[فيتامين سي]

عند رشا وحسام....
جاي يتمشون ولازمين ايدين بعض
حسام:جعتي؟
رشا:اي والله
حسام:امشي نروح لمطعم نتعشة
رشا:ماشي
تمشو شوي لحد ماوصلو للمطعم...دخلو وگعدو ع طاولة وطلبو العشا وانتظرو يوصل
حسام:حياتي
رشا:هلا
حسام:يمتة تفاتحين فارس بالموضوع
رشا:ياموضوع؟
حسام:موضوع الطلاق...والله بعد مااصبر...حتة ماگدر اتحرك براحتي احس نفسي متقيد
رشا:والله ماجاي تصيرلي فرصة اگلة... مشغولة كلش....بس ان شاء الله هاليومين اگلة
حسام:ماشي...حتة بس تتطلگون وراها بأسبوع اجي انا اخطبج
رشا تفاجئت:شبسرعة اسبوع
حسام بجدية:حياتي احسن...عالمود محد يگدر يحجي بعد...شوفي من اجي اخطبج رأسن توافقين ونخلي الخطوبة خلال اسبوع تتم اهم شي تصيرين ع ذمتي...تالي العرس بكيفج شوكت ماتردينة نسويه...ع راحتنة
رشا متحيرة:بس مالحگ هيج
حسام:الخطوبة مو ألا نسويها كلش جبيرة...حفلة ع السريع ع الي تگدرين تجهزينة وتعوضين كلشي بالعرس...العرس خليه براحتج وجهزي كلشي براحتج والي ترديه سويه ولا تفكرين بالمصاريف نهائي اهم شي تسوين الي بخاطرج بي
رشا ابتسمت:ماشي...حلو هيج

اجة النادل وحط العشا ع الطاولة...
حسام:يلا اكلي

____________________________
عند رنيم وبهاء...
جانو گاعدين بالمطعم توهم مخلصين عشا
رنيم:بيش الساعة نرجع؟
بهاء رفع ايدة وشاف الساعة:هسة ب9 ع الساعة ب11 ارجعج
رنيم:ماشي
بهاء:بودج ترحين لمكان؟
رنيم تفكر:ممممم...ها شنو رأيك نروح للكورنيش؟
بهاء ضحك:ههههه اكره هذا المكان
رنيم:ليش؟
بهاء:امشي نروحلة واگلج ليش اكرها
رنيم:يلا

گامو ودفعو الفلوس وطلعو من المطعم...توجهو لسيارة بهاء وركبو وراحو للكورنيش
ربع ساعة ووصلو..نزلو وگعدو ع مصطبات ع الشط
رنيم بفضول:يلا گلي ليش تكرها
بهاء:هههه مسعجلة
رنيم:هههههه بعد ماتعرف فضولي
بهاء ابتسم والتفتت للشط وبهدوء:لأن هنا انگطعت علاقتنة
رنيم سكتت...تكره هذا اليوم كلش
بهاء التفت عليها:عرفتي ليش اكرها
رنيم هزت راسها بدون ماتلتفت اله وماردت
بهاء حط اصبعة ع ذقنها ورفع راسها بهدوء:رنومتي
رنيم بهدوء:ممم
بهاء:شبيج؟
رنيم بهدوء:مابيه شي
بهاء حط جبهتة ع جبهتها وتلامست انوفهم ولزم ايديها
بهاء بهمس:اعشقج
رنيم:وانا اموت عليك
بهاء اخذ نفس عميق وكأنة يسحب انفاسها:اعشق انفاسج
رنيم:وانت انفاسي
بهاء ضحك:ههههه يعني مايصير اغلبج
رنيم وابتعدت عنه:ههههه ماتگدر
بهاء بثقة:منو گال ماگدر اغلبج
رنيم:وشلون بلة
بهاء غمز:بليلة الدخلة تعرفين شلون
رنيم فهمت قصدة وگبت نار:منحرف
بهاء:ههههههه شگلنة احنة حتة منحرف...لعد من نتزوج شرح تسوين
رنيم بغباء:ليش شتسوي
بهاء ضحك عليها:ههههههههه گولي شنو مااسوي
رنيم:يمة تخوف
بهاء:لا حبي انا مااخوف بس هاي سنة الحياة
رنيم باوعتلة بنص عين:عود هسة انت كحلتها
بهاء:هههههههههههههه
رنيم نطت:زين اگول
بهاء:هههههه بسم الله شبيج
رنيم:ههههه مابيه شي بس اگول
بهاء:گولي
رنيم تلف وتدور:بما ان هسةاحنة گاعدين هالگعدة الحلوة الجميلة والمزاج رايق...اكو سؤال ببالي من زمان اريد اعرف جوابة
بهاء:وهو؟
رنيم بحذر من ردة فعلة:تتذكر لمن انفصلنة عن بعض...جان سبب الانفصال هو ان ابوك جبرك تتزوج وحدة عالمود مصلحة...ليش ماتزوجت...اقصد يعني بمعنى ادق شلون منعت هذا الزواج
بهاء:ممممم....سالفة طويلة
رنيم بحماس:اي سولفلي عفية...ماعدنة شي
بهاء:ههههه اويلي ع فضولج
رنيم:ههههههههه يلا سولف سولف
بهاء:منين تردين نبدي؟
رنيم:من اول ماانفصلنة
بهاء استعدل بگعدتة:شوفي عيني
رنيم مركزة:اي
بهاء:من انفصلنة بوقتها انا صح تأذيت...ورجعت للبيت تعبان ومنهار...بس انا جنت حالف ع نفسي يااتزوجج انتي ياماكو زواج...لهذا گعدت افكر...گلت اذا اضل هيج منعزل ع نفسي وانتظر الحكم ماحتصيرين الي...وخاصة بوقتها جنتي صغيره يعني ممكن بسهولة تنسيني وتحبين غيري ف كلش تخوفت وردت افكر بحل بأسرع وقت
رنيم قاطعتة:انا اصلاً ماجنت اهتم بالحب لأن من بعدك فقدت هذا الشعور
بهاء ابتسم:فديت گلبج
رنيم:هههه تفديك عيوني...يلا كمل
بهاء:اي...انوب خطرت ع بالي فكرة...بما اني وحيد اهلي ف طلباتي اوامر لكن بالمقابل انفذ طلباتهم ف گلت لأبوي خل اسافر ادرس طب جراحة ببرطانيا...بالبداية رفض ألا اتزوج يلا اروح...انا گتلة اروح ادرس هناك سنتين او ثلاثة واثبت اموري تالي ارجع اتزوج واخذ زوجتي ونروح هناك لحد مااكمل دراستي...ف وافق...طبعاً ابد ماجنت ناوي اتزوج بس هاي حجة حتة يقبل...المهم رحت هناك ودرست واجتهدت بدراستي وهناك ظليت افكر بحل يخليني اقنع ابوي مااتزوج ف خطرت ع بالي شغلة هي مخاطرة بس سئلت دكاترة عليها هناك وعرفتها وتعلمتها
رنيم عقدت حواجبها:شنو الي تعلمتة
بهاء:صبري....المهم خلصت سنتين ووصلت لمستوى عالي جداً بسبب ذكائي واجتهادي بحيث جنت اخذ كلة الاول ع دفعتي ...المهم رجعت للبلد...رحبو بية وكذا ورا يومين اجة ابوي...گلي اكيد جاي عالمود تتزوج..انا اخذت حذري واحتياطاتي...ف گتلة لا موعمود اتزوج...هو عصب بس لزم نفسة وسئلني...لعد ع شنو؟...گتلة جاي ازوركم مشتاقلكم...گلي ويمتة ناوي تتزوج الناس ينتظرون...گتلة گلهم ماكو نصيب...تفاجئ كلي شلون يعني...گتلة يعني زواج مااتزوج...عصب وانفعل وگال غصباً عليك تتزوج...انا عصبت هم وصارت مشادات كلامية بينة تالي گلي اذا عصيت امري اتبرا منك...جنت متوقع هذا الحجي منة ف گتلة لا تتبرا لأن رح اريحك مني...وطلعت بسرعة من الصالة ورحت لغرفتي فتحت المجر وطلعت سكين صغير ورحت للحمام...ترست البانيوا ماي وگعدت بي...اخذت السكين وسميت بلله...تالي كصيت ايدي...ورأسن ضلت تنزف
رنيم شهقت:هئ....انت مخبل...تنتحر ياغبي عالمود بنية...شبيك انت ماتخاف ربك
بهاء يهدي بيها:اهدي شبيج...طبعاً اخاف ربي...يعني بربج شايفتلج واحد يريد ينتحر ويگول بسم الله قبل لايگص ايدة
رنيم بانفعال:لعد شلون گصيت ايدك انت
بهاء:من جنت ببرطانيا مو گتلج خطرت ببالي شغلة ودرستها وتعلمتها
رنيم:اي؟
بهاء:الشغلة هي شلون اگص ايدي من يم الوريد بس بدون مااگص الوريد...يعني فقط اوهم الي گبالي اني انتحرت
رنيم تفاجئت:ويصير هيج شي؟وشلون گدرت عليه؟
بهاء:هي الشغلة خطرة ويرادلها حذر وانسان متمرس...بس بعالم الطب وخاصة الجراحة القسم الي انا بي..الجراح كلشي يگدر يسوي
رنيم:اهااا....زين وشصار بعدها
بهاء:بعدها بدقايق وانا بالبانيو سمعت صوت باب غرفتي ينفتح...ف رأسن سويت نفسي تعبان وگان صدگ انتحرت ودمي خلص...شوي ودخلت امي للحمام وشافتني بهذا المنظر...اخترعت ووگعت ع ارضية الحمام وگامت تصرخ انا وجعني گلبي عليها لان امي مومثل ابوي كلش حنونة وماتغصبني ع شي...لأن انا بنظرها رجال وحر بتصرفاتي وهاي حياتي...المهم بس جان لازم اكمل الخطة...ف ثواني واجة ابوي ع صوت صريخ امي ودخل للحمام وشافني بهذا المنظر...انصدم...رأسن ركض دگ ع الاسعاف ورجع طلعني من البانيو وكذا وكذا المهم صارت هاي الخبصة مال المستشفيات وكذا...تالي وانا نايم بالمستشفى...اجاني ابوي وگلي بعد مااتدخل بحياتك وانت حر بيها...انت جبير بمافيه الكفاية الي يخليك تتحمل مسؤولية نفسك...وانا اسف ع كل الي سويتة الك...من بعدها ابوي تغير وماصار يتحكم بية...وانا فترة ورجعت لبرطانيا وبغضون مدة قصيرة تفوقت وتخرجت من دراستي وبعد سنة رجعت للبلد وجانت هدية تخرجي وحصولي ع الشهادة بأمتياز هي المستشفى الي هسة بأسمي...من ابوي...ضليت فترة ارتب اموري بالمستشفى واثبت نفسي كطبيب جراح شاطر بالبلد وتالي گلت اشوف اذا انتي متزوجة او لا حتة اتقدملج وجان عندي امل جبير انو تصيرين الي...لحد اخر شي صار حادث فارس وشفتج صدفة...انتي ماعرفتيني ولا انا عرفتج بالبداية بس جان ينتابني شعور لمن اشوفج ومن عرفت اسمج شكيت ف سئلتج عن اسم ابوج والعشيرة بحجة تشابه اسماء وهكذا وصلت الج وصرتي الي
رنيم ساكتة ومتأثرة ودموعها اربع اربع
بهاء:ههههههه بس اريد اعرف ع شنو البجي
رنيم:هئ مادري
بهاء اخذها بحضنة ويضحك عليها:هههههههه فديت حبيبتي الحساسة
______________________________
عد هبة...
گاعدة بغرفتها وتخابر وتتراجف من الخوف
...........بصرامة:بعد بكرا اجي افتهمتي
هبة بتلكأ:ا ان شالله
..........:مثل مافهمتج
هبة:اوك
...........:يلا انگلعي
سد الخط بوجهه
هبة نزلت الفون وتأكدت ان الخط مسدود
طلعت رقم فادي وتباوع عليه وتفكر بشغلة
_______________________
عد فارس...
تو رجع للبيت...دخل لغرفتة حط سويجة والفون والبوك...نزع ملابسة وشمرهم ع القنفة ودخل للحمام...اخذ دوش سريع وطلع لبس بجامة البيت ...وگف گبال المرايا وسرح شعرة الي طولان زيادة وعطر جسمة واخذ الفون وراح شمر روحة ع السرير
اتصل ع جوري
ردت:الو
فارس ابتسم ع صوتها:مرحبا
جوري:مرااحب
فارس:شلونج
جوري:تمااام
فارس:ههههه من الگلب طالعة
جوري:ههههه...لحظة حبيبي

ثواني ورجعت:اجيت
فارس:هلا بهالجية...وين رحتي؟
جوري:طلعت من الصالة ورحت للحديقة
فارس:ليش
جوري:مو صديقاتي يمي
فارس:اهااا...المهم ماعلينه...سولفيلي شسويتي ماسويتي اليوم

گعدو يسولفون سوا وجوري نست البنات والتهت وي فارس
___________________________
عد رشا وحسام...
جانو يتمشون وصارت الساعة ب11
اتصل بهاء ع حسام وگلة يجيب رشا للمكان الي اتفقو عليه حته يرجعهم بهاء للبيت
ركبو السيارة ودقايق ووصلو
نزلت رشا من سيارة حسام وركبت سيارة بهاء
سلم بهاء ع حسام
حسام:مشكور تعبتك وياي
بهاء:لا ابد لاتعب ولا شي بالعكس ريحتنة
حسام:هههههههه...عالوا والد المرة دايماً مايقبل تطلعون لوحدكم
بهاء:هههههه مصلحة...ومنو گلك حندز عليك المرا الجاية
حسام:ماتگدر الا تدز علي
بهاء:ههههه يلا اشوفك ع خير
حسام:في امان الله

ركب حسام سيارتة وراح للبيت وبهاء ركب السيارة وتوجه لبيت رنيم ورشا
بالسيارة ...
رنيم:بهاء ودينة لبيت جوري
بهاء عقد حواجبة:شتسوون بهالوقت
رنيم:هناك صديقاتنا مجتمعات يم جوري ورح يباتون ف نروح انا ورشا نبات وياهم
بهاء:اول گلي لإهلج شوفيهم اذا يقبلون
رنيم:مايگولون شي
بهاء:ميخالف انطيهم علم
رنيم:ماشي
طلعت فونها واتصلت ع امها
ردت:الو
رنيم:هلو ماما
سعاد:هلا...وين صرتي يمتة تجين؟
رنيم:ماما انا ورشا رح نبات يم جوري اليوم
سعاد:يعني هسة انتي ببيت جوري؟
رنيم:لا بالطريق بهاء رح يوصلنة انا ورشا
سعاد:اهااا ماشي
رنيم:يلا بيباي..تصبحين ع خير احبج
سعاد:وانتي من اهلة حبيبتي
سدت الخط:ماگالت شي
بهاء:اوك

دقايق ووصلو لبيت جوري
رنيم:يلا بيباي
بهاء:لحظة
رنيم:شنو
بهاء:اريد بوسة
رشا استحت:اححم...انا نازلة رنيمو انتظرج يم الباب
رنيم:ماشي
بهاء:شگد حلوة هاي البنية ...تفهمها ع الطاير
رنيم:ههههههه
بهاء:يلا بوستي
رنيم باستة بسرعة ع خدة
بهاء:هاي شنو؟!!....وين اخليها هاي
رنيم:لعد شتريد؟
بهاء:انا اگلج شريد
انحنة عليها وحط ايدة ع رگبتها وباسها من شفايفها
ابتعد عنها:هذا الي اريده
رنيم استحت:احم...اوك
بهاء:ههههه...تعاي اشاورج
رنيم:شنو؟
بهاء:قربي ذانج
رنيم قربت...بهاء همس بذانها..احبج...انحنة عليها وطبع بوسة ع رگبتها
رنيم بهدوء:بهاء كافي لايبين
بهاء مندمج:عادي مابيها شي
رجع باسها وترك اثر ع رگبتها
رنيم مستحية:هسة الي يشوفها شيگول
بهاء ابتسم:حبيبي عادي ماسوينه شي غلط...واذا تردين اخفيها بشعرج
رنيم:ماشي
بهاء لزم ايدها وباسها:يلا حياتي روحي رشا تنتظرج يم الباب
رنيم:ماشي...يلا بيباي
بهاء:باي
نزلت رنيم من السيارة وراحت لرشا
رشا:بعد وكت جان ماجيتي
رنيم:ههههه...امشي امشي
دخلو للبيت...شافو جوري گاعدة ع الكرسي بالحديقة ورافعة رجليها ع الكرسي والفون بذانها وتتبسم
وحدة باوعت للثانية بخباثة ورجعو التفتو ع جوري...مشو ع كييف...واجو من وراها وكل وحدة من جهه صرخت:شجااي تسوييين
جوري صرخت صرخة هزت البيت بكبرة
مرام وهبة وزينة طلعو يركضون ع صوت صريخ جوري ....شافو رنيم ورشا واگعات ضحك ع منظر جوري الي مرعوبة
هبة ركضت وحضنتها لان مبين عليها كلش مرعوبة:ششش حبيبتي اهدي اهدي ماصار شي
فارس سمع صوت صرختها وگلبه راح بيها من الخوفة:جوري..الووو جووري ردي
جورت رفعت الفون وصوتها يرجف:الو
فارس بخوف:شبيج شصاير
جوري:لا ماصار شي بس اخترعت
فارس:انا سمعت واحد صاح عليج
جوري ابتعدت عنهم:هاي رنيم ورشا اجو ع اساس يتشاقون وياي وخرعوني
فارس:انا جاي
جوري بسرعة:لالا...وين جاي...هذاهو ماصار شي هيج جاي نتشاقة
فارس بعصبية:ماشي...اوريهم هذن الثنين بس خلي يجن باجر
جوري تهديه:فارس حبيبي ماتسوة السالفة هذاهو انسة
فارس يسلك:ماشي الله كريم
جوري:زين انا رايحة البنات تاركتهم وحدهم ناسيتهم
فارس:ماشي حياتي...انتبهي لنفسج
جوري:اوك..يلا بيباي
فارس:باي...احبج
جوري:اعشقك

سدت الخط جوري ودخلت جوا يم البنات...طبعاً اول مادخلت هجمت ع رشا ورنيم وبلشو معركة ومرام وزينة يردون يفكون بينهم مايگدرون اخر شي من نفسهم تعبو وگعدو وتالي گعدو كملو السهرة سوا....ويوم ثاني العصر كلمن رجع للبيت ورنيم ورشا اول مادخلو للبيت لگو فارس واگفلهم بالباب منتظرهم...عرفو ليش واگف رادو يشردون بسرعة بس طبعاً وي يگدرون لفارس كضهم فارس واخذولهم كم ضربة ع الراس وكم كلمة وراحو
وعدا اليوم عادي بدون اي احداث
___________________________
الثلاثاء...الصبح ساعة 11 am
ببيت جوري...
توها گاعدة من النوم وبعدها بالبجامه البرمودة وگاعدة بغرفة الطعام وجاي تتريگ
دخلت عليها هبة ومبدلة
هبة:انا رح اطلع معزومة عند صديقة...ع العصر اجي
جوري:ماشي
هبة بحذر:انتبهي لنفسج ولاتفتحين الباب لأين كان
جوري:ان شاء الله
هبة صفنت عليها شوي ومتندمة من رح تسويه بس موبيدها
جوري استغربت:بيج شي
هبة بارتباك:ها..لالا ماكو شي يلا بيباي
جوري:اهلا
طلعت من البيت بسرعة
جوري هزت اكتافها بدون اهتمام ورجعت تاكل
مرت دقايق
حست بحركة يمها...رفعت راسها وشافتة واگف گبالها...طاحت قطعة التوست من ايدها وتباوع مصدومة وگلبها ضل يرگع من الخوف....عرفت شنو رح يصير وعرفت مالها مفر
.........بأبتسامة شريرة:جوري شلونج
جوري ترجف:ش..شتسو وي ج جا ا ي هنا
........بمزاج رايق:افاا هيج الواحد يستقبل الضيف
تقدم ناحيتها وجوري متجبسة بمكانها...رجليها ماتتحرك من الخوفة وترجف مثل الورقة
وصل يمها وع اخر لحظة جوري تحركت اجزاءها...بسرعة رادت تشرد بس لزمها بسرعة من ايدها وجرها ناحيتة ووووووو
جوري صرخت بكل صوتها:لاااااااااااااااا
____________________________
عد فادي....
بغرفتة جاي يبدل حتة يروح للشغل....
جاي يلبس الجينز وسمع صوت الفون...اخذه وشافة رقم غريب
رد:الو
صوت خايف:انت فادي
فادي استغرب:اي فادي...منو وياي
برجفة:بسرعة الحگ ع جوري ببيتهم...دخل عليها واحد
فادي انصدم:شلووووون.....منو انتي
.......بصوت يبجي:موووو وكتها الله يخليك بسرعة الحك عليها
فادي بسرعة ترك الفون واخذ تيشيرتة وسويج البورش وطفر بسرعة
طلع من البيت ركض وهو يلبس التيشيرت وركب السيارة وبسرعة شخط بيها ع بيت جوري........





انتــــــهى البــــارت.....

توقعاتكم...ارائكم...ردودكم