((الجزء الخامس عشر))
على عيني وعلى راسي نكون اصحاب نكون قراب
لكن نكون احباب ارجوك اعفيني اقولك ليش!!
في كل شئ ضحيت للي انا حبيت بآخر نفس فيني
اعطيت ماخليت واخرها خلاني اموت بأحزاني
اعفيني ماقدر احب فيني تعب فوق التعب مو ذنبي
لو انت تحب ذنبي انا ماقدر احب ومات الهوا فيني
بالله اعفيني,,مثلك انا مجروح كلي الم وجروح
ماعد فيني روح صعب اخدعك وياي!!
خليني في حالي لا تغير احوالي....
دور على غيري حبيب كل شئ ترا قسمه ونصيب
صدقني انا منتهي وشلون وياك ابتدي!!
ياعم خليني يكفيني مافيني اللي انا اهواه
عمري انتهى وياه واللــــه مانساه لو تنتهي دنياي
يابن آدم انساني بكرا تحب ثاني....
يوم الخميس الساعه 12:30بالمستشفى.....
سارا كانت جالسه تدرس عندها اختبار فيزياء وفهد رايح يصلي صلاة الظهر بالمسجد ولميا توها طالعه لانها ماتقدر تترك امها لحالها اللي اول ماسمعت بالخبر ارتفع عندها الضغط وصارت ملازمه للسرير ومازارت سلطان إلا مره وحده بس....
فهد:السلام عليكم
سارا:وعليكم السلام
فهد:ماصار شئ؟
سارا ونظرة الحزن بعيونها:لأ
فهد:خلاص مابقىعلى المده اللي المفروض يصحى فيها إلا كم يوم..
سارا:يارب قومه بالسلامه انت على كل شئ قدير
فهد:امــــين,,وش جالسه تسوين؟
سارا:عندي اختبار فيزياء وقاعده ادرس
فهد:طيب قومي روحي البيت عادي انا اجلس معاه
سارا:لا عادي
فهد:طيب تبين مساعده تراي شاطر بالفيزياء
سارا:صدق ولا تستهبل
فهد:لا والله اتكلم صدق ليش في شئ صعب عليك؟؟
سارا:أي هذي المسأله عجزت افهم كيف تنحل
فهد:وريني
راح وجلس جمبها على الكنبه وقعد يفهمها كيف تنحل المسأله الين فهمت وراجع معاها باقي المنهج...
سارا:والله ماتوقعت انك شاطر كذا
فهد:ليش قالولك سارا
سارا:يحصلك اصلا تقارن نفسك بالمهندسه سارا
فهد:وانا الدكتور فهد
سارا:أي صح على طاري الجامعه وش سويت عشان سلطان؟؟
فهد:رحت الجامعه واعتذرت هذا الترم انا وسلطان
سارا:يعني ادخل الجامعه وانتم لسى باقيلكم سنه وترم
فهد:هذا اذا اتخرجتي اصلا
سارا:ان شالله ندى هي اللي ترسب(تسقط)
فهد:اعوذ بالله الله لا يوقولها
سارا:اجل اسكت
فهد:متى بيسافر فيصل؟
سارا:اليوم الفجر
فهد:ماراح تسلمين عليه
سارا:اكيد بسلم عليه بروح المغرب ان شالله وبقعد الين يسافر
فهد:الله يرجعه بالسلامه ان شالله
سارا:الله يسلمك
في بيت ابوسعود الساعه 4العصر(بغرفة فيصل)...
ندى:رتبت كل شئ؟
فيصل:أي
ندى:اتأكد مانسيت ولا شئ
فيصل:أي
ندى:اخذت قرآن معاك وسجاده
فيصل:أي
ندى:نواف بيسافر معاك على نفس الرحله
فيصل:أي
ندى:طيب.....
فيصل:دودي ازعجتيني
ندى:هذا جزاتي لاني خايفه عليك
فيصل:انا ماقلت كذا
ندى:خلاص زعلت
فيصل:ليش حرام عليك اليوم بسافر وتزعلين
ندى:اجل اسمع كلامي
فيصل:ان شالله
ندى:سارا بتجي المغرب تسلم عليك
فيصل:ياحبيلها والله اني بفقدكم انتي وياها
ندى:اكيد بتفقدنا
فيصل:ماشالله واثقه
قطع عليهم الهواش صوت باب الغرفة وهو يندق
ندى:مين المؤدب اللي يدق الباب
فيصل:والله مدري بس بالعاده يدخلون من غير مايدقون
ندى:اتفضل
دخلت هند:ازعجتكم
فيصل:أي والله
هند:بس كنت...
فيصل:استهبل معاك بس استغربنا بالعاده يدخلون من غير مايدقون الباب
ندى:تفضلي هند ليش واقفه عند الباب
فيصل:الله يعافيك تسوين فيني خير لو اخذتي هالمزعجه عني
هند:حرام عليك ندى تجنن
ندة تطلع لسانها:سمعت الناس وش يقولون
فيصل:اسكتي بس
هند:طيب عمتي قالتلي اناديكم الغداء جاهز
فيصل:اذا انتي اللي مسويته بنزل بس اذا ماما لأ
دخلوا عليهم سعود وراشد...
راشد:خير خير وش اللي قلته يافيصل
فيصل:ها أي كنت اقول اذا هند اللي طابخه ماراح اكل
راشد:ليش ان شالله مو عاجبك اكلها
فيصل:كنت امزح اقصد اذا هند اللي طابخه بنزل
راشد:ياسلام يتغزل بزوجتي قدامي صدق انك قليل ادب
فيصل:يوووووووووه انا بروح اطلب من برا احسن
راشد+هند+سعود+ندى:ههههههههه ههههههههههههههههههههههههه ههههههههههههههههههههههههه ههههههههههههههههههههههههه هههههههههههههههههه
فيصل:ليش تضحكون؟
راشد:لاني كنت امزح معاك
فيصل:تدري ان مزحك ثقيل
راشد:وانت اهبل
ندى:امشوا ناكل انا بموت من الجوع
نزلوا كلهم وقعدوا على طاوله الأكل وقعدوا ياكلون ويسولفون وضحك وهبال
سعود:تدرون من اللي طابخ الاكل
ابوسعود:اكيد امك
سعود:لأ
فيصل:الطباخه
سعود:لأ
ندى:اجل مين؟
راشد:احنا
ابو سعود:انتم مين؟
راشد:انا وسعود وهند
فيصل:احلفوا
هند:والله العظيم
فيصل:اااااااااااااااااااا� �ااااااااااي بطني يعورني
راشد:كذاب توك تقول وش حلاة هالاكل
فيصل:كنت اجامل ماما
ام سعود:فيـــــصل
فيصل:انتم وش فيكم علي الحين انتي تهاوشني وفوق راشد كل هذا بس عشاني اليوم بسافر
ابوسعود:كل وانت ساكت والله متأكد انك بترجع السعوديه بعد شهر شهرين بالكثير
فيصل:هو ليش يبه؟
ابوسعود:لانك دلوع امك ومو متعود على الشقا
فيصل:بس نواف بيسافر معاي
ابوسعود:ما اردى منك إلا نواف
قعدوا طول الغداء وهو يتهاوشون ويسولفون وبعدين تفرقوا راشد وهند وسعود وندى قعدوا بالصاله يشوفون التلفزيون فيصل راح لغرفته يرتب باقي الاغراض وام سعود بالمطبخ وابوسعود بغرفته نايم....
في بيت ابو معن....
العنود:وش تسوين؟
سارا:وش شايفتني اسوي؟
العنود:منسدحه
سارا:يعني بنام ممكن تطلعين وتسكرين الباب
العنود:سارا وش فيك متضايقه
سارا:مو متصايقه ولا شئ بس تعبانه وابي انام
العنود:على راحتك
طلعت وسكرت الباب وتركت سارا اللي كانت غرقانه باحزانها ودموعها مسكت جوالها ودقت على الرقم وهي خايفه بس خلاص هي اخذت قرارها....
فيصل:هلا والله بسارا
سارا:اهلين كيفك؟
فيصل:مو تمام ابدا
سارا :ليش وش فيك؟
فيصل:تعبت من كثر ما ارتب اغ****
سارا :اجل خلاص مولازم تسافر
فيصل:لا وشو ماسافر هناك حلمي شلون اتركه
سارا:فيصل ممكن اقولك شئ
فيصل:أي تفضلي
سارا:انا احبك
فيصل:وانا بعد
سارا:فيصل انا اتكلم صدق ماستهبل
فيصل:يعني تقصدين حب حب
سارا:أي احبك صدق
فيصل:والله مدري وش اقول
سارا:لا تسأل كيف حبيتك ومتى بس انا احبك
فيصل:سارا انا اعتبرك زي اختي معزتك من معزة دودي
سارا:فيصل انت تستاهل وحده احسن من جوجو
فيصل:وانتي تستاهلين واحد احسن مني انا ماستاهلك واسف اذا كنت اعاملك زي دودي وانتي فهمتيها اني احبك
سارا:يعني ايش
فيصل:اسف ياسارا بس انا اعتبرك زي اختي
سارا:انا اللي اسفه اني حبيتك
فيصل:لا لاتقولين كذا بس انتي عارفه وش صارلي مع جوجو وصعب اني احب مرا ثانيه
سارا:يعني انا زي جوجو
فيصل:انا ماقلت كذا بس انتي تستاهلين واحد احسن مني انا ماستاهل ربع الحب اللي انتي تحبيني اياه
سارا:انا اسفه اني ازعجتك مع السلامه
فيصل:مايهون علي اسكر وانتي زعلانه
سارا:لا مو زعلانه عادي
فيصل:يعني بتجين تسلمين علي
سارا:اكيد بس ساعه وبتلاقيني قدامك ان شالله
فيصل:طيب انا اسف بس انا قلت الصدق
سارا:لا تعتذر ولا أي شئ خلاص احنا اخوان
فيصل:اكيد يعني مو زعلانه؟
سارا:أي يلا باي
فيصل:طيب انا استناك تجين واذا ماجيتي بزعل
سارا:لا ان شالله بجي
فيصل:اوكي يلا باي
سارا:باي
سكرت سارا من فيصل ومافي أي تعبير على وجهها تبي تصيح بس مو قادره تبي تصرخ بس مو قادره حست نفسها بتموت يعني هو الى الان يحب جوجو الله لا يوفقك يارب حسبي الله ونعم الوكيل فيك الله لا يوفقك هدمتي حياتي الله يهدم حياتك.....
على المغرب لبست سارا وترتبت لانها بتروح عند ندى ولازم تترتب عشان هند وراشد وسعود اللي من زمان ماشافته نزلت وهي ماسكه عبايتها كان بالصاله معن وامها...
ام معن:خلاص بتروحين؟
سارا:أي تبين شئ
ام معن:لا سلامتك سلميلي عليهم ولا تتأخرين
معن:ليش وين بتروحين
سارا:معن اسكت لا تشوف شئ مايعجبك
معن:يمه خوفتيني
سارا صرخت بقوه:معـــــــــن اسكــــــت
معن خاف وسكت لان سارا اذا عصبت تصير شبح تخوف..
ام معن:وش فيك صرختي على اخوك مسكين ماقال شئ
سارا:مع السلامه
ام معن:انتبهي لنفسك وقولي للسواق لايسرع
سارا:ان شالله
طلعت سارا وطول الطريق وهي دموعها تنزل بدون توقف الين وصلت قدام باب البيت مسحت دموعها اخذت نفس ورسمت ابتسامه على فمها ونزلت
ندى:ماشالله وش هالقمر اللي زايرنا
سارا تناظر ورراها:تكلميني انا
ندى:اجل الجدار اللي وراك
سارا:لا بس اول مرا تمدحين فيني
ندى:هههههههههههه لا بس كذا
سارا:وين سعود من زمان عنه
سعود:هنا سعود بس انتي مو منتبه
سارا راحت وخمت سعود لانها تعتبره زي اخوها ماتعودت انها تتغطى عنه:من زمان عنك
سعود:والله اشتقتلك
سارا:وانا بعد خلاص مايكفي غربه ارجع
سعود:ااه لا تقلبين المواجع خليني ساكت
سارا:هههههههه طيب وش رايك فيني ماتغيرت
سعود:لأ زي مانتي سارا الهبله اللي ماعندها سالفه بس صرتي طويله يعني شوي وتصيرين طولي
سارا:لو سمحت انا ماسمحلك تقول عني هبله انا دكتوره
سعود:قولي ثوره ممكن اصدق بس دكتوره ضحكتيني
سارا:انت اصلا مع الغربه خرفت
ام سعود:هلا سارا وشلونك وشلون امك
سارا:هلا خالتي والله كلنا تمام وماما تسلم عليك مـــرا
سعود:تعالي اعرفك على راشد وهند
سارا:أي عرفتهم ندى وفيصل بس يسولفون عنهم
سعود:هذي هند وهذا راشد
سارا:اهلين
هند:هلا والله شلونتش
سارا:الحمدالله
سعود:نسيت اعرفكم هذي بنتنا المجنونه بس حاطينها بمستشفى المجانين عشان ماتفشلنا
ام سعود:سعودوه إلا سارا ماسمح لاحد يقول عنها كذا
سارا:ماعليك منه هند انا سارا صديقة ندى
هند:هلا والله
سارا:اهلين فيك
راشد:وانا مالي رب ماتسلمين علي
سارا:مين قال هلا والله براشد
راشد:اهلين
سارا :كيفكم سمعت عندكم ولد اسمه سعود الله يعينكم عليه الصراحه كتبتوا على ولدكم بالجنون
سعود:الحين كتبوا على ولدهم بالجنون
سارا:اجل انا تقول عني مجنونه
راشد:خليها على ربك يامعوده
سعود:ماراح تفيدك سارا ترانا راجعين بكرا
راشد:انا قلت الصدق ما حب اكذب
نزلت سديم وفيصل اللي كان شايل ولد سديم وهم يضحكون بس فيصل اول ماشاف سارا اختفت ابتسامته بس تصرف سارا خلا ابتسامته ترجع
سارا:هلا هلا باللي بيسافر ويتركنا
فيصل:افا انا اخلي سوسو حبيبتي اختي
سارا:ماتوقعتها منك يافيصل تروح وتخليني
فيصل:ماصار شئ يلا روحي جيبي ملابسك
سارا:ههههههههه خلاص بس ربع ساعه وارجع
سديم:لا والله وانا تو اقولك خذني معاك تقول لأ
فيصل:والله انتي عندك احمد متى مابغيتي سفرك
سديم:اعوذ بالله من عينك
فيصل:ماشالله ماشالله ماقلنا شئ
قعدوا يسولفون ويضحكون وسارا عيونها ماشالتها عن فيصل اللي كان يحس بنظرتها بس يحاول يتحاشاها لانه مو قادر يحط عينه بعينها كان يحس بتأنيب الضمير على اللي سواه فيها بس ماكان عنده حل ثاني مايقدر يمثل الحب عليها وبعدين يجرحها وسارا كانت تصيح من جوا قلبها يحترق وهي تشوفه قدامها تتخيل لو انها ماتت قبل مايرجع وش بيتكون ردة فعله شالت هالافكار اللي براسها لما شافت ان فيصل يناظرها واشرها انها تلحقه للحديقه بس بعد مايقوم فيصل بخمس دقايق عشان محد يحس فيهم....
بالحديقه كان فيصل قاعد على العشب جت سارا وقعدت جمبه
سارا:ها فيصل بغيت شئ؟
فيصل:سارا ليش انتي كذا والله مو هاين علي اسافر وانتي متضايقه مني
سارا :مو متضايقه
فيصل:طيب احلفي انك مو متضايقه
سارا:.........
فيصل:شفتي انك متضايقه
سارا:لا تلومني شعور صعب اللي انا احس فيه الحين
فيصل:انا ما الومك بس لو بيدي احبك كان حبيتك بس مو ذنبي اني حبيت انسانه ماقدرتي وانتي حبيتي انسان قلبه مكسور
سارا:ماعاش اللي يكسر قلبك
فيصل:إلا تلاقينها الحين عايشه ومبسوطه وانا اللي مجروح وميت وهي مو داريه
سارا:طيب ليش ماتنسى الماضي
فيصل:حاولت وحاولت بس ماقدرت صعب انك تنسين جرح قاعد ينزف كل يوم انتي الحين ممكن تنسين الكلام اللي انا قلته
سارا:لأ
فيصل:اجل شلون تبيني انسى انسانه جرحتني وأوهمتني بحبها وبعدين رمتني زي الكلب
سارا:بسم الله عليك هي الكلبه مو انت
فيصل:سارا طلبـــــــــــــتك لا ترديني
سارا:تفضل
فيصل:مابي اسافر وانتي متضايقه
سارا:اذا وعدتني انك تكلمني كل يوم وتنتبه لنفسك
فيصل:وعد اكلمك اصلا انا اخذت صوره فيها انا وانتي وندى باسبانيا عشان مانساكم
سارا:خلاص كذا انا مو زعلانه
فيصل:اكيد
سارا:اكيد
فيصل:اجل وين ضحكتك اللي تخلي المتضايق يضحك
سارا:كيف اضحك واخوي مسافر
فيصل:عادي شوفيني انا اضحك(وضحك) ههههههههههههههههههههههههه هههههههههههههههههه
سارا:اكيد بتضحك لانك مسافر
فيصل:صح نسيت ابيك توعديني انك تدرسين كويس وتسهرين ليل ونهار عشان تصيرين المهندسه سارا
سارا:وعد ان شالله بتشوفني اكبر مهندسه بالسعوديه
فيصل:ماتبين تسلمين على اخوك قبل مايسافر
سارا:اكيد مدت يدها عشان تسلم عليه بس فيصل سحبها وخمــــــــــــها وبسها من راسها نزلت دموع سارا غصبن عنها بس مسحتهم
فيصل:مابي اشوف دموعك انا اعرفك قويه
سارا:ان شالله
فيصل:يلا اضحكي
سارا:بعدين
فيصل:بتضحكين ولا ترا بسوي شئ
سارا:يعني وش بتسوي
راح فيصل وجاب خرطوم المويه اللي يسقون فيه الزرع وقام يرشها فيه
سارا:ياحمار وقف
فيصل:انا قلتلك اضحكي
راحت سارا بتاخذ الخرطوم بس موقادره قعدت تحاولت وقعدت المويه ترش عليها وعلى فيصل وهم ميتين من الضحك
طلعوا سعود وندى يشوفون وين اختفوا لقوهم يلعبون
سعود:انتم ماتكبرون
سارا:والله اخوك هو اللي بدأ
فيصل:لا تكذبين
سارا:اقول اسكت وسحبت الخرطوم بقوه وقامت تركض ورا فيصل الين تبلل من كثر المويه
ندى:فيصل بس خلاص مايمديك الطياره باقيلها ساعتين بسرعه غير ملابسك وانتي(تكلم سارا)تعالي خذي من ملابسي لا تمرضين علينا
وقفوا سارا وفيصل لعب بالمويه وسمعوا كلام ندى وراحوا غيروا ملابسهم وبربع ساعه كانوا مخلصين وجت ساعه التوديع اللي الكل ماكان يتمنها سديم قعدت تصيح وام سعود وندى حتى هند قامت تصيح معاهم
فيصل:يووووه ترا ببطل واقعد
ام سعود:لا ياوليدي روح انت هناك حلمك
فيصل:اجل وقفوا مناحه حشى عزا هو
ابو سعود:خلاص ان شالله بأقرب اجازه بنروحله المانيا
ندى:فيصل لا تسافر
فيصل:دودي انا هناك حلمي مو انتي تبين تشوفيني دكتور؟
ندى:أي
فيصل:خلاص هناك انا بصير دكتور
سارا:فيصل الصراحه ودي اصيح بس ماقدر اكرهك
فيصل:وانا بعد بس حاولي نزلي دمعتين خذي من اللي حواليك ماشالله انهار من عيون
ندى+سديم:ههههههههههههههههه ههههههههههههههه
فيصل:أي اضحكوا
ندى:انتبه لنفسك وأول ماتوصل طمنا عليك
فيصل:ان شالله يلا مع السلامه
الكل:مع السلامه
فيصل:سارا ماوصيك على ندى
سارا:ماعليك منها الحين بترجع تضحك وبتخلي غرفتك غرفة ملابس
فيصل:والله لأذبحك ان لمستي شئ
ندى:محد قالك تسافر
ابو سعود:يلا يافيصل تأخرت عن الطياره
فيصل:يلا مع السلامه انتبهوا لنفسكم
اخذ شنطه وطلع مع سعود وراشد وراحوا بيت نواف واخذوا وقعدوا معاهم الين ركبوا الطياره...
هلي و ان جارت الدنيا عليه .. اوصيكم على روحي وصيه
انا مسافر و خلوا قليبي عندكم .. غصب عني ترا لا مو بيديه
اعذروني اذا سالت دمعتي .. و ذكروني اذا طالت غربتي
يا الدنيا لعبة الشاطر لعبتي .. و صرت للناس حمال الاسيه
يا دهري لا تحملني البلاوي .. انا المجروح ما لاقي اللي يداوي
ترا ع السفر ما كنت ناوي .. حكم حكم القدر غصب عليه
قبل ما اعوفكم يا اهلي كاني .. اشوف بغربتي حزني و اني
اذا صفيتوا بعيد عني .. اموت احسن و لا هذه الاذيه
هلي دمعات عيني بطرف رمشي .. و اذا غمضت عيني دموعي تمشي
اذا رحتم بيديه راح كل شي .. تروح الروح لو رحتم بيديه
بلاكم كيف انا اتحمل بلاكم .. و انا ورده وسط صحراء بلاكم
هواكم حطم قليبي هواكم ..شي يصير اكثر من اللي صار بيه
قعدت سارا مع ندى الين نامت لانها كانت بس تصيح مو قادره تتخيل البيت بدون فيصل كان صعب الشعور وبعدها رجعت سارا البيت وطلع غرفتها وهي تركض مو قادره تمسك دموعها اكثر قعدت تصيح وتسترجع كل الاحداث اللي صارت اليوم وقامت تصيح زياده الين نامت وهي تصيح....
في المدرسه الساعه 10 الصباح....
ريهام:سارا وش فيك اليوم هادئه مو بالعاده
سارا:لا بس تعبانه
ندى:تعبانه وكذا تقعدين ساكته
سارا:ممكن تسكتون وتخلوني اعرف اراجع الفيزياء
نوره:ليش الحين الاختبار
سارا:أي الحين ممكن تسكتون
استاذه الفيزياء:هدوء يابنات واللي اشوفها تغش من ورقة زميلتها بسحب الورقه علطول
وزعت الاستاذه الاوراق وكل البنات قاموا يحلون إلا سارا اللي اول مامسكت الورقه طارت كل المعلومات اللي براسها وتركت الورقه على جنب وحطت راسها على الطاوله ونامت
الاستاذه:مالك ياسارا معرفتيش تحلي
سارا:لأ
الاستاذه:بس الاختبار سهل جداً
سارا:بس انا ماعرفت احل
تركتها الاستاذه وراحت وكان بالفعل الاختبار مررا سهل بس سارا من اللي صار معاها امس مع فيصل خلها تنسى كل شئ,,انتهى دوام المدرسه رجعت سارا البيت ودخلت غرفتها ماكلت ولا شئ بس حطت راسها على المخده ونامت اما ندى راحت للمستشفى عند سلطان لانها من يومين ماراحت له دخلت الغرفه وكانت هدوء فهد منسدح على الكنبه ونايم سكرت الباب فصخت عبايتها وقعدت على الكرسي وقعدت تدعي ربها.....
صحيت من النوم على صوت الباب لقيتها ندى سويت نفسي نايم عشان بس اتأمل فيها سبحان الله ملاك نازل علي من السماء جمالها نعومتها كل شئ فيها ساحرني احبك احبك احبك.
فهد:هلا ندى
ندى:اهلين ازعجتك
فهد:لا عادي اصلا انا كنت قايم بس مالي خلق افتح عيوني
ندى:روح غير ملابسك وارتاح شوي انا بقعد عنده الين ترجع
فهد:مايهون علي اتركك بمكان لحالك
ندى:فهد
فهد:عيون فهد
ندى:روح غير ملابسك وارتاح شوي ماترجع قبل ساعتين
فهد:ان شالله من عيوني كم دودي عندي
طلع فهد وقعدت ندى تتأمل بسلطان وحالته صارله اكثر من اسبوعين على هالحال فجأة سمعت اصوات غريبه يطلعها سلطان وبدأت يده تتحرك قامت من مكانها بسرعه ودقت على فهد اللي كان تحت بيطلع من المستشفى اول مادقت عليه طلع يركض زي المجنون الين وصل الغرفه ونادى الدكتور اللي خلاهم ينتظرون برا عشان يشوف حالته اذا تحسن او مازل بالغيبوبه...
ندى:يارب يكون خلاص صحى
فهد:الله يسمع منك والله اني خايف
ندى:ليش؟
فهد تذكر ان محد يدري بالسالفه غير سارا:يعني ماخاف على صديق عمري
ندى:اكيد تخاف بس اول مرا تقولها
فهد:بس اذا دودي معاي انا مو خايف
ندى:اول شئ احنا بالمستشفى ثاني شئ عيب تقول كذا لاني مو زوجتك ولا خطيبتك ولا شئ
فهد:ثالث شئ اني احبــــــــــك
ندى:صدق فاضي
فهد:ليش؟
ندى:الحين صديقك بين الحيا والموت وانت تقول احبك
فهد:شكرا يا ندى مقبوله
قعدوا ساكتين ينتظرون الدكتور يطلع ويقولهم سلطان مات او حيا....
بعد ثلاث اسابيع من الغيبوبه وش صار بسلطان هل حركته يعني انه بيموت او سوف يعود للحياة من جديد ورجوعه هل سيغير مجرى حياة ابطال القصه ام لا هل سيكون قد فقد شئ حاسه من حواسه ام ان هناك معجزه من الله ستجعله يقوم بدون فقد أي شئ؟؟؟
|