بكس ع الخفيف:ححححححيوان

سيف يرفع اكمام كندورته:يلااا عاشششش عاشششش يواعى نحن

حميد يطالع عبدالعزيز وياشر عليهم:ههههههههههه عافاني الله بلاكم جيه يواعى

هز عبدالعزيز راسه ومشى:من يومهم يواعى

كلم العمال وقال لهم يغرفون لهم الغدا

قعدو تحت المظله الموجوده جدام العزبه

وقطرات المطر رجعت تنزل بغزاره

حميد ويوسف كانو قاعدين اوياهم بس شوي منعزلين وقاعدبن يتهامسون

وحميد فاتح فونه ليوسف عشان يشوف شي

طالعهم عبدالعزيز وسكت

قال فداخله هالقعده ماتبشر بخير

طلعه سيف من افكاره لما قال:عزوز ياخي نحن احينه بين هالجبال اكيد بينزلن وديااان بيضيعن علينا
الجو

عبدالعزيز ياشر ناحيه الجبل:لا تخاف..الوادي ينزل من هالجبل ناحيه اليمين..هنيه مايوصل..وبعدين م اظن بتنزل الودياان لانه ورا هالجبال سدود ف م اظن بتنزل اليوم ودياان


محمد يشرب عصير وعقبها رجع الكوب مكانه:والله حتى انا كنت خايف ينزلن الوديان ونروح فيهاا

ابتسم عبدالعزيز:طلعتو خوافين يعني هههههههههههههههه

سيف يطالعه بخبث:احين نحن الخوافين!!!عيل منووو هاييج الليله خاف من الالعب الناريه!

محمد:هههههههههههههههههههه� �هه سيفوه فنص الجبهه...شوف عزوز كيف تفشل

عبدالعزيز:تخخخخخسى انته وياه..كملووو غداكم لا ادفنكم هنيه

سيف يطالع يوسف وحميد:ايييييييه انتووو بلااكم قاعدين تتهامسون ..تغدو ترا بيبرد الاكككل

قال حميد شي ليوسف

ابتسم يوسف وغمز له

حميد:بسم الله

مافاتت عبدالعزيز هالغمزه

شسالفتهم!!!!!!

مايستبعد اي شي عن يوسف

صح انهم ربع

لكنه يتوقع منهم كل شي

تغدو وطول الغدا يمزحون اويا بعض

محمد وسيف ويوسف وحميد وعبدالعزيز

كانو ربع من ايام صغار

انولدو ففريج واحد درسو فمدرسه وحده

تقاسمو كل لحظاتهم اويا بعض

حتى بعد ماكبرو وتفرقو وكل واحد انتقلو اهله ففريج ثاني

بس بعدهم علاقتهم قويه


حميد من بعد المدرسه لليوم بطالي لا اشتغل ولا درس

عبدالعزيز درس فالجامعه وتخرج وتوظف ف ارقى الاماكن

محمد على طول بعد المدرسه التحق بالجيش

وسيف التحق بالشرطه

اما يوسف بعد المدرسه ظل سنتين بطالي وبعدين كون نفسه وبدا بشغله الخاص الي حقق نجاح كبير

بس ع رغم كل هذا

بعدهم على قلب واحد

مافي اي شي ممكن انه يفرقهم

في منهم الزين ومنهم الشين

بس مستحملين بعض وبلعكس كل واحد ينصح الثاني عشان يكون من احسن الناس فهالدنيا

با اختصار هالربع مثاااااال لصحبه الي اطلعك من الضيج للفرح

قام حميد بيغسل ايده

وصله مسج

غسل ايده ع السريع

عباله مهره الي داقه له

لكنه خاب امله لما شاف رساله عاديه من واحد من ربعه


تساند على المغسله وراح لمحادثتها

شاف مسجاتها الاخيره

تنهد من قلبه

اشتاق لهااا

بدون تردد رسل لهاا

(عاجز أخبي التنهيده الطويله اللي تجيني بعد ما أسمع صوتك, ماا أمزح لو أقول أنه ينهي كل وجع فيني..نووور عيني اشتقت اسمع صوووتججج)

طالع نفسه فالمرايه

عدل شعره وطلع لهم

قعدو يسولفون شوي

وبعدهاا استاذنو محمد وسيف ويوسف

لانهم كانو يايين فسياره وحده

بعد ما راحو

تنهد عبدالعزيز ومسك ايد حميد

رفع حاجبه وقال:لشوه تخططون انته ويوسسف!!

طالعه حميد وعقب طالع السياره

فركك ايده من البرد وقاله:انته عن شوه تتكلم!!


عبدالعزيز طالعه عين بعين:انت تعرف انا عن شوه اتكلم..حميد لا تلف وتدور

حميد طلع سويج السياره وفتحهاا

طالع عبدالعزيز وقاله:كنا نسولف عادي

ركب السياره وركب اوياه عبدالعزيز

حرك حميد السياره

عبدالعزيز:حممممميد انتبه من يوسف

حميد هز راسه:انت ليش دوم جبه شكاك!!ياخي كنا نسولف عاااااادي

عبدالعزيز ربت ع كتف حميد بشويش:حميد افهمككك من عينككك..ونظرتك ماتبشر على خير

طالعه حميد رافع حاجبه

عبدالعزيز:انتبه لططططريججج

تنهد حميد وطالع الدرب

ظل عبدالعزيز ساكت

اهوا عارف عدل انه حميد ويوسف يخططون لشي

مب مرتاح من نظراتهم

بس اهوا شدخله!!خ يولون

بس لاااااا حميد شرات اخوه ولازم مايتركه يفكر بالغلط ابد

.........................
........................
........................
........................
كانت اهيه وبنت عمها عهوود طالعات وقت العصر

ع البحر

بما انه جريب من بيوتهم

بس مايحبون ابد ايون هالبحر

لانه اهلهم مايسمحون لهم ابد يروحون له

لانه مب آمن شرات الكورنيش

وبعد لانه ما يفضى ابد

الشباب وقت العصر كلهم يجتمعون فهالمكان يلعبون كره

بس اليوم قدرن عهود ووملاك يتسللن لهالمكاان لانه كان فاضي مافي اي شخص يمشي على غير العاده

ملاك تلتفت كل شوي ع بيتهم وعقبها تطالع البحر

زفرت عهود بغضب:ملااااااك وبعدين يعني!!!بلاج خايفه جيه

ملاك تاخذ نفس:خايفه احد من اخواني يشوفني هنيه

رفعت عهود عيونها لسما دليل انها معصبه:لا تخااافين مافي اي مخلوق اليوم هنيه...وبعدين حتى لو احد شاافنا نحن مب قاعدين نسوي شي...قاعدين نتامل البحححر

ملاك تلتفت ع بيتهم:ان شاءالله

ظلو ساكتين فتره

طالعت ملاك عهود وقالت لها بتسئل:صححح عهود باجر بتداومين المدرسه

عهود:طبعااا لاااااا.تعرفيني كل احد م اداوم

ملاك:وعمي مايقولج شي لما ما تداومين!!

عهود تبتسم:لااااااااا فديته باباتي ...عاطني حريتي

ابتسمت ملاك غصب:ياريت ابوي مثل عمي.

التفتت لعهود:تصدقين انا احسه اذا ابتسم صااار فبيتنا انجججججاز

عهود بدون لا تراعي مشاعر ملاك:تبين الصج..يعني ابوج معقد ححيل حتى اخوانج ككل واحد متعقد اكثر عن الثاني.الله يعينكم انتي ومهور..كيف مستحملاات هذا الوضع

ملاك تطالع البحر:الحمدالله على كل حااال..بالرغم من كل صفاتهم الشينه لكني احبهم حححيل..حتى سعوود...نادرا ما يكلمني الا اني احبه حححيل

عهود:ووويع عاد سعيد اخوج منو يحبه

طالعتهاا ملاك بنص عين

عهود:يعني اهوا صج جميل وطول وعرض بس ما يسوي لي سالفه ابد.عشان جي انا اكرهه

ملاك تبتسم:حتى مهور تقول الله يعين الي بتاخذه

.......:انتن شو تسون هنيه!!

طالعن الصوت بخووف

عهود تتنهد براحه:زيوووود خضيت قلوبنا.

عدلت ملاك شيلتهاا ودخلت كل شعرهاا والتفتت للبحر

زايد:انتي ماعليج شرهه يالمينونه..كل الشرهه ع بنت عمي لما طاوعتج تين هنيه

عهود:زيووود جججججججب

زايد يطالع ملاك:ملااك قووومي ارجعي البيت..انتي تعرفين اخوانج لو شافوج هنيه شو بيصير

ملاك تطالع عهود:عهود انا برجع

عهود مسكتها من ايدها:مالت عليج تسمعين كلام زيود..وبعدين انتي بلاج خوافه جججي!!

زايد على صوته ع عهود:عهود خليها تروححح..

طالع ملاك وقال بعصبيه:وانتي حسابج بعدين

عصبت ملاك ليش يكلمها بهالاسلوب

سحبت ايدها من ايد عهود

وقامت راجعه بيتهم

سمعت عهود تقوله:وانت شدخلك فيهاا ويا هالويه!!

فتحت باب البيت وتفاجاءت لما سمعت صوت من وراها يقول:ملاككك ويهد من وين يايه

طالعت احمد واقف ومتخصر وباين من شكله انه معصب

ملاك بخوف:من عند عهود بنت عمي

احمد يمشي ويدفهاا للباب ويقول بعصبيه:هالعهود هاي يبالي اصفعهاا.كم مره قايل لج لا تطلعين من دوووون شورنا

ملاك توقف جدامه :بس انا استاذنت من امي ويدوه