[لامارا]

الفصل الحادى عشر

ﻗﻔﺰﺕ ﻣﻦ ﻣﻜﺎﻧﻬﺎ ﻭﻫﻲ ﺗﺼﺮﺥ : ﺃﻧﺎ ﻫﺎﻭﺭﻳﻪ ﻣﻘﺎﻣﻪ ! ...
ﻫﻮ ﻓﺎﻛﺮ ﻧﻔﺴﻪ ﻣﻴﻦ ﻋﺸﺎﻥ ﻳﻌﻤﻞ ﻛﺪﺍ !
ﺃﻣﺴﻜﺘﻬﺎ ﻣﺎﺭﻱ ﻣﻦ ﺫﺭﺍﻋﻬﺎ ﻟﺘﺠﻠﺴﻬﺎ ﻗﺎﺋﻠﺔ: ﺑﺮﺍﺣﻪ ﻳﺎ ﻣﻴﺮﻧﺎ
ﺍﻷﻣﻮﺭ ﻣﺎ ﺗﺘﺎﺧﺪﺵ ﻛﺪﺍ
ﻣﻴﺮﻧﺎ ﺑﻐﻀﺐ ﻫﺎﺩﺭ: ﺃﻭﻣﺎﻝ ﺗﺘﺎﺧﺪ ﺇﺯﺍﻱ ﻳﻌﻨﻲ ؟ ... ﺇﻧﺘﻲ
ﻣﺶ ﺳﺎﻣﻌﻪ ! ... ﺑﺘﻘﻮﻟﻚ ﺇﺗﺠﻮﺯ ﻋﻠﻴﻬﺎ !
ﺩﻳﻤﺎ ﻣﺤﺬﺭﺓ: ﻣﺎﺭﻱ ﻣﻌﺎﻫﺎ ﺣﻖ ... ﺍﻫﺪﻱ ﺷﻮﻳﺔ
ﻭﺟﻬﺖ ﻫﺪﻯ ﺣﺪﻳﺜﻬﺎ ﺇﻟﻰ ﺭﻧﺎ: ﺭﻧﺎ ﻣﻌﻠﺶ ﻣﻤﻜﻦ ﺗﺤﻜﻲ
ﺍﻟﻠﻲ ﺣﺼﻞ ﺑﺮﺍﺣﻪ ﻣﻦ ﺍﻷﻭﻝ ﺗﺎﻧﻲ ﻋﺸﺎﻥ ﻧﻔﻬﻢ
ﺭﻭﺕ ﺭﻧﺎ ﻣﺎ ﺣﺪﺙ ﻭﻫﻲ ﻣﻨﺨﺮﻃﺔ ﻓﻲ ﺑﻜﺎﺀﻫﺎ ﺍﻟﻤﺮﻳﺮ:
ﺍﻟﻮﻻﺩ ﺭﺟﻌﻮﺍ ﻣﻦ ﺍﻟﻤﺪﺭﺳﺔ ﻭﺩﺧﻠﻮﺍ ﻳﻨﺎﻣﻮﺍ ﺷﻮﻳﺔ ﻭﻛﻨﺖ
ﻗﺎﻋﺪﺓ ﻋﺎﺩﻱ ﺑﺎﻗﺮﺃ ﻓﻲ ﺍﻟﻤﺠﻠﺔ ﺷﻮﻳﺔ ﻟﺤﺪ ﻣﻌﺎﺩ ﺻﺤﻴﺎﻧﻬﻢ
ﻻﻗﻴﺖ ﺍﻟﺒﺎﺏ ﺍﺗﻔﺘﺢ ﻭﻋﻠﻲ ﺩﺧﻞ ﺍﺳﺘﻐﺮﺑﺖ ﻭﻗﻮﻣﺖ ﺍﺳﺄﻟﻪ
ﺭﺟﻌﺖ ﺑﺪﺭﻱ ﻟﻴﻪ ، ﻗﺒﻞ ﻣﺎ ﻳﻨﻄﻖ ﻻﻗﻴﺖ ﺍﻟﻠﻲ ﺩﺍﺧﻠﻪ ﻭﺭﺍﻩ
ﺑﺎﺳﺄﻟﻪ ﻣﻴﻦ ﺩﻱ؟ ... ﺭﺍﺣﺖ ﻫﻲ ﺣﺎﻃﻪ ﺇﻳﺪﻫﺎ ﻋﻠﻰ ﻛﺘﻔﻪ
ﻭﻗﺎﻟﺘﻠﻲ ﺃﻧﺎ ﻣﺮﺍﺗﻪ ﺍﻟﺠﺪﻳﺪﺓ ﻭﺟﺎﻳﺔ ﺃﻋﻴﺶ ﻫﻨﺎ ﻓﻲ ﺑﻴﺖ
ﺟﻮﺯﻱ ﻋﻠﻲ ... ﻭﻗﺘﻬﺎ ﻻﺣﻈﺖ ﻷﻭﻝ ﻣﺮﺓ ﺍﻟﺸﻨﻂ ﺍﻟﻠﻲ ﻛﺎﻥ
ﺷﺎﻳﻠﻬﺎ ﻭﻛﻞ ﺩﺍ ﻭﻫﻮ ﺳﺎﻛﺖ !
ﻣﺮﻳﻢ ﺑﺸﻔﻘﺔ: ﻃﺐ ﻣﺎ ﺳﺄﻟﺘﻬﻮﺵ ﺻﺢ ﻭﻻ ﻷ ؟
ﻣﻴﺮﻧﺎ ﺑﻌﺼﺒﻴﺔ: ﻳﻌﻨﻲ ﺍﻟﺒﺖ ﻫﺘﻘﻮﻝ ﻗﺪﺍﻣﻪ ﺍﻟﻜﻼﻡ ﺩﺍ ﺑﺒﺠﺎﺣﻪ
ﻛﺪﺍ ﻏﻴﺮ ﻟﻮ ﻛﺎﻥ ﺻﺢ ﻳﻌﻨﻲ ﻳﺎ ﻣﺮﻳﻢ
ﻣﺎﺭﻱ : ﻃﺐ ﺇﻧﺘﻲ ﻋﻤﻠﺘﻲ ﺇﻳﻪ؟
ﺍﻋﺘﺼﺮﺕ ﺭﻧﺎ ﺍﻟﻤﻨﺪﻳﻞ ﺑﻴﺪﻫﺎ ﻣﺘﺎﺑﻌﺔ: ﻗﻌﺪﺕ ﻋﻠﻰ ﺃﻗﺮﺏ
ﻛﺮﺳﻲ ﻭﻫﻲ ﺩﺧﻠﺖ ﺍﻷﻭﺿﺔ ﻭﻫﻮ ﺟﻪ ﺟﻨﺒﻲ ﻭﻗﻌﺪ ﻓﻀﻠﻨﺎ
ﺳﺎﻛﺘﻴﻦ ﻓﺘﺮﻩ ﻟﺤﺪ ﻣﺎ ...
روايتي التالتة " أصدقائي قنبلة ذرية " ....
ﺳﺄﻟﺘﻪ ﻣﺼﺪﻭﻣﺔ: ﻟﻴﻪ ﻋﻤﻠﺖ ﻛﺪﺍ ؟ ... ﺃﻧﺎ ﻗﺼﺮﺕ ﻣﻌﺎﻙ
ﻓﻲ ﺇﻳﻪ ﻋﺸﺎﻥ ﺗﻌﻤﻞ ﻓﻴﺎ ﻛﺪﺍ ؟ ... ﻫﻲ ﺩﻱ ﺃﺧﺮﺕ ﺍﻟﺤﺐ
ﺍﻟﻠﻲ ﺣﺒﺘﻬﻮﻟﻚ ؟ ... ﻗﻮﻟﻲ ﺳﺒﺐ ﻭﺍﺣﺪ ﻳﻘﻨﻌﻨﻲ ﺑﻌﻤﻠﺘﻚ
ﺩﻱ !
ﺃﺟﺎﺑﻬﺎ ﺑﻬﺪﻭﺀ ﺣﺰﻳﻦ : ﻣﻦ ﺳﺎﻋﺔ ﻣﺎ ﺧﻠﻔﺘﻲ ﻭﺇﻧﺘﻲ ﺑﻌﻴﺪﺓ
ﻋﻨﻲ ﺃﻏﻠﺐ ﻭﻗﺘﻚ ﻟﻴﻬﻢ ﻭﺑﺲ ﺇﻥ ﻣﺎ ﻛﺎﻧﺶ ﻛﻠﻪ ... ﺩﺍ ﻏﻴﺮ
ﺻﺤﺎﺑﻚ ﺍﻟﻠﻲ ﻋﻠﻰ ﻃﻮﻝ ﻣﻌﺎﻫﻢ ﻭﻛﻞ ﺷﻮﻳﺔ ﺗﻨﻄﻲ ﻋﻨﺪﻫﻢ
ﺇﻟﺘﻔﺘﺖ ﺇﻟﻴﻪ ﻣﺴﺘﻐﺮﺑﺔ ﺗﻔﺎﻫﺔ ﺃﺳﺒﺎﺑﻪ ﻭﻣﺒﺮﺭﺍﺗﻪ: ﺃﻧﺖ ﻭﺍﻋﻲ
ﺃﻧﺖ ﺑﺘﻘﻮﻝ ﺇﻳﻪ؟ ... ﺩﻭﻝ ﻭﻻﺩﻙ ﻳﺎ ﻋﻠﻲ! ﻭﻻﺩﻙ ﺯﻱ ﻣﺎ
ﻫﻤﺎ ﻭﻻﺩﻱ ﺑﺎﻟﻈﺒﻂ! ... ﺃﻧﺖ ﻓﺎﻫﻢ ﻳﻌﻨﻲ ﺇﻳﻪ ﻳﺒﻘﻰ ﻋﻨﺪﻙ
ﻭﻟﺪﻳﻦ ﺗﻮﺃﻡ ؟ ... ﻳﻌﻨﻲ ﻟﻤﺎ ﻭﺍﺣﺪ ﻳﻨﺎﻡ ﺍﻟﺘﺎﻧﻲ ﻳﺼﺤﻰ
ﻳﻌﻨﻲ ﺍﺑﻘﻰ ﺑﺄﻏﻴﺮ ﻟﻮﺍﺣﺪ ﻭﺑﺄﻻﻋﺐ ﺍﻟﺘﺎﻧﻲ ، ﻳﻌﻨﻲ ﺑﺄﻛﻮﻥ
ﺑﺄﺣﻤﻲ ﻭﺍﺣﺪ ﻭﺑﺄﺑﺺ ﻋﺎﻟﺘﺎﻧﻲ ﻟﻴﻘﻊ ﻭﻻ ﻳﺘﻌﻮﺭ! ... ﺃﻧﺎ
ﻣﺎﻛﻨﺘﺶ ﺑﺄﻧﺎﻡ ﻧﺺ ﺳﺎﻋﺔ ﻋﻠﻰ ﺑﻌﺾ ﻭﻛﻨﺖ ﺑﺄﺧﺒﻲ ﻋﻨﻚ
ﻋﺸﺎﻥ ﻣﺎ ﺍﺯﻭﺩﺵ ﺍﻟﺤﻤﻞ ﻋﻠﻴﻚ ﺃﻛﺘﺮ ﻣﻦ ﻛﺪﺍ ...
ﻭﺻﺤﺎﺑﻲ ... ﺻﺤﺎﺑﻲ ﺍﻟﻠﻲ ﻣﻀﺎﻳﻘﻴﻨﻚ ﺃﻭﻱ ﻛﺪﺍ ﻛﺎﻧﺖ ﻛﻞ
ﻭﺍﺣﺪﺓ ﻓﻴﻬﻢ ﺑﺘﺠﻴﻠﻲ ﻭﺃﻧﺖ ﻓﻲ ﺍﻟﺸﻐﻞ ﻳﻮﻡ ﻋﺸﺎﻥ ﻳﺎﺧﺪﻭﺍ
ﺑﺎﻟﻬﻢ ﻣﻦ ﺍﻟﻮﻻﺩ ﻭﺃﻟﺤﻖ ﺍﺭﺗﺎﺡ ﺷﻮﻳﺔ ﻋﺸﺎﻥ ﻣﺎ ﻳﺠﻠﻴﺶ
ﺇﻧﻬﻴﺎﺭ ! ... ﻛﺎﻧﻮﺍ ﺑﻴﺎﺧﺪﻭﺍ ﺃﺟﺎﺯﺍﺕ ﻭﻳﺴﺘﺄﺫﻧﻮﺍ ﻋﺸﺎﻥ ﻳﺠﻮﻟﻲ
ﻭﻳﺴﺎﻋﺪﻭﻧﻲ ﻭﻳﻤﺸﻮﺍ ﻗﺒﻞ ﻣﺎ ﺟﻨﺎﺑﻚ ﺗﻴﺠﻲ ﻋﺸﺎﻥ ﻣﺎ
ﺗﺘﻀﺎﻳﻘﺶ ﻣﻨﻬﻢ ﻭﻣﻦ ﻭﺟﻮﺩﻫﻢ ﻭﺗﺎﺧﺪ ﺭﺍﺣﺘﻚ ﻓﻲ ﺑﻴﺘﻚ ...
ﺻﺤﺎﺑﻲ ﺍﻟﻠﻲ ﻛﻞ ﻭﺍﺣﺪﺓ ﻓﻴﻬﻢ ﻣﺎ ﺳﺎﺑﺘﻨﻴﺶ ﻭﻻ ﻟﺤﻈﺔ ،
ﺍﻟﻠﻲ ﺃﻧﺎ ﺑﻌﺪﺕ ﻋﻨﻬﻢ ﻭﺳﻴﺒﺘﻬﻢ ﻋﺸﺎﻥ ﺧﺎﻃﺮﻙ ﻭﻣﺎ ﺃﺯﻋﻠﻜﺶ
ﻣﻨﻲ ! ... ﻫﻲ ﺩﻱ ﺃﺳﺒﺎﺑﻚ ﻳﺎ ﺣﻀﺮﺓ ﺍﻟﺰﻭﺝ ﺍﻟﻤﺤﺘﺮﻡ ؟
ﻧﻬﺾ ﻣﻦ ﺟﻮﺍﺭﻫﺎ ﻭﻗﺎﻝ ﺑﻌﺼﺒﻴﺔ: ﺇﻧﺘﻲ ﻣﻦ ﺳﺎﻋﺔ ﻣﺎ
ﺑﻌﺪﺗﻲ ﻋﻨﻬﻢ ﻭﺇﻧﺘﻲ ﺍﻟﺤﺰﻥ ﺑﻘﻰ ﻣﺎﻟﻲ ﻭﺷﻚ ﻭﻋﻠﻰ ﻃﻮﻝ
ﻣﻀﺎﻳﻘﺔ ﻭﻭﺍﺧﺪﻩ ﺟﻨﺐ ﺩﺍ ﻏﻴﺮ ﺇﻧﻪ ﻋﻠﻰ ﻃﻮﻝ ﻻﺑﺴﻪ ﺟﻠﺒﻴﺔ
ﻣﺘﺒﻬﺪﻟﻪ ﻣﻦ ﺷﻐﻞ ﺍﻟﺒﻴﺖ ﻭﺍﻟﻮﻻﺩ ﻭﺍﻟﺘﻨﻀﻴﻒ ﻭﻣﻠﻴﺎﻧﻪ ﺭﻳﺤﺔ
ﺗﻮﻡ ﻭﺑﺼﻞ
ﻧﻬﻀﺖ ﻭﻗﺎﻟﺖ ﺑﺼﻮﺕ ﻫﺎﻣﺲ: ﻟﻮ ﺃﻧﺎ ﻣﺶ ﻭﺍﺧﺪﻩ ﺑﺎﻟﻲ
ﻛﻨﺖ ﻧﺒﻬﺘﻨﻲ ﻟﻠﻲ ﻣﻀﺎﻳﻘﻚ ﻣﻨﻲ ﻛﻨﺖ ﻫﺄﻏﻴﺮﻩ ﻷﻧﻪ ﻣﺎﻓﻴﺶ
ﻏﻴﺮ ﺭﺍﺣﺘﻚ ﻫﻲ ﺍﻟﻠﻲ ﺗﻬﻤﻨﻲ
ﺗﻮﺗﺮﺕ ﺃﻋﺼﺎﺑﻪ ﻭﺣﺎﻭﻝ ﺇﺧﻔﺎﺀ ﺫﻟﻚ ﺑﻘﻮﻟﻪ: ﺩﺍ ﻏﻴﺮ ﺇﻧﻲ
ﻋﺎﻳﺰ ﺃﺟﻴﺐ ﺑﻨﺖ
ﻟﻢ ﺗﺸﻌﺮ ﺑﺎﻟﺼﺪﻣﺔ ﻣﻦ ﻛﻞ ﻣﺒﺮﺭﺍﺗﻪ ﺍﻟﺴﺎﺑﻘﺔ ﻛﻤﺎ ﺷﻌﺮﺕ
ﺑﺎﻷﺧﻴﺮﺓ: ﺑﻨﺖ ؟ ... ﻃﺐ ﻣﺎ ﺃﻧﺎ ﻣﻤﻜﻦ ﺃﺟﻴﺒﻠﻚ ﺑﻨﺖ ... ﺃﻧﺎ
ﻟﺴﻪ ﺃﻗﺪﺭ ﺃﺧﻠﻒ
ﺇﻟﺘﻔﺖ ﺇﻟﻴﻬﺎ ﻗﺎﺋﻼً ﺑﺴﺨﺮﻳﺔ: ﻻ ﻭﺍﻟﻠﻪ؟ ... ﻭﺩﺍ ﺇﻣﺘﻰ ﺇﻥ
ﺷﺎﺀ ﺍﻟﻠﻪ ؟ ... ﺇﻧﺘﻲ ﻃﻮﻝ ﺍﻟﻴﻮﻡ ﻑ ﺷﻐﻞ ﺍﻟﺒﻴﺖ ﻭﺭﻋﺎﻳﺔ
ﺍﻟﻮﻻﺩ ﻭﺃﻧﺎ ﻓﻲ ﺍﻟﺸﻐﻞ ﻭﻟﻤﺎ ﺑﺄﺭﺟﻊ ﺍ ﺑﻼﻗﻴﻜﻲ ﻧﺎﻳﻤﺔ ﻳﺎ
ﻣﺴﺘﻨﻴﺎﻧﻲ ﺗﺤﻄﻴﻠﻲ ﺍﻟﻌﺸﺎ ﻭﺗﻨﺎﻣﻲ ... ﻭﻛﻤﺎﻥ ﺷﻜﻠﻚ
ﻧﺴﻴﺘﻲ ﺍﻟﻤﺮﺓ ﺍﻟﻠﻲ ﺣﺼﻞ ﻓﻴﻬﺎ ﺇﺟﻬﺎﺽ ﻭﻛﺎﻥ ﻭﻟﺪ ﺑﺮﺩﻭ ؟
ﻟﻢ ﺗﺘﻤﺎﻟﻚ ﻧﻔﺴﻬﺎ ﻣﻦ ﺍﻟﻀﺤﻚ ﻓﺴﺄﻟﻬﺎ ﺣﺎﻧﻘﺎً : ﺑﺘﻀﺤﻜﻲ
ﻋﻠﻰ ﺇﻳﻪ ؟ ﻛﻼﻣﻲ ﻳﻀﺤﻚ ﺃﻭﻱ ﺣﻀﺮﺗﻚ ؟
ﺗﻮﻗﻔﺖ ﺑﻬﺘﺔ ﻋﻦ ﺍﻟﻀﺤﻚ ﻭﻗﺎﻟﺖ ﺑﺠﺪﻳﺔ : ﻋﺸﺎﻥ ﺃﻧﺖ ﻋﺎﺭﻑ
ﺇﻧﻪ ﺍﻟﺮﺍﺟﻞ ﻫﻮ ﺍﻟﻠﻲ ﺑﻴﺘﺤﻜﻢ ﻓﻲ ﻧﻮﻉ ﺍﻟﺠﻨﻴﻦ ، ﻳﻌﻨﻲ ﻣﺶ
ﺗﺤﻜﻢ ﺗﺤﻜﻢ ، ﺍﻷﺻﺢ ﻫﻮ ﺍﻟﻠﻲ ﺑﻴﺤﺪﺩﻩ ﻭﻻ ﺇﻳﻪ ﻳﺎ ﻣﺘﻌﻠﻢ ﻳﺎ
ﻣﺜﻘﻒ
ﺃﺩﺍﺭ ﻇﻬﺮﻩ ﺧﺠﻼً ﻣﻦ ﺗﻔﺴﻴﺮﻫﺎ ﺍﻟﻤﻨﻄﻘﻲ ، ﻭﻗﻔﺖ ﺃﻣﺎﻣﻪ
ﻭﻗﺎﻟﺖ : ﻗﻮﻝ ﺑﺼﺮﺍﺣﺔ ﺇﻧﻬﺎ ﻋﺠﺒﺘﻚ ﻭﺍﺗﺠﻮﺯﺗﻬﺎ ﻟﻤﺠﺮﺩ ﺇﻧﻚ
ﻋﺎﻳﺰ ﺗﺘﺠﻮﺯﻫﺎ ... ﺧﻠﻴﻚ ﺭﺍﺟﻞ ﻭﺍﺗﺤﻤﻞ ﺍﻟﻠﻲ ﻋﻤﻠﺘﻪ ... ﻣﺎ
ﺗﻐﻄﻴﺶ ﺍﻟﻠﻲ ﻋﻤﻠﺘﻪ ﺑﺈﻧﻚ ﺗﻠﺒﺴﻨﻲ ﺃﻧﺎ ﺍﻟﻐﻠﻂ ... ﻣﺎﺷﻲ ؟
ﺗﺮﻛﺘﻪ ﻭﺍﺗﺠﻬﺖ ﺇﻟﻰ ﻏﺮﻓﺘﻬﺎ ﺣﻴﺚ ﻗﺎﻣﺖ ﺑﺘﺒﺪﻳﻞ ﻣﻼﺑﺴﻬﺎ
ﻭﻏﺎﺩﺭﺕ ﺍﻟﻤﻨﺰﻝ ﺇﻟﻰ ﻣﻠﺠﺄﻫﺎ ... ﺻﺪﻳﻘﺎﺗﻬﺎ ﻋﻠﻬﺎ ﺗﺠﺪ
ﺍﻟﻨﺼﻴﺤﺔ.
روايتي التالتة " أصدقائي قنبلة ذرية " ....
ﻣﻴﺮﻧﺎ ﺑﻐﻀﺐ: ﺍﻟﺤﻴﻮﺍﻥ ... ﻛﻞ ﺍﻟﺮﺟﺎﻟﻪ ﻋﻴﻨﻴﻬﻢ ﻓﺎﺭﻏﺔ !
ﻣﺎﺭﻱ ﺑﻠﻮﻡ : ﻣﺎ ﻗﻮﻟﻨﺎ ﺍﻫﺪﻱ ﻳﺎ ﻣﻴﺮﻧﺎ ... ﻣﺶ ﻧﺎﻗﺼﺔ
ﺷﻌﻠﻠﻪ ﻫﻲ
ﻣﺮﻳﻢ ﺑﻬﺪﻭﺀ : ﻭﺇﻧﺘﻲ ﻧﺎﻭﻳﺔ ﺗﻌﻤﻠﻲ ﺇﻳﻪ ﻳﺎ ﺭﻧﺎ ؟
ﺭﻧﺎ ﻭﻫﻲ ﺗﻐﺎﻟﺐ ﺩﻣﻮﻋﻬﺎ : ﻫﺄﻋﻤﻞ ﺇﻳﻪ ﻳﻌﻨﻲ؟ ... ﻫﺄﺧﺪ
ﺍﻟﻮﻻﺩ ﻭﺃﺳﻴﺐ ﺍﻟﺒﻴﺖ ﻭﺃﺧﻠﻴﻪ ﻳﻄﻠﻘﻨﻲ
ﻋﺎﺭﺿﺘﻬﺎ ﻫﺪﻯ : ﻻ ﻳﺎ ﺭﻧﺎ ... ﻟﺤﺪ ﻫﻨﺎ ﻭﺃﻧﺎ ﻣﺶ ﻣﻌﺎﻛﻲ
ﻓﻲ ﺍﻟﻠﻲ ﻫﺘﻌﻤﻠﻴﻪ ﺩﺍ ﺃﺑﺪﺍً
ﺭﻧﺎ ﻣﺴﺘﻐﺮﺑﺔ: ﻫﻮ ﺇﻧﺘﻲ ﻣﺘﺨﻴﻠﺔ ﺇﻧﻲ ﺃﻗﺪﺭ ﺃﻋﻴﺶ ﻣﻌﺎﻩ ﻫﻮ
ﻭﺍﻟﺤﺮﺑﺎﻳﺔ ﺍﻟﻠﻲ ﺍﺗﺠﻮﺯﻫﺎ ﻭﺟﺎﺑﻬﺎ ﺗﻌﻴﺶ ﻣﻌﺎﻳﺎ ﻓﻲ ﺑﻴﺘﻲ؟
ﻫﺪﻯ ﺑﺘﻌﻘﻞ : ﺍﺩﻳﻜﻲ ﻗﻮﻟﺘﻲ ﺑﻴﺘﻚ ... ﺇﻳﻪ ﺍﻟﻠﻲ ﻳﺠﺒﺮﻙ
ﺗﺴﻴﺒﻲ ﺑﻴﺘﻚ ﻭﺗﻬﺪﻱ ﺣﻴﺎﺗﻚ ﻋﺸﺎﻥ ﻭﺍﺣﺪﺓ ﻏﺮﻳﺒﺔ؟ ... ﻃﺐ
ﺳﻴﺒﻚ ﻣﻦ ﻋﻠﻲ ... ﻭﻻﺩﻙ ؟ ... ﻟﻴﻪ ﺗﻜﻮﻧﻲ ﺇﻧﺘﻲ ﺍﻟﺴﺒﺐ
ﻓﻲ ﺇﻧﻬﻢ ﻳﻜﺒﺮﻭﺍ ﺑﻌﻴﺪ ﻋﻦ ﺃﺑﻮﻫﻢ
ﻣﺮﻳﻢ ﺑﺪﻫﺸﺔ: ﻫﻲ ﺇﺯﺍﻱ؟ ... ﻣﺶ ﻫﻮ ﺍﻟﻠﻲ ﺇﺗﺠﻮﺯ
ﻋﻠﻴﻬﺎ؟
ﻫﺪﻯ ﻣﻮﺍﻓﻘﺔ: ﺃﻳﻮﻩ ﻟﻜﻦ ﻻ ﻗﺎﻟﻬﺎ ﻫﺎﻃﻠﻘﻚ ﻭﻻ ﻗﺎﻟﻬﺎ
ﺍﻃﻠﻌﻲ ﺑﺮﻩ ﺍﻟﺒﻴﺖ ، ﻳﻌﻨﻲ ﻟﻤﺎ ﺍﻟﻮﻻﺩ ﻳﻔﻬﻤﻮﺍ ﻭﻳﻘﻮﻟﻬﻢ ﻛﺪﺍ
ﻭﻳﻄﻠﻌﻬﺎ ﻫﻲ ﺍﻟﺸﻴﻄﺎﻧﺔ ﺍﻟﻠﻲ ﻫﺪﺕ ﺍﻟﺒﻴﺖ ﻭﺑﻌﺪﺗﻬﻢ ﻋﻨﻪ
ﺍﻟﻮﻻﺩ ﻫﻴﻜﺮﻫﻮﻫﺎ ﻫﻲ
ﻣﺎﺭﻱ : ﻫﻮ ﻣﻤﻜﻦ ﻳﻌﻤﻞ ﻛﺪﺍ ؟ ﻟﻠﺪﺭﺟﺔ ﺩﻱ؟
ﻫﺪﻯ: ﻣﻤﻜﻦ ﺃﻩ ﻭﻣﻤﻜﻦ ﻻ ... ﺑﺲ ﺇﺣﻨﺎ ﻫﻨﺎ ﺑﻨﻔﻜﺮ ﻓﻲ
ﻛﻞ ﺍﻹﺣﺘﻤﺎﻻﺕ
ﺭﻧﺎ ﺑﺘﻔﻜﻴﺮ: ﺃﻭﻣﺎﻝ ﻋﺎﻳﺰﺍﻧﻲ ﺃﻋﻤﻞ ﺇﻳﻪ؟
ﻫﺪﻯ: ﺗﻘﻌﺪﻱ ﻓﻲ ﺑﻴﺘﻚ ﻭﺗﻌﻴﺸﻲ ﺣﻴﺎﺗﻚ ﻭﺗﻌﻤﻠﻲ ﻛﻞ
ﺣﺎﺟﻪ ﻛﻨﺘﻲ ﺑﺘﻌﻤﻠﻴﻬﺎ
ﺭﻧﺎ ﺑﻐﻀﺐ: ﻋﺎﻳﺰﺍﻧﻲ ﺍﺗﺼﺮﻑ ﺃﻛﻨﻪ ﻣﺎ ﺍﺗﺠﻮﺯﺵ ﻋﻠﻴﺎ ﻭﻻ
ﺟﺎﺑﻠﻲ ﺿﺮﻩ ؟ !!
ﺃﺿﺎﻓﺖ ﺩﻳﻤﺎ ﻋﻠﻰ ﻛﻼﻡ ﻫﺪﻯ: ﻣﺶ ﺑﺲ ﻛﺪﺍ ﻻ ﺇﻧﺘﻲ
ﻫﺘﻨﺰﻟﻲ ﺗﺸﺘﻐﻠﻲ ﻣﻦ ﺗﺎﻧﻲ ﺑﻌﺪ ﻣﺎ ﻛﺎﻥ ﻣﺎﻧﻌﻚ ﻭ ﻫﺘﻐﻴﺮﻱ
ﻣﻦ ﻧﻔﺴﻚ ﻭﻟﺒﺴﻚ
ﺃﺭﺩﻓﺖ ﻫﺪﻯ: ﻳﻌﻨﻲ ﻛﻞ ﺣﺎﺟﻪ ﺃﺧﺪﻫﺎ ﻣﺒﺮﺭ ﺣﺘﻰ ﻟﻮ ﻣﺒﺮﺭ
ﻭﻫﻤﻲ ﻟﺘﺼﺮﻓﻪ ﺩﺍ ﻻﺯﻡ ﺗﻤﻮﺗﻴﻪ
ﺭﻧﺎ : ﺣﺘﻰ ﺇﻧﺘﻲ ﻳﺎ ﺩﻳﻤﺎ ﺑﺘﻘﻮﻟﻲ ﻛﺪﺍ ... ﻣﺶ ﻛﺎﻥ ﻣﻦ ﺑﺎﺏ
ﺃﻭﻟﻰ ﺇﻧﻚ ﻧﻔﺬﺗﻲ ﺍﻟﻜﻼﻡ ﺩﺍ ﻋﻠﻰ ﻧﻔﺴﻚ ؟
ﺃﺟﺎﺑﺘﻬﺎ ﺩﻳﻤﺎ ﺑﺄﻟﻢ : ﻻ ﻳﺎ ﺭﻧﺎ ... ﺇﻧﺘﻲ ﻭﻋﻠﻲ ﺑﻴﻨﻜﻢ ﻗﺼﺔ
ﺣﺐ ﻭﻭﻗﻔﺘﻲ ﺿﺪ ﻋﻴﻠﺘﻚ ﻋﺸﺎﻥ ﺗﺘﺠﻮﺯﻳﻪ ﻭﺑﻴﻨﻜﻢ ﻭﻻﺩ ...
ﻟﻜﻦ ﺑﺎﺳﻞ ﻋﻤﺮﻩ ﻣﺎ ﺣﺒﻨﻲ ﻭﻛﺎﻥ ﺑﻴﺤﺒﻬﺎ ﻫﻲ ﻓﻤﺎﻛﺎﻧﺶ ﻓﻴﻪ
ﺑﻴﻨﻲ ﻭﺑﻴﻨﻪ ﺃﻱ ﺭﺍﺑﻂ ﻓﺎﻧﺴﺤﺒﺖ ... ﺍﻟﻠﻲ ﺍﺗﺠﻮﺯﻫﺎ ﻋﻠﻲ ﺩﻱ
ﻣﺠﺮﺩ ﻧﺰﻭﺓ ﻭﻫﺘﻌﺪﻱ ﻟﻤﺎ ﻳﻔﻮﻕ ﻟﻨﻔﺴﻪ
ﻣﻴﺮﻧﺎ: ﻛﻼﻣﻬﻢ ﺻﺢ ... ﺧﻠﻴﻜﻲ ﻋﻠﻰ ﻗﻠﺒﻬﻢ ﺧﻠﻴﻬﻢ ﻳﻄﻘﻮﺍ
ﻣﻦ ﺍﻟﻐﻴﻆ
ﻣﺮﻳﻢ: ﺃﻛﻴﺪ ﻫﻲ ﻣﺘﻮﻗﻌﺔ ﺇﻧﻚ ﻫﺘﻨﺴﺤﺒﻲ ﻣﻦ ﺣﻴﺎﺗﻪ ﻟﻤﺎ
ﺗﻌﺮﻓﻲ ﺑﺠﻮﺍﺯﻫﻢ ﻟﻜﻦ ﻛﺪﺍ ﻫﺘﻔﺮﺳﻴﻬﺎ ﺃﻛﺘﺮ
ﻏﻤﺰﺗﻬﺎ ﺩﻳﻤﺎ: ﻳﻌﻨﻲ ﺧﺪﻳﻬﺎ ﻟﻌﺒﺔ ... ﺗﺴﻠﻴﺔ ﻟﻴﻜﻲ ﻭﺇﻟﻌﺒﻲ
ﺑﺄﻋﺼﺎﺑﻬﻢ ... ﻳﻌﻨﻲ ﻣﺜﻼً ﺍﻋﻤﻠﻲ ﺷﻌﺮﻙ ﻭﺇﻟﺒﺴﻲ ﻗﺼﻴﺮ ،
ﺍﻗﻌﺪﻱ ﻗﺪﺍﻣﻪ .. ﺷﻮﻓﻲ ﻣﻴﻦ ﻓﻴﻜﻮﺍ ﺍﻟﻠﻲ ﻫﺘﺎﻛﻞ ﻋﻘﻠﻪ
ﻭﻗﺘﻬﺎ
ﺍﺑﺘﻤﺴﺖ ﺭﻧﺎ ﻭﻗﺪ ﺃﻋﺠﺒﺘﻬﺎ ﺍﻟﻔﻜﺮﺓ : ﻣﺎﺷﻲ ... ﻳﺎ ﺃﻧﺎ ﻳﺎ ﻫﻤﺎ
ﺑﻘﻰ
ﻣﺎﺭﻱ ﺿﺎﺣﻜﺔ: ﺃﻳﻮﻩ ﻛﺪﺍ ﻳﺎ ﺷﻴﺨﺔ ﻓﻜﻲ
ﻣﻴﺮﻧﺎ: ﻫﻲ ﺷﻜﻠﻬﺎ ﺇﻳﻪ ؟
ﺭﻧﺎ : ﻧﻔﺲ ﺍﻟﺸﻜﻞ ﺍﻟﻠﻲ ﻭﺻﻔﺘﻴﻬﺎ ﺑﻴﻪ ... ﻣﻨﻈﺮﻫﺎ
ﺍﺳﺘﻔﺰﻧﻲ ﺃﻭﻱ ﺃﻧﺎ ﻣﺶ ﻋﺎﺭﻓﺔ ﺳﺎﻳﺒﻬﺎ ﺗﻤﺸﻲ ﻛﺪﺍ ﻓﻲ
ﺍﻟﺸﺎﺭﻉ ﺇﺯﺍﻱ ... ﻭﺃﻧﺎ ﻟﻮ ﺷﺎﻑ ﺷﻌﺮﺍﻳﻪ ﺑﺮﻩ ﺍﻟﻄﺮﺣﺔ
ﺑﻴﺒﻘﻰ ﻫﻴﻀﺮﺑﻨﻲ !
ﺩﻳﻤﺎ: ﻫﻬﻬﻬﻬﻬﻪ ﻋﺸﺎﻥ ﺗﻌﺮﻓﻲ ... ﻫﻮ ﺑﻴﺤﺒﻚ ﺇﻧﺘﻲ
ﻭﺣﺎﺳﺲ ﺇﻧﻚ ﻣﻠﻜﻪ ﻭﻟﻴﻪ ﻟﻮﺣﺪﻩ ﻟﻜﻦ ﻫﻲ ﻣﺶ ﻓﺎﺭﻗﻪ ﻣﻌﺎﻩ
ﺭﻧﺎ ﺑﺤﻤﺎﺱ : ﻃﺐ ﻗﻮﻟﻮﻟﻲ ﻫﺄﻋﻤﻞ ﺇﻳﻪ ﺑﺎﻟﻈﺒﻂ !
ﻣﺎﺭﻱ : ﺃﻭﻻً ﻛﻞ ﺍﻟﺠﻼﻟﻴﺐ ﻭﺍﻟﻬﺪﻭﻡ ﺍﻟﻤﺘﺒﻬﺪﻟﻪ ﺩﻱ ﺗﺮﻣﻴﻬﺎ
ﻭﺳﻴﺒﻚ ﻣﻨﻬﺎ ﺧﺎﻟﺺ ﻭﺟﻴﺒﻲ ﻟﺒﺲ ﺟﺪﻳﺪ
ﻣﻴﺮﻧﺎ: ﻭﺃﻧﺎ ﻫﺎﺟﻴﺐ ﻣﻌﺎﻛﻲ ﺍﻟﻠﺒﺲ ﺍﻟﺠﺪﻳﺪ ﻋﺸﺎﻥ ﻋﺎﺭﻓﺔ
ﺫﻭﻗﻚ ﺍﻟﻠﻲ ﻣﻦ ﺃﻳﺎﻡ ﺣﺮﺏ ﺍﻟﻬﻜﺴﻮﺱ ﺩﺍ
ﺭﻧﺎ ﺑﺘﻔﻜﻴﺮ: ﻃﺐ ﻟﻤﺎ ﺍﻧﻀﻒ ﺃﻭ ﺃﻣﺴﺢ ﻫﺄﻟﺒﺲ ﺇﻳﻪ؟
ﺩﻳﻤﺎ ﻏﺎﻣﺰﺓ : ﺗﻠﺒﺴﻲ ﻗﺼﻴﺮ ﻭﺗﻌﻤﻠﻲ ﺍﻟﻠﻲ ﺗﻌﻤﻠﻴﻪ ﻫﺘﺒﻘﻲ
ﻃﺎﻟﻌﺔ ﻣﻦ ﻋﻴﻨﻪ ... ﻭﻳﺒﻘﻰ ﺯﻱ ﺍﻟﻠﻲ ﺣﺐ ﻭﻻ ﻃﺎﻟﺶ ...
ﻫﻴﻤﻮﺕ ﻣﻦ ﻏﻴﻈﻪ ﻫﻬﻬﻬﻬﻬﻬﻪ
ﺭﻧﺎ : ﺑﺲ ﻛﺪﺍ ﺍﻟﻬﺪﻭﻡ ﻫﺘﺘﺒﻬﺪﻝ ﻭﻫﺎﺿﻄﺮ ﺃﺟﻴﺐ ﻏﻴﺮﻫﺎ
ﻣﺮﻳﻢ ﺑﻐﻴﻆ: ﻳﺎ ﺑﻨﺘﻲ ﻣﺎ ﺗﺘﺒﻬﺪﻝ ﻭﺗﺠﻴﺒﻲ ﻏﻴﺮﻫﺎ ﻫﻴﺠﺮﺍ
ﺇﻳﻪ؟ ... ﺍﻟﻠﻲ ﺑﺘﺨﺎﻓﻲ ﻋﻠﻰ ﻓﻠﻮﺳﻪ ﺩﺍ ﺑﻴﺼﺮﻓﻬﺎ ﻋﻠﻰ
ﺍﻟﻬﺎﻧﻢ ﺍﻟﺘﺎﻧﻴﺔ ... ﻳﺒﻘﻰ ﻣﻴﻦ ﺃﻭﻟﻰ ﺑﺎﻟﻔﻠﻮﺱ ﺩﻱ ﺇﻧﺘﻲ ﻭﻻ
ﻫﻲ ؟!
ﺭﻧﺎ ﻭﻗﺪ ﺃﻧﺘﻘﻞ ﺍﻟﻐﻴﻆ ﺇﻟﻴﻬﺎ: ﺃﻧﺎ ﻃﺒﻌﺎً
ﻫﺪﻯ: ﺗﻘﻨﻌﻴﻪ ﺑﻘﻰ ﺇﻧﻚ ﺗﺸﺘﻐﻠﻲ
ﺭﻧﺎ ﻣﺴﺘﻬﺠﻨﺔ: ﻭﺃﻗﻨﻌﻪ ﻟﻴﻪ ؟ ... ﺃﻧﺎ ﺃﻋﻤﻞ ﺍﻟﻠﻲ ﻓﻲ
ﺩﻣﺎﻏﻲ ﻣﺎﻟﻮﺵ ﺣﻜﻢ ﻋﻠﻴﺎ .... ﻳﺒﻘﻰ ﻳﺘﺸﻄﺮ ﻋﺎﻟﺴﺖ ﻫﺎﻧﻢ
ﻣﺮﺍﺗﻪ ﺍﻷﻭﻝ !
ﻫﺘﻔﺖ ﻓﻴﻪ ﺩﻳﻤﺎ: ﻏﻠﻂ ﻳﺎ ﺭﻧﺎ ... ﻣﺎ ﺗﻨﺴﻴﺶ ﺇﻧﻚ ﻟﺴﻪ
ﻣﺮﺍﺗﻪ ... ﻭﻻﺯﻡ ﺗﻄﻴﻌﻴﻪ ﻭﺗﺴﻤﻌﻲ ﻛﻼﻣﻪ ... ﺇﻗﻨﻌﻴﻪ
ﺑﻄﺮﻳﻘﺔ ﺑﺤﻴﺚ ﺗﻜﻮﻧﻲ ﻧﻔﺬﺗﻲ ﺃﻣﺮ ﺭﺑﻨﺎ ﻭﻛﻤﺎﻥ ﺃﺧﺪﺗﻲ ﺍﻟﻠﻲ
ﺇﻧﺘﻲ ﻋﺎﻳﺰﺍﻩ
ﺭﻧﺎ : ﻃﻴﺐ ... ﻫﺄﺣﺎﻭﻝ
ﺻﻤﺘﺖ ﻗﺒﻞ ﺃﻥ ﺗﺘﻤﺘﻢ ﺑﺨﺠﻞ : ﺑﺲ ....
ﻣﺎﺭﻱ : ﺑﺘﺒﺴﺒﺴﻲ ﻟﻴﻪ؟
ﺭﻧﺎ ﻭﻫﻲ ﺗﻨﻈﺮ ﺃﺭﺿﺎً: ﻭﺣﻘﻪ ﺍﻟﺸﺮﻋﻲ ﻟﻤﺎ ﻳﻄﻠﺒﻪ ﻫﺄﻋﻤﻞ
ﺇﻳﻪ؟
ﻣﻴﺮﻧﺎ: ﺩﺍ ﻳﺒﻘﻰ ﺑﺠﺢ ﺑﻘﻰ !
ﻣﺮﻳﻢ: ﻫﻮ ﻣﺶ ﻟﺴﻪ ﻣﺘﺠﻮﺯ ﺟﺪﻳﺪ؟ ... ﺧﻼﺹ ﻳﺒﻘﻰ ﻣﺎ
ﺍﻋﺘﻘﺪﺵ ﺇﻧﻬﺎ ﻫﺘﺴﻴﺒﻪ ﺃﺻﻼً ﻳﻜﻠﻤﻚ ﻓﻤﺎ ﺑﺎﻟﻚ ﺑﻘﻰ ﺑﺤﻘﻪ
ﻫﻬﻬﻬﻬﻬﻬﻬﻪ
ﻫﺪﻯ: ﻗﺎﻝ ﺍﻟﻨﺒﻲ - ﺻﻞّ ﺍﻟﻠﻪ ﻋﻠﻴﻪ ﻭﺳﻠﻢ - ‏(‏( ﺇﺫﺍ ﺩﻋﺎ
ﺍﻟﺮﺟﻞ ﺍﻣﺮﺃﺗﻪ ﺇﻟﻰ ﻓﺮﺍﺷﻪ ، ﻓﺄﺑﺖ ﺃﻥ ﺗﺠﺊ ، ﻟﻌﻨﺘﻬﺎ
ﺍﻟﻤﻼﺋﻜﺔ ﺣﺘﻰ ﺗﺼﺒﺢ ‏) ‏)
ﺭﻧﺎ : ﺻﺪﻕ ﺭﺳﻮﻝ ﺍﻟﻠﻪ - ﺻﻞّ ﺍﻟﻠﻪ ﻋﻠﻴﻪ ﻭﺳﻠﻢ -
ﻣﺎﺭﻱ ﻣﺘﻌﺠﺒﺔ : ﺑﺲ ﻫﻮ ﻣﺘﺠﻮﺯ ﻏﻴﺮﻫﺎ ﻳﻌﻨﻲ ﻣﺎ ﻳﺮﻭﺡ
ﻟﻠﺘﺎﻧﻴﺔ
ﻫﺪﻯ ﻣﻮﺿﺤﺔ: ﺩﺍ ﻟﻤﺎ ﻳﻌﻮﺯﻫﺎ ﻫﻲ ﺣﻘﻪ ﻣﺶ ﻣﺮﺍﺗﻪ ﻭﻋﻠﻰ
ﺫﻣﺘﻪ؟ ﻭﻫﻲ ﻗﺒﻠﺖ ﺑﺰﻭﺟﺘﻪ ﺍﻟﺘﺎﻧﻴﺔ؟ ... ﻳﺒﻘﻰ ﺗﻌﻤﻞ ﺍﻟﻠﻲ
ﻋﻠﻴﻬﺎ ﻭﺗﺪﻳﻪ ﺣﻘﻮﻗﻪ
ﺗﻨﻬﺪﺕ ﻣﺮﻳﻢ: ﺳﺒﺤﺎﻥ ﺍﻟﻠﻪ ﻫﻲ ﺗﻌﻤﻞ ﺍﻟﻠﻲ ﻋﻠﻴﻪ ﻭﻳﻬﻤﻬﺎ
ﺭﺍﺣﺘﻪ ﻭﻫﻮ ﻣﺶ ﻋﺎﺭﻑ ﻓﻲ ﺍﻟﺸﺮﻉ ﻏﻴﺮ ﻣﺜﻨﻰ ﻭﺛﻼﺙ
ﻭﺭﺑﺎﻉ
ﺩﻳﻤﺎ: ﻛﻞ ﻭﺍﺣﺪ ﺑﻴﻌﻤﻞ ﺑﺄﺻﻠﻪ ﻭﻣﻌﺮﻓﺘﻪ ﺑﺪﻳﻨﻪ ﻳﺎ ﻣﺮﻳﻢ ...
ﻳﻮﻡ ﺍﻟﺤﺴﺎﺏ ﻫﻲ ﻫﺘﺘﺤﺎﺳﺐ ﻋﻠﻰ ﻋﻤﻠﻬﺎ ﻭﻃﺎﻋﺘﻬﺎ ﻟﺮﺑﻨﺎ ،
ﻭﻫﻮ ﺑﺮﺩﻭ ﻫﻴﺘﺤﺎﺳﺐ ﻋﻠﻰ ﻋﻤﻠﻪ ، ﻣﺎﺣﺪﺵ ﺑﻴﺸﻴﻞ ﺫﻧﺐ
ﺣﺪ
ﻣﻴﺮﻧﺎ: ﺑﺼﻲ ﻟﻮ ﻋﺮﻓﺘﻲ ﺗﺘﻬﺮﺑﻲ ﻣﻨﻪ ﺃﻭ ﺗﻼﻗﻲ ﺣﺠﻪ ﺧﻼﺹ
ﻣﺎ ﻋﺮﻓﺘﻴﺶ ﺃﻣﺮﻙ ﻟﻠﻪ ﺑﻘﻰ
ﺭﻧﺎ : ﻃﻴﺐ ﻣﺎﺷﻲ
ﻫﺪﻯ: ﻳﻼ ﺃﻧﺎ ﻫﺄﻣﺸﻲ ﺑﻘﻰ ﻋﺸﺎﻥ ﻭﻋﺪﺕ ﻛﻤﺎﻝ ﺃﺫﺍﻛﺮﻟﻪ
ﺇﻧﺠﻠﻴﺰﻱ ﻭﺯﻣﺎﻧﻪ ﻣﺴﺘﻨﻴﻨﻲ
ﻣﺎﺭﻱ : ﻫﻬﻬﻬﻬﻪ ﻣﺴﺘﻨﻲ ﻣﻴﻦ ﺗﻼﻗﻴﻪ ﻗﺎﻋﺪ ﻗﺪﺍﻡ ﺍﻟﺘﻠﻔﺰﻳﻮﻥ
ﻭﺑﻴﺘﺤﺠﺞ ﺑﻴﻜﻲ
ﻫﺪﻯ: ﻫﻬﻬﻪ ﻛﺪﺍ ﺃﻧﺎ ﻫﺄﺟﺮﻱ ﺑﻘﻰ ﻋﺸﺎﻥ ﻣﺎﻣﺎ ﻫﺘﻘﻮﻟﻲ
ﺇﻧﺘﻲ ﺍﻟﺴﺒﺐ
ﻣﺮﻳﻢ ﺿﺎﺣﻜﺔ: ﺇﺫﺍ ﻛﺎﻥ ﻛﺪﺍ ﻣﻌﻠﺶ
ﻣﺎﺭﻱ : ﺧﺪﻳﻨﻲ ﻣﻌﺎﻛﻲ ﻳﺎ ﻫﺪﻯ ﻋﺸﺎﻥ ﻣﻦ ﺍﻟﺼﺒﺢ ﻫﺎﺭﻭﺡ
ﺍﻟﺸﺮﻛﺔ ﻭﺑﻌﺪﻳﻦ ﻫﻨﺮﻭﺡ ﻧﺸﺘﺮﻱ ﻛﺎﻡ ﺣﺎﺟﻪ ﻧﺎﻗﺼﺔ
ﺩﻳﻤﺎ: ﺇﻳﻪ ﺩﺍ ﺇﻳﻪ ﺩﺍ ﻛﻠﻜﻮﺍ ﻣﺎﺷﻴﻴﻦ ﺑﺴﺮﻋﺔ ﻛﺪﺍ ؟
ﻫﺪﻯ: ﻣﻌﻠﺶ ﻧﺒﻘﻰ ﻧﺘﺠﻤﻊ ﻣﺮﺓ ﺗﺎﻧﻴﺔ
ﻣﺮﻳﻢ: ﻣﺎﺷﻲ ... ﺑﺲ ﻳﻜﻮﻥ ﻗﺮﻳﺐ
ﻫﺪﻯ: ﺇﻥ ﺷﺎﺀ ﺍﻟﻠﻪ
ﻣﻴﺮﻧﺎ: ﻃﺐ ﻣﺎ ﺗﻴﻼ ﻳﺎ ﺭﻧﺎ ﻧﻨﺰﻝ ﻣﻌﺎﻫﻢ ﻭﻧﺮﻭﺡ ﻧﺸﺘﺮﻱ
ﺍﻟﻬﺪﻭﻡ
ﺭﻧﺎ : ﺩﻟﻮﻗﺘﻲ؟
ﻣﻴﺮﻧﺎ: ﻳﻌﻨﻲ ﻭﺭﺍﻛﻲ ﺇﻳﻪ؟ ... ﻫﻲ ﺣﻼﻭﺗﻬﺎ ﻭﻫﻲ ﺳﺨﻨﺔ
ﺩﻳﻤﺎ: ﺃﻳﻮﻩ ﺭﻭﺣﻲ ﺩﻟﻮﻗﺘﻲ ﻋﺸﺎﻥ ﻟﻤﺎ ﺗﺮﺟﻌﻲ ﻭﺗﺪﺧﻠﻲ
ﺑﺎﻟﻬﺪﻭﻡ ﻓﻲ ﺇﻳﺪﻙ ﻳﺒﺎﻥ ﺃﻛﻨﻪ ﻣﺶ ﻓﺎﺭﻕ ﻣﻌﺎﻛﻲ ﺧﺎﻟﺺ
ﻭﻛﺄﻧﻪ ﻭﻻ ﺣﺎﺟﻪ ﻭﺇﻧﻪ ﺍﻟﻠﻲ ﻧﺰﻟﻚ ﺷﻮﻳﺔ ﺍﻟﺤﺎﺟﺎﺕ ﺩﻱ
ﺭﻧﺎ ﺑﺈﺣﺒﺎﻁ: ﺑﺲ ﺃﻧﺎ ﻟﻤﺎ ﺃﻛﻠﻤﻪ ﻓﻲ ﻣﻮﺿﻮﻉ ﺍﻟﺸﻐﻞ ﺩﺍ
ﻫﺄﻋﻤﻞ ﺇﻳﻪ ﻭﺃﻧﺎ ﻣﺶ ﻻﻗﻴﻪ ... ﻳﻌﻨﻲ ﻻ ﻓﻴﻪ ﻋﺮﺽ ﻗﺪﺍﻣﻲ
ﻭﻻ ﺣﺎﻃﻪ ﻋﻴﻨﻲ ﻋﻠﻰ ﺣﺎﺟﻪ
ﺩﻳﻤﺎ ﻣﻌﺎﺗﺒﻪ : ﻣﺎ ﺃﻧﺎ ﺷﺮﻛﺘﻲ ﻣﻮﺟﻮﺩﺓ ﺗﺪﻭﺭﻱ ﻋﻠﻰ ﺷﻐﻞ
ﺑﺮﻩ ﻟﻴﻪ؟
ﺭﻧﺎ ﻣﺴﺘﻐﺮﺑﻪ: ﻭﻫﺸﺘﻐﻞ ﺇﻳﻪ ﻓﻲ ﺷﺮﻛﺘﻚ؟
ﺻﻤﺘﺖ ﺗﻔﻜﺮ ﻗﻠﻴﻼً ﻗﺒﻞ ﺃﻥ ﺗﺠﻴﺐ: ﻫﺎﺷﻐﻠﻚ ﻓﻲ ﺍﻟﻌﻼﻗﺎﺕ
ﺍﻟﻌﺎﻣﺔ ... ﺃﻧﺎ ﺃﺻﻼً ﻣﺤﺘﺎﺟﻪ ﻋﻴﻮﻥ ﻟﻴﺎ ﻓﻲ ﻛﻞ ﺣﺘﻪ ﻋﺸﺎﻥ
ﺃﻭﺻﻞ ﻟﻠﻲ ﺑﻴﻠﻌﺐ ﻣﻦ ﻭﺭﺍﻳﺎ ﺩﺍ
ﺭﻧﺎ : ﻣﺎﺷﻲ ﺧﻼﺹ ... ﻣﻦ ﺍﻟﻨﺠﻤﺔ ﻫﺘﻼﻗﻴﻨﻲ ﻋﻨﺪﻙ
ﻣﻴﺮﻧﺎ: ﻳﻼ ﺑﻘﻰ ﻳﺎ ﺭﻧﺎ ... ﻛﻞ ﺩﺍ ﻟﻮﻙ ﻟﻮﻙ
ﻣﺎ ﺇﻥ ﻫﻤﺖ ﻣﻴﺮﻧﺎ ﺑﺎﻹﺗﺠﺎﻩ ﻧﺎﺣﻴﺔ ﺍﻟﺒﺎﺏ ﺣﺘﻰ ﺃﻣﺴﻜﺖ ﺭﻧﺎ
ﺑﺬﺭﺍﻋﻬﺎ ﻭﻧﻈﺮﺕ ﻟﻬﺎ ﻣﻌﺘﺬﺭﺓ: ﺇﺫﺍ ﻛﻨﺘﻲ ﻓﺎﻛﺮﺓ ﺇﻧﻲ ﻧﺴﻴﺖ
ﺍﻟﻠﻲ ﻗﻮﻟﺘﻬﻮﻟﻚ ﻓﺘﺒﻘﻲ ﻏﻠﻄﺎﻧﺔ ﺃﻧﺎ ﻣﺶ ﻋﺎﺭﻓﺔ ﻗﻮﻟﺘﻠﻚ
ﺍﻟﻜﻼﻡ ﺩﺍ ﺇﺯﺍﻱ ... ﺃﻧﺎ ﺃﺳﻔﺔ ﺃﻭﻭﻭﻱ ﻳﺎ ﻣﻴﺮﻧﺎ ﻭﺃﺗﻤﻨﻰ ﺇﻧﻚ
ﺗﺴﺎﻣﺤﻴﻨﻲ
ﻋﻢ ﺍﻟﺼﻤﺖ ﻓﻲ ﺃﻧﺤﺎﺀ ﺍﻟﻐﺮﻓﺔ ﻭﻧﻈﺮﺕ ﻟﻬﺎ ﻣﻴﺮﻧﺎ ﻗﻠﻴﻼً ﻗﺒﻞ
ﺃﻥ ﺗﻘﻮﻝ ﺑﺒﻼﻫﺔ: ﻫﻮ ﺣﺼﻞ ﺇﻳﻪ ... ﺃﻧﺎ ﻣﺶ ﻓﺎﻛﺮﺓ ﺣﺎﺟﻪ
ﺭﻓﻌﺖ ﺭﻧﺎ ﻧﻈﺮﻫﺎ ﺇﻟﻴﻬﺎ ﻭﺭﺃﺕ ﺇﺑﺘﺴﺎﻣﺔ ﻣﻴﺮﻧﺎ ﻓﻀﻤﺘﻬﺎ ﺑﻘﻮﺓ
ﻗﺎﺋﻠﺔ: ﺑﺠﺪ ﺭﺑﻨﺎ ﺑﻴﺤﺒﻨﻲ ﺃﻭﻭﻭﻭﻱ ﻋﺸﺎﻥ ﺭﺯﻗﻨﻲ ﺑﺼﺤﺎﺏ
ﺯﻳﻜﻮﺍ
ﻣﺮﻳﻢ ﻣﺪﻋﻴﺔ ﺍﻟﺤﺰﻥ : ﺇﺧﺺ ﻋﻠﻴﻜﻮﺍ ﺑﺘﺤﻀﻨﻮﺍ ﺑﻌﺾ ﻣﻦ
ﻏﻴﺮﻱ ﻳﺎ ﻭﺣﺸﻴﻦ ؟
ﻣﺎﺭﻱ ﻭﻫﻲ ﺗﺒﻜﻲ ﻣﻦ ﺍﻟﺴﻌﺎﺩﺓ: ﻭﺃﻧﺎ ﻛﻤﺎﻥ ﻋﺎﻳﺰﺓ ﺣﻀﻦ
ﺿﻤﺖ ﻫﺪﻯ ﻛﻼ ﻣﻦ ﻣﻴﺮﻧﺎ ﻭﺭﻧﺎ ﻗﺎﺋﻠﺔ: ﺃﻧﺘﻮﺍ ﺑﺘﺴﺘﺄﺫﻧﻮﺍ ...
ﻫﺠﻮﻡ ﻋﻠﻰ ﻃﻮﻭﻭﻭﻭﻭﻝ
ﺍﺣﺘﻀﻦ ﺑﻌﻀﻬﻦ ﺍﻟﺒﻌﺾ ﻭﻗﺪ ﺍﺧﺘﻠﻄﺖ ﺩﻣﻮﻋﻬﻦ
ﺑﻀﺤﻜﺎﺗﻬﻦ ... ﻫﻜﺬﺍ ﻫﻦ ﺍﻟﻨﺴﺎﺀ ﺇﺫﺍ ﺣﺰﻥّ ﻳﺒﻜﻴﻦ ﻭﺇﺫﺍ
ﺳﻌﺪﻥ .... ﻳﺒﻜﻴﻦ !
روايتي التالتة " أصدقائي قنبلة ذرية " ....
ﺩﺧﻞ ﺇﻟﻰ ﺍﻟﻐﺮﻓﺔ ﺣﻴﺚ ﺗﻨﺘﻈﺮﻩ ﻋﺮﻭﺳﻪ ﺍﻟﺠﺪﻳﺪﺓ ، ﺗﺮﻛﺖ
ﻣﻼﺑﺴﻬﺎ ﺍﻟﺘﻲ ﺑﺪﺃﺕ ﺑﺘﺮﺗﻴﺒﻬﺎ ﻭﺍﺗﺠﻬﺖ ﺇﻟﻴﻪ ﻋﺎﻗﺪﺓ ﺫﺭﺍﻋﻴﻬﺎ
ﺧﻠﻒ ﻋﻨﻘﻪ ﻭﻫﻲ ﺗﺴﺄﻟﻪ ﻣﺒﺘﺴﻤﺔ: ﺣﺼﻞ ﺇﻳﻪ؟ ... ﺳﻤﻌﺖ
ﺑﺎﺏ ﺍﻟﺸﻘﺔ ﺑﻴﺘﻘﻔﻞ ﻫﻲ ﻣﺸﻴﺖ؟
ﻧﻈﺮ ﺇﻟﻴﻬﺎ ﻣﺴﺘﻐﺮﺑﺎً : ﺇﻧﺘﻲ ﻛﻨﺘﻲ ﺭﺍﻣﻴﻪ ﻭﺩﻧﻚ ﻣﻌﺎﻧﺎ ﺑﻘﻰ
ﻋﻠﻰ ﻛﺪﺍ
ﺃﺟﺎﺑﺘﻪ ﺑﺒﺮﺍﺀﺓ: ﻻ ﺃﻧﺘﻮﺍ ﺍﻟﻠﻲ ﺻﻮﺗﻜﻮﺍ ﻛﺎﻥ ﻋﺎﻟﻲ ﻓﺴﻤﻌﺖ
ﻣﻦ ﻏﻴﺮ ﻣﺎ ﺃﻗﺼﺪ
-ﻋﺎﻟﻌﻤﻮﻡ ﻫﻲ ﺭﺍﺣﺖ ﺗﺸﻢ ﻫﻮﺍ ﻭﻫﺘﺮﺟﻊ ﺗﺎﻧﻲ
ﺃﺯﺍﺣﺖ ﺫﺭﺍﻋﻴﻬﺎ ﻣﻦ ﺣﻮﻝ ﻋﻨﻘﻪ : ﻳﻌﻨﻲ ﻣﺎ ﺳﺎﺑﺘﺶ ﺍﻟﺒﻴﺖ؟
-ﻭﺗﺴﻴﺒﻪ ﻟﻴﻪ؟ ... ﺩﺍ ﺑﻴﺘﻬﺎ ﺯﻱ ﻣﺎ ﻫﻮ ﺑﻴﺘﻚ ﺑﺎﻟﻈﺒﻂ
-ﻣﺶ ﻗﺼﺪﻱ ﺑﺲ ﺃﻧﺎ ﻓﻜﺮﺗﻬﺎ ﻫﺘﺴﻴﺒﻪ ﻟﻤﺎ ﺗﺸﻮﻓﻨﺎ ﺟﻴﻨﺎ
ﻫﻨﺎ
ﻧﻈﺮ ﺇﻟﻴﻬﺎ ﺑﺘﻤﻌﻦ : ﻋﺸﺎﻥ ﻛﺪﺍ ﺻﻤﻤﺘﻲ ﺗﻴﺠﻲ ﻫﻨﺎ ﻭﺇﻧﻪ
ﻧﻌﻴﺶ ﻓﻲ ﺍﻟﺒﻴﺖ ﺩﺍ ؟
ﻇﻬﺮ ﺍﻟﺘﻮﺗﺮ ﻋﻠﻰ ﻣﻼﻣﺤﻬﺎ ﻭﻫﻲ ﺗﻘﻮﻝ : ﻻ ﻳﺎ ﺣﺒﻴﺒﻲ ﺃﻧﺎ
ﺑﺲ ﻛﻨﺖ ﻓﺎﻛﺮﺓ ﺇﻧﻬﺎ ﻫﺘﺴﻴﺒﻪ ﺯﻱ ﻣﺎ ﺳﺘﺎﺕ ﻛﺘﻴﺮ ﺑﺘﻌﻤﻞ
ﺧﺼﻮﺻﺎً ﻟﻮ ﺑﺘﺤﺐ ﺟﻮﺯﻫﺎ
ﺃﺟﺎﺑﻬﺎ ﺳﺎﺧﺮﺍً : ﺣﺘﻰ ﻟﻮ ﻓﻜﺮﺕ ﺗﺴﻴﺒﻪ ﻣﺶ ﻫﺘﺴﻴﺐ ﻭﻻﺩﻫﺎ
ﺍﻟﻠﻲ ﻧﺎﻳﻤﻴﻦ ﺟﻮﺍ ﺩﻭﻝ
ﻫﺰﺕ ﻛﺘﻔﻴﻬﺎ ﺑﻼ ﻣﺒﺎﻻﺓ ﻭﺃﺩﺍﺭﺕ ﻋﻴﻨﻴﻬﺎ ﻓﻲ ﺍﻟﻐﺮﻓﺔ ﻗﺎﺋﻠﺔ:
ﻣﺶ ﻣﻼﺣﻆ ﺇﻧﻪ ﺍﻷﻭﺿﺔ ﺩﻱ ﺻﻐﻴﺮﺓ ﺣﺒﺘﻴﻦ؟
-ﻣﺎﻓﻴﺶ ﻏﻴﺮ 3 ﺃﻭﺽ ﻓﻲ ﺍﻟﺸﻘﺔ ﺩﻱ ﻭﺍﻷﻭﺿﺔ ﺍﻟﺮﺋﻴﺴﻴﺔ
ﻭﺃﻭﺿﺔ ﺍﻟﻮﻻﺩ ﻳﻌﻨﻲ ﺩﺑﺮﻱ ﻧﻔﺴﻚ
ﻗﺎﻟﺖ ﺑﺤﻴﺚ ﻳﺒﺪﻭ ﺣﺪﻳﺜﻬﺎ ﻋﻔﻮﻱ: ﻃﺐ ﻣﺶ ﺃﻧﺎ ﻋﺮﻭﺳﺔ
ﺟﺪﻳﺪﺓ؟ ... ﺍﻟﻤﻔﺮﻭﺽ ﺇﻧﻲ ﺃﻧﺎﻡ ﻓﻲ ﺃﻛﺒﺮ ﻭﺃﺣﺴﻦ ﺃﻭﺿﺔ؟
ﻧﻈﺮ ﻟﻬﺎ ﺷﺬﺭﺍً : ﺇﻧﺘﻲ ﻋﺎﻳﺰﺍﻧﻲ ﺃﻃﻠﻊ ﺭﻧﺎ ﻣﻦ ﺍﻷﻭﺿﺔ
ﺑﺘﺎﻋﺘﻬﺎ ﺍﻟﻠﻲ ﺑﻘﺎﻟﻬﺎ 7 ﺳﻨﻴﻦ ﻋﺎﻳﺸﺔ ﻓﻴﻬﺎ ﻋﺸﺎﻥ ﺣﻀﺮﺗﻚ
ﻣﺶ ﻋﺠﺒﺎﻛﻲ ﺍﻷﻭﺿﺔ ﺩﻱ؟
ﺍﺑﺘﻠﻌﺖ ﺭﻳﻘﻬﺎ ﺑﺼﻌﻮﺑﺔ ﻋﻨﺪﻣﺎ ﺃﻣﺴﻚ ﻛﺘﻔﻴﻬﺎ ﻭﺣﺪﻕ ﺑﻬﺎ
ﺑﻌﻨﻒ : ﻟﻮ ﺍﻟﻔﻜﺮﺓ ﺩﻱ ﻓﻲ ﺩﻣﺎﻏﻚ ﺗﻄﻠﻌﻴﻬﺎ ﻓﻮﺭﺍً ، ﻣﺶ
ﺟﺒﺘﻠﻬﺎ ﺿﺮﻩ ﻭﻫﺘﺸﺎﺭﻛﻬﺎ ﺍﻟﺒﻴﺖ ﻭﻛﻤﺎﻥ ﺃﺧﺮﺟﻬﺎ ﻣﻦ ﺃﻭﺿﺘﻬﺎ
ﻳﺎ ﻧﺎﺩﻳﺔ ، ﺃﻧﺎ ﻫﺄﺭﻭﺡ ﺃﺷﻮﻑ ﺍﻟﻮﻻﺩ ﻟﻮ ﺻﺤﻴﻮﺍ ... ﻋﻦ
ﺇﺫﻧﻚ
ﺗﺮﻛﻬﺎ ﻭﻗﻠﺒﻬﺎ ﻳﺄﻛﻠﻪ ﺍﻟﻐﻴﻆ ، ﻟﻢ ﺗﺼﻞ ﺇﻟﻰ ﻣﺒﺘﻐﺎﻫﺎ ﻭﻟﻜﻨﻬﺎ
ﻟﻴﺴﺖ ﻧﻬﺎﻳﺔ ﺍﻟﻤﻄﺎﻑ ﻓﺎﻟﺒﻘﻴﺔ